Yohánese 19
19
1Kó Piráta a ma járá anáá vá endá na Yésusu índi vá me túné nkásá. 2Visímbi ví ma nová ekátá na twerí tá céndé o me hɔ́kéena na ucé owunde o me vaá cunú éjé boótoto. 3Vá me kerenámó bérebe váye naá anáá: «To a wo vétiyé ahumu rá va Yúdene!» Kó vá ma me cúpé emberé. 4Piráta a wundámó ohúmé hée na oŋgendɔ úndyé kó a ma járá na ncumbí wa vato ójó a ma ríi ɔ́wɔ́ anáá: Óváno mbaŋgámó o nó uréna na Yésusu ará na naŋgátémó índi no jembe anáá noó ta ená até éyé vá géremenámó osómbéna moto ojó ntóró neyé. 5Kó Piráta a ma húmé na Yésusu Ábya ekátá yá céndé na cunú boótoto. Piráta a ma járá nawó anáá: «Moto kóojó!» 6Ará vagónó vá vacekiye mómí na vato ává vá katé gíré yanje yá Irɔŋgɔ vá ma ená Yésusu, vá ma késyé orume anáá: «O me obáánámó na koroso! O me obáánámó na koroso!» Piráta a ma járá nawó anáá «Ndáno me obáana vinó maté na koroso, esene éyé noó ta ená até éyé a má eŋgá ukú ójó anáá vá me oná.» 7Va Yúdene vá me wundiyámó anáá: «To timbámó mbéndɔ́ ra visó, kó to a néméná mbéndɔ́ mwané wusi, a geremenamó ugwé esene éyé a mó járá anáá a ámó Mwáná Irɔŋgɔ.» 8Ará Piráta a ma ová enjárá mwané, wohwá wó ma me ambááná hée nasesi. 9A ma wundé na yanje kó a ma súsé Yésusu anáá: «O endámó uré háá?» Yésusu ka me wundiye epéŋgé. 10Piráta a ma járá naá anáá «O ta diŋgé anáá o ŋgundiye? O ta jembé anáá timbámó ŋguru éjé anáá ŋgo wo mice kó timbámó hónó ŋguru éjé anáá ŋgo eŋga anáá vá wo obáana na koroso?» 11Yésusu a ma me wundíyé anáá: O ta hítí o ŋgeŋga wandá wá ríi ka rií anáá Irɔŋgɔ á mó wo atɔ́wena. Wandá mwané kówo ojo a má kúsááná name na mámó a byámó ekáné ncémé o wo tómbá. 12Okésyé ówó na itíndíkáná mwané, Piráta a katé sɔ́sɔ́ anáá a mice Yésusu kó njwé rá va Yúdene í katé rume anáá: «Ŋgé wo a micé moto omójo, o ta ámó mbérá wa ogónó wa ahumu esene éyé moto ójó a ma járá anáá a ámó ahumu a ámó ombeembéná wa ogónó wa ahumu.» 13Ará Piráta a ma ová vipéŋgé mwané, a ma endá na Yésusu na naŋgáté kó a ma nuumáná na undií ra va rɔ́yá na pando éjé vá béráanámó anáá Ritostorótoso, va Yúdene vá béráana anáá «Gabáta.» 14Wó ma ríi anáá ibínó yá pásáka é ámó nemberi, hɔrɔ́ twéfe a etá berebe. Piráta a ma járá na va Yúdene anáá: «Ahumu rá vinó káajá!» 15Kó vá ma késyé orume anáá: «A geremenámó ogwé! A geremenámó ogwé! O me obáánámó na koroso!» Piráta a ma járá nawó anáá: «Yé ŋgeremenámó wobáana ahumu rá vinó na koroso?» Vagónó vá vacekiye mómí vá ma járá anáá: To ta timbé ahumu éndyé bɛ́ŋ ogónó wa ahumu. 16Kó Piráta a ma wó hwá Yésusu anáá vá me obáana na koroso.
