Yohánese 13
13
Yésusu a sowámó eŋgoró ra vihoóhóná vyáa
1Wó ma ríi anáá Pásáka a ámó nemberi, Yésusu a ma ijímé anáá itíndíkáná ráá yó húmé anáá a urúkye na cí ra ndono ejé índi a enda na Tetáŋgá. Amó a ma diŋgé íváa ává na cí ra ndono, a ma wó diŋgé hwɔs na mamana. 2Yésusu na vihoóhóná vyáa vá ríi na onyányá. Na itíndíkáná mwané, Saátana a ma ríi a ovaá na otémá rá Yúdasa Isikariyóto ombwene rá Símono, mbuŋgáná éjé anáá a me sérá. 3Yésusu a katé jembe anáá Isyé a ma me wundíyé wandá wimé na embɔɔ́, a jembe honó anáá a ma uré na Irɔŋgɔ kó a katé wunde na Irɔŋgɔ. 4Vá rií na onyányá, Yésusu a ma hatééná na dévere wuryé cunú raá éjé pere rá meníyé ováswéyá táwará. 5Kó a ma suuné mateyá na biísini, okésyé osowa eŋgoró ra vihoóhóná vyáá, a púmbyé na táwará ójó a katé timbe na nosówó ná ŋgɔɔ́. 6Ará a ma húmé na Símono Pyéere, Pyéere a ma járá naá anáá: «Okí, ye mámó ojó o ámó o ncowa noó eŋgoró?» 7Yésusu a ma me wundíyé anáá: «O ta hítí wijíme wandá ówó ŋgo eŋgámó tetee ojó, vedá o né ovámó na nimé raá.» 8Pyéere a ma me wundíyé anáá: «Mbɛ́ŋdɔ́, o ta hítí o ncowa noó eŋgoró!» Yésusu a ma jará naá anáá: «Ŋgé ŋgo a ríi ka wo sowa eŋgoró, o ta hítí otimbe táŋgó name.» 9Símono Pyéere a ma járá naá anáá: «Okí, kaá wó a ríi naná o ta eŋgá cowa bɛ́ŋ eŋgoró, covámó hónó embɔɔ́ na ucé!» 10Yésusu a ma járá naá anáá: «Ojo a omána otumbe a ta né tímbe njeŋge ra otumbe esene éyé noto ráá eŋgimé e ámó mpúbáná. Kó vinó no ámó mpúbáná, wó je rií anáá até vinó bimé.» 11Amó Yésusu a katé jembe ojo a ma geréméná o me será, wandá mwané kówo a ma járá anáá: «No ta ámó vinó bimé mpúbáná.»
12Ará a ma maná o wó sowa eŋgoró, Yésusu a ma wɔ́rɔ́ cunú ráá o wunde onde nuumana na dewére kó a ma járá náwó anáá: «No ovámó wandá owó ŋgo ré eŋga na wusó wá vínó? 13No mberánámó anáá Oyéere na Okí kó no timbámó makevikye, esene éyé ate mwané eyé ndo ámó kéeméye. 14Ŋge noó ojó Okí kó hée Oyéere ŋgo mo ne sowa eŋgoró, vinó hónó no geremenámó ová sowana eŋgoró vinó na vinó. 15Ŋgo mo ne hwá eheyá anáá vinó hónó no eŋga ame ŋgo mo eŋgá na wusó wá vinó. 16Na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, yeŋga manɔnɔwɔ e ta tómbá mása wáá, tɔɔ ojo va ma tomá a ta tómbá ojó a mo me tómá. 17Tetee ojó no ijimámó wandá mwané, no ámó na mintaka ŋgé no eŋgá wandá mwané. 18Ta járá na wusó wá vinó bimé ŋgo ijimámó ává ŋgo ma ijátá. Wo je rií anáá owo omo itiraná na Kárate o geremenámó weŋgevena: Wó ámó tirétíré anáá: Ojo a katé nyá orɔŋgɔ namé a obúndé ombeebéná wame. 19Ŋgo no jánámó tetee ojó hɔrɔ́ wandá mwané wó arɔ́wɔ́ ka humé ukú ójó anáá no atɔ́wɔ anáá Ndámó. 20Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, ojo a akámó moto ójó ŋgo mó tómá, a mó ŋgáka noó hónó, kó ojo a ŋgakámó a mó áka ojo a ma tómá.»
Yúdasa a né sérámó Yésusu
(Mat 26:20-25; Már 14:17-21; Rúk 22:21-23)
21Ará Yésusu a ma maná ojárá náná, a ma ríi a te yérána kó a ma járá anáá: «Na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, moto omo ojó na vinó a vaŋgámó o cérá.» 22Vihoóhóná ví katé o vá nemena vá mwané na vá mwané, vá wa súsé ané máté ojó Yésusu a katé járá. 23Ehóóhoná emó eyé Yésusu a katé diŋge e katé rií na kɔ́ŋgɔ́ raá. 24Símono Pyéere a ma jiitáná ehoóhóná mwané nisó ukú ójó anáá a súsé ané ojó Yésusu a katé járá. 25Kó ehoóhóná eméye e ma eŋgémená pere ra Yésusu o me súsé anáá: «Okí, wó ámó áné máté?» 26Yésusu a ma wundíyé anáá: «Ojo mbaŋgámó o me hwá pumbú rá beréte éjé mbaŋgámó ojuumiye naáté yá pána, ó ámó ómwané.» Kó Yésusu a ma wɔ́rɔ́ pumbú rá beréte ojuumiye kaá weréena Yúdasa Isíkaryóto ojó ombwene rá Símono. 27Ará a ma mo erééna pumbú rá beréte wɔ́ɔ́ owó Sáátana a ma iŋgáá na notó ra Yúdasa. Kó Yésusu a ma járá naá anáá: «Até éyé o timbámó anáá weŋga, ŋgá wandá mwané kwakwa.» 28Omwesií ojó na vá mwané ává vá ma rii numanari na devére vá ta ma ová na wusó wáté a ma járá náná. 29Ame Yúdasa kójo a katé timbe icáka mwení, avámó vá katé buŋgana anáá Yésusu a ma járá náá anáá a kuse motéé na wusó wa ibínó, ítɔɔ hónó anáá a niíne vawora wandá womó. 30Na nimé ejé anáá Yúdasa a wɔ́rɔ́ beréte kó a ma híráná ohúmé, mbínó e ma ríi yo óba.
Mmkpámáká ra mbéndɔ́
31Ará Yúdasa a ma húmé, Yésusu a ma járá anáá: Tete ojó Irɔŋgɔ a otíhíye vato niimí ná Mwaná moto, kó Mwaná moto honó a otíhíye niimí na Irɔŋgɔ. 32Irɔŋgɔ maté a né tihyámó níímí na Mwaná moto kó wo etá berebe anáá a tihíye. 33Vaná vamé ŋgo ra rií na vinó hée bɛ́ŋ na mwaná wa itíndíkáná. No né cɔcɔmó kó ŋgo nó ojánámó tetee ojó wandá ówó ŋgo ma járá na va Yúdene anáá: Homó ówó ŋgo endámó no ta hití wuré ɔ́wɔ́. 34«Ŋgo no hwámó mkpámáká rá mbéndɔ́ anáá: Diŋgáánano vinó na vinó. No geremenámó odiŋgaana vinó na vinó ame ŋgo ma no diŋgé. 35No a diŋgaana vinó na vinó moto uŋgimé a ne jembámó anáá no ámó mwané vihoóhóná vyámé.»
Yésusu a ojámó anáá Pyéere a né me vásáŋgámó
(Mat 26:31-35; Már 14:27-31; Rúk 22:31-34)
36Símono Pyéere a ma járá na Yésusu anáá: «Okí, wendámó héní?» Yésusu a ma me wundíyé anáá: «Homó ówó ŋgo endámó o ta hití o mbyɔɔnɔ tete ojó, wó je rií anáá o ne mbyɔɔnɔmó na nimé.» 37Pyéere a ma mo wundíyé anáá: «Okí, twiiŋí owo ta hiti wo byɔɔnɔ teteejó? Ndo ámó berebe anáá niíne esɔ́tɔ́ yámé na wusó wɔɔ́!» 38Yésusu a ma wundíyé anáá: «Ye omo mwané berebe anáá wereéna esɔ́tɔ́ yɔɔ́ na wuso wa mé? Na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá hɔ́rɔ́ itétí ye ra rií ka tátá o né mbásáŋgámó eŋgendɔ etató.»
