लु 13
13
का़इको खोन आ़चुरोक् बाङखान गुजुक्
1आदो ओना जोखेच्गे ओंडेको ताहेंकान आदोम होड़ ओनको गा़लिलरेनको रेयाङ जिसुको ला़इयादेया, ओने ओनकोवाक् माँयाँम पिला़त दो ओनकोरेन दाँड़ेंको तुलुच्ए मिला़उलेत्। 2आदो जिसुइ रोड़ रुवा़ड़ात्कोवा, “चेत्पे बुजहा़वेदा, ओनको गा़लिलिको दो जोतो गा़लिलरेनको खोन बा़ड़ति का़यानको ताहेंकाना, नोवाको पाड़ावात्कोते? 3मेतापेकानाञ, बाङा, बिचकोम का़इ खोन बापे कासतावलेन खान, आपे जोतोको ओनकागेपे नोसटोक्आ। 4से ओनको गेलइरा़ल होड़को ओने ओनको चेतानरे सिलोआम रेयाक् बुरुंज भिनदा़ड़ात्कोतेये गोच्केत्को, आपे बुजहा़उरे ओनकोगे जेरुसालेमरे ताहेंन जोतो होड़को खोन बा़ड़ति दुसियानको ताहेंकाना? 5मेतापेकानाञ बाङा, बिचकोम का़इ खोन बापे कासतावलेन खान, आपे जोतोको ओनकागेपे नोसटोक्आ।”
बाङ जोक् लोवा दारे रेयाक् फेन
6आदो जिसु नोवा फेने ला़इयात्कोवा, “मित् होड़ आयाक् दारखा बागवानरे रोहोय आकात् मित्टेच् लोवा दारे ताहेंकानताया। आर हेच्काते ओनारे जोय ञाम बाड़ायेत् ताहेंकाना, मेनखान बाय ञामलाक्आ। 7खान दारखा बागवानरेन मा़लिये मेतादेया, ञेलमे, पे सेरमा खोन हेच्काते नोवा लोवा दारेरे जोञ ञाम बाक्ड़ाकाना, मेनखान बा़ञ ञामेदा, नोवा दो माक् गिडिकाम, चाक् ओना दो ओते एसेत्काक्आ?” 8आदोए रोड़ रुवा़ड़ादेया, “ए बाबा, निया़ सेरमा बाड़े इका़काम आ़उरिञ ला आ़चुर आरिञ गुरिच्आक् हा़बिच्। 9आदो हिजुक् सेरमा जोलेन खान मा बोगेगे, बाङखान दोम माक् गिडिकेत्गे।”
जिसु दो जिरा़उक् माँहाँरे कुबढि मायजिवे बोगेयेदे
10आदो जिसु जिरा़उक् माँहाँरे मित्टेच् सुना़गोगरेये चेत्आकोकान ताहेंकाना। 11आर ञेलपे, मित्टेन मायजिउ ओने उनिरे गेलइरा़ल सेरमा खोन निक्जोर ओक्चोयिच् बा़ड़िच् जिवे ताहेंकानताय, आर कुबढि आकाने ताहेंकाना आर ओकालेकाते हों बाय सोजहे दाड़ेयाक् कान ताहेंकाना। 12आदो जिसु उनिये ञेलकेदे खान, होहो सोरकातेये मेतादेया, “ए गो, आमाक् रुवा़ खोन दोम बोगेयेना।” 13आर जिसु दो तिकिने चापोवादेया। खानगे एकालतेये सोजहे गोत्एना आर इसोरे साबासिवादेया। 14आदो सुना़गोगरेन मुखिया़इ एदरेयेना, एनते जिरा़उक् माँहाँरे जिसुइ बोगेकेदेते, आर गादेल होड़े मेतात्कोवा, तुरुइ माँहाँ मेनाक्आ ओने ओनकोरे का़मि होयोक्। ओनाते इना़कोरेगे बाड़े बोगे ओचोक् ला़गित् दो हिजुक्पे आर जिरा़उक् माँहाँरे दो आलो।#एकसोडस २०:९-१०; देउतरोनोमि ५:१३-1४
15मेनखान प्रोभु दो उनिये रोड़ रुवा़ड़ादेया, “ए फा़सिया़राको आपे मिमित् होड़ जिरा़उक् माँहाँरे आपेरेन डाङगरा से गादहा गोड़ा डाकाडाक् ठेन खोन राड़ाकाते दाक् ञु बापे इदियेत्कोवा? 16आर उनि मायजिउ, ओने उनि आबराहामरेन मित्टेन होपोनेरा काने, ओकोय सायतान गेल इरा़ल सेरमा खोने तोललेदे, जिरा़उक् माँहाँरे ओना तोनोल खोन राड़ा ओचोक् दो बाङ गानोक्ताया?”
17खान जिसु नोवाकोय रोरोड़कानरे उनि उपा़रते जोतो तेङगो दारामकोको लाजावक्कान ताहेंकाना। आर जोतो गादेल होड़को दो जिसु होतेते होयोक्कान ताहेंकान सानाम ठोनोकानाक्कोतेको रा़सका़येना।
तुड़ि इता़ रेयाक् फेन
(माथ 13:31-32; मा़र 4:30-32)
18आदो जिसुइ मेनकेदा, “इसोराक् राज दो ओका लेकाना, आर चेत् तुलुच् ओना दोञ तुला़या? 19ओना दो मित्टेन तुड़ि जाङ लेकाना ओकाटाक् दो मित्टेन होड़ इदिकाते आयाक् बाड़गेरेये एरकेत् आर ओना दो हारायेना आर मित्टेच् दारे होयेना आर चोटरेन उडा़उक् चेंड़ेंको दो ओना रेयाक् डा़रकोरेको तुका़येत्काना।”
ता़ड़ि रेयाक् फेन
(माथ 13:33)
20जिसु दो आरहोंए मेनकेदा, “इसोराक् राज दो चेत् तुलुच् इञ तुला़या? 21ओना दो ता़ड़ि लेकाना ओकाटाक् मित्टेन मायजिउ दो हातावकाते पे सुलि होलोङरेये मेसालकेत्, आर ओना जोतो दो ता़ड़ियानाक् होयेना।”
साकड़ा दुवा़र
(माथ 7:13,14; 21—23)
22आदो जिसु नागराहा नागराहा आर आतो आतो दाँड़ाँ दाँड़ाँते ला़इ चेचेच्कान जेरुसालेमतेये चालाक्कान ताहेंकाना। 23आदो मित्टेन होड़ जिसुइ मेतादेया, “हेंदा प्रोभु, चेत् बाञचावक्को दोको थोड़ागेया?” जिसु दोए मेतात्कोवा, 24“साकड़ा दुवा़रते बोलोक् ला़गित् ला़गिया़ पाड़ावक्पे। एनते मेतापेकानाञ, आ़डि होड़ बोलोक्को ञाम बाड़ाया, मेनखान बाको दाड़ेयाक्आ। 25ओड़ाक् किसा़ँड़ बेरेत्काते दुवा़रे सिञलेरे आर आपे दो बाहरेरे तेङगोकाते सिलपिञपे ठोप् ठोप्, आरपे मेन ए प्रोभु, देसे झिच्आलेमे। आदोए रोड़ रुवा़ड़ापेया, बा़ञ बाडायेत्पेया ओकारेन कान चोङपे।”
26उनरेपे मेना, “आम सामाङरेगे चोङले जोम ञुलेत् आर आलेयाक् कुलहिकोरेगेचोम ला़इ चेत्आलेकान ताहेंकान।” 27आदोए मेना मेतापेकानाञ, “बा़ञ बाडाया ओकारेनकानचोपे। इञ ठेन खोन दो मेन ञिरजोङपे, आपे जोतो बेधोरोम का़क्मिको दो।”#सेरेञको ६:८
28“ओंडे दो राक्जोङ आर तोगोच्डाक्टा होयोक्आ, आबराहाम, इसाहाक आर जाकब आर सानाम ना़बिको इसोराक् राजरेपे ञेलकोरे आर आपे दो बाहरेरेपे ओडोक गिडि ओचोक्रे।#माथाय ८:११-१२; २२:१३; २५:३० 29आर पुरुब आर पा़छिम आर उता़र आर दा़खिन खोन होड़को हिजुक्आ आर इसोराक् राजरे भोजरेको सेलेदोक्आ। 30आर ञेलपे, तायोमतेनको मेनाक्कोवा ओने ओनको पा़हिलतेनकोको होयोक् आर पा़हिलतेनको मेनाक्कोवा ओने ओनको तायोमतेनकोको होयोक्।”#माथाय १९:३०; २०:१६; मा़रकुस १०:३१
जेरुसालेम ला़गित् जिसुवाक् दुला़ड़
(माथ 23:37-39)
31ओना घा़ड़िच्गे तिन उडिच् फा़रिसिको चोङ हेच्कातेको मेतादेया, नोंडे खोन ओडोक चालाक्मे, एनते हेरोद दो गोच्मेये मेनजोङ काना। 32आदो जिसुइ मेतात्कोवा, “दो सेनकाते उनि तोयो दो मेतायपे, ञेलमे, तेहेञ आर गापाते भुतकोञ ओडोक गिडियेत्कोवा आर होड़कोञ बोगेकोवा आर तेसार हिलोक् दो इञाक् का़मि सा़ता़क्आ। 33एन हों तेहेञ, गापा आर मेयाङ दो दाड़ानतेगे होयोक्तिञा, एनते जेरुसालेम बाहरेरे मित्टेन ना़बिये बेनडावक् दो ओहो होयलेना।”
34ए जेरुसालेम, ए जेरुसालेम, ना़बिको गोगोच्इच् आर आम ठेन कोलको धिरिते तितिञिच्, तिना़क् धाव आमरेन होपोनको हा़र सामटावकोञ मेनवाना, सिम एङगा आच्रेन होपोनको फा़ँकड़ा़ँक् लाताररेये गुङगुत्को लेका, मेनखान आपे दो बापे रेबेनलेना। 35ञेलपे, आपेयाक् ओड़ाक् दो आपे ला़गित् उजा़ड़गे बा़गि ओटोक्काना, मेतापेकानाञ बाङगेपे ञेलेञा “भोरानगेयाय प्रोभु ञुतुमते दारायकानिच् दो आ़उरिपे मेन हा़बिच्।”#सेरेञको ११८:२६; जिरिमिया़ १२:७; २२:५
ទើបបានជ្រើសរើសហើយ៖
लु 13: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
लु 13
13
का़इको खोन आ़चुरोक् बाङखान गुजुक्
1आदो ओना जोखेच्गे ओंडेको ताहेंकान आदोम होड़ ओनको गा़लिलरेनको रेयाङ जिसुको ला़इयादेया, ओने ओनकोवाक् माँयाँम पिला़त दो ओनकोरेन दाँड़ेंको तुलुच्ए मिला़उलेत्। 2आदो जिसुइ रोड़ रुवा़ड़ात्कोवा, “चेत्पे बुजहा़वेदा, ओनको गा़लिलिको दो जोतो गा़लिलरेनको खोन बा़ड़ति का़यानको ताहेंकाना, नोवाको पाड़ावात्कोते? 3मेतापेकानाञ, बाङा, बिचकोम का़इ खोन बापे कासतावलेन खान, आपे जोतोको ओनकागेपे नोसटोक्आ। 4से ओनको गेलइरा़ल होड़को ओने ओनको चेतानरे सिलोआम रेयाक् बुरुंज भिनदा़ड़ात्कोतेये गोच्केत्को, आपे बुजहा़उरे ओनकोगे जेरुसालेमरे ताहेंन जोतो होड़को खोन बा़ड़ति दुसियानको ताहेंकाना? 5मेतापेकानाञ बाङा, बिचकोम का़इ खोन बापे कासतावलेन खान, आपे जोतोको ओनकागेपे नोसटोक्आ।”
बाङ जोक् लोवा दारे रेयाक् फेन
6आदो जिसु नोवा फेने ला़इयात्कोवा, “मित् होड़ आयाक् दारखा बागवानरे रोहोय आकात् मित्टेच् लोवा दारे ताहेंकानताया। आर हेच्काते ओनारे जोय ञाम बाड़ायेत् ताहेंकाना, मेनखान बाय ञामलाक्आ। 7खान दारखा बागवानरेन मा़लिये मेतादेया, ञेलमे, पे सेरमा खोन हेच्काते नोवा लोवा दारेरे जोञ ञाम बाक्ड़ाकाना, मेनखान बा़ञ ञामेदा, नोवा दो माक् गिडिकाम, चाक् ओना दो ओते एसेत्काक्आ?” 8आदोए रोड़ रुवा़ड़ादेया, “ए बाबा, निया़ सेरमा बाड़े इका़काम आ़उरिञ ला आ़चुर आरिञ गुरिच्आक् हा़बिच्। 9आदो हिजुक् सेरमा जोलेन खान मा बोगेगे, बाङखान दोम माक् गिडिकेत्गे।”
जिसु दो जिरा़उक् माँहाँरे कुबढि मायजिवे बोगेयेदे
10आदो जिसु जिरा़उक् माँहाँरे मित्टेच् सुना़गोगरेये चेत्आकोकान ताहेंकाना। 11आर ञेलपे, मित्टेन मायजिउ ओने उनिरे गेलइरा़ल सेरमा खोन निक्जोर ओक्चोयिच् बा़ड़िच् जिवे ताहेंकानताय, आर कुबढि आकाने ताहेंकाना आर ओकालेकाते हों बाय सोजहे दाड़ेयाक् कान ताहेंकाना। 12आदो जिसु उनिये ञेलकेदे खान, होहो सोरकातेये मेतादेया, “ए गो, आमाक् रुवा़ खोन दोम बोगेयेना।” 13आर जिसु दो तिकिने चापोवादेया। खानगे एकालतेये सोजहे गोत्एना आर इसोरे साबासिवादेया। 14आदो सुना़गोगरेन मुखिया़इ एदरेयेना, एनते जिरा़उक् माँहाँरे जिसुइ बोगेकेदेते, आर गादेल होड़े मेतात्कोवा, तुरुइ माँहाँ मेनाक्आ ओने ओनकोरे का़मि होयोक्। ओनाते इना़कोरेगे बाड़े बोगे ओचोक् ला़गित् दो हिजुक्पे आर जिरा़उक् माँहाँरे दो आलो।#एकसोडस २०:९-१०; देउतरोनोमि ५:१३-1४
15मेनखान प्रोभु दो उनिये रोड़ रुवा़ड़ादेया, “ए फा़सिया़राको आपे मिमित् होड़ जिरा़उक् माँहाँरे आपेरेन डाङगरा से गादहा गोड़ा डाकाडाक् ठेन खोन राड़ाकाते दाक् ञु बापे इदियेत्कोवा? 16आर उनि मायजिउ, ओने उनि आबराहामरेन मित्टेन होपोनेरा काने, ओकोय सायतान गेल इरा़ल सेरमा खोने तोललेदे, जिरा़उक् माँहाँरे ओना तोनोल खोन राड़ा ओचोक् दो बाङ गानोक्ताया?”
17खान जिसु नोवाकोय रोरोड़कानरे उनि उपा़रते जोतो तेङगो दारामकोको लाजावक्कान ताहेंकाना। आर जोतो गादेल होड़को दो जिसु होतेते होयोक्कान ताहेंकान सानाम ठोनोकानाक्कोतेको रा़सका़येना।
तुड़ि इता़ रेयाक् फेन
(माथ 13:31-32; मा़र 4:30-32)
18आदो जिसुइ मेनकेदा, “इसोराक् राज दो ओका लेकाना, आर चेत् तुलुच् ओना दोञ तुला़या? 19ओना दो मित्टेन तुड़ि जाङ लेकाना ओकाटाक् दो मित्टेन होड़ इदिकाते आयाक् बाड़गेरेये एरकेत् आर ओना दो हारायेना आर मित्टेच् दारे होयेना आर चोटरेन उडा़उक् चेंड़ेंको दो ओना रेयाक् डा़रकोरेको तुका़येत्काना।”
ता़ड़ि रेयाक् फेन
(माथ 13:33)
20जिसु दो आरहोंए मेनकेदा, “इसोराक् राज दो चेत् तुलुच् इञ तुला़या? 21ओना दो ता़ड़ि लेकाना ओकाटाक् मित्टेन मायजिउ दो हातावकाते पे सुलि होलोङरेये मेसालकेत्, आर ओना जोतो दो ता़ड़ियानाक् होयेना।”
साकड़ा दुवा़र
(माथ 7:13,14; 21—23)
