मा़र 14
14
जिसु बिरुदरे मिसरिबाट
(माथ 26:1-5; लु 22:1,2; जोहा 11:45-53)
1आदो बार दिन तायोमगे सेन पारोम आर बिन ता़ड़ियानाक् पिठा़ पोरोब ताहेंकाना आर माराङ नायकेको आर आ़न चेचेत्को दोको टेस्टायेत्कान ताहेंकाना चेत् लेकाते बोन्धेकते उनि साप्कातेको गोजे। 2एनतेको मेनकेदा, पोरोबरे दो आलो, बाङ खान दिसा़म होड़को तालारे गुलमाल होय बोतेजोक्आ।
बेथानिया़रे जिसुवाक् ओजोक्
(माथ 26:6-13; जोहा 12:1-8)
3आदो जिसु बेथानिया़रे मुरहुच् जोम सिमोनाक् ओड़ाक्रेये ताहेंकानरे, जोजोमे दुड़ुप् आकान जोखेच् मित्टेन मायजिउ दो, आलाबासतेर चुका़क्रे आ़डि दामानाक् साफा जाटामानसि सुनुमआनतेये हेच्एना आर चुका़क् रा़पुत्काते जाटामानसि सो सुनुम उनियाक् बोहोक्रेये दुलादेया। 4मेनखान आदोम होड़ दो एदरेयेनते आको आकोरेको मेपेनेना, “चेत् इया़ते नोवा सो सुनुम रेयाक् नारबा खारबा दो? 5एनते नोवा सो सुनुम दो पे साय सिकि खोन बा़ड़तिते आ़खरिञकोक्आ आर रेङगेच् ओरेच्को एमकेकोवा होनाङ” आर उनि मायजिउको निहा़ँतकेदेया। 6मेनखान जिसुइ मेनकेदा, “इका़कायपे, चेदाक्पे दुख ओचोयेदेकाना? उनि दो इञ ला़गित् बोगे का़मिगेये का़मिआकादा। 7एनते रेङगेच् ओरेच्कोमा जावगे आपे तुलुच्को ताहेना आर जाहाँतिनरेगेपे मेनजोङ उनरेगेपे उपका़र दाड़ेयाकोवा, मेनखान इञ दो जावगे बा़नुगिञतापेया। 8ओकाटाक्ए, दाड़ेयाक् ओनाय का़मिकेदा उनि दो इञाक् होड़मो तोपाय ला़गित् सो सुनुमतेये ओजोक् लाहाआकावात्तिञा। 9आर सा़रिगेञ मेतापेकाना, गोटा धा़रतिरे जाहाँरेगे भागे सोमबात पोरचारोक् ओंडेगे उनि मायजिउवे का़मिआकात्आक् हों उनि दिसा़ये ला़गित् ला़इ तोराक्आ।”
जिसु साप् ओचोये ला़गित् जिहुदा़ए रा़जियेन
(माथ 26:14-16; लु 22:3-6)
10आदो जिहुदा़ इसकारियोत गेलबारको मोदरेन मित् होड़ दो माराङ नायकेको ठेने चालावेना जेमोन दोखाते चेत्लेकाते जिसुइ सोपरोतआको। 11ओनको दो ओना आँजोमकातेको रा़सका़येना आर टाका एमायको गोक्आदेया। आर उनि दो चेत् लेकातेये सोपरोते ओना रेयाक् आ़ते ञाम बाड़ायेत् ताहेंकाना।
जिसु आच्रेन चेलाको तुलुच् सेन पारोम भोजे जोमेत्
(माथ 26:17-25; लु 22:7-23; जोहा 13:21-30)
12आर बिन ता़ड़ि आनाक् पिठा़ पोरोब रेयाक् पा़हिल हिलोक्, सेन पारोम भेडा होपोनको तेङगेने हिलोक् जिसुरेन चेलाको दोको मेतादेया, सेन पारोम भोजेम जोमा मेनते ओकारे सेन कातेले तोयनाता मेनतेम मेन जोङ काना? 13आदो जिसु आच्रेन चेलाको मोदरेन बार होड़े कोलकेत्किना, मेतात्किनाए, “नागराहाते दो सेनोक्बेन आर दाक् कान्डाय गोक् इदियेत्कान मित् होड़ आबेन तुलुच्ए ञापामा, उनि पाँजा इदियेबेन, 14आर जाहाँरेगेये बोलोक्, ओना ओड़ाक्रेन किसा़ँड़ मेतायबेन, गुरुइ मेनेदा, इञाक् पेड़ा कांदहा दो ओकारे कानतिञा, ओने ओनारे इञरेन चेलाको साँवते सेन पारोम भोज इञ जोम? 15उनि दो साजाव आर तेयार आकात् मित्टेन माराङ चेतान कांदहाए उदुक् आबेना आर ओंडेगे तोयनातआबोन बेन।” 