Joni 13
13
Jesu Unoshambisa Balayijwa Babe Makumbo
1Ngweno kusanhu kwaswika miliya yePasika, Jesu waluzibakale kuti unshaji wokuti enyamuke ebhuda munyika enda kunaTate babe waswika, Iye wakabada babe bakabeli munyika, wakabada kuswikila kumapejelejo.
2Nonshaji wechilayilo, guluzhanje wakababiga kale mumwoyo waJudasi, mwananhulumyana waSimoni Isikaliyoti kuti onchete. 3Jesu eziba kuti Tate bakabiga zwinhu zwose mumaboko awe, nokuti wakava kunaMwali akale wakabenda kunaMwali, 4nokudalo wakamilika pechilayilo akabhisa zwimbalo zwizwe zwopezhulu akazwibiga kumbali, akasunga uncheka munshana uwe, 5kova edila ivula munachoshambila, akatanga kushambisa balayijwa babe makumbo, akabachumula noncheka waakaba ekasungilila munshana. 6Wakezha kunaSimoni Pita, akale Pita wakati kwaali “Tezi mondishambisa makumbo angu na?”
7Jesu wakounshandula eti, “Zwandikumukuta amutozwiziba ngweno, asi mukunda kwonshaji munoozwiwhisisa.”
8Pita wakati, “Amutooshambisa makumbo angu kuswika lini.”
Jesu wakounshandula eti, “Kana imi ndisakushambisa makumbo autoba umwe wangu.”
9Simoni Pita wakati kunaiye, “Tezi kusibe makumbo angu oga asi namaboko nonsholo.” 10Jesu wakati kwaali, “Iye washamba ulokwelela kushamba makumbo chete nokuti umbili uwe wose uloshambijika. Imwi mose muloshambijika kuzhe kwomwempela wenu.” 11Nokudalo Jesu wakabeziba kuti ndiani uchoncheta, ndizwo akati abatoba ibo bose baloshambijika.
12Paakabashambisa makumbo, wakatola chimbalo chiche akambala, akagala pasi akababhuza eti, “Munoziba kuti ini zwandata kwamuli? 13Mondishoba muti Ndayiji akale muti Tezi, zwibuya nokuti ndili alo. 14Kana imi Tezi akale ndili Ndayiji, ndashambisa makumbo enu, munokwelela kushambisana makumbo neebo. 15Nokuti ndamupa chibonelo, kuti imwibo munokwelela kuta sezwandata imi kwamuli. 16Ndinolebesa ndinoti kwamuli, unshingi, aatoba unkulwana kupinda tezi uwe, naiye wakatumwa aatoba unkulwana kupinda yoyo wakoontuma. 17Kana muziba yezwi zwinhu, mulokombolelwa kana muzwita.
18“Andijikumuleba imwi mose, ndinobaziba bandakashala. Asi iwhalo inokwelela kuzhajikijwa inoti, ‘Iye walya zwokulya nami wandishandukila.’ 19Ndinomubuja yezwi ngweno, zwisanu zwatikana, kutila kuti pazwichootikana mudimbwe kuti ndili iye. 20Ndinolebesa nditi kwamuli, iye unotambula aanizwe wandinotuma, unotambula imi, akale iye unotambula imi unotambula yoyo wandituma.”
Jesu Unolebeleka Nezwokuchetwa Kukwe
(Mateo 26:20-25; Luka 22:21-23)
21Jesu paakaleba yezwi, wakahetela mumpepo akapupula eti, “Ndinolebesa nditi kwamuli umwempela wenu unoondicheta.”
22Balayijwa bakalingana umwe noumwe, besinoziba kuti ukumuleba aani. 23Umwe wabalayijwa, waakabeda Jesu wakaba eligele pelyo naJesu. 24Simoni Pita nokudalo wakakobola luboko kunoyo undayijwa eti, “Tibuje kuti ukumuleba aani.”
25Nokudalo undayijwa yoyo wakasendela pelyo naJesu akabhuza eti, “Tezi angaba aani?”