Vá ondáanámó Yésusu na koroso
(Mat 27:32-44; Már 15:21-32; Rúk 23:26-43)
Kó vá ma endá sɔ́ náá. 17Yésusu a ma urúkyé na oŋgórá ómwané maté a byá koroso raá kó a ma endá na pandó ra Ekpókóró yá ucé éjé vá béráanámó na enjárá ra eberéyá anáá Gorogóta. 18Ɔ́wɔ́ kówo visimbi ví ma ondááná Yésusu na koroso orɔŋgɔ na vato ávámó vává oojó na ombɔɔ́ rá enémé, ojomo na ombɔɔ́ rá vakótó, Yésusu ómwané na raaté. 19Piráta a ma erééná hée ŋguru anáá vá tíre aŋgóŋgí na akɔ́kɔ́ índi vá obáana na koroso, kaá na akɔ́kɔ́ mwané vá tíre anáá: «Yésusu ójó na Nasaráte, ahumu rá va Yúdene.» 20Va Yúdene mbunu vá ma ráŋá ntiréná mwané esene éyé pando éjé vá ma obááná Yésusu na koroso e ma ríi berebe na oŋgóra kó honó ntiréná í ma ríi na enjárá ra eberéyá, na enjárá ra va raténe orɔŋgɔ na to geréke. 21Kó vagónó vá vacekiye mómí vá ma járá na Piráta anáá: «O ta geréméná otire anáá: Ahumu ra va Yúdene, o mó géremena otire anáá: Moto ojó a má járá anáá: Ndo ámó ahumu rá va Yúdene.» 22Piráta a ma wó wundíyé anáá: «Até éyé ŋgo mó tíre é ríiríyámó tirétíré.»
23Ará visimbi ví ma maná wobáana Yésusu na koroso, kó ví ma wɔ́rɔ́ cunú ráa otáŋgáana petí iní, ámó mwaná wa visimbi owɔ́rɔ́ petí imwesií. Vá ma wɔ́rɔ́ honó renekóta waá, a ta ma rií raté ráté, a ma ríi nowérí pumbú imwesií okésyé ówó meníyé ohúmé mweesye. 24Visímbi ví katé járá vámwané na vámwané anáá: «Visó ka sará renekóta ojó, ŋgáno to no sává na mbe índi to no ená áné ójó a cánámó naá,» ukú ójó anáá até éyé aŋgóŋgí ájá mwáŋ mwáŋ á járámó wó eŋgávena, esene éyé wó ámó tirétíré anáá: «Vá ma táŋgáána cunú ramé owunde osává renekóta wame na mbe.» Naná honó kówo visimbi ví ma eŋgá.
25Netí Yésusu ójó Maráyá na erená yáa, Maráyá ójó eéné Koropása na Maráyá ójó na Magadára vá katé téné na kɔ́ŋgɔ́ ra koroso ra Yésusu. 26Ará Yésusu a ma ená netí orɔŋgɔ na ehoóhóná éyé a katé diŋge, Yésusu a ma járá na neti anáá: «Okótó, ombwene rɔɔ́ kóojó.» 27Kó a ma járá hónó na ehoóhóná eméye anáá: «Nowétí kóomó.» Kaá okésyé ówó na itíndíkáná mwané, ehoóhóná eméye é ma endá na Maráyá na yanje yáa.
