Joni 9
9
Jesu wa kaponya muntu wa kazhalwa kali Moofu
1Jesu nakalinga kweenda wakabona musankwa wakazhalwa kali moofu. 2Bashichiiya bakwe bakamubuzha ati, “Omuii, nchinyonyono chabaani chakapa kwaamba azhalwe kali moofu? chaakwe mwiine naa nchabazhali bakwe?” 3Jesu wakanviila ati, “Tazhishi zhinyonyono zha muntu uyu, naa zhabazhali bakwe, abobo chakachitika bobu kwaamba nguzu zha Leza zhibonwe kwiinda mulinguwe. 4Ono nakachili malumwi tulyeelele kusebenza nchito ya oyo wakantuma, nkambo mashiku alaza muntu ngatakonzhi kusebenza. 5Kanchili munyika, ndi mumuni wanyika.” 6Nakamana kwaamba boobu, wakashipa mate anshi, akukanda bulongo angayo, wakananika moofu uyo mu meenso. 7Wakamwaambila ati, “Kounka ukasambe mukazhiba ka Silomu.” (ili liina lilaamba kwaamba, “Kutumwa.”) Amane musankwa wakaunka wasamba, alimwi wakajoka kalanga.
8Ono bashimukobonyina ababo bakalikumubona kalomba bakaamba ati, “Saa uyu taashi wakalinga kukkala kalombelela?” 9Bamwi bakaamba ati, “Ngunguwe,”
Bamwi bakaamba ati, “Taaku, ulakonzhana boo anguwe.”
Pesi walo mwiine wakaamba ati, “Ndime muntu uyo.” 10Bakamubuzha ati, “Ino meenso ako akabona buti?” 11Wakabanviila ati, “Muntu wiitwa ati Jesu, nguwakanda bulongo akunanika mu meenso. Wangambila ati, kounka kukazhiba ka Siloamu usambe. Amana ndaunka ndasamba. Peenka awo ndachikonzha akulanga.” 12Bakamubuzha ati, “Ino uli kuli uyo muntu?”
Wakanviila ati, “Nshizhi nkwabele.”
Ba Faliisi mbubakavuntausha kuponeshegwa
13Bakamuleta kuba Faliisi muntu uyo wakalinga moofu. 14Ono mwakalinga mu buzuba bwa Nsabata Jesu nakakanda bulongo kwaamba ajalule menso a muntu uyo. 15Ba Faliisi bakamubuzha alimwi ati, “Ino wabona buti?” Wakabaambila ati, “Wakananika bulongo mu menso angu, alimwi ndakaunka mukusamba, amana ono ndachikonzha kubona.”
16Bamwi ba Faliisi bakaamba ati, “Uyu muntu tazwi kuli Leza, Talemeki mulawo wa Nsabata.”
Bamwi bakabuzha ati, “Mbuti muntu mubishi mbwiinga wachita zhitondezho zhili mbuli bwazhezhi?” Amane bakandaana mulwabo.
17Bamane bama Faliisi bakamubuzha alimwi ati, “Waamba ati wakakuponya ku boofu bwako, nchibotu, Ino ulaamba nzhi alinguwe?”
Muntu wakanviila ati, “Ngumushinshimi.”
18Alimwi kabatana kushoma kwaamba wakalinga moofu akwaamba wakatalika kubona, kushikila bakatumya mulomo kubazhali bakwe kubaiita. 19Bakabuzha ati, “Saa uyu ngu mwana anu? Saa ngunguwe ngu mwamba ati wakazhalwa kali moofu? Ina chilibuti kwaamba ono wabona?”
20Bazhali bakwe bakanviila ati, “Tulizhi kwaamba ngu mwanaeesu, “Alimwi tulizhi kwaamba wakazhalwa kali moofu. 21Tatuzhi Pesi ono mbwabona, naa wamujalula meenso. Amumubuzhe ngumunene, ulalyambilila mwiine!” 22Bazhali bakwe bakaamba bobu nkambo bakalikutija bama Sololi baba Juuda, nkambo balo bakalinga kuchite kale muzeezo wakwaamba eshi ambe ati Jesu ngu Mesiya ulaakugushigwa mu sinagogo. 23Nchichecho bazhali bakwe nchibakaambila ati, “Ngu munene, kamumubuzha!” 24Alimwi lwabili bakamwiita muntu uyu wakazhalwa kaali moofu, bamane bakamwaambila ati, “Shomezha kuli Leza kwaamba ulaamba chanchobeni! Tulizhi kwaamba muntu uyu wakakuponya ngu shizhinyonyono.”
25Wakanviila ati, “Nshizhi naa ngushizhinyonyono naa taashi, “Nchinzhi boo nchakwaamba. Ndakalinga moofu, alimwi ono ndabona.”