16उनकिन चेला दो किन चालावेना आर नागराहातेकिन बोलोयेना, आर जिसुइ मेतात्किन ताहेंकान लेकागेकिन ञामकेदा आर सेन पारोम पोरोब भोजकिन तोयनातकेदा। 17आदो आ़युप् एन खान जिसु गेलबारको साँवतेये हेच्एना, 18आरको दुड़ुप् आकान आरको जोजोमकान ताहेंकानरे, जिसुइ मेनकेदा, “सा़रिगेञ मेतापेकाना, आपे मोद खोन मित् होड़ दोखा एमकातेये सोपरोतिञा, हें इञ तुलुच् जोजोमकानिच्गे।” 19चेलाको दो मोन दुकोक् आर एके एकेते मेतायको एहोप्केदा, इञ दो ओहोगे। 20जिसु दोए मेनकेदा, “गेलबारको मोदरेन मित् होड़, ओने ओकोय बा़टिरे इञ तुलुच् पिठा़इ तोक्पोकान। 21मानवा होपोनमाय चालाक्कान, आच् रेयाक् ओलआकान लेकागे, मेनखान उनि होड़रे दो हाय हाय, ओने ओकोय होतेते मानवा होपोन दोखाकातेये साप् ओचोयेदे, उनि होड़ दो आलोय जानामलेन खानगे होनाङ बोगे होयकोक्ताया।”
प्रोभु केदोक्
(माथ 26:26-30; लु 22:14-20; १ कोरि 11:23-25)
22आर ओनकोको जोजोमकान ताहेंकानरे, जिसु दो पिठा़इ हालाङकेदा आर भोरात्तेये केचाक्केदा आरे एमात्कोवा आरे मेनकेदा, “ने आताङ पे नोवा दो इञाक् होड़मो काना।” 23आर बा़टिये हालाङकेदा आर गुनमानाव जोहारकातेये एमात्कोवा आर ओनको जोतो होड़ ओना रेयाक्को ञुकेदा। 24आर जिसुइ मेतात्कोवा, “नोवा दो नावाँ बोनदोबोस रेयाक् इञाक् माँयाँम काना, ओने ओकाटाक् आ़डि होड़को ला़गित् जोरो ओचोक्कान। 25सा़रिगेञ मेतापेकाना, इसोराक् राजरे नावाँनाक् आ़उरिञ ञुय हा़बिच् दारखा रासा दो तिस हों ओहोगेञ ञु लेया।” 26आदो सारहाव सेरेञकाते जा़इतुन बुरुतेको ओडोक चालावेना।
जिसु पातरासे बाङेया मेनतेये ला़इलाहायेत्
(माथ 26:31-35; लु 22:31-34; जोहा 13:36-38)
27आदो जिसुइ मेतात्कोवा, “आपे जोतोगे इञ बा़गिकातेपे ञिर जोङा, एनते ओलआकाना, गुपियिच् इञ मागेया आर भिडिको दोको छिञछा़तुरोक्आ। 28मेनखान इञिञ जिवेत् बेरेत् तायोम दो आपे लाहाते गा़लिलतेञ चालाक्आ।” 29पातरास दो जिसुये मेतादेया, “जोतोको ता़किच्लेनरे हों इञतेत् दो ओहोगे।” 30जिसु दोए मेतादेया, “सा़रिगेञ मेतामकाना, आम दो तेहेञ ञिंदा़गे, सिम सा़ंडि बार धाव आ़उरिये कुकड़ुयरे पे धावेम बाङेञा।” 31मेनखान उनि दो तिरित् लेकाय रोड़ इदिकेदा, “आम साँवते गुजुक् होयोक् तिञरे हों ओहोगेञ बाङलेमा।” आर जोतो चेलाकोगे ओनकागेको मेनकेदा।
जिसु गेथसेमाने बागवानरेये कोयजोङ कान
(माथ 26:36-46; लु 22:39-46)
32आर गेथसेमाने ञुतुम आनाक् मित्टेन जायगातेको हेच्एना आर जिसु दो आच्रेन चेलाकोय मेतात्कोवा, “इञिञ कोयजोङ हा़बिच्ते नोंडे बाड़े दुड़ुप् हाताड़ोक्पे।” 33आदो जिसु पातरास, जाकब आर जोहानताकोये सोङगे तोरावाना आर थारबासावक् आर धाकधाकावक्ए एहोप् एना। 34आर जिसुइ मेतात्कोवा, “जिवि लोक्कानतिञा, गुजुक् लेकाञ आ़इका़वेदा। नोंडेगे ताहेनपे आर जागवाराकाय ताहेनपे।” 35आदो सेन लाहाञोक्काते ओतरेये ताबेरेना आरे कोयकेदा, जेमोन होय दाड़ेयाक् खान, ओना ओकते दो आच् ठेन खोन पारोम चालाक्। 36उनि दोए मेनकेदा, “आब्बा, ए बाबा, आम ला़गित् दो सानामाक्गे होय दाड़ेयाक्आ, नोवा बा़टि दो इञ ठेन खोन सा इदिमे, एनरेहों इञिञ मेनजोङकान लेका दो बाङ, बिचकोम आमेम मेनजोङकान लेका बाड़े होयोक्मा।” 37आदो हेच्काते ओनको पेनेगे जा़पित् आकात् ए ञामकेत्कोवा आर पातरासे मेतादेया, “हेंदा, सिमोन जा़पित् आकादाम? मित्, घा़ड़ि हों बाम जागवार दाड़ेयादा? 38जागवाराकाय ताहेनपे आर कोयजोङपे, जेमोन बिडा़उरे आलोपे बोलोक्, जिउ मा एनते सापड़ावगे, मेनखान होड़मो दो निजोरगेया।” 39आदो जिसु आरहों सेनकाते इना़ काथा मेन कातेगेये कोय इदिकेदा, 40आर हेच् रुवा़ड़काते जा़पित् आकात् ए ञामकेत्कोवा, एनते ओनकोवाक् मेंत् दो झाप झापोक्कान ताहेंकानताकोवा आर चेत्को रोड़ रुवा़ड़आया, ओना हों बाको बाडायकान ताहेंकाना। 41आदो जिसु तेसार धाव हेच्कातेये मेतात्कोवा, “चेत् नित हा़बिच्पे जा़पित् आरपे जिरा़उजोङ काना? इना़क्गे, ओकते दो सेटेरेना ञेलपे, मानवा होपोन दो का़इ होड़कोवाक् तिरेये सोपरोत ओचोक् काना, 42मा बेरेत्पे, मे देलाबोन चालाक्आ, ञेलपे, सोपरोत एदिञिच् दोए सोर आकाना।”
जिसुये साप् ओचोक्कान
(माथ 26:47-56; लु 22:47-53; जोहा 18:3-12)
43आर जिसुये रोरोड़कान ताहेंकान जोखेच्गे, जिहुदा़ गेल बारको मोदरेन मित् होड़े हेच्गोत् एना आर माराङ नायकेको, आ़न चेचेत्को आर मुरुबिको ठेन खोन फा़द होड़को तारवाड़े आर मुता़कआनते उनि साँवतेको हेच्एना, 44उनि साप् ओक्चोयिच् दो मित्टेन ओपरोम चिनहा़इ एमात्को ताहेंकाना, बाङमा, “जाहाँयटाक्गेञ चोक्आय, उनि कानगेयाय, उनि हातेपे आर होरहोकाते इदियेपे।” 45आदोए हेच्एन खान मित् मोहंडा जिसु ठेन सेनकातेये मेतादेया, “ए गुरु,” आरे चोक् आदेया। 46आर ओनको दो झुटिया़उकेदेतेको हातकेदेया। 47मेनखान सोररे तेङगोवाकानको मोदरेन मित् होड़ दो तारवाड़े बोच्काते माराङ नायकेरेन गुतिये उयुक्आदेया उनियाक् लुतुरे हेसेकेत्ताया।
48जिसु दो ओनकोय मेतात्कोवा, “डा़कु उपा़रते लेका तारवाड़े आर मुता़कआनते इञ सासाप्पे ओडोक हेच् आकाना? 49दिना़मगे कोयजोङ ओड़ाक्रे आपे ठेन ला़इ चेचेत्कानिञ ताहेंकाना आर बापे साप्लेदिञा, मेनखान सोसतोर काथा पुरा़उक्आ मेनतेगे नोनका दो होयेना।” 50खान जोतो चेलाको बा़गियादेतेको दा़ड़केदा।
51आर मित्टेन जुवा़न कोड़ा दो जिसुइ पाँजा इदियेदेकान ताहेंकाना, उनि दो एकेन होड़मोरे मुसना़ किचरिच्तेये ओयोआकान ताहेंकाना, तिनरे ओनको दो उनि साबेको कुरुमुटुकेदा, 52उनि दो मुसना़ किचरिच् आड़ाक् गिडि गोत्काते एकेन होड़मोगेये दा़ड़केदा।
जिसु जिहुदिकोवाक् माराङ बा़इसि सामाङरे
(माथ 26:57-68; लु 22:54-55; 22:63-71; जोहा 8:13-14,19-24)
