Márko̱s 12
12
Ajngáa xkri̱da ga̱jma̱á numúú xa̱bo̱ ra̱májíin tsí nu̱ñajwíín ju̱ba̱ꞌ
(Mt 21.33-46; Lc 20.9-19)
1A̱ꞌkhue̱n nigíꞌdu̱u̱n Jesús niꞌthúún xa̱bo̱ ajngáa xkri̱da ríge̱ꞌ: «Mbáa xa̱bo̱ niꞌdu ajmu̱u̱ úba̱ ná mbayuu. Nirugua-maꞌáa̱n ne̱, jamí niꞌndii̱ ná rí maríye̱e̱ꞌ iyoo úba̱, xúꞌkhue̱n máꞌ niꞌnii̱ mbá guꞌwá tsída̱ꞌ ná rí mi̱tia̱wa̱án ne̱. A̱ꞌkhue̱n niniñuu̱ ne̱ ná ñawúún mbá tikhuun xa̱bo̱ tsí nu̱ñajwíín ju̱ba̱ꞌ, tsí muxnáa̱ tháan rí najma̱a̱ ná mbayuu̱, jamí nigájnuu̱ ni̱ke̱e̱ tsíngua̱ꞌ. 2Jamí ído̱ ni̱ga̱nú mbiꞌi rí nijma̱a̱ xndúu úba̱ rá, a̱ꞌkhue̱n nixúngua̱a̱ꞌ mbáa yumbée̱ ná inúú xa̱bo̱ tsúꞌkhue̱n, kajngó ma̱grui̱gú rí jaꞌyoo ma̱janáa̱ ikhaa̱ ga̱jma̱á numuu úba̱ rí niꞌdii̱. 3Xómáꞌ ikhii̱n ni̱rtuwii̱n yumbáá tsúꞌkhue̱n, nixnáa̱ mi̱ndaꞌkho jamí nda̱a̱ rí jayá tsúꞌkhue̱n ni̱ꞌkha̱a nini̱i̱. 4A̱ꞌkhue̱n rí xa̱bo̱ tsí mbayuu nixuꞌmaa̱ i̱mba̱a̱ꞌ yumbáá ma̱ꞌga ná inúú xa̱bo̱ tsúꞌkhue̱n. Xómáꞌ ikhii̱n nixnáa̱ ga̱jma̱á itsí, nene̱-jámbi̱yíi̱ꞌ idxu̱u̱, jamí nithán-xkawíi̱ꞌ ni̱rthangaa̱. 5A̱ꞌkhue̱n nixuꞌmaa̱ i̱mba̱a̱ꞌ ma̱ꞌga, xómáꞌ tsúꞌkhue̱n ni̱xíya̱a̱. Nda̱wa̱á nixúꞌmii̱ xóó i̱ꞌwíin tsí mbaꞌiin. Mbá tikhuun tsúꞌkhue̱n i̱ndo̱ó máꞌ nixnúu̱, xómáꞌ i̱ꞌwíin ni̱radíi̱n.
6»Rí nda̱wa̱á jayu rá, xa̱bo̱ tsí mbayuu gíꞌdaa mbáa a̱dée, tsí phú nandoo̱ jaꞌyoo̱. Tsúꞌkhue̱n nixuꞌmaa̱ ma̱ꞌga mangaa, numuu rí naꞌthán-mine̱e̱ꞌ: “A̱ꞌdéꞌ tsí mbuya-makuíi̱ ído̱ gúyáa̱”. 7Xómáꞌ xa̱bo̱ tsí nu̱ñajwíín ju̱ba̱ꞌ nithan-mijná: “Ikhaa tsíge̱ꞌ ñajuun tsí ma̱nújnga̱a ñawúun mbaa ríge̱ꞌ. Gu̱xíya̱a̱lóꞌ, kajngó ma̱nguanúu ne̱ ñawánlóꞌ”. 8A̱ꞌkhue̱n ni̱rtuwii̱n, ni̱xíya̱a̱, jamí nigóo̱ gúdaa̱ ná rawuun mbayuu úba̱.
9»Ikhaa jngó, dí lá gáꞌne táta̱ tsí mbayuu ñajuun ná ríga̱ ajmu̱u̱ úba̱, i̱ju̱ma̱ꞌlaꞌ rá. Á ra̱ꞌkhá ma̱ꞌkhaa̱, ma̱gu̱díi̱n xa̱bo̱ tsí nu̱ñajun ná mbayuu̱, jamí maniñúu̱ i̱ꞌwíin xa̱bo̱ mu̱ñajun mbayuu̱ ná ríga̱ ajmu̱u̱ úba̱ rá. 10Á túraxnuulaꞌ rí ka̱ma naꞌthán ná i̱yi̱i̱ꞌ ajngóo Ana̱ꞌlóꞌ dxe̱ꞌ:
“Ikhaa itsí rí ni̱ni̱ꞌñá-ti̱ga̱ xa̱bo̱ tsí nune̱ guꞌwá,
ikhaa ne̱ ninindxu̱u̱ itsí mba̱a̱ rí jayá ski̱yu̱u̱ꞌ rakhóo guꞌwá.
11Ikhaa Táta̱ naꞌne rúꞌkhue̱n,
jamí phú namakualóꞌ juꞌyáá rí naꞌnii̱”».#12.10-11 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 118.22-23.
12A̱ꞌkhue̱n tsí juya̱ idxu̱ún dxakuun, tsí nusngáá xtángoo jamí xa̱bo̱ buanuu ndiñúu̱ gúrtuwii̱n Jesús, numuu nifruꞌúu̱n rí ajngáa xkri̱da rúꞌkhue̱n niꞌthée̱n ga̱jma̱á numúu̱ ikhii̱n. I̱ndo̱ó máꞌ numuu rí namíñúu̱ ene̱ xa̱bo̱ tsí mbaꞌiin, ikhaa jngó ni̱ni̱ꞌñáa̱, nigúu̱n.