Nugwé ná Yésusu
(Mat 27:45-56; Már 15:33-41; Rúk 23:44-49)
28Na nimé raá, ámó Yésusu a ma jembé anáá wandá wimé wó mána, kó a ma járá anáá: «Nití nó tímbámó.» A ma járá naná ukú ójó anáá até éyé é ámó tirétíré na va kárate ává mwáŋ mwáŋ yó eŋgávena ondo húmé na mamana. 29Kúrí emo e ma ríi ɔ́wɔ́ táásé na vigéríyé vyá matéyá. Visimbi ví ma jumíyé isímbí yá cunú na vigéríyé vyá matéyá mwané, ohíté na párá ra mwaná wa werété ówó vá béráanámó anáá isópo, kaá okirye na uŋgúté rá Yésusu. 30Ará Yésusu a ma wɔ́rɔ́ vigéríyé vyá matéyá imíví, a ma járá ayáá: «Wimé wó mána!» Kó a ma joŋgómiyé ucé otómbá ogwé.
Vá bóronámó Yésusu isámá
31Amó wó ma ríi isí éyé vá katé heéhenda sábata, njwé rá va Yúdene vá ta ma ré diŋge anáá mbimbe í rií na máná ra koroso isí yá ihuwe esene éyé isí yá ihuwe mwané mwané é katé ríí na mpí mbunu. Wandá mwané kówo vá ma endá ená Piráta o me súsé anáá a eréena ŋguru éjé anáá vá wó báŋgóna embenɔ ukú ójó anáá vá wó uríye na koroso. 32Kó visimbi ví ma uré, obáŋgóna moto wa makésyé embénɔ, obáŋgóna honó ra ojo tii. 33Ará vá ma húmé na Yésusu, vá ma ená anáá a ogwé kó vá ta ma me báŋgóna embenɔ. 34Kó umwesií ójó na visimbi a ma boróná Yésusu isámá na ijɔŋgɔ́ náa, miné na matéyá ohúmána. 35Moto ójó a ma járá enjárá ejé a ma ríi wúsinete na até éyé é ma tómbávéná kó até éyé a ma járá é ámó vatɔ́ɔ́tɔ́, ómwané maté a jembámó anáá até éyé a ma járá é ámó vatɔ́ɔ́tɔ́ ukú ójó anáá vinó honó no atɔ́wɔ, 36esene éyé mamba amáma má ma tómbávéná ukú ójó anáá até éyé aŋgóŋgí ájá mwáŋ mwáŋ á ma járá anáá: «Etété yáa émwéesií é ta mó manjávena.» Wó eŋgávena. 37Kó aŋgóŋgí á járámó hée pandó indyeé anáá: «Vá mó enámó ojo vá ma boróná.»
Vá váámó Yésusu naáté yá evérá
(Mat 27:57-61; Már 15:42-47; Rúk 23:50-56)
38Na nimé raá, Yóseve ójó na Arimatéya ójó a ma ríi ehoóhóná yá Yésusu éyé na asɔɔ́ esene éyé a kate tíné njwé rá va Yúdene, a urámó va ena súsé Piráta ŋguru anáá a wɔ́rɔ́ mbimbe rá Yésusu, Piráta atɔɔwɔmó kó Yóseve endámó wɔ́rɔ́ mbimbe ra Yésusu. 39Nikodéme ójó a ma endá ená Yésusu na wutúú, a ma uré na arábínde ójó a ma ríi buríyé búríyé na arowése, a je nywá kíro mɔ́wɔ́ mátátó. 40Vámwané bimé vává vá ma wɔ́rɔ́ mbimbe ra Yésusu, ohíté na va béndíse hɔ́rɔ́ vá súunana arebínde. Wó ámó ntumu ra va Yúdene táma éjé vá títánámó mbimbe. 41Na pandó éjé vá ma obááná Yésusu na koroso, apúú vaná vá maráté má va paráwa á ma ríi ɔ́wɔ́ kó naáté yá apúú mwané evérá é ma ríi ɔ́wɔ́ éyé vá ma ríi vá arɔ́wɔ́ ka vaá moto ɔ́wɔ́. 42Amó wó ma ríi isí éyé anáá sábata wa va Yúdene a ámó nemberi, Yóseve nawó na Nikodéme vá ma váá Yésusu na evérá eméye esene éyé é ma ríi berebe.
