Ŋgengéná 2
2
Wuré wá Mwáŋ mwáŋ wa Ireréŋgi
1Ará isí yá Pantekóte é ma húmé, vatɔ́wɔ bimé vá ma rii wónjéénérí pandó emweesií. 2Kó vá ma buuwé ekáné yá oduŋgú ondo uré ówó na máná ámó ékáné yá puŋgi, kó odugŋú mwané ó ma núwé tút naáté yá yanje éyé vá katé rií ɔ́wɔ́. 3Kó vá ma ená motéé ámó virémbé vyá vato ví púrana na ihyáné, mó húmána osárámanda kaá ovátáryáana na notó ra ámó moto. 4Bimé vá ma núwé táásé na Mwáŋ mwáŋ wa Ireréŋgi kó vá ma késyé ojárá virémbé vyá enjárá víndyé ámó Mwáŋ mwáŋ wa Ireréŋgi a katé eŋga anáá vá járá.
5Wó je rií anáá va Yúdene ává vá katé beerye mbéndɔ́ ra Irɔŋgɔ ondo urána ówó na vidɔŋgɔ bimé íví na cí ra ndono vá katé sɔ́tɔ́ na Yerúsareme. 6Ará uduŋgú omójo ó ma sárámándá, vato vá ma váwónjééná kó vá ma káŋgáná ndekémé ndekémé esene éyé vá katé ová vatɔ́wɔ ámó moto na enjárá raá. 7Vato bimé vá ma kémbyé, peyɔ́ o wó daŋgá kó vá katé súsé anáá «Kesí vato bimé ává vá ma járá ává vá ámó vato ává na Gariréya? 8Até sɔ́ keyé yó eŋgámó anáá ámó moto a wó ová na enjárá raá ra ebyánávéná? 9Vato ává na Parátése, ava na Medíyá, na Eramíyá, vato ává na Mesopotamíyá, ava na Yúdeyá na ava na Kapadóse, ava na pónte kó ava na Asíyá, 10ava na Pirijíyá kó na Pampiríyá, ava na Egíptene, ava na Siréne ójó na Ribíyá, ava na Róma ává vá sɔ́tɔ́mó ará, 11visó bimé va Yúdene, na va hayídene ává vá etá beerye mbɛ́ŋdɔ́ ra visó, ava na Keréte na ava na Arabíya, to wó ovámó vá ojá vesi vá mamba vá Irɔŋgɔ na enjárá ra visó twiiŋí.» 12Bimé vá katé kembyé wandá mwané, munú o wó daŋgá kó vá katé vásúsé vámwané na vámwané anáá: «Ntimisaná raá e ámó ené?» 13Vato vámó vá katé wó kpeére anáá: «Vá bómánámó mɔwɔ́!»
Pyéere a ma járá na vato
14Pyéere a ma hatééná sɔ́ orɔŋgɔ na enásá éjé yábɔ́t na omweesií kó a ma járá na vato mií na máná ayáá: «Aá vato ává na Yúdeyá, na vinó bimé ává no sɔ́tɔ́mo na Yérusaráme, óváno até eyé járámó na vinó wusi na wusi, no wunde wová até éyé é tómbámó wusi. 15Mbéndɔ́, vato ává vá ta obómana mɔɔwɔ́ ámó no buŋganámó, esene éyé to arɔ́wɔ́ na maworo mérémané na omweesií wa ibeesí. 16Wó je rií anáá tetee ojó kówo enjárá ra ahúmíye maró wa Irɔŋgɔ ójó Yowére e káte eŋgavena, esene éyé a ma járá anáá:
17Irɔŋgɔ a járámó anáá: Na metúú má mamana,
ŋgo né sarámindiyámó Ireréŋgi yámé na kána rá vato iŋgímé,
embwene na ŋgwande rá vinó vá né riyámó vahúmíye maró,
vinjára vyá vinó ví né enámó mamba ámá na ndímbe,
virunú vyá vinó ví né reemanámó,
18eeŋ, ŋgo né sárámindiyámó Ireréŋgi yámé na veŋga manɔnɔwɔ vamé vakótó na vanómótó na metúú mwané,
kó vá né riyámó vahúmíye maró vá Irɔŋgɔ.
19Ŋgo né eŋgámó mesimbá na máná
kó ŋgo né eŋgámó honó mesimbá na cí ará,
miné má né riyámó ɔ́wɔ́, na ihyáné, na ncámbá wa inwií.
