लुक 12
12
ढोंगड़ायीइ विरुद्दाम कड़क इशारु
(मत्तय 10:26-27)
1तेताजमेहें हाजारो माहुंउं गर्दी तिहीं टोलू वोलीत गोयी, एतीही गर्दी के तें एकानेकाहा डोठ्लाअतेते, ईसु पेल्लाअठीज तियाआ सेलाहां कोनु वोल्यु, “फरिसीइ खमीरो रोत सांबालित रोजा,” मोन्ज्ये तियांआं ढोंगड़ाय कोइलोअ खमीरोअ बाप्तिम कोहो. 2किज बी टापाअलो नाहां जो उगड़ीत ने सेके, आन किज बी निकाअलो कायनाहां, जो ओलखाइत ने सेके. 3आन तियाहा काजे जो किबी तुमू आंदारामेहें कोयोहो, तो उजालामेहें होंबलाय; आन जो किबी सुलीइहीं बिबड़ीत कोयोहो, तो मोब्योपोअ रोत परसार ओवे.
कोडाहा बिइलोअ?
(मत्तय 10:28-31)
4“माआं दोस्ता, आंय तुमुहूं कोहो, तियांहां मा बिहा जे तुमाआं शरीरोहो माईंत सेकतेहे, पोन तिया रोत वादार बिहीरो किज बी नाहां कोइत सेकते. 5आंय तुमुहूं कोत देखाड़ोहो तुमू कोडाहा बिअहूं जोवे: देवोहो बिवा, जियाहा माअयो तिहीं रोत नरकाम टाकीइलोअ आधिकार होय, तियाहाज बिवा; होव, आंय खोरीज कोहो, तियाहाज बिवा!”
6केहें बेन आनामेहें पास सिड़े नाहां वेसाअते? तेबी तिहींमेएं एका सिड़ाहा बी देव ने विहीराअत्लू. 7तुमाआं मुंडीपोर्येए आखे सिंग्ये बी गोणीत मिक्येहे, तियाहा काजे बिहा मा, वारुज सिड़ां रोत बी तुमाआं किंमत जाअखी होये!
ख्रिस्ताहा मानीइलो नेत नाकारीइलो
(मत्तय 10:32-33; 12:32; 10:19-20)
8आंय तुमुहूं खोरीज कोहो, जो कोडो आखाआ सामने माहूं मानित लेये, तियाहा माहुंउं बेटुह्हू बी देवोअ देवदुतोअ सामने मानित लेये. 9पोन जो आखाआ सामने जो माआं नाकार कोए, ताहां माहुंउं बेटुह्हू बी देवदुतोअ सामने तियाआ नाकार कोए.
10“जो कोडो माहुंउं बेटाह्हाअ विरुद्दाम किबी गोठ कोए, तियाआ माफी ओत जाय; पोन जो पवित्र आत्माआं विरुद्दाम निंदा कोए, तियाआ सुकीइ माफी ने ओवनारी.”#12:10 मत्तय 12:32; मार्क 3:29
11जेहेलाम तें माअहें तुमुहूं यहुदी आराधनालयोअ सामने, नेत सारकारोअ सामने, नेते आधिकार्योंअ सामने लेत जाय, ताहां सिंता मा कोअहा के केहें कोइत उत्तर आपुहूं, नेत की कोहूं. 12“काहाके पवित्र आत्मा तुमुहूं तियीज वेलेपोअ सिकाड़ी देये के कि कोअहूं जोवे.”
एका फोगा कुन्बीइ काईं
13ताहां गर्दी मेहें रोत एके जोएं ईसुहू कोयो, “गुरुजी, आमाआं आब्हाअ मालधन माअरी वाटीत लेय तेहें काजे माआं पायहोहो कोत दे.”
14ईसु तियाहा कोयो, “दोस्ता, कोडे माहूं तुमाआं न्याय कोअनारु के मालधन वाटनारु कोत नेम्युहूं?” 15आगाड़ी ईसु तियां आखाहा कोयो, “हेएजा, आखी बातीइ लालसाय कोइलो रोत सोताआ जिवोहो वासाड़ा; काहाके कोडाअ बी खोरो जिवन तियाआ जाअखा मालदार बोणीइलोम कायनाहां, तो केतुहू बी मालदार रोअहूं दे, काय फरक ने.”
16ईसु तियांहां एक काईं कोत आप्यी: “एका कुन्बीइ खेतोमेहें जाअखीलोहो ओन पाको. 17ताहां तो विसार कोउ वोल्यु, ओं ओन मिकुहूं इंहीं जागू कायनाहां, आंय कि कोअहीं? 18आन तिये कोयो, ‘आंय एहें कोअहीं, ए मोठी वेसड़ीत कोइत वोडी बोणाविहीं; आन तिहीं माआं आखो ओन आन मालधन मेकिहीं; 19आन माआं जिवोहो कोहीं, ए जीव! तापोअ जाअखीलेहें वोरह्ये पुरे एतोहो ओन कामावित मिक्योहो, आराम कोअ, खा-पी आन मोज्याम जिव!’ 20पोने देवे तियाहा कोयो, ‘आरे फोगा! यीज राती ताआ जिव निहींत जाय; ताहां जो किबी तुमे कामावयोहो तो कोडाअ बोणे?’”
21आन सेलीसेलवाआ ईसु कोयो, “एहेंज कोइत तियाआ बी ओवे, जो सोताआ काजे मालधन हेंगालेहे, पोन देवोअ नजरेम कुन्बी कायनाहां.”
देवोअ पोअ भरिवसू कोआ
(मत्तय 6:25-34)
22ताहरुउ ईसु तियाआ सेलाहां कोयो, “तिहीं वाअहीं आंय तुमुहूं कोहो, जिवीइलोअ कोअते कि खाहूं, कि पीहूं आन कि पेवहूं एहेलिही फिकर मा कोअहा. 23काहाके जिव ओनो रोत जाअखु महत्वाआ होये, आन डिल साअका रोत जाअखो महत्वाआ होये. 24कागड़ाअहें पाला, ते नाहां बियारु ओअते, आन नाहां वाडते; तियांआं नाहां दाणा मेकीइलोअ गोडावन रोतू, के नाहां मोठी रोती; तेबी देव तियांहां पालेहे! तुमाआं किंमत सिड़ां रोत बी वादार होये. 25तुमाआं विसमेहें कोडो एहेलोह होये, जो फिकर कोइत जिवनोमेहें एक घेड़ी जिवन वादाड़ीत सेके? 26तियाहा काजे जर तुमू हानाम रोत हानो काम बी नाहां कोइ सेकते, ताहां बिहीरी गोठीइ कोअते काहा फिकर कोअतेहे? 27तिवर्याआ फुलोहों पाला, तें केहेलेहे वोडे ओवतेहे: तें नाहां काम कोअते के नाहां सोताआ काजे साअके विंइंते; तेबी आंय तुमुहूं कोहो, के शलमोन राजाआ आखा होबामेहें रोत बी वादार तें तिवर्याआ फुले जाअखे बाहरी होबाअते ओते. 28तियाहा काजे जर देव रानठ्या खोड़ोहो, जो आज होये आन हांदाअ हांगाड़ाम पेटात जाये, तियाहा जाआं निलागार कोअहे; ताहां, ए कमजोर विश्वासोवालां, तो तुमुहूं केहें ने पोवाड़े!
29“तिहीं वाअहीं तुमू कि खाहूं आन कि पीहूं कोत फिकरेम मा रोहा, आन सिंता मा कोअहा. 30काहाके दुन्यामेर्येए आखे माअहें यीं गोठीइ फासाड़ी लागीत रोतेहे, आन ओं तुमाआं आब्हाहा मुंदू होये, के तुमुहूं यी गोठीइ गरज होये. 31पोन तुमू तोम तियाआ राज्याआ फाट लागा, ताहां ए गोठी बी तुमुहूं जोड़ीत जाय.
होरगाअ मालधन
(मत्तय 6:19-21)
32“ए हाना गोवारा बिही मा, काहाके तुमुहूं होरगाआ राज्य आपिइलोअ तुमाआं आब्हाहा गोम्योहो. 33तुमाआं मालधन वेसीत कोइत गरिबोहों वाटी द्या. आन सोताआ काजे एहेलिही खोत्ली बोणावा, जे जुनी नाहां ओवती, मोन्ज्ये होरगामेहें मालधन हेंगाला, जो केदिहींज कमी नाहां ओवतो, आन जिहीं बांड नाहां आवित सेकता, आन ओदायो बी नाहां लागीत सेकतो. 34काहाके जिहीं तुमाआं मालधन तिहीं तुमाआं मोन बी लागीत रोय.”
जागतू रोनारु सेवक
35“कंबर बांदीत कायम तियारीज मेहें रोवा, आन तुमाआं दिवा पेटाअलाज रोअहूं द्या. 36आन एहेला सेवकोअ होस बोणा, जे वेहेवालोअ पांगातीइ जागे रोत फिरीत आवनारा मालख्योअ वाट जोवताहा, मोन्ज्ये, जेहेलाम तो आवे ताहां तुमू ताबुड़ बाअणो उगाड़ीत सेके. 37मालिख फाशुउ वोलीत आवे ताअहूं जाआं जे सेवक कंबर बांदीत तियारीज मेहें रोल्या देखाय तियांआं हाजो होय! काहाके आंय तुमुहूं हुदाअलीज कोहो, तो सोताहा तुमाआं सेवा कोइलो काजे कंबर बांदीत तियार रोय! आन रोटाअ टेबलोपोअ खाअलोअ काजे बोहाड़े, आन आवित कोइत तियांआं सेवा कोए. 38जेहेलाम तो पोरापोर रातीही नेत तिहीं रोत बी वादार वेल ओत जाय, तेबी जे सेवक जागताज सापड़े, तियांआं केतोह हाजो आवे! 39पोन तुमू ओं जांअतीज रोजा; के जर कोओअ मालख्योहो ओं मुंदू रोतु ताहां तो तियाआ कोअ बांडोहो ने लुटुहूं देतु. 40तुमू बी तियार रोवा; काहाके माहुंउं बेटुह्हू एहेली वेले आवित लागे जेहेलाम तुमुहूं ईतवाय बी ने.”
इमानदार आन विण इमानदार सेवक
(मत्तय 24:45-51)
41पेत्रे कोयो, “प्रभु, ए काईं का आमाआं कोअतेज लागू होये के आखाआ काजे बी?”
42प्रभु उत्तर आप्यो, “बाकी नोवकर-साकर्याहां बोराबर वेले पोअ हिदो आपे तेहें काजे प्रभु जियाहा नेमीत सेके, एहेलुहू तो इमानदार आन ओकलवान सेवक कोडू होये?” 43जिया सेवकोहो मालिख आवित कोइत एहें कोअत्लूज सापड़ावे तियाआ जुदो हाजो आवे! 44खोरीज आंय तुमुहूं कोहो के, तो मालिख तिया सेवकोहो तियाआ आखा मालधनोपोअ आधिकारी बोणावे.
45पोन जर तो सेवक मोनोमेहें कोनु वोले के, माआं मालिख आविइलाआ जास्ती वाआ लागाड़ेहे, आन तो तियाआ आखा नोवकर-साकर्याहां, बोईंन-माट्योहो देनू आन गाई देनू वोले आन खानून-पीनू वोले आन साकवाल बोणू वोले. 46ताहां तिया सेवकोअ मालिख एहेलिही वेले आवित लागे जेहेलाम तियाहा मुंदू बी ने जाये, आन तियाहा जुदू डोंड आपे, आन तियाआ वाटू बिगर विश्वासी माहुंउंरी ठरवी देये.
47तियाआ मालख्योअ इश्शा जाईंत बी जो सेवक तियार नाहां रोतु, आन मालख्योअ ईश्शाअ परमाणे नाहां सालतु, तो जास्ती मार खाय. 48पोन जिया सेवकोहो ने मुंदू ओतू तिये जर मालख्योहो ने गोमे एहेलोह काम कोअयो, तर तियाहा थोडू मार जोड़े. जियाहा वादार आप्योहो, तियाप रोत वादार मागे, आन जियाहा जास्तीज आप्योहो तिया पोअ रोत जास्तीज वसूल बी कोए.
ईसुउ वाखरी फाटाफुट
(मत्तय 10:34-36)
49आंय धरती पोअ आग लागाड़ु आयुहू, आन ते आगाड़ीज रोत पेटाइत रोती ताहां केतोह हाजो आवतो! 50माहूं एक बाप्तिस्मा लेअलोअ होये, आन जाअहूं जाआं ओं पुरो ने ओवे ताअहूं जाआं आंय केतुहू तारसोम रोहीं! 51आंय धरती पोअ मिटाड़ू आयुहू एहेलोह तुमुहूं लागेहे के? नाहां, आंय मिटाड़ू नाहां, पोन फाटाफुट कोउ आयुहू. 52काहाके ओमे रोत आगाड़ी एका कोओ मेऱ्येए पास जोएं एकानेकाआ विरुद्दाम वाटाइत जाय. तीन जोएं बेनोअ विरुद्दाम आन बेन तीनूउं विरुद्दाम वाटाइत जाय. 53आब्हू बेटाह्हाअ विरुद्दाम आन बेटुह्हू आब्हाआ विरुद्दाम; आन आयही बेटिह्हीइ विरुद्दाम, आन बेटिह्ही आयहीइ विरुद्दाम, आन हावेह्हे वोवड़ीह्हीइ विरुद्दाम आन वोवड़ीह्ही हावेह्हेए विरुद्दाम ओत जाय.
वेलेए आंदास जाइंलो
(मत्तय 16:2-3)
54ईसु गर्दीही कोयो, “जाहां बुड्तामेहें वादलो आवत्लो देखाअहे, आन ताहां ताबुड़ कोतेहे के, वोऱ्हात पोड़े, आन तेहलोज ओवत्लो. 55जेहेलाम देहोअ भागोम वारो सालत्लो तेहेलाम तुमू कोतेहे के ओमे झांव साले, आन तेहलोज ओवत्लो. 56ए ढोंगड़ाय कोअनारां! तुमुहूं धरतीइ आन जुगोअ रंग-रुप देखीत कोइत वेलेए आंदास लागाड़ता आवड़ेहे, पोन ओमेएं वेलेए आंदास काहा ने लागाड़ता आवड़ीइत्लो?”
तुमाआं भान्गड्याअरी होमजीइलो
(मत्तय 5:25-26)
57जो ठीक होय तियाआ बाप्तिम तुमू सोताआ निर्णय सोताहाज काहा नाहां ठरवीत लेते? 58जेहेलाम तुमाआं भान्गड्याअरी तुमू कोर्ठामेहें जाअहूं कोअताय, ताहां जे भान्गड़ ओवीही ते वाटेज मिटाड़ीत ल्या, नेते, तुमाआं भान्गड्यु तुमुहूं न्यायाधिशोअ सामने ओडीत लेत जाय आन न्यायाधिश तुमुहूं सेयनिकोअ आथोम होपी देये, आन तो तुमुहूं जेलेम टाकी देय. 59आंय तुमुहूं कोहो, जाअहूं जाआं तुमू आनाआ आनो ने फिटी देहा, ताअहूं जाआं तिहीं रोत ने सुटीत सेकहा.
ទើបបានជ្រើសរើសហើយ៖
लुक 12: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
लुक 12
12
ढोंगड़ायीइ विरुद्दाम कड़क इशारु
(मत्तय 10:26-27)
1तेताजमेहें हाजारो माहुंउं गर्दी तिहीं टोलू वोलीत गोयी, एतीही गर्दी के तें एकानेकाहा डोठ्लाअतेते, ईसु पेल्लाअठीज तियाआ सेलाहां कोनु वोल्यु, “फरिसीइ खमीरो रोत सांबालित रोजा,” मोन्ज्ये तियांआं ढोंगड़ाय कोइलोअ खमीरोअ बाप्तिम कोहो. 2किज बी टापाअलो नाहां जो उगड़ीत ने सेके, आन किज बी निकाअलो कायनाहां, जो ओलखाइत ने सेके. 3आन तियाहा काजे जो किबी तुमू आंदारामेहें कोयोहो, तो उजालामेहें होंबलाय; आन जो किबी सुलीइहीं बिबड़ीत कोयोहो, तो मोब्योपोअ रोत परसार ओवे.
कोडाहा बिइलोअ?
(मत्तय 10:28-31)
4“माआं दोस्ता, आंय तुमुहूं कोहो, तियांहां मा बिहा जे तुमाआं शरीरोहो माईंत सेकतेहे, पोन तिया रोत वादार बिहीरो किज बी नाहां कोइत सेकते. 5आंय तुमुहूं कोत देखाड़ोहो तुमू कोडाहा बिअहूं जोवे: देवोहो बिवा, जियाहा माअयो तिहीं रोत नरकाम टाकीइलोअ आधिकार होय, तियाहाज बिवा; होव, आंय खोरीज कोहो, तियाहाज बिवा!”
6केहें बेन आनामेहें पास सिड़े नाहां वेसाअते? तेबी तिहींमेएं एका सिड़ाहा बी देव ने विहीराअत्लू. 7तुमाआं मुंडीपोर्येए आखे सिंग्ये बी गोणीत मिक्येहे, तियाहा काजे बिहा मा, वारुज सिड़ां रोत बी तुमाआं किंमत जाअखी होये!
ख्रिस्ताहा मानीइलो नेत नाकारीइलो
(मत्तय 10:32-33; 12:32; 10:19-20)
8आंय तुमुहूं खोरीज कोहो, जो कोडो आखाआ सामने माहूं मानित लेये, तियाहा माहुंउं बेटुह्हू बी देवोअ देवदुतोअ सामने मानित लेये. 9पोन जो आखाआ सामने जो माआं नाकार कोए, ताहां माहुंउं बेटुह्हू बी देवदुतोअ सामने तियाआ नाकार कोए.
10“जो कोडो माहुंउं बेटाह्हाअ विरुद्दाम किबी गोठ कोए, तियाआ माफी ओत जाय; पोन जो पवित्र आत्माआं विरुद्दाम निंदा कोए, तियाआ सुकीइ माफी ने ओवनारी.”#12:10 मत्तय 12:32; मार्क 3:29
11जेहेलाम तें माअहें तुमुहूं यहुदी आराधनालयोअ सामने, नेत सारकारोअ सामने, नेते आधिकार्योंअ सामने लेत जाय, ताहां सिंता मा कोअहा के केहें कोइत उत्तर आपुहूं, नेत की कोहूं. 12“काहाके पवित्र आत्मा तुमुहूं तियीज वेलेपोअ सिकाड़ी देये के कि कोअहूं जोवे.”
एका फोगा कुन्बीइ काईं
13ताहां गर्दी मेहें रोत एके जोएं ईसुहू कोयो, “गुरुजी, आमाआं आब्हाअ मालधन माअरी वाटीत लेय तेहें काजे माआं पायहोहो कोत दे.”
14ईसु तियाहा कोयो, “दोस्ता, कोडे माहूं तुमाआं न्याय कोअनारु के मालधन वाटनारु कोत नेम्युहूं?” 15आगाड़ी ईसु तियां आखाहा कोयो, “हेएजा, आखी बातीइ लालसाय कोइलो रोत सोताआ जिवोहो वासाड़ा; काहाके कोडाअ बी खोरो जिवन तियाआ जाअखा मालदार बोणीइलोम कायनाहां, तो केतुहू बी मालदार रोअहूं दे, काय फरक ने.”
16ईसु तियांहां एक काईं कोत आप्यी: “एका कुन्बीइ खेतोमेहें जाअखीलोहो ओन पाको. 17ताहां तो विसार कोउ वोल्यु, ओं ओन मिकुहूं इंहीं जागू कायनाहां, आंय कि कोअहीं? 18आन तिये कोयो, ‘आंय एहें कोअहीं, ए मोठी वेसड़ीत कोइत वोडी बोणाविहीं; आन तिहीं माआं आखो ओन आन मालधन मेकिहीं; 19आन माआं जिवोहो कोहीं, ए जीव! तापोअ जाअखीलेहें वोरह्ये पुरे एतोहो ओन कामावित मिक्योहो, आराम कोअ, खा-पी आन मोज्याम जिव!’ 20पोने देवे तियाहा कोयो, ‘आरे फोगा! यीज राती ताआ जिव निहींत जाय; ताहां जो किबी तुमे कामावयोहो तो कोडाअ बोणे?’”
21आन सेलीसेलवाआ ईसु कोयो, “एहेंज कोइत तियाआ बी ओवे, जो सोताआ काजे मालधन हेंगालेहे, पोन देवोअ नजरेम कुन्बी कायनाहां.”
देवोअ पोअ भरिवसू कोआ
(मत्तय 6:25-34)
22ताहरुउ ईसु तियाआ सेलाहां कोयो, “तिहीं वाअहीं आंय तुमुहूं कोहो, जिवीइलोअ कोअते कि खाहूं, कि पीहूं आन कि पेवहूं एहेलिही फिकर मा कोअहा. 23काहाके जिव ओनो रोत जाअखु महत्वाआ होये, आन डिल साअका रोत जाअखो महत्वाआ होये. 24कागड़ाअहें पाला, ते नाहां बियारु ओअते, आन नाहां वाडते; तियांआं नाहां दाणा मेकीइलोअ गोडावन रोतू, के नाहां मोठी रोती; तेबी देव तियांहां पालेहे! तुमाआं किंमत सिड़ां रोत बी वादार होये. 25तुमाआं विसमेहें कोडो एहेलोह होये, जो फिकर कोइत जिवनोमेहें एक घेड़ी जिवन वादाड़ीत सेके? 26तियाहा काजे जर तुमू हानाम रोत हानो काम बी नाहां कोइ सेकते, ताहां बिहीरी गोठीइ कोअते काहा फिकर कोअतेहे? 27तिवर्याआ फुलोहों पाला, तें केहेलेहे वोडे ओवतेहे: तें नाहां काम कोअते के नाहां सोताआ काजे साअके विंइंते; तेबी आंय तुमुहूं कोहो, के शलमोन राजाआ आखा होबामेहें रोत बी वादार तें तिवर्याआ फुले जाअखे बाहरी होबाअते ओते. 28तियाहा काजे जर देव रानठ्या खोड़ोहो, जो आज होये आन हांदाअ हांगाड़ाम पेटात जाये, तियाहा जाआं निलागार कोअहे; ताहां, ए कमजोर विश्वासोवालां, तो तुमुहूं केहें ने पोवाड़े!
29“तिहीं वाअहीं तुमू कि खाहूं आन कि पीहूं कोत फिकरेम मा रोहा, आन सिंता मा कोअहा. 30काहाके दुन्यामेर्येए आखे माअहें यीं गोठीइ फासाड़ी लागीत रोतेहे, आन ओं तुमाआं आब्हाहा मुंदू होये, के तुमुहूं यी गोठीइ गरज होये. 31पोन तुमू तोम तियाआ राज्याआ फाट लागा, ताहां ए गोठी बी तुमुहूं जोड़ीत जाय.
होरगाअ मालधन
(मत्तय 6:19-21)
32“ए हाना गोवारा बिही मा, काहाके तुमुहूं होरगाआ राज्य आपिइलोअ तुमाआं आब्हाहा गोम्योहो. 33तुमाआं मालधन वेसीत कोइत गरिबोहों वाटी द्या. आन सोताआ काजे एहेलिही खोत्ली बोणावा, जे जुनी नाहां ओवती, मोन्ज्ये होरगामेहें मालधन हेंगाला, जो केदिहींज कमी नाहां ओवतो, आन जिहीं बांड नाहां आवित सेकता, आन ओदायो बी नाहां लागीत सेकतो. 34काहाके जिहीं तुमाआं मालधन तिहीं तुमाआं मोन बी लागीत रोय.”
जागतू रोनारु सेवक
35“कंबर बांदीत कायम तियारीज मेहें रोवा, आन तुमाआं दिवा पेटाअलाज रोअहूं द्या. 36आन एहेला सेवकोअ होस बोणा, जे वेहेवालोअ पांगातीइ जागे रोत फिरीत आवनारा मालख्योअ वाट जोवताहा, मोन्ज्ये, जेहेलाम तो आवे ताहां तुमू ताबुड़ बाअणो उगाड़ीत सेके. 37मालिख फाशुउ वोलीत आवे ताअहूं जाआं जे सेवक कंबर बांदीत तियारीज मेहें रोल्या देखाय तियांआं हाजो होय! काहाके आंय तुमुहूं हुदाअलीज कोहो, तो सोताहा तुमाआं सेवा कोइलो काजे कंबर बांदीत तियार रोय! आन रोटाअ टेबलोपोअ खाअलोअ काजे बोहाड़े, आन आवित कोइत तियांआं सेवा कोए. 38जेहेलाम तो पोरापोर रातीही नेत तिहीं रोत बी वादार वेल ओत जाय, तेबी जे सेवक जागताज सापड़े, तियांआं केतोह हाजो आवे! 39पोन तुमू ओं जांअतीज रोजा; के जर कोओअ मालख्योहो ओं मुंदू रोतु ताहां तो तियाआ कोअ बांडोहो ने लुटुहूं देतु. 40तुमू बी तियार रोवा; काहाके माहुंउं बेटुह्हू एहेली वेले आवित लागे जेहेलाम तुमुहूं ईतवाय बी ने.”
इमानदार आन विण इमानदार सेवक
(मत्तय 24:45-51)
41पेत्रे कोयो, “प्रभु, ए काईं का आमाआं कोअतेज लागू होये के आखाआ काजे बी?”
42प्रभु उत्तर आप्यो, “बाकी नोवकर-साकर्याहां बोराबर वेले पोअ हिदो आपे तेहें काजे प्रभु जियाहा नेमीत सेके, एहेलुहू तो इमानदार आन ओकलवान सेवक कोडू होये?” 43जिया सेवकोहो मालिख आवित कोइत एहें कोअत्लूज सापड़ावे तियाआ जुदो हाजो आवे! 44खोरीज आंय तुमुहूं कोहो के, तो मालिख तिया सेवकोहो तियाआ आखा मालधनोपोअ आधिकारी बोणावे.
45पोन जर तो सेवक मोनोमेहें कोनु वोले के, माआं मालिख आविइलाआ जास्ती वाआ लागाड़ेहे, आन तो तियाआ आखा नोवकर-साकर्याहां, बोईंन-माट्योहो देनू आन गाई देनू वोले आन खानून-पीनू वोले आन साकवाल बोणू वोले. 46ताहां तिया सेवकोअ मालिख एहेलिही वेले आवित लागे जेहेलाम तियाहा मुंदू बी ने जाये, आन तियाहा जुदू डोंड आपे, आन तियाआ वाटू बिगर विश्वासी माहुंउंरी ठरवी देये.
47तियाआ मालख्योअ इश्शा जाईंत बी जो सेवक तियार नाहां रोतु, आन मालख्योअ ईश्शाअ परमाणे नाहां सालतु, तो जास्ती मार खाय. 48पोन जिया सेवकोहो ने मुंदू ओतू तिये जर मालख्योहो ने गोमे एहेलोह काम कोअयो, तर तियाहा थोडू मार जोड़े. जियाहा वादार आप्योहो, तियाप रोत वादार मागे, आन जियाहा जास्तीज आप्योहो तिया पोअ रोत जास्तीज वसूल बी कोए.
ईसुउ वाखरी फाटाफुट
(मत्तय 10:34-36)
49आंय धरती पोअ आग लागाड़ु आयुहू, आन ते आगाड़ीज रोत पेटाइत रोती ताहां केतोह हाजो आवतो! 50माहूं एक बाप्तिस्मा लेअलोअ होये, आन जाअहूं जाआं ओं पुरो ने ओवे ताअहूं जाआं आंय केतुहू तारसोम रोहीं! 51आंय धरती पोअ मिटाड़ू आयुहू एहेलोह तुमुहूं लागेहे के? नाहां, आंय मिटाड़ू नाहां, पोन फाटाफुट कोउ आयुहू. 52काहाके ओमे रोत आगाड़ी एका कोओ मेऱ्येए पास जोएं एकानेकाआ विरुद्दाम वाटाइत जाय. तीन जोएं बेनोअ विरुद्दाम आन बेन तीनूउं विरुद्दाम वाटाइत जाय. 53आब्हू बेटाह्हाअ विरुद्दाम आन बेटुह्हू आब्हाआ विरुद्दाम; आन आयही बेटिह्हीइ विरुद्दाम, आन बेटिह्ही आयहीइ विरुद्दाम, आन हावेह्हे वोवड़ीह्हीइ विरुद्दाम आन वोवड़ीह्ही हावेह्हेए विरुद्दाम ओत जाय.
वेलेए आंदास जाइंलो
(मत्तय 16:2-3)
54ईसु गर्दीही कोयो, “जाहां बुड्तामेहें वादलो आवत्लो देखाअहे, आन ताहां ताबुड़ कोतेहे के, वोऱ्हात पोड़े, आन तेहलोज ओवत्लो. 55जेहेलाम देहोअ भागोम वारो सालत्लो तेहेलाम तुमू कोतेहे के ओमे झांव साले, आन तेहलोज ओवत्लो. 56ए ढोंगड़ाय कोअनारां! तुमुहूं धरतीइ आन जुगोअ रंग-रुप देखीत कोइत वेलेए आंदास लागाड़ता आवड़ेहे, पोन ओमेएं वेलेए आंदास काहा ने लागाड़ता आवड़ीइत्लो?”
तुमाआं भान्गड्याअरी होमजीइलो
(मत्तय 5:25-26)
57जो ठीक होय तियाआ बाप्तिम तुमू सोताआ निर्णय सोताहाज काहा नाहां ठरवीत लेते? 58जेहेलाम तुमाआं भान्गड्याअरी तुमू कोर्ठामेहें जाअहूं कोअताय, ताहां जे भान्गड़ ओवीही ते वाटेज मिटाड़ीत ल्या, नेते, तुमाआं भान्गड्यु तुमुहूं न्यायाधिशोअ सामने ओडीत लेत जाय आन न्यायाधिश तुमुहूं सेयनिकोअ आथोम होपी देये, आन तो तुमुहूं जेलेम टाकी देय. 59आंय तुमुहूं कोहो, जाअहूं जाआं तुमू आनाआ आनो ने फिटी देहा, ताअहूं जाआं तिहीं रोत ने सुटीत सेकहा.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.