Márko̱s 2
2
Jesús naꞌne-thanuu mbáa xa̱bo̱ tsí nixtriga̱a̱
(Mt 9.1-8; Lc 5.17-26)
1Nda̱wa̱á ído̱ rí ninújngoo mbá wátha̱ wáa mbiꞌi, a̱ꞌkhue̱n ni̱ꞌkha̱a Jesús ná xuajen Kapernaúm. A̱ꞌkhue̱n ni̱dxawíín xa̱bo̱ rí xtáa̱ ná guꞌwáá. 2A̱ꞌkhue̱n rí mbá nacha̱ máꞌ ni̱gi̱mbúun mbaꞌiin xa̱bo̱, asndo nitsíꞌngo̱o̱ ma̱tii̱n ná awúún ni máꞌ ná rawuun guꞌwá. Xómáꞌ ikhaa̱ naꞌthúu̱n ajngóo Ana̱ꞌlóꞌ. 3A̱ꞌkhue̱n niguáꞌnú ná xtáa Jesús mbá akhu̱un xa̱bo̱ tsí juya̱a̱ mbáa xa̱bo̱ tsí nixtriga̱a̱. 4I̱ndo̱ó máꞌ numuu rí na̱nguá iyoo ma̱tu̱múu̱ asndo ná inuu Jesús, ga̱jma̱á numuu rí maphú mbaꞌiin xa̱bo̱ gachúún, ikhaa jngó nitsimúu̱ juya̱a̱ ná tsu̱du̱u̱ guꞌwá jamí ni̱rma̱ꞌtháa̱ ná naꞌne jmbuu wéje̱ Jesús. Ikhín máꞌ ni̱xri̱guíi̱ tsí nixtriga̱a̱ ga̱jma̱á agúu, ná ja̱ma̱ꞌtha nini̱i̱. 5Ído̱ ndiꞌyoo Jesús rí wéje̱ a̱kui̱ín xa̱bo̱ tsúꞌkhue̱n ná inuu̱, a̱ꞌkhue̱n niꞌthúu̱n xa̱bo̱ tsí nixtriga̱a̱: «Táa̱, ningudi̱i máꞌ aꞌkháanꞌ rá».
6Ikhín máꞌ trigi̱in mbá tikhuun xa̱bo̱ tsí nusngáá xtángoo, jamí nu̱ndxa̱ꞌwa̱-mijnée̱ xáꞌnii: 7«Náá numuu kajngó xáꞌnii iꞌthán xa̱bo̱ tsíge̱ꞌ róꞌ. Naꞌthán-xkawi̱i̱ꞌ ga̱jma̱á numuu Ana̱ꞌlóꞌ. Tsáa i̱mba̱a̱ꞌ ma̱goo ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ róꞌ. I̱ndo̱ó máꞌ Ana̱ꞌlóꞌ ma̱goo ma̱ꞌne rúꞌkhue̱n».
8Xómáꞌ Jesús núkho̱ máꞌ ndiꞌyoo rí xkuaꞌnii nu̱ndxa̱ꞌwa̱-mijnée̱, ikhaa jngó niraxúu̱n: «Náá numuu kajngó xkuaꞌnii i̱ndxa̱ꞌwa̱-mijnálaꞌ róꞌ. 9Náá rí i̱wa̱á na̱nguá mingíjyúu rí mi̱ꞌtháán xa̱bo̱ tsí nixtriga̱a̱ róꞌ: Á rí mi̱ꞌtháa̱n: “Ningudi̱i máꞌ aꞌkháanꞌ rá”, o rí mi̱ꞌtháa̱n: “Araxu̱unꞌ, atiáxi̱i aguáaꞌ jamí ayu̱uꞌ” dxe̱ꞌ. 10Ma̱snga̱jmálaꞌ mbu̱ya̱á rí A̱dée Xa̱bo̱ Numbaa gíꞌdoo tsiakhe̱ rí ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ ná numbaa ríge̱ꞌ». A̱ꞌkhue̱n niꞌthúu̱n xa̱bo̱ tsí nixtriga̱a̱: 11«Ikháánꞌ i̱tha̱a̱nꞌ, araxu̱unꞌ, atiáxi̱i aguáaꞌ, jamí ayu̱uꞌ guꞌwáaꞌ».
