Rí nene̱ 9
9
Naxtiꞌkhu̱u a̱kui̱in Sáu̱lo̱
(Rnw 22.6-16;26.12-18)
1Xómáꞌ Sáu̱lo̱, phú najiꞌnáa̱ jaꞌñúu̱ tsí nanimbu̱únꞌ juyáá Táta̱ jamí tsíniñuu̱-raꞌthée̱n rí ma̱gu̱díi̱n. Ikhaa jngó ni̱ke̱e̱ ná inuu tsí jayá idxu̱ún dxakuun. 2Jamí ni̱ndo̱ꞌo̱o̱ i̱yi̱i̱ꞌ rí maxnáxi̱i̱ ná mbámbá guꞌwá ná na̱gi̱mbíin xa̱bo̱ judío̱ rí triga̱ ná xuajen Damásko̱, kajngó ma̱goo mbaꞌñíi̱ xa̱bekha o go̱ꞌo̱ tsí nanimbu̱únꞌ juyáá gisngáá drígo̱o̱ Jesús, jamí ma̱ꞌkha̱ jaguu̱n maxudii̱n géjwa̱nꞌ ná Jerusalén. 3A̱ꞌkhue̱n niwatuu̱n jamba̱a̱ ni̱ke̱e̱. I̱ndo̱ó máꞌ numuu rí ído̱ inu ma̱ga̱níi̱ ná Damásko̱, nda̱a̱ ajngóo nimbiꞌi-taꞌa gakhe̱ ná inuu̱ mbá agu rí na̱ꞌkha̱ mikhuíí. 4A̱ꞌkhue̱n nixpátri̱ga̱a̱ mbayíí, jamí nidxawuu̱n mbá a̱ꞌwá rí waꞌtháa̱n neꞌne:
―Sáu̱lo̱, Sáu̱lo̱, náá numuu kajngó nadxa̱ꞌ-raraxkoꞌ róꞌ.
5Xómáꞌ ikhaa̱ niꞌthée̱n:
―Tsáa ñajwaanꞌ róꞌ, Táta̱.
A̱ꞌkhue̱n waꞌtháa̱n neꞌne a̱ꞌwá:
―Ikhúúnꞌ ñajunꞌ Jesús, tsí nadxo̱ꞌ-raraxkáá. [Phú gakhe̱ nathane̱-ñawún-mina̱ꞌ rí natapráꞌáá ajwa̱nꞌ rí júdú inuu.
6Xómáꞌ ikhaa̱ naguaꞌaa̱n jamí namíñuu̱, niꞌthée̱n:
―Táta̱, dí iyaaꞌ rí ma̱ne̱lo̱ꞌ rá.
Xómáꞌ Táta̱ niꞌthúu̱n:]#9.5-6 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa rí júgua-raꞌa ga̱jma̱á [...].
―A̱tu̱xa̱a̱ꞌ mi̱dxo̱ꞌ ná xuajen. Ikhín mi̱ꞌtháanꞌ rí jaꞌyoo ma̱tha̱ne̱.
7Jamí xa̱bo̱ tsí nagóó ga̱jma̱á nindxu̱u̱ Sáu̱lo̱, ni̱ka̱ a̱kuíi̱n niwájwii̱n, numuu rí gakon máꞌ rí ni̱dxawíi̱n a̱ꞌwá i̱ndo̱ó máꞌ numuu rí na̱nguá ndiyáa̱ nimbáa. 8A̱ꞌkhue̱n Sáu̱lo̱ ni̱tu̱xi̱i ni̱we̱je̱. Ído̱ nirmáꞌthaa̱ iduu̱, nánguá ifrigo̱o̱ꞌ. Ikhaa jngó, ni̱ra̱tuu̱n ñawúun nigóo̱ juya̱a̱ ná Damásko̱. 9Ikhín nixtáa̱ mbá atsú mbiꞌi rí tsífrigo̱o̱ꞌ, xúꞌkhue̱n máꞌ tákuiꞌtsii̱ ni máꞌ tágáa̱n iya.
10Nákhí mbiꞌi rúꞌkhue̱n xtáa ná Damásko̱ mbáa xa̱bo̱ tsí nanimbo̱o̱ꞌ jaꞌyoo Jesús. Ikhaa̱ mbiꞌyuu̱ Ananía̱s, jamí waꞌtháa̱n inu-mbiꞌíí neꞌne Táta̱:
―Ananía̱s.
Jamí ikhaa̱ niriꞌñee̱:
―Ge̱jyoꞌ xtáá, Táta̱.
11A̱ꞌkhue̱n waꞌtháa̱n neꞌne Táta̱:
―A̱tu̱xa̱a̱ꞌ jamí ayu ná ikhoo xuajen rí mbiꞌyuu Jmbu. Athaꞌyáa ná guꞌwóo Júda̱s mbáa xa̱bo̱ tsí mbiꞌyuu Sáu̱lo̱, tsí na̱ꞌkha̱ ná Társo̱. Ikhaa̱ xtáa̱ naꞌthán-jáñuu̱ Ana̱ꞌlóꞌ xúge̱ꞌ, 12jamí ndiꞌyoo̱ inu-mbiꞌíí mbáa xa̱bo̱ tsí mbiꞌyuu Ananía̱s, tsí na̱to̱ꞌo̱o̱ jamí naxkrámaa̱ kajngó ma̱ma̱ꞌtha̱a iduu̱.
13A̱ꞌkhue̱n Ananía̱s niriꞌña:
―Táta̱, phú mbaꞌiin xa̱bo̱ ni̱dxawuun rí nuthan ga̱jma̱á numuu xa̱bo̱ tsúꞌkhue̱n, jamí mbá xúgíí rí ra̱máján naꞌñúu̱ xa̱bia̱aꞌ tsí nanimbu̱únꞌ juyaaꞌ ná Jerusalén. 14Jamí xúge̱ꞌ rá, ni̱ꞌkhe̱e̱ ge̱jyoꞌ ga̱jma̱á tsiakhe̱ rí nijanáa̱ nene̱ dxakuun tsí gíꞌdoo numúú, kajngó ma̱ꞌgee̱ jaguu̱n maxudii̱n ná géjwa̱nꞌ mbá xúgíin tsí nu̱xri̱ga̱á mbiꞌyaaꞌ.
15A̱ꞌkhue̱n waꞌtháa̱n neꞌne Táta̱:
―Ayu, numuu rí xa̱bo̱ tsí ni̱ra̱ꞌwíi ma̱jmiꞌ ñajuun tsíge̱ꞌ, kajngó ma̱ꞌgee̱ maꞌthée̱n ga̱jma̱á numuꞌ ná inúú xa̱bo̱ tsí ra̱ꞌkháa judío̱ ñajúún, ná inúú thúngaa, jamí ná inúú i̱ji̱in Israél. 16Numuu rí ikhúúnꞌ ma̱snga̱jmúu̱ wátha̱ jaꞌyoo rí mamínu̱u̱ꞌ ga̱jma̱á numuꞌ.
17A̱ꞌkhue̱n ni̱ka̱ Ananía̱s. Ído̱ ni̱ga̱níi̱, ni̱to̱ꞌo̱o̱ guꞌwáá jamí nixkrámaa̱ Sáu̱lo̱. A̱ꞌkhue̱n niꞌthúu̱n: «Dxájuꞌ Sáu̱lo̱, Táta̱ Jesús, tsí nikujmaa ná inaaꞌ nákhí nadxa̱ꞌ ná jamba̱a̱, ikhaa̱ nixuꞌmúu̱ kajngó ma̱ma̱ꞌtha̱a idaaꞌ jamí ma̱xtáa Xu̱u̱ꞌ Ana̱ꞌlóꞌ ga̱jma̱á nindxa̱a̱ꞌ». 18Núkho̱ nifrigu ná iduu̱ rí xómá skama jaꞌnii jamí ni̱ma̱ꞌtha̱a iduu̱. Ído̱ ni̱tu̱xii̱, a̱ꞌkhue̱n waxúꞌdu-maꞌáa̱n ná awúun iya. 19Nda̱wa̱á a̱ꞌkhue̱n nikuiꞌtsii̱ jamí niguu̱ la tsiakhe̱. Jamí nixtáa Sáu̱lo̱ mbá wátha̱ wáa mbiꞌi gajmíí tsí nanimbu̱únꞌ juyáá Jesús tsí júwa̱ꞌ ná Damásko̱.
Sáu̱lo̱ naꞌthán-ráꞌa ná Damásko̱
20A̱ꞌkhue̱n mbá nacha̱ máꞌ nigíꞌdu̱u̱n niꞌthán-raꞌee̱ ná awúun mbámbá guꞌwá rí na̱gi̱mbíin xa̱bo̱ judío̱, naꞌthée̱n rí Jesús#9.20 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán «Krísto̱». ñajuun A̱dée Ana̱ꞌlóꞌ. 21Jamí mbá xúgíin tsí nu̱dxawíín rí naꞌthée̱n phú namakúu̱n jamí nuthee̱n: «Á ra̱ꞌkhá xa̱bo̱ tsíge̱ꞌ ñajuun tsí naꞌne-ngíníi xa̱bo̱ tsí nu̱xri̱ga̱á mbiꞌyuu Jesús ná Jerusalén dxe̱ꞌ. Á ra̱ꞌkhá ikhaa numuu rúꞌkhue̱n ni̱ꞌkhe̱e̱ ge̱jyoꞌ, kajngó ma̱ꞌgee̱ jaguu̱n jamí maxnáxii̱n ná inúú dxakuun tsí gíꞌdoo numúú kajngó magóo̱ géjwa̱nꞌ rá».
22Xómáꞌ Sáu̱lo̱ i̱tha̱án máꞌ naxná-mine̱e̱ꞌ tsiakhe̱ rí maꞌthán-raꞌee̱, jamí asndo naꞌnii̱ rí ma̱ngra̱ꞌaa idxu̱ún xa̱bo̱ judío̱ tsí júwa̱ꞌ ná Damásko̱, ído̱ nasngájmúu̱ rí Jesús ñajuun Krísto̱.
Sáu̱lo̱ najríya̱a̱ꞌ ná inúú xa̱bo̱ judío̱
23Ído̱ ninújngoo mbaꞌa guéño máꞌ mbiꞌi, a̱ꞌkhue̱n rí xa̱bo̱ judío̱ niguáꞌdáá awan rí mu̱xíya̱a̱ Sáu̱lo̱. 24Xómáꞌ Sáu̱lo̱ nidxawuun rí nuꞌgí-mijná xa̱bo̱ judío̱ rí muñíi̱. Jamí ikhii̱n nu̱ña̱wáa̱n xkrugoo xuajen mbiꞌi jamí mbroꞌon kajngó mu̱xíya̱a̱. 25A̱ꞌkhue̱n tsí nanimbu̱únꞌ juyáá Jesús nigóo̱ juya̱a̱ Sáu̱lo̱ rí mbroꞌon, ni̱ra̱khuáa̱ ná awúun mbá ixtu mba̱a̱ jamí ni̱xri̱guíi̱ ná tsu̱du̱u̱ xu̱nꞌ drígo̱o̱ xuajen.
Sáu̱lo̱ na̱ga̱nú ná Jerusalén
26Ído̱ ni̱ga̱níi̱ ná Jerusalén, niꞌnii̱ rí ma̱mbáxu̱u̱ꞌ gajmíi̱ tsí nanimbu̱únꞌ juyáá Jesús. I̱ndo̱ó máꞌ numuu rí mbá xúgíi̱n namíñúu̱ juyáa̱, numuu rí tsínimbúu̱n rí xa̱bo̱ tsí nanimbo̱o̱ꞌ jaꞌyoo Jesús ñajuu̱n mangaa̱. 27A̱ꞌkhue̱n Bernabé ni̱ꞌkha̱ jayáa̱ ná inúú tsí nixúngui̱inꞌ Jesús, jamí niꞌthúu̱n xáne Sáu̱lo̱ ndiꞌyoo Táta̱ ná jamba̱a̱ jamí xáne waꞌtháa̱n neꞌne Táta̱. Xúꞌkhue̱n máꞌ niꞌthúu̱n xáne támíñuu Sáu̱lo̱ rí niꞌthán-raꞌa ná Damásko̱ ga̱jma̱á numuu Jesús. 28Ikhaa jngó ninguanúu Sáu̱lo̱ ná Jerusalén gajmíi̱ tsí nixúngui̱inꞌ Jesús. Xúꞌkhue̱n máꞌ ngrigo̱o̱ꞌ gajmíi̱ asndo náá máꞌ nagóo̱, 29jamí tsímíñuu̱ naꞌthán-ráꞌee̱ ga̱jma̱á numuu Táta̱, xúꞌkhue̱n máꞌ na̱tsa̱ñu̱u̱ꞌ gajmíi̱ xa̱bo̱ judío̱ tsí nuthan ajngáa griégo̱. Xómáꞌ ikhii̱n nuꞌgí-mijnée̱ rí mu̱xíya̱a̱. 30Ído̱ ni̱dxawíín ríge̱ꞌ a̱ngia̱nꞌlóꞌ, a̱ꞌkhue̱n nigóo̱ juya̱a̱ asndo ná xuajen Sesaréa̱, jamí ikhín ni̱xu̱ꞌmaa̱ ma̱ꞌgee̱ ná xuajen Társo̱.
31A̱ꞌkhue̱n mbámbá kuthuun tsí nanimbu̱únꞌ juyáá Jesús tsí júwa̱ꞌ ná numbaa Judéa̱, ná numbaa Galiléa̱ jamí ná numbaa Samária̱, júwe̱e̱ꞌ tsímáá jamí naꞌne-gúkúu̱n ná inuu Ana̱ꞌlóꞌ. Xúꞌkhue̱n máꞌ júwe̱e̱ꞌ nduya-makuíi̱ Táta̱, jamí naꞌne mbaꞌii̱n máꞌ xúꞌkhue̱n numuu rí Xu̱u̱ꞌ Ana̱ꞌlóꞌ nambáñúu̱.
Na̱gu̱ma-thanáá Enéa̱s
32Ído̱ rí Pédro̱ ni̱ka̱ gáꞌñúú mbá xúgíin tsí nanimbu̱únꞌ juyáá Jesús, a̱ꞌkhue̱n ni̱ke̱e̱ gáꞌñúu̱ xa̱bi̱i Ana̱ꞌlóꞌ tsí júwa̱ꞌ ná xuajen Lída̱ mangaa. 33Ikhín nixkamaa̱ mbáa xa̱bo̱ nixtriga̱a̱, tsí mbiꞌyuu Enéa̱s, jamí naꞌne mbá migiñu tsigu rí kri̱ga̱a̱ ná xi̱yoo. 34A̱ꞌkhue̱n Pédro̱ niꞌthúu̱n: «Enéa̱s, Jesukrísto̱ naꞌne-thanaaꞌ. Araxu̱unꞌ, jamí atiáxi̱i xi̱yawaaꞌ». A̱ꞌkhue̱n mbá nacha̱ máꞌ ni̱tu̱xii̱. 35Jamí mbá xúgíin xa̱bo̱ tsí júwa̱ꞌ ná xuajen Lída̱ jamí ná numbaa Sarón ndiyáá rí ni̱tu̱xii̱. A̱ꞌkhue̱n nithangii̱n ná inuu Táta̱.
Ndayáa mbiꞌyuu Dórka̱s
36Nákhí mbiꞌi máꞌ rúꞌkhue̱n, xtáa ná xuajen Jópe̱ mbáa a̱ꞌgo̱ tsí ninimbo̱o̱ꞌ jaꞌyoo Jesús, tsí mbiꞌyuu Tabíta̱ (rí nandoo gáꞌthán Dórka̱s). Ikhaa a̱ꞌgo̱ tsíge̱ꞌ gatíí rí máján naꞌnii̱ jamí nambáñúu̱ xa̱bo̱ tsí ngíníi. 37Ikhaa máꞌ mbiꞌi rúꞌkhue̱n, ndiyóo̱ nandii jamí nijáñuu̱. Ído̱ wámbu̱ún xa̱bo̱ ni̱tsu̱wáa̱n, a̱ꞌkhue̱n ni̱ti̱ge̱e̱ xuyuu̱ ná awúun mbá guꞌwá rí ri̱jma̱á. 38Xómáꞌ xuajen Lída̱ mijngi máꞌ ꞌgí ne̱ ga̱jma̱á xuajen Jópe̱. Ikhaa jngó ído̱ ni̱dxawíín tsí nanimbu̱únꞌ juyáá Jesús rí Pédro̱ xtáa ná Lída̱, a̱ꞌkhue̱n ni̱xu̱ꞌmii̱ a̱jmi̱i xa̱bo̱ magóó gúthán-jáñíi̱. Xáꞌnii nitháa̱n: «Aya̱ gátha̱ya̱ꞌxo̱ꞌ tháan ná Jópe̱ mbá nacha̱».
39A̱ꞌkhue̱n mbá nacha̱ máꞌ ni̱tu̱xu̱u̱ꞌ Pédro̱ ni̱ka̱ ga̱jma̱á nindxúu̱n. Jamí ído̱ ni̱ga̱níi̱, a̱ꞌkhue̱n nigóo̱ juya̱a̱ ná guꞌwá ri̱jma̱á, ná gatiin mbá xúgíin go̱ꞌóxuáꞌa nu̱mbi̱ya̱ꞌ. Ikhiin tsúꞌkhue̱n mbá nawa̱a̱ niwájun ná inuu̱, nu̱snga̱jmáa̱ gajnú mbijwa̱ꞌ jamí i̱ꞌwá xtíin rí niꞌxmí Dórka̱s nákhí xtáa̱ ga̱jma̱á nindxúu̱n. 40A̱ꞌkhue̱n Pédro̱ ni̱gu̱wíin mbá xúgíin xa̱bo̱ rixa̱á, jamí nismáti̱go̱o̱ niꞌthán-jáñuu̱ Ana̱ꞌlóꞌ. Nda̱wa̱á niyaxi̱i̱ ná kri̱ga̱ xuyuu tsí nijáñuu, jamí niꞌthúu̱n: «Tabíta̱, araxu̱unꞌ». Xómáꞌ ikhaa̱ nirmáꞌthaa̱ iduu̱, jamí ído̱ ndiꞌyoo̱ Pédro̱, a̱ꞌkhue̱n ni̱tu̱xii̱ ni̱gi̱ꞌi̱i̱. 41A̱ꞌkhue̱n Pédro̱ niwatuun ñawúu̱n jamí nixúxii̱. Wámba̱ rúꞌkhue̱n, nindxaꞌwúu̱n xa̱bi̱i Ana̱ꞌlóꞌ jamí go̱ꞌóxuáꞌa, a̱ꞌkhue̱n ndaꞌya Dórka̱s nixnáxii̱ ná inúú.
42Mbá xúgíí xuajen Jópe̱ niwán ríge̱ꞌ, jamí phú mbaꞌiin xa̱bo̱ ninimbu̱únꞌ juyáá Táta̱. 43A̱ꞌkhue̱n Pédro̱ ninguanúu mba̱yo̱ꞌ ná xuajen Jópe̱, ná guꞌwóo mbáa xa̱bo̱ tsí mbiꞌyuu Simón, tsí nañajun ga̱jma̱á xtúún xu̱kú.
