XÓ NI̱GI̱ꞋDU̱U̱N-MUU 14
14
Abrám naꞌne-jríya̱a̱ꞌ Lót
1Nákhí máꞌ mbiꞌi rúꞌkhue̱n Amrafél naꞌthán-ñájuun ná Sinár, Ariók naꞌthán-ñájuun ná Elasár, Kedorlaomér naꞌthán-ñájuun ná Elám, jamí Tidál naꞌthán-ñájuun ná Goím. 2Ikhiin tsíge̱ꞌ nixna-mijná gajmíí Béra̱ tsí naꞌthán-ñájuun ná Sodóma̱, Bírsa̱ tsí naꞌthán-ñájuun ná Gomórra̱, Sináb tsí naꞌthán-ñájuun ná Ádma̱, Semebér tsí naꞌthán-ñájuun ná Seboím, ga̱jma̱á tsí naꞌthán-ñájun ná Béla̱ (rí mbiꞌyuu máꞌ Soár). 3Xúgíin tsí mbá witsuun ge̱e̱ ni̱ru̱wa-mi̱jna̱ ná xko̱o̱ Sidím (rí mbiꞌyuu máꞌ Ñañuu A̱pha̱ Ríná rí mbiꞌi xúge̱ꞌ). 4Numuu rí mbá gue̱jma̱ tsigu nini̱i̱ rí waꞌthán-ñájúu̱n neꞌne Kedorlaomér. Rí tsigu ti̱gue̱tso̱, a̱ꞌkhue̱n ná-ra̱khúu̱n rí mi̱ꞌthán-ñájúu̱n.
5Ído̱ ni̱ga̱nú tsigu ti̱gue̱kho̱, ni̱ꞌkha̱ Kedorlaomér gajmíí thúngaa tsí júwá ga̱jma̱á nindxu̱u̱. Ni̱ꞌngúu̱n nene̱ gajmíi̱ xa̱bo̱ refaíta̱ ná Astarót Karnaím, xúꞌkhue̱n máꞌ mbo̱ susíta̱ ná Ám, jamí mbo̱ emíta̱ ná Sabe-kiriataím. 6Xúꞌkhue̱n máꞌ ni̱ꞌngúu̱n nene̱ gajmíi̱ mbo̱ oréo̱ ná júba̱ Seír, asndo ná xkua̱ Parán, rí ꞌgí mijngi ná mbaa niníí. 7A̱ꞌkhue̱n rí nitangi̱i̱n niguwáa̱nꞌ ná Enmispát, rí ñajuun Káde̱s, jamí nene̱ gámba̱a̱ mbá xúgíí rí ríga̱ ná inuu mbañúú xa̱bo̱ amalesíta̱, xúꞌkhue̱n máꞌ niñúu̱ mbo̱ amorréo̱ tsí júwa̱ꞌ ná Asesón-tamár.
8A̱ꞌkhue̱n rí nigájnúú thúngaa: thúngaa tsí naꞌthán-ñájuun Sodóma̱, tsí naꞌthán-ñájuun Gomórra̱, tsí naꞌthán-ñájuun Ádma̱, tsí naꞌthán-ñájuun Seboím jamí mangaa tsí naꞌthán-ñájuun Béla̱ (rí mbiꞌyuu máꞌ Soár). A̱ꞌkhue̱n rí ná mbaa xkua̱ Sidím ni̱ru̱wa-mi̱jne̱e̱ mbóó rí mone̱ gajmíi̱ 9thúngaa Kedorlaomér tsí naꞌthán-ñájuun Elám, Tidál tsí naꞌthán-ñájuun Goím, Amrafél tsí naꞌthán-ñájuun Sinár, jamí Ariók tsí naꞌthán-ñájuun Elasár. Rí mbá akhu̱u̱n thúngaa tsúꞌkhue̱n nene̱ gajmíí tsí witsuun tsíge̱ꞌ. 10Ná rí xkua̱ Sidím triga̱ mi̱ndaꞌkho iñá ná nagájnuu wájia skuni, jamí ído̱ rí nigáñúú xa̱bo̱ ñajun Sodóma̱ ga̱jma̱á Gomórra̱ mbá tikhuun ni̱duáꞌíin ikhín, xómáꞌ tsí iꞌwíin ni̱ꞌngu̱ún nigáñú-tuꞌúún asndo ná júba̱. 11A̱ꞌkhue̱n rí xa̱bo̱ ñajun tsí ni̱ꞌngu̱ún, nirawíi̱ mbá xúgíí rí máján ríga̱ ná Sodóma̱ ga̱jma̱á Gomórra̱, xúꞌkhue̱n máꞌ mbá xúgíí ganitsu, a̱ꞌkhue̱n rí nigúu̱n. 12Numuu rí ná Sodóma̱ máꞌ xtáa Lót, dríxe̱e̱ Abrám, nigó juya̱a̱ mangaa ga̱jma̱á mbá xúgíí rí gíꞌdoo̱.
13Jamí mbáa xa̱bo̱ tsí ni̱ꞌngo̱o̱ neꞌne-jríya̱ꞌ-mina̱ꞌ ni̱ꞌkha̱ jayóo̱ ajngáa inuu Abrám mbo̱ ebréo̱, tsí xtáa ná xi̱xoo drígo̱o̱ Mámre̱ mbo̱ amorréo̱, dxíyo̱o̱ máꞌ Eskól ga̱jma̱á Anér. Ikhii̱n nambáxúu̱n gajmíi̱ Abrám. 14Ído̱ nidxawuun Abrám rí nikhuáa dríxe̱e̱, a̱ꞌkhue̱n rí nixnúu̱ ajua̱nꞌ rí ma̱gi̱da̱ꞌ ñawúún mbá atsú siénto̱ gu̱wa̱ꞌ-nítsu e̱tso̱ (318) yumbée̱ tsí ni̱gu̱mii ná goꞌóo̱. A̱ꞌkhue̱n ni̱ka̱-raxkúu̱n mbá ná-akhu̱u̱n xa̱bo̱ ñajun asndo ná Dán. 15Abrám gajmíí xa̱bi̱i̱, nda̱a̱ ajngóo ni̱tu̱ꞌúu̱n mbroꞌon ná kachúún xa̱bo̱ ñajun, jamí nigó-ruxkúu̱n asndo ná Óba̱ rí ꞌgí ná tsu̱du̱u̱ xuajen Damásko̱. 16Xkuaꞌnii nigu̱u̱ mbá xúgíí rí máján rí ni̱dri̱gú xa̱bo̱ tsúꞌkhue̱n, xúꞌkhue̱n máꞌ neꞌne-jríya̱a̱ꞌ dríxe̱e̱ ga̱jma̱á mbá xúgíí drígo̱o̱ rí ni̱ga̱taa. Xúꞌkhue̱n máꞌ neꞌne-jáwíi̱n go̱ꞌo̱ jamí iꞌwíin xa̱bo̱.
Melkisedék naꞌne tsakun-rámaa Abrám
17Natanga̱a̱ máꞌ Abrám ído̱ rí ni̱ꞌngo̱o̱ neꞌne ga̱jmáa̱ Kedorlaomér jamí iꞌwíin thúngaa tsí júwá ga̱jma̱á nindxu̱u̱ Kedorlaomér. A̱ꞌkhue̱n rí thúngaa Sodóma̱ nigájnuu ni̱ꞌkha̱ gátsijnuu Abrám ná xkua̱ Sábe̱, ikhaa rí mbiꞌyuu Xko̱o̱ Thúngaa. 18A̱ꞌkhue̱n rí Melkisedék, tsí ñajuun thúngaa ná xuajen Salém, ni̱gu̱wíi̱ guma wopho ga̱jma̱á iyoo xndú úba̱. Ikhaa̱ ñajuu̱n dxakuun drígo̱o̱ Ana̱ꞌlóꞌ Mikhuíí, 19ikhaa jngó neꞌne tsakun-rámaa̱ Abrám ga̱jma̱á ajngáa ríge̱ꞌ:
«Ana̱ꞌlóꞌ Tsí Xtáa Mikhuíí,
tsí neꞌne ku̱maa mikhu ga̱jma̱á ju̱ba̱ꞌ,
gáꞌne tsakun-rámaa Abrám.
20Ga̱gu̱ma-mba̱a̱ Ana̱ꞌlóꞌ Tsí Xtáa Mikhuíí,
tsí nixnáxi̱i̱n xa̱bo̱ sia̱a̱nꞌ ná ñawáanꞌ».
A̱ꞌkhue̱n rí Abrám nixnúu Melkisedék mbóó awúun rí mbámbá gu̱wa̱ꞌ rí mbá xúgíí rí nigu̱u̱.
21A̱ꞌkhue̱n rí thúngaa mbo̱ Sodóma̱ niꞌthúun Abrám:
―Araxníi̱ꞌ xa̱bi̱ꞌ, jamí a̱wanúu ná ñawáanꞌ mbá xúgíí rí nida̱a̱.
22Xómáꞌ Abrám niriꞌña̱a̱ ajngóo thúngaa Sodóma̱:
―Ni̱xu̱ꞌdá-mina̱ꞌ inuu Ana̱ꞌlóꞌ Tsí Xtáa Mikhuíí, tsí neꞌne ku̱maa mikhu ga̱jma̱á ju̱ba̱ꞌ, 23rí asndo ni xí lájuíin rí dríga̱a̱ꞌ ma̱xáya̱lo̱ꞌ. Nimbá gúmáaꞌ, ni máꞌ ñawiin chádaaꞌ ma̱xáya̱lo̱ꞌ, ikhaa jngó ma̱xára̱tha̱n: “Ikhúúnꞌ ne̱ne̱ rí ma̱gi̱ꞌdoo guéño Abrám”. 24Mbájndi máꞌ i̱ndo̱ó rí niꞌpho̱ xa̱bi̱ꞌ. Xómáꞌ xa̱bo̱ tsí nika gajmíꞌ rá, Anér, Eskól jamí Mámre̱, gu̱dri̱guíi̱ ikhii̱n rí jaꞌñúu̱.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 14: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 14
14
Abrám naꞌne-jríya̱a̱ꞌ Lót
1Nákhí máꞌ mbiꞌi rúꞌkhue̱n Amrafél naꞌthán-ñájuun ná Sinár, Ariók naꞌthán-ñájuun ná Elasár, Kedorlaomér naꞌthán-ñájuun ná Elám, jamí Tidál naꞌthán-ñájuun ná Goím. 2Ikhiin tsíge̱ꞌ nixna-mijná gajmíí Béra̱ tsí naꞌthán-ñájuun ná Sodóma̱, Bírsa̱ tsí naꞌthán-ñájuun ná Gomórra̱, Sináb tsí naꞌthán-ñájuun ná Ádma̱, Semebér tsí naꞌthán-ñájuun ná Seboím, ga̱jma̱á tsí naꞌthán-ñájun ná Béla̱ (rí mbiꞌyuu máꞌ Soár). 3Xúgíin tsí mbá witsuun ge̱e̱ ni̱ru̱wa-mi̱jna̱ ná xko̱o̱ Sidím (rí mbiꞌyuu máꞌ Ñañuu A̱pha̱ Ríná rí mbiꞌi xúge̱ꞌ). 4Numuu rí mbá gue̱jma̱ tsigu nini̱i̱ rí waꞌthán-ñájúu̱n neꞌne Kedorlaomér. Rí tsigu ti̱gue̱tso̱, a̱ꞌkhue̱n ná-ra̱khúu̱n rí mi̱ꞌthán-ñájúu̱n.
5Ído̱ ni̱ga̱nú tsigu ti̱gue̱kho̱, ni̱ꞌkha̱ Kedorlaomér gajmíí thúngaa tsí júwá ga̱jma̱á nindxu̱u̱. Ni̱ꞌngúu̱n nene̱ gajmíi̱ xa̱bo̱ refaíta̱ ná Astarót Karnaím, xúꞌkhue̱n máꞌ mbo̱ susíta̱ ná Ám, jamí mbo̱ emíta̱ ná Sabe-kiriataím. 6Xúꞌkhue̱n máꞌ ni̱ꞌngúu̱n nene̱ gajmíi̱ mbo̱ oréo̱ ná júba̱ Seír, asndo ná xkua̱ Parán, rí ꞌgí mijngi ná mbaa niníí. 7A̱ꞌkhue̱n rí nitangi̱i̱n niguwáa̱nꞌ ná Enmispát, rí ñajuun Káde̱s, jamí nene̱ gámba̱a̱ mbá xúgíí rí ríga̱ ná inuu mbañúú xa̱bo̱ amalesíta̱, xúꞌkhue̱n máꞌ niñúu̱ mbo̱ amorréo̱ tsí júwa̱ꞌ ná Asesón-tamár.
8A̱ꞌkhue̱n rí nigájnúú thúngaa: thúngaa tsí naꞌthán-ñájuun Sodóma̱, tsí naꞌthán-ñájuun Gomórra̱, tsí naꞌthán-ñájuun Ádma̱, tsí naꞌthán-ñájuun Seboím jamí mangaa tsí naꞌthán-ñájuun Béla̱ (rí mbiꞌyuu máꞌ Soár). A̱ꞌkhue̱n rí ná mbaa xkua̱ Sidím ni̱ru̱wa-mi̱jne̱e̱ mbóó rí mone̱ gajmíi̱ 9thúngaa Kedorlaomér tsí naꞌthán-ñájuun Elám, Tidál tsí naꞌthán-ñájuun Goím, Amrafél tsí naꞌthán-ñájuun Sinár, jamí Ariók tsí naꞌthán-ñájuun Elasár. Rí mbá akhu̱u̱n thúngaa tsúꞌkhue̱n nene̱ gajmíí tsí witsuun tsíge̱ꞌ. 10Ná rí xkua̱ Sidím triga̱ mi̱ndaꞌkho iñá ná nagájnuu wájia skuni, jamí ído̱ rí nigáñúú xa̱bo̱ ñajun Sodóma̱ ga̱jma̱á Gomórra̱ mbá tikhuun ni̱duáꞌíin ikhín, xómáꞌ tsí iꞌwíin ni̱ꞌngu̱ún nigáñú-tuꞌúún asndo ná júba̱. 11A̱ꞌkhue̱n rí xa̱bo̱ ñajun tsí ni̱ꞌngu̱ún, nirawíi̱ mbá xúgíí rí máján ríga̱ ná Sodóma̱ ga̱jma̱á Gomórra̱, xúꞌkhue̱n máꞌ mbá xúgíí ganitsu, a̱ꞌkhue̱n rí nigúu̱n. 12Numuu rí ná Sodóma̱ máꞌ xtáa Lót, dríxe̱e̱ Abrám, nigó juya̱a̱ mangaa ga̱jma̱á mbá xúgíí rí gíꞌdoo̱.
13Jamí mbáa xa̱bo̱ tsí ni̱ꞌngo̱o̱ neꞌne-jríya̱ꞌ-mina̱ꞌ ni̱ꞌkha̱ jayóo̱ ajngáa inuu Abrám mbo̱ ebréo̱, tsí xtáa ná xi̱xoo drígo̱o̱ Mámre̱ mbo̱ amorréo̱, dxíyo̱o̱ máꞌ Eskól ga̱jma̱á Anér. Ikhii̱n nambáxúu̱n gajmíi̱ Abrám. 14Ído̱ nidxawuun Abrám rí nikhuáa dríxe̱e̱, a̱ꞌkhue̱n rí nixnúu̱ ajua̱nꞌ rí ma̱gi̱da̱ꞌ ñawúún mbá atsú siénto̱ gu̱wa̱ꞌ-nítsu e̱tso̱ (318) yumbée̱ tsí ni̱gu̱mii ná goꞌóo̱. A̱ꞌkhue̱n ni̱ka̱-raxkúu̱n mbá ná-akhu̱u̱n xa̱bo̱ ñajun asndo ná Dán. 15Abrám gajmíí xa̱bi̱i̱, nda̱a̱ ajngóo ni̱tu̱ꞌúu̱n mbroꞌon ná kachúún xa̱bo̱ ñajun, jamí nigó-ruxkúu̱n asndo ná Óba̱ rí ꞌgí ná tsu̱du̱u̱ xuajen Damásko̱. 16Xkuaꞌnii nigu̱u̱ mbá xúgíí rí máján rí ni̱dri̱gú xa̱bo̱ tsúꞌkhue̱n, xúꞌkhue̱n máꞌ neꞌne-jríya̱a̱ꞌ dríxe̱e̱ ga̱jma̱á mbá xúgíí drígo̱o̱ rí ni̱ga̱taa. Xúꞌkhue̱n máꞌ neꞌne-jáwíi̱n go̱ꞌo̱ jamí iꞌwíin xa̱bo̱.
Melkisedék naꞌne tsakun-rámaa Abrám
17Natanga̱a̱ máꞌ Abrám ído̱ rí ni̱ꞌngo̱o̱ neꞌne ga̱jmáa̱ Kedorlaomér jamí iꞌwíin thúngaa tsí júwá ga̱jma̱á nindxu̱u̱ Kedorlaomér. A̱ꞌkhue̱n rí thúngaa Sodóma̱ nigájnuu ni̱ꞌkha̱ gátsijnuu Abrám ná xkua̱ Sábe̱, ikhaa rí mbiꞌyuu Xko̱o̱ Thúngaa. 18A̱ꞌkhue̱n rí Melkisedék, tsí ñajuun thúngaa ná xuajen Salém, ni̱gu̱wíi̱ guma wopho ga̱jma̱á iyoo xndú úba̱. Ikhaa̱ ñajuu̱n dxakuun drígo̱o̱ Ana̱ꞌlóꞌ Mikhuíí, 19ikhaa jngó neꞌne tsakun-rámaa̱ Abrám ga̱jma̱á ajngáa ríge̱ꞌ:
«Ana̱ꞌlóꞌ Tsí Xtáa Mikhuíí,
tsí neꞌne ku̱maa mikhu ga̱jma̱á ju̱ba̱ꞌ,
gáꞌne tsakun-rámaa Abrám.
20Ga̱gu̱ma-mba̱a̱ Ana̱ꞌlóꞌ Tsí Xtáa Mikhuíí,
tsí nixnáxi̱i̱n xa̱bo̱ sia̱a̱nꞌ ná ñawáanꞌ».
A̱ꞌkhue̱n rí Abrám nixnúu Melkisedék mbóó awúun rí mbámbá gu̱wa̱ꞌ rí mbá xúgíí rí nigu̱u̱.
21A̱ꞌkhue̱n rí thúngaa mbo̱ Sodóma̱ niꞌthúun Abrám:
―Araxníi̱ꞌ xa̱bi̱ꞌ, jamí a̱wanúu ná ñawáanꞌ mbá xúgíí rí nida̱a̱.
22Xómáꞌ Abrám niriꞌña̱a̱ ajngóo thúngaa Sodóma̱:
―Ni̱xu̱ꞌdá-mina̱ꞌ inuu Ana̱ꞌlóꞌ Tsí Xtáa Mikhuíí, tsí neꞌne ku̱maa mikhu ga̱jma̱á ju̱ba̱ꞌ, 23rí asndo ni xí lájuíin rí dríga̱a̱ꞌ ma̱xáya̱lo̱ꞌ. Nimbá gúmáaꞌ, ni máꞌ ñawiin chádaaꞌ ma̱xáya̱lo̱ꞌ, ikhaa jngó ma̱xára̱tha̱n: “Ikhúúnꞌ ne̱ne̱ rí ma̱gi̱ꞌdoo guéño Abrám”. 24Mbájndi máꞌ i̱ndo̱ó rí niꞌpho̱ xa̱bi̱ꞌ. Xómáꞌ xa̱bo̱ tsí nika gajmíꞌ rá, Anér, Eskól jamí Mámre̱, gu̱dri̱guíi̱ ikhii̱n rí jaꞌñúu̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.