12A̱ꞌkhue̱n rí núkho̱ máꞌ ni̱tu̱xii̱, jamí niyáxii̱ agúu̱. Inúú mbá xúgíin xa̱bo̱ nigájnaa̱ ni̱kaa̱. A̱ꞌkhue̱n rí mbá xúgíin xa̱bo̱ maphú nimakúún jamí nene̱-mba̱a̱ Ana̱ꞌlóꞌ rí xkuaꞌnii ndiyáa̱. Jamí nithee̱n: «¡Ninguáná túꞌyáálóꞌ rí xáꞌnii rá!».
Jesús nandxaꞌwóo Lebí
(Mt 9.9-13; Lc 5.27-32)
13Nda̱wa̱á a̱ꞌkhue̱n nigájnuu ni̱ka̱ mbu̱júu Jesús ná rawuun ñañuu a̱pha̱. Jamí mbá xúgíin xa̱bo̱ naguáꞌnú ná inuu̱, xómáꞌ ikhaa̱ naꞌsngúu̱n. 14Jamí ído̱ na̱ka̱-ranújngoo̱, a̱ꞌkhue̱n ndiꞌyoo̱ Lebí a̱dée Alféo̱, ꞌgí na̱ru̱ma mbúkho̱o̱ guꞌwá-ñajun. A̱ꞌkhue̱n niꞌthúu̱n: «Aya̱ ga̱jma̱á nindxu̱ꞌ». A̱ꞌkhue̱n ikhaa̱ ni̱tu̱xu̱u̱ꞌ, jamí ni̱ke̱e̱ ga̱jma̱á nindxu̱u̱ Jesús.
15Nda̱wa̱á a̱ꞌkhue̱n Jesús ni̱ka̱ gákueꞌtso ná guꞌwóo Lebí. Nigóó máꞌ tsí naꞌsngúu̱n mangaa. Jamí phú mbaꞌiin xa̱bo̱ tsí nu̱ru̱ma mbúkho̱o̱ guꞌwá-ñajun gajmíí xa̱bo̱ aꞌkhán trigi̱in mangiin ga̱jma̱á nindxu̱u̱. Numuu rí naꞌne mbaꞌiin máꞌ tsí nagóó tsu̱du̱u̱ Jesús. 16Ído̱ ndiyáá xa̱bo̱ tsí nusngáá xtángoo gajmíí xa̱bo̱ fariséo̱, rí nakueꞌtso Jesús gajmíí xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán, a̱ꞌkhue̱n ni̱ra̱xúu̱n tsí naꞌsngúún Jesús: «Náá numuu kajngó tsí naꞌsngálaꞌ nakueꞌtso ga̱jma̱á nindxu̱ún xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán róꞌ».
17Ído̱ nidxawuun Jesús rí xkuaꞌnii ithee̱n, a̱ꞌkhue̱n niꞌthúu̱n: «Xa̱bo̱ tsí tsíjáñúú, tsíꞌñúu̱ máꞌ xa̱bo̱ tsí naꞌne-thana ikhii̱n, rí i̱ndo̱ó máꞌ xa̱bo̱ tsí najáñúú na̱mbu̱jmúú inuu xa̱bo̱ tsí naꞌne-thana. Ikhúúnꞌ táꞌkha gándxa̱ꞌwu̱ún xa̱bo̱ tsí nune̱ rí máján, rí niꞌkha gándxa̱ꞌwu̱ún xa̱bo̱ tsí nune̱ aꞌkhán».
Nu̱ra̱xíi̱ Jesús ga̱jma̱á numuu rí nune̱-miꞌkhíí xa̱bo̱
(Mt 9.14-17; Lc 5.33-39)
18Mbá miꞌtsú, ído̱ rí inu nune̱-miꞌkhíí tsí naꞌsngúún Juáán jamí tsí nusngúún xa̱bo̱ fariséo̱, niguwá mbá tikhuun xa̱bo̱ ná inuu Jesús, jamí ni̱ra̱xíi̱:
―Náá numuu kajngó tsí naꞌsngúún Juáán jamí tsí nusngúún xa̱bo̱ fariséo̱ nune̱-miꞌkhíí, jamí tsí narasngúún ikháánꞌ tsíne̱-miꞌkhíí róꞌ.