26Jesu wakashandula eti, “Ndiye yoyu wandichasebela chipemu chechinkwa mundyilo ndiumpa.” Wakati aseba wakachipa Judasi, mwananhulumyana waSimoni Isikaliyoti. 27Judasi akalya chipemu chechinkwa, Satani wakangwina mwaali. Jesu akati kwaali, “Kambija ute zwaunokwelela kuta.” 28Ngweno apana unhu petebuli waluziba kuti wakalebelani yezwi kwaali. 29Nokuti Judasi ndiye wakabebhata chikwama chemali, bamwe bakayeya kuti Jesu wountuma kuti enotenga zwinodikana pemiliya yeyi, akale bamwe bakayeya kuti wombuja kuti epe basheti chimwe zwinhu.
30Shule mokutambula chipemu, wakava abhuda, akale kwakabeli busiku.
Undayo Umpya
31Judasi paakenda pazhe Jesu wakati, “Ngweno Mwananhulumyana woNhu wakujwa akale iye Mwali wakujwa mwaali, 32kana Mwali ekujwa munaiye, Mwali unokuja Mwananhulumyana munaiye Mwali ezwita nokukambija. 33Bana bangu, ndichaba namwi kwonshaji unshoma. Munoondipyanga, sezwandabaleba kubatungamili babaJuda ngweno ndozwileba kunamwi, ‘Kwandikumunda amutotubula kukuswika.’ 34Ndomupa mulawo umpya wokuti mudanane. Sezwo ndakamuda, namwibo mudanane. 35Kana muli noludo umwe kunoumwe, banhu bose banooziba kuti mubalayijwa bangu.”
Jesu unoleba Kulambwa Kukwe NaPita
(Mateo 26:31-35; Mako 14:27-31; Luka 22:31-34)
36Simoni Pita wakoumbhuza eti, “Tezi ukumundapi?”
Jesu wakashandula eti, “Kwandikumunda aungatubule kunditobela ngweno, koga unoonditobela mushule.”
37Pita wakati kwaali, “Tezi ini ndisinotubula kumutobela ngweno, ndilozwipila kumufila.”
38Jesu wakashandula eti. “Ungatubula kundifila na? Ndinolebesa nditi kwauli igukulume lisanu lyakokoleka, unobandilamba katatu.”
ទើបបានជ្រើសរើសហើយ៖
Joni 13: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
Joni 13
13
Jesu Unoshambisa Balayijwa Babe Makumbo
1Ngweno kusanhu kwaswika miliya yePasika, Jesu waluzibakale kuti unshaji wokuti enyamuke ebhuda munyika enda kunaTate babe waswika, Iye wakabada babe bakabeli munyika, wakabada kuswikila kumapejelejo.
2Nonshaji wechilayilo, guluzhanje wakababiga kale mumwoyo waJudasi, mwananhulumyana waSimoni Isikaliyoti kuti onchete. 3Jesu eziba kuti Tate bakabiga zwinhu zwose mumaboko awe, nokuti wakava kunaMwali akale wakabenda kunaMwali, 4nokudalo wakamilika pechilayilo akabhisa zwimbalo zwizwe zwopezhulu akazwibiga kumbali, akasunga uncheka munshana uwe, 5kova edila ivula munachoshambila, akatanga kushambisa balayijwa babe makumbo, akabachumula noncheka waakaba ekasungilila munshana. 6Wakezha kunaSimoni Pita, akale Pita wakati kwaali “Tezi mondishambisa makumbo angu na?”
7Jesu wakounshandula eti, “Zwandikumukuta amutozwiziba ngweno, asi mukunda kwonshaji munoozwiwhisisa.”
8Pita wakati, “Amutooshambisa makumbo angu kuswika lini.”
Jesu wakounshandula eti, “Kana imi ndisakushambisa makumbo autoba umwe wangu.”
9Simoni Pita wakati kunaiye, “Tezi kusibe makumbo angu oga asi namaboko nonsholo.” 10Jesu wakati kwaali, “Iye washamba ulokwelela kushamba makumbo chete nokuti umbili uwe wose uloshambijika. Imwi mose muloshambijika kuzhe kwomwempela wenu.” 11Nokudalo Jesu wakabeziba kuti ndiani uchoncheta, ndizwo akati abatoba ibo bose baloshambijika.
12Paakabashambisa makumbo, wakatola chimbalo chiche akambala, akagala pasi akababhuza eti, “Munoziba kuti ini zwandata kwamuli? 13Mondishoba muti Ndayiji akale muti Tezi, zwibuya nokuti ndili alo. 14Kana imi Tezi akale ndili Ndayiji, ndashambisa makumbo enu, munokwelela kushambisana makumbo neebo. 15Nokuti ndamupa chibonelo, kuti imwibo munokwelela kuta sezwandata imi kwamuli. 16Ndinolebesa ndinoti kwamuli, unshingi, aatoba unkulwana kupinda tezi uwe, naiye wakatumwa aatoba unkulwana kupinda yoyo wakoontuma. 17Kana muziba yezwi zwinhu, mulokombolelwa kana muzwita.
18“Andijikumuleba imwi mose, ndinobaziba bandakashala. Asi iwhalo inokwelela kuzhajikijwa inoti, ‘Iye walya zwokulya nami wandishandukila.’ 19Ndinomubuja yezwi ngweno, zwisanu zwatikana, kutila kuti pazwichootikana mudimbwe kuti ndili iye. 20Ndinolebesa nditi kwamuli, iye unotambula aanizwe wandinotuma, unotambula imi, akale iye unotambula imi unotambula yoyo wandituma.”
Jesu Unolebeleka Nezwokuchetwa Kukwe
(Mateo 26:20-25; Luka 22:21-23)
21Jesu paakaleba yezwi, wakahetela mumpepo akapupula eti, “Ndinolebesa nditi kwamuli umwempela wenu unoondicheta.”
22Balayijwa bakalingana umwe noumwe, besinoziba kuti ukumuleba aani. 23Umwe wabalayijwa, waakabeda Jesu wakaba eligele pelyo naJesu. 24Simoni Pita nokudalo wakakobola luboko kunoyo undayijwa eti, “Tibuje kuti ukumuleba aani.”
25Nokudalo undayijwa yoyo wakasendela pelyo naJesu akabhuza eti, “Tezi angaba aani?”
26Jesu wakashandula eti, “Ndiye yoyu wandichasebela chipemu chechinkwa mundyilo ndiumpa.” Wakati aseba wakachipa Judasi, mwananhulumyana waSimoni Isikaliyoti. 27Judasi akalya chipemu chechinkwa, Satani wakangwina mwaali. Jesu akati kwaali, “Kambija ute zwaunokwelela kuta.” 28Ngweno apana unhu petebuli waluziba kuti wakalebelani yezwi kwaali. 29Nokuti Judasi ndiye wakabebhata chikwama chemali, bamwe bakayeya kuti Jesu wountuma kuti enotenga zwinodikana pemiliya yeyi, akale bamwe bakayeya kuti wombuja kuti epe basheti chimwe zwinhu.
30Shule mokutambula chipemu, wakava abhuda, akale kwakabeli busiku.
Undayo Umpya
31Judasi paakenda pazhe Jesu wakati, “Ngweno Mwananhulumyana woNhu wakujwa akale iye Mwali wakujwa mwaali, 32kana Mwali ekujwa munaiye, Mwali unokuja Mwananhulumyana munaiye Mwali ezwita nokukambija. 33Bana bangu, ndichaba namwi kwonshaji unshoma. Munoondipyanga, sezwandabaleba kubatungamili babaJuda ngweno ndozwileba kunamwi, ‘Kwandikumunda amutotubula kukuswika.’ 34Ndomupa mulawo umpya wokuti mudanane. Sezwo ndakamuda, namwibo mudanane. 35Kana muli noludo umwe kunoumwe, banhu bose banooziba kuti mubalayijwa bangu.”
Jesu unoleba Kulambwa Kukwe NaPita
(Mateo 26:31-35; Mako 14:27-31; Luka 22:31-34)
36Simoni Pita wakoumbhuza eti, “Tezi ukumundapi?”
Jesu wakashandula eti, “Kwandikumunda aungatubule kunditobela ngweno, koga unoonditobela mushule.”
37Pita wakati kwaali, “Tezi ini ndisinotubula kumutobela ngweno, ndilozwipila kumufila.”
38Jesu wakashandula eti. “Ungatubula kundifila na? Ndinolebesa nditi kwauli igukulume lisanu lyakokoleka, unobandilamba katatu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International