20Oŋgóná o né búndámó mbinó na mbínó, ohé miné na miné,
hɔrɔ́ ekáné yá wusí wá Okí ówó wá niimí wó arɔ́wɔ́ ka jine.
21Ɔ́wɔ́ moto aá moto ójó a mó béráanámó Okí a mó sɔ́tɔ́mó.
22Aá vato ává na Ísayéere, óváno até éyé njárámó na vinó. Irɔŋgɔ a ma nó tihíyé anáá Yésusu ójó na Nasaráte a timbámó ijwé, esene éyé mesimbá, vidimé na ndeme íjí no jembámó wusi na wusí, Irɔŋgɔ a ma eŋgá mamba mwané na nimé ra Yésusu. 23Moto mwané, no ma me kává vinó owunde o me oná esene éyé no ma eŋgá anáá vambé vá vato vá ma me ondááná na koroso, ámó Irɔŋgɔ a ma téká mamba na póná kó a ma sombá. 24Vedá Irɔŋgɔ a ma me honóna, o me ata na makáná má nugwé, esene éyé nugwé nó ta ma timbe ŋguru ra o me tiitimbe. 25Dáviti a ma járá na wusó wáa anáá:
Ŋgo katé ená Okí itíndíkáná iŋgímé na wusó wamé,
a ámó na ombámbáné ramé anáá noó ka oba.
26Wandá mwané kówo otémá ramé wó ovámó wusi kó uŋgúté ramé ó vaánamó esawo ra visaŋgena,
tɔɔ naáté yá evérá, nótó rame e mó riyámó naáté yá ipití,
27esene éyé o ta né kútyé esɔ́tɔ́ yámé na edɔŋgɔ yá vigwé,
kó o ta né mice usi wa mbérá wɔɔ a jéyá naáté yá evérá.
28O ma ntíhíyé pé íjí yó endámó name na esɔ́tɔ́,
ará o ámó name, o nwíyámó na visaŋgena.»
29Pyéere a ma uswíyé anáá: «Va mbísó, micáno ŋgo nó ojána na ŋgéŋgerééŋ anáá: Kókó wa visó ójó Dáviti a ma gwé, o me títána, kó evérá yáa é ámó na visó hwɔs wusi owó. 30Wó je rií anáá Dáviti a ma ríi ahúmíye maró wa Irɔŋgɔ kó a katé jembe anáá Irɔŋgɔ a ma me ryená evérá anáá ukúmbú ráá maté kójo ó né me héŋgíiyámó na undií rá ahumu. 31Dáviti a ma ená na póná watá wá Etómá yá Irɔŋgɔ na evérá, kó na wusó wáa kówo a ma járá anáá: Irɔŋgɔ a ta ma me céŋgítye na edɔŋgɔ yá vigwé kó nótó raá e ta ma jéyá naáté yá evérá. 32Yésusu mwané, Irɔŋgɔ a ma me honóná na pandó ra vigwé visó bímé to ámó va wúsinete. 33Irɔŋgɔ a ma me néétyé hwɔs na ombámbáné ráa kó Tetáŋgá a ma me hwá Mwáŋ mwáŋ wa Ireréŋgi ójó a ma táná kó a ma me sárámíndíyé na nótó rá visó ámó ne ovámó kó no enámó tetee ojó. 34Dáviti ómwané a ta ma naáta na máná, wó je rií anáá a ma járá anáá:
Okí a ma járá na Okí wame anáá:
Úré ondo nuumana na ombámbáné ramé,
35hwɔs ámó ŋgo né váámó vambéembéná vɔ́ɔ́
na cí ra eŋgoró rɔɔ.
36Noyɔŋɔ ná Ísayéere nimé nó géremenámó wíjíme wusi na wusi anáá: Yésusu ójó vinó no ma ondááná na koroso, Irɔŋgɔ a ma eŋgá anáá a rií Okí, a wunde a rií Etómá yá Irɔŋgɔ.»
