लु 3
3
जोहान बाबा़प्तिसिच्आक् पोरचार
(माथ 3:1-12; मा़र 1:1-8; जोहा 1:19-28)
1माराङ राज तिबेरिउसे राजलेन गेलमोंड़ेंयाक् सेरमारे, पोनतियुस पिला़त दो जिहुदा़ दिसा़मरेन चाक्लाविच्ए ताहेंकानरे, हेरोद दो गा़लिलरेन चाक्लाविच् उनिरेन बोयहा फिलिप दो इतुरिया़ आर तराकोनितिसरेन चाक्लाविच् आर लुसा़निउस दो आ़बिलेनेरेन चाक्लाविच्ए ताहेंकानरे। 2हान्नास आर कायाफा माराङ नायके ओकतेरे, इसोराक् काथा दो साकारिया़ होपोन जोहान ठेन हाहाङकाररे हेच्एना। 3जोहान दो जोरदान गाडा आडेपासे रेनाक् सानाम जायगाकोरे हेच्काते नोवा मेनकातेये पोरचारकेदा, आपेयाक् का़इ खोन आ़चुरोक्पे आर बा़प्तिसोक्पे, आर इसोर दो आपेयाक् का़ये इका़इतापेया।
4जेसाया ना़बियाक् काथाको रेयाक् पुथिरे ओल आकान लेका, बाङमा, हाहाङकाररे मित्टेन होक्होकानिच् रेयाक् आड़ाङ। प्रोभु रेयाक् होर तेयारकातायपे, उनियाक् सुड़ुँच् होरको सोजहेकातायपे;
5मित्के मित् बुरु नाला दो भातावक्आ आर मित्के मित् बुरु आर डुङगरि दो चोपोदोक्आ, कोंडेयावाक्को दो सोजहेक्आ, आर हारचात् होरचोत्आक् दो मित्साँव होरकोगे होयोक्आ। 6आर जोतो मानवागे इसोराक् बाबाञचावको ञेला।
7ओना इया़ते आच् ठेन बा़प्तिस ओचोक् ला़गित् ओडोक सेनोक्कान होड़कोय मेताकोकान ताहेंकाना, “एया का़रिना़ङगिन होपोनको, ओकोये चेतावकेत्पेया दाराकान एदरे खोन ञिरजोङ दो? 8नोनका का़मिपे जे ओनाते बाडायोक् आपे दो आपेयाक् का़इ खोनपे आ़चुर आकाना आर मोनरे मेमेन दो आलोपे पोरतोना आबराहामगे बाबा मेनायतालेया मेनते, एनतेञ मेतापेकाना, इसोर दो नोवाको धिरि खोन आबराहाम ला़गित् होपोने तेङगो दाड़ेयाकोवा। 9आर नित हों टेङगोच् दो दारे रेहेत्रे लागाव ठिक आकाना, ओना इया़ते भागे बाङ जोक् मित्के मित् दारे दो माक् भिनदा़ड़ोक्आ सेङगेलरे खादलेक्आ।” 10आदो ओनको गादेल होड़को कुलिकेदेया, “चेत् एनडेखानले चेकाया?” 11उनिये रोड़ रुवा़ड़ात्कोवा, “बारया आङगरोप मेनाक्तायिच् दो बा़नुक्तायिच्ए एम हा़टिञायमा आर जोमाक् मेनाक्तायिच् होंए ओनकायमा।” 12आर मा़सुल उक्ठा़उको हों बा़प्तिस ओचोक् ला़गित्को हेच्एना, आरको मेतादेया, “हेंदा गुरु आले दो चेत्ले चेकाया?” 13उनिये मेतात्कोवा, “हुकुम आकावात्पेयाक् खोन बा़ड़ति आलोपे उठा़उकोवा।” 14आर पालटोनको होंको कुलिकेदेया, आर “आले दो चेत्ले चेकाया?” आदोए मेतात्कोवा, “ओकोय हों आलोपे जोरजुलुमकोवा, ओकोय हों आलोपे दुसिकोवा आर आपेयाक् कुड़ा़इतेगे धिरपुरकोक्पे।”
15आर होड़को दो मा़सिको ञेल होरेकान ताहेंकाना आर सानामकोगे आकोवाक् मोनरे जोहान रेयाङको हुदिसेत्कान ताहेंकाना, पासेच्, मा़सि दो नुय कानगेचोय चेत् चोङ। 16उनरे जोहान दो सानाम होड़े रोड़ रुवा़ड़ात्कोवा, “इञ मा दाक्तेञ बा़प्तिसेत्पे, इञ खोन दाड़ेयानिच्ए दारायकाना, ओने उनियाक् खारपा रेयाक् तोनोल हों राड़ायताय लेक दोञ बाङकान; उनिगे सोनोत जिउ आर सेङगेलतेये बा़प्तिसपेया। 17उनियाक् हाटाक् दो तिरे मेनाक्ताया, आयाक् खा़रा़इ साफा उता़र ला़गित् आर गुहुम दो आयाक् मुरा़इरे आ़गु जारवाय ला़गित्, मेनखान भुसा़ दो बाङ इड़िजोक् सेङगेलतेये आतार गिडिया।”
18नोनकागे आ़डि ओकोच् आर आर सिखा़उनाकोते दिसा़म होड़ भागे सोमबाते पोरचाराकोकान ताहेंकाना; 19मेनखान हेरोद उनि ठेने रोड़ बाड़ा ओचोलेना आच् बोयहा रिनिच् हेरोदिया़ इया़ते आर आच्ए का़मिलेत् जोतो बा़ड़िच्आक्को इया़ते; 20आर ओना जोतोवाक् चेतान नोवा होंए जुटुच् आना, जे हाजोतरे जोहाने काबहाड़कादेया।
जिसुइ बा़प्तिसेन
(माथ 3:13-17; मा़र 1:9-11)
21आर नोनका होयेना, जोतो होड़को बा़प्तिस ओचोक्कान ताहेंकानरे, जिसु हों बा़प्तिस ओचोयेनतेये कोयजोङकान ताहेंकानरे, सेरमा झिच्एना, 22आर सोनोत जिउ दो होड़मो मुठा़नते मित्टेन पोताम लेका उनिरेये फेडेना, आर सेरमा खोन मित्टेन आड़ाङ होयेना, आम दो इञरेन दुला़ड़िया़ होपोन कानाम, आमरेगेञ कुसि आकाना।
जिसुरेन हापड़ामको
(माथ 1:1-17)
23आर जिसु का़मिये एहोप्केत्रे दो पेगेल सेरमा गानरेने ताहेंकाना, होड़को बुजहा़उरे दो जोसेफरेन होपोने ताहेंकाना। जोसेफ दो एलिरेन होपोने ताहेंकाना। 24उनि दो माथातरेन होपोन, उनि दो लेविरेन होपोन, उनि दो मेलकिरेन होपोन, उनि दो जान्नायरेन होपोन, उनि दो जोसेफरेन होपोन, 25उनि दो माथाथिया़रेन होपोन, उनि दो आमोसरेन होपोन, उनि दो ना़हुमरेन होपोन, उनि दो एसलिरेन होपोन, उनि दो ना़ग्गा़इरेन होपोन, 26उनि दो माथरेन होपोन, उनि दो माथाथिया़रेन होपोन, उनि दो सिमा़यरेन होपोन, उनि दो जोसेकरेन होपोन, उनि दो जोदारेन होपोन, 27उनि दो जोहानानरेन होपोन, उनि दो रेसारेन होपोन, उनि दो सेरुबाबेलरेन होपोन, उनि दो सालतिएलरेन होपोन, उनि दो नेरिरेन होपोन, 28उनि दो मेलकिरेन होपोन, उनि दो आ़द्दिरेन होपोन, उनि दो कोसामरेन होपोन, उनि दो एलमादामरेन होपोन, उनि दो एररेन होपोन, 29उनि दो जोसुवा़रेन होपोन, उनि दो एलिएसेररेन होपोन, उनि दो जोरिमरेन होपोन, उनि दो माथातरेन होपोन, उनि दो लेविरेन होपोन, 30उनि दो सिमेयोनरेन होपोन, उनि दो जिहुदा़रेन होपोन, उनि दो जोसेफरेन होपोन, उनि दो जोनामरेन होपोन, उनि दो एलिया़किमरेन होपोन, 31उनि दो मेलेया़रेन होपोन, उनि दो मेन्नारेन होपोन, उनि दो माताथारेन होपोन, उनि दो नाथानरेन होपोन, उनि दो दा़उदरेन होपोन, 32उनि दो जा़सा़यरेन होपोन, उनि दो ओबेदरेन होपोन, उनि दो बोआसरेन होपोन, उनि दो सालमोनरेन होपोन, उनि दो नाहसोनरेन होपोन, 33उनि दो आ़मिनादाबरेन होपोन, उनि दो आ़दमिनरेन होपोन, उनि दो आ़रनिरेन होपोन, उनि दो हेसरोनरेन होपोन, उनि दो फारेसरेन होपोन, उनि दो जिहुदा़रेन होपोन, 34उनि दो जाकबरेन होपोन, उनि दो इसाहाकरेन होपोन, उनि दो आबराहामरेन होपोन, उनि दो तेराहरेन होपोन, उनि दो नाहोररेन होपोन, 35उनि दो सेरुगरेन होपोन, उनि दो रा़गा़उरेन होपोन, उनि दो फालेगरेन होपोन, उनि दो एबेररेन होपोन,उनि दो सा़ला़रेन होपोन, 36उनि दो केनानरेन होपोन, उनि दो आरपाकसादरेन होपोन, उनि दो सेमरेन होपोन, उनि दो नोहारेन होपोन, उनि दो लामेकरेन होपोन, 37उनि दो मा़थुसेलारेन होपोन, उनि दो एनोकरेन होपोन, उनि दो जारेदरेन होपोन, उनि दो माहालालेलरेन होपोन, उनि दो केनानरेन होपोन, 38उनि दो एनोसरेन होपोन, उनि दो सेतरेन होपोन, उनि दो आदामरेन होपोन आर आदाम दो इसोररेन होपोने ताहेंकाना।
ទើបបានជ្រើសរើសហើយ៖
लु 3: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
लु 3
3
जोहान बाबा़प्तिसिच्आक् पोरचार
(माथ 3:1-12; मा़र 1:1-8; जोहा 1:19-28)
1माराङ राज तिबेरिउसे राजलेन गेलमोंड़ेंयाक् सेरमारे, पोनतियुस पिला़त दो जिहुदा़ दिसा़मरेन चाक्लाविच्ए ताहेंकानरे, हेरोद दो गा़लिलरेन चाक्लाविच् उनिरेन बोयहा फिलिप दो इतुरिया़ आर तराकोनितिसरेन चाक्लाविच् आर लुसा़निउस दो आ़बिलेनेरेन चाक्लाविच्ए ताहेंकानरे। 2हान्नास आर कायाफा माराङ नायके ओकतेरे, इसोराक् काथा दो साकारिया़ होपोन जोहान ठेन हाहाङकाररे हेच्एना। 3जोहान दो जोरदान गाडा आडेपासे रेनाक् सानाम जायगाकोरे हेच्काते नोवा मेनकातेये पोरचारकेदा, आपेयाक् का़इ खोन आ़चुरोक्पे आर बा़प्तिसोक्पे, आर इसोर दो आपेयाक् का़ये इका़इतापेया।
4जेसाया ना़बियाक् काथाको रेयाक् पुथिरे ओल आकान लेका, बाङमा, हाहाङकाररे मित्टेन होक्होकानिच् रेयाक् आड़ाङ। प्रोभु रेयाक् होर तेयारकातायपे, उनियाक् सुड़ुँच् होरको सोजहेकातायपे;
5मित्के मित् बुरु नाला दो भातावक्आ आर मित्के मित् बुरु आर डुङगरि दो चोपोदोक्आ, कोंडेयावाक्को दो सोजहेक्आ, आर हारचात् होरचोत्आक् दो मित्साँव होरकोगे होयोक्आ। 6आर जोतो मानवागे इसोराक् बाबाञचावको ञेला।
7ओना इया़ते आच् ठेन बा़प्तिस ओचोक् ला़गित् ओडोक सेनोक्कान होड़कोय मेताकोकान ताहेंकाना, “एया का़रिना़ङगिन होपोनको, ओकोये चेतावकेत्पेया दाराकान एदरे खोन ञिरजोङ दो? 8नोनका का़मिपे जे ओनाते बाडायोक् आपे दो आपेयाक् का़इ खोनपे आ़चुर आकाना आर मोनरे मेमेन दो आलोपे पोरतोना आबराहामगे बाबा मेनायतालेया मेनते, एनतेञ मेतापेकाना, इसोर दो नोवाको धिरि खोन आबराहाम ला़गित् होपोने तेङगो दाड़ेयाकोवा। 9आर नित हों टेङगोच् दो दारे रेहेत्रे लागाव ठिक आकाना, ओना इया़ते भागे बाङ जोक् मित्के मित् दारे दो माक् भिनदा़ड़ोक्आ सेङगेलरे खादलेक्आ।” 10आदो ओनको गादेल होड़को कुलिकेदेया, “चेत् एनडेखानले चेकाया?” 11उनिये रोड़ रुवा़ड़ात्कोवा, “बारया आङगरोप मेनाक्तायिच् दो बा़नुक्तायिच्ए एम हा़टिञायमा आर जोमाक् मेनाक्तायिच् होंए ओनकायमा।” 12आर मा़सुल उक्ठा़उको हों बा़प्तिस ओचोक् ला़गित्को हेच्एना, आरको मेतादेया, “हेंदा गुरु आले दो चेत्ले चेकाया?” 13उनिये मेतात्कोवा, “हुकुम आकावात्पेयाक् खोन बा़ड़ति आलोपे उठा़उकोवा।” 14आर पालटोनको होंको कुलिकेदेया, आर “आले दो चेत्ले चेकाया?” आदोए मेतात्कोवा, “ओकोय हों आलोपे जोरजुलुमकोवा, ओकोय हों आलोपे दुसिकोवा आर आपेयाक् कुड़ा़इतेगे धिरपुरकोक्पे।”
15आर होड़को दो मा़सिको ञेल होरेकान ताहेंकाना आर सानामकोगे आकोवाक् मोनरे जोहान रेयाङको हुदिसेत्कान ताहेंकाना, पासेच्, मा़सि दो नुय कानगेचोय चेत् चोङ। 16उनरे जोहान दो सानाम होड़े रोड़ रुवा़ड़ात्कोवा, “इञ मा दाक्तेञ बा़प्तिसेत्पे, इञ खोन दाड़ेयानिच्ए दारायकाना, ओने उनियाक् खारपा रेयाक् तोनोल हों राड़ायताय लेक दोञ बाङकान; उनिगे सोनोत जिउ आर सेङगेलतेये बा़प्तिसपेया। 17उनियाक् हाटाक् दो तिरे मेनाक्ताया, आयाक् खा़रा़इ साफा उता़र ला़गित् आर गुहुम दो आयाक् मुरा़इरे आ़गु जारवाय ला़गित्, मेनखान भुसा़ दो बाङ इड़िजोक् सेङगेलतेये आतार गिडिया।”
18नोनकागे आ़डि ओकोच् आर आर सिखा़उनाकोते दिसा़म होड़ भागे सोमबाते पोरचाराकोकान ताहेंकाना; 19मेनखान हेरोद उनि ठेने रोड़ बाड़ा ओचोलेना आच् बोयहा रिनिच् हेरोदिया़ इया़ते आर आच्ए का़मिलेत् जोतो बा़ड़िच्आक्को इया़ते; 20आर ओना जोतोवाक् चेतान नोवा होंए जुटुच् आना, जे हाजोतरे जोहाने काबहाड़कादेया।
जिसुइ बा़प्तिसेन
(माथ 3:13-17; मा़र 1:9-11)
21आर नोनका होयेना, जोतो होड़को बा़प्तिस ओचोक्कान ताहेंकानरे, जिसु हों बा़प्तिस ओचोयेनतेये कोयजोङकान ताहेंकानरे, सेरमा झिच्एना, 22आर सोनोत जिउ दो होड़मो मुठा़नते मित्टेन पोताम लेका उनिरेये फेडेना, आर सेरमा खोन मित्टेन आड़ाङ होयेना, आम दो इञरेन दुला़ड़िया़ होपोन कानाम, आमरेगेञ कुसि आकाना।
जिसुरेन हापड़ामको
(माथ 1:1-17)
23आर जिसु का़मिये एहोप्केत्रे दो पेगेल सेरमा गानरेने ताहेंकाना, होड़को बुजहा़उरे दो जोसेफरेन होपोने ताहेंकाना। जोसेफ दो एलिरेन होपोने ताहेंकाना। 24उनि दो माथातरेन होपोन, उनि दो लेविरेन होपोन, उनि दो मेलकिरेन होपोन, उनि दो जान्नायरेन होपोन, उनि दो जोसेफरेन होपोन, 25उनि दो माथाथिया़रेन होपोन, उनि दो आमोसरेन होपोन, उनि दो ना़हुमरेन होपोन, उनि दो एसलिरेन होपोन, उनि दो ना़ग्गा़इरेन होपोन, 26उनि दो माथरेन होपोन, उनि दो माथाथिया़रेन होपोन, उनि दो सिमा़यरेन होपोन, उनि दो जोसेकरेन होपोन, उनि दो जोदारेन होपोन, 27उनि दो जोहानानरेन होपोन, उनि दो रेसारेन होपोन, उनि दो सेरुबाबेलरेन होपोन, उनि दो सालतिएलरेन होपोन, उनि दो नेरिरेन होपोन, 28उनि दो मेलकिरेन होपोन, उनि दो आ़द्दिरेन होपोन, उनि दो कोसामरेन होपोन, उनि दो एलमादामरेन होपोन, उनि दो एररेन होपोन, 29उनि दो जोसुवा़रेन होपोन, उनि दो एलिएसेररेन होपोन, उनि दो जोरिमरेन होपोन, उनि दो माथातरेन होपोन, उनि दो लेविरेन होपोन, 30उनि दो सिमेयोनरेन होपोन, उनि दो जिहुदा़रेन होपोन, उनि दो जोसेफरेन होपोन, उनि दो जोनामरेन होपोन, उनि दो एलिया़किमरेन होपोन, 31उनि दो मेलेया़रेन होपोन, उनि दो मेन्नारेन होपोन, उनि दो माताथारेन होपोन, उनि दो नाथानरेन होपोन, उनि दो दा़उदरेन होपोन, 32उनि दो जा़सा़यरेन होपोन, उनि दो ओबेदरेन होपोन, उनि दो बोआसरेन होपोन, उनि दो सालमोनरेन होपोन, उनि दो नाहसोनरेन होपोन, 33उनि दो आ़मिनादाबरेन होपोन, उनि दो आ़दमिनरेन होपोन, उनि दो आ़रनिरेन होपोन, उनि दो हेसरोनरेन होपोन, उनि दो फारेसरेन होपोन, उनि दो जिहुदा़रेन होपोन, 34उनि दो जाकबरेन होपोन, उनि दो इसाहाकरेन होपोन, उनि दो आबराहामरेन होपोन, उनि दो तेराहरेन होपोन, उनि दो नाहोररेन होपोन, 35उनि दो सेरुगरेन होपोन, उनि दो रा़गा़उरेन होपोन, उनि दो फालेगरेन होपोन, उनि दो एबेररेन होपोन,उनि दो सा़ला़रेन होपोन, 36उनि दो केनानरेन होपोन, उनि दो आरपाकसादरेन होपोन, उनि दो सेमरेन होपोन, उनि दो नोहारेन होपोन, उनि दो लामेकरेन होपोन, 37उनि दो मा़थुसेलारेन होपोन, उनि दो एनोकरेन होपोन, उनि दो जारेदरेन होपोन, उनि दो माहालालेलरेन होपोन, उनि दो केनानरेन होपोन, 38उनि दो एनोसरेन होपोन, उनि दो सेतरेन होपोन, उनि दो आदामरेन होपोन आर आदाम दो इसोररेन होपोने ताहेंकाना।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025