Lúka̱s 18
18
Ajngáa xkri̱da ga̱jma̱á numuu a̱ꞌgóxuáꞌa jamí xa̱bo̱ tsí naxúdaa awan tsí ra̱májáan
1Jesús neꞌne mbá ajngáa xkri̱da kajngó ma̱ma̱ñúú tsí naꞌsngúu̱n rí ndaꞌyóo muthán-jáñíi̱ Ana̱ꞌlóꞌ jámba̱ miꞌtsú, jamí ma̱xáꞌne níꞌngúu̱n. 2Xáꞌnii niꞌthúu̱n: «Nixtáa mbáa xa̱bo̱ tsí naxúdaa awan ná awúun mbá xuajen, tsí tsímíñuu eꞌne Ana̱ꞌlóꞌ, ni máꞌ tsíxná-gamiéjuun ene̱ xa̱bo̱. 3Ikhín máꞌ ná xuajen rúꞌkhue̱n nixtáa mbáa a̱ꞌgóxuáꞌa tsí tsíniñuu na̱ka̱-raꞌthúun xa̱bo̱ ñajun tsúꞌkhue̱n: “A̱tra̱jwa̱ꞌ májáanꞌ numuu xkujndu rí gúꞌdo̱ꞌ ga̱jmi̱ꞌ mbáa xa̱bo̱”. 4Xómáꞌ xa̱bo̱ tsí naxúdaa awan, phú mba̱yo̱ꞌ nda̱a̱ rí niꞌnii̱ ga̱jma̱á numuu a̱ꞌgóxuáꞌa. I̱ndo̱ó máꞌ numuu rí nda̱wa̱á niꞌthán-mine̱e̱ꞌ xáꞌnii: “Maske máꞌ tsímíñuꞌ eꞌne Ana̱ꞌlóꞌ, ni máꞌ tsíxná-gamiéjunꞌ ene̱ xa̱bo̱, 5naskoꞌ rí tsíniñuu rí na̱ꞌkha̱-raꞌne-gajmúꞌ a̱ꞌgóxuáꞌa tsíge̱ꞌ. I̱wa̱á máján rí ma̱ra̱jwa̱ꞌ numuu̱ jamí ma̱mbáyúu̱, ra̱ꞌkhá me̱kho̱ idxu̱ꞌ gáꞌnii̱ rí na̱ꞌkhe̱e̱ máꞌ xúꞌkhue̱n ná inuꞌ”».
6A̱ꞌkhue̱n niꞌthán Táta̱: «Ga̱ma̱ñalaꞌ ga̱jma̱á majñu̱u̱ rí niꞌthán xa̱bo̱ tsí naxúdaa awan tsí ra̱májáan. 7Xómáꞌ Ana̱ꞌlóꞌ rá, á ma̱xámbáñúu̱ xa̱bii̱ tsí niraꞌwíi̱n, jamí mbiꞌíí mbruꞌwíín nuthán-jáñíi̱ rá. Á maniñúu̱ rí ma̱guáꞌthi̱ín mba̱yo̱ꞌ rá. 8Na̱tha̱nꞌlaꞌ rí ma̱xáꞌne-gajyúu̱ rí mambáñúu̱ tsúꞌkhue̱n. I̱ndo̱ó máꞌ numuu rí ído̱ gáthanga̱a A̱dée Xa̱bo̱ Numbaa, á ma̱ju̱wá xa̱bo̱ tsí wéje̱ a̱kui̱ín ná inuu̱ ná numbaa rá».
Ajngáa xkri̱da ga̱jma̱á numuu xa̱bo̱ fariséo̱ jamí xa̱bo̱ tsí na̱ru̱ma mbúkho̱o̱ guꞌwá-ñajun
9Mbá tikhuun xa̱bo̱ na̱ju̱mu̱ú rí májíin guéño, jamí na̱nguá gíꞌdoo numúú i̱ꞌwíin xa̱bo̱ iyáa̱. Ikhiin tsúꞌkhue̱n niꞌthúún Jesús ajngáa xkri̱da ríge̱ꞌ: 10«A̱jmi̱i xa̱bo̱ nigóó gúthán-jáñíí Ana̱ꞌlóꞌ ná guꞌwá dxákuun. Mbáa tsúꞌkhue̱n ñajuun xa̱bo̱ fariséo̱, xómáꞌ i̱mba̱a̱ꞌ ñajuun xa̱bo̱ tsí na̱ru̱ma mbúkho̱o̱ guꞌwá-ñajun. 11Tsí xa̱bo̱ fariséo̱, wéje̱ naꞌthán-jáñuu ná awúun a̱kui̱in xáꞌnii: “Táta̱ Mikhuíí, núma̱aꞌ la numuu rí na̱nguá jaꞌñúú xómá jaꞌñúú i̱ꞌwíin xa̱bo̱, tsí ñajúún ku̱ꞌwá, tsí na̱nguá májíin, jamí tsí nubúún gajmíí xa̱bo̱ tsí túya̱a̱. Ni máꞌ na̱nguá jaꞌñúú xómá jaꞌnii xa̱bo̱ tsúꞌkhue̱n tsí na̱ru̱ma mbúkho̱o̱ guꞌwá-ñajun. 12Ikhúúnꞌ na̱ne̱-miꞌkhíi a̱jma̱ miꞌtsú awúun rí mbá juwan mbiꞌi, jamí na̱xna̱xílo̱ꞌ ná inaaꞌ mbóó rí mbámbá gu̱wa̱ꞌ kíxnuu rí mbá xúgíí rí na̱da̱a̱ꞌlo̱ꞌ”.
13»Xómáꞌ xa̱bo̱ tsí na̱ru̱ma mbúkho̱o̱ guꞌwá-ñajun, tsíngua̱ꞌ ni̱wi̱ji̱i̱, jamí asndo ni tsíꞌngo̱o̱ a̱kuii̱n gáraꞌée̱n mikhuíí. Rí i̱ndo̱ó máꞌ xo̱xto̱o̱ ixnúu̱ jamí naꞌthée̱n: “¡Táta̱ Mikhuíí, ga̱ñáwíin a̱kia̱anꞌ xtayoꞌ, tsúún xa̱bo̱ aꞌkhán ñajunꞌ!”. 14Na̱tha̱nꞌlaꞌ rí xa̱bo̱ tsíge̱ꞌ, tsí na̱ru̱ma mbúkho̱o̱ guꞌwá-ñajun, Ana̱ꞌlóꞌ neꞌne mba̱a̱ a̱kui̱in máꞌ jaꞌyoo̱ ído̱ rí nithangaa̱ ná guꞌwóo̱. Jamí tsí xa̱bo̱ fariséo̱, na̱nguá. Numuu rí asndo tsáa tsí nakúxe̱-mina̱ꞌ, ma̱gu̱ma-mati̱i̱ꞌ. Xómáꞌ tsí naxrígú-mina̱ꞌ rá, ma̱gu̱ma-mba̱a̱».
Jesús naꞌne-tsakun-rámii e̱je̱n
(Mt 19.13-15; Mc 10.13-16)
15Mbá tikhuun xa̱bo̱ niguwá judiin i̱ji̱ín tsí lakiin ná inuu Jesús, kajngó maxkrámii̱ jamí ma̱ꞌne-tsakun-rámii̱. Ído̱ ndiyáá tsí naꞌsngúu̱n rí xkuaꞌnii, a̱ꞌkhue̱n ni̱gíꞌdíi̱n ni̱ríñúu̱ xa̱bo̱ tsí naguwá judiin i̱ji̱ín. 16Xómáꞌ Jesús nindxaꞌwúún e̱je̱n, jamí niꞌthúu̱n tsí naꞌsngúu̱n: «Gu̱ni̱ꞌñúúlaꞌ e̱je̱n rí ma̱guwá ná inuꞌ, mu̱xúrikhúu̱nlaꞌ. Numuu rí Ana̱ꞌlóꞌ naꞌthán-ñájúún xa̱bo̱ tsí jaꞌñúú xómá ikhii̱n. 17Na̱tha̱nꞌ-jmbalaꞌ rí xa̱bo̱ tsí na̱nguá iniña-mina̱ꞌ rí mi̱ꞌthán-ñájwíín gáꞌne Ana̱ꞌlóꞌ xómá eꞌne mbáa ada̱, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ».
Jesús naꞌthán-mina̱ꞌ ga̱jma̱á xa̱bo̱ tsí maphú gíꞌdoo
(Mt 19.16-30; Mc 10.17-31)
18A̱ꞌkhue̱n mbáa xa̱bo̱ tsí phú gíꞌdoo numuu niraxu̱u̱ Jesús:
―Táta̱ naꞌsngáá, tsáánꞌ phú májáán. Dí jaꞌyoo ma̱ne̱ kajngó ma̱goo ma̱xtáá jámuu róꞌ.
19Xómáꞌ Jesús niriꞌñuu̱:
―Náá numuu kajngó narathán rí mújúún róꞌ. Asndo nimbáa xa̱bo̱ numbaa na̱nguá májáan, rí i̱ndo̱ó máꞌ Ana̱ꞌlóꞌ. 20Nathane̱-nuwiin máꞌ xtángawoo Ana̱ꞌlóꞌ: “Ma̱xátha̱ba̱a̱ꞌ ga̱jma̱a̱ꞌ xa̱bo̱ tsí tíya̱a̱, ma̱xáta̱xíya̱a̱ xa̱bo̱, ma̱xátha̱ne̱ ku̱ꞌwá, ma̱xátrígu ajngáa waꞌa tsu̱du̱u̱ xa̱bo̱, jamí atiamakuíí tátiáaꞌ ga̱jma̱á nániáaꞌ”.
21Xómáꞌ xa̱bo̱ tsúꞌkhue̱n niꞌthúun Jesús:
―Asndo nákhí máꞌ lájúún na̱ne̱-mbánuu mbá xúgíí rúꞌkhue̱n.
22Ído̱ nidxawuun Jesús rúꞌkhue̱n, a̱ꞌkhue̱n niꞌthúu̱n:
―Xóó máꞌ ndaꞌyóo i̱mbo̱ó rí ma̱tha̱ne̱: a̱ta̱ngu̱jwa̱a mbá xúgíí rí xtaꞌdáá, jamí araxnúú mbúkha̱a̱ rúꞌkhue̱n xa̱bo̱ tsí ngíníi, a̱ꞌkhue̱n ma̱raꞌdáá rí phú gíꞌdoo numuu ná mikhuíí. Nda̱wa̱á a̱ꞌkhue̱n, aya̱ ga̱jma̱á nindxu̱ꞌ.
23Ído̱ nidxawuun rúꞌkhue̱n xa̱bo̱ tsúꞌkhue̱n, phú mingíná a̱kuii̱n neꞌne, numuu rí gíꞌdoo̱ mi̱ndaꞌkho. 24Ído̱ ndiꞌyoo Jesús rí maphú mingíná a̱kui̱in xa̱bo̱ tsúꞌkhue̱n neꞌne, a̱ꞌkhue̱n niꞌthée̱n: «Maphú mingíjyúu rí xa̱bo̱ tsí guáꞌdáá mi̱ndaꞌkho, ma̱nindxúu̱n xa̱bo̱ tsí nithán-ñájúún eꞌne Ana̱ꞌlóꞌ. 25Asndo i̱wa̱á máꞌ ma̱goo ma̱nújngoo mbáa kaméyo̱ ná iñúu itso̱ gúxa̱, xó rí mbáa xa̱bo̱ tsí gíꞌdoo mi̱ndaꞌkho ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ». 26Tsí ni̱dxawíín ríge̱ꞌ, nithan: «Xí xkuaꞌnii jaꞌnii, asndo nimbáa máꞌ xa̱bo̱ ma̱xájríya̱a̱ꞌ xúꞌkhue̱n róꞌ».
27Xómáꞌ Jesús niꞌthán: «Rí tsíꞌngu̱ún xa̱bo̱ numbaa gúne̱, na̱ꞌngo̱o̱ naꞌne Ana̱ꞌlóꞌ».
28A̱ꞌkhue̱n Pédro̱ niꞌthúun Jesús:
―Táta̱, nathayáá máꞌ rí ikháanꞌxo̱ꞌ ni̱ni̱ꞌñáá mbá xúgíí rí guáꞌdááxo̱ꞌ, kajngó mu̱ꞌguáxo̱ꞌ ga̱jma̱á nindxa̱a̱ꞌ.
29Xómáꞌ Jesús niꞌthúu̱n:
―Na̱tha̱nꞌ-jmbalaꞌ rí asndo tsáa tsí niniñuu guꞌwóo, o tátée jamí nánée, o dxíyo̱o̱, o a̱ꞌgui̱i o i̱ji̱in mbo̱ꞌ, ga̱jma̱á numuu rí Ana̱ꞌlóꞌ naꞌthán-ñájúún xa̱bo̱, 30i̱wa̱á mba̱a̱ gájanáa̱ ná numbaa ríge̱ꞌ. Jamí ná numbaa rí ni̱kú ma̱ꞌkha̱ rá, ma̱xtáa̱ mbá jámuu ga̱jma̱á nindxu̱u̱ Ana̱ꞌlóꞌ.
Riatsú nothon naꞌthán Jesús rí ma̱ja̱ñúu
(Mt 20.17-19; Mc 10.32-34)
31Jesús nindxaꞌwúún janíí tsí mbá gu̱wa̱ꞌ i̱jmi̱i (12) naꞌsngúún, jamí niꞌthúu̱n: «Rí xúge̱ꞌ rá, nakualóꞌ ná Jerusalén, ná ma̱mba̱núu mbá xúgíí rí nitháán tsí ni̱rawíjnga̱a ajngóo Ana̱ꞌlóꞌ wajyúú ga̱jma̱á numuu A̱dée Xa̱bo̱ Numbaa. 32Mi̱xnáxi̱i̱ ná ñawúún xa̱bo̱ tsí ra̱ꞌkháa judío̱ ñajúún, mu̱ndu̱ꞌwa̱jmaa̱, muthan-xkawíi̱ꞌ, jamí mu̱ndútée̱ inuu̱. 33Mu̱xpa̱thíi̱n ga̱jma̱á ñuu xtá jamí mu̱xíya̱a̱. Xómáꞌ ikhaa̱ rá, mbayáa̱ mbiꞌyuu̱ ído̱ gárámuu atsú mbiꞌi». 34Xómáꞌ tsí naꞌsngúu̱n, táfruꞌu̱ún mbá jayu rí niꞌthée̱n, ni máꞌ tsíyáa̱ dí ñajuun ndiyoo Jesús gáꞌthúu̱n, numuu rí tájanúu̱ rí ma̱fruꞌúu̱n ne̱.
Jesús naꞌne-thanuu iduu mbáa xa̱bo̱ tsí tsífrigo̱o̱ꞌ
(Mt 20.29-34; Mc 10.46-52)
35Ído̱ na̱ka̱-ra̱ga̱nú Jesús ná xuajen Jerikó, ikhín ná rawuun jamba̱a̱ ꞌgí mbáa xa̱bo̱ tsí tsífrigo̱o̱ꞌ, na̱nda̱ꞌa̱-mínu̱u̱ꞌ. 36Ído̱ nidxawuun xa̱bo̱ tsúꞌkhue̱n rí nawán inújngúún mbaꞌiin xa̱bo̱, a̱ꞌkhue̱n niraxi̱i̱ dí ñajuun iríga̱. 37A̱ꞌkhue̱n waꞌtháa̱n nene̱ xa̱bo̱ rí Jesús tsí na̱ꞌkha̱ ná Nasarét i̱ka̱-ranújngoo. 38A̱ꞌkhue̱n ikhaa̱ nindxaꞌwée̱ gakhe̱: «¡Jesús, A̱dée Dabíd, ga̱ñáwíin a̱kia̱anꞌ xtayoꞌ!».
39Xómáꞌ xa̱bo̱ tsí nagóó ginuu nitháa̱n rí ma̱ꞌne-wíyuu rawuu̱n, a̱ꞌkhue̱n ikhaa̱ i̱tha̱án gakhe̱ nindxaꞌwée̱: «¡A̱dée Dabíd, ga̱ñáwíin a̱kia̱anꞌ xtayoꞌ!».
40Xómáꞌ Jesús ni̱we̱je̱-wíyuu, jamí nixná-ñájwii̱n rí ma̱ꞌkha̱ jiꞌyáa xa̱bo̱ tsúꞌkhue̱n ná inuu̱. Jamí ído̱ rí xa̱bo̱ niguáꞌnú juya̱a̱ ná inuu̱ rá, a̱ꞌkhue̱n niraxu̱u̱:
41―Dí ñajuun iyaaꞌ rí ma̱ne̱ ga̱jma̱á numaaꞌ rá.
A̱ꞌkhue̱n niriꞌña xa̱bo̱ tsí tsífrigo̱o̱ꞌ:
―Táta̱, nandoꞌ rí ma̱frigo̱ꞌ.
42Xómáꞌ Jesús niꞌthúu̱n:
―¡Májánꞌ, ga̱friga̱a̱ꞌ rámá! Niꞌni̱i idaaꞌ numuu rí wéje̱ a̱kia̱anꞌ ná inuꞌ.
43Núkho̱ ni̱ma̱ꞌtha̱a iduu xa̱bo̱ tsúꞌkhue̱n, ni̱ke̱e̱ tsu̱du̱u̱ Jesús, jamí ni̱ka̱-raꞌne-mba̱a̱ Ana̱ꞌlóꞌ. Xúꞌkhue̱n máꞌ mbá xúgíin xa̱bo̱ tsí ndiyáá rúꞌkhue̱n, nene̱-mba̱a̱ Ana̱ꞌlóꞌ mangii̱n.
ទើបបានជ្រើសរើសហើយ៖
Lúka̱s 18: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Lúka̱s 18
18
Ajngáa xkri̱da ga̱jma̱á numuu a̱ꞌgóxuáꞌa jamí xa̱bo̱ tsí naxúdaa awan tsí ra̱májáan
1Jesús neꞌne mbá ajngáa xkri̱da kajngó ma̱ma̱ñúú tsí naꞌsngúu̱n rí ndaꞌyóo muthán-jáñíi̱ Ana̱ꞌlóꞌ jámba̱ miꞌtsú, jamí ma̱xáꞌne níꞌngúu̱n. 2Xáꞌnii niꞌthúu̱n: «Nixtáa mbáa xa̱bo̱ tsí naxúdaa awan ná awúun mbá xuajen, tsí tsímíñuu eꞌne Ana̱ꞌlóꞌ, ni máꞌ tsíxná-gamiéjuun ene̱ xa̱bo̱. 3Ikhín máꞌ ná xuajen rúꞌkhue̱n nixtáa mbáa a̱ꞌgóxuáꞌa tsí tsíniñuu na̱ka̱-raꞌthúun xa̱bo̱ ñajun tsúꞌkhue̱n: “A̱tra̱jwa̱ꞌ májáanꞌ numuu xkujndu rí gúꞌdo̱ꞌ ga̱jmi̱ꞌ mbáa xa̱bo̱”. 4Xómáꞌ xa̱bo̱ tsí naxúdaa awan, phú mba̱yo̱ꞌ nda̱a̱ rí niꞌnii̱ ga̱jma̱á numuu a̱ꞌgóxuáꞌa. I̱ndo̱ó máꞌ numuu rí nda̱wa̱á niꞌthán-mine̱e̱ꞌ xáꞌnii: “Maske máꞌ tsímíñuꞌ eꞌne Ana̱ꞌlóꞌ, ni máꞌ tsíxná-gamiéjunꞌ ene̱ xa̱bo̱, 5naskoꞌ rí tsíniñuu rí na̱ꞌkha̱-raꞌne-gajmúꞌ a̱ꞌgóxuáꞌa tsíge̱ꞌ. I̱wa̱á máján rí ma̱ra̱jwa̱ꞌ numuu̱ jamí ma̱mbáyúu̱, ra̱ꞌkhá me̱kho̱ idxu̱ꞌ gáꞌnii̱ rí na̱ꞌkhe̱e̱ máꞌ xúꞌkhue̱n ná inuꞌ”».
6A̱ꞌkhue̱n niꞌthán Táta̱: «Ga̱ma̱ñalaꞌ ga̱jma̱á majñu̱u̱ rí niꞌthán xa̱bo̱ tsí naxúdaa awan tsí ra̱májáan. 7Xómáꞌ Ana̱ꞌlóꞌ rá, á ma̱xámbáñúu̱ xa̱bii̱ tsí niraꞌwíi̱n, jamí mbiꞌíí mbruꞌwíín nuthán-jáñíi̱ rá. Á maniñúu̱ rí ma̱guáꞌthi̱ín mba̱yo̱ꞌ rá. 8Na̱tha̱nꞌlaꞌ rí ma̱xáꞌne-gajyúu̱ rí mambáñúu̱ tsúꞌkhue̱n. I̱ndo̱ó máꞌ numuu rí ído̱ gáthanga̱a A̱dée Xa̱bo̱ Numbaa, á ma̱ju̱wá xa̱bo̱ tsí wéje̱ a̱kui̱ín ná inuu̱ ná numbaa rá».
Ajngáa xkri̱da ga̱jma̱á numuu xa̱bo̱ fariséo̱ jamí xa̱bo̱ tsí na̱ru̱ma mbúkho̱o̱ guꞌwá-ñajun
9Mbá tikhuun xa̱bo̱ na̱ju̱mu̱ú rí májíin guéño, jamí na̱nguá gíꞌdoo numúú i̱ꞌwíin xa̱bo̱ iyáa̱. Ikhiin tsúꞌkhue̱n niꞌthúún Jesús ajngáa xkri̱da ríge̱ꞌ: 10«A̱jmi̱i xa̱bo̱ nigóó gúthán-jáñíí Ana̱ꞌlóꞌ ná guꞌwá dxákuun. Mbáa tsúꞌkhue̱n ñajuun xa̱bo̱ fariséo̱, xómáꞌ i̱mba̱a̱ꞌ ñajuun xa̱bo̱ tsí na̱ru̱ma mbúkho̱o̱ guꞌwá-ñajun. 11Tsí xa̱bo̱ fariséo̱, wéje̱ naꞌthán-jáñuu ná awúun a̱kui̱in xáꞌnii: “Táta̱ Mikhuíí, núma̱aꞌ la numuu rí na̱nguá jaꞌñúú xómá jaꞌñúú i̱ꞌwíin xa̱bo̱, tsí ñajúún ku̱ꞌwá, tsí na̱nguá májíin, jamí tsí nubúún gajmíí xa̱bo̱ tsí túya̱a̱. Ni máꞌ na̱nguá jaꞌñúú xómá jaꞌnii xa̱bo̱ tsúꞌkhue̱n tsí na̱ru̱ma mbúkho̱o̱ guꞌwá-ñajun. 12Ikhúúnꞌ na̱ne̱-miꞌkhíi a̱jma̱ miꞌtsú awúun rí mbá juwan mbiꞌi, jamí na̱xna̱xílo̱ꞌ ná inaaꞌ mbóó rí mbámbá gu̱wa̱ꞌ kíxnuu rí mbá xúgíí rí na̱da̱a̱ꞌlo̱ꞌ”.
13»Xómáꞌ xa̱bo̱ tsí na̱ru̱ma mbúkho̱o̱ guꞌwá-ñajun, tsíngua̱ꞌ ni̱wi̱ji̱i̱, jamí asndo ni tsíꞌngo̱o̱ a̱kuii̱n gáraꞌée̱n mikhuíí. Rí i̱ndo̱ó máꞌ xo̱xto̱o̱ ixnúu̱ jamí naꞌthée̱n: “¡Táta̱ Mikhuíí, ga̱ñáwíin a̱kia̱anꞌ xtayoꞌ, tsúún xa̱bo̱ aꞌkhán ñajunꞌ!”. 14Na̱tha̱nꞌlaꞌ rí xa̱bo̱ tsíge̱ꞌ, tsí na̱ru̱ma mbúkho̱o̱ guꞌwá-ñajun, Ana̱ꞌlóꞌ neꞌne mba̱a̱ a̱kui̱in máꞌ jaꞌyoo̱ ído̱ rí nithangaa̱ ná guꞌwóo̱. Jamí tsí xa̱bo̱ fariséo̱, na̱nguá. Numuu rí asndo tsáa tsí nakúxe̱-mina̱ꞌ, ma̱gu̱ma-mati̱i̱ꞌ. Xómáꞌ tsí naxrígú-mina̱ꞌ rá, ma̱gu̱ma-mba̱a̱».
Jesús naꞌne-tsakun-rámii e̱je̱n
(Mt 19.13-15; Mc 10.13-16)
15Mbá tikhuun xa̱bo̱ niguwá judiin i̱ji̱ín tsí lakiin ná inuu Jesús, kajngó maxkrámii̱ jamí ma̱ꞌne-tsakun-rámii̱. Ído̱ ndiyáá tsí naꞌsngúu̱n rí xkuaꞌnii, a̱ꞌkhue̱n ni̱gíꞌdíi̱n ni̱ríñúu̱ xa̱bo̱ tsí naguwá judiin i̱ji̱ín. 16Xómáꞌ Jesús nindxaꞌwúún e̱je̱n, jamí niꞌthúu̱n tsí naꞌsngúu̱n: «Gu̱ni̱ꞌñúúlaꞌ e̱je̱n rí ma̱guwá ná inuꞌ, mu̱xúrikhúu̱nlaꞌ. Numuu rí Ana̱ꞌlóꞌ naꞌthán-ñájúún xa̱bo̱ tsí jaꞌñúú xómá ikhii̱n. 17Na̱tha̱nꞌ-jmbalaꞌ rí xa̱bo̱ tsí na̱nguá iniña-mina̱ꞌ rí mi̱ꞌthán-ñájwíín gáꞌne Ana̱ꞌlóꞌ xómá eꞌne mbáa ada̱, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ».
Jesús naꞌthán-mina̱ꞌ ga̱jma̱á xa̱bo̱ tsí maphú gíꞌdoo
(Mt 19.16-30; Mc 10.17-31)
18A̱ꞌkhue̱n mbáa xa̱bo̱ tsí phú gíꞌdoo numuu niraxu̱u̱ Jesús:
―Táta̱ naꞌsngáá, tsáánꞌ phú májáán. Dí jaꞌyoo ma̱ne̱ kajngó ma̱goo ma̱xtáá jámuu róꞌ.
19Xómáꞌ Jesús niriꞌñuu̱:
―Náá numuu kajngó narathán rí mújúún róꞌ. Asndo nimbáa xa̱bo̱ numbaa na̱nguá májáan, rí i̱ndo̱ó máꞌ Ana̱ꞌlóꞌ. 20Nathane̱-nuwiin máꞌ xtángawoo Ana̱ꞌlóꞌ: “Ma̱xátha̱ba̱a̱ꞌ ga̱jma̱a̱ꞌ xa̱bo̱ tsí tíya̱a̱, ma̱xáta̱xíya̱a̱ xa̱bo̱, ma̱xátha̱ne̱ ku̱ꞌwá, ma̱xátrígu ajngáa waꞌa tsu̱du̱u̱ xa̱bo̱, jamí atiamakuíí tátiáaꞌ ga̱jma̱á nániáaꞌ”.
21Xómáꞌ xa̱bo̱ tsúꞌkhue̱n niꞌthúun Jesús:
―Asndo nákhí máꞌ lájúún na̱ne̱-mbánuu mbá xúgíí rúꞌkhue̱n.
22Ído̱ nidxawuun Jesús rúꞌkhue̱n, a̱ꞌkhue̱n niꞌthúu̱n:
―Xóó máꞌ ndaꞌyóo i̱mbo̱ó rí ma̱tha̱ne̱: a̱ta̱ngu̱jwa̱a mbá xúgíí rí xtaꞌdáá, jamí araxnúú mbúkha̱a̱ rúꞌkhue̱n xa̱bo̱ tsí ngíníi, a̱ꞌkhue̱n ma̱raꞌdáá rí phú gíꞌdoo numuu ná mikhuíí. Nda̱wa̱á a̱ꞌkhue̱n, aya̱ ga̱jma̱á nindxu̱ꞌ.
23Ído̱ nidxawuun rúꞌkhue̱n xa̱bo̱ tsúꞌkhue̱n, phú mingíná a̱kuii̱n neꞌne, numuu rí gíꞌdoo̱ mi̱ndaꞌkho. 24Ído̱ ndiꞌyoo Jesús rí maphú mingíná a̱kui̱in xa̱bo̱ tsúꞌkhue̱n neꞌne, a̱ꞌkhue̱n niꞌthée̱n: «Maphú mingíjyúu rí xa̱bo̱ tsí guáꞌdáá mi̱ndaꞌkho, ma̱nindxúu̱n xa̱bo̱ tsí nithán-ñájúún eꞌne Ana̱ꞌlóꞌ. 25Asndo i̱wa̱á máꞌ ma̱goo ma̱nújngoo mbáa kaméyo̱ ná iñúu itso̱ gúxa̱, xó rí mbáa xa̱bo̱ tsí gíꞌdoo mi̱ndaꞌkho ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ». 26Tsí ni̱dxawíín ríge̱ꞌ, nithan: «Xí xkuaꞌnii jaꞌnii, asndo nimbáa máꞌ xa̱bo̱ ma̱xájríya̱a̱ꞌ xúꞌkhue̱n róꞌ».
27Xómáꞌ Jesús niꞌthán: «Rí tsíꞌngu̱ún xa̱bo̱ numbaa gúne̱, na̱ꞌngo̱o̱ naꞌne Ana̱ꞌlóꞌ».
28A̱ꞌkhue̱n Pédro̱ niꞌthúun Jesús:
―Táta̱, nathayáá máꞌ rí ikháanꞌxo̱ꞌ ni̱ni̱ꞌñáá mbá xúgíí rí guáꞌdááxo̱ꞌ, kajngó mu̱ꞌguáxo̱ꞌ ga̱jma̱á nindxa̱a̱ꞌ.
29Xómáꞌ Jesús niꞌthúu̱n:
―Na̱tha̱nꞌ-jmbalaꞌ rí asndo tsáa tsí niniñuu guꞌwóo, o tátée jamí nánée, o dxíyo̱o̱, o a̱ꞌgui̱i o i̱ji̱in mbo̱ꞌ, ga̱jma̱á numuu rí Ana̱ꞌlóꞌ naꞌthán-ñájúún xa̱bo̱, 30i̱wa̱á mba̱a̱ gájanáa̱ ná numbaa ríge̱ꞌ. Jamí ná numbaa rí ni̱kú ma̱ꞌkha̱ rá, ma̱xtáa̱ mbá jámuu ga̱jma̱á nindxu̱u̱ Ana̱ꞌlóꞌ.
Riatsú nothon naꞌthán Jesús rí ma̱ja̱ñúu
(Mt 20.17-19; Mc 10.32-34)
31Jesús nindxaꞌwúún janíí tsí mbá gu̱wa̱ꞌ i̱jmi̱i (12) naꞌsngúún, jamí niꞌthúu̱n: «Rí xúge̱ꞌ rá, nakualóꞌ ná Jerusalén, ná ma̱mba̱núu mbá xúgíí rí nitháán tsí ni̱rawíjnga̱a ajngóo Ana̱ꞌlóꞌ wajyúú ga̱jma̱á numuu A̱dée Xa̱bo̱ Numbaa. 32Mi̱xnáxi̱i̱ ná ñawúún xa̱bo̱ tsí ra̱ꞌkháa judío̱ ñajúún, mu̱ndu̱ꞌwa̱jmaa̱, muthan-xkawíi̱ꞌ, jamí mu̱ndútée̱ inuu̱. 33Mu̱xpa̱thíi̱n ga̱jma̱á ñuu xtá jamí mu̱xíya̱a̱. Xómáꞌ ikhaa̱ rá, mbayáa̱ mbiꞌyuu̱ ído̱ gárámuu atsú mbiꞌi». 34Xómáꞌ tsí naꞌsngúu̱n, táfruꞌu̱ún mbá jayu rí niꞌthée̱n, ni máꞌ tsíyáa̱ dí ñajuun ndiyoo Jesús gáꞌthúu̱n, numuu rí tájanúu̱ rí ma̱fruꞌúu̱n ne̱.
Jesús naꞌne-thanuu iduu mbáa xa̱bo̱ tsí tsífrigo̱o̱ꞌ
(Mt 20.29-34; Mc 10.46-52)
35Ído̱ na̱ka̱-ra̱ga̱nú Jesús ná xuajen Jerikó, ikhín ná rawuun jamba̱a̱ ꞌgí mbáa xa̱bo̱ tsí tsífrigo̱o̱ꞌ, na̱nda̱ꞌa̱-mínu̱u̱ꞌ. 36Ído̱ nidxawuun xa̱bo̱ tsúꞌkhue̱n rí nawán inújngúún mbaꞌiin xa̱bo̱, a̱ꞌkhue̱n niraxi̱i̱ dí ñajuun iríga̱. 37A̱ꞌkhue̱n waꞌtháa̱n nene̱ xa̱bo̱ rí Jesús tsí na̱ꞌkha̱ ná Nasarét i̱ka̱-ranújngoo. 38A̱ꞌkhue̱n ikhaa̱ nindxaꞌwée̱ gakhe̱: «¡Jesús, A̱dée Dabíd, ga̱ñáwíin a̱kia̱anꞌ xtayoꞌ!».
39Xómáꞌ xa̱bo̱ tsí nagóó ginuu nitháa̱n rí ma̱ꞌne-wíyuu rawuu̱n, a̱ꞌkhue̱n ikhaa̱ i̱tha̱án gakhe̱ nindxaꞌwée̱: «¡A̱dée Dabíd, ga̱ñáwíin a̱kia̱anꞌ xtayoꞌ!».
40Xómáꞌ Jesús ni̱we̱je̱-wíyuu, jamí nixná-ñájwii̱n rí ma̱ꞌkha̱ jiꞌyáa xa̱bo̱ tsúꞌkhue̱n ná inuu̱. Jamí ído̱ rí xa̱bo̱ niguáꞌnú juya̱a̱ ná inuu̱ rá, a̱ꞌkhue̱n niraxu̱u̱:
41―Dí ñajuun iyaaꞌ rí ma̱ne̱ ga̱jma̱á numaaꞌ rá.
A̱ꞌkhue̱n niriꞌña xa̱bo̱ tsí tsífrigo̱o̱ꞌ:
―Táta̱, nandoꞌ rí ma̱frigo̱ꞌ.
42Xómáꞌ Jesús niꞌthúu̱n:
―¡Májánꞌ, ga̱friga̱a̱ꞌ rámá! Niꞌni̱i idaaꞌ numuu rí wéje̱ a̱kia̱anꞌ ná inuꞌ.
43Núkho̱ ni̱ma̱ꞌtha̱a iduu xa̱bo̱ tsúꞌkhue̱n, ni̱ke̱e̱ tsu̱du̱u̱ Jesús, jamí ni̱ka̱-raꞌne-mba̱a̱ Ana̱ꞌlóꞌ. Xúꞌkhue̱n máꞌ mbá xúgíin xa̱bo̱ tsí ndiyáá rúꞌkhue̱n, nene̱-mba̱a̱ Ana̱ꞌlóꞌ mangii̱n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.