53खानगे जिसु दो माराङ नायके ठेनको इदिकेदेया आर जोतो माराङ नायकेको, मुरुबिको आर आ़न चेचेत्को उनि ठेनको हेच् जारवायेना, 54आर पातरास दो आ़डि फाराक फाराकते माराङ नायकेयाक् दोलान भितरिते, राचा हा़बिच्ए पाँजा इदिकेदेया आर चापरासिको साँवते दुड़ुप्काते सेङगेल ठेने जोरोक् आकान ताहेंकाना। 55आर माराङ नायकेको आर गोटा माराङ बा़इसिरेनको दो जिसु उपा़रते गोहाको ञाम बाक्ड़ाकान ताहेंकाना गोजेया मेनते, मेनखान बाको ञाम दाड़ेयादा। 56आ़डि होड़ जिसु उपा़रते एड़े गोहाको एम इदिकेदा मेनखान गोहा दो बाङ पान्तेलेनताकोवा। 57आदो आदोम होड़ तेङगोकाते जिसु उपा़रते एड़े गोहाको एमकेदा, “मेनकेदाको, रोरोड़ले आँजोम आकादेया, 58इञ दो मानवा तिते बेनावक् नोवा कोयजोङ ओड़ाक् इञ धाङ धासेरा, आर पे माँहाँतेगे मानवा तिते बाङ बेनावक्आक् एटाक्आक् इञ बेरेदा।” 59आर नोनकाते हों गोहा दो बाङ पान्तेलेनताकोवा।
60खान माराङ नायके दो तालारेये तेङगोयेना आर जिसुइ कुलिकेदेया, “चेत् हों बाम रोड़ रुवा़ड़ेत्कान दो? आम उपा़रते चेत् गोहा नोको दोको एमेत्काना?” 61मेनखान जिसु दो हापेगेये ताहेंयेना, चेत् हों बाय रोड़ रुवाड़लेदा। माराङ नायके दो आरहोंए कुलिकेदेया, “आम दो सानाम दाड़ेयानिच् इसोररेन होपोन मा़सि कानाम?”
62जिसु दोए मेनकेदा, “इञ कानगेया़ञ मानवा होपोन दो सानाम दाड़ेयानिच् रेयाक् एतोमरे दुड़ुप् आकान आर सेरमा रेयाक् रिमिलकोते हिजुक्कानपे ञेलेया।”
63खानगे माराङ नायके दो आयाक् किचरिच् ओड़ेच्कातेये मेनकेदा, “गोहाको रेयाक् आर चेत् जा़रुड़ाबोन काना? 64हेनोसता मापे आँजोमकेत्, चेत्पे हुदिसेदा?” ओनको दो जोतोगे गोच् ओचोक् लेकको बिचा़र दुसिकेदेया। 65आदोमको दोको थो आदेया, आर आदोमको दो मेंत्हाँ बेत्केदेतेको थापाकेदेया आरको मेतादेया, “मासे ना़बियमे ओकोय दालकेत्मेया।” आर चापरासिको दो थापा थापाते जिमा़को हातावकेदा।
पातरास जिसुइ बाङेकान
(माथ 26:69-75; लु 22:56-62; जोहा 18:15-18; 18:25-27)
66आर पातरास दो लातार राचारेये दुड़ुपआकान ताहेंकान जोखेच्, माराङ नायकेरेन का़मड़िको मोदरेन मित् कामड़ि कुड़ि उनि ठेने हेच्एना। 67आर पातरास जोरोक्आकाने ञेलकेदे खान, बेङगेत् उरिच्आदेतेये मेनकेदा, “आम हों नासारेतरेन उनि जिसु तुलुच्एम ताहेंकाना।”
68मेनखान पातरास दोए बाङकेदा, मेनकेदाय “आम चेत्एम मेनेत्, ओना दो बाडाय हों बा़ञ बाडाया आर बुजहा़उ हों बा़ञ बुजहा़वेदा।” आदो बाहरे सेच् छाटका दुवा़र ठेने ओडोक चालावेना, आर सिम सा़ंडिये राक्केदा।
69उनि का़मड़ि दो पातरास ञेलकाते ओंडे तेङगोवाकानको आर होंए मेतात्कोवा, “नुय दो ओनको मोदरेन कानगेयाय।” 70पातरास दो आरहोंए बाङ इदिकेदा।
थोड़ा घा़ड़ि तायोमते सोररे तेङगोवाकानको दो आरहों पातरासको मेतादेया, “सा़रि उता़रगे आम दो ओनको मोदरेन कानगेयाम, एनतेम गा़लिल रेन कान दो।”
71मेनखान पातरास दो सारापोक् आर किरया़क्ए एहोप् एना, “ओकोय रेयाङपे रोड़ेत्कान, उनि दो बा़ञ बाडाय आकादेया।”
72आर इना़ घा़ड़िच्तेगे सिम सा़ंडि दोसार धावे राक्केदा। आर पातरास दो ओना काथा रेयाक् दिसा़ हेच्आदेया, चेत्लेका जिसुइ मेतादे ताहेंकान बाङमा “सिम सा़ंडि बार धाव आ़उरिये रागरे पे धावेम बाङेञा।” आर ओना काथाय दिसा़केत्ते हुँक हुँक राराक्ए एहोप् एना।
ទើបបានជ្រើសរើសហើយ៖
मा़र 14: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
