BaKkolose 3
3
1 #
Int 110:1. Eelyo kuti naa mwakabusigwa aamwi aKkirisitu, amuyandule zintu zili kujulu, ooko Kkirisitu nkwabede, nkwakkede kuluboko lwakululyo lwaLeza. 2Amupangike miyeeyo yanu kuzintu zili kujulu, peepe kuzintu eezyo zili anyika, 3nkaambo inywe mwakafwa, alimwi buumi bwanu bulisisidwe aamwi aKkirisitu muli Leza. 4Aawo Kkirisitu ooyu ulingunguwe buumi bwesu akuliboniya, eelyo muyooliboniya aamwi anguwe mubulemu.
Buumi Bukulukulu aBuumi Bupya
5Nkikaako amujeye eezyo zyamunyika zili mulindinywe, zilimbuli malalano abusofwazi azisusi zyamubili aziyandisyo zyabubi abusindya alimwi chaamba kukomba mituni. 6Nkaambo kazintu eezi bukali bwaLeza bulikuza.#3:6. Bamwi bakale bakazumizya kuyundizizgwe ajulu kuti atala abana bakutaswilila 7Muli zeezi mumwakali kweendela, nimwakali kupona mulinzizyo.
8Pesi lino amusowe zyoonse eezi, zilimbuli lunyemo abukali kusula akusampawula alimwi amatusi kuzwa mumulomo wako. 9Mutabejelani pe, mbukunga mwakazuununa buntu bukulukulu anchito zyayo 10#Matl 1:26.alimwi mwakasama buntu bupya, chaamba kubukulisigwa muluzibo lwakwe amuchiimo chayooyo wakachilenga. 11Aawa takukwe muGirikki nikuba muJuda, bapalulwe abatapalwidwe, utayiide bazwakule amuzike amuntu wangunukide, pesi Kkirisitu nguunguwe zyoonse amuli zyoonse.
12 #
Ef 4:2. Nkikaako mbuli basale baLeza, basalali alimwi bayandwa loko amusame aluse abuuya abazikatide akulifwiinsya alimwi amoyo mulamfu, 13kamukkazikilene moyo alimwi naakuti umwi wanu ujisi kaambo atala amweenzinyina, amulekelelane; mbuli Mwami mbwakamulekelela, aboobo alubo mweelede kulekelela. 14Alimwi atala azintu zyoonse eezi amube aluyando, oolu nduundulo lukamantaniya aamwi zintu zyoonse munzila iluleme. 15Amuleke luumuno lwaKkirisitu lwendeelezye mumyoyo yanu, mulindulo mumwaakayitwa mumubili uumwi. Alimwi amupe kulumba. 16#Ef 5:19.Amuleke ijwi lyaKkirisitu likkalilile mulindinywe mubwiingi bwalyo, amuyiisye akusungilizyaniya mubusongo boonse, amukwiimba intembawuzyo amalelebu anyimbo zyamuMuuya anyimbo zyakupa kulumba mumoyo yanu kuliLeza. 17Alimwi kufumbwa nzimuchita, mujwi nikuba mukuchita, amuzichite zintu zyoonse mukwiinda muzina lyaMwami Jesu, kamupa kulumba kuliLeza Taata mukwiinda mulinguwe.
Bulyidilani Bwako Mubuumi Bupya
18 #
Ef 5:22—6:9. Nibanakazi, amulibombye kubalumi banu, mbuli mbulikweleede muMwami.
19Nibalumi, amuyande banakazi banu, alimwi mutabaluvukili.
20Nibana, amuswilile bazyali banu muzintu zyoonse, nkaambo eechi chibotezya Mwami.
21NimaTaata, mutabanyemwi bana banu, nkaambo balawusa.
22Nibazike, amuswiilile basimalelo banu baansi muzintu zyoonse, peepe nibabwene, mbuli basikubotelezya bantu, pesi mukuchita zizwa mukati kamoyo, mukuyoowa Mwami. 23#Rom 12:11. Kufumbwa nzimuyoochita, amuchite amoyo woonse, mbuli kubelekela Mwami alimwi peepe bantu, 24kamuzi kuti kuzwa kuMwami muyotambula lukono mbuli mpindu yanu; peepe iswe pesi nguMwami Kkirisitu mukukutawukila. 25Nkaambo simuchita zibi uyoojana mpindu yabubi mbwachita, alimwi takukwe kusalulwa pe.
ទើបបានជ្រើសរើសហើយ៖
BaKkolose 3: TTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International
BaKkolose 3
3
1 #
Int 110:1. Eelyo kuti naa mwakabusigwa aamwi aKkirisitu, amuyandule zintu zili kujulu, ooko Kkirisitu nkwabede, nkwakkede kuluboko lwakululyo lwaLeza. 2Amupangike miyeeyo yanu kuzintu zili kujulu, peepe kuzintu eezyo zili anyika, 3nkaambo inywe mwakafwa, alimwi buumi bwanu bulisisidwe aamwi aKkirisitu muli Leza. 4Aawo Kkirisitu ooyu ulingunguwe buumi bwesu akuliboniya, eelyo muyooliboniya aamwi anguwe mubulemu.
Buumi Bukulukulu aBuumi Bupya
5Nkikaako amujeye eezyo zyamunyika zili mulindinywe, zilimbuli malalano abusofwazi azisusi zyamubili aziyandisyo zyabubi abusindya alimwi chaamba kukomba mituni. 6Nkaambo kazintu eezi bukali bwaLeza bulikuza.#3:6. Bamwi bakale bakazumizya kuyundizizgwe ajulu kuti atala abana bakutaswilila 7Muli zeezi mumwakali kweendela, nimwakali kupona mulinzizyo.
8Pesi lino amusowe zyoonse eezi, zilimbuli lunyemo abukali kusula akusampawula alimwi amatusi kuzwa mumulomo wako. 9Mutabejelani pe, mbukunga mwakazuununa buntu bukulukulu anchito zyayo 10#Matl 1:26.alimwi mwakasama buntu bupya, chaamba kubukulisigwa muluzibo lwakwe amuchiimo chayooyo wakachilenga. 11Aawa takukwe muGirikki nikuba muJuda, bapalulwe abatapalwidwe, utayiide bazwakule amuzike amuntu wangunukide, pesi Kkirisitu nguunguwe zyoonse amuli zyoonse.
12 #
Ef 4:2. Nkikaako mbuli basale baLeza, basalali alimwi bayandwa loko amusame aluse abuuya abazikatide akulifwiinsya alimwi amoyo mulamfu, 13kamukkazikilene moyo alimwi naakuti umwi wanu ujisi kaambo atala amweenzinyina, amulekelelane; mbuli Mwami mbwakamulekelela, aboobo alubo mweelede kulekelela. 14Alimwi atala azintu zyoonse eezi amube aluyando, oolu nduundulo lukamantaniya aamwi zintu zyoonse munzila iluleme. 15Amuleke luumuno lwaKkirisitu lwendeelezye mumyoyo yanu, mulindulo mumwaakayitwa mumubili uumwi. Alimwi amupe kulumba. 16#Ef 5:19.Amuleke ijwi lyaKkirisitu likkalilile mulindinywe mubwiingi bwalyo, amuyiisye akusungilizyaniya mubusongo boonse, amukwiimba intembawuzyo amalelebu anyimbo zyamuMuuya anyimbo zyakupa kulumba mumoyo yanu kuliLeza. 17Alimwi kufumbwa nzimuchita, mujwi nikuba mukuchita, amuzichite zintu zyoonse mukwiinda muzina lyaMwami Jesu, kamupa kulumba kuliLeza Taata mukwiinda mulinguwe.
Bulyidilani Bwako Mubuumi Bupya
18 #
Ef 5:22—6:9. Nibanakazi, amulibombye kubalumi banu, mbuli mbulikweleede muMwami.
19Nibalumi, amuyande banakazi banu, alimwi mutabaluvukili.
20Nibana, amuswilile bazyali banu muzintu zyoonse, nkaambo eechi chibotezya Mwami.
21NimaTaata, mutabanyemwi bana banu, nkaambo balawusa.
22Nibazike, amuswiilile basimalelo banu baansi muzintu zyoonse, peepe nibabwene, mbuli basikubotelezya bantu, pesi mukuchita zizwa mukati kamoyo, mukuyoowa Mwami. 23#Rom 12:11. Kufumbwa nzimuyoochita, amuchite amoyo woonse, mbuli kubelekela Mwami alimwi peepe bantu, 24kamuzi kuti kuzwa kuMwami muyotambula lukono mbuli mpindu yanu; peepe iswe pesi nguMwami Kkirisitu mukukutawukila. 25Nkaambo simuchita zibi uyoojana mpindu yabubi mbwachita, alimwi takukwe kusalulwa pe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International