ទើបបានជ្រើសរើសហើយ៖
Yohánese 13: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 13
13
Yésusu a sowámó eŋgoró ra vihoóhóná vyáa
1Wó ma ríi anáá Pásáka a ámó nemberi, Yésusu a ma ijímé anáá itíndíkáná ráá yó húmé anáá a urúkye na cí ra ndono ejé índi a enda na Tetáŋgá. Amó a ma diŋgé íváa ává na cí ra ndono, a ma wó diŋgé hwɔs na mamana. 2Yésusu na vihoóhóná vyáa vá ríi na onyányá. Na itíndíkáná mwané, Saátana a ma ríi a ovaá na otémá rá Yúdasa Isikariyóto ombwene rá Símono, mbuŋgáná éjé anáá a me sérá. 3Yésusu a katé jembe anáá Isyé a ma me wundíyé wandá wimé na embɔɔ́, a jembe honó anáá a ma uré na Irɔŋgɔ kó a katé wunde na Irɔŋgɔ. 4Vá rií na onyányá, Yésusu a ma hatééná na dévere wuryé cunú raá éjé pere rá meníyé ováswéyá táwará. 5Kó a ma suuné mateyá na biísini, okésyé osowa eŋgoró ra vihoóhóná vyáá, a púmbyé na táwará ójó a katé timbe na nosówó ná ŋgɔɔ́. 6Ará a ma húmé na Símono Pyéere, Pyéere a ma járá naá anáá: «Okí, ye mámó ojó o ámó o ncowa noó eŋgoró?» 7Yésusu a ma me wundíyé anáá: «O ta hítí wijíme wandá ówó ŋgo eŋgámó tetee ojó, vedá o né ovámó na nimé raá.» 8Pyéere a ma me wundíyé anáá: «Mbɛ́ŋdɔ́, o ta hítí o ncowa noó eŋgoró!» Yésusu a ma jará naá anáá: «Ŋgé ŋgo a ríi ka wo sowa eŋgoró, o ta hítí otimbe táŋgó name.» 9Símono Pyéere a ma járá naá anáá: «Okí, kaá wó a ríi naná o ta eŋgá cowa bɛ́ŋ eŋgoró, covámó hónó embɔɔ́ na ucé!» 10Yésusu a ma járá naá anáá: «Ojo a omána otumbe a ta né tímbe njeŋge ra otumbe esene éyé noto ráá eŋgimé e ámó mpúbáná. Kó vinó no ámó mpúbáná, wó je rií anáá até vinó bimé.» 11Amó Yésusu a katé jembe ojo a ma geréméná o me será, wandá mwané kówo a ma járá anáá: «No ta ámó vinó bimé mpúbáná.»
12Ará a ma maná o wó sowa eŋgoró, Yésusu a ma wɔ́rɔ́ cunú ráá o wunde onde nuumana na dewére kó a ma járá náwó anáá: «No ovámó wandá owó ŋgo ré eŋga na wusó wá vínó? 13No mberánámó anáá Oyéere na Okí kó no timbámó makevikye, esene éyé ate mwané eyé ndo ámó kéeméye. 14Ŋge noó ojó Okí kó hée Oyéere ŋgo mo ne sowa eŋgoró, vinó hónó no geremenámó ová sowana eŋgoró vinó na vinó. 15Ŋgo mo ne hwá eheyá anáá vinó hónó no eŋga ame ŋgo mo eŋgá na wusó wá vinó. 16Na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, yeŋga manɔnɔwɔ e ta tómbá mása wáá, tɔɔ ojo va ma tomá a ta tómbá ojó a mo me tómá. 17Tetee ojó no ijimámó wandá mwané, no ámó na mintaka ŋgé no eŋgá wandá mwané. 18Ta járá na wusó wá vinó bimé ŋgo ijimámó ává ŋgo ma ijátá. Wo je rií anáá owo omo itiraná na Kárate o geremenámó weŋgevena: Wó ámó tirétíré anáá: Ojo a katé nyá orɔŋgɔ namé a obúndé ombeebéná wame. 19Ŋgo no jánámó tetee ojó hɔrɔ́ wandá mwané wó arɔ́wɔ́ ka humé ukú ójó anáá no atɔ́wɔ anáá Ndámó. 20Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, ojo a akámó moto ójó ŋgo mó tómá, a mó ŋgáka noó hónó, kó ojo a ŋgakámó a mó áka ojo a ma tómá.»
