XÓ NI̱GI̱ꞋDU̱U̱N-MUU 39
39
José ga̱jma̱á a̱ꞌgui̱i̱ Potifár
1Ído̱ nigóó xa̱bo̱ mbo̱ ismaelíta̱ juya̱a̱ José ná Ejípto̱, ni̱ngu̱jua̱a̱ inuu Potifár xa̱bi̱i̱ máꞌ Faraón, tsí naꞌthán-ñájúún mbo̱ ku̱ra̱tuun ajua̱nꞌ, tsí nu̱ña̱wa̱án máꞌ. 2I̱ndo̱ó numuu rí Ana̱ꞌlóꞌ Mikhuíí xtáa ga̱jma̱á nindxu̱u̱ José, xúꞌkhue̱n máꞌ na̱ga̱ti̱ya̱a̱ꞌ mújúun rí naꞌnii̱ ná xtáa̱ goꞌóo ña̱ꞌñii̱ mbo̱ Ejípto̱. 3A̱ꞌkhue̱n ndiꞌyoo ña̱ꞌñii̱ rí Ana̱ꞌlóꞌ Mikhuíí xtáa ga̱jma̱á nindxu̱u̱, jamí mbá xúgíí rí naꞌnii̱, Ana̱ꞌlóꞌ Mikhuíí naꞌne rí na̱ga̱ti̱ya̱a̱ꞌ mújúun ne̱. 4Xkuaꞌnii neꞌne rí máján niyaxu̱u̱ José. Ikhaa jngó niꞌnii̱ rí ma̱nindxu̱u̱ yumbée̱ tsí phú ginii jayu, jamí xúꞌkhue̱n máꞌ niꞌnii̱ rí ikhaa gáru̱thuun mbá xúgíí ñajun ná goꞌóo̱. Ikhaa jngó nixnáxu̱u̱ mbá xúgíí rí gíꞌdoo̱. 5Asndo nákhí rí nixnáxu̱u̱ José rí maꞌthán-ñájuun goꞌóo̱ jamí mbá xúgíí rí gíꞌdoo̱, Ana̱ꞌlóꞌ Mikhuíí naꞌne tsakun-rámuu goꞌóo mbo̱ Ejípto̱ ga̱jma̱á numuu José. Xúꞌkhue̱n máꞌ Ana̱ꞌlóꞌ Mikhuíí neꞌne tsakun-rámuu mbá xúgíí rí gíꞌdoo̱, ná goꞌóo̱, xúꞌkhue̱n máꞌ ná mbaa gidu. 6Ikhaa jngó Potifár niniñuu mbá xúgíí rí gíꞌdoo̱ ná ñawúun José, jamí tsíꞌthán a̱kui̱i̱n nimbá rí nixnáxu̱u̱, i̱ndo̱ó máꞌ rí mi̱khui̱i̱ iꞌthán a̱kui̱i̱n.
Xómáꞌ José ja rá, tsiꞌyá jamí gúkú wáa giaxu̱u̱. 7Nda̱wa̱á wáa a̱ꞌkhue̱n a̱ꞌgui̱i̱ ña̱ꞌñii̱ ni̱ka̱ iduu inuu José, jamí niꞌthúu̱n xáꞌnii:
―Athabáaꞌ ga̱jma̱á-ni̱ndxu̱ꞌ.
8Xómáꞌ ikhaa̱ ra̱khóo̱, jamí niꞌthúu̱n:
―Nathayáá máꞌ rí ña̱ꞌñiꞌ tsíꞌthán a̱kui̱i̱n mbá jayuu eꞌne rí ríga̱ ná goꞌóo̱, numuu rí ikhaa̱ niniñuu̱ ná ñawúnꞌ mbá xúgíí rí gíꞌdoo̱. 9Ndawa̱a̱ i̱mba̱a̱ tsí gíꞌdoo numuu xóo rí ikhúúnꞌ ná guꞌwá ríge̱ꞌ. Ña̱ꞌñiꞌ tárekho̱ꞌ asndo nimbá rí ma̱xúgúgua̱, i̱ndo̱ó máꞌ ikháán, numuu rí a̱ꞌgui̱i̱ ñajuaanꞌ. Xáne-lá gáne̱ ikhúúnꞌ rí ma̱xu̱ꞌdá-mina̱ꞌ mba̱a̱ rí ra̱máján rá, xúꞌkhue̱n máꞌ ma̱xu̱ꞌdá-mina̱ꞌ aꞌkhán inuu Ana̱ꞌlóꞌ rá.
10Xómáꞌ a̱ꞌgo̱ mbámbá mbiꞌi naꞌthúun José, jamí ikhaa̱ tséꞌne-di̱i̱ rí ma̱bo̱o̱ꞌ ga̱jmáa̱, ni máꞌ rí ma̱xtáa̱ mijngi ga̱jmáa̱. 11Mbá mbiꞌi, ni̱to̱ꞌo̱o̱ José awúun guꞌwá rí ma̱ꞌnii̱ ñajun rí naꞌnii̱ jayuu̱, jamí ndawi̱i̱n nimbíin xa̱bo̱ tsí nuñajun ikhín. 12A̱ꞌkhue̱n rí a̱ꞌgo̱ niguatuun xtíñuu̱ jamí niꞌthúu̱n: «Athabáaꞌ ga̱jma̱á nindxu̱ꞌ re̱». A̱ꞌkhue̱n ikhaa̱ nigájnuu̱-ragáyuu̱, i̱ndo̱ó xtíñuu niwanúu ná ñawúun a̱ꞌgo̱.
13Ído̱ ndiꞌyoo a̱ꞌgo̱ rí niwanúu xtíñuu José ná ñawúu̱n jamí xúꞌkhue̱n máꞌ nigáyuu̱ rixa̱á, 14a̱ꞌkhue̱n nindxaꞌúu̱n tsí nuñajun ná guꞌwáá jamí niꞌthúu̱n: «Gu̱ya̱álaꞌ rí mbo̱ ebréo̱ tsí ni̱ꞌkha̱ jayáa a̱jmbeꞌ nandoo gáꞌne tsi̱ndiáánlóꞌ. Ni̱to̱ꞌo̱o̱ rí ma̱bo̱o̱ꞌ ga̱jma̱á nindxu̱ꞌ, i̱ndo̱ó ikhúúnꞌ ni̱ndxa̱ꞌwa̱-ská gakhe̱. 15Jamí ído̱ ndiꞌyoo̱ rí ikhúúnꞌ na̱ndxa̱ꞌwa̱-ská, asndo niniña-támee̱ xtíñuu̱ ge̱e̱, jamí nigájnuu̱-ragáyuu̱».
16Xómáꞌ ikhaa̱ niyáxi̱i̱ xtíñuu José asndo ni̱ga̱núu̱ xa̱bo̱ nikhi̱i̱ guꞌwáá. 17A̱ꞌkhue̱n rí a̱ꞌgo̱ niꞌthúu̱n ikhaa máꞌ ajngáa a̱jmbaa̱: «Yumbáá mbo̱ ebréo̱ tsí nidxa̱ꞌ ꞌcháa, ni̱ꞌkha̱ gáréye̱e̱ꞌ gamaku̱ꞌ. 18Jamí ído̱ ikhúúnꞌ ni̱ndxa̱ꞌwa̱-ská, xómáꞌ ikhaa̱ asndo niniña-támee̱ xtíñuu̱ ge̱e̱, jamí nigáyuu̱ rixa̱á».
19Ído̱ nidxawuun xa̱bo̱ nikhi̱i̱ rí xóo ni̱gu̱máá a̱ꞌgui̱i̱ neꞌne José, a̱ꞌkhue̱n rí phú nijiꞌnáa̱. 20A̱ꞌkhue̱n rí ña̱ꞌñii José niꞌthán rí ma̱ꞌgee̱ guéjua̱nꞌ, ná katiin máꞌ xa̱bo̱ tsí naxúdiin thúngaa mba̱a̱, jamí ikhín máꞌ ni̱gi̱de̱e̱ꞌ. 21Xómáꞌ Ana̱ꞌlóꞌ Mikhuíí xtáa ga̱jma̱á nindxu̱u̱ José, xúꞌkhue̱n máꞌ nañáwíin a̱kui̱i̱n jaꞌyoo̱. Ikhaa jngó niꞌnii̱ rí xa̱bo̱ tsí na̱ña̱wu̱u̱n guéjua̱nꞌ máján gáyaxu̱u̱ José. 22Jamí ikhaa xa̱bo̱ tsúꞌkhue̱n niꞌgíi José rí mbayá-ngawiin mbá xúgíin xa̱bo̱ tsí gatiin ná guéjua̱nꞌ rúꞌkhue̱n. Ikhaa̱ máꞌ iyaxu̱u̱ mbá xúgíí ñajun rí na̱gu̱ma ikhín. 23Jamí tséꞌyóo máꞌ rí mbayá-ngawii̱ asndo nimbá máꞌ rí nixnáxu̱u̱ ñawúun José. Numuu rí Ana̱ꞌlóꞌ Mikhuíí xtáa ga̱jma̱á nindxu̱u̱, xúꞌkhue̱n máꞌ mbá xúgíí rí naꞌnii̱, Ana̱ꞌlóꞌ Mikhuíí naꞌne rí nagájnuu mújúun ne̱.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 39: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 39
39
José ga̱jma̱á a̱ꞌgui̱i̱ Potifár
1Ído̱ nigóó xa̱bo̱ mbo̱ ismaelíta̱ juya̱a̱ José ná Ejípto̱, ni̱ngu̱jua̱a̱ inuu Potifár xa̱bi̱i̱ máꞌ Faraón, tsí naꞌthán-ñájúún mbo̱ ku̱ra̱tuun ajua̱nꞌ, tsí nu̱ña̱wa̱án máꞌ. 2I̱ndo̱ó numuu rí Ana̱ꞌlóꞌ Mikhuíí xtáa ga̱jma̱á nindxu̱u̱ José, xúꞌkhue̱n máꞌ na̱ga̱ti̱ya̱a̱ꞌ mújúun rí naꞌnii̱ ná xtáa̱ goꞌóo ña̱ꞌñii̱ mbo̱ Ejípto̱. 3A̱ꞌkhue̱n ndiꞌyoo ña̱ꞌñii̱ rí Ana̱ꞌlóꞌ Mikhuíí xtáa ga̱jma̱á nindxu̱u̱, jamí mbá xúgíí rí naꞌnii̱, Ana̱ꞌlóꞌ Mikhuíí naꞌne rí na̱ga̱ti̱ya̱a̱ꞌ mújúun ne̱. 4Xkuaꞌnii neꞌne rí máján niyaxu̱u̱ José. Ikhaa jngó niꞌnii̱ rí ma̱nindxu̱u̱ yumbée̱ tsí phú ginii jayu, jamí xúꞌkhue̱n máꞌ niꞌnii̱ rí ikhaa gáru̱thuun mbá xúgíí ñajun ná goꞌóo̱. Ikhaa jngó nixnáxu̱u̱ mbá xúgíí rí gíꞌdoo̱. 5Asndo nákhí rí nixnáxu̱u̱ José rí maꞌthán-ñájuun goꞌóo̱ jamí mbá xúgíí rí gíꞌdoo̱, Ana̱ꞌlóꞌ Mikhuíí naꞌne tsakun-rámuu goꞌóo mbo̱ Ejípto̱ ga̱jma̱á numuu José. Xúꞌkhue̱n máꞌ Ana̱ꞌlóꞌ Mikhuíí neꞌne tsakun-rámuu mbá xúgíí rí gíꞌdoo̱, ná goꞌóo̱, xúꞌkhue̱n máꞌ ná mbaa gidu. 6Ikhaa jngó Potifár niniñuu mbá xúgíí rí gíꞌdoo̱ ná ñawúun José, jamí tsíꞌthán a̱kui̱i̱n nimbá rí nixnáxu̱u̱, i̱ndo̱ó máꞌ rí mi̱khui̱i̱ iꞌthán a̱kui̱i̱n.
Xómáꞌ José ja rá, tsiꞌyá jamí gúkú wáa giaxu̱u̱. 7Nda̱wa̱á wáa a̱ꞌkhue̱n a̱ꞌgui̱i̱ ña̱ꞌñii̱ ni̱ka̱ iduu inuu José, jamí niꞌthúu̱n xáꞌnii:
―Athabáaꞌ ga̱jma̱á-ni̱ndxu̱ꞌ.
8Xómáꞌ ikhaa̱ ra̱khóo̱, jamí niꞌthúu̱n:
―Nathayáá máꞌ rí ña̱ꞌñiꞌ tsíꞌthán a̱kui̱i̱n mbá jayuu eꞌne rí ríga̱ ná goꞌóo̱, numuu rí ikhaa̱ niniñuu̱ ná ñawúnꞌ mbá xúgíí rí gíꞌdoo̱. 9Ndawa̱a̱ i̱mba̱a̱ tsí gíꞌdoo numuu xóo rí ikhúúnꞌ ná guꞌwá ríge̱ꞌ. Ña̱ꞌñiꞌ tárekho̱ꞌ asndo nimbá rí ma̱xúgúgua̱, i̱ndo̱ó máꞌ ikháán, numuu rí a̱ꞌgui̱i̱ ñajuaanꞌ. Xáne-lá gáne̱ ikhúúnꞌ rí ma̱xu̱ꞌdá-mina̱ꞌ mba̱a̱ rí ra̱máján rá, xúꞌkhue̱n máꞌ ma̱xu̱ꞌdá-mina̱ꞌ aꞌkhán inuu Ana̱ꞌlóꞌ rá.
10Xómáꞌ a̱ꞌgo̱ mbámbá mbiꞌi naꞌthúun José, jamí ikhaa̱ tséꞌne-di̱i̱ rí ma̱bo̱o̱ꞌ ga̱jmáa̱, ni máꞌ rí ma̱xtáa̱ mijngi ga̱jmáa̱. 11Mbá mbiꞌi, ni̱to̱ꞌo̱o̱ José awúun guꞌwá rí ma̱ꞌnii̱ ñajun rí naꞌnii̱ jayuu̱, jamí ndawi̱i̱n nimbíin xa̱bo̱ tsí nuñajun ikhín. 12A̱ꞌkhue̱n rí a̱ꞌgo̱ niguatuun xtíñuu̱ jamí niꞌthúu̱n: «Athabáaꞌ ga̱jma̱á nindxu̱ꞌ re̱». A̱ꞌkhue̱n ikhaa̱ nigájnuu̱-ragáyuu̱, i̱ndo̱ó xtíñuu niwanúu ná ñawúun a̱ꞌgo̱.
13Ído̱ ndiꞌyoo a̱ꞌgo̱ rí niwanúu xtíñuu José ná ñawúu̱n jamí xúꞌkhue̱n máꞌ nigáyuu̱ rixa̱á, 14a̱ꞌkhue̱n nindxaꞌúu̱n tsí nuñajun ná guꞌwáá jamí niꞌthúu̱n: «Gu̱ya̱álaꞌ rí mbo̱ ebréo̱ tsí ni̱ꞌkha̱ jayáa a̱jmbeꞌ nandoo gáꞌne tsi̱ndiáánlóꞌ. Ni̱to̱ꞌo̱o̱ rí ma̱bo̱o̱ꞌ ga̱jma̱á nindxu̱ꞌ, i̱ndo̱ó ikhúúnꞌ ni̱ndxa̱ꞌwa̱-ská gakhe̱. 15Jamí ído̱ ndiꞌyoo̱ rí ikhúúnꞌ na̱ndxa̱ꞌwa̱-ská, asndo niniña-támee̱ xtíñuu̱ ge̱e̱, jamí nigájnuu̱-ragáyuu̱».
16Xómáꞌ ikhaa̱ niyáxi̱i̱ xtíñuu José asndo ni̱ga̱núu̱ xa̱bo̱ nikhi̱i̱ guꞌwáá. 17A̱ꞌkhue̱n rí a̱ꞌgo̱ niꞌthúu̱n ikhaa máꞌ ajngáa a̱jmbaa̱: «Yumbáá mbo̱ ebréo̱ tsí nidxa̱ꞌ ꞌcháa, ni̱ꞌkha̱ gáréye̱e̱ꞌ gamaku̱ꞌ. 18Jamí ído̱ ikhúúnꞌ ni̱ndxa̱ꞌwa̱-ská, xómáꞌ ikhaa̱ asndo niniña-támee̱ xtíñuu̱ ge̱e̱, jamí nigáyuu̱ rixa̱á».
19Ído̱ nidxawuun xa̱bo̱ nikhi̱i̱ rí xóo ni̱gu̱máá a̱ꞌgui̱i̱ neꞌne José, a̱ꞌkhue̱n rí phú nijiꞌnáa̱. 20A̱ꞌkhue̱n rí ña̱ꞌñii José niꞌthán rí ma̱ꞌgee̱ guéjua̱nꞌ, ná katiin máꞌ xa̱bo̱ tsí naxúdiin thúngaa mba̱a̱, jamí ikhín máꞌ ni̱gi̱de̱e̱ꞌ. 21Xómáꞌ Ana̱ꞌlóꞌ Mikhuíí xtáa ga̱jma̱á nindxu̱u̱ José, xúꞌkhue̱n máꞌ nañáwíin a̱kui̱i̱n jaꞌyoo̱. Ikhaa jngó niꞌnii̱ rí xa̱bo̱ tsí na̱ña̱wu̱u̱n guéjua̱nꞌ máján gáyaxu̱u̱ José. 22Jamí ikhaa xa̱bo̱ tsúꞌkhue̱n niꞌgíi José rí mbayá-ngawiin mbá xúgíin xa̱bo̱ tsí gatiin ná guéjua̱nꞌ rúꞌkhue̱n. Ikhaa̱ máꞌ iyaxu̱u̱ mbá xúgíí ñajun rí na̱gu̱ma ikhín. 23Jamí tséꞌyóo máꞌ rí mbayá-ngawii̱ asndo nimbá máꞌ rí nixnáxu̱u̱ ñawúun José. Numuu rí Ana̱ꞌlóꞌ Mikhuíí xtáa ga̱jma̱á nindxu̱u̱, xúꞌkhue̱n máꞌ mbá xúgíí rí naꞌnii̱, Ana̱ꞌlóꞌ Mikhuíí naꞌne rí nagájnuu mújúun ne̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.