Juáán 15
15
Jesús ñajuun xómá ixu̱u̱ úba̱ rí phú gakon
1»Ikhúúnꞌ ñajunꞌ xómá ixu̱u̱ úba̱ rí phú gakon, jamí Tátéꞌ ñajuun tsí na̱ña̱wu̱u̱n ne̱. 2Jámba̱ ñawúun ixu̱ꞌ rí tsíxná xndúu, na̱ro̱thon-ríguíi̱ ne̱. Xúꞌkhue̱n máꞌ mangaa mbá xúgíí ñawúnꞌ rí naxná xndúu, ikhaa̱ naꞌne-jaꞌwuu̱ ne̱, kajngó i̱tha̱án mbaꞌa xndúu ne̱ gájma̱a̱. 3Xómáꞌ ikháanꞌlaꞌ, jaꞌwáanꞌlaꞌ máꞌ ga̱jma̱á numuu ajngáa rí ni̱tha̱nꞌlaꞌ. 4Ga̱juwalaꞌ jayu ga̱jma̱á nindxu̱ꞌ, xómá rí ikhúúnꞌ xtáá jayu ga̱jma̱á nindxa̱ꞌlaꞌ. Ndu̱ya̱álaꞌ máꞌ rí nimbá ñawúun ixu̱u̱ úba̱ tsíxná xndúu, xí na̱nguá ka̱ma ne̱ jayu ná ixu̱u̱. Xúꞌkhue̱n máꞌ mangáanꞌlaꞌ, nda̱a̱ rí gáꞌnga̱ꞌlaꞌ gúne̱ xí na̱nguá juwalaꞌ jayu ga̱jma̱á nindxu̱ꞌ ikhúúnꞌ.
5»Ikhúúnꞌ ñajunꞌ xómá ixu̱u̱ úba̱, jamí ikháanꞌlaꞌ ñajwanlaꞌ xómá ñawúun ixu̱u̱ úba̱. Tsí xtáa jayu ga̱jma̱á nindxu̱ꞌ ikhúúnꞌ, xómá rí ikhúúnꞌ xtáá jayu ga̱jma̱á nindxu̱u̱ ikhaa̱, ikhaa tsúꞌkhue̱n ma̱nindxu̱u̱ xómá ñawúun ixu̱u̱ úba̱ rí phú naxná xndúu. Numuu rí nimbá rí ma̱xáꞌnga̱ꞌlaꞌ gúne̱, xí nu̱ne̱ tsíngua̱ꞌ-mijnálaꞌ ná inuꞌ. 6Tsí na̱nguá xtáa̱ jayu ga̱jma̱á nindxu̱ꞌ, mi̱ꞌdaa̱ rixa̱á xómá ñawúun ixu̱u̱ úba̱ rí tsíxná xndúu, rí nothon-rígú, rí nojndoo, jamí nda̱wa̱á nitagímbúu jamí nati ná awúun agu mi̱kha. 7Xí ikháanꞌlaꞌ juwalaꞌ jayu ga̱jma̱á nindxu̱ꞌ jamí ríga̱ jayu ajngóꞌ ga̱jma̱á nindxa̱ꞌlaꞌ, gu̱nda̱ꞌa̱laꞌ asndo náá máꞌ rí nandalaꞌ, jamí ma̱janálaꞌ ne̱. 8Phú na̱gu̱ma-mba̱a̱ Tátéꞌ eꞌne ído̱ rí ikháanꞌlaꞌ phú nu̱ne̱laꞌ rí máján, a̱ꞌkhue̱n nakujma rí ikháanꞌlaꞌ ñajwanlaꞌ tsí na̱sngúún.
9»Xómá rí nandoo Tátéꞌ jaꞌyeꞌ ikhúúnꞌ, xkuaꞌnii máꞌ nandoꞌ ja̱ya̱ꞌlaꞌ mangúúnꞌ. Ga̱juwalaꞌ jayu ga̱jma̱á numuu rí ikhúúnꞌ nandoꞌ ja̱ya̱ꞌlaꞌ. 10Xí nu̱ne̱-mbáníílaꞌ mbá xúgíí rí na̱xna̱-ñájwanlaꞌ, ma̱juwalaꞌ jayu ga̱jma̱á numuu rí ikhúúnꞌ nandoꞌ ja̱ya̱ꞌlaꞌ. Xómá rí ikhúúnꞌ ne̱ne̱-mbánuulo̱ꞌ mbá xúgíí rí nixná-ñájwinꞌ Tátéꞌ jamí xtáá jayu ga̱jma̱á numuu rí ikhaa̱ nandoo̱ jaꞌyeꞌ. 11Na̱tha̱nꞌlaꞌ mbá xúgíí ríge̱ꞌ kajngó ma̱ꞌdxu a̱kia̱nꞌlaꞌ xómá rí nadxu a̱kui̱nꞌ ikhúúnꞌ, jamí ma̱ꞌne jañii rí nadxu a̱kia̱nꞌlaꞌ. 12Ríge̱ꞌ ñajuun rí na̱xna̱-ñájwanlaꞌ: Mbá xúgiáanꞌlaꞌ ga̱galaꞌ ju̱ya̱-mijnálaꞌ, xómá rí nandoꞌ ja̱ya̱ꞌlaꞌ ikhúúnꞌ. 13Ndawa̱a̱ i̱mba̱a̱ꞌ tsí phú i̱tha̱án nandoo jaꞌñúú xa̱bo̱ xó rí xa̱bo̱ tsí naxnáxe̱-mina̱ꞌ rí ma̱ja̱ñúu ga̱jma̱á numúú iyanga̱jwe̱e. 14Ikháanꞌlaꞌ ñajwanlaꞌ iyanga̱jwe̱ꞌ xí nu̱ne̱-mbáníílaꞌ rí na̱xna̱-ñájwanlaꞌ. 15Nánguá máꞌ i̱tha̱nlo̱ꞌ rí yumbáá ñajwanlaꞌ rá, numuu rí xa̱bo̱ tsí nayumbáá tsíꞌyoo̱ dí eꞌne tsí nithán-ñájwíi̱n eꞌne. Ikhúúnꞌ na̱tha̱nlo̱ꞌ rí ikháanꞌlaꞌ ñajwanlaꞌ iyanga̱jwe̱ꞌ, numuu rí ni̱xna̱ꞌlaꞌ mu̱ne̱-nuwiin mbá xúgíí rí niꞌsngéꞌ Tátéꞌ. 16Ra̱ꞌkhá ikháanꞌlaꞌ ni̱ra̱ꞌwúúnlaꞌ, rí ikhúúnꞌ ni̱ra̱ꞌwáanꞌlaꞌ, jamí ni̱xna̱ngáwalaꞌ rí mu̱ꞌgualaꞌ jamí rí mu̱ne̱laꞌ rí máján. Ikhúúnꞌ nandoꞌ rí ga̱ri̱gá jayu rí máján nu̱ne̱laꞌ. Xkuaꞌnii kajngó maxnálaꞌ Tátéꞌ mbá xúgíí rí mu̱nda̱ꞌáa̱laꞌ ga̱jma̱á numuꞌ ikhúúnꞌ. 17Ríge̱ꞌ na̱xna̱-ñájwanlaꞌ: Ga̱galaꞌ ju̱ya̱-mijnálaꞌ.
Ma̱xáxúún xa̱bo̱ numbaa gúñúú xa̱bi̱i Jesús
18»Xí tsíñúú xa̱bo̱ numbaa gúyalaꞌ, ga̱rmáꞌáan a̱kia̱nꞌlaꞌ rí ikhúúnꞌ ginúú ra̱khúu̱n gúyeꞌ. 19Xí numuu rí ikháanꞌlaꞌ jaꞌñáaꞌlaꞌ xómá jaꞌñúú xa̱bo̱ numbaa, a̱ꞌkhue̱n rí ma̱gúún máꞌ xa̱bo̱ numbaa juyalaꞌ xómá rí nandúu̱n juya-mijnée̱ ikhii̱n. I̱ndo̱ó máꞌ numuu rí ikhúúnꞌ ni̱ra̱ꞌwáanꞌlaꞌ ná majñu̱ú mbá xúgíin xa̱bo̱, kajngó náxánindxa̱ꞌlaꞌ xómá jaꞌñúú xa̱bo̱ numbaa. Ikhaa numuu rúꞌkhue̱n tsíñúú xa̱bo̱ numbaa gúyalaꞌ. 20Ga̱rmáꞌáan a̱kia̱nꞌlaꞌ rí ni̱tha̱nꞌlaꞌ: “Nimbáa yumbáá na̱nguá gíꞌdoo numuu̱ i̱tha̱án xó rí tsí nithán-ñájwíi̱n eꞌne”. Ikhaa jngó, xí ikhúúnꞌ nikhuáa niñi̱ꞌ, xkuaꞌnii máꞌ gúña̱ꞌlaꞌ mangáanꞌlaꞌ. Jamí xí ikhii̱n nune̱-mbáníi̱ rí ni̱sngáálo̱ꞌ, mune̱-mbáníi̱ máꞌ rí mu̱sngáá mangáanꞌlaꞌ. 21Mbá xúgíí ríge̱ꞌ muña̱ꞌlaꞌ ga̱jma̱á numuꞌ ikhúúnꞌ, numuu rí tsíne̱-nuwii̱n tsí nixúngu̱únꞌlo̱ꞌ.
22»Xí numuu rí ikhúúnꞌ táꞌkhalo̱ꞌ, jamí táthúu̱n, ra̱gíꞌmii̱ máꞌ aꞌkhán xúꞌkhue̱n rá. Xómáꞌ xúge̱ꞌ rá, nánda̱a̱ rí muthan-jmaa̱ ga̱jma̱á numuu aꞌkhúu̱n. 23Tsí tsíyoo gáꞌyeꞌ ikhúúnꞌ, tsíyoo̱ máꞌ gáꞌyoo̱ Tátéꞌ mangaa. 24Xí numuu rí ikhúúnꞌ táne̱ ná inúu̱ rí asndo ni miꞌtsú nimbáa xa̱bo̱ táꞌne, ma̱xági̱ꞌmii̱ máꞌ aꞌkhán xúꞌkhue̱n rá. Xómáꞌ xúge̱ꞌ rá, ndiyáa̱ máꞌ ga̱jma̱á idúu̱n rí ne̱ne̱lo̱ꞌ, jamí jaꞌnii máꞌ xóó tsíñúu̱ gúyaxo̱ꞌ, ikhúúnꞌ ga̱jmi̱ꞌ Tátéꞌ. 25I̱ndo̱ó máꞌ numuu rí ríge̱ꞌ naríga̱ kajngó ma̱mba̱núu rí ka̱ma naꞌthán ná xtángoo drígúu̱n: “Nda̱a̱ jayu numuu rí tsíñúú xa̱bo̱ gúyeꞌ”.#15.25 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 35.19 jamí ná 69.4.
26»Asndo ná xtáa Tátéꞌ, ikhúúnꞌ ma̱xu̱ꞌmáa tsí maꞌthán-mbáá numalaꞌ. Ído̱ gáꞌkha̱ tsúꞌkhue̱n, Xe̱ꞌ tsí nasngájma rí gakon, ikhaa̱ maꞌthánlaꞌ ga̱jma̱á numuꞌ. 27Xúꞌkhue̱n máꞌ mangáanꞌlaꞌ, mu̱tha̱nlaꞌ rí ndi̱ya̱álaꞌ ga̱jma̱á numuꞌ, numuu rí ikháanꞌlaꞌ ningriga̱ꞌlaꞌ ga̱jma̱á nindxu̱ꞌ asndo nákhí rí ginii jayu.
ទើបបានជ្រើសរើសហើយ៖
Juáán 15: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Juáán 15
15
Jesús ñajuun xómá ixu̱u̱ úba̱ rí phú gakon
1»Ikhúúnꞌ ñajunꞌ xómá ixu̱u̱ úba̱ rí phú gakon, jamí Tátéꞌ ñajuun tsí na̱ña̱wu̱u̱n ne̱. 2Jámba̱ ñawúun ixu̱ꞌ rí tsíxná xndúu, na̱ro̱thon-ríguíi̱ ne̱. Xúꞌkhue̱n máꞌ mangaa mbá xúgíí ñawúnꞌ rí naxná xndúu, ikhaa̱ naꞌne-jaꞌwuu̱ ne̱, kajngó i̱tha̱án mbaꞌa xndúu ne̱ gájma̱a̱. 3Xómáꞌ ikháanꞌlaꞌ, jaꞌwáanꞌlaꞌ máꞌ ga̱jma̱á numuu ajngáa rí ni̱tha̱nꞌlaꞌ. 4Ga̱juwalaꞌ jayu ga̱jma̱á nindxu̱ꞌ, xómá rí ikhúúnꞌ xtáá jayu ga̱jma̱á nindxa̱ꞌlaꞌ. Ndu̱ya̱álaꞌ máꞌ rí nimbá ñawúun ixu̱u̱ úba̱ tsíxná xndúu, xí na̱nguá ka̱ma ne̱ jayu ná ixu̱u̱. Xúꞌkhue̱n máꞌ mangáanꞌlaꞌ, nda̱a̱ rí gáꞌnga̱ꞌlaꞌ gúne̱ xí na̱nguá juwalaꞌ jayu ga̱jma̱á nindxu̱ꞌ ikhúúnꞌ.
5»Ikhúúnꞌ ñajunꞌ xómá ixu̱u̱ úba̱, jamí ikháanꞌlaꞌ ñajwanlaꞌ xómá ñawúun ixu̱u̱ úba̱. Tsí xtáa jayu ga̱jma̱á nindxu̱ꞌ ikhúúnꞌ, xómá rí ikhúúnꞌ xtáá jayu ga̱jma̱á nindxu̱u̱ ikhaa̱, ikhaa tsúꞌkhue̱n ma̱nindxu̱u̱ xómá ñawúun ixu̱u̱ úba̱ rí phú naxná xndúu. Numuu rí nimbá rí ma̱xáꞌnga̱ꞌlaꞌ gúne̱, xí nu̱ne̱ tsíngua̱ꞌ-mijnálaꞌ ná inuꞌ. 6Tsí na̱nguá xtáa̱ jayu ga̱jma̱á nindxu̱ꞌ, mi̱ꞌdaa̱ rixa̱á xómá ñawúun ixu̱u̱ úba̱ rí tsíxná xndúu, rí nothon-rígú, rí nojndoo, jamí nda̱wa̱á nitagímbúu jamí nati ná awúun agu mi̱kha. 7Xí ikháanꞌlaꞌ juwalaꞌ jayu ga̱jma̱á nindxu̱ꞌ jamí ríga̱ jayu ajngóꞌ ga̱jma̱á nindxa̱ꞌlaꞌ, gu̱nda̱ꞌa̱laꞌ asndo náá máꞌ rí nandalaꞌ, jamí ma̱janálaꞌ ne̱. 8Phú na̱gu̱ma-mba̱a̱ Tátéꞌ eꞌne ído̱ rí ikháanꞌlaꞌ phú nu̱ne̱laꞌ rí máján, a̱ꞌkhue̱n nakujma rí ikháanꞌlaꞌ ñajwanlaꞌ tsí na̱sngúún.
9»Xómá rí nandoo Tátéꞌ jaꞌyeꞌ ikhúúnꞌ, xkuaꞌnii máꞌ nandoꞌ ja̱ya̱ꞌlaꞌ mangúúnꞌ. Ga̱juwalaꞌ jayu ga̱jma̱á numuu rí ikhúúnꞌ nandoꞌ ja̱ya̱ꞌlaꞌ. 10Xí nu̱ne̱-mbáníílaꞌ mbá xúgíí rí na̱xna̱-ñájwanlaꞌ, ma̱juwalaꞌ jayu ga̱jma̱á numuu rí ikhúúnꞌ nandoꞌ ja̱ya̱ꞌlaꞌ. Xómá rí ikhúúnꞌ ne̱ne̱-mbánuulo̱ꞌ mbá xúgíí rí nixná-ñájwinꞌ Tátéꞌ jamí xtáá jayu ga̱jma̱á numuu rí ikhaa̱ nandoo̱ jaꞌyeꞌ. 11Na̱tha̱nꞌlaꞌ mbá xúgíí ríge̱ꞌ kajngó ma̱ꞌdxu a̱kia̱nꞌlaꞌ xómá rí nadxu a̱kui̱nꞌ ikhúúnꞌ, jamí ma̱ꞌne jañii rí nadxu a̱kia̱nꞌlaꞌ. 12Ríge̱ꞌ ñajuun rí na̱xna̱-ñájwanlaꞌ: Mbá xúgiáanꞌlaꞌ ga̱galaꞌ ju̱ya̱-mijnálaꞌ, xómá rí nandoꞌ ja̱ya̱ꞌlaꞌ ikhúúnꞌ. 13Ndawa̱a̱ i̱mba̱a̱ꞌ tsí phú i̱tha̱án nandoo jaꞌñúú xa̱bo̱ xó rí xa̱bo̱ tsí naxnáxe̱-mina̱ꞌ rí ma̱ja̱ñúu ga̱jma̱á numúú iyanga̱jwe̱e. 14Ikháanꞌlaꞌ ñajwanlaꞌ iyanga̱jwe̱ꞌ xí nu̱ne̱-mbáníílaꞌ rí na̱xna̱-ñájwanlaꞌ. 15Nánguá máꞌ i̱tha̱nlo̱ꞌ rí yumbáá ñajwanlaꞌ rá, numuu rí xa̱bo̱ tsí nayumbáá tsíꞌyoo̱ dí eꞌne tsí nithán-ñájwíi̱n eꞌne. Ikhúúnꞌ na̱tha̱nlo̱ꞌ rí ikháanꞌlaꞌ ñajwanlaꞌ iyanga̱jwe̱ꞌ, numuu rí ni̱xna̱ꞌlaꞌ mu̱ne̱-nuwiin mbá xúgíí rí niꞌsngéꞌ Tátéꞌ. 16Ra̱ꞌkhá ikháanꞌlaꞌ ni̱ra̱ꞌwúúnlaꞌ, rí ikhúúnꞌ ni̱ra̱ꞌwáanꞌlaꞌ, jamí ni̱xna̱ngáwalaꞌ rí mu̱ꞌgualaꞌ jamí rí mu̱ne̱laꞌ rí máján. Ikhúúnꞌ nandoꞌ rí ga̱ri̱gá jayu rí máján nu̱ne̱laꞌ. Xkuaꞌnii kajngó maxnálaꞌ Tátéꞌ mbá xúgíí rí mu̱nda̱ꞌáa̱laꞌ ga̱jma̱á numuꞌ ikhúúnꞌ. 17Ríge̱ꞌ na̱xna̱-ñájwanlaꞌ: Ga̱galaꞌ ju̱ya̱-mijnálaꞌ.
Ma̱xáxúún xa̱bo̱ numbaa gúñúú xa̱bi̱i Jesús
18»Xí tsíñúú xa̱bo̱ numbaa gúyalaꞌ, ga̱rmáꞌáan a̱kia̱nꞌlaꞌ rí ikhúúnꞌ ginúú ra̱khúu̱n gúyeꞌ. 19Xí numuu rí ikháanꞌlaꞌ jaꞌñáaꞌlaꞌ xómá jaꞌñúú xa̱bo̱ numbaa, a̱ꞌkhue̱n rí ma̱gúún máꞌ xa̱bo̱ numbaa juyalaꞌ xómá rí nandúu̱n juya-mijnée̱ ikhii̱n. I̱ndo̱ó máꞌ numuu rí ikhúúnꞌ ni̱ra̱ꞌwáanꞌlaꞌ ná majñu̱ú mbá xúgíin xa̱bo̱, kajngó náxánindxa̱ꞌlaꞌ xómá jaꞌñúú xa̱bo̱ numbaa. Ikhaa numuu rúꞌkhue̱n tsíñúú xa̱bo̱ numbaa gúyalaꞌ. 20Ga̱rmáꞌáan a̱kia̱nꞌlaꞌ rí ni̱tha̱nꞌlaꞌ: “Nimbáa yumbáá na̱nguá gíꞌdoo numuu̱ i̱tha̱án xó rí tsí nithán-ñájwíi̱n eꞌne”. Ikhaa jngó, xí ikhúúnꞌ nikhuáa niñi̱ꞌ, xkuaꞌnii máꞌ gúña̱ꞌlaꞌ mangáanꞌlaꞌ. Jamí xí ikhii̱n nune̱-mbáníi̱ rí ni̱sngáálo̱ꞌ, mune̱-mbáníi̱ máꞌ rí mu̱sngáá mangáanꞌlaꞌ. 21Mbá xúgíí ríge̱ꞌ muña̱ꞌlaꞌ ga̱jma̱á numuꞌ ikhúúnꞌ, numuu rí tsíne̱-nuwii̱n tsí nixúngu̱únꞌlo̱ꞌ.
22»Xí numuu rí ikhúúnꞌ táꞌkhalo̱ꞌ, jamí táthúu̱n, ra̱gíꞌmii̱ máꞌ aꞌkhán xúꞌkhue̱n rá. Xómáꞌ xúge̱ꞌ rá, nánda̱a̱ rí muthan-jmaa̱ ga̱jma̱á numuu aꞌkhúu̱n. 23Tsí tsíyoo gáꞌyeꞌ ikhúúnꞌ, tsíyoo̱ máꞌ gáꞌyoo̱ Tátéꞌ mangaa. 24Xí numuu rí ikhúúnꞌ táne̱ ná inúu̱ rí asndo ni miꞌtsú nimbáa xa̱bo̱ táꞌne, ma̱xági̱ꞌmii̱ máꞌ aꞌkhán xúꞌkhue̱n rá. Xómáꞌ xúge̱ꞌ rá, ndiyáa̱ máꞌ ga̱jma̱á idúu̱n rí ne̱ne̱lo̱ꞌ, jamí jaꞌnii máꞌ xóó tsíñúu̱ gúyaxo̱ꞌ, ikhúúnꞌ ga̱jmi̱ꞌ Tátéꞌ. 25I̱ndo̱ó máꞌ numuu rí ríge̱ꞌ naríga̱ kajngó ma̱mba̱núu rí ka̱ma naꞌthán ná xtángoo drígúu̱n: “Nda̱a̱ jayu numuu rí tsíñúú xa̱bo̱ gúyeꞌ”.#15.25 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 35.19 jamí ná 69.4.
26»Asndo ná xtáa Tátéꞌ, ikhúúnꞌ ma̱xu̱ꞌmáa tsí maꞌthán-mbáá numalaꞌ. Ído̱ gáꞌkha̱ tsúꞌkhue̱n, Xe̱ꞌ tsí nasngájma rí gakon, ikhaa̱ maꞌthánlaꞌ ga̱jma̱á numuꞌ. 27Xúꞌkhue̱n máꞌ mangáanꞌlaꞌ, mu̱tha̱nlaꞌ rí ndi̱ya̱álaꞌ ga̱jma̱á numuꞌ, numuu rí ikháanꞌlaꞌ ningriga̱ꞌlaꞌ ga̱jma̱á nindxu̱ꞌ asndo nákhí rí ginii jayu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.