Lúka̱s 10
10
Jesús naxúngui̱inꞌ mbá atsú skíñú gu̱wi̱inꞌ xa̱bo̱
1Wámba̱ rúꞌkhue̱n, niraꞌwíin Táta̱ i̱mbá atsú skíñú gu̱wi̱inꞌ (70)#10.1 Ríga̱ mbá tikhu i̱yi̱i̱ꞌ griégo̱ rí wayuu ná naꞌthán «atsú skíñú gu̱wa̱ꞌ i̱jmi̱i (72)». xa̱bo̱. Ikhiin tsúꞌkhue̱n nixuꞌmii̱ a̱jmi̱i jamí a̱jmi̱i magóó ginuu mbámbá xuajen ná naꞌgí-mine̱e̱ꞌ rí ma̱ꞌgee̱.
2Jesús niꞌthúún xa̱bo̱ tsúꞌkhue̱n: «Gakon máꞌ rí maphú mba̱a̱ rí nijma̱a̱, i̱ndo̱ó máꞌ numuu rí ndawi̱in mbaꞌiin yumbáá tsí mu̱raxi̱i ne̱. Ikhaa jngó gu̱tha̱n-jáñíílaꞌ Táta̱ tsí drígo̱o̱ ñajuun rí nijma̱a̱, kajngó maxúnguii̱nꞌ mbaꞌiin yumbáá mu̱raxi̱i ne̱. 3Gaꞌgualaꞌ. Ikhúúnꞌ na̱xu̱ꞌmáaꞌlaꞌ xómá i̱ji̱ín xu̱kú mogo̱ ná majñu̱ú i̱ña̱ꞌ tsí nandúún gúpha̱ꞌlaꞌ. 4Mu̱xúya̱laꞌ ná ma̱ti mbúkha̱a̱, ni máꞌ ama, ni máꞌ cháda. Jamí mu̱xúꞌgua-rawajúnlaꞌ rí mu̱ra̱xi̱inlaꞌ xa̱bo̱ ná jamba̱a̱. 5Asndo náá guꞌwá niguáꞌnúlaꞌ, xáꞌnii gúra̱xi̱inlaꞌ xa̱bo̱ ginii jayu: “Tsímáá gájuwalaꞌ ná guꞌwá ríge̱ꞌ”. 6Xí ikhín júwa̱ꞌ xa̱bo̱ tsí nandúún rí ma̱ju̱wá tsímáá, Ana̱ꞌlóꞌ ma̱ꞌne rí ma̱ju̱wée̱ꞌ tsímáá. I̱ndo̱ó máꞌ xí na̱nguá rá, ma̱thanga̱a tsímáá rúꞌkhue̱n ga̱jma̱á nindxa̱ꞌ ikháanꞌlaꞌ. 7Ga̱wajúnlaꞌ ná guꞌwá rúꞌkhue̱n. Apholaꞌ jamí awanlaꞌ rí nuxnalaꞌ, numuu rí xa̱bo̱ tsí nañajun jaꞌyoo rí madaa̱ numuu̱. Mu̱xúꞌgua-rangraꞌalaꞌ mbámbá guꞌwá.
8»Asndo náá xuajen rí nu̱dríguáanꞌlaꞌ xa̱bo̱ ído̱ rí naguáꞌnúlaꞌ, apholaꞌ rí nuxnalaꞌ mu̱pho. 9Gu̱ne̱-thanúúlaꞌ xa̱bo̱ tsí najáñúú ná xuajen rúꞌkhue̱n, jamí gu̱thúu̱nlaꞌ: “Ni̱ga̱nú máꞌ mbiꞌi rí maꞌthán-ñájwanlaꞌ Ana̱ꞌlóꞌ rá”. 10Jamí xí ríga̱ mbá xuajen ná naguáꞌnúlaꞌ rí tsíñúú xa̱bo̱ gúdri̱guáanꞌlaꞌ, a̱ga̱jnálaꞌ rixa̱á jamí gu̱tha̱n-ráꞌalaꞌ a̱pha̱: 11“Nu̱xprígúuxo̱ꞌ asndo yujndo̱o̱ꞌ xuajñalaꞌ rí ni̱gi̱ꞌma ná nakhuáxo̱ꞌ, kajngó mbu̱ya̱álaꞌ rí ra̱máján e̱ne̱laꞌ. I̱ndo̱ó máꞌ numuu rí a̱gu̱ya̱álaꞌ rí ni̱ga̱nú máꞌ mbiꞌi rí maꞌthán-ñájwanlaꞌ Ana̱ꞌlóꞌ”. 12Na̱tha̱nꞌlaꞌ rí ído̱ gága̱nú mbiꞌi rí ma̱to̱ꞌo̱o̱ awan ga̱jma̱á numúú xa̱bo̱, asndo tikhu jamínu̱ꞌ mu̱dri̱gú xa̱bo̱ tsí nijúwa̱ꞌ ná xuajen Sodóma̱ xó rí xa̱bo̱ tsí tsíñúú gúdri̱guáanꞌlaꞌ ná xuajen rúꞌkhue̱n.
Jamínu̱ꞌ rí mu̱drígú xa̱bo̱ tsí tsínimbu̱únꞌ juyáá Jesús
(Mt 11.20-24)
13»¡Maphú mingínáaꞌ ikháanꞌlaꞌ xa̱bo̱ xuajen Korasín! ¡Maphú mingínáaꞌ ikháanꞌlaꞌ xa̱bo̱ xuajen Betsái̱da̱! Xí numuu rí ná xuajen Tíro̱ ga̱jma̱á xuajen Sidón ni̱gu̱ma rí phú wáá rí ni̱gu̱ma ná majña̱ꞌ ikháanꞌlaꞌ, ni tsínguáná nijúwúu̱n xtíin xíni jamí nikuíjii̱n ná awúun idi madíí, kajngó ma̱kujma rí nithanga̱a a̱kuíi̱n ná inuu Ana̱ꞌlóꞌ. 14Ikhaa jngó, ído̱ gága̱nú mbiꞌi rí ma̱to̱ꞌo̱o̱ awan ga̱jma̱á numúú xa̱bo̱, asndo tikhu jamínu̱ꞌ mu̱dri̱gú xa̱bo̱ xuajen Tíro̱ ga̱jma̱á Sidón xó rí ikháanꞌlaꞌ. 15Xómáꞌ ikháanꞌlaꞌ xa̱bo̱ xuajen Kapernaúm, á ma̱gi̱xe̱-jiꞌdáanꞌlaꞌ asndo mikhuíí i̱ju̱ma̱ꞌlaꞌ rá dxe̱ꞌ. ¡Na̱nguá! A̱ꞌkhue̱n gakon, ma̱guataalaꞌ asndo ná i̱tha̱án me̱jno̱ꞌ iñá-wajíín».
16»Tsí nadxawuun rí nu̱tha̱nlaꞌ, ikhúúnꞌ máꞌ nadxawuu̱n rí na̱tha̱nlo̱ꞌ. Xúꞌkhue̱n máꞌ tsí tsíyoo ágrui̱guáanꞌlaꞌ, ikhúúnꞌ máꞌ tsíyoo̱ ágrui̱gúu̱n. Jamí tsí tsíyoo ágrui̱gúúnꞌ ikhúúnꞌ, tsíyoo̱ máꞌ ágrui̱guíi̱ tsí nixúngu̱únꞌ mangaa».
Nathangi̱in tsí mbá atsú skíñú gu̱wi̱inꞌ
17Ído̱ nithangi̱in tsí mbá atsú skíñú gu̱wi̱inꞌ (70)#10.17 Ríga̱ mbá tikhu i̱yi̱i̱ꞌ griégo̱ rí wayuu ná naꞌthán «atsú skíñú gu̱wa̱ꞌ i̱jmi̱i (72)». xa̱bo̱, phú gagi a̱kuíi̱n, jamí nitháa̱n Jesús:
―Táta̱, asndo gíñá ꞌguéen nanimbu̱únꞌ juyaxo̱ꞌ ído̱ nu̱ríya̱ꞌxo̱ꞌ mbiꞌyaaꞌ.
18Xómáꞌ Jesús niꞌthúu̱n:
―Gakon máꞌ, ikhúúnꞌ ndi̱yo̱o̱ ni̱rákaa Satanás ná mikhuíí asndo xómá ído̱ rí naxpíbi jaꞌnii. 19Jmínu̱úꞌ máꞌ ikhúúnꞌ ni̱xna̱ꞌlaꞌ tsiakhe̱ rí mu̱sngu̱tigi̱inlaꞌ a̱bo̱ꞌ gajmíí xi̱yú. Jamí ni̱xna̱ꞌlaꞌ tsiakhe̱ kajngó ma̱ꞌnga̱ꞌlaꞌ inuu mbá xúgíí ski̱yu̱u̱ꞌ xa̱bo̱ sia̱nꞌ, jamí nda̱a̱ nitháan rí gúgíꞌníílaꞌ. 20I̱ndo̱ó máꞌ numuu rí ma̱xáꞌdxalaꞌ ga̱jma̱á numuu rí nanimbu̱únꞌ gíñá ꞌguéen juyalaꞌ, rí ga̱ꞌdxalaꞌ ga̱jma̱á numuu rí waꞌtháán máꞌ mbiꞌyalaꞌ ná mikhuíí.
Gagi a̱kui̱in Jesús
(Mt 11.25-27;13.16-17)
21Awúun máꞌ rí naꞌthán rúꞌkhue̱n Jesús, phú gagi a̱kuii̱n neꞌne Xu̱u̱ꞌ Ana̱ꞌlóꞌ, jamí niꞌthée̱n: «Ikhúúnꞌ na̱ne̱-mba̱ánꞌlo̱ꞌ, Táa, tsáánꞌ narathán-ñájwíín mikhu ga̱jma̱á ju̱ba̱ꞌ. Numuu rí nitarkaꞌu ríge̱ꞌ inúú xa̱bo̱ tsí nduyáá jamí nafruꞌu̱ún, jamí nitasngájmúú ne̱ xa̱bo̱ tsí xómá e̱je̱n jaꞌñúú. Numuu rí xkuaꞌnii neꞌne a̱kia̱anꞌ rí ma̱ꞌne, Táa.
22»Tátéꞌ nixnáxi̱ꞌ mbá xúgíí rí ríga̱. Jamí nimbáa tsíꞌyoo tsáa ñajuun tsí Ada̱, rí i̱ndo̱ó máꞌ Anu̱u̱ iꞌyoo. Xúꞌkhue̱n máꞌ mangaa, nimbáa tsíꞌyoo tsáa ñajuun tsí Anu̱u̱, rí i̱ndo̱ó máꞌ Ada̱ iꞌyoo, jamí xa̱bo̱ tsí nandoo Ada̱ rí masngájmúú tsáa ñajuun Anu̱u̱».
23A̱ꞌkhue̱n nitangayii Jesús, jamí niꞌthúu̱n i̱ndo̱ó máꞌ tsí naꞌsngúu̱n: «Phú gagi júwa̱ꞌ xa̱bo̱ tsí nu̱ya̱xi̱í rí ndu̱ya̱á ikháanꞌlaꞌ xúge̱ꞌ. 24Numuu rí phú mbaꞌiin xa̱bo̱ tsí ni̱rawíjnga̱a ajngóo Ana̱ꞌlóꞌ wajyúú, jamí thúngaa tsí nijúwa̱ꞌ wajyúú, ndiñúú gúyáá rí ndu̱ya̱á ikháanꞌlaꞌ xúge̱ꞌ, jamí túyáa̱ ne̱. Xúꞌkhue̱n máꞌ ndiñúu̱ mu̱dxawíi̱n rí nu̱dxawíín ikháanꞌlaꞌ xúge̱ꞌ, jamí túdxawíi̱n ne̱».
Ajngáa xkri̱da ga̱jma̱á numuu xa̱bo̱ Samária̱ tsí májáan
25A̱ꞌkhue̱n ni̱tu̱xu̱u̱ꞌ mbáa xa̱bo̱ tsí naꞌsngáá xtángoo jamí niraxu̱u̱ Jesús, kajngó mba̱ꞌyoo̱ dí gáꞌthán:
―Táta̱ naꞌsngáá, dí jaꞌyoo ma̱ne̱ kajngó ma̱goo ma̱xtáá jámuu róꞌ.
26Xómáꞌ Jesús niriꞌñuu̱:
―Dí lá ka̱ma naꞌthán ná xtángoo ga̱jma̱á numuu rúꞌkhue̱n rá. Xáne ifraꞌa̱a̱ꞌ ne̱ ikháánꞌ róꞌ.
27A̱ꞌkhue̱n niriꞌña xa̱bo̱ tsúꞌkhue̱n:
―“Ga̱gaaꞌ xtayáá Tátiáaꞌ Mikhuíí ga̱jma̱á mbá jañii a̱kia̱anꞌ, ga̱jma̱á mbá jañii nímia̱aꞌ, ga̱jma̱á mbá xúgíí ski̱ya̱a̱ꞌ, jamí ga̱jma̱á mbá xúgíí ju̱ma̱a̱ꞌ”. Xúꞌkhue̱n máꞌ mangaa, “ga̱gaaꞌ xtayáá xa̱bo̱ numbaa ga̱jma̱a̱ꞌ xómá rí nandaaꞌ xtaya-mina̱ꞌ ikháánꞌ”.
28A̱ꞌkhue̱n Jesús niꞌthúun xa̱bo̱ tsúꞌkhue̱n:
―Maphú máján nitriꞌña. Athane̱-mbáníí rúꞌkhue̱n kajngó ma̱ra̱xtaa jámuu.
29Xómáꞌ xa̱bo̱ tsúꞌkhue̱n ndiyoo̱ gáꞌthán-mbáa̱ numa-mine̱e̱ꞌ, kajngó niraxu̱u̱ Jesús:
―Tsáa ñajuun tsí xa̱bo̱ numbaa ga̱jmi̱ꞌ róꞌ.
30A̱ꞌkhue̱n Jesús niriꞌñuu̱ ga̱jma̱á mbá ajngáa xkri̱da:
―Mbáa xa̱bo̱ na̱ga̱taa ná Jerusalén, na̱ka̱ ná Jerikó. Ná jamba̱a̱ ningujwíin ku̱ꞌwá inuu̱, ni̱drígú-jáꞌyíi̱ mbá xúgíí rí jagui̱i̱. Nixnáa̱, nene̱-jámbi̱yíi̱ꞌ asndo nijámíndúu̱ kri̱ga̱a̱, a̱ꞌkhue̱n nigúu̱n. 31Neꞌne rí nda̱a̱ ajngóo ni̱ga̱taa mbáa dxakuun ikhín máꞌ ná jamba̱a̱ rúꞌkhue̱n mangaa. Ído̱ ndiꞌyoo̱ rí kri̱ga̱a̱ xa̱bo̱ nijámbi̱yu̱u̱ꞌ, nimaduxu̱u̱ꞌ. 32Ikhaa máꞌ neꞌne mbáa xa̱bo̱ tsí jayá iꞌdiuu Lebí mangaa ído̱ ninújngoo ikhín, nimaduxu̱u̱ꞌ ído̱ ndiꞌyoo̱ kri̱ga̱a̱. 33Xómáꞌ máꞌ mbáa xa̱bo̱ Samária̱, tsí na̱ka̱ ikhín máꞌ ná jamba̱a̱ rúꞌkhue̱n, ído̱ ndiꞌyoo̱ rí kri̱ga̱a̱, niñáwíin a̱kuii̱n jaꞌyoo̱. 34Ído̱ ni̱ga̱níi̱ ikhín, nixtájmuu̱ yatsi̱i xndú olíbo̱ jamí iyoo úba̱ rí ni̱ga̱yu̱u̱ꞌ ná nijámbi̱yu̱u̱ꞌ xa̱bo̱, xúꞌkhue̱n máꞌ nimbróꞌoo̱ ne̱ ga̱jma̱á xtíin. A̱ꞌkhue̱n niríguii̱ tsu̱du̱u̱ xu̱kuíi̱, ni̱ka̱ jayáa̱ ná guꞌwá rí nune̱-numa xa̱bo̱ kajngó mbuya̱a xu̱únꞌ, jamí ikhín ni̱ña̱wu̱u̱n. 35Ído̱ watse rí naꞌgíi̱ jamba̱a̱, a̱ꞌkhue̱n ni̱gu̱wíi̱ a̱jma̱ mbúkha̱a̱ ajwa̱nꞌ#10.35 Mbúkha̱a̱ ajwa̱nꞌ rúꞌkhue̱n mbiꞌyuu «denário̱» ná ajngáa griégo̱. Mbá mbúkha̱a̱ rúꞌkhue̱n nadaa numuu xa̱bo̱ rí nañajun mbá mbiꞌi. nixnúu̱ xa̱bo̱ tsí guꞌwóo̱, jamí niꞌthúu̱n: “A̱tia̱wa̱án tháan xa̱bo̱ tsíge̱ꞌ ga̱jma̱á numuꞌ. Jamí xí najmaaꞌ i̱tha̱án xóó mba̱a̱ mbúkha̱a̱ ga̱jma̱á numuu̱, ma̱ne̱-numa̱alo̱ꞌ ikhúúnꞌ ído̱ rí ma̱ꞌkha̱aꞌ”.
A̱ꞌkhue̱n niraxe̱ Jesús:
36―Náá tsí atsúun ge̱jyoꞌ neꞌne-mina̱ꞌ xa̱bo̱ numbaa ga̱jma̱á xa̱bo̱ tsí ni̱ga̱taa-jáꞌyíí nene̱ ku̱ꞌwá rá.
37A̱ꞌkhue̱n niꞌthán xa̱bo̱ tsí naꞌsngáá xtángoo:
―Ikhaa xa̱bo̱ tsí niñáwíin a̱kui̱in jaꞌyoo̱.
A̱ꞌkhue̱n waꞌtháa̱n neꞌne Jesús:
―Ayu gátha̱ne̱ mangáánꞌ rúꞌkhue̱n.
Jesús na̱ka̱ ná guꞌwóo Márta̱ ga̱jma̱á María̱
38Awúun máꞌ rí nagóo̱ jamba̱a̱, a̱ꞌkhue̱n ni̱ga̱nú Jesús mbá xuajen lájwíin, jamí mbáa a̱ꞌgo̱ mbiꞌyuu Márta̱ ni̱grui̱guíi̱ ná guꞌwóo. 39Márta̱ gíꞌdaa mbáa dxuéꞌgúu tsí mbiꞌyuu María̱. Ikhaa tsúꞌkhue̱n ni̱ge̱ꞌe̱ mijngi ná nakhúu Jesús, kajngó madxawuun rí naꞌthée̱n. 40Xómáꞌ Márta̱ phú naxná-gamiéjuu̱n numuu rí maphú gíꞌdoo̱ ñajun guꞌwáá. A̱ꞌkhue̱n nixuꞌma-mine̱e̱ꞌ inuu Jesús jamí niꞌthúu̱n:
―Táta̱, á tsíñáwíin a̱kia̱anꞌ rí naniñiꞌ mbáwúúnꞌ dxuéꞌgúꞌ ma̱ñajunlo̱ꞌ rá. Aratháa̱n tháan rí mambáyíꞌ.
41A̱ꞌkhue̱n Jesús niꞌthúun Márta̱:
―Márta̱, Márta̱, maphú naxná-gamiéjwaanꞌ jamí xtaa gaꞌkho̱ eꞌne mbaꞌa inii ñajun rí xtaꞌdáá. 42I̱ndo̱ó máꞌ numuu rí mbóó máꞌ rí phú ndaꞌyóo, jamí María̱ niraꞌwíí rí i̱tha̱án máján. Jamí asndo nimbáa ma̱xárígú-jáꞌyúu̱ rúꞌkhue̱n.
