लुक 18
18
एक रोंडोअ बाय आन न्यायाधिशोअ काईं
1ईसु तियाआ सेलाहां नाराज ने ओवुहूं जोवे पोन सादाज प्रार्थना कोअया कोअहूं जोवे कोते, एक काईं कोत देखाड्यी. 2तिये कोयो, “एका होयरोमेहें एक न्यायाधिश रोतुतो. तो देवोहो बी ने बितुतो, आन माहुंहूं बी मान ने आपतुतो. 3तियाज होयरोम एक रोंडोअ बाय रोतीते, आन ते कायम न्यायाधिशोअ जागे आवित कोइत कोतीते के, ‘माआं विरोध अन्याय कोअनाराआं विरुद्दाम माहूं मदत कोअ!’ 4ताहां वारुज तावणी जाआं तो न्यायाधिश ने मान्यू, पोन आखरी पोअ मोनोम विसार कोअयू, ‘आंय ने देवोहो बित्लू, के ने माहुंहूं मान आपत्लू, 5तेबी यी रोंडोअ बोईं माहूं ओसवी देदुहू, तियाहा काजे आंय तियीइ हक्काआ कि होय तो पालिहीं, जर आंय ने कोओ ताहां, ते माआं जागे ताल-ताल आवित माहूं ओसवे.’”
6ताहां प्रभु कोयो, “उनाआ खाराब न्यायाधिश कि कोहे. 7ओमे, देव तियाआ निवड़ीइल्या माअहूं पोअ ध्यान ने देय के? जे तियाआ जागेहे रातेन दिही रोड़तेहे, केहें तो तियांआं मदत कोइलोअ काजे वाआ लागाड़े? 8तुमुहूं आंय कोहो, तो तियांआं न्याय मामार कोए, पोन तेबी माहुंउं बेटाह्हाहा यी धरती पोअ विश्वास पालुहूं जोड़े के?”
एक फरिसी आन एका नाकेदारोअ काईं
9ताहां ईसु जे सोताहा हाजे समजीइतेते आन बाकी माहुंहूं किज ने समजीइतेते तियां माहुंहूं ए काईं कोत आप्यी. 10एक वारी बेन माटी मंदिरोम प्रार्थना कोआ गोया: एक फरिसी ओतू आन एक नाकेदार ओतू. 11“तो फरिसी उबू रोत कोइत मोनोमेहें एहेलिही प्रार्थना कोअयी, ‘देवा आंय ताआ आभार मानोहों, काहाके आंय बिहीराअ होस लालसी, लबाड़, आन सिनालो कोअनारु कायनाहां, आन बाकी माहुंहूं होस कायनाहां आन आंय या नाकेदारोअ होस बी कायनाहां. 12आंय आठीवड़ाम बेन वारी उपास तोअत्लु; आन माआं आखी कामायीइ दाहवू भाग आपत्लू.’”
13“पोन तो नाकेदार सेटेज उबू रोत, उसे जुगोअहें जाआं नजर टाकीइलोअ हिम्मत ने कोअयी, पोन सातीपोअ आथ ठोकी-ठोकीइ कोहे, ‘ए देवा, आंय पापी होय, मापोअ दया कोअ!’ 14आंय तुमुहूं कोत देहो, के तो फरिसी नाहां पोन ओ नाकेदार देवोअ नजरेमेहें धर्मी बोणीत कोओ गोयू; काहाके हारेक जो सोताहा वोडु सोमजेहे तो हानू गोणाय, आन जो सोताहा हानू बोणेहे तो वोडु गोणाय.”#मत्तय 23:12; लुक 14:11
ईसु हाना पोर्याहां आशिर्वाद आपत्लु
(मत्तय 19:13-15; मार्क 10:13-16)
15थोड़हे माअहें तियांआं पोर्याहां ईसुउ जागे आशिर्वाद आपे तेहें काजे लेत आये. पोन सेला ओं देखीत कोइत तियांहां गाई देना वोल्या. 16पोन ईसु तियां पोर्याहां आहने हादीत कोइत कोयो, “पोर्याहां माआं जागे आवुहूं द्या. तियांहां मा रुकहा. काहाके देवोअ राज यांआं सारकाआंज होय. 17आंय हुदाअलीज तुमुहूं कोहो के, एहेलोह कोडो बी जो देवोअ राजोहो एका हाना पोर्याअ होस स्विकार ने कोए, तो देवोअ राजोम केदिहींज ने जात सेकनारो.”
मालदार माहुंउं
(मत्तय 19:16-30; मार्क 10:17-31)
18एके यहुदी पुढार्ये ईसुहू फुशो, “हाजा मास्तर, अमर जिवन मेलवीइलोअ काजे आंय कि कोओ?”
19ईसु तियाहा कोयो, “तू माहूं हाजू काहा कोहे? देवोअ सिवाय कोडोज हाजो कायनाहां. 20ताहूं देवोअ कायदाअ तोम मुंदूज होये: ‘सिनालो मा कोअही; खुन मा कोअही; सोअही मा; ठोगोअ साक्शी मा आपिही; सोताआ आयहीन-आब्हाआ मान-पान कोअजी.’”
21तिये माट्ये कोयो, “ए आखी गोठी आंय हानुज रोत मानतु आयुहू.”
22जेहेलाम ईसु ओं उनाअयू, ताहां तिये तियाहा कोयो, “ओमेज बी एकी गोठीइ तामेहें खामी होय. तापोअ जो ओय ने ओय तो आखो वेसी दे, आन जे पोशा आवे ते गरिबोहों वाटीत आपी दे, ताहां ताहूं होरगामेहें मालमिलकत जोड़े. आन तु सोताहा माआं फासाड़ी आव.” 23पोन जाहां यहुदी पुडारी ओं उनाअयू ताहां खुब नाराज ओत गोयू, काहाके तो खुब मालदार ओतू.
24तो खुब नाराज होय एहलोहो ईसु देख्यो, ताहां तिये जियां पोअ धन होय तियां माहुंहूं कोयो, “जे मालदार होय, तियांआं कोअते देवोअ राजोम जाअलोअ केतोह कठीण होय! 25मालदारोअ देवोअ राजोम जाअलो रोत जी, हुयीइ डुसामेहें रोत उटड़ो सोरकीत जाय तों जाअखो सोपो ओये.”
26जियां माअहूं ए गोठी उनाअये, तियां कोयो, “एहेलोह ओय ताहां जीव कोडो वासाइत सेकेहे?”
27ईसु उत्तर आप्यो, “जे गोठी माहुंउं वाअहीं नाहां ओत सेकती, ते देवो वाअहीं ओत सेकेहे”
28ताहां पेत्रे कोयो, “पाल! आमू ताआ फासाड़ी आविइलोअ काजे कोअ-बाआ सोड़ी देदोहो.”
29“होव!” ईसु तियांहां कोयो, आन “आंय तुमुहूं हुदाअलीज कोहो, के देवोअ राजोअ काजे जिये सोताआ कोओ नेते लाडी नेते पाव्हीइले नेते आयही नेत आब्हू, नेते पोर्याहां सोड़ी देदे ओये; 30तियाहा आज्याआ दिहोम जाअखीलाहा पोट जोड़े आन आवता दिहोम अमर जिवन जोड़े.”
ईसु सोताअ मोतोअ बाप्तिम तिसरी वारी कोत्लू.
(मत्तय 20:17-19; मार्क 10:32-34)
31ईसु तियाआ बारा सेलाहां आंगेज लेत जात कोयो, “उनाआ! आपू उसे येरुसालेमोम जाताहा आन तिहीं माहुंउं बेटाह्हाअ बाप्तिम जो भविश्यवक्ता लेख्योहो तो पुरो ओवनारो होये. 32तो बिगर यहुदीइ आथोम होपात जाय, आन ते तियाहा डांणवे, तियाआ निंदा कोए, आन तियापोअ थुपे. 33तियाहा सापका देय, माईंत टाके, पोन तो फाशुउ तीन दिहोअ फासाड़ी जिवित उठे.”
34पोन सेलाहां यीं गोठीइ अर्थ ने समजाअयो के ईसु किहाअ बाप्तिम कोहे. ए गोठ तियां रोत दोडपात रोयी, आन तिये कोड्ली गोठीइ बाप्तिम कोल्यो तो तियांहां मुंदू ने गोयू.
ईसु एका आंदला बिखारीही हुदारत्लु
(मत्तय 20:29-34; मार्क 10:46-52)
35जेहेलाम ईसु यरीहोअ जागे आवतुतो, तेहेलाम तिहीं एक आंदलु वाटेए मेरे बोहीत बिख माग्या कोअतुतो. 36जेहेलाम तिये आंदले माअहोंअ गर्दीइ आवाज उनाअयू, ताहां तिये फुशो, “ए किहाअ गर्दी होय?”
37माअहूं तियाहा कोयो, “ईसु नासरी एहें रोत जाहे.”
38तिये जोरेज रोडीत कोयो, “ईसु, दाविदोअ बेटाह्हा मापोअ दया कोआ!”
39आगाड़ी सालनारा माअहूं तियाहा ठावको रोय तेहें कोयो. पोन तो फाशुउ बी वादार जोरे बोंबलीत कोनु वोल्यू, “दाविदोअ बेटाह्हा, मापोअ दया कोअ!”
40ईसु रुकात कोइत आन आंदलाहा आहने लेतावे तेहें काजे आरीवालाहां कोयो, तो आंदलु आहने आवयू, ताहां ईसु तियाहा फुशो, 41“आंय ताआ वोतीइ कि कोअहूं जोवे, एहेलिही ताआ इश्शा होय?”
तिये कोयो, “प्रभु, माहूं फाशोअ देखाओ वोलुहूं जोवे.”
42ईसु तियाहा कोयो, “ताहां पालु वोल! ताआ विश्वासे ताहूं हुदार्युहू.”
43आन तुरतुज तियाहा देखाओ वोल्यो, आन तो देवोअ भक्ती कोअतूज ईसुउ फासाड़ी सालु वोल्यू; आन ओं देखीत कोइत आखे माहें देवोअ स्तुती कोअयी.
ទើបបានជ្រើសរើសហើយ៖
लुक 18: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
लुक 18
18
एक रोंडोअ बाय आन न्यायाधिशोअ काईं
1ईसु तियाआ सेलाहां नाराज ने ओवुहूं जोवे पोन सादाज प्रार्थना कोअया कोअहूं जोवे कोते, एक काईं कोत देखाड्यी. 2तिये कोयो, “एका होयरोमेहें एक न्यायाधिश रोतुतो. तो देवोहो बी ने बितुतो, आन माहुंहूं बी मान ने आपतुतो. 3तियाज होयरोम एक रोंडोअ बाय रोतीते, आन ते कायम न्यायाधिशोअ जागे आवित कोइत कोतीते के, ‘माआं विरोध अन्याय कोअनाराआं विरुद्दाम माहूं मदत कोअ!’ 4ताहां वारुज तावणी जाआं तो न्यायाधिश ने मान्यू, पोन आखरी पोअ मोनोम विसार कोअयू, ‘आंय ने देवोहो बित्लू, के ने माहुंहूं मान आपत्लू, 5तेबी यी रोंडोअ बोईं माहूं ओसवी देदुहू, तियाहा काजे आंय तियीइ हक्काआ कि होय तो पालिहीं, जर आंय ने कोओ ताहां, ते माआं जागे ताल-ताल आवित माहूं ओसवे.’”
6ताहां प्रभु कोयो, “उनाआ खाराब न्यायाधिश कि कोहे. 7ओमे, देव तियाआ निवड़ीइल्या माअहूं पोअ ध्यान ने देय के? जे तियाआ जागेहे रातेन दिही रोड़तेहे, केहें तो तियांआं मदत कोइलोअ काजे वाआ लागाड़े? 8तुमुहूं आंय कोहो, तो तियांआं न्याय मामार कोए, पोन तेबी माहुंउं बेटाह्हाहा यी धरती पोअ विश्वास पालुहूं जोड़े के?”
एक फरिसी आन एका नाकेदारोअ काईं
9ताहां ईसु जे सोताहा हाजे समजीइतेते आन बाकी माहुंहूं किज ने समजीइतेते तियां माहुंहूं ए काईं कोत आप्यी. 10एक वारी बेन माटी मंदिरोम प्रार्थना कोआ गोया: एक फरिसी ओतू आन एक नाकेदार ओतू. 11“तो फरिसी उबू रोत कोइत मोनोमेहें एहेलिही प्रार्थना कोअयी, ‘देवा आंय ताआ आभार मानोहों, काहाके आंय बिहीराअ होस लालसी, लबाड़, आन सिनालो कोअनारु कायनाहां, आन बाकी माहुंहूं होस कायनाहां आन आंय या नाकेदारोअ होस बी कायनाहां. 12आंय आठीवड़ाम बेन वारी उपास तोअत्लु; आन माआं आखी कामायीइ दाहवू भाग आपत्लू.’”
13“पोन तो नाकेदार सेटेज उबू रोत, उसे जुगोअहें जाआं नजर टाकीइलोअ हिम्मत ने कोअयी, पोन सातीपोअ आथ ठोकी-ठोकीइ कोहे, ‘ए देवा, आंय पापी होय, मापोअ दया कोअ!’ 14आंय तुमुहूं कोत देहो, के तो फरिसी नाहां पोन ओ नाकेदार देवोअ नजरेमेहें धर्मी बोणीत कोओ गोयू; काहाके हारेक जो सोताहा वोडु सोमजेहे तो हानू गोणाय, आन जो सोताहा हानू बोणेहे तो वोडु गोणाय.”#मत्तय 23:12; लुक 14:11
ईसु हाना पोर्याहां आशिर्वाद आपत्लु
(मत्तय 19:13-15; मार्क 10:13-16)
15थोड़हे माअहें तियांआं पोर्याहां ईसुउ जागे आशिर्वाद आपे तेहें काजे लेत आये. पोन सेला ओं देखीत कोइत तियांहां गाई देना वोल्या. 16पोन ईसु तियां पोर्याहां आहने हादीत कोइत कोयो, “पोर्याहां माआं जागे आवुहूं द्या. तियांहां मा रुकहा. काहाके देवोअ राज यांआं सारकाआंज होय. 17आंय हुदाअलीज तुमुहूं कोहो के, एहेलोह कोडो बी जो देवोअ राजोहो एका हाना पोर्याअ होस स्विकार ने कोए, तो देवोअ राजोम केदिहींज ने जात सेकनारो.”
मालदार माहुंउं
(मत्तय 19:16-30; मार्क 10:17-31)
18एके यहुदी पुढार्ये ईसुहू फुशो, “हाजा मास्तर, अमर जिवन मेलवीइलोअ काजे आंय कि कोओ?”
19ईसु तियाहा कोयो, “तू माहूं हाजू काहा कोहे? देवोअ सिवाय कोडोज हाजो कायनाहां. 20ताहूं देवोअ कायदाअ तोम मुंदूज होये: ‘सिनालो मा कोअही; खुन मा कोअही; सोअही मा; ठोगोअ साक्शी मा आपिही; सोताआ आयहीन-आब्हाआ मान-पान कोअजी.’”
21तिये माट्ये कोयो, “ए आखी गोठी आंय हानुज रोत मानतु आयुहू.”
22जेहेलाम ईसु ओं उनाअयू, ताहां तिये तियाहा कोयो, “ओमेज बी एकी गोठीइ तामेहें खामी होय. तापोअ जो ओय ने ओय तो आखो वेसी दे, आन जे पोशा आवे ते गरिबोहों वाटीत आपी दे, ताहां ताहूं होरगामेहें मालमिलकत जोड़े. आन तु सोताहा माआं फासाड़ी आव.” 23पोन जाहां यहुदी पुडारी ओं उनाअयू ताहां खुब नाराज ओत गोयू, काहाके तो खुब मालदार ओतू.
24तो खुब नाराज होय एहलोहो ईसु देख्यो, ताहां तिये जियां पोअ धन होय तियां माहुंहूं कोयो, “जे मालदार होय, तियांआं कोअते देवोअ राजोम जाअलोअ केतोह कठीण होय! 25मालदारोअ देवोअ राजोम जाअलो रोत जी, हुयीइ डुसामेहें रोत उटड़ो सोरकीत जाय तों जाअखो सोपो ओये.”
26जियां माअहूं ए गोठी उनाअये, तियां कोयो, “एहेलोह ओय ताहां जीव कोडो वासाइत सेकेहे?”
27ईसु उत्तर आप्यो, “जे गोठी माहुंउं वाअहीं नाहां ओत सेकती, ते देवो वाअहीं ओत सेकेहे”
28ताहां पेत्रे कोयो, “पाल! आमू ताआ फासाड़ी आविइलोअ काजे कोअ-बाआ सोड़ी देदोहो.”
29“होव!” ईसु तियांहां कोयो, आन “आंय तुमुहूं हुदाअलीज कोहो, के देवोअ राजोअ काजे जिये सोताआ कोओ नेते लाडी नेते पाव्हीइले नेते आयही नेत आब्हू, नेते पोर्याहां सोड़ी देदे ओये; 30तियाहा आज्याआ दिहोम जाअखीलाहा पोट जोड़े आन आवता दिहोम अमर जिवन जोड़े.”
ईसु सोताअ मोतोअ बाप्तिम तिसरी वारी कोत्लू.
(मत्तय 20:17-19; मार्क 10:32-34)
31ईसु तियाआ बारा सेलाहां आंगेज लेत जात कोयो, “उनाआ! आपू उसे येरुसालेमोम जाताहा आन तिहीं माहुंउं बेटाह्हाअ बाप्तिम जो भविश्यवक्ता लेख्योहो तो पुरो ओवनारो होये. 32तो बिगर यहुदीइ आथोम होपात जाय, आन ते तियाहा डांणवे, तियाआ निंदा कोए, आन तियापोअ थुपे. 33तियाहा सापका देय, माईंत टाके, पोन तो फाशुउ तीन दिहोअ फासाड़ी जिवित उठे.”
34पोन सेलाहां यीं गोठीइ अर्थ ने समजाअयो के ईसु किहाअ बाप्तिम कोहे. ए गोठ तियां रोत दोडपात रोयी, आन तिये कोड्ली गोठीइ बाप्तिम कोल्यो तो तियांहां मुंदू ने गोयू.
ईसु एका आंदला बिखारीही हुदारत्लु
(मत्तय 20:29-34; मार्क 10:46-52)
35जेहेलाम ईसु यरीहोअ जागे आवतुतो, तेहेलाम तिहीं एक आंदलु वाटेए मेरे बोहीत बिख माग्या कोअतुतो. 36जेहेलाम तिये आंदले माअहोंअ गर्दीइ आवाज उनाअयू, ताहां तिये फुशो, “ए किहाअ गर्दी होय?”
37माअहूं तियाहा कोयो, “ईसु नासरी एहें रोत जाहे.”
38तिये जोरेज रोडीत कोयो, “ईसु, दाविदोअ बेटाह्हा मापोअ दया कोआ!”
39आगाड़ी सालनारा माअहूं तियाहा ठावको रोय तेहें कोयो. पोन तो फाशुउ बी वादार जोरे बोंबलीत कोनु वोल्यू, “दाविदोअ बेटाह्हा, मापोअ दया कोअ!”
40ईसु रुकात कोइत आन आंदलाहा आहने लेतावे तेहें काजे आरीवालाहां कोयो, तो आंदलु आहने आवयू, ताहां ईसु तियाहा फुशो, 41“आंय ताआ वोतीइ कि कोअहूं जोवे, एहेलिही ताआ इश्शा होय?”
तिये कोयो, “प्रभु, माहूं फाशोअ देखाओ वोलुहूं जोवे.”
42ईसु तियाहा कोयो, “ताहां पालु वोल! ताआ विश्वासे ताहूं हुदार्युहू.”
43आन तुरतुज तियाहा देखाओ वोल्यो, आन तो देवोअ भक्ती कोअतूज ईसुउ फासाड़ी सालु वोल्यू; आन ओं देखीत कोइत आखे माहें देवोअ स्तुती कोअयी.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.