22आदो जिसु नागराहा नागराहा आर आतो आतो दाँड़ाँ दाँड़ाँते ला़इ चेचेच्कान जेरुसालेमतेये चालाक्कान ताहेंकाना। 23आदो मित्टेन होड़ जिसुइ मेतादेया, “हेंदा प्रोभु, चेत् बाञचावक्को दोको थोड़ागेया?” जिसु दोए मेतात्कोवा, 24“साकड़ा दुवा़रते बोलोक् ला़गित् ला़गिया़ पाड़ावक्पे। एनते मेतापेकानाञ, आ़डि होड़ बोलोक्को ञाम बाड़ाया, मेनखान बाको दाड़ेयाक्आ। 25ओड़ाक् किसा़ँड़ बेरेत्काते दुवा़रे सिञलेरे आर आपे दो बाहरेरे तेङगोकाते सिलपिञपे ठोप् ठोप्, आरपे मेन ए प्रोभु, देसे झिच्आलेमे। आदोए रोड़ रुवा़ड़ापेया, बा़ञ बाडायेत्पेया ओकारेन कान चोङपे।”
26उनरेपे मेना, “आम सामाङरेगे चोङले जोम ञुलेत् आर आलेयाक् कुलहिकोरेगेचोम ला़इ चेत्आलेकान ताहेंकान।” 27आदोए मेना मेतापेकानाञ, “बा़ञ बाडाया ओकारेनकानचोपे। इञ ठेन खोन दो मेन ञिरजोङपे, आपे जोतो बेधोरोम का़क्मिको दो।”#सेरेञको ६:८
28“ओंडे दो राक्जोङ आर तोगोच्डाक्टा होयोक्आ, आबराहाम, इसाहाक आर जाकब आर सानाम ना़बिको इसोराक् राजरेपे ञेलकोरे आर आपे दो बाहरेरेपे ओडोक गिडि ओचोक्रे।#माथाय ८:११-१२; २२:१३; २५:३० 29आर पुरुब आर पा़छिम आर उता़र आर दा़खिन खोन होड़को हिजुक्आ आर इसोराक् राजरे भोजरेको सेलेदोक्आ। 30आर ञेलपे, तायोमतेनको मेनाक्कोवा ओने ओनको पा़हिलतेनकोको होयोक् आर पा़हिलतेनको मेनाक्कोवा ओने ओनको तायोमतेनकोको होयोक्।”#माथाय १९:३०; २०:१६; मा़रकुस १०:३१
जेरुसालेम ला़गित् जिसुवाक् दुला़ड़
(माथ 23:37-39)
31ओना घा़ड़िच्गे तिन उडिच् फा़रिसिको चोङ हेच्कातेको मेतादेया, नोंडे खोन ओडोक चालाक्मे, एनते हेरोद दो गोच्मेये मेनजोङ काना। 32आदो जिसुइ मेतात्कोवा, “दो सेनकाते उनि तोयो दो मेतायपे, ञेलमे, तेहेञ आर गापाते भुतकोञ ओडोक गिडियेत्कोवा आर होड़कोञ बोगेकोवा आर तेसार हिलोक् दो इञाक् का़मि सा़ता़क्आ। 33एन हों तेहेञ, गापा आर मेयाङ दो दाड़ानतेगे होयोक्तिञा, एनते जेरुसालेम बाहरेरे मित्टेन ना़बिये बेनडावक् दो ओहो होयलेना।”
34ए जेरुसालेम, ए जेरुसालेम, ना़बिको गोगोच्इच् आर आम ठेन कोलको धिरिते तितिञिच्, तिना़क् धाव आमरेन होपोनको हा़र सामटावकोञ मेनवाना, सिम एङगा आच्रेन होपोनको फा़ँकड़ा़ँक् लाताररेये गुङगुत्को लेका, मेनखान आपे दो बापे रेबेनलेना। 35ञेलपे, आपेयाक् ओड़ाक् दो आपे ला़गित् उजा़ड़गे बा़गि ओटोक्काना, मेतापेकानाञ बाङगेपे ञेलेञा “भोरानगेयाय प्रोभु ञुतुमते दारायकानिच् दो आ़उरिपे मेन हा़बिच्।”#सेरेञको ११८:२६; जिरिमिया़ १२:७; २२:५
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025