Graxe̱ ga̱jma̱á numuu mbúkho̱o̱ guꞌwá-ñajun
(Mt 22.15-22; Lc 20.20-26)
13A̱ꞌkhue̱n ni̱xu̱ꞌmii̱ mbá tikhuun xa̱bo̱ fariséo̱ jamí xa̱bi̱i Eróde̱s ná inuu Jesús, kajngó ma̱goo muni̱i̱ aꞌkhúun ga̱jma̱á mbá ajngáa rí maꞌthée̱n. 14A̱ꞌkhue̱n niguáꞌníi̱, jamí nitháa̱n:
―Táta̱ naꞌsngáá, ndu̱ya̱áxo̱ꞌ rí xa̱bo̱ tsí naꞌthán rí gakon ñajwaanꞌ, jamí tsíxná-gamiéjwaanꞌ eꞌne nimbáa xa̱bo̱ tsí naꞌthán numaaꞌ. Xúꞌkhue̱n máꞌ mbéꞌtháán itiaxu̱ún mbá xúgíin xa̱bo̱, jamí gakon rí narasngáá xómá naꞌne a̱kui̱in Ana̱ꞌlóꞌ rí ma̱juwalóꞌ. Arathánxo̱ꞌ, á máján rí mu̱ne̱-númaxo̱ꞌ ná inuu thúngaa Sésa̱r rá, o na̱nguá dxe̱ꞌ. Á mu̱xna̱xo̱ꞌ mbúkha̱a̱, o mu̱xúxna̱xo̱ꞌ ne̱ dxe̱ꞌ.
15Xómáꞌ Jesús ndiꞌyoo máꞌ rí rígujnuu rí nuthan xa̱bo̱ tsúꞌkhue̱n, ikhaa jngó niꞌthúu̱n:
―Náá numuu kajngó nandalaꞌ gúne̱-ngru̱ꞌúún róꞌ. Gu̱snga̱jmúꞌlaꞌ mbá mbúkha̱a̱ ajwa̱nꞌ mba̱yo̱o̱.
16Xómáꞌ ikhii̱n nixnáa̱ mbá mbúkha̱a̱ ajwa̱nꞌ. A̱ꞌkhue̱n Jesús niꞌthúu̱n:
―Tsáa inuu jamí tsáa mbiꞌyuu rí ka̱ma ge̱jyoꞌ róꞌ.
Xómáꞌ ikhii̱n nithee̱n:
―Drígo̱o̱ thúngaa Sésa̱r.
17A̱ꞌkhue̱n Jesús niꞌthúu̱n:
―Xí xkuaꞌnii, gu̱xna̱alaꞌ thúngaa Sésa̱r rí jaꞌyoo mbayáa, jamí gu̱xna̱alaꞌ Ana̱ꞌlóꞌ rí jaꞌyoo mbayáa.
A̱ꞌkhue̱n phú nimakúún xa̱bo̱ juyáá rí niꞌthée̱n.
Graxe̱ ga̱jma̱á numúú tsí mbuya̱a mbiꞌñúú
(Mt 22.23-33; Lc 20.27-40)
18A̱ꞌkhue̱n niguáꞌnú ná inuu Jesús mbá tikhuun xa̱bo̱ saduséo̱, ikhiin tsúꞌkhue̱n nuthan rí mu̱xúya̱a mbiꞌñúú xa̱bo̱ tsí nijáñúú. Jamí xáꞌnii nitháa̱n:
19―Táta̱ naꞌsngáá, ná xtángoo rí niꞌtháán Moisés ka̱ma naꞌthán, xí mbáa xa̱biya̱ tsí ninigúún gájáñuu jamí tágu̱maa nimbáa a̱dée̱ ga̱jmáa̱ a̱ꞌguii̱, dxíyo̱o̱ jaꞌyoo rí manigúún ga̱jma̱á a̱ꞌgóxuáꞌa, kajngó ma̱gu̱mii i̱ji̱in xa̱bo̱ tsí nijáñuu. 20Mbá miꞌtsú nijúwa̱ꞌ mbá juwiin xa̱bekha tsí mbá guꞌwíin. Tsí ginii jayu ninigúún, jamí tági̱ꞌdaa̱ asndo nimbáa a̱dée̱ ga̱jmáa̱ a̱ꞌguii̱ ído̱ rí nijáñuu̱. 21A̱ꞌkhue̱n rí xa̱bo̱ tsí riajma̱a̱ ndiyáa a̱ꞌgui̱i dxíyo̱o̱, mangaa máꞌ tsúꞌkhue̱n nijáñuu, jamí tágu̱mii i̱jii̱n ga̱jmáa̱ a̱ꞌgui̱i dxíyo̱o̱. Ikhaa máꞌ nigíꞌnuu xa̱bo̱ tsí riatsíi mangaa. 22Xkuaꞌnii nigíꞌníí mbá xúgíin tsí mbá juwiin, jamí ndawi̱in i̱jíi̱n ído̱ nijáñúu̱. Jamí nda̱wa̱á jayu, a̱ꞌkhue̱n nijáñuu a̱ꞌgo̱ mangaa. 23Ikhaa jngó, ído̱ rí mbuya̱a mbiꞌñúú xa̱bo̱, tsáa tsí ikhii̱n ma̱ꞌne a̱ꞌgui̱i ñajuun a̱ꞌgo̱ tsúꞌkhue̱n rá, numuu rí mbá juwii̱n neꞌne a̱ꞌguíi̱n ñajuun a̱ꞌgo̱.
