Joni 6
6
Jesu wakasanina zhuulu zhosanwe
(Mateyo 14.13-21; Maako 6.30-44; Luuka 9.10-17)
1Jesu wakazubuka kutala a lweenge lwa Galilii luli ngu Taibeliyasi. 2Alimwi mabunga mabunga a bantu akamuchilila nkambo bakabona zhitondezho nzhaakachita kwiinda mukuponya balwazhi. 3Amane Jesu wakaunka amulundu akukkala abashichiiya bakwe. 4Pobwe ya Pasika yaba Juuda yakalinga afaafi. 5Jesu nakalanga wakabona imbunga ya bantu kabaza kulinguwe. Wakabuzha Filipo ati, “Ino nkuli nkushituule chinkwa chakusanina bantu boonse aba?” 6Wakabuzha kuyanda kumusola, nkambo wakalikuzhi kale chakuchita.
7Filipo wakamunviila ati, “Kwaamba omwi ajane kuluma kampanzhi kashoonto chilabweza maali avolwa mu myeenzhi ili chiloba.”
8Ono umwi waba shichiiya wakwe, Andulu mukwabo Saimoni Petulo, wakaamba ati, 9“Ngoyu mwaana musankwa uchite zhinkwa zhili zhosanwe zha maila atuswi tobilo. Pesi ino inga zhaba buti zhiinji kwabana bantu baanji boonse aaba.”
10Jesu wakaamba ati, “Amubaambile bantu boonse bakkale anshi.” Abusena awo akalinga bwiizu buunji. Amane bakakkala anshi, (bamasankwa bakakkala bakalinga kushika zhuulu zhosanwe). 11Jesu wakabweza zhinkwa, wakapa kulumba kuli Leza, amane wakazhaaba kubantu bakalikushite. Wakachita bweenka a ku tuswi. 12Ono boonse nibakakuta, wakakaambila bashichiiya bakwe ati, “Amubike antomwi zhoonse zhachaala. Kutabi nachiba chomwi chisowegwa.” 13Bakazhibika antomwi zhakashaala zhoonse akuzuzha mitaanga ili makkumi obilo atobilo ngubakashiya bakalinga kulya.
14Ono bantu nibakabona chitondezho Jesu nchakachita, bakatalika kwaamba ati, “Kashimpe ngunguwe mushinshimi utokuza munyika!” 15Ono Jesu kaazhi kwaamba balanda kumubika abwami chakumushinikizha, wakajokela a mulundu eenka.
Jesu wakeenda a maanzhi
(Mateyo 14.22-33; Maako 6.45-52)
16Ono chiindi cha mangolezha, bashichiiya bakwe bakaunka ku chizhiba, 17uko nkubakanjila mu bwaato, bamane bakazubuka baunka ku Kapenaumu. Ono kakuli kwashiya kale, alimwi Jesu katana kuza kulimbabo. 18Muuwo unene wakaunga alimwi maanzhi akalikuvundauka changuzu. 19Ono nibakakwasula musinzo wa makilomita osanwe kushika ku chiloba, bakamubona Jesu kaza ku bwaato, kaeenda a maanzhi, alimwi bakatija. 20Jesu wakabaambila ati, “Ndime, mutatiji!” 21Amane bakamunjizha mu bwaato, peenka penka bwaato bwakashika kutala nkubakalinga kuunka.
Bantu bakamulangaula Jesu
22Buzuba bwakachilila imbunga yakashaala kutala achizhiba yakazhiba ati kwakashaala boo bwaato bomwi, akwaamba Jesu taaku nakabunjila bwaato abashichiiya bakwe, pesi bakaunka boo beenka. 23Amana amwi maato akazwa ku Tibeliyasi akashikila afaafi abusena bantu nkubakalida chinkwa nakamana kupa kulumba kuli Leza. 24Amana mbunga yakazhiba kwaamba Jesu naa bashichiiya bakwe tibakalinga koo abusena awo. bakanjila mumato akunka ku Kapenaum, mukulangaula Jesu.
Jesu chi chinkwa cha buumi
25Ono bantu nibakamujana Jesu kutala, bakamubuzha ati, “O muii, ino washika lili kuno?”
26Jesu wakanviila ati, “Nchachobeni ndamwaambila, mulalangaula ndime, kutaashi nkambo kazhitodezho nzhindakachita pesi nkambo mwakalya zhinkwa akukuta. 27Mutasebenzeli chakulya chimana, pesi chakulya chipa buumi butamani, icho Mwana a Muntu ncheshi akamupe. Nkambo Leza Taata alinguwe wakabika chinamatizho chakuzumizha.”
28Ono bakamubuzha ati, “Ino nchizhi nchiinga twachita kwaamba tuchite Leza nchayanda?”
29Jesu wakanviila ati, “Leza nchayanda kuchita nkushoma muli uyo ngwakatuma.”
30Ono wakamubuzha ati, “Ino chitondezho nzhi nchishiukatondezhe kwaamba tukabone akukushoma? Ulakuchita buti? 31Bashikale besu bakalya mana mu chimpayuma, mbuli mbukulembelwe, “Wakabapa chinkwa kuzwa ku julu kwaamba balye.’ ”
32Jesu wakabaambila ati, “Nchanchobeni taashi Mozesi wakamupa chinkwa kuzwa ku julu pesi ngu Taata umupa chinkwa cha kashimpe kuzwa ku julu. 33Nkambo chinkwa cha Leza nchinkwa chiza anshi kuzwa ku julu alimwi chilapa buumi kunyika.”
34Bakamwaambila ati, “O muii, kotupa chinkwa ichi lyoonse.”
35Amane Jesu wakaamba ati, “Ndime chinkwa cha buumi. Kufumbwa muntu uza kuli ndime takafi nzala alimwi, a oyo ushoma muli ndime, takafi nyotwa alimwi. 36Pesi mbuli mbundakamwaambila kale, mwambona alimwi tamuchishomi. 37Pesi boonse abo mbashiakampe Taata balakuza kulindime nshikabatandi. 38Nkambo ndakaza ano anshi kuzwa ku julu kutaashi kwaamba naa nchite luyando lwangu pesi luyando lwa oyo wakantuma. 39Alimwi ulu ndu luyando lwa oyo wakantuma, kwaamba ntasowekelwi naba omwi uyo ngwakampa, pesi kubabusha mubuzuba bwamamanino. 40Nkambo kuyanda kwa Taata mbwakwaamba ati uli oonse ulanga ku Mwaana akumushoma nkamubushe mubuzuba bwamamanino.
41Ono ku kaambo aka ba Juuda bakatalika kumutongooka nkambo wakaamba ati, “Ndime chinkwa chiza anshi kuzwa ku julu?” 42Bakaamba ati, “Ino uyu taashi Jesu mwana Josefa? Baishi abanyina mbutuzhi? Ina ono inga waamba buti ati, ‘Ndaza anshi kuzwa ku julu?”
43Jesu wakanviila ati, “Amuleke kukazhana akati kanu. 44Taaku muntu ukonzha kuza kulindime chita Taata wakantuma wamuswenya afaafi, alimwi ndakumubusha buzuba bwamamanino. 45Bashinshimi bakalemba ati, ‘Balakuiishigwa a Leza boonse. mfumbwa unva kuzwa kuli Taata akwiiya kuzwa kulinguwe ulaza kulindime. 46Taaku wakamubona kale Taata, chita boo uyo uzwa kuli Leza. Nguwakamubona boo. 47Nchanchobeni ndamwambila, mfumbwa ushoma ulichite buumi butamani. 48Ndime chinkwa cha buumi. 49Bashikale banu bakalya mana mu chimpayuma pesi bakafa. 50Pesi nchechi chinkwa chiza anshi kuzwa ku julu, icho uli oonse nchinga walya akutafa. 51Ndime chinkwa chipa buumi chakazwa ku julu, mfumwa ulya chinkwa ichi ulakupona lyoonse. Chinkwa ichi mubili wangu, ngushi nkape buumi ku nyika.”
52Bamane bama Juuda bakatalika kukazhanya changuzu mulichabo ati, “Ino muntu uyu inga watupa buti mubili wakwe kwaamba tulye?”
53Ono Jesu wakabaambila ati, “Nchanchobeni ndamwambila ati, mwatalya mubili wa Mwana a Muntu akunwa bulowa bwakwe, tamukabi a buumi muli ndimwe. 54Mfumbwa muntu ulya mubili wangu akunwa bulowa bwangu ulichite buumi butamani, alimwi ndakubabusha mu buzuba bwamamanino. 55Nkambo mubili wangu nchakulya chanchobeni, abwalo bulowa bwangu nkukunwa kwanchobeni. 56Mfumbwa ulya mubili wangu akunwa bulowa bwangu ngukalilila muli ndime, andime muli nguwe. 57Bweenka mbuli Taata upona mbwakantuma abobo andime ndapona ankambo ka Taata. Alimwi mfumbwa ulya mubili wangu ulakupona nkambo kangu. 58Ichi nchichinkwa chakazwa ku julu, bashikale banu bakalya maana alimwi bakafa, pesi mfumwa ulya chinkwa ichi ulakupona kukabe kutamani.”
59Jesu wakaamba makani aya nakalinga kuiisha mu sinagogo mu Kapenaumu.
Majwi apa buumi butamani
60Ono bashichiiya baanji nibakanva makani aya bakaamba ati, makani aya manene. Nguni ukonzha kwanva?”
61Jesu wakazhiba kwaamba bashichiiya bakwe bakalinga kutongooka akambo kachechi, wakabaambila ati, “Saa ichi chamutyompa? 62Ino naa mwabona Mwana a Muntu katanta kujokela uko nkwakalinga kutaanguna? 63Muuya ulapa buumi, muntu takonzhi kuba a buumi ubu mwiine. Majwi aya ngumwaambila alizwile Muuya a buumi. 64Kakuli bamwi banu tabashomi.” Nkambo Jesu wakalinga kuzhi kuzwa kumatalikilo abo batakalinga kushoma a oy shikumwaaba. 65Alimwi wakayungizha wakaamba ati, “Aka nkukambo nchindamwaambilila ati taaku ukonzha kuza kulindime chita boo Taata wabazumizha.”
66Kuzwa chiindi ichi bashichiiya baanji bakajokela alimwi bakachileka kumuchilila. 67Jesu wakabuzha bali kkumi abobilo ati, “Saa andimwe mulayanda kunshiiya?”
68Saimoni Petulo wakamunviila ati, “Mwami, ino inga iswe twaunka kuli nii? Iwe ndiwe uchite majwi abuumi butamani. 69Iswe tulashoma akuziba ati ndiwe Usalala uzwa kuli Leza.”
70Jesu wakabaambila ati, “Saa nshina kumusala numuli kkumi abobilo,” Pesi umwi wanu ngu Satani!” 71Wakalinga kwaamba Judasi mwana Saimoni Sikalyoti, nkambo uyu nikuba kwaamba wakalinga wankamu yabali kkumi abobilo ngunguwe wakalinga kumwaaba.
ទើបបានជ្រើសរើសហើយ៖
Joni 6: STP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Joni 6
6
Jesu wakasanina zhuulu zhosanwe
(Mateyo 14.13-21; Maako 6.30-44; Luuka 9.10-17)
1Jesu wakazubuka kutala a lweenge lwa Galilii luli ngu Taibeliyasi. 2Alimwi mabunga mabunga a bantu akamuchilila nkambo bakabona zhitondezho nzhaakachita kwiinda mukuponya balwazhi. 3Amane Jesu wakaunka amulundu akukkala abashichiiya bakwe. 4Pobwe ya Pasika yaba Juuda yakalinga afaafi. 5Jesu nakalanga wakabona imbunga ya bantu kabaza kulinguwe. Wakabuzha Filipo ati, “Ino nkuli nkushituule chinkwa chakusanina bantu boonse aba?” 6Wakabuzha kuyanda kumusola, nkambo wakalikuzhi kale chakuchita.
7Filipo wakamunviila ati, “Kwaamba omwi ajane kuluma kampanzhi kashoonto chilabweza maali avolwa mu myeenzhi ili chiloba.”
8Ono umwi waba shichiiya wakwe, Andulu mukwabo Saimoni Petulo, wakaamba ati, 9“Ngoyu mwaana musankwa uchite zhinkwa zhili zhosanwe zha maila atuswi tobilo. Pesi ino inga zhaba buti zhiinji kwabana bantu baanji boonse aaba.”
10Jesu wakaamba ati, “Amubaambile bantu boonse bakkale anshi.” Abusena awo akalinga bwiizu buunji. Amane bakakkala anshi, (bamasankwa bakakkala bakalinga kushika zhuulu zhosanwe). 11Jesu wakabweza zhinkwa, wakapa kulumba kuli Leza, amane wakazhaaba kubantu bakalikushite. Wakachita bweenka a ku tuswi. 12Ono boonse nibakakuta, wakakaambila bashichiiya bakwe ati, “Amubike antomwi zhoonse zhachaala. Kutabi nachiba chomwi chisowegwa.” 13Bakazhibika antomwi zhakashaala zhoonse akuzuzha mitaanga ili makkumi obilo atobilo ngubakashiya bakalinga kulya.
