Lúka̱s 5
5
Jesús naꞌne rí Pédro̱ magu̱un i̱gi̱ꞌ
(Mt 4.18-22; Mc 1.16-20)
1Mbá miꞌtsú rí ngrigo̱o̱ꞌ Jesús ná mijngi rawuun ñañuu a̱pha̱ rí mbiꞌyuu Jenesarét,#5.1 «Ñañuu a̱pha̱ Galiléa̱» ñajuun i̱mba̱ mbiꞌyuu iya ríge̱ꞌ. asndo nu̱rmatsí-mijná xa̱bo̱ inuu̱ rí nandúún gúdxawíín ajngáa rawuun Ana̱ꞌlóꞌ. 2A̱ꞌkhue̱n ndiꞌyoo Jesús rí ná rawuun ñañuu wájun a̱jma̱ ixe̱-rguwa rí na̱ka̱ inuu iya, jamí xa̱bo̱ tsí nu̱rawíin i̱gi̱ꞌ niguátaan gújñáa amúú. 3A̱ꞌkhue̱n nitsimuu Jesús ná ixe̱-rguwa drígo̱o̱ Simón jamí ni̱ndo̱ꞌo̱o̱ rí maxuꞌmee̱ ne̱ wáa ná awúun iyáá. A̱ꞌkhue̱n ni̱ge̱ꞌe̱ Jesús ná ixe̱-rguwa jamí nigíꞌdu̱u̱n niꞌsngúu̱n xa̱bo̱. 4Ído̱ wámbo̱o̱ niꞌsngúu̱n xa̱bo̱, a̱ꞌkhue̱n niꞌthúu̱n Simón:
―Ayu-ꞌcháa ixe̱-rguwa ná me̱jno̱ꞌ wáa ñañuu, ikhín gúxi̱dí-máꞌánlaꞌ amalaꞌ mu̱diinlaꞌ i̱gi̱ꞌ.
5A̱ꞌkhue̱n rí Simón niꞌthúun Jesús:
―Táta̱, jañii mbroꞌon ndi̱ꞌñíixo̱ꞌ i̱gi̱ꞌ, jamí asndo nimbáa̱ túríya̱a̱ꞌxo̱ꞌ. I̱ndo̱ó máꞌ numuu rí ikháánꞌ irathán, mu̱xi̱dí-máꞌánxo̱ꞌ ama mbu̱júꞌ.
6Ído̱ ni̱xi̱dí-máꞌée̱n ama, mbaꞌiin mi̱ndaꞌkho i̱gi̱ꞌ ni̱ra̱tuu̱n, asndo inu mu̱thon ama nene̱ i̱gi̱ꞌ. 7A̱ꞌkhue̱n nini̱i̱ ñawúu̱n rí ma̱guwá a̱nguíi̱n tsí gachúún ná i̱mba̱ ixe̱-rguwa rí ma̱guwá gúmbáñúu̱. Ído̱ niguáꞌníi̱, nájma̱ ixe̱-rguwa nene̱-matíi̱n i̱gi̱ꞌ, jamí asndo inu ma̱rmáꞌán ixe̱-rguwa ná awúun iya. 8Ído̱ ndiꞌyoo Simón Pédro̱ rí xkuaꞌnii, a̱ꞌkhue̱n nismáti̱go̱o̱ inuu Jesús jamí niꞌthúu̱n:
―Táta̱, athane̱-janíí-mina̱ꞌ inuꞌ, numuu rí xa̱bo̱ aꞌkhán ñajunꞌ.
9Xkuaꞌnii niꞌthán Simón numuu rí phú nimíñuu̱, xómá rí phú nimíñúú tsí ngrigo̱o̱ꞌ gajmíi̱ mangiin, numuu rí ni̱ra̱tuu̱n mi̱ndaꞌkho i̱gi̱ꞌ. 10Xkuaꞌnii máꞌ phú nimíñuu Santiágo̱#5.10 Ná i̱yi̱i̱ꞌ griégo̱ rí wayuu naꞌthán «Jakóbo̱», rí nithán «Santiágo̱» ná ajngáa xtílo̱o̱. ga̱jma̱á Juáán mangaa, tsí i̱ji̱in Sebedéo̱, tsí ngrigu̱ún nu̱ñajun gajmíí Simón. A̱ꞌkhue̱n Jesús niꞌthúun Simón:
―Ma̱xámíñaaꞌ, nákha i̱gi̱ꞌ gárawíin rá, rí xa̱bo̱ ma̱ta̱gímbúun rá.
11Ído̱ ni̱díwíi̱n judúu̱n ixe̱-rguwa ná rawuun iya, ni̱ni̱ꞌñáa̱ mbá xúgíí, jamí nigóo̱ tsu̱du̱u̱ Jesús.
Jesús naꞌne-thanuu mbáa xa̱bo̱ tsí naꞌgajmuu xuyuu
(Mt 8.1-4; Mc 1.40-45)
12Mbá mbiꞌi rí xtáa Jesús ná mbá xuajen, ikhín xtáa mbáa xa̱bo̱ tsí naꞌgajmuu mbá xúgíí xuyuu. Ído̱ rí xa̱bo̱ tsúꞌkhue̱n ndiꞌyoo Jesús, a̱ꞌkhue̱n nismáti̱go̱o̱, niꞌgíi̱ inuu̱ asndo mbayíí jamí niꞌthán-jáñuu̱ Jesús:
―Táta̱, xí ikháánꞌ nandaaꞌ, ikhúúnꞌ nda̱yo̱o̱ rí ma̱ꞌnga̱a̱ꞌ ma̱tha̱ne̱-thanuꞌ.
13A̱ꞌkhue̱n nitsriya̱ꞌ ñawúun Jesús, nixkajmaa̱ xa̱bo̱ tsúꞌkhue̱n, jamí niꞌthúu̱n:
―Nandoꞌlo̱ꞌ, ga̱ꞌni̱i la a̱kia̱anꞌ.
Jamí núkho̱ máꞌ nigáyuu nandii rí naꞌne rí naꞌgajmuu xuyuu̱. 14A̱ꞌkhue̱n rí Jesús nixnángawoo xa̱bo̱ tsúꞌkhue̱n rí ma̱xáꞌthúu̱n asndo nimbáa xa̱bo̱ ríge̱ꞌ. Jamí niꞌthúu̱n xóó: «Ayu gáta̱xna̱xí-mina̱ꞌ ná inuu dxakuun, jamí ataxnáxe̱ tsi̱gi̱jña̱ꞌ ga̱jma̱á numaaꞌ, xómá rí naꞌthán ná xtángawoo Moisés, kajngó mbuyáá xa̱bo̱ rí niꞌni̱i máꞌ a̱kia̱anꞌ».
15I̱ndo̱ó máꞌ numuu rí phú i̱tha̱án na̱ka̱-rawán rí naꞌne Jesús. Jamí phú mbaꞌiin xa̱bo̱ naguwá rí mu̱dxawíín rí naꞌthée̱n jamí ma̱gu̱ma-thanúú gáꞌnii̱. 16Xómáꞌ ikhaa̱ na̱ríya̱ꞌ-mine̱e̱ꞌ ná ndawi̱in xa̱bo̱, kajngó maꞌthán-jáñuu̱ Ana̱ꞌlóꞌ.
Jesús naꞌne-thanuu mbáa xa̱bo̱ tsí nixtriga̱a̱
(Mt 9.1-8; Mc 2.1-12)
17Mbá mbiꞌi rí xtáa Jesús naꞌsngúún xa̱bo̱, trigi̱in mbá tikhuun xa̱bo̱ fariséo̱ gajmíí xa̱bo̱ tsí phú na̱ma̱ñúú nusngáá xtángoo. Ikhii̱n niguwée̱ꞌ mbá xúgíí xuajen laka rí triga̱ ná numbaa Galiléa̱ ga̱jma̱á Judéa̱, xúꞌkhue̱n máꞌ ná Jerusalén mangaa. Xómáꞌ Jesús naꞌne-thanúú xa̱bo̱ ga̱jma̱á tsiakhe̱ rí najanáa̱ eꞌne Táta̱. 18A̱ꞌkhue̱n niguáꞌnú mbá tikhuun xa̱bo̱ juya̱a̱ mbáa xa̱bo̱ tsí nixtriga̱a̱, jabóo ná inuu mbá agú. Ndiñúu̱ ma̱tu̱ꞌúu̱n guꞌwáá juya̱a̱ tsí najáñuu jamí mu̱ꞌgíi̱ ná inuu Jesús. 19I̱ndo̱ó máꞌ numuu rí túxkamaa̱ ná ma̱tu̱ꞌúu̱n juya̱a̱ ga̱jma̱á numuu rí xa̱ꞌ jayu gachúún xa̱bo̱. A̱ꞌkhue̱n nitsimúu̱ tsu̱du̱u̱ guꞌwá jamí ni̱rmáꞌtháa̱ ne̱, a̱ꞌkhue̱n ni̱xríguíi̱ tsí najáñuu ná majñu̱ú xa̱bo̱, ni̱ꞌgíi̱ ná inuu Jesús. 20Ído̱ ndiꞌyoo Jesús rí wéje̱ a̱kui̱ín xa̱bo̱ tsúꞌkhue̱n ná inuu̱, a̱ꞌkhue̱n niꞌthúu̱n xa̱bo̱ tsí nixtriga̱a̱: «Táta̱, ningudi̱i máꞌ aꞌkháanꞌ rá».
21A̱ꞌkhue̱n rí xa̱bo̱ tsí nusngáá xtángoo gajmíí xa̱bo̱ fariséo̱ ni̱gíꞌdíi̱n ni̱ndxa̱ꞌwa̱-mijnée̱ ríge̱ꞌ: «Tsáa ñajuun tsíge̱ꞌ rí asndo naꞌthán xkawe̱ꞌ ga̱jma̱á numuu Ana̱ꞌlóꞌ róꞌ. I̱ndo̱ó máꞌ Ana̱ꞌlóꞌ ñajuun tsí naꞌne mba̱a̱ a̱kui̱in jaꞌyoo aꞌkhúún xa̱bo̱».
22Ído̱ ndiꞌyoo Jesús rí xkuaꞌnii nu̱ndxa̱ꞌwa̱-mijnée̱, a̱ꞌkhue̱n niraxúu̱n: «Náá numuu kajngó xkuaꞌnii i̱ndxa̱ꞌwa̱-mijnálaꞌ róꞌ. 23Náá rí i̱wa̱á na̱nguá mingíjyúu mi̱ꞌthán róꞌ. Á rí mi̱ꞌthán: “Ningudi̱i máꞌ aꞌkháanꞌ rá”, o rí mi̱ꞌthán: “Araxu̱unꞌ jamí a̱ngriga̱a̱ꞌ” dxe̱ꞌ. 24Ma̱snga̱jmálaꞌ mbu̱ya̱á rí A̱dée Xa̱bo̱ Numbaa gíꞌdoo tsiakhe̱ rí ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ ná numbaa ríge̱ꞌ». A̱ꞌkhue̱n Jesús niꞌthúun xa̱bo̱ tsí nixtriga̱a̱: «Ikháánꞌ i̱tha̱a̱nꞌ, araxu̱unꞌ, atiáxi̱i aguáaꞌ, jamí ayu̱uꞌ guꞌwáaꞌ».
25Núkho̱ ni̱tu̱xi̱i xa̱bo̱ tsí nixtriga̱a̱ ná inúú mbá xúgíin xa̱bo̱. A̱ꞌkhue̱n niyáxii̱ agúu̱ ná nibóo̱, ni̱kaa̱ guꞌwóo̱. Awúun máꞌ rí na̱kaa̱, naꞌne-mba̱a̱ Ana̱ꞌlóꞌ. 26Mbá xúgíin xa̱bo̱ maphú nimakúún jamí phú nimíñúu̱. A̱ꞌkhue̱n ni̱gíꞌdíi̱n nene̱-mba̱a̱ Ana̱ꞌlóꞌ jamí nuthee̱n: «¡Maphú wáá rí ndiꞌyáálóꞌ mbiꞌi ríge̱ꞌ rá!».
Jesús nandxaꞌwóo Lebí
(Mt 9.9-13; Mc 2.13-17)
27Ído̱ wámba̱ niríga̱ rúꞌkhue̱n, nigájna̱a Jesús ná awúun guꞌwá. A̱ꞌkhue̱n ndiꞌyoo̱ mbáa xa̱bo̱ tsí mbiꞌyuu Lebí, tsí na̱ru̱ma mbúkho̱o̱ guꞌwá-ñajun, ꞌgíi̱ ná na̱ru̱mee̱. A̱ꞌkhue̱n Jesús niꞌthúun xa̱bo̱ tsúꞌkhue̱n: «Aya̱ ga̱jma̱á nindxu̱ꞌ». 28A̱ꞌkhue̱n Lebí niniñuu mbá xúgíí, ni̱tu̱xu̱u̱ꞌ jamí ni̱ke̱e̱ ga̱jma̱á nindxu̱u̱ Jesús.
29Jamí Lebí neꞌne mbá ndxa̱a̱ mba̱a̱ ná guꞌwóo ga̱jma̱á numuu Jesús. Phú mbaꞌiin xa̱bo̱ tsí nu̱ru̱ma mbúkho̱o̱ guꞌwá-ñajun niguwá nitrigi̱in ikhín rí mu̱peꞌtso, jamí i̱ꞌwíin xa̱bo̱ mangaa. 30Xómáꞌ xa̱bo̱ tsí nusngáá xtángoo gajmíí xa̱bo̱ fariséo̱ ni̱gíꞌdíi̱n nithan-ri̱ge̱e̱ numúú tsí naꞌsngúún Jesús, jamí nithúu̱n: «Náá numuu kajngó napeꞌtsolaꞌ jamí nawanlaꞌ gajmiálaꞌ xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán róꞌ».
31A̱ꞌkhue̱n Jesús niꞌthúún xa̱bo̱ tsúꞌkhue̱n: «Xa̱bo̱ tsí tsíjáñúú, tsíꞌñúu̱ máꞌ xa̱bo̱ tsí naꞌne-thana ikhii̱n, rí i̱ndo̱ó máꞌ xa̱bo̱ tsí najáñúú na̱mbu̱jmúú inuu xa̱bo̱ tsí naꞌne-thana. 32Ikhúúnꞌ táꞌkha gándxa̱ꞌwu̱ún xa̱bo̱ tsí nune̱ rí máján, rí niꞌkha gándxa̱ꞌwu̱ún xa̱bo̱ tsí nune̱ aꞌkhán rí ma̱thanga̱a a̱kui̱ín ná inuu Ana̱ꞌlóꞌ».
Rí nuxe̱ꞌ ga̱jma̱á rí wayuu
(Mt 9.14-17; Mc 2.18-22)
33A̱ꞌkhue̱n ikhii̱n ni̱ra̱xíi̱ Jesús:
―Náá numuu kajngó#5.33 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa «Náá numuu kajngó». xa̱bo̱ tsí naꞌsngúún Juáán jamí tsí nusngúún xa̱bo̱ fariséo̱, tháan mbiꞌi nune̱-miꞌkhíi̱ jamí nuthán-jáñíi̱ Ana̱ꞌlóꞌ róꞌ. Xómáꞌ tsí narasngúún ikháánꞌ napeꞌtso jamí naꞌwa̱a̱n máꞌ xúꞌkhue̱n.
34A̱ꞌkhue̱n Jesús niꞌthúu̱n:
―Á ma̱goo mu̱ne̱laꞌ rí mune̱-miꞌkhíí xa̱bo̱ tsí gachúún ná ndxa̱a̱ tsigúún, xí xa̱bo̱ tsí nanigúún xtáa ga̱jma̱á nindxúu̱n dxe̱ꞌ. 35I̱ndo̱ó máꞌ numuu rí ma̱ga̱nú mbiꞌi rí ma̱ꞌga jiꞌyáa tsí nanigúún, a̱ꞌkhue̱n rí mune̱-miꞌkhíi̱.
36Jesús neꞌne ajngáa xkri̱da ríge̱ꞌ mangaa: «Asndo nimbáa xa̱bo̱ tsíro̱thon-ri̱ya̱ꞌ mbá chápa xtíin rí nuxe̱ꞌ kajngó maꞌxmí-raꞌaa̱ ne̱ ná awúun xtíin rí wayuu. Xí xkuaꞌnii iꞌnii̱, mu̱thon xtíin rí nuxe̱ꞌ gáꞌne, jamí ma̱xáfriya̱ꞌ xtíin rí nuxe̱ꞌ ná awúun xtíin rí wayuu. 37Xúꞌkhue̱n máꞌ mangaa asndo nimbáa xa̱bo̱ tsíxíña̱ꞌ iyoo úba̱ nuxe̱ꞌ rí ni̱ga̱yu̱u̱ꞌ ná awúun xtá lamba rí wayuu, ra̱ꞌkhá mu̱thon xtá rí wayuu gáꞌne iyoo úba̱ nuxe̱ꞌ rí ni̱ga̱yu̱u̱ꞌ. A̱ꞌkhue̱n rí ma̱ga̱díí iyoo úba̱ jamí ma̱mbáa mbá jayu xtá lamba gáꞌne. 38Iyoo úba̱ nuxe̱ꞌ rí ni̱ga̱yu̱u̱ꞌ jaꞌyoo ma̱jno̱ꞌ ne̱ ná awúun xtá lamba rí nuxe̱ꞌ, kajngó ma̱xándáti̱ga̱ ne̱ nimbá.#5.38 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «kajngó ma̱xándáti̱ga̱ ne̱ nimbá». 39Xúꞌkhue̱n máꞌ mangaa asndo nimbáa xa̱bo̱ tsí naꞌña̱a̱ iyoo úba̱ ni̱ga̱yu̱u̱ꞌ rí wayuu, tsíyoo̱ gágáa̱n iyoo úba̱ nuxe̱ꞌ rí ni̱ga̱yu̱u̱ꞌ, numuu rí naꞌthée̱n: “I̱wa̱á ndasko̱ꞌ iyoo úba̱ ni̱ga̱yu̱u̱ꞌ rí wayuu”».
ទើបបានជ្រើសរើសហើយ៖
Lúka̱s 5: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Lúka̱s 5
5
Jesús naꞌne rí Pédro̱ magu̱un i̱gi̱ꞌ
(Mt 4.18-22; Mc 1.16-20)
1Mbá miꞌtsú rí ngrigo̱o̱ꞌ Jesús ná mijngi rawuun ñañuu a̱pha̱ rí mbiꞌyuu Jenesarét,#5.1 «Ñañuu a̱pha̱ Galiléa̱» ñajuun i̱mba̱ mbiꞌyuu iya ríge̱ꞌ. asndo nu̱rmatsí-mijná xa̱bo̱ inuu̱ rí nandúún gúdxawíín ajngáa rawuun Ana̱ꞌlóꞌ. 2A̱ꞌkhue̱n ndiꞌyoo Jesús rí ná rawuun ñañuu wájun a̱jma̱ ixe̱-rguwa rí na̱ka̱ inuu iya, jamí xa̱bo̱ tsí nu̱rawíin i̱gi̱ꞌ niguátaan gújñáa amúú. 3A̱ꞌkhue̱n nitsimuu Jesús ná ixe̱-rguwa drígo̱o̱ Simón jamí ni̱ndo̱ꞌo̱o̱ rí maxuꞌmee̱ ne̱ wáa ná awúun iyáá. A̱ꞌkhue̱n ni̱ge̱ꞌe̱ Jesús ná ixe̱-rguwa jamí nigíꞌdu̱u̱n niꞌsngúu̱n xa̱bo̱. 4Ído̱ wámbo̱o̱ niꞌsngúu̱n xa̱bo̱, a̱ꞌkhue̱n niꞌthúu̱n Simón:
―Ayu-ꞌcháa ixe̱-rguwa ná me̱jno̱ꞌ wáa ñañuu, ikhín gúxi̱dí-máꞌánlaꞌ amalaꞌ mu̱diinlaꞌ i̱gi̱ꞌ.
5A̱ꞌkhue̱n rí Simón niꞌthúun Jesús:
―Táta̱, jañii mbroꞌon ndi̱ꞌñíixo̱ꞌ i̱gi̱ꞌ, jamí asndo nimbáa̱ túríya̱a̱ꞌxo̱ꞌ. I̱ndo̱ó máꞌ numuu rí ikháánꞌ irathán, mu̱xi̱dí-máꞌánxo̱ꞌ ama mbu̱júꞌ.
6Ído̱ ni̱xi̱dí-máꞌée̱n ama, mbaꞌiin mi̱ndaꞌkho i̱gi̱ꞌ ni̱ra̱tuu̱n, asndo inu mu̱thon ama nene̱ i̱gi̱ꞌ. 7A̱ꞌkhue̱n nini̱i̱ ñawúu̱n rí ma̱guwá a̱nguíi̱n tsí gachúún ná i̱mba̱ ixe̱-rguwa rí ma̱guwá gúmbáñúu̱. Ído̱ niguáꞌníi̱, nájma̱ ixe̱-rguwa nene̱-matíi̱n i̱gi̱ꞌ, jamí asndo inu ma̱rmáꞌán ixe̱-rguwa ná awúun iya. 8Ído̱ ndiꞌyoo Simón Pédro̱ rí xkuaꞌnii, a̱ꞌkhue̱n nismáti̱go̱o̱ inuu Jesús jamí niꞌthúu̱n:
―Táta̱, athane̱-janíí-mina̱ꞌ inuꞌ, numuu rí xa̱bo̱ aꞌkhán ñajunꞌ.
9Xkuaꞌnii niꞌthán Simón numuu rí phú nimíñuu̱, xómá rí phú nimíñúú tsí ngrigo̱o̱ꞌ gajmíi̱ mangiin, numuu rí ni̱ra̱tuu̱n mi̱ndaꞌkho i̱gi̱ꞌ. 10Xkuaꞌnii máꞌ phú nimíñuu Santiágo̱#5.10 Ná i̱yi̱i̱ꞌ griégo̱ rí wayuu naꞌthán «Jakóbo̱», rí nithán «Santiágo̱» ná ajngáa xtílo̱o̱. ga̱jma̱á Juáán mangaa, tsí i̱ji̱in Sebedéo̱, tsí ngrigu̱ún nu̱ñajun gajmíí Simón. A̱ꞌkhue̱n Jesús niꞌthúun Simón:
―Ma̱xámíñaaꞌ, nákha i̱gi̱ꞌ gárawíin rá, rí xa̱bo̱ ma̱ta̱gímbúun rá.
11Ído̱ ni̱díwíi̱n judúu̱n ixe̱-rguwa ná rawuun iya, ni̱ni̱ꞌñáa̱ mbá xúgíí, jamí nigóo̱ tsu̱du̱u̱ Jesús.
Jesús naꞌne-thanuu mbáa xa̱bo̱ tsí naꞌgajmuu xuyuu
(Mt 8.1-4; Mc 1.40-45)
12Mbá mbiꞌi rí xtáa Jesús ná mbá xuajen, ikhín xtáa mbáa xa̱bo̱ tsí naꞌgajmuu mbá xúgíí xuyuu. Ído̱ rí xa̱bo̱ tsúꞌkhue̱n ndiꞌyoo Jesús, a̱ꞌkhue̱n nismáti̱go̱o̱, niꞌgíi̱ inuu̱ asndo mbayíí jamí niꞌthán-jáñuu̱ Jesús:
―Táta̱, xí ikháánꞌ nandaaꞌ, ikhúúnꞌ nda̱yo̱o̱ rí ma̱ꞌnga̱a̱ꞌ ma̱tha̱ne̱-thanuꞌ.
13A̱ꞌkhue̱n nitsriya̱ꞌ ñawúun Jesús, nixkajmaa̱ xa̱bo̱ tsúꞌkhue̱n, jamí niꞌthúu̱n:
―Nandoꞌlo̱ꞌ, ga̱ꞌni̱i la a̱kia̱anꞌ.
Jamí núkho̱ máꞌ nigáyuu nandii rí naꞌne rí naꞌgajmuu xuyuu̱. 14A̱ꞌkhue̱n rí Jesús nixnángawoo xa̱bo̱ tsúꞌkhue̱n rí ma̱xáꞌthúu̱n asndo nimbáa xa̱bo̱ ríge̱ꞌ. Jamí niꞌthúu̱n xóó: «Ayu gáta̱xna̱xí-mina̱ꞌ ná inuu dxakuun, jamí ataxnáxe̱ tsi̱gi̱jña̱ꞌ ga̱jma̱á numaaꞌ, xómá rí naꞌthán ná xtángawoo Moisés, kajngó mbuyáá xa̱bo̱ rí niꞌni̱i máꞌ a̱kia̱anꞌ».
15I̱ndo̱ó máꞌ numuu rí phú i̱tha̱án na̱ka̱-rawán rí naꞌne Jesús. Jamí phú mbaꞌiin xa̱bo̱ naguwá rí mu̱dxawíín rí naꞌthée̱n jamí ma̱gu̱ma-thanúú gáꞌnii̱. 16Xómáꞌ ikhaa̱ na̱ríya̱ꞌ-mine̱e̱ꞌ ná ndawi̱in xa̱bo̱, kajngó maꞌthán-jáñuu̱ Ana̱ꞌlóꞌ.
Jesús naꞌne-thanuu mbáa xa̱bo̱ tsí nixtriga̱a̱
(Mt 9.1-8; Mc 2.1-12)
17Mbá mbiꞌi rí xtáa Jesús naꞌsngúún xa̱bo̱, trigi̱in mbá tikhuun xa̱bo̱ fariséo̱ gajmíí xa̱bo̱ tsí phú na̱ma̱ñúú nusngáá xtángoo. Ikhii̱n niguwée̱ꞌ mbá xúgíí xuajen laka rí triga̱ ná numbaa Galiléa̱ ga̱jma̱á Judéa̱, xúꞌkhue̱n máꞌ ná Jerusalén mangaa. Xómáꞌ Jesús naꞌne-thanúú xa̱bo̱ ga̱jma̱á tsiakhe̱ rí najanáa̱ eꞌne Táta̱. 18A̱ꞌkhue̱n niguáꞌnú mbá tikhuun xa̱bo̱ juya̱a̱ mbáa xa̱bo̱ tsí nixtriga̱a̱, jabóo ná inuu mbá agú. Ndiñúu̱ ma̱tu̱ꞌúu̱n guꞌwáá juya̱a̱ tsí najáñuu jamí mu̱ꞌgíi̱ ná inuu Jesús. 19I̱ndo̱ó máꞌ numuu rí túxkamaa̱ ná ma̱tu̱ꞌúu̱n juya̱a̱ ga̱jma̱á numuu rí xa̱ꞌ jayu gachúún xa̱bo̱. A̱ꞌkhue̱n nitsimúu̱ tsu̱du̱u̱ guꞌwá jamí ni̱rmáꞌtháa̱ ne̱, a̱ꞌkhue̱n ni̱xríguíi̱ tsí najáñuu ná majñu̱ú xa̱bo̱, ni̱ꞌgíi̱ ná inuu Jesús. 20Ído̱ ndiꞌyoo Jesús rí wéje̱ a̱kui̱ín xa̱bo̱ tsúꞌkhue̱n ná inuu̱, a̱ꞌkhue̱n niꞌthúu̱n xa̱bo̱ tsí nixtriga̱a̱: «Táta̱, ningudi̱i máꞌ aꞌkháanꞌ rá».
21A̱ꞌkhue̱n rí xa̱bo̱ tsí nusngáá xtángoo gajmíí xa̱bo̱ fariséo̱ ni̱gíꞌdíi̱n ni̱ndxa̱ꞌwa̱-mijnée̱ ríge̱ꞌ: «Tsáa ñajuun tsíge̱ꞌ rí asndo naꞌthán xkawe̱ꞌ ga̱jma̱á numuu Ana̱ꞌlóꞌ róꞌ. I̱ndo̱ó máꞌ Ana̱ꞌlóꞌ ñajuun tsí naꞌne mba̱a̱ a̱kui̱in jaꞌyoo aꞌkhúún xa̱bo̱».
22Ído̱ ndiꞌyoo Jesús rí xkuaꞌnii nu̱ndxa̱ꞌwa̱-mijnée̱, a̱ꞌkhue̱n niraxúu̱n: «Náá numuu kajngó xkuaꞌnii i̱ndxa̱ꞌwa̱-mijnálaꞌ róꞌ. 23Náá rí i̱wa̱á na̱nguá mingíjyúu mi̱ꞌthán róꞌ. Á rí mi̱ꞌthán: “Ningudi̱i máꞌ aꞌkháanꞌ rá”, o rí mi̱ꞌthán: “Araxu̱unꞌ jamí a̱ngriga̱a̱ꞌ” dxe̱ꞌ. 24Ma̱snga̱jmálaꞌ mbu̱ya̱á rí A̱dée Xa̱bo̱ Numbaa gíꞌdoo tsiakhe̱ rí ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ ná numbaa ríge̱ꞌ». A̱ꞌkhue̱n Jesús niꞌthúun xa̱bo̱ tsí nixtriga̱a̱: «Ikháánꞌ i̱tha̱a̱nꞌ, araxu̱unꞌ, atiáxi̱i aguáaꞌ, jamí ayu̱uꞌ guꞌwáaꞌ».
25Núkho̱ ni̱tu̱xi̱i xa̱bo̱ tsí nixtriga̱a̱ ná inúú mbá xúgíin xa̱bo̱. A̱ꞌkhue̱n niyáxii̱ agúu̱ ná nibóo̱, ni̱kaa̱ guꞌwóo̱. Awúun máꞌ rí na̱kaa̱, naꞌne-mba̱a̱ Ana̱ꞌlóꞌ. 26Mbá xúgíin xa̱bo̱ maphú nimakúún jamí phú nimíñúu̱. A̱ꞌkhue̱n ni̱gíꞌdíi̱n nene̱-mba̱a̱ Ana̱ꞌlóꞌ jamí nuthee̱n: «¡Maphú wáá rí ndiꞌyáálóꞌ mbiꞌi ríge̱ꞌ rá!».
Jesús nandxaꞌwóo Lebí
(Mt 9.9-13; Mc 2.13-17)
27Ído̱ wámba̱ niríga̱ rúꞌkhue̱n, nigájna̱a Jesús ná awúun guꞌwá. A̱ꞌkhue̱n ndiꞌyoo̱ mbáa xa̱bo̱ tsí mbiꞌyuu Lebí, tsí na̱ru̱ma mbúkho̱o̱ guꞌwá-ñajun, ꞌgíi̱ ná na̱ru̱mee̱. A̱ꞌkhue̱n Jesús niꞌthúun xa̱bo̱ tsúꞌkhue̱n: «Aya̱ ga̱jma̱á nindxu̱ꞌ». 28A̱ꞌkhue̱n Lebí niniñuu mbá xúgíí, ni̱tu̱xu̱u̱ꞌ jamí ni̱ke̱e̱ ga̱jma̱á nindxu̱u̱ Jesús.
29Jamí Lebí neꞌne mbá ndxa̱a̱ mba̱a̱ ná guꞌwóo ga̱jma̱á numuu Jesús. Phú mbaꞌiin xa̱bo̱ tsí nu̱ru̱ma mbúkho̱o̱ guꞌwá-ñajun niguwá nitrigi̱in ikhín rí mu̱peꞌtso, jamí i̱ꞌwíin xa̱bo̱ mangaa. 30Xómáꞌ xa̱bo̱ tsí nusngáá xtángoo gajmíí xa̱bo̱ fariséo̱ ni̱gíꞌdíi̱n nithan-ri̱ge̱e̱ numúú tsí naꞌsngúún Jesús, jamí nithúu̱n: «Náá numuu kajngó napeꞌtsolaꞌ jamí nawanlaꞌ gajmiálaꞌ xa̱bo̱ tsí nu̱ru̱ma mbúkho̱o̱ guꞌwá-ñajun jamí xa̱bo̱ tsí nune̱ aꞌkhán róꞌ».
31A̱ꞌkhue̱n Jesús niꞌthúún xa̱bo̱ tsúꞌkhue̱n: «Xa̱bo̱ tsí tsíjáñúú, tsíꞌñúu̱ máꞌ xa̱bo̱ tsí naꞌne-thana ikhii̱n, rí i̱ndo̱ó máꞌ xa̱bo̱ tsí najáñúú na̱mbu̱jmúú inuu xa̱bo̱ tsí naꞌne-thana. 32Ikhúúnꞌ táꞌkha gándxa̱ꞌwu̱ún xa̱bo̱ tsí nune̱ rí máján, rí niꞌkha gándxa̱ꞌwu̱ún xa̱bo̱ tsí nune̱ aꞌkhán rí ma̱thanga̱a a̱kui̱ín ná inuu Ana̱ꞌlóꞌ».
Rí nuxe̱ꞌ ga̱jma̱á rí wayuu
(Mt 9.14-17; Mc 2.18-22)
33A̱ꞌkhue̱n ikhii̱n ni̱ra̱xíi̱ Jesús:
―Náá numuu kajngó#5.33 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa «Náá numuu kajngó». xa̱bo̱ tsí naꞌsngúún Juáán jamí tsí nusngúún xa̱bo̱ fariséo̱, tháan mbiꞌi nune̱-miꞌkhíi̱ jamí nuthán-jáñíi̱ Ana̱ꞌlóꞌ róꞌ. Xómáꞌ tsí narasngúún ikháánꞌ napeꞌtso jamí naꞌwa̱a̱n máꞌ xúꞌkhue̱n.
34A̱ꞌkhue̱n Jesús niꞌthúu̱n:
―Á ma̱goo mu̱ne̱laꞌ rí mune̱-miꞌkhíí xa̱bo̱ tsí gachúún ná ndxa̱a̱ tsigúún, xí xa̱bo̱ tsí nanigúún xtáa ga̱jma̱á nindxúu̱n dxe̱ꞌ. 35I̱ndo̱ó máꞌ numuu rí ma̱ga̱nú mbiꞌi rí ma̱ꞌga jiꞌyáa tsí nanigúún, a̱ꞌkhue̱n rí mune̱-miꞌkhíi̱.
36Jesús neꞌne ajngáa xkri̱da ríge̱ꞌ mangaa: «Asndo nimbáa xa̱bo̱ tsíro̱thon-ri̱ya̱ꞌ mbá chápa xtíin rí nuxe̱ꞌ kajngó maꞌxmí-raꞌaa̱ ne̱ ná awúun xtíin rí wayuu. Xí xkuaꞌnii iꞌnii̱, mu̱thon xtíin rí nuxe̱ꞌ gáꞌne, jamí ma̱xáfriya̱ꞌ xtíin rí nuxe̱ꞌ ná awúun xtíin rí wayuu. 37Xúꞌkhue̱n máꞌ mangaa asndo nimbáa xa̱bo̱ tsíxíña̱ꞌ iyoo úba̱ nuxe̱ꞌ rí ni̱ga̱yu̱u̱ꞌ ná awúun xtá lamba rí wayuu, ra̱ꞌkhá mu̱thon xtá rí wayuu gáꞌne iyoo úba̱ nuxe̱ꞌ rí ni̱ga̱yu̱u̱ꞌ. A̱ꞌkhue̱n rí ma̱ga̱díí iyoo úba̱ jamí ma̱mbáa mbá jayu xtá lamba gáꞌne. 38Iyoo úba̱ nuxe̱ꞌ rí ni̱ga̱yu̱u̱ꞌ jaꞌyoo ma̱jno̱ꞌ ne̱ ná awúun xtá lamba rí nuxe̱ꞌ, kajngó ma̱xándáti̱ga̱ ne̱ nimbá.#5.38 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «kajngó ma̱xándáti̱ga̱ ne̱ nimbá». 39Xúꞌkhue̱n máꞌ mangaa asndo nimbáa xa̱bo̱ tsí naꞌña̱a̱ iyoo úba̱ ni̱ga̱yu̱u̱ꞌ rí wayuu, tsíyoo̱ gágáa̱n iyoo úba̱ nuxe̱ꞌ rí ni̱ga̱yu̱u̱ꞌ, numuu rí naꞌthée̱n: “I̱wa̱á ndasko̱ꞌ iyoo úba̱ ni̱ga̱yu̱u̱ꞌ rí wayuu”».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.