ទើបបានជ្រើសរើសហើយ៖
Lúka̱s 10: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Lúka̱s 10
10
Jesús naxúngui̱inꞌ mbá atsú skíñú gu̱wi̱inꞌ xa̱bo̱
1Wámba̱ rúꞌkhue̱n, niraꞌwíin Táta̱ i̱mbá atsú skíñú gu̱wi̱inꞌ (70)#10.1 Ríga̱ mbá tikhu i̱yi̱i̱ꞌ griégo̱ rí wayuu ná naꞌthán «atsú skíñú gu̱wa̱ꞌ i̱jmi̱i (72)». xa̱bo̱. Ikhiin tsúꞌkhue̱n nixuꞌmii̱ a̱jmi̱i jamí a̱jmi̱i magóó ginuu mbámbá xuajen ná naꞌgí-mine̱e̱ꞌ rí ma̱ꞌgee̱.
2Jesús niꞌthúún xa̱bo̱ tsúꞌkhue̱n: «Gakon máꞌ rí maphú mba̱a̱ rí nijma̱a̱, i̱ndo̱ó máꞌ numuu rí ndawi̱in mbaꞌiin yumbáá tsí mu̱raxi̱i ne̱. Ikhaa jngó gu̱tha̱n-jáñíílaꞌ Táta̱ tsí drígo̱o̱ ñajuun rí nijma̱a̱, kajngó maxúnguii̱nꞌ mbaꞌiin yumbáá mu̱raxi̱i ne̱. 3Gaꞌgualaꞌ. Ikhúúnꞌ na̱xu̱ꞌmáaꞌlaꞌ xómá i̱ji̱ín xu̱kú mogo̱ ná majñu̱ú i̱ña̱ꞌ tsí nandúún gúpha̱ꞌlaꞌ. 4Mu̱xúya̱laꞌ ná ma̱ti mbúkha̱a̱, ni máꞌ ama, ni máꞌ cháda. Jamí mu̱xúꞌgua-rawajúnlaꞌ rí mu̱ra̱xi̱inlaꞌ xa̱bo̱ ná jamba̱a̱. 5Asndo náá guꞌwá niguáꞌnúlaꞌ, xáꞌnii gúra̱xi̱inlaꞌ xa̱bo̱ ginii jayu: “Tsímáá gájuwalaꞌ ná guꞌwá ríge̱ꞌ”. 6Xí ikhín júwa̱ꞌ xa̱bo̱ tsí nandúún rí ma̱ju̱wá tsímáá, Ana̱ꞌlóꞌ ma̱ꞌne rí ma̱ju̱wée̱ꞌ tsímáá. I̱ndo̱ó máꞌ xí na̱nguá rá, ma̱thanga̱a tsímáá rúꞌkhue̱n ga̱jma̱á nindxa̱ꞌ ikháanꞌlaꞌ. 7Ga̱wajúnlaꞌ ná guꞌwá rúꞌkhue̱n. Apholaꞌ jamí awanlaꞌ rí nuxnalaꞌ, numuu rí xa̱bo̱ tsí nañajun jaꞌyoo rí madaa̱ numuu̱. Mu̱xúꞌgua-rangraꞌalaꞌ mbámbá guꞌwá.
8»Asndo náá xuajen rí nu̱dríguáanꞌlaꞌ xa̱bo̱ ído̱ rí naguáꞌnúlaꞌ, apholaꞌ rí nuxnalaꞌ mu̱pho. 9Gu̱ne̱-thanúúlaꞌ xa̱bo̱ tsí najáñúú ná xuajen rúꞌkhue̱n, jamí gu̱thúu̱nlaꞌ: “Ni̱ga̱nú máꞌ mbiꞌi rí maꞌthán-ñájwanlaꞌ Ana̱ꞌlóꞌ rá”. 10Jamí xí ríga̱ mbá xuajen ná naguáꞌnúlaꞌ rí tsíñúú xa̱bo̱ gúdri̱guáanꞌlaꞌ, a̱ga̱jnálaꞌ rixa̱á jamí gu̱tha̱n-ráꞌalaꞌ a̱pha̱: 11“Nu̱xprígúuxo̱ꞌ asndo yujndo̱o̱ꞌ xuajñalaꞌ rí ni̱gi̱ꞌma ná nakhuáxo̱ꞌ, kajngó mbu̱ya̱álaꞌ rí ra̱máján e̱ne̱laꞌ. I̱ndo̱ó máꞌ numuu rí a̱gu̱ya̱álaꞌ rí ni̱ga̱nú máꞌ mbiꞌi rí maꞌthán-ñájwanlaꞌ Ana̱ꞌlóꞌ”. 12Na̱tha̱nꞌlaꞌ rí ído̱ gága̱nú mbiꞌi rí ma̱to̱ꞌo̱o̱ awan ga̱jma̱á numúú xa̱bo̱, asndo tikhu jamínu̱ꞌ mu̱dri̱gú xa̱bo̱ tsí nijúwa̱ꞌ ná xuajen Sodóma̱ xó rí xa̱bo̱ tsí tsíñúú gúdri̱guáanꞌlaꞌ ná xuajen rúꞌkhue̱n.
Jamínu̱ꞌ rí mu̱drígú xa̱bo̱ tsí tsínimbu̱únꞌ juyáá Jesús
(Mt 11.20-24)
13»¡Maphú mingínáaꞌ ikháanꞌlaꞌ xa̱bo̱ xuajen Korasín! ¡Maphú mingínáaꞌ ikháanꞌlaꞌ xa̱bo̱ xuajen Betsái̱da̱! Xí numuu rí ná xuajen Tíro̱ ga̱jma̱á xuajen Sidón ni̱gu̱ma rí phú wáá rí ni̱gu̱ma ná majña̱ꞌ ikháanꞌlaꞌ, ni tsínguáná nijúwúu̱n xtíin xíni jamí nikuíjii̱n ná awúun idi madíí, kajngó ma̱kujma rí nithanga̱a a̱kuíi̱n ná inuu Ana̱ꞌlóꞌ. 14Ikhaa jngó, ído̱ gága̱nú mbiꞌi rí ma̱to̱ꞌo̱o̱ awan ga̱jma̱á numúú xa̱bo̱, asndo tikhu jamínu̱ꞌ mu̱dri̱gú xa̱bo̱ xuajen Tíro̱ ga̱jma̱á Sidón xó rí ikháanꞌlaꞌ. 15Xómáꞌ ikháanꞌlaꞌ xa̱bo̱ xuajen Kapernaúm, á ma̱gi̱xe̱-jiꞌdáanꞌlaꞌ asndo mikhuíí i̱ju̱ma̱ꞌlaꞌ rá dxe̱ꞌ. ¡Na̱nguá! A̱ꞌkhue̱n gakon, ma̱guataalaꞌ asndo ná i̱tha̱án me̱jno̱ꞌ iñá-wajíín».
16»Tsí nadxawuun rí nu̱tha̱nlaꞌ, ikhúúnꞌ máꞌ nadxawuu̱n rí na̱tha̱nlo̱ꞌ. Xúꞌkhue̱n máꞌ tsí tsíyoo ágrui̱guáanꞌlaꞌ, ikhúúnꞌ máꞌ tsíyoo̱ ágrui̱gúu̱n. Jamí tsí tsíyoo ágrui̱gúúnꞌ ikhúúnꞌ, tsíyoo̱ máꞌ ágrui̱guíi̱ tsí nixúngu̱únꞌ mangaa».
Nathangi̱in tsí mbá atsú skíñú gu̱wi̱inꞌ
17Ído̱ nithangi̱in tsí mbá atsú skíñú gu̱wi̱inꞌ (70)#10.17 Ríga̱ mbá tikhu i̱yi̱i̱ꞌ griégo̱ rí wayuu ná naꞌthán «atsú skíñú gu̱wa̱ꞌ i̱jmi̱i (72)». xa̱bo̱, phú gagi a̱kuíi̱n, jamí nitháa̱n Jesús:
―Táta̱, asndo gíñá ꞌguéen nanimbu̱únꞌ juyaxo̱ꞌ ído̱ nu̱ríya̱ꞌxo̱ꞌ mbiꞌyaaꞌ.
18Xómáꞌ Jesús niꞌthúu̱n:
―Gakon máꞌ, ikhúúnꞌ ndi̱yo̱o̱ ni̱rákaa Satanás ná mikhuíí asndo xómá ído̱ rí naxpíbi jaꞌnii. 19Jmínu̱úꞌ máꞌ ikhúúnꞌ ni̱xna̱ꞌlaꞌ tsiakhe̱ rí mu̱sngu̱tigi̱inlaꞌ a̱bo̱ꞌ gajmíí xi̱yú. Jamí ni̱xna̱ꞌlaꞌ tsiakhe̱ kajngó ma̱ꞌnga̱ꞌlaꞌ inuu mbá xúgíí ski̱yu̱u̱ꞌ xa̱bo̱ sia̱nꞌ, jamí nda̱a̱ nitháan rí gúgíꞌníílaꞌ. 20I̱ndo̱ó máꞌ numuu rí ma̱xáꞌdxalaꞌ ga̱jma̱á numuu rí nanimbu̱únꞌ gíñá ꞌguéen juyalaꞌ, rí ga̱ꞌdxalaꞌ ga̱jma̱á numuu rí waꞌtháán máꞌ mbiꞌyalaꞌ ná mikhuíí.
Gagi a̱kui̱in Jesús
(Mt 11.25-27;13.16-17)
21Awúun máꞌ rí naꞌthán rúꞌkhue̱n Jesús, phú gagi a̱kuii̱n neꞌne Xu̱u̱ꞌ Ana̱ꞌlóꞌ, jamí niꞌthée̱n: «Ikhúúnꞌ na̱ne̱-mba̱ánꞌlo̱ꞌ, Táa, tsáánꞌ narathán-ñájwíín mikhu ga̱jma̱á ju̱ba̱ꞌ. Numuu rí nitarkaꞌu ríge̱ꞌ inúú xa̱bo̱ tsí nduyáá jamí nafruꞌu̱ún, jamí nitasngájmúú ne̱ xa̱bo̱ tsí xómá e̱je̱n jaꞌñúú. Numuu rí xkuaꞌnii neꞌne a̱kia̱anꞌ rí ma̱ꞌne, Táa.
22»Tátéꞌ nixnáxi̱ꞌ mbá xúgíí rí ríga̱. Jamí nimbáa tsíꞌyoo tsáa ñajuun tsí Ada̱, rí i̱ndo̱ó máꞌ Anu̱u̱ iꞌyoo. Xúꞌkhue̱n máꞌ mangaa, nimbáa tsíꞌyoo tsáa ñajuun tsí Anu̱u̱, rí i̱ndo̱ó máꞌ Ada̱ iꞌyoo, jamí xa̱bo̱ tsí nandoo Ada̱ rí masngájmúú tsáa ñajuun Anu̱u̱».
23A̱ꞌkhue̱n nitangayii Jesús, jamí niꞌthúu̱n i̱ndo̱ó máꞌ tsí naꞌsngúu̱n: «Phú gagi júwa̱ꞌ xa̱bo̱ tsí nu̱ya̱xi̱í rí ndu̱ya̱á ikháanꞌlaꞌ xúge̱ꞌ. 24Numuu rí phú mbaꞌiin xa̱bo̱ tsí ni̱rawíjnga̱a ajngóo Ana̱ꞌlóꞌ wajyúú, jamí thúngaa tsí nijúwa̱ꞌ wajyúú, ndiñúú gúyáá rí ndu̱ya̱á ikháanꞌlaꞌ xúge̱ꞌ, jamí túyáa̱ ne̱. Xúꞌkhue̱n máꞌ ndiñúu̱ mu̱dxawíi̱n rí nu̱dxawíín ikháanꞌlaꞌ xúge̱ꞌ, jamí túdxawíi̱n ne̱».
Ajngáa xkri̱da ga̱jma̱á numuu xa̱bo̱ Samária̱ tsí májáan
25A̱ꞌkhue̱n ni̱tu̱xu̱u̱ꞌ mbáa xa̱bo̱ tsí naꞌsngáá xtángoo jamí niraxu̱u̱ Jesús, kajngó mba̱ꞌyoo̱ dí gáꞌthán:
―Táta̱ naꞌsngáá, dí jaꞌyoo ma̱ne̱ kajngó ma̱goo ma̱xtáá jámuu róꞌ.
26Xómáꞌ Jesús niriꞌñuu̱:
―Dí lá ka̱ma naꞌthán ná xtángoo ga̱jma̱á numuu rúꞌkhue̱n rá. Xáne ifraꞌa̱a̱ꞌ ne̱ ikháánꞌ róꞌ.
27A̱ꞌkhue̱n niriꞌña xa̱bo̱ tsúꞌkhue̱n:
―“Ga̱gaaꞌ xtayáá Tátiáaꞌ Mikhuíí ga̱jma̱á mbá jañii a̱kia̱anꞌ, ga̱jma̱á mbá jañii nímia̱aꞌ, ga̱jma̱á mbá xúgíí ski̱ya̱a̱ꞌ, jamí ga̱jma̱á mbá xúgíí ju̱ma̱a̱ꞌ”. Xúꞌkhue̱n máꞌ mangaa, “ga̱gaaꞌ xtayáá xa̱bo̱ numbaa ga̱jma̱a̱ꞌ xómá rí nandaaꞌ xtaya-mina̱ꞌ ikháánꞌ”.
28A̱ꞌkhue̱n Jesús niꞌthúun xa̱bo̱ tsúꞌkhue̱n:
―Maphú máján nitriꞌña. Athane̱-mbáníí rúꞌkhue̱n kajngó ma̱ra̱xtaa jámuu.
29Xómáꞌ xa̱bo̱ tsúꞌkhue̱n ndiyoo̱ gáꞌthán-mbáa̱ numa-mine̱e̱ꞌ, kajngó niraxu̱u̱ Jesús:
―Tsáa ñajuun tsí xa̱bo̱ numbaa ga̱jmi̱ꞌ róꞌ.
30A̱ꞌkhue̱n Jesús niriꞌñuu̱ ga̱jma̱á mbá ajngáa xkri̱da:
―Mbáa xa̱bo̱ na̱ga̱taa ná Jerusalén, na̱ka̱ ná Jerikó. Ná jamba̱a̱ ningujwíin ku̱ꞌwá inuu̱, ni̱drígú-jáꞌyíi̱ mbá xúgíí rí jagui̱i̱. Nixnáa̱, nene̱-jámbi̱yíi̱ꞌ asndo nijámíndúu̱ kri̱ga̱a̱, a̱ꞌkhue̱n nigúu̱n. 31Neꞌne rí nda̱a̱ ajngóo ni̱ga̱taa mbáa dxakuun ikhín máꞌ ná jamba̱a̱ rúꞌkhue̱n mangaa. Ído̱ ndiꞌyoo̱ rí kri̱ga̱a̱ xa̱bo̱ nijámbi̱yu̱u̱ꞌ, nimaduxu̱u̱ꞌ. 32Ikhaa máꞌ neꞌne mbáa xa̱bo̱ tsí jayá iꞌdiuu Lebí mangaa ído̱ ninújngoo ikhín, nimaduxu̱u̱ꞌ ído̱ ndiꞌyoo̱ kri̱ga̱a̱. 33Xómáꞌ máꞌ mbáa xa̱bo̱ Samária̱, tsí na̱ka̱ ikhín máꞌ ná jamba̱a̱ rúꞌkhue̱n, ído̱ ndiꞌyoo̱ rí kri̱ga̱a̱, niñáwíin a̱kuii̱n jaꞌyoo̱. 34Ído̱ ni̱ga̱níi̱ ikhín, nixtájmuu̱ yatsi̱i xndú olíbo̱ jamí iyoo úba̱ rí ni̱ga̱yu̱u̱ꞌ ná nijámbi̱yu̱u̱ꞌ xa̱bo̱, xúꞌkhue̱n máꞌ nimbróꞌoo̱ ne̱ ga̱jma̱á xtíin. A̱ꞌkhue̱n niríguii̱ tsu̱du̱u̱ xu̱kuíi̱, ni̱ka̱ jayáa̱ ná guꞌwá rí nune̱-numa xa̱bo̱ kajngó mbuya̱a xu̱únꞌ, jamí ikhín ni̱ña̱wu̱u̱n. 35Ído̱ watse rí naꞌgíi̱ jamba̱a̱, a̱ꞌkhue̱n ni̱gu̱wíi̱ a̱jma̱ mbúkha̱a̱ ajwa̱nꞌ#10.35 Mbúkha̱a̱ ajwa̱nꞌ rúꞌkhue̱n mbiꞌyuu «denário̱» ná ajngáa griégo̱. Mbá mbúkha̱a̱ rúꞌkhue̱n nadaa numuu xa̱bo̱ rí nañajun mbá mbiꞌi. nixnúu̱ xa̱bo̱ tsí guꞌwóo̱, jamí niꞌthúu̱n: “A̱tia̱wa̱án tháan xa̱bo̱ tsíge̱ꞌ ga̱jma̱á numuꞌ. Jamí xí najmaaꞌ i̱tha̱án xóó mba̱a̱ mbúkha̱a̱ ga̱jma̱á numuu̱, ma̱ne̱-numa̱alo̱ꞌ ikhúúnꞌ ído̱ rí ma̱ꞌkha̱aꞌ”.
A̱ꞌkhue̱n niraxe̱ Jesús:
36―Náá tsí atsúun ge̱jyoꞌ neꞌne-mina̱ꞌ xa̱bo̱ numbaa ga̱jma̱á xa̱bo̱ tsí ni̱ga̱taa-jáꞌyíí nene̱ ku̱ꞌwá rá.
37A̱ꞌkhue̱n niꞌthán xa̱bo̱ tsí naꞌsngáá xtángoo:
―Ikhaa xa̱bo̱ tsí niñáwíin a̱kui̱in jaꞌyoo̱.
A̱ꞌkhue̱n waꞌtháa̱n neꞌne Jesús:
―Ayu gátha̱ne̱ mangáánꞌ rúꞌkhue̱n.
Jesús na̱ka̱ ná guꞌwóo Márta̱ ga̱jma̱á María̱
38Awúun máꞌ rí nagóo̱ jamba̱a̱, a̱ꞌkhue̱n ni̱ga̱nú Jesús mbá xuajen lájwíin, jamí mbáa a̱ꞌgo̱ mbiꞌyuu Márta̱ ni̱grui̱guíi̱ ná guꞌwóo. 39Márta̱ gíꞌdaa mbáa dxuéꞌgúu tsí mbiꞌyuu María̱. Ikhaa tsúꞌkhue̱n ni̱ge̱ꞌe̱ mijngi ná nakhúu Jesús, kajngó madxawuun rí naꞌthée̱n. 40Xómáꞌ Márta̱ phú naxná-gamiéjuu̱n numuu rí maphú gíꞌdoo̱ ñajun guꞌwáá. A̱ꞌkhue̱n nixuꞌma-mine̱e̱ꞌ inuu Jesús jamí niꞌthúu̱n:
―Táta̱, á tsíñáwíin a̱kia̱anꞌ rí naniñiꞌ mbáwúúnꞌ dxuéꞌgúꞌ ma̱ñajunlo̱ꞌ rá. Aratháa̱n tháan rí mambáyíꞌ.
41A̱ꞌkhue̱n Jesús niꞌthúun Márta̱:
―Márta̱, Márta̱, maphú naxná-gamiéjwaanꞌ jamí xtaa gaꞌkho̱ eꞌne mbaꞌa inii ñajun rí xtaꞌdáá. 42I̱ndo̱ó máꞌ numuu rí mbóó máꞌ rí phú ndaꞌyóo, jamí María̱ niraꞌwíí rí i̱tha̱án máján. Jamí asndo nimbáa ma̱xárígú-jáꞌyúu̱ rúꞌkhue̱n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.