24A̱ꞌkhue̱n niriꞌña Jesús:
―Á ra̱ꞌkhá na̱ngra̱ꞌáanꞌlaꞌ numuu rí tsíne̱-nuwiinlaꞌ rí ka̱ma naꞌthán i̱yi̱i̱ꞌ ajngóo Ana̱ꞌlóꞌ rá, ni máꞌ tsíne̱-nuwiinlaꞌ tsiakhe̱ rí gíꞌdoo̱. 25Numuu rí ído̱ mbuya̱a mbiꞌñúú tsí nijáñúú, nimbáa xa̱biya̱ ma̱xánigúún ni máꞌ nimbáa a̱ꞌgo̱ ma̱xánújún, numuu rí ma̱nindxúu̱n xómá jaꞌñúú ánje̱l tsí júwa̱ꞌ ná mikhuíí. 26Xómáꞌ ga̱jma̱á numuu rí mbuya̱a mbiꞌñúú tsí nijáñúú rá, á túraxnuulaꞌ rí ka̱ma naꞌthán ná i̱yu̱u̱ꞌ Moisés dxe̱ꞌ, xáne Ana̱ꞌlóꞌ niꞌthúu̱n ná iná tsuwan rí nakha. Xáꞌnii waꞌtháán Moisés neꞌne Ana̱ꞌlóꞌ: “Ikhúúnꞌ ñajunꞌ Anu̱u̱ Abraám, Anu̱u̱ Isaák jamí Anu̱u̱ Jakób”.#12.26 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 3.6. 27Tsí Ana̱ꞌlóꞌ Mikhuíí, ra̱ꞌkhá Anu̱ú xa̱bo̱ tsí nijáñúú ñajuu̱n, rí Anu̱ú xa̱bo̱ tsí nduya ñajuu̱n. Ikhaa jngó maphú na̱ngra̱ꞌáanꞌlaꞌ.
Xtángoo rí i̱tha̱án gíꞌdoo numuu
(Mt 22.34-40)
28A̱ꞌkhue̱n nixuꞌma-mina̱ꞌ mbáa xa̱bo̱ tsí naꞌsngáá xtángoo, tsí niꞌdxuun ajngáa rí Jesús niꞌthúún xa̱bo̱ saduséo̱. Numuu ndiꞌyoo̱ rí phú máján niriꞌña, ikhaa jngó niraxu̱u̱ Jesús:
―Rí mbá xúgíí xtángoo, náá rí phú i̱tha̱án gíꞌdoo numuu róꞌ.
29A̱ꞌkhue̱n niriꞌña Jesús:
―Rí mbá xúgíí xtángoo, rí phú i̱tha̱án gíꞌdoo numuu ñajuun ríge̱ꞌ: “Atadxawíín, xa̱bo̱ xuajen Israél, Táta̱ Ana̱ꞌlóꞌ Mikhuíí, mbáwíi tsí ñajuun Táta̱. 30Ga̱gaaꞌ xtayáá Tátiáaꞌ Mikhuíí ga̱jma̱á mbá jañii a̱kia̱anꞌ, ga̱jma̱á mbá jañii nímia̱aꞌ, ga̱jma̱á mbá xúgíí ju̱ma̱a̱ꞌ jamí ga̱jma̱á mbá xúgíí ski̱ya̱a̱ꞌ”.#12.29-30 Ajngáa ríge̱ꞌ na̱ꞌkha̱ ná I̱yi̱i̱ꞌ rí naꞌthán ikhaa máꞌ xtángoo 6.4-5. Ríge̱ꞌ ñajuun xtángoo ginii rí phú i̱tha̱án gíꞌdoo numuu.#12.30 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «Ríge̱ꞌ ñajuun xtángoo ginii rí phú i̱tha̱án gíꞌdoo numuu». 31Jamí xtángoo rí riajma̱ rá, mbéꞌtháán máꞌ gíꞌdoo numuu ne̱ mangaa: “Ga̱gaaꞌ xtayáá xa̱bo̱ numbaa ga̱jma̱a̱ꞌ, xómá rí nandaaꞌ xtaya-mina̱ꞌ ikháánꞌ”.#12.31 Ajngáa ríge̱ꞌ na̱ꞌkha̱ ná I̱yu̱u̱ꞌ xó kixnáxe̱ tsi̱gi̱jña̱ꞌ 19.18. Nda̱a̱ i̱mba̱ xtángoo rí i̱tha̱án gíꞌdoo numuu xó rí a̱jma̱ ríge̱ꞌ.
32A̱ꞌkhue̱n xa̱bo̱ tsí naꞌsngáá xtángoo niꞌthúun Jesús:
―Maphú máján nirathán, Táta̱ naꞌsngáá. Mbáwíi máꞌ tsí ñajuun Ana̱ꞌlóꞌ, jamí ndawa̱a̱ i̱mba̱a̱ꞌ, i̱ndo̱ó máꞌ ikhaa̱. 33Gíꞌmaa rí ma̱galóꞌ juꞌyáá Ana̱ꞌlóꞌ ga̱jma̱á mbá jañii a̱kia̱nꞌlóꞌ, ga̱jma̱á mbá jañii ju̱ma̱ꞌlóꞌ, ga̱jma̱á mbá jañii nímia̱ꞌlóꞌ, jamí ga̱jma̱á mbá xúgíí ski̱ya̱ꞌlóꞌ. Xúꞌkhue̱n máꞌ jaꞌyoo rí ma̱galóꞌ juꞌyáá xa̱bo̱ numbaa ga̱jma̱ꞌlóꞌ, xómá rí nandalóꞌ-juꞌya-mijná ikháánꞌlóꞌ. Rúꞌkhue̱n phú i̱tha̱án gíꞌdoo numuu rí mu̱ꞌne̱lóꞌ, xó rí mbá xúgíí tsi̱gi̱jña̱ꞌ rí nakha-ráma jamí xu̱kú nijáñúú tsí nu̱xna̱xíinlóꞌ ná inuu Ana̱ꞌlóꞌ.
