Jonás 1
1
Jonás najñaguii ná inuu Ana̱ꞌlóꞌ Mikhuíí
1Mbá mbiꞌi Ana̱ꞌlóꞌ Mikhuíí niꞌthúun Jonás, a̱dée táta̱ Amitái: 2«Ayu re̱ ná xuajen Níni̱be̱ rí maphú mba̱a̱, jamí arathúún xa̱bo̱ rí ma̱ne̱-gámba̱a xuajen. Numuu rí ra̱máján rí nuni̱i̱ nijráꞌáan asndo ná inuꞌ ge̱jyoꞌ».
3A̱ꞌkhue̱n Jonás, neꞌne rí magáyuu ná inuu Ana̱ꞌlóꞌ Mikhuíí, ikhaa jngó ni̱tu̱xu̱u̱ꞌ ma̱ꞌgee̱ ná xuajen rí mbiꞌyuu Társi̱s. Ni̱ga̱taa̱ ná Jópe̱ jamí ikhín nixkamaa̱ mbá guꞌwá-rguwa rí na̱ka̱ ná Társi̱s. Neꞌne-numuu̱ ne̱ jamí nitsimuu̱ nijngúu̱n awúun ne̱, rí ma̱ꞌgee̱ gajmíi̱ xa̱bo̱ tsí nagóó ikhín. Xkuaꞌnii naꞌnii̱ magáyuu̱ tsíngua̱ꞌ inuu Ana̱ꞌlóꞌ.
4Xómáꞌ Ana̱ꞌlóꞌ neꞌne rí maxnúu mbá gíñá rí maphú gakhe̱ ná inuu iya a̱pha̱. A̱ꞌkhue̱n ni̱gi̱ꞌdu̱u̱n nixnúu mi̱ndaꞌkho ruꞌwa gíñá, rí asndo naꞌne rí ma̱ngudi-ri̱ga̱a guꞌwá-rguwa. 5Jamí xa̱bo̱ tsí nagóó juñu̱ú guꞌwá-rguwa maphú nimíñúu̱, ikhaa jngó mbámbáa naxrígo̱o̱ mbiꞌyuu tsí naꞌne-mba̱a̱ máꞌ jayu, tsí ra̱ꞌkháa Ana̱ꞌlóꞌ ñajuun. Xúꞌkhue̱n máꞌ ni̱stuáꞌée̱n ná awúun iya a̱pha̱ mbá xúgíí ja̱ꞌne rí jago̱ guꞌwá-rguwa kajngó ma̱ꞌne wiphi ne̱ wáa. Xómáꞌ Jonás wapha máꞌ ni̱ga̱taa̱ gíguii̱ ná awúun guꞌwá-rguwa. 6A̱ꞌkhue̱n rí xa̱bo̱ tsí naꞌthán-ñájun ná guꞌwá-rguwa ni̱ga̱taa ná kri̱ga̱a̱ Jonás jamí niꞌthúu̱n: «Dí ithane̱ kri̱ga̱án nanu guíñaaꞌ ge̱jyoꞌ róꞌ. Araxo̱n re̱, arathán-jáñíí ana̱a̱ꞌ mangáánꞌ. Gáꞌne xí ma̱ñáwíin a̱kuii̱n jaꞌyalóꞌ rí ma̱xámbáanꞌlóꞌ».
7A̱ꞌkhue̱n nithan-mijná xa̱bo̱ tsí nagóó juñu̱ú guꞌwá-rguwa: «Gu̱ꞌyáálóꞌ tsáa phú aꞌkhúun kajngó na̱ꞌkha̱ rí ra̱máján ríge̱ꞌ inalóꞌ». A̱ꞌkhue̱n nikujma rí ga̱jma̱á numuu aꞌkhúun Jonás ñajuun ne̱. 8Ikhaa jngó nitháa̱n:
―Arathánxo̱ꞌ re̱, náá numuu kajngó xáꞌnii i̱ꞌkha̱ gamiéjun ríge̱ꞌ inalóꞌ róꞌ. Dí ñajwiin ithane̱ kajngó, jamí náá idxa̱ꞌ róꞌ. Náá xuajñaaꞌ jamí tsíin ñajúún xa̱bia̱aꞌ róꞌ.
9A̱ꞌkhue̱n ikhaa̱ niꞌthúu̱n:
―Ikhúúnꞌ ñajunꞌ xa̱bo̱ ebréo̱, jamí na̱ne̱-mba̱a̱ Ana̱ꞌlóꞌ tsí xtáa Mikhuíí, tsí neꞌne-ku̱maa iya a̱pha̱ jamí ju̱ba̱ꞌ.
10Numuu rí jmína̱a̱ꞌ máꞌ Jonás niꞌthúu̱n rí nagáyuu̱ inuu Ana̱ꞌlóꞌ Mikhuíí, ikhaa jngó i̱tha̱án xóó nimíñúú xa̱bo̱ tsúꞌkhue̱n jamí nitháa̱n:
―Náá numuu kajngó xáꞌnii nithane̱ róꞌ.
11Xómáꞌ iya a̱pha̱ rígu i̱ka̱-ramangu̱u̱ꞌ ne̱ i̱tha̱án xóó, ikhaa jngó nitháa̱n:
―Dí gúne̱xo̱ꞌ ga̱jma̱á nindxa̱a̱ꞌ kajngó ma̱ba̱aꞌ-wíyuu iya a̱pha̱ róꞌ.
12A̱ꞌkhue̱n ikhaa̱ niꞌthúu̱n:
―Gu̱rtuwúúnlaꞌ jamí gu̱xpa̱túꞌúúnlaꞌ ná awúun iya a̱pha̱, kajngó ma̱ba̱aꞌ-wíyuu ne̱. Numuu rí nda̱yo̱o̱ máꞌ rí ga̱jma̱á numuu aꞌkhúnꞌ ikhúúnꞌ na̱ꞌkha̱ ruꞌwa gíñá ríge̱ꞌ inalaꞌ.
13A̱ꞌkhue̱n rí xa̱bo̱ tsúꞌkhue̱n nene̱-tsiakhe̱-mijná rí magóó juñu̱ú guꞌwá-rguwa ná rawuun iya. I̱ndo̱ó máꞌ numuu rí táꞌngúu̱n, numuu rí iya a̱pha̱ rígu i̱ka̱-ramangu̱u̱ꞌ ne̱ i̱tha̱án xóó jaꞌñúu̱. 14Ikhaa jngó ni̱gíꞌdíi̱n ni̱ndxa̱ꞌwe̱e̱: «Táta̱ Mikhuíí, nu̱tha̱n-jáñaaꞌxo̱ꞌ rí ma̱xátha̱ne̱ rí ma̱ja̱ñáxo̱ꞌ ga̱jma̱á numuu rí mu̱xíya̱a̱xo̱ꞌ xa̱bo̱ tsíge̱ꞌ. Ni máꞌ ma̱xátrígu aꞌkhán tsu̱da̱ꞌxo̱ꞌ xí rí nda̱a̱ aꞌkhúu̱n. Numuu rí ikháánꞌ, Táta̱, nathane̱ rí ma̱ri̱gá mbá xúgíí ríge̱ꞌ xómá naꞌne a̱kia̱anꞌ ikháánꞌ».
15A̱ꞌkhue̱n ni̱rtuwii̱n Jonás, jamí ni̱xpa̱tuáꞌáa̱n ná awúun iya a̱pha̱. A̱ꞌkhue̱n iya a̱pha̱ núkho̱ máꞌ nibáa-wíyuu rí namangu̱u̱ꞌ ne̱. 16Rí xkuaꞌnii ndiyáá xa̱bo̱ tsúꞌkhue̱n, maphú ndiya-makuíi̱ Táta̱ Mikhuíí. Ni̱xna̱xíi̱ tsi̱gi̱jña̱ꞌ ná inuu̱, xúꞌkhue̱n máꞌ ni̱xu̱ꞌdá-mijnée̱ mbá awan ná inuu Ana̱ꞌlóꞌ Mikhuíí.
17Xómáꞌ Ana̱ꞌlóꞌ Mikhuíí, gíꞌdaa máꞌ xawii mbáa i̱gi̱ꞌ tsí maphú mba̱a̱ tsí ma̱ga̱a̱n-jnguíin Jonás. Jamí Jonás nixtáa ná awúun i̱gi̱ꞌ mbá atsú mbiꞌi jamí atsú mbroꞌon.
ទើបបានជ្រើសរើសហើយ៖
Jonás 1: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Jonás 1
1
Jonás najñaguii ná inuu Ana̱ꞌlóꞌ Mikhuíí
1Mbá mbiꞌi Ana̱ꞌlóꞌ Mikhuíí niꞌthúun Jonás, a̱dée táta̱ Amitái: 2«Ayu re̱ ná xuajen Níni̱be̱ rí maphú mba̱a̱, jamí arathúún xa̱bo̱ rí ma̱ne̱-gámba̱a xuajen. Numuu rí ra̱máján rí nuni̱i̱ nijráꞌáan asndo ná inuꞌ ge̱jyoꞌ».
3A̱ꞌkhue̱n Jonás, neꞌne rí magáyuu ná inuu Ana̱ꞌlóꞌ Mikhuíí, ikhaa jngó ni̱tu̱xu̱u̱ꞌ ma̱ꞌgee̱ ná xuajen rí mbiꞌyuu Társi̱s. Ni̱ga̱taa̱ ná Jópe̱ jamí ikhín nixkamaa̱ mbá guꞌwá-rguwa rí na̱ka̱ ná Társi̱s. Neꞌne-numuu̱ ne̱ jamí nitsimuu̱ nijngúu̱n awúun ne̱, rí ma̱ꞌgee̱ gajmíi̱ xa̱bo̱ tsí nagóó ikhín. Xkuaꞌnii naꞌnii̱ magáyuu̱ tsíngua̱ꞌ inuu Ana̱ꞌlóꞌ.
4Xómáꞌ Ana̱ꞌlóꞌ neꞌne rí maxnúu mbá gíñá rí maphú gakhe̱ ná inuu iya a̱pha̱. A̱ꞌkhue̱n ni̱gi̱ꞌdu̱u̱n nixnúu mi̱ndaꞌkho ruꞌwa gíñá, rí asndo naꞌne rí ma̱ngudi-ri̱ga̱a guꞌwá-rguwa. 5Jamí xa̱bo̱ tsí nagóó juñu̱ú guꞌwá-rguwa maphú nimíñúu̱, ikhaa jngó mbámbáa naxrígo̱o̱ mbiꞌyuu tsí naꞌne-mba̱a̱ máꞌ jayu, tsí ra̱ꞌkháa Ana̱ꞌlóꞌ ñajuun. Xúꞌkhue̱n máꞌ ni̱stuáꞌée̱n ná awúun iya a̱pha̱ mbá xúgíí ja̱ꞌne rí jago̱ guꞌwá-rguwa kajngó ma̱ꞌne wiphi ne̱ wáa. Xómáꞌ Jonás wapha máꞌ ni̱ga̱taa̱ gíguii̱ ná awúun guꞌwá-rguwa. 6A̱ꞌkhue̱n rí xa̱bo̱ tsí naꞌthán-ñájun ná guꞌwá-rguwa ni̱ga̱taa ná kri̱ga̱a̱ Jonás jamí niꞌthúu̱n: «Dí ithane̱ kri̱ga̱án nanu guíñaaꞌ ge̱jyoꞌ róꞌ. Araxo̱n re̱, arathán-jáñíí ana̱a̱ꞌ mangáánꞌ. Gáꞌne xí ma̱ñáwíin a̱kuii̱n jaꞌyalóꞌ rí ma̱xámbáanꞌlóꞌ».
7A̱ꞌkhue̱n nithan-mijná xa̱bo̱ tsí nagóó juñu̱ú guꞌwá-rguwa: «Gu̱ꞌyáálóꞌ tsáa phú aꞌkhúun kajngó na̱ꞌkha̱ rí ra̱máján ríge̱ꞌ inalóꞌ». A̱ꞌkhue̱n nikujma rí ga̱jma̱á numuu aꞌkhúun Jonás ñajuun ne̱. 8Ikhaa jngó nitháa̱n:
―Arathánxo̱ꞌ re̱, náá numuu kajngó xáꞌnii i̱ꞌkha̱ gamiéjun ríge̱ꞌ inalóꞌ róꞌ. Dí ñajwiin ithane̱ kajngó, jamí náá idxa̱ꞌ róꞌ. Náá xuajñaaꞌ jamí tsíin ñajúún xa̱bia̱aꞌ róꞌ.
9A̱ꞌkhue̱n ikhaa̱ niꞌthúu̱n:
―Ikhúúnꞌ ñajunꞌ xa̱bo̱ ebréo̱, jamí na̱ne̱-mba̱a̱ Ana̱ꞌlóꞌ tsí xtáa Mikhuíí, tsí neꞌne-ku̱maa iya a̱pha̱ jamí ju̱ba̱ꞌ.
10Numuu rí jmína̱a̱ꞌ máꞌ Jonás niꞌthúu̱n rí nagáyuu̱ inuu Ana̱ꞌlóꞌ Mikhuíí, ikhaa jngó i̱tha̱án xóó nimíñúú xa̱bo̱ tsúꞌkhue̱n jamí nitháa̱n:
―Náá numuu kajngó xáꞌnii nithane̱ róꞌ.
11Xómáꞌ iya a̱pha̱ rígu i̱ka̱-ramangu̱u̱ꞌ ne̱ i̱tha̱án xóó, ikhaa jngó nitháa̱n:
―Dí gúne̱xo̱ꞌ ga̱jma̱á nindxa̱a̱ꞌ kajngó ma̱ba̱aꞌ-wíyuu iya a̱pha̱ róꞌ.
12A̱ꞌkhue̱n ikhaa̱ niꞌthúu̱n:
―Gu̱rtuwúúnlaꞌ jamí gu̱xpa̱túꞌúúnlaꞌ ná awúun iya a̱pha̱, kajngó ma̱ba̱aꞌ-wíyuu ne̱. Numuu rí nda̱yo̱o̱ máꞌ rí ga̱jma̱á numuu aꞌkhúnꞌ ikhúúnꞌ na̱ꞌkha̱ ruꞌwa gíñá ríge̱ꞌ inalaꞌ.
13A̱ꞌkhue̱n rí xa̱bo̱ tsúꞌkhue̱n nene̱-tsiakhe̱-mijná rí magóó juñu̱ú guꞌwá-rguwa ná rawuun iya. I̱ndo̱ó máꞌ numuu rí táꞌngúu̱n, numuu rí iya a̱pha̱ rígu i̱ka̱-ramangu̱u̱ꞌ ne̱ i̱tha̱án xóó jaꞌñúu̱. 14Ikhaa jngó ni̱gíꞌdíi̱n ni̱ndxa̱ꞌwe̱e̱: «Táta̱ Mikhuíí, nu̱tha̱n-jáñaaꞌxo̱ꞌ rí ma̱xátha̱ne̱ rí ma̱ja̱ñáxo̱ꞌ ga̱jma̱á numuu rí mu̱xíya̱a̱xo̱ꞌ xa̱bo̱ tsíge̱ꞌ. Ni máꞌ ma̱xátrígu aꞌkhán tsu̱da̱ꞌxo̱ꞌ xí rí nda̱a̱ aꞌkhúu̱n. Numuu rí ikháánꞌ, Táta̱, nathane̱ rí ma̱ri̱gá mbá xúgíí ríge̱ꞌ xómá naꞌne a̱kia̱anꞌ ikháánꞌ».
15A̱ꞌkhue̱n ni̱rtuwii̱n Jonás, jamí ni̱xpa̱tuáꞌáa̱n ná awúun iya a̱pha̱. A̱ꞌkhue̱n iya a̱pha̱ núkho̱ máꞌ nibáa-wíyuu rí namangu̱u̱ꞌ ne̱. 16Rí xkuaꞌnii ndiyáá xa̱bo̱ tsúꞌkhue̱n, maphú ndiya-makuíi̱ Táta̱ Mikhuíí. Ni̱xna̱xíi̱ tsi̱gi̱jña̱ꞌ ná inuu̱, xúꞌkhue̱n máꞌ ni̱xu̱ꞌdá-mijnée̱ mbá awan ná inuu Ana̱ꞌlóꞌ Mikhuíí.
17Xómáꞌ Ana̱ꞌlóꞌ Mikhuíí, gíꞌdaa máꞌ xawii mbáa i̱gi̱ꞌ tsí maphú mba̱a̱ tsí ma̱ga̱a̱n-jnguíin Jonás. Jamí Jonás nixtáa ná awúun i̱gi̱ꞌ mbá atsú mbiꞌi jamí atsú mbroꞌon.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.