मत्तय 12
12
आरामोअ दिहोअ बाप्तिमेहें प्रश्न
(मार्क 2:23-28; लुक 6:1-5)
1 #
कायदा 23:25
ताहां ईसु आरामोअ #12:1 आरामोअ दिही, सांतवू दिही दिहोअ दिही खेतोमेहें रोत जातुतो, आन तियाआ सेलाहां फुक लागी, ताहां ते कोहें तोड़ी-तोड़ीइ खाना वोल्या. 2फरिसी ओं पालीत, ईसुहू कोयो, “पाल, ताआ सेला जो काम कायदाआ पुरमाणे आरामोअ दिहोअ दिही ने कोअहूं जोवे तो काम कोअताहा.”
3 #
1 शमु 21:1-6 ईसु उत्तर आप्यो, “दाविद आन तियाआ हाती फुकवाअला, ताहां तियां कि कोअल्यो तो तुमू नाहां वाश्यो के? 4#लेवी 24:9 तेबी तो देवोअ मंदिरोमेहें केहें कोइत गोयू, आन देवोहो भेट कोअल्या रोटा कायदाआ पुरमाणे तियाहा आन तियाआ हात्योहों खाअलोअ परवानगी ने ओती, फक्त पुंजाराहा खाअलोअ परवानगी ओती, ते तियां केहें कोइत खादा? 5#गणती 28:9-10ओं तुमू नाहां वाश्यो के? पुंजारा आरामोअ दिहोअ दिही मंदिरोमेहें आरामोअ कायदु तोड़ताहा, तेबी ते निर्दुस ठरताहा. 6पोन आंय तुमुहूं कोहो के, इंहीं जो होय तो मंदिरो रोत बी वोडु होये. 7#मत्तय 9:13; होशे 6:6 वसन कोहे, ‘के माहूं दया जोवे, जनवारोअ गाराहा नाहां.’ याआ अर्थ कि होय तो तुमू सोमजीइता, ताहां तुमू निर्दुस माहुंहूं दोशी ने ठरवीइता; 8काहाके माहुंउं बेटुह्हू आरामोअ दिहोअ बी प्रभु होय.”
उगाअला आथोअ माहुंउं
(मार्क 3:16; लुक 6:6-11)
9तिहीं रोत सालित कोइत ईसु यहुदीइ आराधनालयोमेहें आयू. 10तिहीं एक लखवा लागला आथोअ माहुंउं ओतो, फरिसी माअहें ईसु पोअ आरोप लागाड़ीइलोअ काजे तियाहा फुशो के, “आरामोअ दिहोअ दिही बिमारी हुदारीइलोअ ओं कायदाआ पुरमाणे ठीक होय के?”
11 #
लुक 14:5 ईसु तियांहां उत्तर आप्यो, “तुमामेहें एहलोहो कोडो होय, जियाआ एक्कुज मेडो ओये, आन तो आरामोअ दिहोअ दिही खाडामेहें पोड़ीत जाय, ताहां तो तियाहा तोइत ने काडे?#लुक 14:5 12पाला, माहुंउं किंमत मेडा रोत केतीही वादार होये! तियाहा काजे आरामोअ दिहोअ दिही कायदाआ पुरमाणे हाजो काम कोइलोअ बोराबर होय.”#मत्तय 6:26; 10:31 13ताहां तिये उगाअला आथोवाला माहुंहूं कोयो, “ताआ आथ नांबू कोअ.”
ताहां तिये आथ नांबू कोअयू, आन तो आथ बिहीरा हाजा आथोअ होस हाजू ओत गोयू. 14ताहां फरिसी माट्यों बारथे जात कोइत ईसुहू केहें कोइत माईंलोअ ते योजना कोअयी.
देवोअ निवड़ीइल्यु सेवक
15ताहां ईसुहू ए गोठ मुंदू पोड़्यी. आन जाअखीलेहे माअहें तियाआ फासाड़ी गोये; आन तिये आखाहा बिमारीम रोत हुदार्ये,#मत्तय 4:23 16आन तियांहां कड़क आदेश आप्यू के माआं बाप्तिम बिहीराहा मा कोहा. 17ओं याआ काजे ओवयो के, जो वसन यशया भविश्यवक्ते कोयो, तो पुरो ओवुहूं जोवे:
18“पाला, ओ माआं सेवक होय, जियाहा मी निवड़्युहू,
माआं मेरालू होय, यावाअहीं माआं जिव खुस होय.
आंय माआं आत्मा तियापोअ मोकलिहीं,
आन तो बिगर यहुदीही न्यायोअ बातमीइं परसार कोए.
19तो भान्गड़ ने कोए, आन ने आअड़े,
आन बाजारोमेहें तियाआ आवाज ने कोडो उनाय.
20तो आडा पोड़ल्या बुआंहां ने मुड़े,
आन पेटात्ली बत्तिही तो ने उलवे,
जाअहूं जाआं तो न्यायोहो मजबुत ने कोए.#यश 42:1-4
21आन आखे माअहें तियाआ नावोपोअ आशा मिके.”#रोम 15:12
ईसु आन बालजाबुल
(मार्क 3:20-30; लुक 11:14-23)
22ताहां माअहें एक आंद्ला-मुकाहा ईसुउ जागे लेतावये, जियामेहें पुत ओतू; ईसु तियाहा हुदार्यु, आन तो पालु वोल्यू आन गोगु वोल्यू. 23ए घटना देखीत आखे माअहें बोगलात गोये आन कोने वोल्ये, “केहें ओ दाविदोअ पोर्यू नाहां के?”
24पोन फरिसी ओं उनाइत कोयो, “ओ पुतोअ आधिकारी बालजाबुलोअ#12:24 बालजाबुल बालजाबुल ओ पुतोंअ मुख्य आधिकारी होय. आधारो वाअहींज पुते काडेहे.”
25ईसु तियांआं मोनोअ विसार जाइंत तियांहां कोयो, “जिया राजोमेहें टोला पोड़ताहा, तो उजड़ीत जाहे, आन एकदो होयर नेत कुटूंबो, जियामेहें टोला पोड़ताहा, तों ने टिकीत सेके. 26आन जर सैतानोहो सैतानुज काडे, ताहां तियांआं सोतामेहेंज टोला पोड़ीत गोया, ताहरोअ तियाआ राज कि कोइत टिकीत सेके? 27पोन जर आंय बालजाबुलोअ आधारो वाअहीं पुते काडोहो, ताहां तुमाआं पोर्ये कोडाआ सेक्ती वाअहीं पुते काडतेहे? तिहीं वाअहीं तेंज तुमाआं न्यायनिवाड़ु कोए. 28पोन जर आंय देवोअ आत्माआं मदतो वाअहीं पुते काडोहो, ताहां देवोअ राज तुमाआं जागे आवित लागोहो.”
29“नेत ताकतवान माट्योहो पेल बांद्या सिवाय तियाआ कोअमेहें फोहीत तियाआ धन लुटता आवे के? तियाहा बांदे ताहांज तो तियाआ कोअ लुटीत सेकेहे.”
30 #
मार्क 9:40 “जो माआं हाती कायनाहां तो माआं विरोदी होय, आन जो माअरी टोलू नाहां कोअतू तो वेरेहे. 31तियाहा काजे आंय तुमुहूं कोहो के माअहोंअ आखी जातीइ पाप आन निंदा माफ ओवे, पोन पवित्र आत्माआं निंदा माफ ने ओवे. 32#लुक 12:10 जो कोडो माहुंउं बेटाह्हाआ विरोदो मेहें कोड्ली बी गोठ कोये, ते तियाआ गुनू माफ ओत जाय, पोन जों कोडो पवित्र आत्माआं विरुद्दामेहें गोगे, तियाआ गुनाआं माफी ने यी कोली ने तियी कोली ओवे.”
साड़ आन तियाआ फल
(लुक 6:43-45)
33 #
मत्तय 7:20; लुक 6:44 जर साड़ हाजो ओय, ते तियाआ फल बी हाजो रोय, जर साड़ ने हाजो ओय, ताहां तियाआ फल बी ने हाजो रोय, काहाके साड़ तियाआ फलो वाअहीं फारकात जाहे.#मत्तय 7:16-20 34#मत्तय 3:7; 23:33; 15:18; लुक 3:7; 6:45 ए हापोअ पिलां, तुमू खाराब होय तेबी हाजी गोठी केहें गोगतेहे? काहाके जों मोनोम पोआलो होय, तोंज सोबीइ वाटे सोकतेहे. 35हाजो माअहुंउं तियाआ हाजा मोनोअ भांडारोम रोत हाजी गोठी काडेहे, आन खाराब माअहुंउं तियाआ खाराब मोनोअ भांडारोमेहें रोत खाराब गोठी काडेहे.
36“आन आंय तुमुहूं कोहो के, जें जें शब्दे माहें गोगे, तियां हारेक फालतू शब्दाआ न्यायनिवाड़ु ओवे तेदिहीं तियांहां ईसाब आपुहूं पोड़े. 37काहाके तु ताआ गोठी वाअहीं निर्दुस आन ताआ गोठीज वाअहीं दोशी ठरही.”
होरगामेऱ्याआ समत्कारोअ मागणी
(मार्क 8:11-12; लुक 11:29-32)
38ताहां थोड़ाक कायदाआ मास्तर आन थोड़ाक फरिसी तियाहा कोयो, “ए मास्तर, आमू तुमे कोअल्यू एक समत्कार पालुहूं कोअताहा.”
39 #
मत्तय 16:4; मार्क 8:12 तिये तियांहां उत्तर आप्यो, “यी कोलीइ खाराब आन सिनाल माअहें समत्कार होदतेहे, पोन योना नावोअ भविश्यवक्ताआ समत्कारो वासी बिहीरु कोड्लू समत्कार तियांहां ने जोड़े. 40#योना 1:17 योनू तीन दिहीन तीन रात जाअखीला वोडा मासाआ पोटामेहें रोयू, तेहेंज कोइत माहुंउं बेटुह्हू बी, तीन रातेन दिही धरतीइ पोटामेहें रोये. 41#योना 3:5 निनवे होयरोअ माअहें न्यायनिवाड़ाआ दिही या जमानाअ माअहोंअरी उठीत तियांहां दोशी ठरवे, काहाके तियां योनाअ परसार उनाइत तियांआं पापोअहें रोत मोन फेरव्यो, आन फाशोअ पाला, इंहीं जो होय तो योना रोत बी वोडु होये. 42#1 राजां 10:1-10; 2 इति 9:1-12 देहोअ वोग्यीइ राणी न्यायनिवाड़ाआ दिही यी कोलीइ माअहोंअरी उठीत तियांहां दोशी ठरवे, काहाके ते शलमोन राजाआ हिकवोण उनाइलोअ काजे तियीइ देसोमेहें रोत आयी, आन पाला, इंहीं जो होय तो शलमोन राजा रोत बी वोडु होये.”
खाराब आत्माआं वापिस आविइलोअ
(लुक 11:24-26)
43“जाहां खाराब आत्मा माहूंमेहें रोत निहीत जाहे, ताहां आराम कोइला कोअते उगाअलू जागू होदती फिरेहे, पोन नाहां जोड़तू. 44ताहां कोहे के, ‘आंय माआं तिया कोअमेहें जिहीं रोत निहींयीही तिहींज वापिस वोलीत जाहीं,’ आन जाहां तियाहा तो हुंद्लो, बाअल्यो, होबाड़ल्यो देखाअहे. 45ताहां तो जात कोइत तिया रोत बी वादार हांत खाराब आत्मे तियाअरी लेत आवेहे, आन तें तियामेहें वाहा टाकीत रोने वोलतेहे, आन तिया माहुंउं दशा पेल्लीइ रोत बी वादार उत्यार ओत जाहे. या जमानाअ माअहोंअ दशा बी एहेलीज ओवे.”
ईसुउ आयही आन पाही
(मार्क 3:31-35; लुक 8:19-21)
46जाहां ईसु माअहोंअरी गोग्याज कोअतुतो, तेहेलाम तियाआ आयही आन पाही बाअथे तियाअरी गोठी कोइलो काजे उबे रोयेते. 47ताहां कोडे तेबी तियाहा कोयो, “पाल, ताआ आयही आन पाही नेहें ताअरी गोठी कोइलोअ काजे बाअथे उबे रोयेहे.”
48ओं उनाइत ईसु तिया कोनाराहा उत्तर आप्यो, “कोडो होय माआं आयही? आन कोडो होय माआं पाही?” 49आन तियाआ सेलाअहें आथ देखाडीत कोयो, “पाला, माआं आयही आन पाही एं होये! 50काहाके जो कोडो माआं होरगाआ आब्हाआ मोर्जी पुरमाणे साले, तोज माआं पाही, आन माआं बोअह्हीं, आन माआं आयही होये.”
ទើបបានជ្រើសរើសហើយ៖
मत्तय 12: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
मत्तय 12
12
आरामोअ दिहोअ बाप्तिमेहें प्रश्न
(मार्क 2:23-28; लुक 6:1-5)
1 #
कायदा 23:25
ताहां ईसु आरामोअ #12:1 आरामोअ दिही, सांतवू दिही दिहोअ दिही खेतोमेहें रोत जातुतो, आन तियाआ सेलाहां फुक लागी, ताहां ते कोहें तोड़ी-तोड़ीइ खाना वोल्या. 2फरिसी ओं पालीत, ईसुहू कोयो, “पाल, ताआ सेला जो काम कायदाआ पुरमाणे आरामोअ दिहोअ दिही ने कोअहूं जोवे तो काम कोअताहा.”
3 #
1 शमु 21:1-6 ईसु उत्तर आप्यो, “दाविद आन तियाआ हाती फुकवाअला, ताहां तियां कि कोअल्यो तो तुमू नाहां वाश्यो के? 4#लेवी 24:9 तेबी तो देवोअ मंदिरोमेहें केहें कोइत गोयू, आन देवोहो भेट कोअल्या रोटा कायदाआ पुरमाणे तियाहा आन तियाआ हात्योहों खाअलोअ परवानगी ने ओती, फक्त पुंजाराहा खाअलोअ परवानगी ओती, ते तियां केहें कोइत खादा? 5#गणती 28:9-10ओं तुमू नाहां वाश्यो के? पुंजारा आरामोअ दिहोअ दिही मंदिरोमेहें आरामोअ कायदु तोड़ताहा, तेबी ते निर्दुस ठरताहा. 6पोन आंय तुमुहूं कोहो के, इंहीं जो होय तो मंदिरो रोत बी वोडु होये. 7#मत्तय 9:13; होशे 6:6 वसन कोहे, ‘के माहूं दया जोवे, जनवारोअ गाराहा नाहां.’ याआ अर्थ कि होय तो तुमू सोमजीइता, ताहां तुमू निर्दुस माहुंहूं दोशी ने ठरवीइता; 8काहाके माहुंउं बेटुह्हू आरामोअ दिहोअ बी प्रभु होय.”
उगाअला आथोअ माहुंउं
(मार्क 3:16; लुक 6:6-11)
9तिहीं रोत सालित कोइत ईसु यहुदीइ आराधनालयोमेहें आयू. 10तिहीं एक लखवा लागला आथोअ माहुंउं ओतो, फरिसी माअहें ईसु पोअ आरोप लागाड़ीइलोअ काजे तियाहा फुशो के, “आरामोअ दिहोअ दिही बिमारी हुदारीइलोअ ओं कायदाआ पुरमाणे ठीक होय के?”
11 #
लुक 14:5 ईसु तियांहां उत्तर आप्यो, “तुमामेहें एहलोहो कोडो होय, जियाआ एक्कुज मेडो ओये, आन तो आरामोअ दिहोअ दिही खाडामेहें पोड़ीत जाय, ताहां तो तियाहा तोइत ने काडे?#लुक 14:5 12पाला, माहुंउं किंमत मेडा रोत केतीही वादार होये! तियाहा काजे आरामोअ दिहोअ दिही कायदाआ पुरमाणे हाजो काम कोइलोअ बोराबर होय.”#मत्तय 6:26; 10:31 13ताहां तिये उगाअला आथोवाला माहुंहूं कोयो, “ताआ आथ नांबू कोअ.”
ताहां तिये आथ नांबू कोअयू, आन तो आथ बिहीरा हाजा आथोअ होस हाजू ओत गोयू. 14ताहां फरिसी माट्यों बारथे जात कोइत ईसुहू केहें कोइत माईंलोअ ते योजना कोअयी.
देवोअ निवड़ीइल्यु सेवक
15ताहां ईसुहू ए गोठ मुंदू पोड़्यी. आन जाअखीलेहे माअहें तियाआ फासाड़ी गोये; आन तिये आखाहा बिमारीम रोत हुदार्ये,#मत्तय 4:23 16आन तियांहां कड़क आदेश आप्यू के माआं बाप्तिम बिहीराहा मा कोहा. 17ओं याआ काजे ओवयो के, जो वसन यशया भविश्यवक्ते कोयो, तो पुरो ओवुहूं जोवे:
18“पाला, ओ माआं सेवक होय, जियाहा मी निवड़्युहू,
माआं मेरालू होय, यावाअहीं माआं जिव खुस होय.
आंय माआं आत्मा तियापोअ मोकलिहीं,
आन तो बिगर यहुदीही न्यायोअ बातमीइं परसार कोए.
19तो भान्गड़ ने कोए, आन ने आअड़े,
आन बाजारोमेहें तियाआ आवाज ने कोडो उनाय.
20तो आडा पोड़ल्या बुआंहां ने मुड़े,
आन पेटात्ली बत्तिही तो ने उलवे,
जाअहूं जाआं तो न्यायोहो मजबुत ने कोए.#यश 42:1-4
21आन आखे माअहें तियाआ नावोपोअ आशा मिके.”#रोम 15:12
ईसु आन बालजाबुल
(मार्क 3:20-30; लुक 11:14-23)
22ताहां माअहें एक आंद्ला-मुकाहा ईसुउ जागे लेतावये, जियामेहें पुत ओतू; ईसु तियाहा हुदार्यु, आन तो पालु वोल्यू आन गोगु वोल्यू. 23ए घटना देखीत आखे माअहें बोगलात गोये आन कोने वोल्ये, “केहें ओ दाविदोअ पोर्यू नाहां के?”
24पोन फरिसी ओं उनाइत कोयो, “ओ पुतोअ आधिकारी बालजाबुलोअ#12:24 बालजाबुल बालजाबुल ओ पुतोंअ मुख्य आधिकारी होय. आधारो वाअहींज पुते काडेहे.”
25ईसु तियांआं मोनोअ विसार जाइंत तियांहां कोयो, “जिया राजोमेहें टोला पोड़ताहा, तो उजड़ीत जाहे, आन एकदो होयर नेत कुटूंबो, जियामेहें टोला पोड़ताहा, तों ने टिकीत सेके. 26आन जर सैतानोहो सैतानुज काडे, ताहां तियांआं सोतामेहेंज टोला पोड़ीत गोया, ताहरोअ तियाआ राज कि कोइत टिकीत सेके? 27पोन जर आंय बालजाबुलोअ आधारो वाअहीं पुते काडोहो, ताहां तुमाआं पोर्ये कोडाआ सेक्ती वाअहीं पुते काडतेहे? तिहीं वाअहीं तेंज तुमाआं न्यायनिवाड़ु कोए. 28पोन जर आंय देवोअ आत्माआं मदतो वाअहीं पुते काडोहो, ताहां देवोअ राज तुमाआं जागे आवित लागोहो.”
29“नेत ताकतवान माट्योहो पेल बांद्या सिवाय तियाआ कोअमेहें फोहीत तियाआ धन लुटता आवे के? तियाहा बांदे ताहांज तो तियाआ कोअ लुटीत सेकेहे.”
30 #
मार्क 9:40 “जो माआं हाती कायनाहां तो माआं विरोदी होय, आन जो माअरी टोलू नाहां कोअतू तो वेरेहे. 31तियाहा काजे आंय तुमुहूं कोहो के माअहोंअ आखी जातीइ पाप आन निंदा माफ ओवे, पोन पवित्र आत्माआं निंदा माफ ने ओवे. 32#लुक 12:10 जो कोडो माहुंउं बेटाह्हाआ विरोदो मेहें कोड्ली बी गोठ कोये, ते तियाआ गुनू माफ ओत जाय, पोन जों कोडो पवित्र आत्माआं विरुद्दामेहें गोगे, तियाआ गुनाआं माफी ने यी कोली ने तियी कोली ओवे.”
साड़ आन तियाआ फल
(लुक 6:43-45)
33 #
मत्तय 7:20; लुक 6:44 जर साड़ हाजो ओय, ते तियाआ फल बी हाजो रोय, जर साड़ ने हाजो ओय, ताहां तियाआ फल बी ने हाजो रोय, काहाके साड़ तियाआ फलो वाअहीं फारकात जाहे.#मत्तय 7:16-20 34#मत्तय 3:7; 23:33; 15:18; लुक 3:7; 6:45 ए हापोअ पिलां, तुमू खाराब होय तेबी हाजी गोठी केहें गोगतेहे? काहाके जों मोनोम पोआलो होय, तोंज सोबीइ वाटे सोकतेहे. 35हाजो माअहुंउं तियाआ हाजा मोनोअ भांडारोम रोत हाजी गोठी काडेहे, आन खाराब माअहुंउं तियाआ खाराब मोनोअ भांडारोमेहें रोत खाराब गोठी काडेहे.
36“आन आंय तुमुहूं कोहो के, जें जें शब्दे माहें गोगे, तियां हारेक फालतू शब्दाआ न्यायनिवाड़ु ओवे तेदिहीं तियांहां ईसाब आपुहूं पोड़े. 37काहाके तु ताआ गोठी वाअहीं निर्दुस आन ताआ गोठीज वाअहीं दोशी ठरही.”
होरगामेऱ्याआ समत्कारोअ मागणी
(मार्क 8:11-12; लुक 11:29-32)
38ताहां थोड़ाक कायदाआ मास्तर आन थोड़ाक फरिसी तियाहा कोयो, “ए मास्तर, आमू तुमे कोअल्यू एक समत्कार पालुहूं कोअताहा.”
39 #
मत्तय 16:4; मार्क 8:12 तिये तियांहां उत्तर आप्यो, “यी कोलीइ खाराब आन सिनाल माअहें समत्कार होदतेहे, पोन योना नावोअ भविश्यवक्ताआ समत्कारो वासी बिहीरु कोड्लू समत्कार तियांहां ने जोड़े. 40#योना 1:17 योनू तीन दिहीन तीन रात जाअखीला वोडा मासाआ पोटामेहें रोयू, तेहेंज कोइत माहुंउं बेटुह्हू बी, तीन रातेन दिही धरतीइ पोटामेहें रोये. 41#योना 3:5 निनवे होयरोअ माअहें न्यायनिवाड़ाआ दिही या जमानाअ माअहोंअरी उठीत तियांहां दोशी ठरवे, काहाके तियां योनाअ परसार उनाइत तियांआं पापोअहें रोत मोन फेरव्यो, आन फाशोअ पाला, इंहीं जो होय तो योना रोत बी वोडु होये. 42#1 राजां 10:1-10; 2 इति 9:1-12 देहोअ वोग्यीइ राणी न्यायनिवाड़ाआ दिही यी कोलीइ माअहोंअरी उठीत तियांहां दोशी ठरवे, काहाके ते शलमोन राजाआ हिकवोण उनाइलोअ काजे तियीइ देसोमेहें रोत आयी, आन पाला, इंहीं जो होय तो शलमोन राजा रोत बी वोडु होये.”
खाराब आत्माआं वापिस आविइलोअ
(लुक 11:24-26)
43“जाहां खाराब आत्मा माहूंमेहें रोत निहीत जाहे, ताहां आराम कोइला कोअते उगाअलू जागू होदती फिरेहे, पोन नाहां जोड़तू. 44ताहां कोहे के, ‘आंय माआं तिया कोअमेहें जिहीं रोत निहींयीही तिहींज वापिस वोलीत जाहीं,’ आन जाहां तियाहा तो हुंद्लो, बाअल्यो, होबाड़ल्यो देखाअहे. 45ताहां तो जात कोइत तिया रोत बी वादार हांत खाराब आत्मे तियाअरी लेत आवेहे, आन तें तियामेहें वाहा टाकीत रोने वोलतेहे, आन तिया माहुंउं दशा पेल्लीइ रोत बी वादार उत्यार ओत जाहे. या जमानाअ माअहोंअ दशा बी एहेलीज ओवे.”
ईसुउ आयही आन पाही
(मार्क 3:31-35; लुक 8:19-21)
46जाहां ईसु माअहोंअरी गोग्याज कोअतुतो, तेहेलाम तियाआ आयही आन पाही बाअथे तियाअरी गोठी कोइलो काजे उबे रोयेते. 47ताहां कोडे तेबी तियाहा कोयो, “पाल, ताआ आयही आन पाही नेहें ताअरी गोठी कोइलोअ काजे बाअथे उबे रोयेहे.”
48ओं उनाइत ईसु तिया कोनाराहा उत्तर आप्यो, “कोडो होय माआं आयही? आन कोडो होय माआं पाही?” 49आन तियाआ सेलाअहें आथ देखाडीत कोयो, “पाला, माआं आयही आन पाही एं होये! 50काहाके जो कोडो माआं होरगाआ आब्हाआ मोर्जी पुरमाणे साले, तोज माआं पाही, आन माआं बोअह्हीं, आन माआं आयही होये.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.