ទើបបានជ្រើសរើសហើយ៖
Rí nene̱ 9: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Rí nene̱ 9
9
Naxtiꞌkhu̱u a̱kui̱in Sáu̱lo̱
(Rnw 22.6-16;26.12-18)
1Xómáꞌ Sáu̱lo̱, phú najiꞌnáa̱ jaꞌñúu̱ tsí nanimbu̱únꞌ juyáá Táta̱ jamí tsíniñuu̱-raꞌthée̱n rí ma̱gu̱díi̱n. Ikhaa jngó ni̱ke̱e̱ ná inuu tsí jayá idxu̱ún dxakuun. 2Jamí ni̱ndo̱ꞌo̱o̱ i̱yi̱i̱ꞌ rí maxnáxi̱i̱ ná mbámbá guꞌwá ná na̱gi̱mbíin xa̱bo̱ judío̱ rí triga̱ ná xuajen Damásko̱, kajngó ma̱goo mbaꞌñíi̱ xa̱bekha o go̱ꞌo̱ tsí nanimbu̱únꞌ juyáá gisngáá drígo̱o̱ Jesús, jamí ma̱ꞌkha̱ jaguu̱n maxudii̱n géjwa̱nꞌ ná Jerusalén. 3A̱ꞌkhue̱n niwatuu̱n jamba̱a̱ ni̱ke̱e̱. I̱ndo̱ó máꞌ numuu rí ído̱ inu ma̱ga̱níi̱ ná Damásko̱, nda̱a̱ ajngóo nimbiꞌi-taꞌa gakhe̱ ná inuu̱ mbá agu rí na̱ꞌkha̱ mikhuíí. 4A̱ꞌkhue̱n nixpátri̱ga̱a̱ mbayíí, jamí nidxawuu̱n mbá a̱ꞌwá rí waꞌtháa̱n neꞌne:
―Sáu̱lo̱, Sáu̱lo̱, náá numuu kajngó nadxa̱ꞌ-raraxkoꞌ róꞌ.
5Xómáꞌ ikhaa̱ niꞌthée̱n:
―Tsáa ñajwaanꞌ róꞌ, Táta̱.
A̱ꞌkhue̱n waꞌtháa̱n neꞌne a̱ꞌwá:
―Ikhúúnꞌ ñajunꞌ Jesús, tsí nadxo̱ꞌ-raraxkáá. [Phú gakhe̱ nathane̱-ñawún-mina̱ꞌ rí natapráꞌáá ajwa̱nꞌ rí júdú inuu.
6Xómáꞌ ikhaa̱ naguaꞌaa̱n jamí namíñuu̱, niꞌthée̱n:
―Táta̱, dí iyaaꞌ rí ma̱ne̱lo̱ꞌ rá.
Xómáꞌ Táta̱ niꞌthúu̱n:]#9.5-6 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa rí júgua-raꞌa ga̱jma̱á [...].
―A̱tu̱xa̱a̱ꞌ mi̱dxo̱ꞌ ná xuajen. Ikhín mi̱ꞌtháanꞌ rí jaꞌyoo ma̱tha̱ne̱.
7Jamí xa̱bo̱ tsí nagóó ga̱jma̱á nindxu̱u̱ Sáu̱lo̱, ni̱ka̱ a̱kuíi̱n niwájwii̱n, numuu rí gakon máꞌ rí ni̱dxawíi̱n a̱ꞌwá i̱ndo̱ó máꞌ numuu rí na̱nguá ndiyáa̱ nimbáa. 8A̱ꞌkhue̱n Sáu̱lo̱ ni̱tu̱xi̱i ni̱we̱je̱. Ído̱ nirmáꞌthaa̱ iduu̱, nánguá ifrigo̱o̱ꞌ. Ikhaa jngó, ni̱ra̱tuu̱n ñawúun nigóo̱ juya̱a̱ ná Damásko̱. 9Ikhín nixtáa̱ mbá atsú mbiꞌi rí tsífrigo̱o̱ꞌ, xúꞌkhue̱n máꞌ tákuiꞌtsii̱ ni máꞌ tágáa̱n iya.
10Nákhí mbiꞌi rúꞌkhue̱n xtáa ná Damásko̱ mbáa xa̱bo̱ tsí nanimbo̱o̱ꞌ jaꞌyoo Jesús. Ikhaa̱ mbiꞌyuu̱ Ananía̱s, jamí waꞌtháa̱n inu-mbiꞌíí neꞌne Táta̱:
―Ananía̱s.
Jamí ikhaa̱ niriꞌñee̱:
―Ge̱jyoꞌ xtáá, Táta̱.
11A̱ꞌkhue̱n waꞌtháa̱n neꞌne Táta̱:
―A̱tu̱xa̱a̱ꞌ jamí ayu ná ikhoo xuajen rí mbiꞌyuu Jmbu. Athaꞌyáa ná guꞌwóo Júda̱s mbáa xa̱bo̱ tsí mbiꞌyuu Sáu̱lo̱, tsí na̱ꞌkha̱ ná Társo̱. Ikhaa̱ xtáa̱ naꞌthán-jáñuu̱ Ana̱ꞌlóꞌ xúge̱ꞌ, 12jamí ndiꞌyoo̱ inu-mbiꞌíí mbáa xa̱bo̱ tsí mbiꞌyuu Ananía̱s, tsí na̱to̱ꞌo̱o̱ jamí naxkrámaa̱ kajngó ma̱ma̱ꞌtha̱a iduu̱.
13A̱ꞌkhue̱n Ananía̱s niriꞌña:
―Táta̱, phú mbaꞌiin xa̱bo̱ ni̱dxawuun rí nuthan ga̱jma̱á numuu xa̱bo̱ tsúꞌkhue̱n, jamí mbá xúgíí rí ra̱máján naꞌñúu̱ xa̱bia̱aꞌ tsí nanimbu̱únꞌ juyaaꞌ ná Jerusalén. 14Jamí xúge̱ꞌ rá, ni̱ꞌkhe̱e̱ ge̱jyoꞌ ga̱jma̱á tsiakhe̱ rí nijanáa̱ nene̱ dxakuun tsí gíꞌdoo numúú, kajngó ma̱ꞌgee̱ jaguu̱n maxudii̱n ná géjwa̱nꞌ mbá xúgíin tsí nu̱xri̱ga̱á mbiꞌyaaꞌ.
15A̱ꞌkhue̱n waꞌtháa̱n neꞌne Táta̱:
―Ayu, numuu rí xa̱bo̱ tsí ni̱ra̱ꞌwíi ma̱jmiꞌ ñajuun tsíge̱ꞌ, kajngó ma̱ꞌgee̱ maꞌthée̱n ga̱jma̱á numuꞌ ná inúú xa̱bo̱ tsí ra̱ꞌkháa judío̱ ñajúún, ná inúú thúngaa, jamí ná inúú i̱ji̱in Israél. 16Numuu rí ikhúúnꞌ ma̱snga̱jmúu̱ wátha̱ jaꞌyoo rí mamínu̱u̱ꞌ ga̱jma̱á numuꞌ.
17A̱ꞌkhue̱n ni̱ka̱ Ananía̱s. Ído̱ ni̱ga̱níi̱, ni̱to̱ꞌo̱o̱ guꞌwáá jamí nixkrámaa̱ Sáu̱lo̱. A̱ꞌkhue̱n niꞌthúu̱n: «Dxájuꞌ Sáu̱lo̱, Táta̱ Jesús, tsí nikujmaa ná inaaꞌ nákhí nadxa̱ꞌ ná jamba̱a̱, ikhaa̱ nixuꞌmúu̱ kajngó ma̱ma̱ꞌtha̱a idaaꞌ jamí ma̱xtáa Xu̱u̱ꞌ Ana̱ꞌlóꞌ ga̱jma̱á nindxa̱a̱ꞌ». 18Núkho̱ nifrigu ná iduu̱ rí xómá skama jaꞌnii jamí ni̱ma̱ꞌtha̱a iduu̱. Ído̱ ni̱tu̱xii̱, a̱ꞌkhue̱n waxúꞌdu-maꞌáa̱n ná awúun iya. 19Nda̱wa̱á a̱ꞌkhue̱n nikuiꞌtsii̱ jamí niguu̱ la tsiakhe̱. Jamí nixtáa Sáu̱lo̱ mbá wátha̱ wáa mbiꞌi gajmíí tsí nanimbu̱únꞌ juyáá Jesús tsí júwa̱ꞌ ná Damásko̱.
Sáu̱lo̱ naꞌthán-ráꞌa ná Damásko̱
20A̱ꞌkhue̱n mbá nacha̱ máꞌ nigíꞌdu̱u̱n niꞌthán-raꞌee̱ ná awúun mbámbá guꞌwá rí na̱gi̱mbíin xa̱bo̱ judío̱, naꞌthée̱n rí Jesús#9.20 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán «Krísto̱». ñajuun A̱dée Ana̱ꞌlóꞌ. 21Jamí mbá xúgíin tsí nu̱dxawíín rí naꞌthée̱n phú namakúu̱n jamí nuthee̱n: «Á ra̱ꞌkhá xa̱bo̱ tsíge̱ꞌ ñajuun tsí naꞌne-ngíníi xa̱bo̱ tsí nu̱xri̱ga̱á mbiꞌyuu Jesús ná Jerusalén dxe̱ꞌ. Á ra̱ꞌkhá ikhaa numuu rúꞌkhue̱n ni̱ꞌkhe̱e̱ ge̱jyoꞌ, kajngó ma̱ꞌgee̱ jaguu̱n jamí maxnáxii̱n ná inúú dxakuun tsí gíꞌdoo numúú kajngó magóo̱ géjwa̱nꞌ rá».