Yúdasa a né sérámó Yésusu
(Mat 26:20-25; Már 14:17-21; Rúk 22:21-23)
21Ará Yésusu a ma maná ojárá náná, a ma ríi a te yérána kó a ma járá anáá: «Na vatɔ́ɔ́tɔ́, na vatɔ́ɔ́tɔ́ ŋgo no jánámó anáá, moto omo ojó na vinó a vaŋgámó o cérá.» 22Vihoóhóná ví katé o vá nemena vá mwané na vá mwané, vá wa súsé ané máté ojó Yésusu a katé járá. 23Ehóóhoná emó eyé Yésusu a katé diŋge e katé rií na kɔ́ŋgɔ́ raá. 24Símono Pyéere a ma jiitáná ehoóhóná mwané nisó ukú ójó anáá a súsé ané ojó Yésusu a katé járá. 25Kó ehoóhóná eméye e ma eŋgémená pere ra Yésusu o me súsé anáá: «Okí, wó ámó áné máté?» 26Yésusu a ma wundíyé anáá: «Ojo mbaŋgámó o me hwá pumbú rá beréte éjé mbaŋgámó ojuumiye naáté yá pána, ó ámó ómwané.» Kó Yésusu a ma wɔ́rɔ́ pumbú rá beréte ojuumiye kaá weréena Yúdasa Isíkaryóto ojó ombwene rá Símono. 27Ará a ma mo erééna pumbú rá beréte wɔ́ɔ́ owó Sáátana a ma iŋgáá na notó ra Yúdasa. Kó Yésusu a ma járá naá anáá: «Até éyé o timbámó anáá weŋga, ŋgá wandá mwané kwakwa.» 28Omwesií ojó na vá mwané ává vá ma rii numanari na devére vá ta ma ová na wusó wáté a ma járá náná. 29Ame Yúdasa kójo a katé timbe icáka mwení, avámó vá katé buŋgana anáá Yésusu a ma járá náá anáá a kuse motéé na wusó wa ibínó, ítɔɔ hónó anáá a niíne vawora wandá womó. 30Na nimé ejé anáá Yúdasa a wɔ́rɔ́ beréte kó a ma híráná ohúmé, mbínó e ma ríi yo óba.
Mmkpámáká ra mbéndɔ́
31Ará Yúdasa a ma húmé, Yésusu a ma járá anáá: Tete ojó Irɔŋgɔ a otíhíye vato niimí ná Mwaná moto, kó Mwaná moto honó a otíhíye niimí na Irɔŋgɔ. 32Irɔŋgɔ maté a né tihyámó níímí na Mwaná moto kó wo etá berebe anáá a tihíye. 33Vaná vamé ŋgo ra rií na vinó hée bɛ́ŋ na mwaná wa itíndíkáná. No né cɔcɔmó kó ŋgo nó ojánámó tetee ojó wandá ówó ŋgo ma járá na va Yúdene anáá: Homó ówó ŋgo endámó no ta hití wuré ɔ́wɔ́. 34«Ŋgo no hwámó mkpámáká rá mbéndɔ́ anáá: Diŋgáánano vinó na vinó. No geremenámó odiŋgaana vinó na vinó ame ŋgo ma no diŋgé. 35No a diŋgaana vinó na vinó moto uŋgimé a ne jembámó anáá no ámó mwané vihoóhóná vyámé.»
Yésusu a ojámó anáá Pyéere a né me vásáŋgámó
(Mat 26:31-35; Már 14:27-31; Rúk 22:31-34)
36Símono Pyéere a ma járá na Yésusu anáá: «Okí, wendámó héní?» Yésusu a ma me wundíyé anáá: «Homó ówó ŋgo endámó o ta hití o mbyɔɔnɔ tete ojó, wó je rií anáá o ne mbyɔɔnɔmó na nimé.» 37Pyéere a ma mo wundíyé anáá: «Okí, twiiŋí owo ta hiti wo byɔɔnɔ teteejó? Ndo ámó berebe anáá niíne esɔ́tɔ́ yámé na wusó wɔɔ́!» 38Yésusu a ma wundíyé anáá: «Ye omo mwané berebe anáá wereéna esɔ́tɔ́ yɔɔ́ na wuso wa mé? Na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá hɔ́rɔ́ itétí ye ra rií ka tátá o né mbásáŋgámó eŋgendɔ etató.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL