XÓ NI̱GI̱ꞋDU̱U̱N-MUU 2
2
1Xkuaꞌnii jaꞌnii wáxe̱ mikhu ga̱jma̱á ju̱ba̱ꞌ, jamí mbá xúgíí rí ríga̱ ná numbaa. 2Mbiꞌi tijuan, wáxu̱u̱ Ana̱ꞌlóꞌ mbá xúgíí ñajun rí neꞌne, jamí ndiyáa̱ xu̱u̱ꞌ mbiꞌi rúꞌkhue̱n. 3Ana̱ꞌlóꞌ neꞌne tsakun-rámuu mbiꞌi tijuan, jamí neꞌne tsúꞌkhoo̱ ne̱, numuu rí mbiꞌi rúꞌkhue̱n ndiyáa̱ xu̱u̱ꞌ rí wáxu̱u̱ rí neꞌne ku̱maa̱ mbá xúgíí. 4Xúꞌkhue̱n jaꞌnii ni̱gi̱ꞌdu̱u̱n niríga̱ mikhu ga̱jma̱á ju̱ba̱ꞌ, nákhí rí ni̱gu̱ma-ku̱maa ne̱.
Xóo nixtáa xa̱bo̱ ná mbaa ixe̱ mitsaan
Mbiꞌi rí Ana̱ꞌlóꞌ Mikhuíí neꞌne ju̱ba̱ꞌ ga̱jma̱á mikhu, 5asndo nimbá ixe̱ xóó nda̱a̱ inuu ju̱ba̱ꞌ, ni máꞌ iná xóó tájráꞌán. Numuu rí Ana̱ꞌlóꞌ Mikhuíí xóó táꞌne rí ma̱ꞌne ruꞌwa inuu ju̱ba̱ꞌ, xúꞌkhue̱n máꞌ xóó ndawa̱a̱ xa̱bo̱ tsí mañajun inuu ne̱. 6I̱ndo̱ó máꞌ najráꞌáan iya rí nargíyu̱u̱ꞌ mbá xúgíí inuu mbaa. 7A̱ꞌkhue̱n rí Ana̱ꞌlóꞌ Mikhuíí niꞌnii xa̱bo̱ ga̱jma̱á yujndo̱o̱ꞌ ju̱ba̱ꞌ, jamí nindiyuu̱ rakhóo rí nigíwe̱e̱nꞌ xe̱ꞌ rí ndaꞌya. Xkuaꞌnii neꞌne rí ninindxu̱u̱ xa̱bo̱ ndaꞌya ñajuu̱n.
8A̱ꞌkhue̱n rí Ana̱ꞌlóꞌ Mikhuíí neꞌne mbá mbaa ná niꞌdii̱ ixe̱ mitsaan, ná mbaa Edén, ná na̱ꞌkha̱ a̱kha̱ꞌ. Ikhín nigíwa̱a̱nꞌ xa̱bo̱ tsí niꞌnii̱. 9Ana̱ꞌlóꞌ Mikhuíí neꞌne rí mba̱ꞌya mbá xúgíí inii ixe̱ rí phú mitsaan, rí naxná xndúu rí máján ndasko̱ꞌ me̱kho̱ xa̱bo̱. Ná ti̱kua̱pho̱o̱ mbaa ixe̱ mitsaan, niꞌnii̱ rí ma̱jráꞌán mbá ixe̱ rí naꞌne ma̱ju̱wá jámuu xa̱bo̱, jamí niꞌnii̱ rí ma̱jráꞌán mangaa ixe̱ rí naꞌne mone̱-nuwiin xa̱bo̱ rí máján jamí rí ra̱máján.
10Ná Edén máꞌ nagájnuu mbá mañuu rí nargíyu̱u̱ꞌ mbaa ixe̱ mitsaan, jamí ikhín máꞌ nawiꞌtháa akho̱ ñawúun ne̱. 11Rí timbá mbiꞌyuu Pisón. Ikhaa rúꞌkhue̱n nawa̱a̱ ri̱ga̱a ne̱ mbá xúgíí mbaa rí mbiꞌyuu Abíla̱, ná ríga̱ itsúu ajua̱nꞌ rí mo̱jmo̱ꞌ. 12Ajua̱nꞌ rí mo̱jmo̱ꞌ rí ríga̱ ná mbaa rúꞌkhue̱n rí phú máján. Jamí ikhín ríga̱ wájia rí phú máján mangaa, xúꞌkhue̱n máꞌ ríga̱ itsí tsíꞌtsún. 13Mañuu rí riajma̱ mbiꞌyuu Jión, jamí nawa̱a̱ ri̱ga̱a ne̱ mbá xúgíí mbaa rí mbiꞌyuu Kús. 14Mañuu rí riatsú mbiꞌyuu Idekél,#2.14 Ná ajngáa ebréo̱, mañuu «Tígri̱s» mbiꞌyuu «Idekél». rí na̱ka̱ ne̱ ná na̱ꞌkha̱ a̱kha̱ꞌ rawuun mbayuu Asíria̱. Jamí mañuu rí riakho̱ mbiꞌyuu Éufra̱te̱s.
15Ana̱ꞌlóꞌ Mikhuíí ni̱ka̱ jayáa xa̱bo̱ jamí nigíwa̱a̱nꞌ ná mbaa ixe̱ mitsaan ná Edén, rí mañajuii̱n jamí ma̱ña̱wu̱u̱n ne̱. 16Xómáꞌ Ana̱ꞌlóꞌ Mikhuíí nixná-ñájúu̱n xa̱bo̱: «Ma̱goo me̱ꞌtso mbá xúgíí xndúu ixe̱ mbaa mitsaan. 17I̱ndo̱ó xndúu ixe̱ rí ma̱tha̱ne̱-núwíin rí máján jamí rí ra̱máján, ma̱xéꞌtso-lá ne̱. Mbiꞌi rí me̱ꞌtso ne̱, gakon rí ma̱ja̱ñáaꞌ».
18A̱ꞌkhue̱n niꞌthán Ana̱ꞌlóꞌ Mikhuíí: «Ra̱máján ma̱xtáa xa̱biya̱ mbáwíi. Ma̱ni̱i̱ mbáa tsí phú jaꞌyoo rí mitambáyíi̱ gáꞌne». 19Ana̱ꞌlóꞌ Mikhuíí niꞌnii mbá xúgíin xu̱kú ga̱jma̱á ju̱ba̱ꞌ, xúꞌkhue̱n máꞌ xúgíin ño̱ꞌo̱n mangiin. A̱ꞌkhue̱n rí ni̱ꞌkha̱ jagu̱u̱n xúgíin xu̱kú inuu Adán ikhaa jngó mba̱ꞌyoo̱ xáne gáxnée̱ mbiꞌyuu mbámbáa. Rí mbiꞌyuu mbámbáa xu̱kú rí nixná Adán, ikhaa máꞌ ñajuun mbiꞌñúu̱. 20A̱ꞌkhue̱n rí Adán nixnúu mbiꞌyuu mbámbáa xu̱kú kiraꞌda jamí xu̱kú-xáná, xúꞌkhue̱n máꞌ ño̱ꞌo̱n mangiin. I̱ndo̱ó numuu rí na̱nguá nikujmaa tsí mitambáyíí Adán gáꞌne xóo rí phú jaꞌyoo.
21A̱ꞌkhue̱n rí Ana̱ꞌlóꞌ Mikhuíí neꞌne rí mi̱gu me̱do̱ mi̱ndaꞌkho Adán. Awúun rí niꞌguii̱, a̱ꞌkhue̱n niríye̱e̱ꞌ mbá itso̱ xo̱xto̱o̱, xúꞌkhue̱n máꞌ nirugua̱a̱ ná niríye̱e̱ꞌ itso̱. 22Itso̱ xo̱xto̱o̱ xa̱biya̱ rí niríya̱ꞌ Ana̱ꞌlóꞌ Mikhuíí, ikhaa ne̱ niꞌnii̱ mbáa a̱ꞌgo̱, jamí ni̱ꞌkha̱ jayáa̱ inuu xa̱biya̱. 23A̱ꞌkhue̱n niꞌthán Adán: «Tsíge̱ꞌ tsí phú gakon rí ikhaa xuyu̱ꞌ ñajuun rá, jamí ikhaa máꞌ itsu̱ꞌ ñajuu̱n. Ma̱ꞌne mbiꞌyuu̱ “a̱ꞌgo̱”, numuu rí nigájnuu̱ ná xo̱xto̱o̱ xa̱biya̱».#2.23 Ná ajngáa ebréo̱, ajngáa «a̱ꞌgo̱» nawán xó iwán wáa ajngáa «xa̱biya̱».
24Ikhaa jngó xa̱biya̱ naniñuu anu̱u̱ jamí ru̱dúu rí ma̱mba̱xúu̱ ga̱jmáa̱ a̱ꞌgui̱i̱, jamí naꞌni̱i̱ i̱mba̱wíi xa̱bo̱ ñajúu̱n.
25Xómáꞌ Adán ga̱jma̱á a̱ꞌgui̱i̱ ná-a̱jmi̱i̱ tsaꞌtsii̱n, xúꞌkhue̱n máꞌ tsíti̱ñúu̱.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 2: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 2
2
1Xkuaꞌnii jaꞌnii wáxe̱ mikhu ga̱jma̱á ju̱ba̱ꞌ, jamí mbá xúgíí rí ríga̱ ná numbaa. 2Mbiꞌi tijuan, wáxu̱u̱ Ana̱ꞌlóꞌ mbá xúgíí ñajun rí neꞌne, jamí ndiyáa̱ xu̱u̱ꞌ mbiꞌi rúꞌkhue̱n. 3Ana̱ꞌlóꞌ neꞌne tsakun-rámuu mbiꞌi tijuan, jamí neꞌne tsúꞌkhoo̱ ne̱, numuu rí mbiꞌi rúꞌkhue̱n ndiyáa̱ xu̱u̱ꞌ rí wáxu̱u̱ rí neꞌne ku̱maa̱ mbá xúgíí. 4Xúꞌkhue̱n jaꞌnii ni̱gi̱ꞌdu̱u̱n niríga̱ mikhu ga̱jma̱á ju̱ba̱ꞌ, nákhí rí ni̱gu̱ma-ku̱maa ne̱.
Xóo nixtáa xa̱bo̱ ná mbaa ixe̱ mitsaan
Mbiꞌi rí Ana̱ꞌlóꞌ Mikhuíí neꞌne ju̱ba̱ꞌ ga̱jma̱á mikhu, 5asndo nimbá ixe̱ xóó nda̱a̱ inuu ju̱ba̱ꞌ, ni máꞌ iná xóó tájráꞌán. Numuu rí Ana̱ꞌlóꞌ Mikhuíí xóó táꞌne rí ma̱ꞌne ruꞌwa inuu ju̱ba̱ꞌ, xúꞌkhue̱n máꞌ xóó ndawa̱a̱ xa̱bo̱ tsí mañajun inuu ne̱. 6I̱ndo̱ó máꞌ najráꞌáan iya rí nargíyu̱u̱ꞌ mbá xúgíí inuu mbaa. 7A̱ꞌkhue̱n rí Ana̱ꞌlóꞌ Mikhuíí niꞌnii xa̱bo̱ ga̱jma̱á yujndo̱o̱ꞌ ju̱ba̱ꞌ, jamí nindiyuu̱ rakhóo rí nigíwe̱e̱nꞌ xe̱ꞌ rí ndaꞌya. Xkuaꞌnii neꞌne rí ninindxu̱u̱ xa̱bo̱ ndaꞌya ñajuu̱n.
8A̱ꞌkhue̱n rí Ana̱ꞌlóꞌ Mikhuíí neꞌne mbá mbaa ná niꞌdii̱ ixe̱ mitsaan, ná mbaa Edén, ná na̱ꞌkha̱ a̱kha̱ꞌ. Ikhín nigíwa̱a̱nꞌ xa̱bo̱ tsí niꞌnii̱. 9Ana̱ꞌlóꞌ Mikhuíí neꞌne rí mba̱ꞌya mbá xúgíí inii ixe̱ rí phú mitsaan, rí naxná xndúu rí máján ndasko̱ꞌ me̱kho̱ xa̱bo̱. Ná ti̱kua̱pho̱o̱ mbaa ixe̱ mitsaan, niꞌnii̱ rí ma̱jráꞌán mbá ixe̱ rí naꞌne ma̱ju̱wá jámuu xa̱bo̱, jamí niꞌnii̱ rí ma̱jráꞌán mangaa ixe̱ rí naꞌne mone̱-nuwiin xa̱bo̱ rí máján jamí rí ra̱máján.
10Ná Edén máꞌ nagájnuu mbá mañuu rí nargíyu̱u̱ꞌ mbaa ixe̱ mitsaan, jamí ikhín máꞌ nawiꞌtháa akho̱ ñawúun ne̱. 11Rí timbá mbiꞌyuu Pisón. Ikhaa rúꞌkhue̱n nawa̱a̱ ri̱ga̱a ne̱ mbá xúgíí mbaa rí mbiꞌyuu Abíla̱, ná ríga̱ itsúu ajua̱nꞌ rí mo̱jmo̱ꞌ. 12Ajua̱nꞌ rí mo̱jmo̱ꞌ rí ríga̱ ná mbaa rúꞌkhue̱n rí phú máján. Jamí ikhín ríga̱ wájia rí phú máján mangaa, xúꞌkhue̱n máꞌ ríga̱ itsí tsíꞌtsún. 13Mañuu rí riajma̱ mbiꞌyuu Jión, jamí nawa̱a̱ ri̱ga̱a ne̱ mbá xúgíí mbaa rí mbiꞌyuu Kús. 14Mañuu rí riatsú mbiꞌyuu Idekél,#2.14 Ná ajngáa ebréo̱, mañuu «Tígri̱s» mbiꞌyuu «Idekél». rí na̱ka̱ ne̱ ná na̱ꞌkha̱ a̱kha̱ꞌ rawuun mbayuu Asíria̱. Jamí mañuu rí riakho̱ mbiꞌyuu Éufra̱te̱s.
15Ana̱ꞌlóꞌ Mikhuíí ni̱ka̱ jayáa xa̱bo̱ jamí nigíwa̱a̱nꞌ ná mbaa ixe̱ mitsaan ná Edén, rí mañajuii̱n jamí ma̱ña̱wu̱u̱n ne̱. 16Xómáꞌ Ana̱ꞌlóꞌ Mikhuíí nixná-ñájúu̱n xa̱bo̱: «Ma̱goo me̱ꞌtso mbá xúgíí xndúu ixe̱ mbaa mitsaan. 17I̱ndo̱ó xndúu ixe̱ rí ma̱tha̱ne̱-núwíin rí máján jamí rí ra̱máján, ma̱xéꞌtso-lá ne̱. Mbiꞌi rí me̱ꞌtso ne̱, gakon rí ma̱ja̱ñáaꞌ».
18A̱ꞌkhue̱n niꞌthán Ana̱ꞌlóꞌ Mikhuíí: «Ra̱máján ma̱xtáa xa̱biya̱ mbáwíi. Ma̱ni̱i̱ mbáa tsí phú jaꞌyoo rí mitambáyíi̱ gáꞌne». 19Ana̱ꞌlóꞌ Mikhuíí niꞌnii mbá xúgíin xu̱kú ga̱jma̱á ju̱ba̱ꞌ, xúꞌkhue̱n máꞌ xúgíin ño̱ꞌo̱n mangiin. A̱ꞌkhue̱n rí ni̱ꞌkha̱ jagu̱u̱n xúgíin xu̱kú inuu Adán ikhaa jngó mba̱ꞌyoo̱ xáne gáxnée̱ mbiꞌyuu mbámbáa. Rí mbiꞌyuu mbámbáa xu̱kú rí nixná Adán, ikhaa máꞌ ñajuun mbiꞌñúu̱. 20A̱ꞌkhue̱n rí Adán nixnúu mbiꞌyuu mbámbáa xu̱kú kiraꞌda jamí xu̱kú-xáná, xúꞌkhue̱n máꞌ ño̱ꞌo̱n mangiin. I̱ndo̱ó numuu rí na̱nguá nikujmaa tsí mitambáyíí Adán gáꞌne xóo rí phú jaꞌyoo.
21A̱ꞌkhue̱n rí Ana̱ꞌlóꞌ Mikhuíí neꞌne rí mi̱gu me̱do̱ mi̱ndaꞌkho Adán. Awúun rí niꞌguii̱, a̱ꞌkhue̱n niríye̱e̱ꞌ mbá itso̱ xo̱xto̱o̱, xúꞌkhue̱n máꞌ nirugua̱a̱ ná niríye̱e̱ꞌ itso̱. 22Itso̱ xo̱xto̱o̱ xa̱biya̱ rí niríya̱ꞌ Ana̱ꞌlóꞌ Mikhuíí, ikhaa ne̱ niꞌnii̱ mbáa a̱ꞌgo̱, jamí ni̱ꞌkha̱ jayáa̱ inuu xa̱biya̱. 23A̱ꞌkhue̱n niꞌthán Adán: «Tsíge̱ꞌ tsí phú gakon rí ikhaa xuyu̱ꞌ ñajuun rá, jamí ikhaa máꞌ itsu̱ꞌ ñajuu̱n. Ma̱ꞌne mbiꞌyuu̱ “a̱ꞌgo̱”, numuu rí nigájnuu̱ ná xo̱xto̱o̱ xa̱biya̱».#2.23 Ná ajngáa ebréo̱, ajngáa «a̱ꞌgo̱» nawán xó iwán wáa ajngáa «xa̱biya̱».
24Ikhaa jngó xa̱biya̱ naniñuu anu̱u̱ jamí ru̱dúu rí ma̱mba̱xúu̱ ga̱jmáa̱ a̱ꞌgui̱i̱, jamí naꞌni̱i̱ i̱mba̱wíi xa̱bo̱ ñajúu̱n.
25Xómáꞌ Adán ga̱jma̱á a̱ꞌgui̱i̱ ná-a̱jmi̱i̱ tsaꞌtsii̱n, xúꞌkhue̱n máꞌ tsíti̱ñúu̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.