34Ído̱ ndiꞌyoo Jesús rí nafroꞌo̱o̱ máꞌ jamí máján niriꞌñee̱, a̱ꞌkhue̱n niꞌthúu̱n:
―I̱lájwíin máꞌ iꞌyáaꞌ rí ma̱nindxa̱a̱ꞌ xa̱bo̱ tsí nithán-ñájwíín eꞌne Ana̱ꞌlóꞌ.
Nda̱wa̱á a̱ꞌkhue̱n nimbáa máꞌ xa̱bo̱ nátáꞌngo̱o̱ a̱kui̱in rí maraxu̱u̱ xóó.
Tsáa a̱dée ñajuun tsí Krísto̱ róꞌ
(Mt 22.41-46; Lc 20.41-44)
35Awúun máꞌ rí naꞌsngáá Jesús ná rixo̱o̱ guꞌwá dxákuun, a̱ꞌkhue̱n niꞌthée̱n: «Náá numuu kajngó nuthan xa̱bo̱ tsí nusngáá xtángoo rí Krísto̱ ñajuun a̱dée Dabíd róꞌ. 36Numuu rí Xu̱u̱ꞌ máꞌ Ana̱ꞌlóꞌ neꞌne rí Dabíd maꞌthán ríge̱ꞌ:
“Táta̱ Mikhuíí niꞌthúun Tátéꞌ:
‘Araꞌwún ná ñawún mújúnꞌ ge̱jyoꞌ,
asndo gáskuíji̱in xa̱bo̱ sia̱nꞌ dríga̱a̱ꞌ ná agoo nakhuáaꞌ’ ”.#12.36 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 110.1.
37Xí jmína̱a̱ꞌ máꞌ Dabíd naꞌthúu̱n “Tátéꞌ”, xáne gágoo ma̱ꞌne rí Krísto̱ ñajuun a̱dée Dabíd xúꞌkhue̱n rá».
Xómáꞌ xa̱bo̱ tsí mbaꞌiin phú na̱ni̱gu̱ún mu̱dxawíín rí naꞌthée̱n.
Jesús naꞌthán rí ra̱máján ene̱ tsí na̱ma̱ñúú xtángoo
(Mt 23.1-36; Lc 11.37-54;20.45-47)
38Jamí Jesús naꞌthúún xa̱bo̱ xáꞌnii ga̱jma̱á majñu̱u̱ rí naꞌsngáá: «¡Gu̱ña̱wa̱n-mijnálaꞌ inúú xa̱bo̱ tsí nusngáá xtángoo! Numuu rí ikhii̱n na̱ni̱gúu̱nꞌ majúwúu̱n xtíin rí mbijwa̱ꞌ, jamí na̱ni̱gúu̱nꞌ rí phú gamaku mi̱traxii̱n gúne̱ xa̱bo̱ ná xuáá. 39Xúꞌkhue̱n máꞌ na̱ni̱gúu̱nꞌ rí ma̱trigii̱n ná wájun xíle̱ rí ginii jayu ná awúun mbámbá guꞌwá rí na̱gi̱mbáanꞌlóꞌ, jamí na̱ni̱gúu̱nꞌ rí ma̱trigii̱n ná wájun xíle̱ gamaku ná napeꞌtso xa̱bo̱ ná ríga̱ ndxa̱a̱. 40Nu̱drígú-jáꞌñúu̱ go̱ꞌóxuáꞌa rí guáꞌdáá, jamí nda̱wa̱á maphú nagajñúu̱ rí nuthán-jáñíi̱ Ana̱ꞌlóꞌ kajngó ma̱ju̱mu̱ú xa̱bo̱ rí májíi̱n mi̱ndaꞌkho. I̱ndo̱ó máꞌ numuu rí ikhii̱n i̱tha̱án mba̱a̱ jamínu̱ꞌ mu̱dri̱guíi̱.
Xúwán rí nixná a̱ꞌgóxuáꞌa
(Lc 21.1-4)
41Awúun máꞌ rí ꞌgí Jesús ná mijngi rígu e̱jna̱ rí nati mbúkha̱a̱ xúwán ná guꞌwá dxákuun, a̱ꞌkhue̱n ndiꞌyoo̱ xó nu̱dri̱ya̱ꞌ xa̱bo̱ mbúkha̱a̱ xúwán ná awúun e̱jna̱. Jamí mbaꞌiin xa̱bo̱ tsí guáꞌdáá guéño, phú mba̱a̱ mbúkha̱a̱ nu̱dri̱ye̱e̱ꞌ. 42A̱ꞌkhue̱n ni̱ga̱nú mbáa a̱ꞌgóxuáꞌa ngínáa, tsúꞌkhue̱n nigruíya̱ꞌ a̱jma̱ mbúkha̱a̱ ajwa̱nꞌ laka rí phú mbayíí numuu. 43A̱ꞌkhue̱n nindxaꞌwúu̱n tsí naꞌsngúu̱n jamí niꞌthúu̱n: «Na̱tha̱nꞌ-jmbalaꞌ, rí i̱tha̱án mba̱a̱ nirakhuáa a̱ꞌgóxuáꞌa ngínáa tsíge̱ꞌ xó rí mbá xúgíin xa̱bo̱ tsí ni̱dri̱ya̱ꞌ xúwán ná awúun e̱jna̱. 44Numuu rí mbá xúgíin tsúꞌkhue̱n ni̱dri̱ya̱ꞌ mbúkha̱a̱ xúwán rí napíduun inúú. Xómáꞌ a̱ꞌgóxuáꞌa tsíge̱ꞌ, maske máꞌ mingínaa̱, nirakhuáa̱ mbá xúgíí rí gíꞌdoo̱ ma̱xtáa̱-muu̱».