22Xómáꞌ Sáu̱lo̱ i̱tha̱án máꞌ naxná-mine̱e̱ꞌ tsiakhe̱ rí maꞌthán-raꞌee̱, jamí asndo naꞌnii̱ rí ma̱ngra̱ꞌaa idxu̱ún xa̱bo̱ judío̱ tsí júwa̱ꞌ ná Damásko̱, ído̱ nasngájmúu̱ rí Jesús ñajuun Krísto̱.
Sáu̱lo̱ najríya̱a̱ꞌ ná inúú xa̱bo̱ judío̱
23Ído̱ ninújngoo mbaꞌa guéño máꞌ mbiꞌi, a̱ꞌkhue̱n rí xa̱bo̱ judío̱ niguáꞌdáá awan rí mu̱xíya̱a̱ Sáu̱lo̱. 24Xómáꞌ Sáu̱lo̱ nidxawuun rí nuꞌgí-mijná xa̱bo̱ judío̱ rí muñíi̱. Jamí ikhii̱n nu̱ña̱wáa̱n xkrugoo xuajen mbiꞌi jamí mbroꞌon kajngó mu̱xíya̱a̱. 25A̱ꞌkhue̱n tsí nanimbu̱únꞌ juyáá Jesús nigóo̱ juya̱a̱ Sáu̱lo̱ rí mbroꞌon, ni̱ra̱khuáa̱ ná awúun mbá ixtu mba̱a̱ jamí ni̱xri̱guíi̱ ná tsu̱du̱u̱ xu̱nꞌ drígo̱o̱ xuajen.
Sáu̱lo̱ na̱ga̱nú ná Jerusalén
26Ído̱ ni̱ga̱níi̱ ná Jerusalén, niꞌnii̱ rí ma̱mbáxu̱u̱ꞌ gajmíi̱ tsí nanimbu̱únꞌ juyáá Jesús. I̱ndo̱ó máꞌ numuu rí mbá xúgíi̱n namíñúu̱ juyáa̱, numuu rí tsínimbúu̱n rí xa̱bo̱ tsí nanimbo̱o̱ꞌ jaꞌyoo Jesús ñajuu̱n mangaa̱. 27A̱ꞌkhue̱n Bernabé ni̱ꞌkha̱ jayáa̱ ná inúú tsí nixúngui̱inꞌ Jesús, jamí niꞌthúu̱n xáne Sáu̱lo̱ ndiꞌyoo Táta̱ ná jamba̱a̱ jamí xáne waꞌtháa̱n neꞌne Táta̱. Xúꞌkhue̱n máꞌ niꞌthúu̱n xáne támíñuu Sáu̱lo̱ rí niꞌthán-raꞌa ná Damásko̱ ga̱jma̱á numuu Jesús. 28Ikhaa jngó ninguanúu Sáu̱lo̱ ná Jerusalén gajmíi̱ tsí nixúngui̱inꞌ Jesús. Xúꞌkhue̱n máꞌ ngrigo̱o̱ꞌ gajmíi̱ asndo náá máꞌ nagóo̱, 29jamí tsímíñuu̱ naꞌthán-ráꞌee̱ ga̱jma̱á numuu Táta̱, xúꞌkhue̱n máꞌ na̱tsa̱ñu̱u̱ꞌ gajmíi̱ xa̱bo̱ judío̱ tsí nuthan ajngáa griégo̱. Xómáꞌ ikhii̱n nuꞌgí-mijnée̱ rí mu̱xíya̱a̱. 30Ído̱ ni̱dxawíín ríge̱ꞌ a̱ngia̱nꞌlóꞌ, a̱ꞌkhue̱n nigóo̱ juya̱a̱ asndo ná xuajen Sesaréa̱, jamí ikhín ni̱xu̱ꞌmaa̱ ma̱ꞌgee̱ ná xuajen Társo̱.
31A̱ꞌkhue̱n mbámbá kuthuun tsí nanimbu̱únꞌ juyáá Jesús tsí júwa̱ꞌ ná numbaa Judéa̱, ná numbaa Galiléa̱ jamí ná numbaa Samária̱, júwe̱e̱ꞌ tsímáá jamí naꞌne-gúkúu̱n ná inuu Ana̱ꞌlóꞌ. Xúꞌkhue̱n máꞌ júwe̱e̱ꞌ nduya-makuíi̱ Táta̱, jamí naꞌne mbaꞌii̱n máꞌ xúꞌkhue̱n numuu rí Xu̱u̱ꞌ Ana̱ꞌlóꞌ nambáñúu̱.