26Bakamubuzha ati, “Ino nchinzhi nchakuchitila?” Ino mbuti mbwakakuponya ku boofu bwako?” 27Wakabanviila ati, “Ndamwaambila kale, alimwi tmunakunva. Ino mulayandila nzhi kunva alimwi? Saa andimwe mulayanda kuba bashichiiya bakwe?”
28Bamane bakatalika kumutukana, alimwi bakaamba ati, “Ulishichiiya wakwe! Pesi tuli bashichiiya ba Mozesi. 29Tulizhi kwaamba Leza wakalinga kwaamba kwiinda muli Mozesi, pesi uyu muntu tatuzhi ankwazwila!”
30Ono uyu Muntu wakabanviila ati, “Ichi chintu chaba cheenzu! Tamumuzhi ankwazwila, pesi wakanponya boofu bwaangu! 31Tulizhi kwaamba Leza tanvili bashizhinyonyono, ulanva boo uyo umukomba akuchita nzhayanda. 32Taaku wakanva kokale kujalula menso muntu wakazhalwa kali moofu. 33Muntu uyu natalinga kuzwa kwa Leza, niinga taaku nchachita.”
34Bakanviila ati, “Kuzwa mukuzhalwa kwako wakazhalilwa mu chinyonyono, ino mbuti mbutuiisha?” Alimwi bakamusowela ansengwe a singagogo.
Boofu mu Muuya
35Jesu nakanva kwaamba bamusowela ansengwe, alimwi nakamujana wakaamba ati, “Saa ulashoma mu Mwana a Muntu?” 36Muntu wakabuzha ati, “Ngambile Omuii ino nguni, kwaamba andime nshome mulinguwe!” 37Jesu wakamwaambila ati, wamubona, alimwi, ngunguwe ngu ntokwaamba anguye ono.”
38Amane muntu wakaamba ati, “Mwami, ndashoma!” Amane wakakomba Jesu.
39Amana Jesu wakaamba ati, ndakazila kubeteka nyika, kwaamba abo bataboni babone, alimwi abo babona bofaale.
40Ono bamwi ba Faliisi bakalinga anguwe bakanva makani aya, bakamubuzha ati, “Inzhi? Saa andiswe tuli boofu?”
41Jesu wakaamba ati, “Nimwalinga boofu, niinga tamuchite mulandu, pesi ono mbumulyaamba kwaamba tulalanga, ulanokuli mulandu wanu.”
ទើបបានជ្រើសរើសហើយ៖
Joni 9: STP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Joni 9
9
Jesu wa kaponya muntu wa kazhalwa kali Moofu
1Jesu nakalinga kweenda wakabona musankwa wakazhalwa kali moofu. 2Bashichiiya bakwe bakamubuzha ati, “Omuii, nchinyonyono chabaani chakapa kwaamba azhalwe kali moofu? chaakwe mwiine naa nchabazhali bakwe?” 3Jesu wakanviila ati, “Tazhishi zhinyonyono zha muntu uyu, naa zhabazhali bakwe, abobo chakachitika bobu kwaamba nguzu zha Leza zhibonwe kwiinda mulinguwe. 4Ono nakachili malumwi tulyeelele kusebenza nchito ya oyo wakantuma, nkambo mashiku alaza muntu ngatakonzhi kusebenza. 5Kanchili munyika, ndi mumuni wanyika.” 6Nakamana kwaamba boobu, wakashipa mate anshi, akukanda bulongo angayo, wakananika moofu uyo mu meenso. 7Wakamwaambila ati, “Kounka ukasambe mukazhiba ka Silomu.” (ili liina lilaamba kwaamba, “Kutumwa.”) Amane musankwa wakaunka wasamba, alimwi wakajoka kalanga.
8Ono bashimukobonyina ababo bakalikumubona kalomba bakaamba ati, “Saa uyu taashi wakalinga kukkala kalombelela?” 9Bamwi bakaamba ati, “Ngunguwe,”
Bamwi bakaamba ati, “Taaku, ulakonzhana boo anguwe.”
Pesi walo mwiine wakaamba ati, “Ndime muntu uyo.” 10Bakamubuzha ati, “Ino meenso ako akabona buti?” 11Wakabanviila ati, “Muntu wiitwa ati Jesu, nguwakanda bulongo akunanika mu meenso. Wangambila ati, kounka kukazhiba ka Siloamu usambe. Amana ndaunka ndasamba. Peenka awo ndachikonzha akulanga.” 12Bakamubuzha ati, “Ino uli kuli uyo muntu?”
Wakanviila ati, “Nshizhi nkwabele.”
Ba Faliisi mbubakavuntausha kuponeshegwa
13Bakamuleta kuba Faliisi muntu uyo wakalinga moofu. 14Ono mwakalinga mu buzuba bwa Nsabata Jesu nakakanda bulongo kwaamba ajalule menso a muntu uyo. 15Ba Faliisi bakamubuzha alimwi ati, “Ino wabona buti?” Wakabaambila ati, “Wakananika bulongo mu menso angu, alimwi ndakaunka mukusamba, amana ono ndachikonzha kubona.”
16Bamwi ba Faliisi bakaamba ati, “Uyu muntu tazwi kuli Leza, Talemeki mulawo wa Nsabata.”
Bamwi bakabuzha ati, “Mbuti muntu mubishi mbwiinga wachita zhitondezho zhili mbuli bwazhezhi?” Amane bakandaana mulwabo.
17Bamane bama Faliisi bakamubuzha alimwi ati, “Waamba ati wakakuponya ku boofu bwako, nchibotu, Ino ulaamba nzhi alinguwe?”
Muntu wakanviila ati, “Ngumushinshimi.”
18Alimwi kabatana kushoma kwaamba wakalinga moofu akwaamba wakatalika kubona, kushikila bakatumya mulomo kubazhali bakwe kubaiita. 19Bakabuzha ati, “Saa uyu ngu mwana anu? Saa ngunguwe ngu mwamba ati wakazhalwa kali moofu? Ina chilibuti kwaamba ono wabona?”
20Bazhali bakwe bakanviila ati, “Tulizhi kwaamba ngu mwanaeesu, “Alimwi tulizhi kwaamba wakazhalwa kali moofu. 21Tatuzhi Pesi ono mbwabona, naa wamujalula meenso. Amumubuzhe ngumunene, ulalyambilila mwiine!” 22Bazhali bakwe bakaamba bobu nkambo bakalikutija bama Sololi baba Juuda, nkambo balo bakalinga kuchite kale muzeezo wakwaamba eshi ambe ati Jesu ngu Mesiya ulaakugushigwa mu sinagogo. 23Nchichecho bazhali bakwe nchibakaambila ati, “Ngu munene, kamumubuzha!” 24Alimwi lwabili bakamwiita muntu uyu wakazhalwa kaali moofu, bamane bakamwaambila ati, “Shomezha kuli Leza kwaamba ulaamba chanchobeni! Tulizhi kwaamba muntu uyu wakakuponya ngu shizhinyonyono.”
25Wakanviila ati, “Nshizhi naa ngushizhinyonyono naa taashi, “Nchinzhi boo nchakwaamba. Ndakalinga moofu, alimwi ono ndabona.”
26Bakamubuzha ati, “Ino nchinzhi nchakuchitila?” Ino mbuti mbwakakuponya ku boofu bwako?” 27Wakabanviila ati, “Ndamwaambila kale, alimwi tmunakunva. Ino mulayandila nzhi kunva alimwi? Saa andimwe mulayanda kuba bashichiiya bakwe?”
28Bamane bakatalika kumutukana, alimwi bakaamba ati, “Ulishichiiya wakwe! Pesi tuli bashichiiya ba Mozesi. 29Tulizhi kwaamba Leza wakalinga kwaamba kwiinda muli Mozesi, pesi uyu muntu tatuzhi ankwazwila!”
30Ono uyu Muntu wakabanviila ati, “Ichi chintu chaba cheenzu! Tamumuzhi ankwazwila, pesi wakanponya boofu bwaangu! 31Tulizhi kwaamba Leza tanvili bashizhinyonyono, ulanva boo uyo umukomba akuchita nzhayanda. 32Taaku wakanva kokale kujalula menso muntu wakazhalwa kali moofu. 33Muntu uyu natalinga kuzwa kwa Leza, niinga taaku nchachita.”
34Bakanviila ati, “Kuzwa mukuzhalwa kwako wakazhalilwa mu chinyonyono, ino mbuti mbutuiisha?” Alimwi bakamusowela ansengwe a singagogo.
Boofu mu Muuya
35Jesu nakanva kwaamba bamusowela ansengwe, alimwi nakamujana wakaamba ati, “Saa ulashoma mu Mwana a Muntu?” 36Muntu wakabuzha ati, “Ngambile Omuii ino nguni, kwaamba andime nshome mulinguwe!” 37Jesu wakamwaambila ati, wamubona, alimwi, ngunguwe ngu ntokwaamba anguye ono.”
38Amane muntu wakaamba ati, “Mwami, ndashoma!” Amane wakakomba Jesu.
39Amana Jesu wakaamba ati, ndakazila kubeteka nyika, kwaamba abo bataboni babone, alimwi abo babona bofaale.
40Ono bamwi ba Faliisi bakalinga anguwe bakanva makani aya, bakamubuzha ati, “Inzhi? Saa andiswe tuli boofu?”
41Jesu wakaamba ati, “Nimwalinga boofu, niinga tamuchite mulandu, pesi ono mbumulyaamba kwaamba tulalanga, ulanokuli mulandu wanu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International