XÓ NI̱GI̱ꞋDU̱U̱N-MUU 34
34
Ni̱gu̱ma-numa̱a̱ꞌ rí nigíꞌnuu Dína̱
1Mbá miꞌtsún nigájnuu Dína̱, a̱dée máꞌ Léa̱ ga̱jma̱á Jakób, ni̱ka̱ gáꞌñúú i̱jín-go̱ꞌo̱ tsí júwa̱ꞌ ná xuajen rúꞌkhue̱n. 2A̱ꞌkhue̱n waꞌyáa̱ eꞌne Sikém, a̱dée máꞌ Amór mbo̱ ebéo̱, tsí xa̱bo̱ ekha ná mbaa rúꞌkhue̱n. A̱ꞌkhue̱n Sikém ni̱ka̱ jayáa̱, jamí nibóo̱ꞌ ga̱jmáa̱, xúꞌkhue̱n máꞌ táyá-makuu̱. 3Phú ni̱ni̱gu̱u̱ꞌ jaꞌyoo̱ Dína̱, tsí a̱dée máꞌ Léa̱, jamí naꞌne a̱kui̱i̱n rí mbayáa̱, ikhaa jngó naꞌnii̱ rí dxáꞌgú ma̱go jiꞌyáa̱ gáꞌne mangaa. 4A̱ꞌkhue̱n rí Sikém niꞌthúun anu̱u̱: «A̱ta̱nda̱ꞌa̱a̱ tháan dxáꞌgú tsíge̱ꞌ rí ma̱ꞌne a̱ꞌgui̱ꞌlo̱ꞌ».
5Jakób nidxawuun máꞌ rí Sikém táyá-makuu Dína̱. Xómáꞌ i̱ji̱i̱n, júwa̱ꞌ xanáá gajmíí xu̱kú, ikhaa jngó táꞌthán máꞌ nimbá Jakób asndo gáguáꞌnuu̱ ikhii̱n. 6A̱ꞌkhue̱n rí Amór, anu̱u̱ máꞌ Sikém, ni̱ka̱ ga̱jmáa̱ dxáma rí mandxákuu̱n ga̱jmáa̱ Jakób. 7Ído̱ nidxawíín i̱ji̱i̱n Jakób rí niríga̱, niguwáa̱nꞌ ná júwe̱e̱ꞌ xanáá. Jamí phú natájuíin a̱kuíi̱n, xúꞌkhue̱n máꞌ phú najiꞌníi̱, numuu rí Sikém neꞌne rí ra̱máján inuu Israél rí nibóo̱ꞌ ga̱jmáa̱ a̱dée Jakób, numuu rí ra̱gíꞌmaa ma̱ꞌnii̱ ninguánáá rúꞌkhue̱n. 8A̱ꞌkhue̱n rí Amór niꞌthán-míjná gajmíi̱:
―A̱ꞌdéꞌ Sikém rí phú na̱ni̱gu̱u̱ꞌ jaꞌyoo a̱ꞌdeálaꞌ. Na̱tha̱n-jáñalaꞌ rí mu̱xna̱a̱laꞌ rí ma̱ꞌne a̱ꞌgui̱i̱. 9A̱go̱ꞌne̱ mijngi juꞌya-mi̱jna̱lóꞌ, a̱gu̱xni̱i̱laꞌ i̱jia̱nꞌlaꞌ tsí go̱ꞌo̱, xúꞌkhue̱n máꞌ a̱gu̱diinlaꞌ i̱jia̱nꞌxo̱ꞌ. 10Ga̱juwalaꞌ ga̱jma̱á nindxa̱ꞌxo̱ꞌ, numuu rí ri̱ga̱ a̱pha̱ mbaa ná ñawánlaꞌ. Ga̱juwalaꞌ inuu ne̱, xúꞌkhue̱n máꞌ a̱go̱tse̱laꞌ, gu̱ngu̱jua̱laꞌ ge̱jioꞌ. Jamí a̱gu̱daa̱laꞌ mbaa ríge̱ꞌ.
11Sikém niꞌthúun anu̱u̱ Dína̱, xúꞌkhue̱n máꞌ díye̱e̱ mangaa:
―Phú na̱tha̱n-jáñalaꞌ rí mu̱drígúúnlaꞌ, jngó ma̱xna̱ꞌlaꞌ asndo náá rí i̱ndo̱ꞌo̱ꞌlaꞌ. 12Gu̱nda̱ꞌo̱ꞌlaꞌ nguátha̱ máꞌ mba̱a̱ rí naꞌne a̱kia̱nꞌlaꞌ, xúꞌkhue̱n máꞌ tsi̱gi̱jia̱nꞌ, jamí ikhúúnꞌ ma̱xna̱ꞌlaꞌ. I̱ndo̱ó numuu rí gu̱xna̱a̱laꞌ dxáꞌgú rí mba̱ya̱a̱ ma̱ꞌne a̱ꞌgui̱ꞌ.
13A̱ꞌkhue̱n rí ni̱ri̱ꞌñaa̱ i̱ji̱i̱n Jakób rí nitháa̱n Sikém ga̱jma̱á anu̱u̱, nitháa̱n ga̱jma̱á ajngáa mi̱nduwa, numuu rí tíꞌyá-makuíí dxáguíi̱n. 14Xáꞌnii nitháa̱n:
―Ma̱xáxóo mo̱ne̱xo̱ꞌ rúꞌkhue̱n, rí mu̱xna̱a̱xo̱ꞌ dxágiáxo̱ꞌ mbáa xa̱bo̱ tsí ra̱gíꞌdoo tsina-jndi, numuu rí mbá mate̱ꞌ mba̱a̱ ñajuun ne̱ inaxo̱ꞌ. 15Mbóó rí ma̱goo ma̱ꞌne xúꞌkhue̱n rá, rí ma̱nindxa̱ꞌlaꞌ xóo rí ikháa̱nꞌxo̱ꞌ. Mbá xúgíin xa̱bekha tsí ikháa̱nꞌlaꞌ, jaꞌyoo rí mu̱guaꞌdáá tsina-jndi. 16A̱ꞌkhue̱n rí mu̱xni̱i̱xo̱ꞌ i̱jia̱nꞌxo̱ꞌ tsí go̱ꞌo̱, jamí mu̱díinxo̱ꞌ i̱jia̱nꞌlaꞌ. A̱ꞌkhue̱n rí ma̱júwa̱ꞌxo̱ꞌ ga̱jma̱á nindxa̱ꞌlaꞌ jamí mbóó máꞌ xuajen gúꞌne̱lóꞌ xúꞌkhue̱n rá. 17I̱ndo̱ó-lá xí tsídxawíínlaꞌ rí mu̱drígúlaꞌ tsina-jndi, mbu̱ya̱a̱xo̱ꞌ dxágiáxo̱ꞌ jamí mu̱ꞌguáxo̱ꞌ.
18Jamí máján máꞌ jaꞌnii ajngúu̱n ndiꞌyoo Amór ga̱jma̱á Sikém. 19Ikhaa jngó tágajiúu máꞌ neꞌne-mbánuu dxáma rí waꞌtháán, numuu rí phú na̱ni̱gu̱u̱ꞌ jaꞌyoo̱ a̱dée Jakób. Jamí Sikém i̱wa̱á nitia-makuíí ene̱ xa̱bo̱ inúú mbá xúgíin a̱ngui̱i̱n, 20ikhaa jngó ni̱ke̱e̱ ga̱jmáa̱ anu̱u̱ ná rawuun xuajen ná na̱tu̱ꞌúún-múú xa̱bo̱. A̱ꞌkhue̱n nithúu̱n xa̱bo̱ xuajen:
21―Xa̱bekha májíin ñajúún xa̱bo̱ tsíge̱ꞌ ga̱jma̱á nindxa̱ꞌlóꞌ, ikhaa jngó ga̱ju̱wée̱ꞌ máꞌ ná xuajianlóꞌ jamí gutsi̱i̱, ga̱ngu̱juwe̱e̱ ge̱e̱. Numuu rí mbájndi ma̱jia̱nꞌ inuu mbaa ná rí ma̱ju̱wée̱ꞌ ikhii̱n. Xómáꞌ ikháánlóꞌ mu̱ꞌdiinlóꞌ i̱jíi̱n rí ma̱ꞌne gu̱ꞌya̱ꞌlóꞌ, jamí mu̱ꞌxníinlóꞌ i̱jia̱nꞌlóꞌ mangii̱n. 22Mbóó ríge̱ꞌ rí nuthan xa̱bo̱ tsíge̱ꞌ rí ma̱goo ma̱ju̱wée̱ꞌ ga̱jma̱á nindxa̱ꞌlóꞌ, jamí ma̱nindxa̱ꞌlóꞌ mbóó máꞌ xuajen: rí mbá xúgiáánlóꞌ tsáán ñajuanlóꞌ xa̱bekha mu̱guaꞌdáálóꞌ tsina-jndi, xóo rí kuaꞌdáa̱ ne̱ ikhii̱n. 23I̱ndo̱ó máꞌ rí ndaꞌyóo mo̱ꞌne̱lóꞌ rí nothee̱n ikhii̱n, a̱ꞌkhue̱n rí ma̱ju̱wée̱ꞌ ga̱jma̱á nindxa̱ꞌlóꞌ. Xúꞌkhue̱n máꞌ mbá xúgíin xu̱kuíi̱n ga̱jma̱á rí kuaꞌdáa̱, ma̱ꞌne dríga̱ꞌ-málóꞌ.
24Mbá xúgíin xa̱bo̱ xuajen ninimbu̱ún rí niꞌthán Amór ga̱jma̱á Sikém. Xkuaꞌnii neꞌne rí mbá xúgíin xa̱bekha ná xuajen rúꞌkhue̱n ni̱dri̱gú tsina-jndi. 25Ni̱ga̱nú mbiꞌi riatsú, ído̱ rí i̱tháan naꞌkho̱ iyáá xa̱bo̱, a̱ꞌkhue̱n rí a̱jmi̱i̱ i̱ji̱i̱n Jakób, Simeón ga̱jma̱á Lebí, díye̱e̱ máꞌ Dína̱, mbámbáa ndiyá chíde̱. A̱ꞌkhue̱n rí nigóo̱ ná xuajen, ído̱ rí ra̱júwa̱ꞌ xawi xa̱bo̱, jamí niradíi̱n mbá xúgíin xa̱bekha. 26Xúꞌkhue̱n máꞌ ga̱jma̱á chíde̱ ni̱xi̱ya̱a̱ Amór ga̱jma̱á Sikém, jamí ni̱ri̱ya̱a̱ꞌ Dína̱ ná goꞌóo Sikém. A̱ꞌkhue̱n rí nigúu̱n. 27A̱ꞌkhue̱n niguáꞌnú iꞌwíin i̱ji̱i̱n Jakób ná jubúún wa̱jen. A̱ꞌkhue̱n nirawíi̱ mbá xúgíí rí ríga̱ ná xuajen, ga̱jma̱á numuu rí tíꞌyá-makuíí dxáguíi̱n. 28Nigó judii̱n mogo̱, xede̱ jamí xtá-ngidi, jamí asndo nguátha̱ rí ríga̱ ná awúun xuajen xúꞌkhue̱n máꞌ rí ríga̱ ná xanáá. 29Nigó judii̱n mbá xúgíin e̱je̱n, go̱ꞌo̱, xúꞌkhue̱n máꞌ nene̱ ku̱ꞌwée̱ mbá xúgíí rí ríga̱ ná guꞌwáá, mbá xúgíí máꞌ jayu rí kuaꞌdáa̱.
30A̱ꞌkhue̱n rí Jakób niꞌthúun Simeón ga̱jma̱á Lebí:
―Ni̱gíwu̱únlaꞌ awúun mbá sia̱nꞌ, rí ná-xáxúún xa̱bo̱ gúye̱ꞌ ná numbaa ríge̱ꞌ, mbo̱ kananéo̱ jamí mbo̱ fereséo̱. Jamí xí ikhii̱n gámbáxíi̱n rí ma̱guwée̱ꞌ gúxne̱ꞌ, a̱ꞌkhue̱n rí mu̱xi̱ñúu̱ jamí mbá xúgíin xa̱bi̱ꞌ, numuu rí ra̱mbaꞌiin máꞌ xa̱bi̱ꞌ ikhúúnꞌ.
31Xómáꞌ ikhii̱n ni̱ri̱ꞌñaa̱:
―Á máján rí niꞌñuu̱ dxáguiáxo̱ꞌ xóo na̱gu̱maa mbáa a̱ꞌgo̱ tsí na̱ngu̱jua̱-mina̱ꞌ rá dxe̱ꞌ.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 34: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 34
34
Ni̱gu̱ma-numa̱a̱ꞌ rí nigíꞌnuu Dína̱
1Mbá miꞌtsún nigájnuu Dína̱, a̱dée máꞌ Léa̱ ga̱jma̱á Jakób, ni̱ka̱ gáꞌñúú i̱jín-go̱ꞌo̱ tsí júwa̱ꞌ ná xuajen rúꞌkhue̱n. 2A̱ꞌkhue̱n waꞌyáa̱ eꞌne Sikém, a̱dée máꞌ Amór mbo̱ ebéo̱, tsí xa̱bo̱ ekha ná mbaa rúꞌkhue̱n. A̱ꞌkhue̱n Sikém ni̱ka̱ jayáa̱, jamí nibóo̱ꞌ ga̱jmáa̱, xúꞌkhue̱n máꞌ táyá-makuu̱. 3Phú ni̱ni̱gu̱u̱ꞌ jaꞌyoo̱ Dína̱, tsí a̱dée máꞌ Léa̱, jamí naꞌne a̱kui̱i̱n rí mbayáa̱, ikhaa jngó naꞌnii̱ rí dxáꞌgú ma̱go jiꞌyáa̱ gáꞌne mangaa. 4A̱ꞌkhue̱n rí Sikém niꞌthúun anu̱u̱: «A̱ta̱nda̱ꞌa̱a̱ tháan dxáꞌgú tsíge̱ꞌ rí ma̱ꞌne a̱ꞌgui̱ꞌlo̱ꞌ».
5Jakób nidxawuun máꞌ rí Sikém táyá-makuu Dína̱. Xómáꞌ i̱ji̱i̱n, júwa̱ꞌ xanáá gajmíí xu̱kú, ikhaa jngó táꞌthán máꞌ nimbá Jakób asndo gáguáꞌnuu̱ ikhii̱n. 6A̱ꞌkhue̱n rí Amór, anu̱u̱ máꞌ Sikém, ni̱ka̱ ga̱jmáa̱ dxáma rí mandxákuu̱n ga̱jmáa̱ Jakób. 7Ído̱ nidxawíín i̱ji̱i̱n Jakób rí niríga̱, niguwáa̱nꞌ ná júwe̱e̱ꞌ xanáá. Jamí phú natájuíin a̱kuíi̱n, xúꞌkhue̱n máꞌ phú najiꞌníi̱, numuu rí Sikém neꞌne rí ra̱máján inuu Israél rí nibóo̱ꞌ ga̱jmáa̱ a̱dée Jakób, numuu rí ra̱gíꞌmaa ma̱ꞌnii̱ ninguánáá rúꞌkhue̱n. 8A̱ꞌkhue̱n rí Amór niꞌthán-míjná gajmíi̱:
―A̱ꞌdéꞌ Sikém rí phú na̱ni̱gu̱u̱ꞌ jaꞌyoo a̱ꞌdeálaꞌ. Na̱tha̱n-jáñalaꞌ rí mu̱xna̱a̱laꞌ rí ma̱ꞌne a̱ꞌgui̱i̱. 9A̱go̱ꞌne̱ mijngi juꞌya-mi̱jna̱lóꞌ, a̱gu̱xni̱i̱laꞌ i̱jia̱nꞌlaꞌ tsí go̱ꞌo̱, xúꞌkhue̱n máꞌ a̱gu̱diinlaꞌ i̱jia̱nꞌxo̱ꞌ. 10Ga̱juwalaꞌ ga̱jma̱á nindxa̱ꞌxo̱ꞌ, numuu rí ri̱ga̱ a̱pha̱ mbaa ná ñawánlaꞌ. Ga̱juwalaꞌ inuu ne̱, xúꞌkhue̱n máꞌ a̱go̱tse̱laꞌ, gu̱ngu̱jua̱laꞌ ge̱jioꞌ. Jamí a̱gu̱daa̱laꞌ mbaa ríge̱ꞌ.
11Sikém niꞌthúun anu̱u̱ Dína̱, xúꞌkhue̱n máꞌ díye̱e̱ mangaa:
―Phú na̱tha̱n-jáñalaꞌ rí mu̱drígúúnlaꞌ, jngó ma̱xna̱ꞌlaꞌ asndo náá rí i̱ndo̱ꞌo̱ꞌlaꞌ. 12Gu̱nda̱ꞌo̱ꞌlaꞌ nguátha̱ máꞌ mba̱a̱ rí naꞌne a̱kia̱nꞌlaꞌ, xúꞌkhue̱n máꞌ tsi̱gi̱jia̱nꞌ, jamí ikhúúnꞌ ma̱xna̱ꞌlaꞌ. I̱ndo̱ó numuu rí gu̱xna̱a̱laꞌ dxáꞌgú rí mba̱ya̱a̱ ma̱ꞌne a̱ꞌgui̱ꞌ.
13A̱ꞌkhue̱n rí ni̱ri̱ꞌñaa̱ i̱ji̱i̱n Jakób rí nitháa̱n Sikém ga̱jma̱á anu̱u̱, nitháa̱n ga̱jma̱á ajngáa mi̱nduwa, numuu rí tíꞌyá-makuíí dxáguíi̱n. 14Xáꞌnii nitháa̱n:
―Ma̱xáxóo mo̱ne̱xo̱ꞌ rúꞌkhue̱n, rí mu̱xna̱a̱xo̱ꞌ dxágiáxo̱ꞌ mbáa xa̱bo̱ tsí ra̱gíꞌdoo tsina-jndi, numuu rí mbá mate̱ꞌ mba̱a̱ ñajuun ne̱ inaxo̱ꞌ. 15Mbóó rí ma̱goo ma̱ꞌne xúꞌkhue̱n rá, rí ma̱nindxa̱ꞌlaꞌ xóo rí ikháa̱nꞌxo̱ꞌ. Mbá xúgíin xa̱bekha tsí ikháa̱nꞌlaꞌ, jaꞌyoo rí mu̱guaꞌdáá tsina-jndi. 16A̱ꞌkhue̱n rí mu̱xni̱i̱xo̱ꞌ i̱jia̱nꞌxo̱ꞌ tsí go̱ꞌo̱, jamí mu̱díinxo̱ꞌ i̱jia̱nꞌlaꞌ. A̱ꞌkhue̱n rí ma̱júwa̱ꞌxo̱ꞌ ga̱jma̱á nindxa̱ꞌlaꞌ jamí mbóó máꞌ xuajen gúꞌne̱lóꞌ xúꞌkhue̱n rá. 17I̱ndo̱ó-lá xí tsídxawíínlaꞌ rí mu̱drígúlaꞌ tsina-jndi, mbu̱ya̱a̱xo̱ꞌ dxágiáxo̱ꞌ jamí mu̱ꞌguáxo̱ꞌ.
18Jamí máján máꞌ jaꞌnii ajngúu̱n ndiꞌyoo Amór ga̱jma̱á Sikém. 19Ikhaa jngó tágajiúu máꞌ neꞌne-mbánuu dxáma rí waꞌtháán, numuu rí phú na̱ni̱gu̱u̱ꞌ jaꞌyoo̱ a̱dée Jakób. Jamí Sikém i̱wa̱á nitia-makuíí ene̱ xa̱bo̱ inúú mbá xúgíin a̱ngui̱i̱n, 20ikhaa jngó ni̱ke̱e̱ ga̱jmáa̱ anu̱u̱ ná rawuun xuajen ná na̱tu̱ꞌúún-múú xa̱bo̱. A̱ꞌkhue̱n nithúu̱n xa̱bo̱ xuajen:
21―Xa̱bekha májíin ñajúún xa̱bo̱ tsíge̱ꞌ ga̱jma̱á nindxa̱ꞌlóꞌ, ikhaa jngó ga̱ju̱wée̱ꞌ máꞌ ná xuajianlóꞌ jamí gutsi̱i̱, ga̱ngu̱juwe̱e̱ ge̱e̱. Numuu rí mbájndi ma̱jia̱nꞌ inuu mbaa ná rí ma̱ju̱wée̱ꞌ ikhii̱n. Xómáꞌ ikháánlóꞌ mu̱ꞌdiinlóꞌ i̱jíi̱n rí ma̱ꞌne gu̱ꞌya̱ꞌlóꞌ, jamí mu̱ꞌxníinlóꞌ i̱jia̱nꞌlóꞌ mangii̱n. 22Mbóó ríge̱ꞌ rí nuthan xa̱bo̱ tsíge̱ꞌ rí ma̱goo ma̱ju̱wée̱ꞌ ga̱jma̱á nindxa̱ꞌlóꞌ, jamí ma̱nindxa̱ꞌlóꞌ mbóó máꞌ xuajen: rí mbá xúgiáánlóꞌ tsáán ñajuanlóꞌ xa̱bekha mu̱guaꞌdáálóꞌ tsina-jndi, xóo rí kuaꞌdáa̱ ne̱ ikhii̱n. 23I̱ndo̱ó máꞌ rí ndaꞌyóo mo̱ꞌne̱lóꞌ rí nothee̱n ikhii̱n, a̱ꞌkhue̱n rí ma̱ju̱wée̱ꞌ ga̱jma̱á nindxa̱ꞌlóꞌ. Xúꞌkhue̱n máꞌ mbá xúgíin xu̱kuíi̱n ga̱jma̱á rí kuaꞌdáa̱, ma̱ꞌne dríga̱ꞌ-málóꞌ.
24Mbá xúgíin xa̱bo̱ xuajen ninimbu̱ún rí niꞌthán Amór ga̱jma̱á Sikém. Xkuaꞌnii neꞌne rí mbá xúgíin xa̱bekha ná xuajen rúꞌkhue̱n ni̱dri̱gú tsina-jndi. 25Ni̱ga̱nú mbiꞌi riatsú, ído̱ rí i̱tháan naꞌkho̱ iyáá xa̱bo̱, a̱ꞌkhue̱n rí a̱jmi̱i̱ i̱ji̱i̱n Jakób, Simeón ga̱jma̱á Lebí, díye̱e̱ máꞌ Dína̱, mbámbáa ndiyá chíde̱. A̱ꞌkhue̱n rí nigóo̱ ná xuajen, ído̱ rí ra̱júwa̱ꞌ xawi xa̱bo̱, jamí niradíi̱n mbá xúgíin xa̱bekha. 26Xúꞌkhue̱n máꞌ ga̱jma̱á chíde̱ ni̱xi̱ya̱a̱ Amór ga̱jma̱á Sikém, jamí ni̱ri̱ya̱a̱ꞌ Dína̱ ná goꞌóo Sikém. A̱ꞌkhue̱n rí nigúu̱n. 27A̱ꞌkhue̱n niguáꞌnú iꞌwíin i̱ji̱i̱n Jakób ná jubúún wa̱jen. A̱ꞌkhue̱n nirawíi̱ mbá xúgíí rí ríga̱ ná xuajen, ga̱jma̱á numuu rí tíꞌyá-makuíí dxáguíi̱n. 28Nigó judii̱n mogo̱, xede̱ jamí xtá-ngidi, jamí asndo nguátha̱ rí ríga̱ ná awúun xuajen xúꞌkhue̱n máꞌ rí ríga̱ ná xanáá. 29Nigó judii̱n mbá xúgíin e̱je̱n, go̱ꞌo̱, xúꞌkhue̱n máꞌ nene̱ ku̱ꞌwée̱ mbá xúgíí rí ríga̱ ná guꞌwáá, mbá xúgíí máꞌ jayu rí kuaꞌdáa̱.
30A̱ꞌkhue̱n rí Jakób niꞌthúun Simeón ga̱jma̱á Lebí:
―Ni̱gíwu̱únlaꞌ awúun mbá sia̱nꞌ, rí ná-xáxúún xa̱bo̱ gúye̱ꞌ ná numbaa ríge̱ꞌ, mbo̱ kananéo̱ jamí mbo̱ fereséo̱. Jamí xí ikhii̱n gámbáxíi̱n rí ma̱guwée̱ꞌ gúxne̱ꞌ, a̱ꞌkhue̱n rí mu̱xi̱ñúu̱ jamí mbá xúgíin xa̱bi̱ꞌ, numuu rí ra̱mbaꞌiin máꞌ xa̱bi̱ꞌ ikhúúnꞌ.
31Xómáꞌ ikhii̱n ni̱ri̱ꞌñaa̱:
―Á máján rí niꞌñuu̱ dxáguiáxo̱ꞌ xóo na̱gu̱maa mbáa a̱ꞌgo̱ tsí na̱ngu̱jua̱-mina̱ꞌ rá dxe̱ꞌ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.