ទើបបានជ្រើសរើសហើយ៖
Márko̱s 12: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Márko̱s 12
12
Ajngáa xkri̱da ga̱jma̱á numúú xa̱bo̱ ra̱májíin tsí nu̱ñajwíín ju̱ba̱ꞌ
(Mt 21.33-46; Lc 20.9-19)
1A̱ꞌkhue̱n nigíꞌdu̱u̱n Jesús niꞌthúún xa̱bo̱ ajngáa xkri̱da ríge̱ꞌ: «Mbáa xa̱bo̱ niꞌdu ajmu̱u̱ úba̱ ná mbayuu. Nirugua-maꞌáa̱n ne̱, jamí niꞌndii̱ ná rí maríye̱e̱ꞌ iyoo úba̱, xúꞌkhue̱n máꞌ niꞌnii̱ mbá guꞌwá tsída̱ꞌ ná rí mi̱tia̱wa̱án ne̱. A̱ꞌkhue̱n niniñuu̱ ne̱ ná ñawúún mbá tikhuun xa̱bo̱ tsí nu̱ñajwíín ju̱ba̱ꞌ, tsí muxnáa̱ tháan rí najma̱a̱ ná mbayuu̱, jamí nigájnuu̱ ni̱ke̱e̱ tsíngua̱ꞌ. 2Jamí ído̱ ni̱ga̱nú mbiꞌi rí nijma̱a̱ xndúu úba̱ rá, a̱ꞌkhue̱n nixúngua̱a̱ꞌ mbáa yumbée̱ ná inúú xa̱bo̱ tsúꞌkhue̱n, kajngó ma̱grui̱gú rí jaꞌyoo ma̱janáa̱ ikhaa̱ ga̱jma̱á numuu úba̱ rí niꞌdii̱. 3Xómáꞌ ikhii̱n ni̱rtuwii̱n yumbáá tsúꞌkhue̱n, nixnáa̱ mi̱ndaꞌkho jamí nda̱a̱ rí jayá tsúꞌkhue̱n ni̱ꞌkha̱a nini̱i̱. 4A̱ꞌkhue̱n rí xa̱bo̱ tsí mbayuu nixuꞌmaa̱ i̱mba̱a̱ꞌ yumbáá ma̱ꞌga ná inúú xa̱bo̱ tsúꞌkhue̱n. Xómáꞌ ikhii̱n nixnáa̱ ga̱jma̱á itsí, nene̱-jámbi̱yíi̱ꞌ idxu̱u̱, jamí nithán-xkawíi̱ꞌ ni̱rthangaa̱. 5A̱ꞌkhue̱n nixuꞌmaa̱ i̱mba̱a̱ꞌ ma̱ꞌga, xómáꞌ tsúꞌkhue̱n ni̱xíya̱a̱. Nda̱wa̱á nixúꞌmii̱ xóó i̱ꞌwíin tsí mbaꞌiin. Mbá tikhuun tsúꞌkhue̱n i̱ndo̱ó máꞌ nixnúu̱, xómáꞌ i̱ꞌwíin ni̱radíi̱n.
6»Rí nda̱wa̱á jayu rá, xa̱bo̱ tsí mbayuu gíꞌdaa mbáa a̱dée, tsí phú nandoo̱ jaꞌyoo̱. Tsúꞌkhue̱n nixuꞌmaa̱ ma̱ꞌga mangaa, numuu rí naꞌthán-mine̱e̱ꞌ: “A̱ꞌdéꞌ tsí mbuya-makuíi̱ ído̱ gúyáa̱”. 7Xómáꞌ xa̱bo̱ tsí nu̱ñajwíín ju̱ba̱ꞌ nithan-mijná: “Ikhaa tsíge̱ꞌ ñajuun tsí ma̱nújnga̱a ñawúun mbaa ríge̱ꞌ. Gu̱xíya̱a̱lóꞌ, kajngó ma̱nguanúu ne̱ ñawánlóꞌ”. 8A̱ꞌkhue̱n ni̱rtuwii̱n, ni̱xíya̱a̱, jamí nigóo̱ gúdaa̱ ná rawuun mbayuu úba̱.
9»Ikhaa jngó, dí lá gáꞌne táta̱ tsí mbayuu ñajuun ná ríga̱ ajmu̱u̱ úba̱, i̱ju̱ma̱ꞌlaꞌ rá. Á ra̱ꞌkhá ma̱ꞌkhaa̱, ma̱gu̱díi̱n xa̱bo̱ tsí nu̱ñajun ná mbayuu̱, jamí maniñúu̱ i̱ꞌwíin xa̱bo̱ mu̱ñajun mbayuu̱ ná ríga̱ ajmu̱u̱ úba̱ rá. 10Á túraxnuulaꞌ rí ka̱ma naꞌthán ná i̱yi̱i̱ꞌ ajngóo Ana̱ꞌlóꞌ dxe̱ꞌ:
“Ikhaa itsí rí ni̱ni̱ꞌñá-ti̱ga̱ xa̱bo̱ tsí nune̱ guꞌwá,
ikhaa ne̱ ninindxu̱u̱ itsí mba̱a̱ rí jayá ski̱yu̱u̱ꞌ rakhóo guꞌwá.
11Ikhaa Táta̱ naꞌne rúꞌkhue̱n,
jamí phú namakualóꞌ juꞌyáá rí naꞌnii̱”».#12.10-11 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 118.22-23.
12A̱ꞌkhue̱n tsí juya̱ idxu̱ún dxakuun, tsí nusngáá xtángoo jamí xa̱bo̱ buanuu ndiñúu̱ gúrtuwii̱n Jesús, numuu nifruꞌúu̱n rí ajngáa xkri̱da rúꞌkhue̱n niꞌthée̱n ga̱jma̱á numúu̱ ikhii̱n. I̱ndo̱ó máꞌ numuu rí namíñúu̱ ene̱ xa̱bo̱ tsí mbaꞌiin, ikhaa jngó ni̱ni̱ꞌñáa̱, nigúu̱n.
Graxe̱ ga̱jma̱á numuu mbúkho̱o̱ guꞌwá-ñajun
(Mt 22.15-22; Lc 20.20-26)
13A̱ꞌkhue̱n ni̱xu̱ꞌmii̱ mbá tikhuun xa̱bo̱ fariséo̱ jamí xa̱bi̱i Eróde̱s ná inuu Jesús, kajngó ma̱goo muni̱i̱ aꞌkhúun ga̱jma̱á mbá ajngáa rí maꞌthée̱n. 14A̱ꞌkhue̱n niguáꞌníi̱, jamí nitháa̱n:
―Táta̱ naꞌsngáá, ndu̱ya̱áxo̱ꞌ rí xa̱bo̱ tsí naꞌthán rí gakon ñajwaanꞌ, jamí tsíxná-gamiéjwaanꞌ eꞌne nimbáa xa̱bo̱ tsí naꞌthán numaaꞌ. Xúꞌkhue̱n máꞌ mbéꞌtháán itiaxu̱ún mbá xúgíin xa̱bo̱, jamí gakon rí narasngáá xómá naꞌne a̱kui̱in Ana̱ꞌlóꞌ rí ma̱juwalóꞌ. Arathánxo̱ꞌ, á máján rí mu̱ne̱-númaxo̱ꞌ ná inuu thúngaa Sésa̱r rá, o na̱nguá dxe̱ꞌ. Á mu̱xna̱xo̱ꞌ mbúkha̱a̱, o mu̱xúxna̱xo̱ꞌ ne̱ dxe̱ꞌ.
15Xómáꞌ Jesús ndiꞌyoo máꞌ rí rígujnuu rí nuthan xa̱bo̱ tsúꞌkhue̱n, ikhaa jngó niꞌthúu̱n:
―Náá numuu kajngó nandalaꞌ gúne̱-ngru̱ꞌúún róꞌ. Gu̱snga̱jmúꞌlaꞌ mbá mbúkha̱a̱ ajwa̱nꞌ mba̱yo̱o̱.
16Xómáꞌ ikhii̱n nixnáa̱ mbá mbúkha̱a̱ ajwa̱nꞌ. A̱ꞌkhue̱n Jesús niꞌthúu̱n:
―Tsáa inuu jamí tsáa mbiꞌyuu rí ka̱ma ge̱jyoꞌ róꞌ.
Xómáꞌ ikhii̱n nithee̱n:
―Drígo̱o̱ thúngaa Sésa̱r.
17A̱ꞌkhue̱n Jesús niꞌthúu̱n:
―Xí xkuaꞌnii, gu̱xna̱alaꞌ thúngaa Sésa̱r rí jaꞌyoo mbayáa, jamí gu̱xna̱alaꞌ Ana̱ꞌlóꞌ rí jaꞌyoo mbayáa.
A̱ꞌkhue̱n phú nimakúún xa̱bo̱ juyáá rí niꞌthée̱n.
Graxe̱ ga̱jma̱á numúú tsí mbuya̱a mbiꞌñúú
(Mt 22.23-33; Lc 20.27-40)
18A̱ꞌkhue̱n niguáꞌnú ná inuu Jesús mbá tikhuun xa̱bo̱ saduséo̱, ikhiin tsúꞌkhue̱n nuthan rí mu̱xúya̱a mbiꞌñúú xa̱bo̱ tsí nijáñúú. Jamí xáꞌnii nitháa̱n:
19―Táta̱ naꞌsngáá, ná xtángoo rí niꞌtháán Moisés ka̱ma naꞌthán, xí mbáa xa̱biya̱ tsí ninigúún gájáñuu jamí tágu̱maa nimbáa a̱dée̱ ga̱jmáa̱ a̱ꞌguii̱, dxíyo̱o̱ jaꞌyoo rí manigúún ga̱jma̱á a̱ꞌgóxuáꞌa, kajngó ma̱gu̱mii i̱ji̱in xa̱bo̱ tsí nijáñuu. 20Mbá miꞌtsú nijúwa̱ꞌ mbá juwiin xa̱bekha tsí mbá guꞌwíin. Tsí ginii jayu ninigúún, jamí tági̱ꞌdaa̱ asndo nimbáa a̱dée̱ ga̱jmáa̱ a̱ꞌguii̱ ído̱ rí nijáñuu̱. 21A̱ꞌkhue̱n rí xa̱bo̱ tsí riajma̱a̱ ndiyáa a̱ꞌgui̱i dxíyo̱o̱, mangaa máꞌ tsúꞌkhue̱n nijáñuu, jamí tágu̱mii i̱jii̱n ga̱jmáa̱ a̱ꞌgui̱i dxíyo̱o̱. Ikhaa máꞌ nigíꞌnuu xa̱bo̱ tsí riatsíi mangaa. 22Xkuaꞌnii nigíꞌníí mbá xúgíin tsí mbá juwiin, jamí ndawi̱in i̱jíi̱n ído̱ nijáñúu̱. Jamí nda̱wa̱á jayu, a̱ꞌkhue̱n nijáñuu a̱ꞌgo̱ mangaa. 23Ikhaa jngó, ído̱ rí mbuya̱a mbiꞌñúú xa̱bo̱, tsáa tsí ikhii̱n ma̱ꞌne a̱ꞌgui̱i ñajuun a̱ꞌgo̱ tsúꞌkhue̱n rá, numuu rí mbá juwii̱n neꞌne a̱ꞌguíi̱n ñajuun a̱ꞌgo̱.
24A̱ꞌkhue̱n niriꞌña Jesús:
―Á ra̱ꞌkhá na̱ngra̱ꞌáanꞌlaꞌ numuu rí tsíne̱-nuwiinlaꞌ rí ka̱ma naꞌthán i̱yi̱i̱ꞌ ajngóo Ana̱ꞌlóꞌ rá, ni máꞌ tsíne̱-nuwiinlaꞌ tsiakhe̱ rí gíꞌdoo̱. 25Numuu rí ído̱ mbuya̱a mbiꞌñúú tsí nijáñúú, nimbáa xa̱biya̱ ma̱xánigúún ni máꞌ nimbáa a̱ꞌgo̱ ma̱xánújún, numuu rí ma̱nindxúu̱n xómá jaꞌñúú ánje̱l tsí júwa̱ꞌ ná mikhuíí. 26Xómáꞌ ga̱jma̱á numuu rí mbuya̱a mbiꞌñúú tsí nijáñúú rá, á túraxnuulaꞌ rí ka̱ma naꞌthán ná i̱yu̱u̱ꞌ Moisés dxe̱ꞌ, xáne Ana̱ꞌlóꞌ niꞌthúu̱n ná iná tsuwan rí nakha. Xáꞌnii waꞌtháán Moisés neꞌne Ana̱ꞌlóꞌ: “Ikhúúnꞌ ñajunꞌ Anu̱u̱ Abraám, Anu̱u̱ Isaák jamí Anu̱u̱ Jakób”.#12.26 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 3.6. 27Tsí Ana̱ꞌlóꞌ Mikhuíí, ra̱ꞌkhá Anu̱ú xa̱bo̱ tsí nijáñúú ñajuu̱n, rí Anu̱ú xa̱bo̱ tsí nduya ñajuu̱n. Ikhaa jngó maphú na̱ngra̱ꞌáanꞌlaꞌ.
Xtángoo rí i̱tha̱án gíꞌdoo numuu
(Mt 22.34-40)
28A̱ꞌkhue̱n nixuꞌma-mina̱ꞌ mbáa xa̱bo̱ tsí naꞌsngáá xtángoo, tsí niꞌdxuun ajngáa rí Jesús niꞌthúún xa̱bo̱ saduséo̱. Numuu ndiꞌyoo̱ rí phú máján niriꞌña, ikhaa jngó niraxu̱u̱ Jesús:
―Rí mbá xúgíí xtángoo, náá rí phú i̱tha̱án gíꞌdoo numuu róꞌ.
29A̱ꞌkhue̱n niriꞌña Jesús:
―Rí mbá xúgíí xtángoo, rí phú i̱tha̱án gíꞌdoo numuu ñajuun ríge̱ꞌ: “Atadxawíín, xa̱bo̱ xuajen Israél, Táta̱ Ana̱ꞌlóꞌ Mikhuíí, mbáwíi tsí ñajuun Táta̱. 30Ga̱gaaꞌ xtayáá Tátiáaꞌ Mikhuíí ga̱jma̱á mbá jañii a̱kia̱anꞌ, ga̱jma̱á mbá jañii nímia̱aꞌ, ga̱jma̱á mbá xúgíí ju̱ma̱a̱ꞌ jamí ga̱jma̱á mbá xúgíí ski̱ya̱a̱ꞌ”.#12.29-30 Ajngáa ríge̱ꞌ na̱ꞌkha̱ ná I̱yi̱i̱ꞌ rí naꞌthán ikhaa máꞌ xtángoo 6.4-5. Ríge̱ꞌ ñajuun xtángoo ginii rí phú i̱tha̱án gíꞌdoo numuu.#12.30 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «Ríge̱ꞌ ñajuun xtángoo ginii rí phú i̱tha̱án gíꞌdoo numuu». 31Jamí xtángoo rí riajma̱ rá, mbéꞌtháán máꞌ gíꞌdoo numuu ne̱ mangaa: “Ga̱gaaꞌ xtayáá xa̱bo̱ numbaa ga̱jma̱a̱ꞌ, xómá rí nandaaꞌ xtaya-mina̱ꞌ ikháánꞌ”.#12.31 Ajngáa ríge̱ꞌ na̱ꞌkha̱ ná I̱yu̱u̱ꞌ xó kixnáxe̱ tsi̱gi̱jña̱ꞌ 19.18. Nda̱a̱ i̱mba̱ xtángoo rí i̱tha̱án gíꞌdoo numuu xó rí a̱jma̱ ríge̱ꞌ.
32A̱ꞌkhue̱n xa̱bo̱ tsí naꞌsngáá xtángoo niꞌthúun Jesús:
―Maphú máján nirathán, Táta̱ naꞌsngáá. Mbáwíi máꞌ tsí ñajuun Ana̱ꞌlóꞌ, jamí ndawa̱a̱ i̱mba̱a̱ꞌ, i̱ndo̱ó máꞌ ikhaa̱. 33Gíꞌmaa rí ma̱galóꞌ juꞌyáá Ana̱ꞌlóꞌ ga̱jma̱á mbá jañii a̱kia̱nꞌlóꞌ, ga̱jma̱á mbá jañii ju̱ma̱ꞌlóꞌ, ga̱jma̱á mbá jañii nímia̱ꞌlóꞌ, jamí ga̱jma̱á mbá xúgíí ski̱ya̱ꞌlóꞌ. Xúꞌkhue̱n máꞌ jaꞌyoo rí ma̱galóꞌ juꞌyáá xa̱bo̱ numbaa ga̱jma̱ꞌlóꞌ, xómá rí nandalóꞌ-juꞌya-mijná ikháánꞌlóꞌ. Rúꞌkhue̱n phú i̱tha̱án gíꞌdoo numuu rí mu̱ꞌne̱lóꞌ, xó rí mbá xúgíí tsi̱gi̱jña̱ꞌ rí nakha-ráma jamí xu̱kú nijáñúú tsí nu̱xna̱xíinlóꞌ ná inuu Ana̱ꞌlóꞌ.
34Ído̱ ndiꞌyoo Jesús rí nafroꞌo̱o̱ máꞌ jamí máján niriꞌñee̱, a̱ꞌkhue̱n niꞌthúu̱n:
―I̱lájwíin máꞌ iꞌyáaꞌ rí ma̱nindxa̱a̱ꞌ xa̱bo̱ tsí nithán-ñájwíín eꞌne Ana̱ꞌlóꞌ.
Nda̱wa̱á a̱ꞌkhue̱n nimbáa máꞌ xa̱bo̱ nátáꞌngo̱o̱ a̱kui̱in rí maraxu̱u̱ xóó.
Tsáa a̱dée ñajuun tsí Krísto̱ róꞌ
(Mt 22.41-46; Lc 20.41-44)
35Awúun máꞌ rí naꞌsngáá Jesús ná rixo̱o̱ guꞌwá dxákuun, a̱ꞌkhue̱n niꞌthée̱n: «Náá numuu kajngó nuthan xa̱bo̱ tsí nusngáá xtángoo rí Krísto̱ ñajuun a̱dée Dabíd róꞌ. 36Numuu rí Xu̱u̱ꞌ máꞌ Ana̱ꞌlóꞌ neꞌne rí Dabíd maꞌthán ríge̱ꞌ:
“Táta̱ Mikhuíí niꞌthúun Tátéꞌ:
‘Araꞌwún ná ñawún mújúnꞌ ge̱jyoꞌ,
asndo gáskuíji̱in xa̱bo̱ sia̱nꞌ dríga̱a̱ꞌ ná agoo nakhuáaꞌ’ ”.#12.36 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 110.1.
37Xí jmína̱a̱ꞌ máꞌ Dabíd naꞌthúu̱n “Tátéꞌ”, xáne gágoo ma̱ꞌne rí Krísto̱ ñajuun a̱dée Dabíd xúꞌkhue̱n rá».
Xómáꞌ xa̱bo̱ tsí mbaꞌiin phú na̱ni̱gu̱ún mu̱dxawíín rí naꞌthée̱n.
Jesús naꞌthán rí ra̱máján ene̱ tsí na̱ma̱ñúú xtángoo
(Mt 23.1-36; Lc 11.37-54;20.45-47)
38Jamí Jesús naꞌthúún xa̱bo̱ xáꞌnii ga̱jma̱á majñu̱u̱ rí naꞌsngáá: «¡Gu̱ña̱wa̱n-mijnálaꞌ inúú xa̱bo̱ tsí nusngáá xtángoo! Numuu rí ikhii̱n na̱ni̱gúu̱nꞌ majúwúu̱n xtíin rí mbijwa̱ꞌ, jamí na̱ni̱gúu̱nꞌ rí phú gamaku mi̱traxii̱n gúne̱ xa̱bo̱ ná xuáá. 39Xúꞌkhue̱n máꞌ na̱ni̱gúu̱nꞌ rí ma̱trigii̱n ná wájun xíle̱ rí ginii jayu ná awúun mbámbá guꞌwá rí na̱gi̱mbáanꞌlóꞌ, jamí na̱ni̱gúu̱nꞌ rí ma̱trigii̱n ná wájun xíle̱ gamaku ná napeꞌtso xa̱bo̱ ná ríga̱ ndxa̱a̱. 40Nu̱drígú-jáꞌñúu̱ go̱ꞌóxuáꞌa rí guáꞌdáá, jamí nda̱wa̱á maphú nagajñúu̱ rí nuthán-jáñíi̱ Ana̱ꞌlóꞌ kajngó ma̱ju̱mu̱ú xa̱bo̱ rí májíi̱n mi̱ndaꞌkho. I̱ndo̱ó máꞌ numuu rí ikhii̱n i̱tha̱án mba̱a̱ jamínu̱ꞌ mu̱dri̱guíi̱.
Xúwán rí nixná a̱ꞌgóxuáꞌa
(Lc 21.1-4)
41Awúun máꞌ rí ꞌgí Jesús ná mijngi rígu e̱jna̱ rí nati mbúkha̱a̱ xúwán ná guꞌwá dxákuun, a̱ꞌkhue̱n ndiꞌyoo̱ xó nu̱dri̱ya̱ꞌ xa̱bo̱ mbúkha̱a̱ xúwán ná awúun e̱jna̱. Jamí mbaꞌiin xa̱bo̱ tsí guáꞌdáá guéño, phú mba̱a̱ mbúkha̱a̱ nu̱dri̱ye̱e̱ꞌ. 42A̱ꞌkhue̱n ni̱ga̱nú mbáa a̱ꞌgóxuáꞌa ngínáa, tsúꞌkhue̱n nigruíya̱ꞌ a̱jma̱ mbúkha̱a̱ ajwa̱nꞌ laka rí phú mbayíí numuu. 43A̱ꞌkhue̱n nindxaꞌwúu̱n tsí naꞌsngúu̱n jamí niꞌthúu̱n: «Na̱tha̱nꞌ-jmbalaꞌ, rí i̱tha̱án mba̱a̱ nirakhuáa a̱ꞌgóxuáꞌa ngínáa tsíge̱ꞌ xó rí mbá xúgíin xa̱bo̱ tsí ni̱dri̱ya̱ꞌ xúwán ná awúun e̱jna̱. 44Numuu rí mbá xúgíin tsúꞌkhue̱n ni̱dri̱ya̱ꞌ mbúkha̱a̱ xúwán rí napíduun inúú. Xómáꞌ a̱ꞌgóxuáꞌa tsíge̱ꞌ, maske máꞌ mingínaa̱, nirakhuáa̱ mbá xúgíí rí gíꞌdoo̱ ma̱xtáa̱-muu̱».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.