Luka 16
16
Unshingisi unabuchengeji
1Wakati kubalayijwa babe, “Kwakaba kuli nonhu wakabakafuma waluba elingilwa ifuma yiye nonshingi; unshingi yoyu wakabelebelejwa kuwhi wakabetataula ifuma yiye. 2Nokudalo wakonshoba, akati kwaali, ‘Ini yezwi zwandiwhile nawi? Ndilungululile kuti wakabeilinga chini ifuma yangu, nokuti auchinoba unshingi wangu akale.’ 3Unshingi wakayeya nechomumwoyo uwe, eti, ‘Biya ndite chini sezwo She bangu bamuda kunditata pemishingo? Andina isimba lyokulima akale ndineshoni yokupema. 4Ndaziba kuti ndota chini, kuti banhu benditambule mujingumba jabo kana ndabhiswa unshingo.’ 5Nokudalo wakashoba umwe nomwe wakabeli nozwikwelete kunatezi uwe, akati kunawotanga, ‘Unachikweleti chemalini kunatezi wangu?’ 6Wakati, ‘Izana lyemingomo yamafuta.’ Unshingi wakati, ‘Tola lukwalo lwechikwelete chicho ugale pasi nokukambija ukwale kuti makumi mashanu.’ 7Wakabhuza umwe akale, eti, ‘Ani iwi unechikwelete chemalini?’ Wakashandula eti ‘Izana lyemihwele yegolosi.’ Unshingi wakati, ‘Tola lukwalo lwechikweleti chicho, ukwale makumi mashanu ana matatu egolosi.’ 8Nokudalo tezi boyu unshingi usilobimbika, wakakuja unshingi uwe nobuchenjevu bwakadalo, nokuti banhu bopenyika balochenjela pakuta zwinhu zwabo, kupinda bana bomwenje muchizekululu chabo.” 9akale Jesu wakati, “Bakani bukwaina bwenu mushingisa bufumi bubi bwopasi kutila kuti kana bwapela, munootambulwa mungumba jemisi isinopela. 10Iye ulobimbika munazwitukutuku, ulobimbika akale muzwikulwana, iye usilobimbika muzwitukutuku, aatobimbika muzwikulwana. 11Kana usijakabimbika mubufumi bubi bwopasi, ndiyani biya uchabimba nawi mubufumi bwechokomende? 12Akale kana usijakabimbika nezwinhu zwabamwe, biya ndiyani uchakupa zwinhu zwizwo?
13“Apana unshingi angashingila matezi mabili, nokuti angabenga umwe, eda umwe, kana kulemesa umwe, eshunda umwe. Aungashingile Mwali akale nemali.”
Jimwe indebo jaJesu kubaFalisi
(Mateo 11:12,13; 5:31,32; Mako 10:11,12)
14BaFalisi, pabakawha yezwi, nokuda imali kwabo, bakonseka Jesu. 15Koga iye wakati kwabali, “Imwi muli yabaya banozwita bakalulama mumesho abanhu, asi Mwali unoziba myoyo yenu, nokuti zwamunokuja imwi banhu zwinosheshemesa mumesho aMwali.
16“Mulawu waMozesi newhalo jabapolofeti jakabeshinga kuswikila unshaji waJoni uMbhabhatizi, kuvila yopo INdebo iMbuya yobushe bwaMwali ikumubhaunulwa wose unhu ukumuzwimanikijila mwabuli. 17Asi zwilelu kuti idenga nenyika zwipinde, kuna kuti kabala katukutuku komulawu kebhiswe.
18“Wose unoshima unkaji uwe kova elobola umwe unhukaji, unopombola, akale yoyo unolobola unhukaji wakashimwa nondume, unobepombola.
Umfumi naLazalo
19“Kwakaba kulina umfumi walumbala zwimbalo zwinalubala lwensulubele nemicheka mibuya akale elalama bupenyu bwokuzwishantisa mazhuba ose. 20Akale kwaluba nonsheti waluwhi Lazalo, egala peshubo lyolukuta, umbili uwe ulizhele zwilonda, 21wakabelakamila kulya tupemu twalumbwela tuva petebuli lyomfumi, nembwa neebo jakabezha komyanguta zwilonda zwizwe. 22Unsheti wakafa akanyamulwa nengilozi jikonsenga pechifuba chaAbhulahamu. Umfumi wakafabo akajikwa, 23elimuhadesi eyangata kasa, wakanyamula mesho awe, akabona Abhulahamu kule kule, Lazalo elipelyo naye. 24Wakashomeja eti, ‘Tate Abhulahamu ndiwhileni ishe, tumani Lazalo engwinise imhela yakanyala kake muvula, etonhoje lulimi lwangu, nokuti ndikumuyangata muntutumo yoyu.’ 25Asi Abhulahamu wakati, ‘Mwananhulumyana, yeya mubupenyu bubo wakaba upiwa zwose zwinhu zwibhodo, asi Lazalo wakaba epiwa zwinhu zwibi; feno iye umunyalajwa iwi ukumuyangata. 26Azwitoba yezwi chete, panegolonga linomila pakati pedu, linotisa kuti yabo banoda kutaluka beva yokuno bezha yoko abatotubula, apana akale angataluka eva yoko ezha kunasu.’ 27Akale wakati, ‘Tate, kana zwakadalo ndimukumbila kuti muntume kungumba yatate bangu, 28nokuti ndinabanuna bashanu, kuti enobachenjeja kutila kuti besizhe yokuno kubugalo bwokujiijwa.’ 29Koga Abhulahamu wakati, ‘Banuna babo bana naMozesi nabalebambeli baMwali, ngebebawhilile.’ 30Wakati iye, ‘Tate Abhulahamu atoba imo pe, kana umwe amuka mubafi enda kwabali, yopo bangashanduka.’ 31Iye wakati kwaali, ‘Kana besinowhilila Mozesi nabalebambeli baMwali, abangawhilile kojoba umwe amuka mubafi ebakwekweteja.”’
ទើបបានជ្រើសរើសហើយ៖
Luka 16: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
Luka 16
16
Unshingisi unabuchengeji
1Wakati kubalayijwa babe, “Kwakaba kuli nonhu wakabakafuma waluba elingilwa ifuma yiye nonshingi; unshingi yoyu wakabelebelejwa kuwhi wakabetataula ifuma yiye. 2Nokudalo wakonshoba, akati kwaali, ‘Ini yezwi zwandiwhile nawi? Ndilungululile kuti wakabeilinga chini ifuma yangu, nokuti auchinoba unshingi wangu akale.’ 3Unshingi wakayeya nechomumwoyo uwe, eti, ‘Biya ndite chini sezwo She bangu bamuda kunditata pemishingo? Andina isimba lyokulima akale ndineshoni yokupema. 4Ndaziba kuti ndota chini, kuti banhu benditambule mujingumba jabo kana ndabhiswa unshingo.’ 5Nokudalo wakashoba umwe nomwe wakabeli nozwikwelete kunatezi uwe, akati kunawotanga, ‘Unachikweleti chemalini kunatezi wangu?’ 6Wakati, ‘Izana lyemingomo yamafuta.’ Unshingi wakati, ‘Tola lukwalo lwechikwelete chicho ugale pasi nokukambija ukwale kuti makumi mashanu.’ 7Wakabhuza umwe akale, eti, ‘Ani iwi unechikwelete chemalini?’ Wakashandula eti ‘Izana lyemihwele yegolosi.’ Unshingi wakati, ‘Tola lukwalo lwechikweleti chicho, ukwale makumi mashanu ana matatu egolosi.’ 8Nokudalo tezi boyu unshingi usilobimbika, wakakuja unshingi uwe nobuchenjevu bwakadalo, nokuti banhu bopenyika balochenjela pakuta zwinhu zwabo, kupinda bana bomwenje muchizekululu chabo.” 9akale Jesu wakati, “Bakani bukwaina bwenu mushingisa bufumi bubi bwopasi kutila kuti kana bwapela, munootambulwa mungumba jemisi isinopela. 10Iye ulobimbika munazwitukutuku, ulobimbika akale muzwikulwana, iye usilobimbika muzwitukutuku, aatobimbika muzwikulwana. 11Kana usijakabimbika mubufumi bubi bwopasi, ndiyani biya uchabimba nawi mubufumi bwechokomende? 12Akale kana usijakabimbika nezwinhu zwabamwe, biya ndiyani uchakupa zwinhu zwizwo?
13“Apana unshingi angashingila matezi mabili, nokuti angabenga umwe, eda umwe, kana kulemesa umwe, eshunda umwe. Aungashingile Mwali akale nemali.”
Jimwe indebo jaJesu kubaFalisi
(Mateo 11:12,13; 5:31,32; Mako 10:11,12)
14BaFalisi, pabakawha yezwi, nokuda imali kwabo, bakonseka Jesu. 15Koga iye wakati kwabali, “Imwi muli yabaya banozwita bakalulama mumesho abanhu, asi Mwali unoziba myoyo yenu, nokuti zwamunokuja imwi banhu zwinosheshemesa mumesho aMwali.
16“Mulawu waMozesi newhalo jabapolofeti jakabeshinga kuswikila unshaji waJoni uMbhabhatizi, kuvila yopo INdebo iMbuya yobushe bwaMwali ikumubhaunulwa wose unhu ukumuzwimanikijila mwabuli. 17Asi zwilelu kuti idenga nenyika zwipinde, kuna kuti kabala katukutuku komulawu kebhiswe.
18“Wose unoshima unkaji uwe kova elobola umwe unhukaji, unopombola, akale yoyo unolobola unhukaji wakashimwa nondume, unobepombola.
Umfumi naLazalo
19“Kwakaba kulina umfumi walumbala zwimbalo zwinalubala lwensulubele nemicheka mibuya akale elalama bupenyu bwokuzwishantisa mazhuba ose. 20Akale kwaluba nonsheti waluwhi Lazalo, egala peshubo lyolukuta, umbili uwe ulizhele zwilonda, 21wakabelakamila kulya tupemu twalumbwela tuva petebuli lyomfumi, nembwa neebo jakabezha komyanguta zwilonda zwizwe. 22Unsheti wakafa akanyamulwa nengilozi jikonsenga pechifuba chaAbhulahamu. Umfumi wakafabo akajikwa, 23elimuhadesi eyangata kasa, wakanyamula mesho awe, akabona Abhulahamu kule kule, Lazalo elipelyo naye. 24Wakashomeja eti, ‘Tate Abhulahamu ndiwhileni ishe, tumani Lazalo engwinise imhela yakanyala kake muvula, etonhoje lulimi lwangu, nokuti ndikumuyangata muntutumo yoyu.’ 25Asi Abhulahamu wakati, ‘Mwananhulumyana, yeya mubupenyu bubo wakaba upiwa zwose zwinhu zwibhodo, asi Lazalo wakaba epiwa zwinhu zwibi; feno iye umunyalajwa iwi ukumuyangata. 26Azwitoba yezwi chete, panegolonga linomila pakati pedu, linotisa kuti yabo banoda kutaluka beva yokuno bezha yoko abatotubula, apana akale angataluka eva yoko ezha kunasu.’ 27Akale wakati, ‘Tate, kana zwakadalo ndimukumbila kuti muntume kungumba yatate bangu, 28nokuti ndinabanuna bashanu, kuti enobachenjeja kutila kuti besizhe yokuno kubugalo bwokujiijwa.’ 29Koga Abhulahamu wakati, ‘Banuna babo bana naMozesi nabalebambeli baMwali, ngebebawhilile.’ 30Wakati iye, ‘Tate Abhulahamu atoba imo pe, kana umwe amuka mubafi enda kwabali, yopo bangashanduka.’ 31Iye wakati kwaali, ‘Kana besinowhilila Mozesi nabalebambeli baMwali, abangawhilile kojoba umwe amuka mubafi ebakwekweteja.”’
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International