19A̱ꞌkhue̱n Jesús niꞌthúu̱n:
―Á ma̱goo mune̱-miꞌkhíí xa̱bo̱ tsí gachúún ná ndxa̱a̱ tsigúún, xí xa̱bo̱ tsí nanigúún xtáa ga̱jma̱á nindxúu̱n dxe̱ꞌ. Ma̱xáxóo mune̱-miꞌkhíi̱ ído̱ rí xóó xtáa tsí nanigúún ga̱jma̱á nindxúu̱n. 20I̱ndo̱ó máꞌ numuu rí ma̱ga̱nú mbiꞌi rí ma̱ꞌga jiꞌyáa tsí nanigúún, a̱ꞌkhue̱n rí mune̱-miꞌkhíi̱.
21»Asndo nimbáa xa̱bo̱ tsíꞌxmí-raꞌa̱a mbá chápa xtíin rí nuxe̱ꞌ ná xtíin rí wayuu. Xí xkuaꞌnii iꞌnii̱, mu̱thon xtíin rí wayuu gáꞌne xtíin rí nuxe̱ꞌ ído̱ gáxtriga̱, jamí i̱wa̱á mba̱a̱ gúthon ne̱ gáꞌne. 22Jamí asndo nimbáa xa̱bo̱ tsíxíña̱ꞌ iyoo úba̱ nuxe̱ꞌ rí ni̱ga̱yu̱u̱ꞌ ná awúun xtá lamba rí wayuu, ra̱ꞌkhá mu̱thon xtá rí wayuu gáꞌne iyoo úba̱ nuxe̱ꞌ rí ni̱ga̱yu̱u̱ꞌ. A̱ꞌkhue̱n rí ma̱ga̱díí iyoo úba̱ jamí ma̱mbáa mbá jayu xtá lamba gáꞌne. Iyoo úba̱ nuxe̱ꞌ rí ni̱ga̱yu̱u̱ꞌ jaꞌyoo ma̱jno̱ꞌ ne̱ ná awúun xtá lamba rí nuxe̱ꞌ.
Tsí naꞌsngúún Jesús nu̱xmajwíí iñuu ixí iña
(Mt 12.1-8; Lc 6.1-5)
23Mbá mbiꞌi rí nduya̱a xu̱únꞌ xa̱bo̱ judío̱, na̱ka̱-ranújngoo Jesús ná waꞌdu ixí iña. Jamí tsí naꞌsngúu̱n, ni̱gíꞌdi̱ín ni̱xmajwíi iña kajngó mu̱phi̱i̱ tsígoo ne̱. 24A̱ꞌkhue̱n rí xa̱bo̱ fariséo̱ nitháán Jesús:
―Atiaxe̱ lá, náá numuu kajngó tsí narasngúún nune̱ mbá ñajun rí ra̱jáꞌyoo mu̱ꞌne̱lóꞌ awúun mbiꞌi rí nduꞌyáa xa̱ꞌlóꞌ róꞌ.
25Xómáꞌ ikhaa̱ niꞌthúu̱n:
―Á nimbá miꞌtsú túraxnuulaꞌ ná naꞌthán rí neꞌne Dabíd wajyúú, nákhí rí ikhaa̱ gajmíi̱ a̱nguii̱n, ndiꞌñúu̱ jamí ni̱xki̱dxúu̱n dxe̱ꞌ. 26Ni̱to̱ꞌo̱o̱ ná awúun guꞌwóo Ana̱ꞌlóꞌ, nákhí rí Abiatar ñajuun tsí jayá idxu̱ún dxakuun, niꞌkhui̱i̱ guma rí kixnáxe̱ ná inuu Ana̱ꞌlóꞌ, rí i̱ndo̱ó máꞌ dxakuun jaꞌyoo rí mu̱pho̱. Jamí nixnúu̱ ne̱ xa̱bo̱ tsí gajmíi̱ mu̱pho̱ mangiin.
27Jesús niꞌthúu̱n xóó:
―Mbiꞌi rí nduya̱a xu̱únꞌ xa̱bo̱ ni̱gu̱ma-ku̱maa ne̱ ga̱jma̱á numuu rí mambáñúú ne̱ xa̱bo̱, ra̱ꞌkhá rí xa̱bo̱ ni̱gu̱ma-ku̱mii ga̱jma̱á numuu rí mu̱mbáyíí mbiꞌi rúꞌkhue̱n. 28Ikhaa jngó, A̱dée Xa̱bo̱ Numbaa gíꞌdoo tsiakhe̱ rí maꞌthán dí ñajuun ma̱goo ma̱gu̱ma ná awúun mbiꞌi rí nduya̱a xu̱únꞌ xa̱bo̱ mangaa.
ទើបបានជ្រើសរើសហើយ៖
Márko̱s 2: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Márko̱s 2
2
Jesús naꞌne-thanuu mbáa xa̱bo̱ tsí nixtriga̱a̱
(Mt 9.1-8; Lc 5.17-26)
1Nda̱wa̱á ído̱ rí ninújngoo mbá wátha̱ wáa mbiꞌi, a̱ꞌkhue̱n ni̱ꞌkha̱a Jesús ná xuajen Kapernaúm. A̱ꞌkhue̱n ni̱dxawíín xa̱bo̱ rí xtáa̱ ná guꞌwáá. 2A̱ꞌkhue̱n rí mbá nacha̱ máꞌ ni̱gi̱mbúun mbaꞌiin xa̱bo̱, asndo nitsíꞌngo̱o̱ ma̱tii̱n ná awúún ni máꞌ ná rawuun guꞌwá. Xómáꞌ ikhaa̱ naꞌthúu̱n ajngóo Ana̱ꞌlóꞌ. 3A̱ꞌkhue̱n niguáꞌnú ná xtáa Jesús mbá akhu̱un xa̱bo̱ tsí juya̱a̱ mbáa xa̱bo̱ tsí nixtriga̱a̱. 4I̱ndo̱ó máꞌ numuu rí na̱nguá iyoo ma̱tu̱múu̱ asndo ná inuu Jesús, ga̱jma̱á numuu rí maphú mbaꞌiin xa̱bo̱ gachúún, ikhaa jngó nitsimúu̱ juya̱a̱ ná tsu̱du̱u̱ guꞌwá jamí ni̱rma̱ꞌtháa̱ ná naꞌne jmbuu wéje̱ Jesús. Ikhín máꞌ ni̱xri̱guíi̱ tsí nixtriga̱a̱ ga̱jma̱á agúu, ná ja̱ma̱ꞌtha nini̱i̱. 5Ído̱ ndiꞌyoo Jesús rí wéje̱ a̱kui̱ín xa̱bo̱ tsúꞌkhue̱n ná inuu̱, a̱ꞌkhue̱n niꞌthúu̱n xa̱bo̱ tsí nixtriga̱a̱: «Táa̱, ningudi̱i máꞌ aꞌkháanꞌ rá».
6Ikhín máꞌ trigi̱in mbá tikhuun xa̱bo̱ tsí nusngáá xtángoo, jamí nu̱ndxa̱ꞌwa̱-mijnée̱ xáꞌnii: 7«Náá numuu kajngó xáꞌnii iꞌthán xa̱bo̱ tsíge̱ꞌ róꞌ. Naꞌthán-xkawi̱i̱ꞌ ga̱jma̱á numuu Ana̱ꞌlóꞌ. Tsáa i̱mba̱a̱ꞌ ma̱goo ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ róꞌ. I̱ndo̱ó máꞌ Ana̱ꞌlóꞌ ma̱goo ma̱ꞌne rúꞌkhue̱n».
8Xómáꞌ Jesús núkho̱ máꞌ ndiꞌyoo rí xkuaꞌnii nu̱ndxa̱ꞌwa̱-mijnée̱, ikhaa jngó niraxúu̱n: «Náá numuu kajngó xkuaꞌnii i̱ndxa̱ꞌwa̱-mijnálaꞌ róꞌ. 9Náá rí i̱wa̱á na̱nguá mingíjyúu rí mi̱ꞌtháán xa̱bo̱ tsí nixtriga̱a̱ róꞌ: Á rí mi̱ꞌtháa̱n: “Ningudi̱i máꞌ aꞌkháanꞌ rá”, o rí mi̱ꞌtháa̱n: “Araxu̱unꞌ, atiáxi̱i aguáaꞌ jamí ayu̱uꞌ” dxe̱ꞌ. 10Ma̱snga̱jmálaꞌ mbu̱ya̱á rí A̱dée Xa̱bo̱ Numbaa gíꞌdoo tsiakhe̱ rí ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ ná numbaa ríge̱ꞌ». A̱ꞌkhue̱n niꞌthúu̱n xa̱bo̱ tsí nixtriga̱a̱: 11«Ikháánꞌ i̱tha̱a̱nꞌ, araxu̱unꞌ, atiáxi̱i aguáaꞌ, jamí ayu̱uꞌ guꞌwáaꞌ».
12A̱ꞌkhue̱n rí núkho̱ máꞌ ni̱tu̱xii̱, jamí niyáxii̱ agúu̱. Inúú mbá xúgíin xa̱bo̱ nigájnaa̱ ni̱kaa̱. A̱ꞌkhue̱n rí mbá xúgíin xa̱bo̱ maphú nimakúún jamí nene̱-mba̱a̱ Ana̱ꞌlóꞌ rí xkuaꞌnii ndiyáa̱. Jamí nithee̱n: «¡Ninguáná túꞌyáálóꞌ rí xáꞌnii rá!».
Jesús nandxaꞌwóo Lebí
(Mt 9.9-13; Lc 5.27-32)
13Nda̱wa̱á a̱ꞌkhue̱n nigájnuu ni̱ka̱ mbu̱júu Jesús ná rawuun ñañuu a̱pha̱. Jamí mbá xúgíin xa̱bo̱ naguáꞌnú ná inuu̱, xómáꞌ ikhaa̱ naꞌsngúu̱n. 14Jamí ído̱ na̱ka̱-ranújngoo̱, a̱ꞌkhue̱n ndiꞌyoo̱ Lebí a̱dée Alféo̱, ꞌgí na̱ru̱ma mbúkho̱o̱ guꞌwá-ñajun. A̱ꞌkhue̱n niꞌthúu̱n: «Aya̱ ga̱jma̱á nindxu̱ꞌ». A̱ꞌkhue̱n ikhaa̱ ni̱tu̱xu̱u̱ꞌ, jamí ni̱ke̱e̱ ga̱jma̱á nindxu̱u̱ Jesús.
15Nda̱wa̱á a̱ꞌkhue̱n Jesús ni̱ka̱ gákueꞌtso ná guꞌwóo Lebí. Nigóó máꞌ tsí naꞌsngúu̱n mangaa. Jamí phú mbaꞌiin xa̱bo̱ tsí nu̱ru̱ma mbúkho̱o̱ guꞌwá-ñajun gajmíí xa̱bo̱ aꞌkhán trigi̱in mangiin ga̱jma̱á nindxu̱u̱. Numuu rí naꞌne mbaꞌiin máꞌ tsí nagóó tsu̱du̱u̱ Jesús. 16Ído̱ ndiyáá xa̱bo̱ tsí nusngáá xtángoo gajmíí xa̱bo̱ fariséo̱, rí nakueꞌtso Jesús gajmíí xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán, a̱ꞌkhue̱n ni̱ra̱xúu̱n tsí naꞌsngúún Jesús: «Náá numuu kajngó tsí naꞌsngálaꞌ nakueꞌtso ga̱jma̱á nindxu̱ún xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán róꞌ».
17Ído̱ nidxawuun Jesús rí xkuaꞌnii ithee̱n, a̱ꞌkhue̱n niꞌthúu̱n: «Xa̱bo̱ tsí tsíjáñúú, tsíꞌñúu̱ máꞌ xa̱bo̱ tsí naꞌne-thana ikhii̱n, rí i̱ndo̱ó máꞌ xa̱bo̱ tsí najáñúú na̱mbu̱jmúú inuu xa̱bo̱ tsí naꞌne-thana. Ikhúúnꞌ táꞌkha gándxa̱ꞌwu̱ún xa̱bo̱ tsí nune̱ rí máján, rí niꞌkha gándxa̱ꞌwu̱ún xa̱bo̱ tsí nune̱ aꞌkhán».
Nu̱ra̱xíi̱ Jesús ga̱jma̱á numuu rí nune̱-miꞌkhíí xa̱bo̱
(Mt 9.14-17; Lc 5.33-39)
18Mbá miꞌtsú, ído̱ rí inu nune̱-miꞌkhíí tsí naꞌsngúún Juáán jamí tsí nusngúún xa̱bo̱ fariséo̱, niguwá mbá tikhuun xa̱bo̱ ná inuu Jesús, jamí ni̱ra̱xíi̱:
―Náá numuu kajngó tsí naꞌsngúún Juáán jamí tsí nusngúún xa̱bo̱ fariséo̱ nune̱-miꞌkhíí, jamí tsí narasngúún ikháánꞌ tsíne̱-miꞌkhíí róꞌ.
19A̱ꞌkhue̱n Jesús niꞌthúu̱n:
―Á ma̱goo mune̱-miꞌkhíí xa̱bo̱ tsí gachúún ná ndxa̱a̱ tsigúún, xí xa̱bo̱ tsí nanigúún xtáa ga̱jma̱á nindxúu̱n dxe̱ꞌ. Ma̱xáxóo mune̱-miꞌkhíi̱ ído̱ rí xóó xtáa tsí nanigúún ga̱jma̱á nindxúu̱n. 20I̱ndo̱ó máꞌ numuu rí ma̱ga̱nú mbiꞌi rí ma̱ꞌga jiꞌyáa tsí nanigúún, a̱ꞌkhue̱n rí mune̱-miꞌkhíi̱.
21»Asndo nimbáa xa̱bo̱ tsíꞌxmí-raꞌa̱a mbá chápa xtíin rí nuxe̱ꞌ ná xtíin rí wayuu. Xí xkuaꞌnii iꞌnii̱, mu̱thon xtíin rí wayuu gáꞌne xtíin rí nuxe̱ꞌ ído̱ gáxtriga̱, jamí i̱wa̱á mba̱a̱ gúthon ne̱ gáꞌne. 22Jamí asndo nimbáa xa̱bo̱ tsíxíña̱ꞌ iyoo úba̱ nuxe̱ꞌ rí ni̱ga̱yu̱u̱ꞌ ná awúun xtá lamba rí wayuu, ra̱ꞌkhá mu̱thon xtá rí wayuu gáꞌne iyoo úba̱ nuxe̱ꞌ rí ni̱ga̱yu̱u̱ꞌ. A̱ꞌkhue̱n rí ma̱ga̱díí iyoo úba̱ jamí ma̱mbáa mbá jayu xtá lamba gáꞌne. Iyoo úba̱ nuxe̱ꞌ rí ni̱ga̱yu̱u̱ꞌ jaꞌyoo ma̱jno̱ꞌ ne̱ ná awúun xtá lamba rí nuxe̱ꞌ.
Tsí naꞌsngúún Jesús nu̱xmajwíí iñuu ixí iña
(Mt 12.1-8; Lc 6.1-5)
23Mbá mbiꞌi rí nduya̱a xu̱únꞌ xa̱bo̱ judío̱, na̱ka̱-ranújngoo Jesús ná waꞌdu ixí iña. Jamí tsí naꞌsngúu̱n, ni̱gíꞌdi̱ín ni̱xmajwíi iña kajngó mu̱phi̱i̱ tsígoo ne̱. 24A̱ꞌkhue̱n rí xa̱bo̱ fariséo̱ nitháán Jesús:
―Atiaxe̱ lá, náá numuu kajngó tsí narasngúún nune̱ mbá ñajun rí ra̱jáꞌyoo mu̱ꞌne̱lóꞌ awúun mbiꞌi rí nduꞌyáa xa̱ꞌlóꞌ róꞌ.
25Xómáꞌ ikhaa̱ niꞌthúu̱n:
―Á nimbá miꞌtsú túraxnuulaꞌ ná naꞌthán rí neꞌne Dabíd wajyúú, nákhí rí ikhaa̱ gajmíi̱ a̱nguii̱n, ndiꞌñúu̱ jamí ni̱xki̱dxúu̱n dxe̱ꞌ. 26Ni̱to̱ꞌo̱o̱ ná awúun guꞌwóo Ana̱ꞌlóꞌ, nákhí rí Abiatar ñajuun tsí jayá idxu̱ún dxakuun, niꞌkhui̱i̱ guma rí kixnáxe̱ ná inuu Ana̱ꞌlóꞌ, rí i̱ndo̱ó máꞌ dxakuun jaꞌyoo rí mu̱pho̱. Jamí nixnúu̱ ne̱ xa̱bo̱ tsí gajmíi̱ mu̱pho̱ mangiin.
27Jesús niꞌthúu̱n xóó:
―Mbiꞌi rí nduya̱a xu̱únꞌ xa̱bo̱ ni̱gu̱ma-ku̱maa ne̱ ga̱jma̱á numuu rí mambáñúú ne̱ xa̱bo̱, ra̱ꞌkhá rí xa̱bo̱ ni̱gu̱ma-ku̱mii ga̱jma̱á numuu rí mu̱mbáyíí mbiꞌi rúꞌkhue̱n. 28Ikhaa jngó, A̱dée Xa̱bo̱ Numbaa gíꞌdoo tsiakhe̱ rí maꞌthán dí ñajuun ma̱goo ma̱gu̱ma ná awúun mbiꞌi rí nduya̱a xu̱únꞌ xa̱bo̱ mangaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.