Vatɔ́wɔ toósini isátó vá váwúswíiyámó
37Ará vato vá ma maná ová enjárá ra Pyéere, munú ma má wó dáŋgá kó vá ma súsé Pyéere na enásá ejemo anáá: «Até eye to geremenámó weŋga sɔ́ va mbísó?» 38Pyéere a ma wó wundíyé anáá: «Céndyáno vambé vá púrú vá vinó, ámó moto a duwana na ebérááná yá Yésusu Kirítu, ɔ́wɔ́ Irɔŋgɔ a né jwámó mabé má vinó, kó a né nó hwámó Mwáŋ mwáŋ wa Ireréŋgi. 39Esené tánó éjé Irɔŋgɔ a ma táná e ámó na wusó wá vinó na vaná vá vinó, e rií honó na wusó wa vato bímé ává urehí, na vato bimé ává Okí Irɔŋgɔ wa visó a mó béráanámó.» 40Pyéere a ma járá hée mamba mbunu nawó, a tiseenye ukú ójó anáá a wó hwá wonotó, aye nawó anáá: «Bwɔ́nɔ́no vato ává wusí owó esene éyé vá ámó ndáŋgéná kó Irɔŋgɔ a né nó sotyámó.» 41Ava vá ma atɔ́wɔ́ enjárá ra Pyéere vá ma duwáná kó isí mwané, vato wandá ámó tɔɔsini isátó vá ma váwuswííyé na iwónjá rá vatɔ́wɔ.
Esɔ́tɔ́ yá vatɔ́wɔ vá makésyé
42Vámwané bimé vá katé vágíritana na ehoóhona éyé enásá e katé eréena ka búkyé, vá sɔ́tɔ́ náaté yá iretye ámó va navéne, vá nyányá orɔŋgɔ, vá vasoóriye orɔŋgɔ. 43Vato bimé vá katé tíné esene éyé enásá e katé eŋga ombunu rá mesimbá na ombunu rá mamba má okémbyé na ŋguru ra Irɔŋgɔ. 44Vatɔ́wɔ bimé vá ma ré rií wandá wómwéesií kó vá katé vaá até éyé vá katé timbe pandó imwesií. 45Vá ma ré sérá itimbaana yáwó na ekúmé ráwó obáyéta mwení, kaá otáŋgáana na moto uŋgimé kó ámó moto vá katé me hwá ŋgava éjé e katé geremena na mayátá máa. 46Isí yimé, vá katé enda váwónjéena na yanje yá Irɔŋgɔ otémá umwéesií ka búkyé, vá táŋgáana beréte orɔŋgɔ na byanje vyáwó, vá nyányá naáté yá visaŋgena na usi wa otémá. 47Vá katé gúmíye Irɔŋgɔ kó vato bimé vá katé wó aká wusi, kó isí yimé, Okí a katé uswiyána vató ává a katé sótyé na iwónjá rá vatɔ́wɔ.
ទើបបានជ្រើសរើសហើយ៖
Ŋgengéná 2: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Ŋgengéná 2
2
Wuré wá Mwáŋ mwáŋ wa Ireréŋgi
1Ará isí yá Pantekóte é ma húmé, vatɔ́wɔ bimé vá ma rii wónjéénérí pandó emweesií. 2Kó vá ma buuwé ekáné yá oduŋgú ondo uré ówó na máná ámó ékáné yá puŋgi, kó odugŋú mwané ó ma núwé tút naáté yá yanje éyé vá katé rií ɔ́wɔ́. 3Kó vá ma ená motéé ámó virémbé vyá vato ví púrana na ihyáné, mó húmána osárámanda kaá ovátáryáana na notó ra ámó moto. 4Bimé vá ma núwé táásé na Mwáŋ mwáŋ wa Ireréŋgi kó vá ma késyé ojárá virémbé vyá enjárá víndyé ámó Mwáŋ mwáŋ wa Ireréŋgi a katé eŋga anáá vá járá.
5Wó je rií anáá va Yúdene ává vá katé beerye mbéndɔ́ ra Irɔŋgɔ ondo urána ówó na vidɔŋgɔ bimé íví na cí ra ndono vá katé sɔ́tɔ́ na Yerúsareme. 6Ará uduŋgú omójo ó ma sárámándá, vato vá ma váwónjééná kó vá ma káŋgáná ndekémé ndekémé esene éyé vá katé ová vatɔ́wɔ ámó moto na enjárá raá. 7Vato bimé vá ma kémbyé, peyɔ́ o wó daŋgá kó vá katé súsé anáá «Kesí vato bimé ává vá ma járá ává vá ámó vato ává na Gariréya? 8Até sɔ́ keyé yó eŋgámó anáá ámó moto a wó ová na enjárá raá ra ebyánávéná? 9Vato ává na Parátése, ava na Medíyá, na Eramíyá, vato ává na Mesopotamíyá, ava na Yúdeyá na ava na Kapadóse, ava na pónte kó ava na Asíyá, 10ava na Pirijíyá kó na Pampiríyá, ava na Egíptene, ava na Siréne ójó na Ribíyá, ava na Róma ává vá sɔ́tɔ́mó ará, 11visó bimé va Yúdene, na va hayídene ává vá etá beerye mbɛ́ŋdɔ́ ra visó, ava na Keréte na ava na Arabíya, to wó ovámó vá ojá vesi vá mamba vá Irɔŋgɔ na enjárá ra visó twiiŋí.» 12Bimé vá katé kembyé wandá mwané, munú o wó daŋgá kó vá katé vásúsé vámwané na vámwané anáá: «Ntimisaná raá e ámó ené?» 13Vato vámó vá katé wó kpeére anáá: «Vá bómánámó mɔwɔ́!»
Pyéere a ma járá na vato
14Pyéere a ma hatééná sɔ́ orɔŋgɔ na enásá éjé yábɔ́t na omweesií kó a ma járá na vato mií na máná ayáá: «Aá vato ává na Yúdeyá, na vinó bimé ává no sɔ́tɔ́mo na Yérusaráme, óváno até eyé járámó na vinó wusi na wusi, no wunde wová até éyé é tómbámó wusi. 15Mbéndɔ́, vato ává vá ta obómana mɔɔwɔ́ ámó no buŋganámó, esene éyé to arɔ́wɔ́ na maworo mérémané na omweesií wa ibeesí. 16Wó je rií anáá tetee ojó kówo enjárá ra ahúmíye maró wa Irɔŋgɔ ójó Yowére e káte eŋgavena, esene éyé a ma járá anáá:
17Irɔŋgɔ a járámó anáá: Na metúú má mamana,
ŋgo né sarámindiyámó Ireréŋgi yámé na kána rá vato iŋgímé,
embwene na ŋgwande rá vinó vá né riyámó vahúmíye maró,
vinjára vyá vinó ví né enámó mamba ámá na ndímbe,
virunú vyá vinó ví né reemanámó,
18eeŋ, ŋgo né sárámindiyámó Ireréŋgi yámé na veŋga manɔnɔwɔ vamé vakótó na vanómótó na metúú mwané,
kó vá né riyámó vahúmíye maró vá Irɔŋgɔ.
19Ŋgo né eŋgámó mesimbá na máná
kó ŋgo né eŋgámó honó mesimbá na cí ará,
miné má né riyámó ɔ́wɔ́, na ihyáné, na ncámbá wa inwií.
20Oŋgóná o né búndámó mbinó na mbínó, ohé miné na miné,
hɔrɔ́ ekáné yá wusí wá Okí ówó wá niimí wó arɔ́wɔ́ ka jine.
21Ɔ́wɔ́ moto aá moto ójó a mó béráanámó Okí a mó sɔ́tɔ́mó.
22Aá vato ává na Ísayéere, óváno até éyé njárámó na vinó. Irɔŋgɔ a ma nó tihíyé anáá Yésusu ójó na Nasaráte a timbámó ijwé, esene éyé mesimbá, vidimé na ndeme íjí no jembámó wusi na wusí, Irɔŋgɔ a ma eŋgá mamba mwané na nimé ra Yésusu. 23Moto mwané, no ma me kává vinó owunde o me oná esene éyé no ma eŋgá anáá vambé vá vato vá ma me ondááná na koroso, ámó Irɔŋgɔ a ma téká mamba na póná kó a ma sombá. 24Vedá Irɔŋgɔ a ma me honóna, o me ata na makáná má nugwé, esene éyé nugwé nó ta ma timbe ŋguru ra o me tiitimbe. 25Dáviti a ma járá na wusó wáa anáá:
Ŋgo katé ená Okí itíndíkáná iŋgímé na wusó wamé,
a ámó na ombámbáné ramé anáá noó ka oba.
26Wandá mwané kówo otémá ramé wó ovámó wusi kó uŋgúté ramé ó vaánamó esawo ra visaŋgena,
tɔɔ naáté yá evérá, nótó rame e mó riyámó naáté yá ipití,
27esene éyé o ta né kútyé esɔ́tɔ́ yámé na edɔŋgɔ yá vigwé,
kó o ta né mice usi wa mbérá wɔɔ a jéyá naáté yá evérá.
28O ma ntíhíyé pé íjí yó endámó name na esɔ́tɔ́,
ará o ámó name, o nwíyámó na visaŋgena.»
29Pyéere a ma uswíyé anáá: «Va mbísó, micáno ŋgo nó ojána na ŋgéŋgerééŋ anáá: Kókó wa visó ójó Dáviti a ma gwé, o me títána, kó evérá yáa é ámó na visó hwɔs wusi owó. 30Wó je rií anáá Dáviti a ma ríi ahúmíye maró wa Irɔŋgɔ kó a katé jembe anáá Irɔŋgɔ a ma me ryená evérá anáá ukúmbú ráá maté kójo ó né me héŋgíiyámó na undií rá ahumu. 31Dáviti a ma ená na póná watá wá Etómá yá Irɔŋgɔ na evérá, kó na wusó wáa kówo a ma járá anáá: Irɔŋgɔ a ta ma me céŋgítye na edɔŋgɔ yá vigwé kó nótó raá e ta ma jéyá naáté yá evérá. 32Yésusu mwané, Irɔŋgɔ a ma me honóná na pandó ra vigwé visó bímé to ámó va wúsinete. 33Irɔŋgɔ a ma me néétyé hwɔs na ombámbáné ráa kó Tetáŋgá a ma me hwá Mwáŋ mwáŋ wa Ireréŋgi ójó a ma táná kó a ma me sárámíndíyé na nótó rá visó ámó ne ovámó kó no enámó tetee ojó. 34Dáviti ómwané a ta ma naáta na máná, wó je rií anáá a ma járá anáá:
Okí a ma járá na Okí wame anáá:
Úré ondo nuumana na ombámbáné ramé,
35hwɔs ámó ŋgo né váámó vambéembéná vɔ́ɔ́
na cí ra eŋgoró rɔɔ.
36Noyɔŋɔ ná Ísayéere nimé nó géremenámó wíjíme wusi na wusi anáá: Yésusu ójó vinó no ma ondááná na koroso, Irɔŋgɔ a ma eŋgá anáá a rií Okí, a wunde a rií Etómá yá Irɔŋgɔ.»
Vatɔ́wɔ toósini isátó vá váwúswíiyámó
37Ará vato vá ma maná ová enjárá ra Pyéere, munú ma má wó dáŋgá kó vá ma súsé Pyéere na enásá ejemo anáá: «Até eye to geremenámó weŋga sɔ́ va mbísó?» 38Pyéere a ma wó wundíyé anáá: «Céndyáno vambé vá púrú vá vinó, ámó moto a duwana na ebérááná yá Yésusu Kirítu, ɔ́wɔ́ Irɔŋgɔ a né jwámó mabé má vinó, kó a né nó hwámó Mwáŋ mwáŋ wa Ireréŋgi. 39Esené tánó éjé Irɔŋgɔ a ma táná e ámó na wusó wá vinó na vaná vá vinó, e rií honó na wusó wa vato bímé ává urehí, na vato bimé ává Okí Irɔŋgɔ wa visó a mó béráanámó.» 40Pyéere a ma járá hée mamba mbunu nawó, a tiseenye ukú ójó anáá a wó hwá wonotó, aye nawó anáá: «Bwɔ́nɔ́no vato ává wusí owó esene éyé vá ámó ndáŋgéná kó Irɔŋgɔ a né nó sotyámó.» 41Ava vá ma atɔ́wɔ́ enjárá ra Pyéere vá ma duwáná kó isí mwané, vato wandá ámó tɔɔsini isátó vá ma váwuswííyé na iwónjá rá vatɔ́wɔ.
Esɔ́tɔ́ yá vatɔ́wɔ vá makésyé
42Vámwané bimé vá katé vágíritana na ehoóhona éyé enásá e katé eréena ka búkyé, vá sɔ́tɔ́ náaté yá iretye ámó va navéne, vá nyányá orɔŋgɔ, vá vasoóriye orɔŋgɔ. 43Vato bimé vá katé tíné esene éyé enásá e katé eŋga ombunu rá mesimbá na ombunu rá mamba má okémbyé na ŋguru ra Irɔŋgɔ. 44Vatɔ́wɔ bimé vá ma ré rií wandá wómwéesií kó vá katé vaá até éyé vá katé timbe pandó imwesií. 45Vá ma ré sérá itimbaana yáwó na ekúmé ráwó obáyéta mwení, kaá otáŋgáana na moto uŋgimé kó ámó moto vá katé me hwá ŋgava éjé e katé geremena na mayátá máa. 46Isí yimé, vá katé enda váwónjéena na yanje yá Irɔŋgɔ otémá umwéesií ka búkyé, vá táŋgáana beréte orɔŋgɔ na byanje vyáwó, vá nyányá naáté yá visaŋgena na usi wa otémá. 47Vá katé gúmíye Irɔŋgɔ kó vato bimé vá katé wó aká wusi, kó isí yimé, Okí a katé uswiyána vató ává a katé sótyé na iwónjá rá vatɔ́wɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL