1 BaTesalonika 1
1
1Ime Pawulu, aamwi aSilivanasi aTimoti,
Kubasyomi bali mumbungano yakuTesalonika muli Leza Taata aMwami Jesu Kkirisitu:
Luzyalo lwaLeza aluumuno lube kulindinywe.
Buumi Alusyomo LwaBaTesalonika
2Tupa kulumba kuli Leza lyoonse ankaambo kanu moonse, tatuleki pe kumwaambilizya moonse kuli Leza munkombyo zyesu, 3tulamuyeeya kunembo lyaLeza wesu aTaata atala amilimu yanu yalusyomo akubeleka kwanu kwaluyando akukakatila kwabulangilizi muMwami wesu Jesu Kkirisitu. 4Bakwesu nimuyandwa aLeza, tulizi kuti wakamusala, 5nkaambo nitwakaza amakani mabotu kulindinywe, peepe amajwi luzutu, pesi alubo amunguzu amuMuuya Usalala akusyoma kuzwide. Mulizi mbutwakapona akati kanu nkaambo kanu. 6Alimwi mwakaba basikutuyiiya akuyiiya Mwami, nikuba kuti mwakapenzegwa kapati, mwakatambula ijwi eeli alukondo oolo luzwa kuMuuya Usalala; 7aboobo mwakaba chitondeezyo kubasyomi boonse bali muMasedoniya amuAkkaya. 8Nkaambo ijwi lyaMwami teelyakeendelela kuzwa kulindinywe mumasena akuMasedoniya akuAkkaya luzutu pe, pesi lusyomo lwanu muli Leza lwakeendelela koonse. Aboobo tatucheelede kwaambila muntu pe atala anchicho. 9Nkaambo lwabo balaamba kuti mwakatutambula biyeni akati kanu, ambumwakachenguluka kuzwa kumizimu akukutawukila Leza wachoonzyo alimwi upona, 10akulindila Mwana Mulombe wakwe kuzwa kujulu, ooyo ngwaakabusya kuzwa kubafu, Jesu ooyo utuvuna kubukali bwaLeza oobo buchiza.
ទើបបានជ្រើសរើសហើយ៖
1 BaTesalonika 1: TTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International
1 BaTesalonika 1
1
1Ime Pawulu, aamwi aSilivanasi aTimoti,
Kubasyomi bali mumbungano yakuTesalonika muli Leza Taata aMwami Jesu Kkirisitu:
Luzyalo lwaLeza aluumuno lube kulindinywe.
Buumi Alusyomo LwaBaTesalonika
2Tupa kulumba kuli Leza lyoonse ankaambo kanu moonse, tatuleki pe kumwaambilizya moonse kuli Leza munkombyo zyesu, 3tulamuyeeya kunembo lyaLeza wesu aTaata atala amilimu yanu yalusyomo akubeleka kwanu kwaluyando akukakatila kwabulangilizi muMwami wesu Jesu Kkirisitu. 4Bakwesu nimuyandwa aLeza, tulizi kuti wakamusala, 5nkaambo nitwakaza amakani mabotu kulindinywe, peepe amajwi luzutu, pesi alubo amunguzu amuMuuya Usalala akusyoma kuzwide. Mulizi mbutwakapona akati kanu nkaambo kanu. 6Alimwi mwakaba basikutuyiiya akuyiiya Mwami, nikuba kuti mwakapenzegwa kapati, mwakatambula ijwi eeli alukondo oolo luzwa kuMuuya Usalala; 7aboobo mwakaba chitondeezyo kubasyomi boonse bali muMasedoniya amuAkkaya. 8Nkaambo ijwi lyaMwami teelyakeendelela kuzwa kulindinywe mumasena akuMasedoniya akuAkkaya luzutu pe, pesi lusyomo lwanu muli Leza lwakeendelela koonse. Aboobo tatucheelede kwaambila muntu pe atala anchicho. 9Nkaambo lwabo balaamba kuti mwakatutambula biyeni akati kanu, ambumwakachenguluka kuzwa kumizimu akukutawukila Leza wachoonzyo alimwi upona, 10akulindila Mwana Mulombe wakwe kuzwa kujulu, ooyo ngwaakabusya kuzwa kubafu, Jesu ooyo utuvuna kubukali bwaLeza oobo buchiza.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International