ទើបបានជ្រើសរើសហើយ៖
Yohánese 19: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 19
19
1Kó Piráta a ma járá anáá vá endá na Yésusu índi vá me túné nkásá. 2Visímbi ví ma nová ekátá na twerí tá céndé o me hɔ́kéena na ucé owunde o me vaá cunú éjé boótoto. 3Vá me kerenámó bérebe váye naá anáá: «To a wo vétiyé ahumu rá va Yúdene!» Kó vá ma me cúpé emberé. 4Piráta a wundámó ohúmé hée na oŋgendɔ úndyé kó a ma járá na ncumbí wa vato ójó a ma ríi ɔ́wɔ́ anáá: Óváno mbaŋgámó o nó uréna na Yésusu ará na naŋgátémó índi no jembe anáá noó ta ená até éyé vá géremenámó osómbéna moto ojó ntóró neyé. 5Kó Piráta a ma húmé na Yésusu Ábya ekátá yá céndé na cunú boótoto. Piráta a ma járá nawó anáá: «Moto kóojó!» 6Ará vagónó vá vacekiye mómí na vato ává vá katé gíré yanje yá Irɔŋgɔ vá ma ená Yésusu, vá ma késyé orume anáá: «O me obáánámó na koroso! O me obáánámó na koroso!» Piráta a ma járá nawó anáá «Ndáno me obáana vinó maté na koroso, esene éyé noó ta ená até éyé a má eŋgá ukú ójó anáá vá me oná.» 7Va Yúdene vá me wundiyámó anáá: «To timbámó mbéndɔ́ ra visó, kó to a néméná mbéndɔ́ mwané wusi, a geremenamó ugwé esene éyé a mó járá anáá a ámó Mwáná Irɔŋgɔ.» 8Ará Piráta a ma ová enjárá mwané, wohwá wó ma me ambááná hée nasesi. 9A ma wundé na yanje kó a ma súsé Yésusu anáá: «O endámó uré háá?» Yésusu ka me wundiye epéŋgé. 10Piráta a ma járá naá anáá «O ta diŋgé anáá o ŋgundiye? O ta jembé anáá timbámó ŋguru éjé anáá ŋgo wo mice kó timbámó hónó ŋguru éjé anáá ŋgo eŋga anáá vá wo obáana na koroso?» 11Yésusu a ma me wundíyé anáá: O ta hítí o ŋgeŋga wandá wá ríi ka rií anáá Irɔŋgɔ á mó wo atɔ́wena. Wandá mwané kówo ojo a má kúsááná name na mámó a byámó ekáné ncémé o wo tómbá. 12Okésyé ówó na itíndíkáná mwané, Piráta a katé sɔ́sɔ́ anáá a mice Yésusu kó njwé rá va Yúdene í katé rume anáá: «Ŋgé wo a micé moto omójo, o ta ámó mbérá wa ogónó wa ahumu esene éyé moto ójó a ma járá anáá a ámó ahumu a ámó ombeembéná wa ogónó wa ahumu.» 13Ará Piráta a ma ová vipéŋgé mwané, a ma endá na Yésusu na naŋgáté kó a ma nuumáná na undií ra va rɔ́yá na pando éjé vá béráanámó anáá Ritostorótoso, va Yúdene vá béráana anáá «Gabáta.» 14Wó ma ríi anáá ibínó yá pásáka é ámó nemberi, hɔrɔ́ twéfe a etá berebe. Piráta a ma járá na va Yúdene anáá: «Ahumu rá vinó káajá!» 15Kó vá ma késyé orume anáá: «A geremenámó ogwé! A geremenámó ogwé! O me obáánámó na koroso!» Piráta a ma járá nawó anáá: «Yé ŋgeremenámó wobáana ahumu rá vinó na koroso?» Vagónó vá vacekiye mómí vá ma járá anáá: To ta timbé ahumu éndyé bɛ́ŋ ogónó wa ahumu. 16Kó Piráta a ma wó hwá Yésusu anáá vá me obáana na koroso.
