लु 16
16
बेपा़तिया़र लोनबोनिच्
1आदो जिसुआच्रेन चेलाको होंए ला़इयात्कोवा, मित्टेन किसा़ँड़ होड़े ताहेंकाना आर उनिरेन मित्टेन लोनबोनिच् ए ताहेंकाना। आर उनि दो किसा़ँड़ ठेने दोस ओचोयेना, उनियाक् धोने ताहास नाहासेत्ताया मेनते। 2खानगे उनि होहो आ़गुकातेये मेतादेया, आम रेयाङ इञ आँजोमेत् नोवा दो चेत् काना? आमाक् लोनबोन रेयाक् हिसा़ब एमोक्मे, एनते आर दो लोनबोनिच् बाम ताहें दाड़ेयाक्आ। 3आदो उनि लोनबोनिच् मोने मोनेतेये मेनकेदा, चेत् इञ चेकाया, इञरेन किसा़ँड़ लोनबोन खोने छाडावेदिञकानते दो? ला पोय मा बा़ञ दाड़ेयाक्कान आर कोकोयते माञ लाजावक्कान। 4बाडायकेदा़ञ चेत् इञ चेकाया, जेमोन लोनबोन खोनिञ छुटा़उलेनरे आको ओड़ाक्तेको आताङ दारामिञ। 5आदो किसा़ँड़तेत्रेन मित्के मित् खातोक होहो आ़गुकाते पा़हिलिच्ए मेतादेया, इञरेन किसा़ँड़ रेयाक् तिना़क्एम धाराव आकात्ताया? 6उनि दोए मेनकेदा, मित्साय मुंड़ि जा़इतुन सुनुम, खानगेये मेतादेया, ने आमाक् तामासुक हातावमे आर दुड़ुप्काते ओल होदमे मोंड़ेंगेल। 7ओनाकाते दोसारिच्ए मेतादेया आम दो तिना़क्एम धाराव आकादा? उनि दोए मेनकेदा, मित्साय मुंड़ि गुहुम। मेतादेयाय, ने आमाक् तामासुक हातावमे आर इरा़लगेल ओलमे। 8आर किसा़ँड़ दो उनि बेधोरोम लोनबोनिच् ए सारहावकेदेया, बुद सालाक्ए का़मिकेत्ते, एनते नोवा जुगरेन होपोनको दो आको बिदा़लरेनको तालारे मारसालरेन होपोनको खोन बाड़तिको बुदाना।
9आर इञिञ मेतापेकाना धा़रति रेयाक् धोनते गाते बेनाव जोङपे, जेमोन ओना डिगा़उलेनरे जायजुग ताहेनोक्आक्कोरेको आताङ दारामपे। 10थोड़ा उता़ररे पा़तिया़रिच् दो ढेर ओकोच्रे होंए पा़तिया़रगेया आर थोड़ा उता़ररे बेपा़तिया़रिच् दो ढेर ओकोच्रे होंए बेपा़तिया़रगेया। 11ओनाते बेपा़तिया़र धोनरे पा़तिया़र बापे ताहेंलेन खान, सा़रि धोन दो ओकोय बाङ भोरसाकातेये जिमा़वापे? 12आर एटाक् होड़कोवाक्रे पा़तिया़र बापे ताहेंलेन खान, आपेया होयोक् ला़गिदोक् धोन दो ओकोय बाङे एमापे?#16:12 बापोति धोन आपनाराक् ञुतुमरे ञामोक् रेयाक्ए मेनेत् काना 13“ओकोय गुति हों बारया किसा़ँड़ ठेन दो ओहोय खाटाव दाड़ेलेना, एनते होय मित् होड़ दोए कुरुदाया आर एटागिच् दोए दुला़ड़ेया, होय मित् होड़ ठेने जामाड़ोक्आ आर एटागिच् दोए नेङघावेया। इसोर ठेन आर धोन ठेन दो गोलाम ओहोपे खाटाव दाड़ेलेना।”
जिसुइ रोड़लेत् काथाको
(माथ 11:12; 13; 5:31-32; मा़र 10:11; 12)
14आर टाका पोयसा दुक्ला़ड़ फा़रिसिको ओनाकोको आँजोमकेत् खानको सिड़ोगादेया। 15आदो जिसुइ मेतात्कोवा, “आपे दो होड़को सामाङरे आपनारते सा़रियागोक् होड़को कानापे, मेनखान इसोर दो आपेयाक् मोने बाडायेदा, ओका दो होड़को सामाङरे दामानाक्कान ओना दो इसोर सामाङरे हिरखा़वाक् काना।”
