मार्क 8
8
ईसुउ शार हाजार माअहुंहूं खावाड़त्लू
(मत्तय 15:32-39)
1तियां दिहोमेहें जाहां वोडी गोरदी एकठी ओवयी, आन तियांपोअ किज खाअलोअ ने ओतो, ताहां ईसु तियाआ सेलाहां आहने हादीत तियांहां कोयो, 2“माहूं यां माअहूं पोअ किइमाय आवेहे, काहाके एं माअहें तीन दिहर्येए माअरीज होय, आन यांपोअ किज खाअलोअ कायनाहां. 3जर आंय यांहां फुकल्येज कोअ मोकली देहीं, ताहां वाटेज थाकीत रोत जाय; काहाके यांमेर्येए कोडे कोडे ते सेटेरोत आवयेहे.”
4तियाआ सेला तियाहा उत्तर आप्यो, “इंहीं जंगलोमेहें एताहा रोटा कोडो का रोत लेतावे के एं ताराय?”
5तिये तियांहां फुशो, “तुमांपोअ केताहा रोटा होय?”
तियां कोयो, “हांत.”
6ताहां तिये माअहुंहूं पुंयपोअ बोहे तेहें कोयो. आन ते हांत रोटा लेदा आन आभार मानित मुड्या, आन माअहुंहूं वाटेतेहें तियाआ सेलाहां आप्या, आन सेलहां एहलोहो कोअयो. 7आन तियां पोअ थोड़ेक हाने मासे बी ओते: ईसु आभार मानित कोइत तियांहां बी माअहुंहूं वाटेतेहें आपी देदे. 8ते खात कोइत ताराईत गोये, आन सेला उगरीइल्या रोटाआ कुटका हांत टोपले पोइत टोलू वाल्या. 9आन माअहें एक आंदास शार हाजार ओते; ताहां ईसु तियांहां वाटे लागाड़्ये, 10आन तो ताब्बुड़ तियाआ सेलांअरी नावड़ामेहें बोहीत कोइत दलमनूता जिल्हा मेहें जातु रोयू.
फरिसीइ वोडे कामे कोइलोअ होरगामेर्यीइ मागणी
(मत्तय 16:1-4)
11थोड़ाक कायदाअ मास्तरहों जे फरिसी आवित कोइत ईसुउ आरी सोबा सोबी लाग्या, आन तियाहा फारकीलोअ काजे तिया पोअ कि ते बी होरगामेर्यीइ निशाणी माग्यी.#8:11 मत्तय 12: 38 लुक 11:16 12पोन ईसु तियाआ आत्मामेहें कांहीत कोयो, “आज्येए माअहें निशाणी काहा मागतेहे? आंय तुमुहूं नक्की कोहो के आज्याआ माअहुंहूं#8:12 आज्याआ माअहुंहूं पिढ़ी किज निशाणी ने आपाय.”
13आन तो तियांहां टाकीत फाश्यू नावड़ामेहें बोहीत तियी तोड़ जातु रोयू.
फरिसी आन हेरोदेस यांआं खमीर
(मत्तय 16:5-12)
14सेला रोटू लेअलोअ विहराइत गोयाते, आन नावड़ामेहें तियांपोअ एकुज रोटू ओतू. 15ईसु तियांहां आदेश आप्यू, “हेएजा, फरिसीइ खमीर#8:15 खमीर एक सोड़ाआ होस एक लोटोहो फुगाड़नारो एक पावडर आन हेरोदेसोअ खमीरोपरोत सांबालित रोजा.”
16ते तियां तियांआंज गोठी कोइत कोना वोल्या, “आमापोअ रोटू कायनाहां.”
17ओं जांइत कोइत ईसु तियांहां कोयो, “तुमू काहा तुमा तुमाआंज एहेलिही गोठी कोअताहा के आपापोअ रोटू कायनाहां? केहें ओमे जाआं नाहां जांअता आन नाहां समजीइता? केहें तुमाआं मोन वातड़ो ओत गोयोहो? 18केहें डोआ लेत रोयाहा तेबी नाहां देखाअतो, आन कान लेत रोयाहा तेबी नाहां उनाअता? आन केहें तुमुहूं ओर नाहां आवती? 19जेहेलाम आंय पास हाजार माअहुंउं काजे पास रोटा मुड़्याते, तेहेलाम तुमू केतीही टोपली पोइत रोटू टोलू वाल्यू?”
तियां तियाहा कोयो, “बारा टोपले.”
20फाशोअ ईसु फुशो, “आन जाहां शार हाजार माअहुंउं काजे हांत रोटा ओता ताहां तुमू केतीही टोपली पोइत रोटू विशुतो?”
तियां तियाहा कोयो, “हांत टोपले.”
21तिये तियांहां कोयो, “केहें तुमू ओमे जाआं नाहां समज्या?”
ईसुउ बेथसैदा होयरोमेहें आंद्लाहा हुदारीइलोअ
22ते बेथसैदा मेहें आवया; आन माअहें एका आंदलाहा ईसुउ जागे लेतावये आन तियाहा आथ लागाड़े तेहें काजे रावणी कोअयी 23तो तिया आंद्लाआ आथ तोइत कोइत गांवोंअ बारथे लेत गोयू, आन तियाआ डोआ पोअ थुपीत कोइत तियापोअ आथ मिक्या, आन तियाहा फुशो, “तू वाजिहीं देखीत सेकेहे के?”
24तिये उसे पालित कोइत कोयो, “होव, आंय माअहुंहूं देखीत सेकोहो; ते माहूं सालत्ला साड़ोअ होस देखाअतेहे.”
25ताहरुउ ईसु बिहीरी वारी तियाआ डोआ पोअ आथ मिक्या, आन तियाआ डोआअ नजर फाशीइ आवित लागी. आन आखो वारुहूं वारुहूं देखु वोल्यू. 26ईसु तियाहा ओं कोत कोइत कोअ मोकल्यू, “या गांवोंम गुडू बी मा मिकही.”
पेत्राआ ईसुहू ख्रिस्त स्विकारीलाआ
(मत्तय 16:13-20; लुक 9:18-21)
27ईसु आन तियाआ सेला कैसरीया फिलिप्पीइ गांवोंमेहें गोया. वाटे तिये तियाआ सेलाहां फुशो, “माअहें माहूं कि कोतेहे?”
28तियां कोयो, “बाप्तिस्मा आपनारु योहान; पोन थोड़हे थोड़हे एलिया आन थोड़हे थोड़हे भविश्यवक्ता मेर्युउ एक कोतेहे.” 29तिये तियांहां फुशो, “पोन तुमू माहूं कि कोताहा?” पेत्रे तियाहा कोयो, “तू ख्रिस्त#8:29 ख्रिस्त अभिशिक्त मोन्ज्ये निवड़ीइल्यू होय.”#8:29 योहान 6:68-69 30ताहरुउ ईसु तियांहां आदेश आपित कोयो के, “माआं बाप्तिमेहें ओं कोडाहाज मा कोहा.”
सोताआ मोतोअ बाप्तिमेहें ईसु भविश्यवाणी
(मत्तय 16:21-23; लुक 9:22)
31ताहरुउ ईसु तियांहां सिकाड़ु वोल्यू के माहुंउं बेटाह्हाअ काजे गरजेए होय के तो खुब दुख वेठे, आन वेगाआ डाया आन डाया पुंजारा, आन कायदाअ मास्तरहों तियाहा बिगर कामोओं समजीत कोइत माईंत टाके, आन तो तीन दिहोअ फासाड़ी जिवीत उठे. 32तिये ए गोठ तियांहां वारुहूं समजाड़ीत कोत देदी. ताहरुउ पेत्र तियाहा आंगेज लेत जात कोइत बावराऊ वोल्यू, 33पोन ईसु वोलीत कोइत तियाआ सेलाअहें पाल्य, आन पेत्राहा बावराइत कोयो, “ए सैतान माआं सामने रोत सेटे जातु रो; काहाके तू देवोअ गोठी पोअ नाहां, पोन माअहुंउं गोठी पोअ मोन लागाड़ेहे.”
34ईसु गोरदीही तियाआ सेलाअरी आहने हादीत कोइत तियांहां कोयो, “जर एखाहा माआं फासाड़ी आविइलोअ ओय ताहां तो सोताहा नाकारुहूं जोवे. आन तियाआ क्रुस खांब आखलीत कोइत, माआं फासाड़ी आवुहूं जोवे.#8:34 मत्तय 10:38; लुक 14:27 35काहाके जो कोडो तियाआ जिव वासाडुहूं होदे, तो तियाहा आरवे, पोन जो कोडो माआं काजे आन हाजी बातमीइं काजे तियाआ जिव आरवे, तो तियाहा वासाड़े.#8:35 मत्तय 10:39; लुक 17:33; योहान 12:25 36जर माअहुंउं आखी दुन्या जिकीत लेदी आन सोताआ जिवोहो आरवीत टाक्यो ताहां तियाहा कि लाभ? 37जिवोअ बोदले माहुंउं कि आपीत सेकेहे? 38जो कोडो यी सिनाल आन पापी जातीइ विसमेहें माहूं आन माआं हिकवोणेहे लाजवाय, माहुंउं बेटुह्हू बी जाहां तो पवित्र देवदुतोंअ आरी तियाआ बाह्हाआ महिमामेहें आवे, ताहां तियाहा बी लाजवाड़े.”
ទើបបានជ្រើសរើសហើយ៖
मार्क 8: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
मार्क 8
8
ईसुउ शार हाजार माअहुंहूं खावाड़त्लू
(मत्तय 15:32-39)
1तियां दिहोमेहें जाहां वोडी गोरदी एकठी ओवयी, आन तियांपोअ किज खाअलोअ ने ओतो, ताहां ईसु तियाआ सेलाहां आहने हादीत तियांहां कोयो, 2“माहूं यां माअहूं पोअ किइमाय आवेहे, काहाके एं माअहें तीन दिहर्येए माअरीज होय, आन यांपोअ किज खाअलोअ कायनाहां. 3जर आंय यांहां फुकल्येज कोअ मोकली देहीं, ताहां वाटेज थाकीत रोत जाय; काहाके यांमेर्येए कोडे कोडे ते सेटेरोत आवयेहे.”
4तियाआ सेला तियाहा उत्तर आप्यो, “इंहीं जंगलोमेहें एताहा रोटा कोडो का रोत लेतावे के एं ताराय?”
5तिये तियांहां फुशो, “तुमांपोअ केताहा रोटा होय?”
तियां कोयो, “हांत.”
6ताहां तिये माअहुंहूं पुंयपोअ बोहे तेहें कोयो. आन ते हांत रोटा लेदा आन आभार मानित मुड्या, आन माअहुंहूं वाटेतेहें तियाआ सेलाहां आप्या, आन सेलहां एहलोहो कोअयो. 7आन तियां पोअ थोड़ेक हाने मासे बी ओते: ईसु आभार मानित कोइत तियांहां बी माअहुंहूं वाटेतेहें आपी देदे. 8ते खात कोइत ताराईत गोये, आन सेला उगरीइल्या रोटाआ कुटका हांत टोपले पोइत टोलू वाल्या. 9आन माअहें एक आंदास शार हाजार ओते; ताहां ईसु तियांहां वाटे लागाड़्ये, 10आन तो ताब्बुड़ तियाआ सेलांअरी नावड़ामेहें बोहीत कोइत दलमनूता जिल्हा मेहें जातु रोयू.
फरिसीइ वोडे कामे कोइलोअ होरगामेर्यीइ मागणी
(मत्तय 16:1-4)
11थोड़ाक कायदाअ मास्तरहों जे फरिसी आवित कोइत ईसुउ आरी सोबा सोबी लाग्या, आन तियाहा फारकीलोअ काजे तिया पोअ कि ते बी होरगामेर्यीइ निशाणी माग्यी.#8:11 मत्तय 12: 38 लुक 11:16 12पोन ईसु तियाआ आत्मामेहें कांहीत कोयो, “आज्येए माअहें निशाणी काहा मागतेहे? आंय तुमुहूं नक्की कोहो के आज्याआ माअहुंहूं#8:12 आज्याआ माअहुंहूं पिढ़ी किज निशाणी ने आपाय.”
13आन तो तियांहां टाकीत फाश्यू नावड़ामेहें बोहीत तियी तोड़ जातु रोयू.
फरिसी आन हेरोदेस यांआं खमीर
(मत्तय 16:5-12)
14सेला रोटू लेअलोअ विहराइत गोयाते, आन नावड़ामेहें तियांपोअ एकुज रोटू ओतू. 15ईसु तियांहां आदेश आप्यू, “हेएजा, फरिसीइ खमीर#8:15 खमीर एक सोड़ाआ होस एक लोटोहो फुगाड़नारो एक पावडर आन हेरोदेसोअ खमीरोपरोत सांबालित रोजा.”
16ते तियां तियांआंज गोठी कोइत कोना वोल्या, “आमापोअ रोटू कायनाहां.”
17ओं जांइत कोइत ईसु तियांहां कोयो, “तुमू काहा तुमा तुमाआंज एहेलिही गोठी कोअताहा के आपापोअ रोटू कायनाहां? केहें ओमे जाआं नाहां जांअता आन नाहां समजीइता? केहें तुमाआं मोन वातड़ो ओत गोयोहो? 18केहें डोआ लेत रोयाहा तेबी नाहां देखाअतो, आन कान लेत रोयाहा तेबी नाहां उनाअता? आन केहें तुमुहूं ओर नाहां आवती? 19जेहेलाम आंय पास हाजार माअहुंउं काजे पास रोटा मुड़्याते, तेहेलाम तुमू केतीही टोपली पोइत रोटू टोलू वाल्यू?”
तियां तियाहा कोयो, “बारा टोपले.”
20फाशोअ ईसु फुशो, “आन जाहां शार हाजार माअहुंउं काजे हांत रोटा ओता ताहां तुमू केतीही टोपली पोइत रोटू विशुतो?”
तियां तियाहा कोयो, “हांत टोपले.”
21तिये तियांहां कोयो, “केहें तुमू ओमे जाआं नाहां समज्या?”
ईसुउ बेथसैदा होयरोमेहें आंद्लाहा हुदारीइलोअ
22ते बेथसैदा मेहें आवया; आन माअहें एका आंदलाहा ईसुउ जागे लेतावये आन तियाहा आथ लागाड़े तेहें काजे रावणी कोअयी 23तो तिया आंद्लाआ आथ तोइत कोइत गांवोंअ बारथे लेत गोयू, आन तियाआ डोआ पोअ थुपीत कोइत तियापोअ आथ मिक्या, आन तियाहा फुशो, “तू वाजिहीं देखीत सेकेहे के?”
24तिये उसे पालित कोइत कोयो, “होव, आंय माअहुंहूं देखीत सेकोहो; ते माहूं सालत्ला साड़ोअ होस देखाअतेहे.”
25ताहरुउ ईसु बिहीरी वारी तियाआ डोआ पोअ आथ मिक्या, आन तियाआ डोआअ नजर फाशीइ आवित लागी. आन आखो वारुहूं वारुहूं देखु वोल्यू. 26ईसु तियाहा ओं कोत कोइत कोअ मोकल्यू, “या गांवोंम गुडू बी मा मिकही.”
पेत्राआ ईसुहू ख्रिस्त स्विकारीलाआ
(मत्तय 16:13-20; लुक 9:18-21)
27ईसु आन तियाआ सेला कैसरीया फिलिप्पीइ गांवोंमेहें गोया. वाटे तिये तियाआ सेलाहां फुशो, “माअहें माहूं कि कोतेहे?”
28तियां कोयो, “बाप्तिस्मा आपनारु योहान; पोन थोड़हे थोड़हे एलिया आन थोड़हे थोड़हे भविश्यवक्ता मेर्युउ एक कोतेहे.” 29तिये तियांहां फुशो, “पोन तुमू माहूं कि कोताहा?” पेत्रे तियाहा कोयो, “तू ख्रिस्त#8:29 ख्रिस्त अभिशिक्त मोन्ज्ये निवड़ीइल्यू होय.”#8:29 योहान 6:68-69 30ताहरुउ ईसु तियांहां आदेश आपित कोयो के, “माआं बाप्तिमेहें ओं कोडाहाज मा कोहा.”
सोताआ मोतोअ बाप्तिमेहें ईसु भविश्यवाणी
(मत्तय 16:21-23; लुक 9:22)
31ताहरुउ ईसु तियांहां सिकाड़ु वोल्यू के माहुंउं बेटाह्हाअ काजे गरजेए होय के तो खुब दुख वेठे, आन वेगाआ डाया आन डाया पुंजारा, आन कायदाअ मास्तरहों तियाहा बिगर कामोओं समजीत कोइत माईंत टाके, आन तो तीन दिहोअ फासाड़ी जिवीत उठे. 32तिये ए गोठ तियांहां वारुहूं समजाड़ीत कोत देदी. ताहरुउ पेत्र तियाहा आंगेज लेत जात कोइत बावराऊ वोल्यू, 33पोन ईसु वोलीत कोइत तियाआ सेलाअहें पाल्य, आन पेत्राहा बावराइत कोयो, “ए सैतान माआं सामने रोत सेटे जातु रो; काहाके तू देवोअ गोठी पोअ नाहां, पोन माअहुंउं गोठी पोअ मोन लागाड़ेहे.”
34ईसु गोरदीही तियाआ सेलाअरी आहने हादीत कोइत तियांहां कोयो, “जर एखाहा माआं फासाड़ी आविइलोअ ओय ताहां तो सोताहा नाकारुहूं जोवे. आन तियाआ क्रुस खांब आखलीत कोइत, माआं फासाड़ी आवुहूं जोवे.#8:34 मत्तय 10:38; लुक 14:27 35काहाके जो कोडो तियाआ जिव वासाडुहूं होदे, तो तियाहा आरवे, पोन जो कोडो माआं काजे आन हाजी बातमीइं काजे तियाआ जिव आरवे, तो तियाहा वासाड़े.#8:35 मत्तय 10:39; लुक 17:33; योहान 12:25 36जर माअहुंउं आखी दुन्या जिकीत लेदी आन सोताआ जिवोहो आरवीत टाक्यो ताहां तियाहा कि लाभ? 37जिवोअ बोदले माहुंउं कि आपीत सेकेहे? 38जो कोडो यी सिनाल आन पापी जातीइ विसमेहें माहूं आन माआं हिकवोणेहे लाजवाय, माहुंउं बेटुह्हू बी जाहां तो पवित्र देवदुतोंअ आरी तियाआ बाह्हाआ महिमामेहें आवे, ताहां तियाहा बी लाजवाड़े.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.