मा़र 14
14
जिसु बिरुदरे मिसरिबाट
(माथ 26:1-5; लु 22:1,2; जोहा 11:45-53)
1आदो बार दिन तायोमगे सेन पारोम आर बिन ता़ड़ियानाक् पिठा़ पोरोब ताहेंकाना आर माराङ नायकेको आर आ़न चेचेत्को दोको टेस्टायेत्कान ताहेंकाना चेत् लेकाते बोन्धेकते उनि साप्कातेको गोजे। 2एनतेको मेनकेदा, पोरोबरे दो आलो, बाङ खान दिसा़म होड़को तालारे गुलमाल होय बोतेजोक्आ।
बेथानिया़रे जिसुवाक् ओजोक्
(माथ 26:6-13; जोहा 12:1-8)
3आदो जिसु बेथानिया़रे मुरहुच् जोम सिमोनाक् ओड़ाक्रेये ताहेंकानरे, जोजोमे दुड़ुप् आकान जोखेच् मित्टेन मायजिउ दो, आलाबासतेर चुका़क्रे आ़डि दामानाक् साफा जाटामानसि सुनुमआनतेये हेच्एना आर चुका़क् रा़पुत्काते जाटामानसि सो सुनुम उनियाक् बोहोक्रेये दुलादेया। 4मेनखान आदोम होड़ दो एदरेयेनते आको आकोरेको मेपेनेना, “चेत् इया़ते नोवा सो सुनुम रेयाक् नारबा खारबा दो? 5एनते नोवा सो सुनुम दो पे साय सिकि खोन बा़ड़तिते आ़खरिञकोक्आ आर रेङगेच् ओरेच्को एमकेकोवा होनाङ” आर उनि मायजिउको निहा़ँतकेदेया। 6मेनखान जिसुइ मेनकेदा, “इका़कायपे, चेदाक्पे दुख ओचोयेदेकाना? उनि दो इञ ला़गित् बोगे का़मिगेये का़मिआकादा। 7एनते रेङगेच् ओरेच्कोमा जावगे आपे तुलुच्को ताहेना आर जाहाँतिनरेगेपे मेनजोङ उनरेगेपे उपका़र दाड़ेयाकोवा, मेनखान इञ दो जावगे बा़नुगिञतापेया। 8ओकाटाक्ए, दाड़ेयाक् ओनाय का़मिकेदा उनि दो इञाक् होड़मो तोपाय ला़गित् सो सुनुमतेये ओजोक् लाहाआकावात्तिञा। 9आर सा़रिगेञ मेतापेकाना, गोटा धा़रतिरे जाहाँरेगे भागे सोमबात पोरचारोक् ओंडेगे उनि मायजिउवे का़मिआकात्आक् हों उनि दिसा़ये ला़गित् ला़इ तोराक्आ।”
जिसु साप् ओचोये ला़गित् जिहुदा़ए रा़जियेन
(माथ 26:14-16; लु 22:3-6)
10आदो जिहुदा़ इसकारियोत गेलबारको मोदरेन मित् होड़ दो माराङ नायकेको ठेने चालावेना जेमोन दोखाते चेत्लेकाते जिसुइ सोपरोतआको। 11ओनको दो ओना आँजोमकातेको रा़सका़येना आर टाका एमायको गोक्आदेया। आर उनि दो चेत् लेकातेये सोपरोते ओना रेयाक् आ़ते ञाम बाड़ायेत् ताहेंकाना।
जिसु आच्रेन चेलाको तुलुच् सेन पारोम भोजे जोमेत्
(माथ 26:17-25; लु 22:7-23; जोहा 13:21-30)
12आर बिन ता़ड़ि आनाक् पिठा़ पोरोब रेयाक् पा़हिल हिलोक्, सेन पारोम भेडा होपोनको तेङगेने हिलोक् जिसुरेन चेलाको दोको मेतादेया, सेन पारोम भोजेम जोमा मेनते ओकारे सेन कातेले तोयनाता मेनतेम मेन जोङ काना? 13आदो जिसु आच्रेन चेलाको मोदरेन बार होड़े कोलकेत्किना, मेतात्किनाए, “नागराहाते दो सेनोक्बेन आर दाक् कान्डाय गोक् इदियेत्कान मित् होड़ आबेन तुलुच्ए ञापामा, उनि पाँजा इदियेबेन, 14आर जाहाँरेगेये बोलोक्, ओना ओड़ाक्रेन किसा़ँड़ मेतायबेन, गुरुइ मेनेदा, इञाक् पेड़ा कांदहा दो ओकारे कानतिञा, ओने ओनारे इञरेन चेलाको साँवते सेन पारोम भोज इञ जोम? 15उनि दो साजाव आर तेयार आकात् मित्टेन माराङ चेतान कांदहाए उदुक् आबेना आर ओंडेगे तोयनातआबोन बेन।” 16उनकिन चेला दो किन चालावेना आर नागराहातेकिन बोलोयेना, आर जिसुइ मेतात्किन ताहेंकान लेकागेकिन ञामकेदा आर सेन पारोम पोरोब भोजकिन तोयनातकेदा। 17आदो आ़युप् एन खान जिसु गेलबारको साँवतेये हेच्एना, 18आरको दुड़ुप् आकान आरको जोजोमकान ताहेंकानरे, जिसुइ मेनकेदा, “सा़रिगेञ मेतापेकाना, आपे मोद खोन मित् होड़ दोखा एमकातेये सोपरोतिञा, हें इञ तुलुच् जोजोमकानिच्गे।” 19चेलाको दो मोन दुकोक् आर एके एकेते मेतायको एहोप्केदा, इञ दो ओहोगे। 20जिसु दोए मेनकेदा, “गेलबारको मोदरेन मित् होड़, ओने ओकोय बा़टिरे इञ तुलुच् पिठा़इ तोक्पोकान। 21मानवा होपोनमाय चालाक्कान, आच् रेयाक् ओलआकान लेकागे, मेनखान उनि होड़रे दो हाय हाय, ओने ओकोय होतेते मानवा होपोन दोखाकातेये साप् ओचोयेदे, उनि होड़ दो आलोय जानामलेन खानगे होनाङ बोगे होयकोक्ताया।”
प्रोभु केदोक्
(माथ 26:26-30; लु 22:14-20; १ कोरि 11:23-25)
22आर ओनकोको जोजोमकान ताहेंकानरे, जिसु दो पिठा़इ हालाङकेदा आर भोरात्तेये केचाक्केदा आरे एमात्कोवा आरे मेनकेदा, “ने आताङ पे नोवा दो इञाक् होड़मो काना।” 23आर बा़टिये हालाङकेदा आर गुनमानाव जोहारकातेये एमात्कोवा आर ओनको जोतो होड़ ओना रेयाक्को ञुकेदा। 24आर जिसुइ मेतात्कोवा, “नोवा दो नावाँ बोनदोबोस रेयाक् इञाक् माँयाँम काना, ओने ओकाटाक् आ़डि होड़को ला़गित् जोरो ओचोक्कान। 25सा़रिगेञ मेतापेकाना, इसोराक् राजरे नावाँनाक् आ़उरिञ ञुय हा़बिच् दारखा रासा दो तिस हों ओहोगेञ ञु लेया।” 26आदो सारहाव सेरेञकाते जा़इतुन बुरुतेको ओडोक चालावेना।
जिसु पातरासे बाङेया मेनतेये ला़इलाहायेत्
(माथ 26:31-35; लु 22:31-34; जोहा 13:36-38)
27आदो जिसुइ मेतात्कोवा, “आपे जोतोगे इञ बा़गिकातेपे ञिर जोङा, एनते ओलआकाना, गुपियिच् इञ मागेया आर भिडिको दोको छिञछा़तुरोक्आ। 28मेनखान इञिञ जिवेत् बेरेत् तायोम दो आपे लाहाते गा़लिलतेञ चालाक्आ।” 29पातरास दो जिसुये मेतादेया, “जोतोको ता़किच्लेनरे हों इञतेत् दो ओहोगे।” 30जिसु दोए मेतादेया, “सा़रिगेञ मेतामकाना, आम दो तेहेञ ञिंदा़गे, सिम सा़ंडि बार धाव आ़उरिये कुकड़ुयरे पे धावेम बाङेञा।” 31मेनखान उनि दो तिरित् लेकाय रोड़ इदिकेदा, “आम साँवते गुजुक् होयोक् तिञरे हों ओहोगेञ बाङलेमा।” आर जोतो चेलाकोगे ओनकागेको मेनकेदा।
जिसु गेथसेमाने बागवानरेये कोयजोङ कान
(माथ 26:36-46; लु 22:39-46)
32आर गेथसेमाने ञुतुम आनाक् मित्टेन जायगातेको हेच्एना आर जिसु दो आच्रेन चेलाकोय मेतात्कोवा, “इञिञ कोयजोङ हा़बिच्ते नोंडे बाड़े दुड़ुप् हाताड़ोक्पे।” 33आदो जिसु पातरास, जाकब आर जोहानताकोये सोङगे तोरावाना आर थारबासावक् आर धाकधाकावक्ए एहोप् एना। 34आर जिसुइ मेतात्कोवा, “जिवि लोक्कानतिञा, गुजुक् लेकाञ आ़इका़वेदा। नोंडेगे ताहेनपे आर जागवाराकाय ताहेनपे।” 35आदो सेन लाहाञोक्काते ओतरेये ताबेरेना आरे कोयकेदा, जेमोन होय दाड़ेयाक् खान, ओना ओकते दो आच् ठेन खोन पारोम चालाक्। 36उनि दोए मेनकेदा, “आब्बा, ए बाबा, आम ला़गित् दो सानामाक्गे होय दाड़ेयाक्आ, नोवा बा़टि दो इञ ठेन खोन सा इदिमे, एनरेहों इञिञ मेनजोङकान लेका दो बाङ, बिचकोम आमेम मेनजोङकान लेका बाड़े होयोक्मा।” 37आदो हेच्काते ओनको पेनेगे जा़पित् आकात् ए ञामकेत्कोवा आर पातरासे मेतादेया, “हेंदा, सिमोन जा़पित् आकादाम? मित्, घा़ड़ि हों बाम जागवार दाड़ेयादा? 38जागवाराकाय ताहेनपे आर कोयजोङपे, जेमोन बिडा़उरे आलोपे बोलोक्, जिउ मा एनते सापड़ावगे, मेनखान होड़मो दो निजोरगेया।” 39आदो जिसु आरहों सेनकाते इना़ काथा मेन कातेगेये कोय इदिकेदा, 40आर हेच् रुवा़ड़काते जा़पित् आकात् ए ञामकेत्कोवा, एनते ओनकोवाक् मेंत् दो झाप झापोक्कान ताहेंकानताकोवा आर चेत्को रोड़ रुवा़ड़आया, ओना हों बाको बाडायकान ताहेंकाना। 41आदो जिसु तेसार धाव हेच्कातेये मेतात्कोवा, “चेत् नित हा़बिच्पे जा़पित् आरपे जिरा़उजोङ काना? इना़क्गे, ओकते दो सेटेरेना ञेलपे, मानवा होपोन दो का़इ होड़कोवाक् तिरेये सोपरोत ओचोक् काना, 42मा बेरेत्पे, मे देलाबोन चालाक्आ, ञेलपे, सोपरोत एदिञिच् दोए सोर आकाना।”
जिसुये साप् ओचोक्कान
(माथ 26:47-56; लु 22:47-53; जोहा 18:3-12)
43आर जिसुये रोरोड़कान ताहेंकान जोखेच्गे, जिहुदा़ गेल बारको मोदरेन मित् होड़े हेच्गोत् एना आर माराङ नायकेको, आ़न चेचेत्को आर मुरुबिको ठेन खोन फा़द होड़को तारवाड़े आर मुता़कआनते उनि साँवतेको हेच्एना, 44उनि साप् ओक्चोयिच् दो मित्टेन ओपरोम चिनहा़इ एमात्को ताहेंकाना, बाङमा, “जाहाँयटाक्गेञ चोक्आय, उनि कानगेयाय, उनि हातेपे आर होरहोकाते इदियेपे।” 45आदोए हेच्एन खान मित् मोहंडा जिसु ठेन सेनकातेये मेतादेया, “ए गुरु,” आरे चोक् आदेया। 46आर ओनको दो झुटिया़उकेदेतेको हातकेदेया। 47मेनखान सोररे तेङगोवाकानको मोदरेन मित् होड़ दो तारवाड़े बोच्काते माराङ नायकेरेन गुतिये उयुक्आदेया उनियाक् लुतुरे हेसेकेत्ताया।
48जिसु दो ओनकोय मेतात्कोवा, “डा़कु उपा़रते लेका तारवाड़े आर मुता़कआनते इञ सासाप्पे ओडोक हेच् आकाना? 49दिना़मगे कोयजोङ ओड़ाक्रे आपे ठेन ला़इ चेचेत्कानिञ ताहेंकाना आर बापे साप्लेदिञा, मेनखान सोसतोर काथा पुरा़उक्आ मेनतेगे नोनका दो होयेना।” 50खान जोतो चेलाको बा़गियादेतेको दा़ड़केदा।
51आर मित्टेन जुवा़न कोड़ा दो जिसुइ पाँजा इदियेदेकान ताहेंकाना, उनि दो एकेन होड़मोरे मुसना़ किचरिच्तेये ओयोआकान ताहेंकाना, तिनरे ओनको दो उनि साबेको कुरुमुटुकेदा, 52उनि दो मुसना़ किचरिच् आड़ाक् गिडि गोत्काते एकेन होड़मोगेये दा़ड़केदा।
जिसु जिहुदिकोवाक् माराङ बा़इसि सामाङरे
(माथ 26:57-68; लु 22:54-55; 22:63-71; जोहा 8:13-14,19-24)
53खानगे जिसु दो माराङ नायके ठेनको इदिकेदेया आर जोतो माराङ नायकेको, मुरुबिको आर आ़न चेचेत्को उनि ठेनको हेच् जारवायेना, 54आर पातरास दो आ़डि फाराक फाराकते माराङ नायकेयाक् दोलान भितरिते, राचा हा़बिच्ए पाँजा इदिकेदेया आर चापरासिको साँवते दुड़ुप्काते सेङगेल ठेने जोरोक् आकान ताहेंकाना। 55आर माराङ नायकेको आर गोटा माराङ बा़इसिरेनको दो जिसु उपा़रते गोहाको ञाम बाक्ड़ाकान ताहेंकाना गोजेया मेनते, मेनखान बाको ञाम दाड़ेयादा। 56आ़डि होड़ जिसु उपा़रते एड़े गोहाको एम इदिकेदा मेनखान गोहा दो बाङ पान्तेलेनताकोवा। 57आदो आदोम होड़ तेङगोकाते जिसु उपा़रते एड़े गोहाको एमकेदा, “मेनकेदाको, रोरोड़ले आँजोम आकादेया, 58इञ दो मानवा तिते बेनावक् नोवा कोयजोङ ओड़ाक् इञ धाङ धासेरा, आर पे माँहाँतेगे मानवा तिते बाङ बेनावक्आक् एटाक्आक् इञ बेरेदा।” 59आर नोनकाते हों गोहा दो बाङ पान्तेलेनताकोवा।
60खान माराङ नायके दो तालारेये तेङगोयेना आर जिसुइ कुलिकेदेया, “चेत् हों बाम रोड़ रुवा़ड़ेत्कान दो? आम उपा़रते चेत् गोहा नोको दोको एमेत्काना?” 61मेनखान जिसु दो हापेगेये ताहेंयेना, चेत् हों बाय रोड़ रुवाड़लेदा। माराङ नायके दो आरहोंए कुलिकेदेया, “आम दो सानाम दाड़ेयानिच् इसोररेन होपोन मा़सि कानाम?”
62जिसु दोए मेनकेदा, “इञ कानगेया़ञ मानवा होपोन दो सानाम दाड़ेयानिच् रेयाक् एतोमरे दुड़ुप् आकान आर सेरमा रेयाक् रिमिलकोते हिजुक्कानपे ञेलेया।”
63खानगे माराङ नायके दो आयाक् किचरिच् ओड़ेच्कातेये मेनकेदा, “गोहाको रेयाक् आर चेत् जा़रुड़ाबोन काना? 64हेनोसता मापे आँजोमकेत्, चेत्पे हुदिसेदा?” ओनको दो जोतोगे गोच् ओचोक् लेकको बिचा़र दुसिकेदेया। 65आदोमको दोको थो आदेया, आर आदोमको दो मेंत्हाँ बेत्केदेतेको थापाकेदेया आरको मेतादेया, “मासे ना़बियमे ओकोय दालकेत्मेया।” आर चापरासिको दो थापा थापाते जिमा़को हातावकेदा।
पातरास जिसुइ बाङेकान
(माथ 26:69-75; लु 22:56-62; जोहा 18:15-18; 18:25-27)
66आर पातरास दो लातार राचारेये दुड़ुपआकान ताहेंकान जोखेच्, माराङ नायकेरेन का़मड़िको मोदरेन मित् कामड़ि कुड़ि उनि ठेने हेच्एना। 67आर पातरास जोरोक्आकाने ञेलकेदे खान, बेङगेत् उरिच्आदेतेये मेनकेदा, “आम हों नासारेतरेन उनि जिसु तुलुच्एम ताहेंकाना।”
68मेनखान पातरास दोए बाङकेदा, मेनकेदाय “आम चेत्एम मेनेत्, ओना दो बाडाय हों बा़ञ बाडाया आर बुजहा़उ हों बा़ञ बुजहा़वेदा।” आदो बाहरे सेच् छाटका दुवा़र ठेने ओडोक चालावेना, आर सिम सा़ंडिये राक्केदा।
69उनि का़मड़ि दो पातरास ञेलकाते ओंडे तेङगोवाकानको आर होंए मेतात्कोवा, “नुय दो ओनको मोदरेन कानगेयाय।” 70पातरास दो आरहोंए बाङ इदिकेदा।
थोड़ा घा़ड़ि तायोमते सोररे तेङगोवाकानको दो आरहों पातरासको मेतादेया, “सा़रि उता़रगे आम दो ओनको मोदरेन कानगेयाम, एनतेम गा़लिल रेन कान दो।”
71मेनखान पातरास दो सारापोक् आर किरया़क्ए एहोप् एना, “ओकोय रेयाङपे रोड़ेत्कान, उनि दो बा़ञ बाडाय आकादेया।”
72आर इना़ घा़ड़िच्तेगे सिम सा़ंडि दोसार धावे राक्केदा। आर पातरास दो ओना काथा रेयाक् दिसा़ हेच्आदेया, चेत्लेका जिसुइ मेतादे ताहेंकान बाङमा “सिम सा़ंडि बार धाव आ़उरिये रागरे पे धावेम बाङेञा।” आर ओना काथाय दिसा़केत्ते हुँक हुँक राराक्ए एहोप् एना।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025