Vá ondáanámó Yésusu na koroso
(Mat 27:32-44; Már 15:21-32; Rúk 23:26-43)
Kó vá ma endá sɔ́ náá. 17Yésusu a ma urúkyé na oŋgórá ómwané maté a byá koroso raá kó a ma endá na pandó ra Ekpókóró yá ucé éjé vá béráanámó na enjárá ra eberéyá anáá Gorogóta. 18Ɔ́wɔ́ kówo visimbi ví ma ondááná Yésusu na koroso orɔŋgɔ na vato ávámó vává oojó na ombɔɔ́ rá enémé, ojomo na ombɔɔ́ rá vakótó, Yésusu ómwané na raaté. 19Piráta a ma erééná hée ŋguru anáá vá tíre aŋgóŋgí na akɔ́kɔ́ índi vá obáana na koroso, kaá na akɔ́kɔ́ mwané vá tíre anáá: «Yésusu ójó na Nasaráte, ahumu rá va Yúdene.» 20Va Yúdene mbunu vá ma ráŋá ntiréná mwané esene éyé pando éjé vá ma obááná Yésusu na koroso e ma ríi berebe na oŋgóra kó honó ntiréná í ma ríi na enjárá ra eberéyá, na enjárá ra va raténe orɔŋgɔ na to geréke. 21Kó vagónó vá vacekiye mómí vá ma járá na Piráta anáá: «O ta geréméná otire anáá: Ahumu ra va Yúdene, o mó géremena otire anáá: Moto ojó a má járá anáá: Ndo ámó ahumu rá va Yúdene.» 22Piráta a ma wó wundíyé anáá: «Até éyé ŋgo mó tíre é ríiríyámó tirétíré.»
23Ará visimbi ví ma maná wobáana Yésusu na koroso, kó ví ma wɔ́rɔ́ cunú ráa otáŋgáana petí iní, ámó mwaná wa visimbi owɔ́rɔ́ petí imwesií. Vá ma wɔ́rɔ́ honó renekóta waá, a ta ma rií raté ráté, a ma ríi nowérí pumbú imwesií okésyé ówó meníyé ohúmé mweesye. 24Visímbi ví katé járá vámwané na vámwané anáá: «Visó ka sará renekóta ojó, ŋgáno to no sává na mbe índi to no ená áné ójó a cánámó naá,» ukú ójó anáá até éyé aŋgóŋgí ájá mwáŋ mwáŋ á járámó wó eŋgávena, esene éyé wó ámó tirétíré anáá: «Vá ma táŋgáána cunú ramé owunde osává renekóta wame na mbe.» Naná honó kówo visimbi ví ma eŋgá.
25Netí Yésusu ójó Maráyá na erená yáa, Maráyá ójó eéné Koropása na Maráyá ójó na Magadára vá katé téné na kɔ́ŋgɔ́ ra koroso ra Yésusu. 26Ará Yésusu a ma ená netí orɔŋgɔ na ehoóhóná éyé a katé diŋge, Yésusu a ma járá na neti anáá: «Okótó, ombwene rɔɔ́ kóojó.» 27Kó a ma járá hónó na ehoóhóná eméye anáá: «Nowétí kóomó.» Kaá okésyé ówó na itíndíkáná mwané, ehoóhóná eméye é ma endá na Maráyá na yanje yáa.
Nugwé ná Yésusu
(Mat 27:45-56; Már 15:33-41; Rúk 23:44-49)
28Na nimé raá, ámó Yésusu a ma jembé anáá wandá wimé wó mána, kó a ma járá anáá: «Nití nó tímbámó.» A ma járá naná ukú ójó anáá até éyé é ámó tirétíré na va kárate ává mwáŋ mwáŋ yó eŋgávena ondo húmé na mamana. 29Kúrí emo e ma ríi ɔ́wɔ́ táásé na vigéríyé vyá matéyá. Visimbi ví ma jumíyé isímbí yá cunú na vigéríyé vyá matéyá mwané, ohíté na párá ra mwaná wa werété ówó vá béráanámó anáá isópo, kaá okirye na uŋgúté rá Yésusu. 30Ará Yésusu a ma wɔ́rɔ́ vigéríyé vyá matéyá imíví, a ma járá ayáá: «Wimé wó mána!» Kó a ma joŋgómiyé ucé otómbá ogwé.
Vá bóronámó Yésusu isámá
31Amó wó ma ríi isí éyé vá katé heéhenda sábata, njwé rá va Yúdene vá ta ma ré diŋge anáá mbimbe í rií na máná ra koroso isí yá ihuwe esene éyé isí yá ihuwe mwané mwané é katé ríí na mpí mbunu. Wandá mwané kówo vá ma endá ená Piráta o me súsé anáá a eréena ŋguru éjé anáá vá wó báŋgóna embenɔ ukú ójó anáá vá wó uríye na koroso. 32Kó visimbi ví ma uré, obáŋgóna moto wa makésyé embénɔ, obáŋgóna honó ra ojo tii. 33Ará vá ma húmé na Yésusu, vá ma ená anáá a ogwé kó vá ta ma me báŋgóna embenɔ. 34Kó umwesií ójó na visimbi a ma boróná Yésusu isámá na ijɔŋgɔ́ náa, miné na matéyá ohúmána. 35Moto ójó a ma járá enjárá ejé a ma ríi wúsinete na até éyé é ma tómbávéná kó até éyé a ma járá é ámó vatɔ́ɔ́tɔ́, ómwané maté a jembámó anáá até éyé a ma járá é ámó vatɔ́ɔ́tɔ́ ukú ójó anáá vinó honó no atɔ́wɔ, 36esene éyé mamba amáma má ma tómbávéná ukú ójó anáá até éyé aŋgóŋgí ájá mwáŋ mwáŋ á ma járá anáá: «Etété yáa émwéesií é ta mó manjávena.» Wó eŋgávena. 37Kó aŋgóŋgí á járámó hée pandó indyeé anáá: «Vá mó enámó ojo vá ma boróná.»
Vá váámó Yésusu naáté yá evérá
(Mat 27:57-61; Már 15:42-47; Rúk 23:50-56)
38Na nimé raá, Yóseve ójó na Arimatéya ójó a ma ríi ehoóhóná yá Yésusu éyé na asɔɔ́ esene éyé a kate tíné njwé rá va Yúdene, a urámó va ena súsé Piráta ŋguru anáá a wɔ́rɔ́ mbimbe rá Yésusu, Piráta atɔɔwɔmó kó Yóseve endámó wɔ́rɔ́ mbimbe ra Yésusu. 39Nikodéme ójó a ma endá ená Yésusu na wutúú, a ma uré na arábínde ójó a ma ríi buríyé búríyé na arowése, a je nywá kíro mɔ́wɔ́ mátátó. 40Vámwané bimé vává vá ma wɔ́rɔ́ mbimbe ra Yésusu, ohíté na va béndíse hɔ́rɔ́ vá súunana arebínde. Wó ámó ntumu ra va Yúdene táma éjé vá títánámó mbimbe. 41Na pandó éjé vá ma obááná Yésusu na koroso, apúú vaná vá maráté má va paráwa á ma ríi ɔ́wɔ́ kó naáté yá apúú mwané evérá é ma ríi ɔ́wɔ́ éyé vá ma ríi vá arɔ́wɔ́ ka vaá moto ɔ́wɔ́. 42Amó wó ma ríi isí éyé anáá sábata wa va Yúdene a ámó nemberi, Yóseve nawó na Nikodéme vá ma váá Yésusu na evérá eméye esene éyé é ma ríi berebe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL