Márko̱s 13:8

Numuu rí xa̱bi̱i mbá xuajen mba̱a̱ ma̱tu̱xu̱ún muxna-mijná gajmíí xa̱bi̱i i̱mba̱ xuajen mba̱a̱, jamí mbáa thúngaa ma̱tsa̱ñu̱u̱ꞌ ga̱jma̱á i̱mba̱a̱ꞌ thúngaa ga̱jma̱á numuu rí nuthan-ñajwíi̱n. Xúꞌkhue̱n máꞌ phú mbaꞌa xuajen ná ma̱xma mi̱ndaꞌkho, ma̱ri̱gá ewi jamí wee jayu gúne̱ xa̱bo̱. Mbá xúgíí rúꞌkhue̱n nasngájma rí ni̱khú na̱gi̱ꞌdu̱u̱n jamínu̱ꞌ.