Yohánese 11
11
Nugwé ná Rasára
1Moto ebéráána anáá Rasára ama obá enɔ́, a sɔ́tɔ́ na edɔŋgɔ yá Betaníya éyé Maráyá a katé sɔ́tɔ́ ɔ́wɔ́ orɔŋgɔ na erená yáa éyé Maáta. 2Maráyá a ma ríi okótó ójó a ma utáná Okí arábínde na eŋgoró kó a ma púmbyé na kító ráa. A ma ríi mbéyí ra Rasára ójó a katé nɔ́. 3Mbéyí ráa íjí íbé í ma tómá moto índi a enda járá na Yésusu anáá: «Okí, mbérá wɔ́ɔ́ a nɔ́mó.» 4Ará Yésusu a ma ová cómó mwané, a ye anáá: «Mɔnɔ́ má Rasára má ta né me oná, ma né eŋgámó anáá niimí ná Irɔŋgɔ nó enéyá kó hónó ɔ́wɔ́ kówo niimí ná mwaná Irɔŋgɔ nó né vátíhíyámó.» 5Wó je rií anáá Yésusu a katé diŋge Maáta na erená yáa éyé Maráyá ítɔɔ Rasára. 6Ítɔɔ naná, ará a ma ová anáá Rasára a nɔ́mó, a ma wundé otómbyé metúú máváné na pandó éjé a katé rií ɔ́wɔ́. 7Na nimé raá, kó a ma járá na vihoóhóná vyáa anáá: «Ŋgáno to ne wunde na Yúdeyá.» 8Vihoóhóná ví ma me wundíyé anáá: «Oyéere, gará vá má sɔ́sɔ́ anáá vá wo oná wɔkɔ́ na atááné kó o diŋgámó anáá o ne wunde ɔ́wɔ́?» 9Yésusu a ma járá nawó anáá: «Maworo má ámó mábɔ́t na máváne na wusí kesí naná? Ŋgé moto a ndéndá na wusí, a ta kúkáná esene éyé a enámó ineŋgí. 10Kaá ojo a ndendámó na wutúú a kúkánámó, esene éyé a ta ená ineŋgí.»
11Na nimé raá kó Yésusu a ma uswíyé anáá: «Mbérá wa visó ójó Rasára a enda otonó, wó je rií anáá ŋgo endámó ondo me honona.» 12Vihoóhóná ví ma eŋgá naá anáá: «Okí, wá ríi anáá a mó énda tonó, a né ondówámó.» 13Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́, Yésusu a ma ré járá anáá Rasára a mó gwé kó vihoóhóná vímwané ví ma ré buŋgana anáá a katé járá tonó ótó mbáambá. 14Kó Yésusu a ma wó tɔ́ŋéná wusi na wusi anáá Rasára a ámó kwéná. 15A ma wundé ojárá anáá, Noó ta ríi ɔ́kɔ́ kó takámó na wusó wá vinó. Naná wó ámó anáá no né hítyámó o nkaŋga, vedá tɔ́kɔno ará Rasára a ámó. 16Ɔ́wɔ́ kówo Tómasa ójó vá ma rová anáá mwaná wa ivásá a ma járá na vasɔ́ɔ́ vihoóhóná anáá: «Visó hónó tɔ́kɔno índi to enda gwé orɔŋgɔ na Yésusu.»
Yésusu a ámó esɔ́tɔ́
17Ará Yésusu a ma jiné, váye naá anáá Rasára a ma ríi a etá na evérá wó etá metúú mááné. 18Kó ámó edɔŋgɔ yá Betaníya é ámó berebe na oŋgórá rá Yerúsareme, esene éyé kírométa ísátó bɛ́ŋ kíji í wó sámó, 19va Yúdene mbunu ává na Yúdeyá vá ma uráná na yanje yá Maáta na Maráyá ondo wó rérye nótó na wusó wá nugwé ná mbéní rawó. 20Ará Maáta a ma ová anáá Yésusu a urámó, a ma báréyá ondo bérúme naá, Maráyá ómwané ocáná indindíi na yanje. 21Maáta aye na Yésusu anáá: «Okí, o má ríi wa ríi ará, mbísó a ta eŋgá a gwé. 22Kó njembámó anáá ítɔɔ tetee ojó, Irɔŋgɔ a né wo hwámó até yimé éyé o né me súsámó.» 23Yésusu aye naá anáá: «Nɔvéne a né honowámó.» 24Maáta a mó wundyámó anáá: «Njembámó anáá a mó háteenámó ará vigwé bimé ví mó atámó isí yá mamana.» 25Yésusu ayé náá anáá: «Ndo ámó ehonowa na esɔ́tɔ́, ojo a ŋgɔtɔwɔmó ámó sɔtɔmó ítɔɔ a gwé. 26Moto aá moto ójó a sɔtɔ́mó kó a ŋgɔtɔwɔmó a te me nugwé. O kaŋgámó náná?» 27A ma wundíyé anáá: «Eéŋ Okí káŋgámó anáá o ámó etómá yá Irɔŋgɔ, Mwaná Irɔŋgɔ ójó a ma geréméná wuré na cí ra ndono.»
Yésusu a vaŋgámó
28Ará Maáta a ma maná ojárá naná, a ma endá béráana erená yáa éyé Maráyá kó a ma járá naá na púpwiyí anáá: «Oyéré a mó uré kó a wo béráanámó.» 29Ará Maráyá a ma ová naná, a ma tómbá ohateena ondo etíye Yésusu. 30Wó je rií anáá Yésusu a ma ríi arɔ́wɔ́ ka iŋgáana na edɔŋgɔ, a ma ríi a arɔ́wɔ́ homó ówó Maáta a ma endá bérúmé naá. 31Ará va Yúdene ává vá ma ríi naáté yá yanje na Maráyá anáá vá me púmbyé mesíne vá ma me ená a hateena a húmé kwakwa, vá ma me byɔɔnɔ́ vá búŋgana anáá a katé enda na evérá anáá na ondo vaŋga. 32Maráyá a ma endá húmé homó ówó Yésusu a katé rií. Béŋ ámó a ma me ená, a ma me obená na eŋgoró aye naá anáá: «Okí, ŋgé o má ríi ará, mbísó a ta eŋgá a gwé.» 33Yésusu a ma ená anáá a katé vaŋga orɔŋgɔ na va Yúdene ává vá ma ríi naá, kó otémá ó ma me káná, munú o me dáŋgá. 34Kó a ma wó súsé anáá: «Héní kówo no má endá me vaá?» Vá ma me wundíyé anáá: «Okí, uré ondo ená.» 35Yésusu a ma tásá na mbí, 36kó va Yúdene vá ma járá anáá: «Énáno ámó a káté me diŋge.» 37Veda avámó vá katé járá anáá: «Ómwané ójó a ma búné aŋgísó rá uŋgewu até eye a ta hítí weŋga anáá Rasára ka gwé?»
38Kó témá ó ma wundé okáná Yésusu kaá a ma endá na evérá, é ma ríi na raaté wa nkómá, bendéénérí na ekáné yá itááné. 39Yésusu a ye anáá: «Úryáno itááné eméne.» Maáta, mbéyí ra igwé aye naá anáá: «Okí, a etá geremena onumbe, esene éyé a etá metúú mááné naaté yá évéra.» 40Yésusu a ma me wundíyé anáá: «Kesí ŋgo mó járá nɔɔ anáá ŋgé wa kaŋgá, o né enámó niimí ná Irɔŋgɔ?» 41Vá ma uryé itaáne. Yésusu a ma néétyé aŋgísó na máná a ye anáá: «Tátaá, Ŋgo wo hwámó ncokáná ámó o mó mbátɔ́rɔ́. 42Njembámó anáá o katámó mbátɔ́rɔ́ itíndíkáná íŋgímé, Vedá ŋgo mó járá naná na wusó wá vato ává vá oŋgéndetye ává ukú ójó anáá vá atɔ́wɔ anáá mámó kójo o ma tómá.» 43Na nimé raá, Yésusu a ma rumátá mií na máná ayáá: «Rasára, húmé!» 44Igwé é ma húme na évéra embɔ́ɔ́ na eŋgoró woté woté na va béndíse, wusó húwé húwé na sande. Yésusu a ma járá na vato anáá: «O me hurúnámáno no me mice a enda.»
Isɔké rá woná ówó Yésusu
(Mat 26:1-5; Már 14:1-2; Rúk 22:1-2)
45Ombunu rá va Yúdene ává vá ma endá na Maráyá kó vá ma ená até éyé Yésusu a ma eŋgá vá ma me atɔ́wɔ́. 46Vedá avámó vá ma endáná ondo etíye va pariséne, o wó ojána até éyé Yésusu a ma eŋgá. 47Vagónó vá vacekiye mómí na va pariséne vá ma wónjééná ikwááná íjí igónó váye anáá: «To eŋgámó twiiŋí? Esené moto ojó a eŋgámó mesimbá mbunu. 48Ŋgé to a micé anáá a enda na wusó, bimé vá né me atɔ́wɔmó, kó vato ává na Róma vá né urámó osasona pandó ra visó éjé mwáŋ mwáŋ owunde woná noyɔŋɔ ná visó!» 49Umweesií ójó na vámwané ebérááná anáá Kayípe a je rií ogónó wa acekiye mómí bwaá mwané aye nawó anáá: «No ta ová tɔɔ wandá, 50kó no ta ená honó anáá wó ámó mpí na wusó wá vinó anáá moto umweesií a gwé na wusó wa noyɔŋɔ ukú ójó anáá edɔŋgɔ yimé ka onávena.» 51Vipéŋgé vyá Kayípe ví ta ma endá uré na ómwané maté, vedá ómwané kójo a ma ríi ogónó wa vacekiye mómí bwaá mwané kó a ma járá ámó ahúmíye maró wa Irɔŋgɔ. A ma ojá anáá Yésusu a ma geréméná ogwé na wusó wá noyɔŋɔ ná va Yúdene, 52kó a ta né gwé bɛ́ŋ na wusó wá noyɔŋɔ mwáne, wó né riyámó hónó ukú ójó anáá a wónjéena vaná vá Irɔŋgɔ ává cácaám pandó iŋgímé índi vá ríi wandá wúmwéesií. 53Isí mwané sɔ́ kéye njwé rá va Yúdene í ma sómbá anáá vá onámó Yésusu. 54Wandá mwané kówo Yésusu a ma tɔɔ́ ondenda na aŋgísó rá njwé rá va Yúdene kó a ma vátúrátá na oŋgórá omó ebéráaná anáá Eparáyíma, oŋgórá mwané ó ámó berebe na ekwété yá edɔŋgɔ kó a ma ríi ɔ́wɔ́ orɔŋgɔ na vihoóhóná vyáa. 55Wó je rií anáá ibínó yá pásáka wa va Yúdene é ma ríi yó éta berebe, kó vato mbunu ává na edɔŋgɔ vá katé endana na oŋgórá rá Yerúsareme anáá vá endá ovásówa nyéŋgé ráwó hɔ́rɔ́ ibínó yó arɔ́wɔ́ ka bínévena. 56Vá Yúdene vá ríi na yanje yá Irɔŋgɔ viténé vá sɔ́sɔ Yésusu kó vá katé vásúsáana anáá: «No buŋganámó eéné? A ta né uré na ibínó!» 57Vagónó vá vacekiye mómí na va Pariséne vá ma erééná ŋguru anáá ŋgé moto omo a jembámó homó ówó Yésusu a ámó, ómwané wuré ondo oja ukú ójó anáá vá me ambaana.
ទើបបានជ្រើសរើសហើយ៖
Yohánese 11: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 11
11
Nugwé ná Rasára
1Moto ebéráána anáá Rasára ama obá enɔ́, a sɔ́tɔ́ na edɔŋgɔ yá Betaníya éyé Maráyá a katé sɔ́tɔ́ ɔ́wɔ́ orɔŋgɔ na erená yáa éyé Maáta. 2Maráyá a ma ríi okótó ójó a ma utáná Okí arábínde na eŋgoró kó a ma púmbyé na kító ráa. A ma ríi mbéyí ra Rasára ójó a katé nɔ́. 3Mbéyí ráa íjí íbé í ma tómá moto índi a enda járá na Yésusu anáá: «Okí, mbérá wɔ́ɔ́ a nɔ́mó.» 4Ará Yésusu a ma ová cómó mwané, a ye anáá: «Mɔnɔ́ má Rasára má ta né me oná, ma né eŋgámó anáá niimí ná Irɔŋgɔ nó enéyá kó hónó ɔ́wɔ́ kówo niimí ná mwaná Irɔŋgɔ nó né vátíhíyámó.» 5Wó je rií anáá Yésusu a katé diŋge Maáta na erená yáa éyé Maráyá ítɔɔ Rasára. 6Ítɔɔ naná, ará a ma ová anáá Rasára a nɔ́mó, a ma wundé otómbyé metúú máváné na pandó éjé a katé rií ɔ́wɔ́. 7Na nimé raá, kó a ma járá na vihoóhóná vyáa anáá: «Ŋgáno to ne wunde na Yúdeyá.» 8Vihoóhóná ví ma me wundíyé anáá: «Oyéere, gará vá má sɔ́sɔ́ anáá vá wo oná wɔkɔ́ na atááné kó o diŋgámó anáá o ne wunde ɔ́wɔ́?» 9Yésusu a ma járá nawó anáá: «Maworo má ámó mábɔ́t na máváne na wusí kesí naná? Ŋgé moto a ndéndá na wusí, a ta kúkáná esene éyé a enámó ineŋgí. 10Kaá ojo a ndendámó na wutúú a kúkánámó, esene éyé a ta ená ineŋgí.»
11Na nimé raá kó Yésusu a ma uswíyé anáá: «Mbérá wa visó ójó Rasára a enda otonó, wó je rií anáá ŋgo endámó ondo me honona.» 12Vihoóhóná ví ma eŋgá naá anáá: «Okí, wá ríi anáá a mó énda tonó, a né ondówámó.» 13Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́, Yésusu a ma ré járá anáá Rasára a mó gwé kó vihoóhóná vímwané ví ma ré buŋgana anáá a katé járá tonó ótó mbáambá. 14Kó Yésusu a ma wó tɔ́ŋéná wusi na wusi anáá Rasára a ámó kwéná. 15A ma wundé ojárá anáá, Noó ta ríi ɔ́kɔ́ kó takámó na wusó wá vinó. Naná wó ámó anáá no né hítyámó o nkaŋga, vedá tɔ́kɔno ará Rasára a ámó. 16Ɔ́wɔ́ kówo Tómasa ójó vá ma rová anáá mwaná wa ivásá a ma járá na vasɔ́ɔ́ vihoóhóná anáá: «Visó hónó tɔ́kɔno índi to enda gwé orɔŋgɔ na Yésusu.»
Yésusu a ámó esɔ́tɔ́
17Ará Yésusu a ma jiné, váye naá anáá Rasára a ma ríi a etá na evérá wó etá metúú mááné. 18Kó ámó edɔŋgɔ yá Betaníya é ámó berebe na oŋgórá rá Yerúsareme, esene éyé kírométa ísátó bɛ́ŋ kíji í wó sámó, 19va Yúdene mbunu ává na Yúdeyá vá ma uráná na yanje yá Maáta na Maráyá ondo wó rérye nótó na wusó wá nugwé ná mbéní rawó. 20Ará Maáta a ma ová anáá Yésusu a urámó, a ma báréyá ondo bérúme naá, Maráyá ómwané ocáná indindíi na yanje. 21Maáta aye na Yésusu anáá: «Okí, o má ríi wa ríi ará, mbísó a ta eŋgá a gwé. 22Kó njembámó anáá ítɔɔ tetee ojó, Irɔŋgɔ a né wo hwámó até yimé éyé o né me súsámó.» 23Yésusu aye naá anáá: «Nɔvéne a né honowámó.» 24Maáta a mó wundyámó anáá: «Njembámó anáá a mó háteenámó ará vigwé bimé ví mó atámó isí yá mamana.» 25Yésusu ayé náá anáá: «Ndo ámó ehonowa na esɔ́tɔ́, ojo a ŋgɔtɔwɔmó ámó sɔtɔmó ítɔɔ a gwé. 26Moto aá moto ójó a sɔtɔ́mó kó a ŋgɔtɔwɔmó a te me nugwé. O kaŋgámó náná?» 27A ma wundíyé anáá: «Eéŋ Okí káŋgámó anáá o ámó etómá yá Irɔŋgɔ, Mwaná Irɔŋgɔ ójó a ma geréméná wuré na cí ra ndono.»
Yésusu a vaŋgámó
28Ará Maáta a ma maná ojárá naná, a ma endá béráana erená yáa éyé Maráyá kó a ma járá naá na púpwiyí anáá: «Oyéré a mó uré kó a wo béráanámó.» 29Ará Maráyá a ma ová naná, a ma tómbá ohateena ondo etíye Yésusu. 30Wó je rií anáá Yésusu a ma ríi arɔ́wɔ́ ka iŋgáana na edɔŋgɔ, a ma ríi a arɔ́wɔ́ homó ówó Maáta a ma endá bérúmé naá. 31Ará va Yúdene ává vá ma ríi naáté yá yanje na Maráyá anáá vá me púmbyé mesíne vá ma me ená a hateena a húmé kwakwa, vá ma me byɔɔnɔ́ vá búŋgana anáá a katé enda na evérá anáá na ondo vaŋga. 32Maráyá a ma endá húmé homó ówó Yésusu a katé rií. Béŋ ámó a ma me ená, a ma me obená na eŋgoró aye naá anáá: «Okí, ŋgé o má ríi ará, mbísó a ta eŋgá a gwé.» 33Yésusu a ma ená anáá a katé vaŋga orɔŋgɔ na va Yúdene ává vá ma ríi naá, kó otémá ó ma me káná, munú o me dáŋgá. 34Kó a ma wó súsé anáá: «Héní kówo no má endá me vaá?» Vá ma me wundíyé anáá: «Okí, uré ondo ená.» 35Yésusu a ma tásá na mbí, 36kó va Yúdene vá ma járá anáá: «Énáno ámó a káté me diŋge.» 37Veda avámó vá katé járá anáá: «Ómwané ójó a ma búné aŋgísó rá uŋgewu até eye a ta hítí weŋga anáá Rasára ka gwé?»
38Kó témá ó ma wundé okáná Yésusu kaá a ma endá na evérá, é ma ríi na raaté wa nkómá, bendéénérí na ekáné yá itááné. 39Yésusu a ye anáá: «Úryáno itááné eméne.» Maáta, mbéyí ra igwé aye naá anáá: «Okí, a etá geremena onumbe, esene éyé a etá metúú mááné naaté yá évéra.» 40Yésusu a ma me wundíyé anáá: «Kesí ŋgo mó járá nɔɔ anáá ŋgé wa kaŋgá, o né enámó niimí ná Irɔŋgɔ?» 41Vá ma uryé itaáne. Yésusu a ma néétyé aŋgísó na máná a ye anáá: «Tátaá, Ŋgo wo hwámó ncokáná ámó o mó mbátɔ́rɔ́. 42Njembámó anáá o katámó mbátɔ́rɔ́ itíndíkáná íŋgímé, Vedá ŋgo mó járá naná na wusó wá vato ává vá oŋgéndetye ává ukú ójó anáá vá atɔ́wɔ anáá mámó kójo o ma tómá.» 43Na nimé raá, Yésusu a ma rumátá mií na máná ayáá: «Rasára, húmé!» 44Igwé é ma húme na évéra embɔ́ɔ́ na eŋgoró woté woté na va béndíse, wusó húwé húwé na sande. Yésusu a ma járá na vato anáá: «O me hurúnámáno no me mice a enda.»
Isɔké rá woná ówó Yésusu
(Mat 26:1-5; Már 14:1-2; Rúk 22:1-2)
45Ombunu rá va Yúdene ává vá ma endá na Maráyá kó vá ma ená até éyé Yésusu a ma eŋgá vá ma me atɔ́wɔ́. 46Vedá avámó vá ma endáná ondo etíye va pariséne, o wó ojána até éyé Yésusu a ma eŋgá. 47Vagónó vá vacekiye mómí na va pariséne vá ma wónjééná ikwááná íjí igónó váye anáá: «To eŋgámó twiiŋí? Esené moto ojó a eŋgámó mesimbá mbunu. 48Ŋgé to a micé anáá a enda na wusó, bimé vá né me atɔ́wɔmó, kó vato ává na Róma vá né urámó osasona pandó ra visó éjé mwáŋ mwáŋ owunde woná noyɔŋɔ ná visó!» 49Umweesií ójó na vámwané ebérááná anáá Kayípe a je rií ogónó wa acekiye mómí bwaá mwané aye nawó anáá: «No ta ová tɔɔ wandá, 50kó no ta ená honó anáá wó ámó mpí na wusó wá vinó anáá moto umweesií a gwé na wusó wa noyɔŋɔ ukú ójó anáá edɔŋgɔ yimé ka onávena.» 51Vipéŋgé vyá Kayípe ví ta ma endá uré na ómwané maté, vedá ómwané kójo a ma ríi ogónó wa vacekiye mómí bwaá mwané kó a ma járá ámó ahúmíye maró wa Irɔŋgɔ. A ma ojá anáá Yésusu a ma geréméná ogwé na wusó wá noyɔŋɔ ná va Yúdene, 52kó a ta né gwé bɛ́ŋ na wusó wá noyɔŋɔ mwáne, wó né riyámó hónó ukú ójó anáá a wónjéena vaná vá Irɔŋgɔ ává cácaám pandó iŋgímé índi vá ríi wandá wúmwéesií. 53Isí mwané sɔ́ kéye njwé rá va Yúdene í ma sómbá anáá vá onámó Yésusu. 54Wandá mwané kówo Yésusu a ma tɔɔ́ ondenda na aŋgísó rá njwé rá va Yúdene kó a ma vátúrátá na oŋgórá omó ebéráaná anáá Eparáyíma, oŋgórá mwané ó ámó berebe na ekwété yá edɔŋgɔ kó a ma ríi ɔ́wɔ́ orɔŋgɔ na vihoóhóná vyáa. 55Wó je rií anáá ibínó yá pásáka wa va Yúdene é ma ríi yó éta berebe, kó vato mbunu ává na edɔŋgɔ vá katé endana na oŋgórá rá Yerúsareme anáá vá endá ovásówa nyéŋgé ráwó hɔ́rɔ́ ibínó yó arɔ́wɔ́ ka bínévena. 56Vá Yúdene vá ríi na yanje yá Irɔŋgɔ viténé vá sɔ́sɔ Yésusu kó vá katé vásúsáana anáá: «No buŋganámó eéné? A ta né uré na ibínó!» 57Vagónó vá vacekiye mómí na va Pariséne vá ma erééná ŋguru anáá ŋgé moto omo a jembámó homó ówó Yésusu a ámó, ómwané wuré ondo oja ukú ójó anáá vá me ambaana.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL