योहान 16
16
1“ए गोठी आंय तुमुहूं याअकाजे कोयीही के तुमाआं विश्वास कम ने पोड़ुहूं जोवे. 2ते तुमुहूं यहुदी आराधनालयोमेहें रोत काडी देये, पोन ते वेल आवेहे, के जो कोडो तुमुहूं माइत टाके तो समजे के आंय देवोअ सेवा कोअहो. 3एहेलोह ते याअकाजे कोअनारे के तियां नाहां आब्हाहा ओलख्युहू आन नाहां माहूं ओलखीइते. 4पोन ए गोठी आंय याअकाजे तुमुहूं कोयी, के जेहेलाम यांआं वेल आवे, तेहेलाम तुमुहूं ओर आवहूं जोवे के आंय तुमुहूं पेलुज कोत देदोतो.
“आंय सुरुवातीमेहें तुमुहूं ए गोठी याअकाजे नाहां कोयी काहाके आंय तुमाअरी ओतू.
पवित्र आत्माआं काम
5“पोन ओमे आंय माहूं मोकलीइनाराअ जागे जाहो; आन तुमामेर्योअ कोडोज माहूं नाहां फुसतो, ‘तू का जाहे?’ 6पोन आंय जे ए गोठी तुमुहूं कोयीही, तियाहा काजे तुमाआं मोन दुखोवाअहीं पोआइत गोयोहो. 7पोन आंय तुमुहूं खोरीज कोहो के माआं जाअलोअ तुमाआं काजे हाजो होय, काहाके जर आंय ने जांव ताहां तो हेंगात्यु तुमाआं जागे ने आवे; पोन जर आंय जाहीं, ताहां तियाहा तुमाआं जागे मोकलिहीं. 8आन जाहां तो आवे ताहां दुन्याहां पुरावू कोइत देखाड़े के, पाप आन सतीपण आन न्यायोअ बाप्तिमेहें पुरावू कोइत आपे. 9पापोअ बाप्तिमेहें याअकाजे के ते मापोअ विश्वास नाहां कोअते; 10आन सतीपणोअ बाप्तिमेहें याअकाजे के आंय आब्हाअ जागे जाहो, आन तुमू माहूं फाशे ने देखहा; 11न्यायोअ बाप्तिमेहें याअकाजे के दुन्याअ आधिकारी दोशी ठरवाअयुहू.
12“माहूं तुमुहूं फाशीइ बी जाअखीलीही गोठी कोइली होय, पोन ओमे तुमू तियीहीं वेठीत नाहां सेकते. 13पोन जेहेलाम तो मोन्ज्ये सत्याआ आत्मा आवे, तेहेलाम तो तुमुहूं आखी सत्याआ वाट कोतापे, काहाके तो सोताआ तरफ से ने कोय, पोन जों किबी उनाये तोंज कोये, आन आवनारी गोठी तुमुहूं कोतापे. 14तो माआं महिमा कोए, काहाके तो माआं गोठीमेहें रोत लेत कोइत तुमुहूं कोतापे. 15जो किबी आब्हाअ होय, तो आखो माआं होय; तियाहा काजे आंय कोयो के तो माआं गोठीमेहें रोत लेत कोइत तुमुहूं कोतापे.
16“थोड़ीक वाएमेहें तुमू माहूं ने पालहा, आन फाशे थोड़ीक वाएमेहें माहूं पालहा.”
दुख खुसीमेहें बोदलात जाय
17ताहां तियाआ थोड़ाक सेला तियां तियांआंज कोयो, “ओं कि होय जो तो आपुहूं कोहे, ‘थोड़ीक वाएमेहें तुमू माहूं ने देखहा, आन फाशाआ थोड़ीक वाएमेहें माहूं देखहा?’ आन ओं याअकाजे के आंय आब्हाअ जागे जाहो?”
18ताहां तियां कोयो, “ए ‘थोड़ीक वाआ’ जो तो कोहे, कि गोठ होय? आपुहूं नाहां मुंदू के तो कि कोहे.”
19ते माहूं फुसीइलाअ कोशित कोअताहा ओं जाइंत ईसु तियांहां कोयो, “केहें तुमू माआं यी गोठीइ बाप्तिमेहें तुमा तुमाआंज विसार कोअताहा के, ‘थोड़ीक वाएमेहें तुमू माहूं ने देखहा, आन फाशाआ थोड़ीक वाएमेहें माहूं देखहा?’ 20आंय तुमुहूं खोरीज कोहो के तुमू रोड़हा आन विखु कोअहा, पोन दुन्या खुसी कोए; तुमुहूं दुख ओवे, पोन तुमाआं दुख खुसीमेहें बोदलाइत जाय. 21ठाल्ली पोड़ीइला वेले बोईंहीं पिड़ा ओवेहे, काहाके तियीइ दुखोअ वेले आवित पोतीही, पोन जेहेलाम ते पोर्याहा जल्म आपी देहे, ताहां यी खुसीवाअहीं के दुन्यामेहें एक माहुंउं उबज्यो, तिया तारासोहो फाशीइ ओर ने कोअत्ली. 22तेहेंज कोइत तुमुहूं बी ओमे ते पिड़ा होय, पोन आंय तुमुहूं फाशुउ मिलीहीं आन तुमाआं मोन खुसीवाअहीं पोआइत जाये; आन तुमाआं खुसी कोडोज तुमाप रोत बुउसीत ने लेये.
23“तेदिहीं तुमू माहूं किज ने फुसहा. आंय तुमुहूं खोरीज कोहो, जर आब्हापोअ किज बी मागाहा, ताहां तो माआं नावसे तुमुहूं आपे. 24ओमे जाआं तुमू माआं नावसे किज नाहां माग्यो; मागा ताहां जोड़े, काहाके तुमाआं खुसी पुरी ओत जाअहूं जोवे.
ईसु दुन्याहां जिकीत होय
25“आंय ए गोठी तुमुहूं काईंमेहें कोयीही, पोन ते वेल आवेहे के आंय तुमुहूं फाशुउ काईंमेहें ने कोनारु, पोन खुल्लाम खुल्लू तुमुहूं आब्हाअ बाप्तिम कोत आपीहीं. 26तेदिहीं तुमू माआं नावसे मागाहा;आन आंय तुमुहूं ओं नाहां कोतू के आंय तुमाआं काजे आब्हाहा प्रार्थना कोअहीं; 27काहाके आब्हू तोम सोताहाज तुमापोअ मेर कोअहे, याअकाजे के तुमू मापोअ मेर कोअयिही आन ओ बी विश्वास कोअयुहू के आंय देवोअहीं रोत आवयू. 28आंय आब्हाअहीं रोत दुन्यामेहें आयुहू; आंय फाशुउ दुन्या सोड़ीत कोइत आब्हाअ जागे जाहो.”
29तियाआ सेला कोयो, “देख, ओमे ते तू खुल्लामखुल्लू कोहे, आन कोड्ली काईं नाहां कोतू. 30ओमे आमू समजीत गोयाहा, के तू आखोज जाअहें, ओमे याअ गरज नाहां के एखु ताहूं प्रश्न फुसे; या वाअहीं आमुहूं ओ विश्वास बोहेहे के तू देवोअहीं रोत आयुहू.”
31ओं उनाइत कोइत ईसु तियांहां कोयो, “केहें तुमू ओमे विश्वास कोअतेहे? 32पाला, ते वेल आवेहे पोन आवित पोतीही के तुमू आखे वेरा-सेर ओतकोइत जिवज्योअ वाट तोअहा, आन माहूं एखलाहा सोड़ी देहा; तेबी आंय एखलुज कायनाहां काहाके आब्हू माआं आरी होय. 33आंय ए गोठी तुमुहूं याअकाजे कोयीही के तुमुहूं मामेहें शांती मिले. दुन्यामेहें तुमुहूं तारास ओवेहे, पोन हिम्मत मिका, आंय दुन्याहां जिकीत लेदीही.”
ទើបបានជ្រើសរើសហើយ៖
योहान 16: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
योहान 16
16
1“ए गोठी आंय तुमुहूं याअकाजे कोयीही के तुमाआं विश्वास कम ने पोड़ुहूं जोवे. 2ते तुमुहूं यहुदी आराधनालयोमेहें रोत काडी देये, पोन ते वेल आवेहे, के जो कोडो तुमुहूं माइत टाके तो समजे के आंय देवोअ सेवा कोअहो. 3एहेलोह ते याअकाजे कोअनारे के तियां नाहां आब्हाहा ओलख्युहू आन नाहां माहूं ओलखीइते. 4पोन ए गोठी आंय याअकाजे तुमुहूं कोयी, के जेहेलाम यांआं वेल आवे, तेहेलाम तुमुहूं ओर आवहूं जोवे के आंय तुमुहूं पेलुज कोत देदोतो.
“आंय सुरुवातीमेहें तुमुहूं ए गोठी याअकाजे नाहां कोयी काहाके आंय तुमाअरी ओतू.
पवित्र आत्माआं काम
5“पोन ओमे आंय माहूं मोकलीइनाराअ जागे जाहो; आन तुमामेर्योअ कोडोज माहूं नाहां फुसतो, ‘तू का जाहे?’ 6पोन आंय जे ए गोठी तुमुहूं कोयीही, तियाहा काजे तुमाआं मोन दुखोवाअहीं पोआइत गोयोहो. 7पोन आंय तुमुहूं खोरीज कोहो के माआं जाअलोअ तुमाआं काजे हाजो होय, काहाके जर आंय ने जांव ताहां तो हेंगात्यु तुमाआं जागे ने आवे; पोन जर आंय जाहीं, ताहां तियाहा तुमाआं जागे मोकलिहीं. 8आन जाहां तो आवे ताहां दुन्याहां पुरावू कोइत देखाड़े के, पाप आन सतीपण आन न्यायोअ बाप्तिमेहें पुरावू कोइत आपे. 9पापोअ बाप्तिमेहें याअकाजे के ते मापोअ विश्वास नाहां कोअते; 10आन सतीपणोअ बाप्तिमेहें याअकाजे के आंय आब्हाअ जागे जाहो, आन तुमू माहूं फाशे ने देखहा; 11न्यायोअ बाप्तिमेहें याअकाजे के दुन्याअ आधिकारी दोशी ठरवाअयुहू.
12“माहूं तुमुहूं फाशीइ बी जाअखीलीही गोठी कोइली होय, पोन ओमे तुमू तियीहीं वेठीत नाहां सेकते. 13पोन जेहेलाम तो मोन्ज्ये सत्याआ आत्मा आवे, तेहेलाम तो तुमुहूं आखी सत्याआ वाट कोतापे, काहाके तो सोताआ तरफ से ने कोय, पोन जों किबी उनाये तोंज कोये, आन आवनारी गोठी तुमुहूं कोतापे. 14तो माआं महिमा कोए, काहाके तो माआं गोठीमेहें रोत लेत कोइत तुमुहूं कोतापे. 15जो किबी आब्हाअ होय, तो आखो माआं होय; तियाहा काजे आंय कोयो के तो माआं गोठीमेहें रोत लेत कोइत तुमुहूं कोतापे.
16“थोड़ीक वाएमेहें तुमू माहूं ने पालहा, आन फाशे थोड़ीक वाएमेहें माहूं पालहा.”
दुख खुसीमेहें बोदलात जाय
17ताहां तियाआ थोड़ाक सेला तियां तियांआंज कोयो, “ओं कि होय जो तो आपुहूं कोहे, ‘थोड़ीक वाएमेहें तुमू माहूं ने देखहा, आन फाशाआ थोड़ीक वाएमेहें माहूं देखहा?’ आन ओं याअकाजे के आंय आब्हाअ जागे जाहो?”
18ताहां तियां कोयो, “ए ‘थोड़ीक वाआ’ जो तो कोहे, कि गोठ होय? आपुहूं नाहां मुंदू के तो कि कोहे.”
19ते माहूं फुसीइलाअ कोशित कोअताहा ओं जाइंत ईसु तियांहां कोयो, “केहें तुमू माआं यी गोठीइ बाप्तिमेहें तुमा तुमाआंज विसार कोअताहा के, ‘थोड़ीक वाएमेहें तुमू माहूं ने देखहा, आन फाशाआ थोड़ीक वाएमेहें माहूं देखहा?’ 20आंय तुमुहूं खोरीज कोहो के तुमू रोड़हा आन विखु कोअहा, पोन दुन्या खुसी कोए; तुमुहूं दुख ओवे, पोन तुमाआं दुख खुसीमेहें बोदलाइत जाय. 21ठाल्ली पोड़ीइला वेले बोईंहीं पिड़ा ओवेहे, काहाके तियीइ दुखोअ वेले आवित पोतीही, पोन जेहेलाम ते पोर्याहा जल्म आपी देहे, ताहां यी खुसीवाअहीं के दुन्यामेहें एक माहुंउं उबज्यो, तिया तारासोहो फाशीइ ओर ने कोअत्ली. 22तेहेंज कोइत तुमुहूं बी ओमे ते पिड़ा होय, पोन आंय तुमुहूं फाशुउ मिलीहीं आन तुमाआं मोन खुसीवाअहीं पोआइत जाये; आन तुमाआं खुसी कोडोज तुमाप रोत बुउसीत ने लेये.
23“तेदिहीं तुमू माहूं किज ने फुसहा. आंय तुमुहूं खोरीज कोहो, जर आब्हापोअ किज बी मागाहा, ताहां तो माआं नावसे तुमुहूं आपे. 24ओमे जाआं तुमू माआं नावसे किज नाहां माग्यो; मागा ताहां जोड़े, काहाके तुमाआं खुसी पुरी ओत जाअहूं जोवे.
ईसु दुन्याहां जिकीत होय
25“आंय ए गोठी तुमुहूं काईंमेहें कोयीही, पोन ते वेल आवेहे के आंय तुमुहूं फाशुउ काईंमेहें ने कोनारु, पोन खुल्लाम खुल्लू तुमुहूं आब्हाअ बाप्तिम कोत आपीहीं. 26तेदिहीं तुमू माआं नावसे मागाहा;आन आंय तुमुहूं ओं नाहां कोतू के आंय तुमाआं काजे आब्हाहा प्रार्थना कोअहीं; 27काहाके आब्हू तोम सोताहाज तुमापोअ मेर कोअहे, याअकाजे के तुमू मापोअ मेर कोअयिही आन ओ बी विश्वास कोअयुहू के आंय देवोअहीं रोत आवयू. 28आंय आब्हाअहीं रोत दुन्यामेहें आयुहू; आंय फाशुउ दुन्या सोड़ीत कोइत आब्हाअ जागे जाहो.”
29तियाआ सेला कोयो, “देख, ओमे ते तू खुल्लामखुल्लू कोहे, आन कोड्ली काईं नाहां कोतू. 30ओमे आमू समजीत गोयाहा, के तू आखोज जाअहें, ओमे याअ गरज नाहां के एखु ताहूं प्रश्न फुसे; या वाअहीं आमुहूं ओ विश्वास बोहेहे के तू देवोअहीं रोत आयुहू.”
31ओं उनाइत कोइत ईसु तियांहां कोयो, “केहें तुमू ओमे विश्वास कोअतेहे? 32पाला, ते वेल आवेहे पोन आवित पोतीही के तुमू आखे वेरा-सेर ओतकोइत जिवज्योअ वाट तोअहा, आन माहूं एखलाहा सोड़ी देहा; तेबी आंय एखलुज कायनाहां काहाके आब्हू माआं आरी होय. 33आंय ए गोठी तुमुहूं याअकाजे कोयीही के तुमुहूं मामेहें शांती मिले. दुन्यामेहें तुमुहूं तारास ओवेहे, पोन हिम्मत मिका, आंय दुन्याहां जिकीत लेदीही.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.