Na̱gu̱ma-thanáá Enéa̱s
32Ído̱ rí Pédro̱ ni̱ka̱ gáꞌñúú mbá xúgíin tsí nanimbu̱únꞌ juyáá Jesús, a̱ꞌkhue̱n ni̱ke̱e̱ gáꞌñúu̱ xa̱bi̱i Ana̱ꞌlóꞌ tsí júwa̱ꞌ ná xuajen Lída̱ mangaa. 33Ikhín nixkamaa̱ mbáa xa̱bo̱ nixtriga̱a̱, tsí mbiꞌyuu Enéa̱s, jamí naꞌne mbá migiñu tsigu rí kri̱ga̱a̱ ná xi̱yoo. 34A̱ꞌkhue̱n Pédro̱ niꞌthúu̱n: «Enéa̱s, Jesukrísto̱ naꞌne-thanaaꞌ. Araxu̱unꞌ, jamí atiáxi̱i xi̱yawaaꞌ». A̱ꞌkhue̱n mbá nacha̱ máꞌ ni̱tu̱xii̱. 35Jamí mbá xúgíin xa̱bo̱ tsí júwa̱ꞌ ná xuajen Lída̱ jamí ná numbaa Sarón ndiyáá rí ni̱tu̱xii̱. A̱ꞌkhue̱n nithangii̱n ná inuu Táta̱.
Ndayáa mbiꞌyuu Dórka̱s
36Nákhí mbiꞌi máꞌ rúꞌkhue̱n, xtáa ná xuajen Jópe̱ mbáa a̱ꞌgo̱ tsí ninimbo̱o̱ꞌ jaꞌyoo Jesús, tsí mbiꞌyuu Tabíta̱ (rí nandoo gáꞌthán Dórka̱s). Ikhaa a̱ꞌgo̱ tsíge̱ꞌ gatíí rí máján naꞌnii̱ jamí nambáñúu̱ xa̱bo̱ tsí ngíníi. 37Ikhaa máꞌ mbiꞌi rúꞌkhue̱n, ndiyóo̱ nandii jamí nijáñuu̱. Ído̱ wámbu̱ún xa̱bo̱ ni̱tsu̱wáa̱n, a̱ꞌkhue̱n ni̱ti̱ge̱e̱ xuyuu̱ ná awúun mbá guꞌwá rí ri̱jma̱á. 38Xómáꞌ xuajen Lída̱ mijngi máꞌ ꞌgí ne̱ ga̱jma̱á xuajen Jópe̱. Ikhaa jngó ído̱ ni̱dxawíín tsí nanimbu̱únꞌ juyáá Jesús rí Pédro̱ xtáa ná Lída̱, a̱ꞌkhue̱n ni̱xu̱ꞌmii̱ a̱jmi̱i xa̱bo̱ magóó gúthán-jáñíi̱. Xáꞌnii nitháa̱n: «Aya̱ gátha̱ya̱ꞌxo̱ꞌ tháan ná Jópe̱ mbá nacha̱».
39A̱ꞌkhue̱n mbá nacha̱ máꞌ ni̱tu̱xu̱u̱ꞌ Pédro̱ ni̱ka̱ ga̱jma̱á nindxúu̱n. Jamí ído̱ ni̱ga̱níi̱, a̱ꞌkhue̱n nigóo̱ juya̱a̱ ná guꞌwá ri̱jma̱á, ná gatiin mbá xúgíin go̱ꞌóxuáꞌa nu̱mbi̱ya̱ꞌ. Ikhiin tsúꞌkhue̱n mbá nawa̱a̱ niwájun ná inuu̱, nu̱snga̱jmáa̱ gajnú mbijwa̱ꞌ jamí i̱ꞌwá xtíin rí niꞌxmí Dórka̱s nákhí xtáa̱ ga̱jma̱á nindxúu̱n. 40A̱ꞌkhue̱n Pédro̱ ni̱gu̱wíin mbá xúgíin xa̱bo̱ rixa̱á, jamí nismáti̱go̱o̱ niꞌthán-jáñuu̱ Ana̱ꞌlóꞌ. Nda̱wa̱á niyaxi̱i̱ ná kri̱ga̱ xuyuu tsí nijáñuu, jamí niꞌthúu̱n: «Tabíta̱, araxu̱unꞌ». Xómáꞌ ikhaa̱ nirmáꞌthaa̱ iduu̱, jamí ído̱ ndiꞌyoo̱ Pédro̱, a̱ꞌkhue̱n ni̱tu̱xii̱ ni̱gi̱ꞌi̱i̱. 41A̱ꞌkhue̱n Pédro̱ niwatuun ñawúu̱n jamí nixúxii̱. Wámba̱ rúꞌkhue̱n, nindxaꞌwúu̱n xa̱bi̱i Ana̱ꞌlóꞌ jamí go̱ꞌóxuáꞌa, a̱ꞌkhue̱n ndaꞌya Dórka̱s nixnáxii̱ ná inúú.
42Mbá xúgíí xuajen Jópe̱ niwán ríge̱ꞌ, jamí phú mbaꞌiin xa̱bo̱ ninimbu̱únꞌ juyáá Táta̱. 43A̱ꞌkhue̱n Pédro̱ ninguanúu mba̱yo̱ꞌ ná xuajen Jópe̱, ná guꞌwóo mbáa xa̱bo̱ tsí mbiꞌyuu Simón, tsí nañajun ga̱jma̱á xtúún xu̱kú.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.