14Ono bantu nibakabona chitondezho Jesu nchakachita, bakatalika kwaamba ati, “Kashimpe ngunguwe mushinshimi utokuza munyika!” 15Ono Jesu kaazhi kwaamba balanda kumubika abwami chakumushinikizha, wakajokela a mulundu eenka.
Jesu wakeenda a maanzhi
(Mateyo 14.22-33; Maako 6.45-52)
16Ono chiindi cha mangolezha, bashichiiya bakwe bakaunka ku chizhiba, 17uko nkubakanjila mu bwaato, bamane bakazubuka baunka ku Kapenaumu. Ono kakuli kwashiya kale, alimwi Jesu katana kuza kulimbabo. 18Muuwo unene wakaunga alimwi maanzhi akalikuvundauka changuzu. 19Ono nibakakwasula musinzo wa makilomita osanwe kushika ku chiloba, bakamubona Jesu kaza ku bwaato, kaeenda a maanzhi, alimwi bakatija. 20Jesu wakabaambila ati, “Ndime, mutatiji!” 21Amane bakamunjizha mu bwaato, peenka penka bwaato bwakashika kutala nkubakalinga kuunka.
Bantu bakamulangaula Jesu
22Buzuba bwakachilila imbunga yakashaala kutala achizhiba yakazhiba ati kwakashaala boo bwaato bomwi, akwaamba Jesu taaku nakabunjila bwaato abashichiiya bakwe, pesi bakaunka boo beenka. 23Amana amwi maato akazwa ku Tibeliyasi akashikila afaafi abusena bantu nkubakalida chinkwa nakamana kupa kulumba kuli Leza. 24Amana mbunga yakazhiba kwaamba Jesu naa bashichiiya bakwe tibakalinga koo abusena awo. bakanjila mumato akunka ku Kapenaum, mukulangaula Jesu.
Jesu chi chinkwa cha buumi
25Ono bantu nibakamujana Jesu kutala, bakamubuzha ati, “O muii, ino washika lili kuno?”
26Jesu wakanviila ati, “Nchachobeni ndamwaambila, mulalangaula ndime, kutaashi nkambo kazhitodezho nzhindakachita pesi nkambo mwakalya zhinkwa akukuta. 27Mutasebenzeli chakulya chimana, pesi chakulya chipa buumi butamani, icho Mwana a Muntu ncheshi akamupe. Nkambo Leza Taata alinguwe wakabika chinamatizho chakuzumizha.”
28Ono bakamubuzha ati, “Ino nchizhi nchiinga twachita kwaamba tuchite Leza nchayanda?”
29Jesu wakanviila ati, “Leza nchayanda kuchita nkushoma muli uyo ngwakatuma.”
30Ono wakamubuzha ati, “Ino chitondezho nzhi nchishiukatondezhe kwaamba tukabone akukushoma? Ulakuchita buti? 31Bashikale besu bakalya mana mu chimpayuma, mbuli mbukulembelwe, “Wakabapa chinkwa kuzwa ku julu kwaamba balye.’ ”
32Jesu wakabaambila ati, “Nchanchobeni taashi Mozesi wakamupa chinkwa kuzwa ku julu pesi ngu Taata umupa chinkwa cha kashimpe kuzwa ku julu. 33Nkambo chinkwa cha Leza nchinkwa chiza anshi kuzwa ku julu alimwi chilapa buumi kunyika.”
34Bakamwaambila ati, “O muii, kotupa chinkwa ichi lyoonse.”
35Amane Jesu wakaamba ati, “Ndime chinkwa cha buumi. Kufumbwa muntu uza kuli ndime takafi nzala alimwi, a oyo ushoma muli ndime, takafi nyotwa alimwi. 36Pesi mbuli mbundakamwaambila kale, mwambona alimwi tamuchishomi. 37Pesi boonse abo mbashiakampe Taata balakuza kulindime nshikabatandi. 38Nkambo ndakaza ano anshi kuzwa ku julu kutaashi kwaamba naa nchite luyando lwangu pesi luyando lwa oyo wakantuma. 39Alimwi ulu ndu luyando lwa oyo wakantuma, kwaamba ntasowekelwi naba omwi uyo ngwakampa, pesi kubabusha mubuzuba bwamamanino. 40Nkambo kuyanda kwa Taata mbwakwaamba ati uli oonse ulanga ku Mwaana akumushoma nkamubushe mubuzuba bwamamanino.
41Ono ku kaambo aka ba Juuda bakatalika kumutongooka nkambo wakaamba ati, “Ndime chinkwa chiza anshi kuzwa ku julu?” 42Bakaamba ati, “Ino uyu taashi Jesu mwana Josefa? Baishi abanyina mbutuzhi? Ina ono inga waamba buti ati, ‘Ndaza anshi kuzwa ku julu?”
43Jesu wakanviila ati, “Amuleke kukazhana akati kanu. 44Taaku muntu ukonzha kuza kulindime chita Taata wakantuma wamuswenya afaafi, alimwi ndakumubusha buzuba bwamamanino. 45Bashinshimi bakalemba ati, ‘Balakuiishigwa a Leza boonse. mfumbwa unva kuzwa kuli Taata akwiiya kuzwa kulinguwe ulaza kulindime. 46Taaku wakamubona kale Taata, chita boo uyo uzwa kuli Leza. Nguwakamubona boo. 47Nchanchobeni ndamwambila, mfumbwa ushoma ulichite buumi butamani. 48Ndime chinkwa cha buumi. 49Bashikale banu bakalya mana mu chimpayuma pesi bakafa. 50Pesi nchechi chinkwa chiza anshi kuzwa ku julu, icho uli oonse nchinga walya akutafa. 51Ndime chinkwa chipa buumi chakazwa ku julu, mfumwa ulya chinkwa ichi ulakupona lyoonse. Chinkwa ichi mubili wangu, ngushi nkape buumi ku nyika.”
52Bamane bama Juuda bakatalika kukazhanya changuzu mulichabo ati, “Ino muntu uyu inga watupa buti mubili wakwe kwaamba tulye?”
53Ono Jesu wakabaambila ati, “Nchanchobeni ndamwambila ati, mwatalya mubili wa Mwana a Muntu akunwa bulowa bwakwe, tamukabi a buumi muli ndimwe. 54Mfumbwa muntu ulya mubili wangu akunwa bulowa bwangu ulichite buumi butamani, alimwi ndakubabusha mu buzuba bwamamanino. 55Nkambo mubili wangu nchakulya chanchobeni, abwalo bulowa bwangu nkukunwa kwanchobeni. 56Mfumbwa ulya mubili wangu akunwa bulowa bwangu ngukalilila muli ndime, andime muli nguwe. 57Bweenka mbuli Taata upona mbwakantuma abobo andime ndapona ankambo ka Taata. Alimwi mfumbwa ulya mubili wangu ulakupona nkambo kangu. 58Ichi nchichinkwa chakazwa ku julu, bashikale banu bakalya maana alimwi bakafa, pesi mfumwa ulya chinkwa ichi ulakupona kukabe kutamani.”
59Jesu wakaamba makani aya nakalinga kuiisha mu sinagogo mu Kapenaumu.
Majwi apa buumi butamani
60Ono bashichiiya baanji nibakanva makani aya bakaamba ati, makani aya manene. Nguni ukonzha kwanva?”
61Jesu wakazhiba kwaamba bashichiiya bakwe bakalinga kutongooka akambo kachechi, wakabaambila ati, “Saa ichi chamutyompa? 62Ino naa mwabona Mwana a Muntu katanta kujokela uko nkwakalinga kutaanguna? 63Muuya ulapa buumi, muntu takonzhi kuba a buumi ubu mwiine. Majwi aya ngumwaambila alizwile Muuya a buumi. 64Kakuli bamwi banu tabashomi.” Nkambo Jesu wakalinga kuzhi kuzwa kumatalikilo abo batakalinga kushoma a oy shikumwaaba. 65Alimwi wakayungizha wakaamba ati, “Aka nkukambo nchindamwaambilila ati taaku ukonzha kuza kulindime chita boo Taata wabazumizha.”
66Kuzwa chiindi ichi bashichiiya baanji bakajokela alimwi bakachileka kumuchilila. 67Jesu wakabuzha bali kkumi abobilo ati, “Saa andimwe mulayanda kunshiiya?”
68Saimoni Petulo wakamunviila ati, “Mwami, ino inga iswe twaunka kuli nii? Iwe ndiwe uchite majwi abuumi butamani. 69Iswe tulashoma akuziba ati ndiwe Usalala uzwa kuli Leza.”
70Jesu wakabaambila ati, “Saa nshina kumusala numuli kkumi abobilo,” Pesi umwi wanu ngu Satani!” 71Wakalinga kwaamba Judasi mwana Saimoni Sikalyoti, nkambo uyu nikuba kwaamba wakalinga wankamu yabali kkumi abobilo ngunguwe wakalinga kumwaaba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International