16“आ़न आर ना़बिको दो जोहान हा़बिच्गे, उन खोन इसोराक् राज रेयाक् भागे सोमबात दो पोरचारोक् काना आर मित्के मित् होड़ ओनारे जोरमोटको बोलोक् काना। 17मेनखान आ़न रेयाक् मित्टेच् टुडा़क् हों मेटावक् खोन दो सेरमा आर धा़रति चाबाक्गे आलगावा।”#माथाय ५:१८
18“जाहाँय आच् रिनिच् बा़गिकाते एटागिच्ए बापलाये, उनि दोए लाटघाट एदा आर जाँवाँय खोन बापाग आकान मायजिउ सासाङघायिच् होंए लाटघाट एदा।”
किसा़ँड़ होड़ आर लासार रेयाङ
19“मित्टेन किसा़ँड़ होड़े ताहेंकाना आर कुरसे बाहा बोरोनाक् मिंहिं मुसना़ किचरिच्ए ओयो डेङगायेत् ताहेंकाना आर जाव हिलोक् हेसेच् सेकरेच्ए जोम ञुबाड़ाजोङ कान ताहेंकाना। 20आर लासार ञुतुमान मित्टेन रेङगेच् होड़ गोटा होड़मो घाव आकान उनियाक् दुवा़र ठेने दोहो गिडि आकान ताहेंकाना। 21आर उनि किसा़ँड़ होड़ाक् मेज खोन हिरिच् पा़सिराक्कोते जोम बिक्ए गागोजोक्कान ताहेंकाना आर सेताको हों हेच्काते उनियाक् घावकोको जालेत् ताहेंकाना। 22आदो उनि रेङगेच् होड़े गोच्एना आर दुतको होतेते आबराहाम होबोरतेये इदि ओचोयेना आर उनि किसा़ँड़ होड़ होंए गोच्एना आरे तोपा ओचोयेना। 23आर पातालरेये सासेतोक्कान ताहेंकानरे बेङगेत् राकाप्काते सा़ङगिञ खोन आबराहामे ञेलकेदेया आर लासार दो उनि होबोररे। 24खानगे होहोवातेये मेनकेदा, ए बाबा आबराहाम, माँयाँवा़ञमे बाड़े आर लासार कोलकायमे जेमोन आयाक् चोट का़टुप् दाक्रे तोपोकाते आलाङे रेयाड़का़तिञ, एनते नोवा जोलोक् सेङगेलरेञ जालजालावक् काना। 25मेनखान आबराहामे मेनकेदा, ए बा़बु, दिसा़यमे, आम दो जिवेत्एम ताहेंकानरे आमाक् जियोनरे भागेयाक्को दोम ञाम होराकेदा आर लासार दो ओनकागे बा़ड़िच्आक्को, एमानतेयाक् खोन नितोक् उनि दो नोंडे जिवि राड़ेजोक् कानताया आर आम दोम जालजालावक् काना। 26आर नोवाको जोतो छाडाकाते आले आर आपे तालारे दो मित्टेच् माराङ ओकोच् खानदड़ाङ दोहो काजाक आकाना, जेमोन नोते खोन आपे ठेन चालाक् सानाको होड़ आलोको पारोम दाड़ेयाक् आर ओनतेनको हों आले ठेन आलोको पारोम हिजुक्। 27आदोए मेनकेदा, एनडेखान इञ नेहोंराम काना, बाबा, आ़पुञ ओड़ाक्ते लासार दो कोलेमे बाड़े। 28एनते मोंड़ें बोयहा मेनाक्कोतिञा, जेमोन ओनको ठेन केटेच्काते गोहाय एम, जाहाँलेकाते ओनको हों नोवा सासेत जायगाते दो आलोको हिजुक्। 29मेनखान आबराहामे मेनकेदा, मोसे आर ना़बिको रेयाक् पुथिको मेनाक्ताकोवा, ओनकोवाक् बाड़ेको आँजोममा। 30आदोए मेनकेदा बाङा, बाबा आबराहाम गोच्को खोन जाहाँय होड़ ओनको ठेने सेनलेन खान दोको कासतावक्आ। 31खानगेये मेतादेया, मोसे रेयाक् आर ना़बिको रेयाक् बाको आँजोम खान, एनडेखान जाहाँय होड़ गोच्को खोने बेरेत्लेनरे हों बाको पा़तिया़उक्आ।”
ទើបបានជ្រើសរើសហើយ៖
लु 16: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
लु 16
16
बेपा़तिया़र लोनबोनिच्
1आदो जिसुआच्रेन चेलाको होंए ला़इयात्कोवा, मित्टेन किसा़ँड़ होड़े ताहेंकाना आर उनिरेन मित्टेन लोनबोनिच् ए ताहेंकाना। आर उनि दो किसा़ँड़ ठेने दोस ओचोयेना, उनियाक् धोने ताहास नाहासेत्ताया मेनते। 2खानगे उनि होहो आ़गुकातेये मेतादेया, आम रेयाङ इञ आँजोमेत् नोवा दो चेत् काना? आमाक् लोनबोन रेयाक् हिसा़ब एमोक्मे, एनते आर दो लोनबोनिच् बाम ताहें दाड़ेयाक्आ। 3आदो उनि लोनबोनिच् मोने मोनेतेये मेनकेदा, चेत् इञ चेकाया, इञरेन किसा़ँड़ लोनबोन खोने छाडावेदिञकानते दो? ला पोय मा बा़ञ दाड़ेयाक्कान आर कोकोयते माञ लाजावक्कान। 4बाडायकेदा़ञ चेत् इञ चेकाया, जेमोन लोनबोन खोनिञ छुटा़उलेनरे आको ओड़ाक्तेको आताङ दारामिञ। 5आदो किसा़ँड़तेत्रेन मित्के मित् खातोक होहो आ़गुकाते पा़हिलिच्ए मेतादेया, इञरेन किसा़ँड़ रेयाक् तिना़क्एम धाराव आकात्ताया? 6उनि दोए मेनकेदा, मित्साय मुंड़ि जा़इतुन सुनुम, खानगेये मेतादेया, ने आमाक् तामासुक हातावमे आर दुड़ुप्काते ओल होदमे मोंड़ेंगेल। 7ओनाकाते दोसारिच्ए मेतादेया आम दो तिना़क्एम धाराव आकादा? उनि दोए मेनकेदा, मित्साय मुंड़ि गुहुम। मेतादेयाय, ने आमाक् तामासुक हातावमे आर इरा़लगेल ओलमे। 8आर किसा़ँड़ दो उनि बेधोरोम लोनबोनिच् ए सारहावकेदेया, बुद सालाक्ए का़मिकेत्ते, एनते नोवा जुगरेन होपोनको दो आको बिदा़लरेनको तालारे मारसालरेन होपोनको खोन बाड़तिको बुदाना।
9आर इञिञ मेतापेकाना धा़रति रेयाक् धोनते गाते बेनाव जोङपे, जेमोन ओना डिगा़उलेनरे जायजुग ताहेनोक्आक्कोरेको आताङ दारामपे। 10थोड़ा उता़ररे पा़तिया़रिच् दो ढेर ओकोच्रे होंए पा़तिया़रगेया आर थोड़ा उता़ररे बेपा़तिया़रिच् दो ढेर ओकोच्रे होंए बेपा़तिया़रगेया। 11ओनाते बेपा़तिया़र धोनरे पा़तिया़र बापे ताहेंलेन खान, सा़रि धोन दो ओकोय बाङ भोरसाकातेये जिमा़वापे? 12आर एटाक् होड़कोवाक्रे पा़तिया़र बापे ताहेंलेन खान, आपेया होयोक् ला़गिदोक् धोन दो ओकोय बाङे एमापे?#16:12 बापोति धोन आपनाराक् ञुतुमरे ञामोक् रेयाक्ए मेनेत् काना 13“ओकोय गुति हों बारया किसा़ँड़ ठेन दो ओहोय खाटाव दाड़ेलेना, एनते होय मित् होड़ दोए कुरुदाया आर एटागिच् दोए दुला़ड़ेया, होय मित् होड़ ठेने जामाड़ोक्आ आर एटागिच् दोए नेङघावेया। इसोर ठेन आर धोन ठेन दो गोलाम ओहोपे खाटाव दाड़ेलेना।”
जिसुइ रोड़लेत् काथाको
(माथ 11:12; 13; 5:31-32; मा़र 10:11; 12)
14आर टाका पोयसा दुक्ला़ड़ फा़रिसिको ओनाकोको आँजोमकेत् खानको सिड़ोगादेया। 15आदो जिसुइ मेतात्कोवा, “आपे दो होड़को सामाङरे आपनारते सा़रियागोक् होड़को कानापे, मेनखान इसोर दो आपेयाक् मोने बाडायेदा, ओका दो होड़को सामाङरे दामानाक्कान ओना दो इसोर सामाङरे हिरखा़वाक् काना।”
16“आ़न आर ना़बिको दो जोहान हा़बिच्गे, उन खोन इसोराक् राज रेयाक् भागे सोमबात दो पोरचारोक् काना आर मित्के मित् होड़ ओनारे जोरमोटको बोलोक् काना। 17मेनखान आ़न रेयाक् मित्टेच् टुडा़क् हों मेटावक् खोन दो सेरमा आर धा़रति चाबाक्गे आलगावा।”#माथाय ५:१८
18“जाहाँय आच् रिनिच् बा़गिकाते एटागिच्ए बापलाये, उनि दोए लाटघाट एदा आर जाँवाँय खोन बापाग आकान मायजिउ सासाङघायिच् होंए लाटघाट एदा।”
किसा़ँड़ होड़ आर लासार रेयाङ
19“मित्टेन किसा़ँड़ होड़े ताहेंकाना आर कुरसे बाहा बोरोनाक् मिंहिं मुसना़ किचरिच्ए ओयो डेङगायेत् ताहेंकाना आर जाव हिलोक् हेसेच् सेकरेच्ए जोम ञुबाड़ाजोङ कान ताहेंकाना। 20आर लासार ञुतुमान मित्टेन रेङगेच् होड़ गोटा होड़मो घाव आकान उनियाक् दुवा़र ठेने दोहो गिडि आकान ताहेंकाना। 21आर उनि किसा़ँड़ होड़ाक् मेज खोन हिरिच् पा़सिराक्कोते जोम बिक्ए गागोजोक्कान ताहेंकाना आर सेताको हों हेच्काते उनियाक् घावकोको जालेत् ताहेंकाना। 22आदो उनि रेङगेच् होड़े गोच्एना आर दुतको होतेते आबराहाम होबोरतेये इदि ओचोयेना आर उनि किसा़ँड़ होड़ होंए गोच्एना आरे तोपा ओचोयेना। 23आर पातालरेये सासेतोक्कान ताहेंकानरे बेङगेत् राकाप्काते सा़ङगिञ खोन आबराहामे ञेलकेदेया आर लासार दो उनि होबोररे। 24खानगे होहोवातेये मेनकेदा, ए बाबा आबराहाम, माँयाँवा़ञमे बाड़े आर लासार कोलकायमे जेमोन आयाक् चोट का़टुप् दाक्रे तोपोकाते आलाङे रेयाड़का़तिञ, एनते नोवा जोलोक् सेङगेलरेञ जालजालावक् काना। 25मेनखान आबराहामे मेनकेदा, ए बा़बु, दिसा़यमे, आम दो जिवेत्एम ताहेंकानरे आमाक् जियोनरे भागेयाक्को दोम ञाम होराकेदा आर लासार दो ओनकागे बा़ड़िच्आक्को, एमानतेयाक् खोन नितोक् उनि दो नोंडे जिवि राड़ेजोक् कानताया आर आम दोम जालजालावक् काना। 26आर नोवाको जोतो छाडाकाते आले आर आपे तालारे दो मित्टेच् माराङ ओकोच् खानदड़ाङ दोहो काजाक आकाना, जेमोन नोते खोन आपे ठेन चालाक् सानाको होड़ आलोको पारोम दाड़ेयाक् आर ओनतेनको हों आले ठेन आलोको पारोम हिजुक्। 27आदोए मेनकेदा, एनडेखान इञ नेहोंराम काना, बाबा, आ़पुञ ओड़ाक्ते लासार दो कोलेमे बाड़े। 28एनते मोंड़ें बोयहा मेनाक्कोतिञा, जेमोन ओनको ठेन केटेच्काते गोहाय एम, जाहाँलेकाते ओनको हों नोवा सासेत जायगाते दो आलोको हिजुक्। 29मेनखान आबराहामे मेनकेदा, मोसे आर ना़बिको रेयाक् पुथिको मेनाक्ताकोवा, ओनकोवाक् बाड़ेको आँजोममा। 30आदोए मेनकेदा बाङा, बाबा आबराहाम गोच्को खोन जाहाँय होड़ ओनको ठेने सेनलेन खान दोको कासतावक्आ। 31खानगेये मेतादेया, मोसे रेयाक् आर ना़बिको रेयाक् बाको आँजोम खान, एनडेखान जाहाँय होड़ गोच्को खोने बेरेत्लेनरे हों बाको पा़तिया़उक्आ।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025