Mishingo 3
3
Unkumbili igosha unochijwa
1Ngweno Pita naJoni bakabenda mutempeli neawa yokunamata, iawa yashanu nena. 2Pakabeli noumwe unhulume wakabeli igosha kuva mukuzwalwa kukwe, wakabenyamulwa izhuba nezhuba ebigwa peshubo linowhi Ibuya, kunokumbila lubhancho kunaabo bakabengwina mutempeli. 3Paakabona Pita naJoni belobongwina mutempeli, wakakumbila lubhancho. 4Pita wakondingisisa naJoni, akati kwaali, “Tilinge.” 5Iye wakabalingisisa, eyeyesela kuti unotambula chimwe chinhu kwabali. 6Koga Pita wakati, “Isiliva nendalama andina, koga zwandinanazwo ndokupa, muzina lyaJesu Kristo wokuNazaleta, nyamuka ukwende.” 7Wakombhata noluboko lwokululyi akomilija, pakalepo makumbo awe notungongovi zwakasima. 8Wakashotoka, akama, akakwenda engwina mutempeli nabo, ekwenda eshotoka akale ekuja Mwali. 9Bose banhu bakombona ekwenda ekuja Mwali, 10bakonziba kuti ndiye igosha walugala peShubo Ibuya lyetempeli ekumbila lubhancho, bakaba nokutya nokuchenama nezwakatikana kwaali.
Chilayijo chaPita mutempeli
11Wakabatobela Pita naJoni esichinoda kupambukana nabo, banhu bose bakalabukila kwabakabeli mugumbi linowhi lyaSolomoni, bakachenama zwikulugulu. 12Abona yezwi, Pita wakati kubanhu, “Banhu bomuIzilayeli, ini muchenamiswa nezwi, akale motitokolojelani alo, sofana yezwi zwatikana, tazwita nesimba lyedu kana nobululami bwedu kuti yoyu ekwende? 13Mwali waAbhulahamu, naIsaki, naJakobe, Mwali wamatategulu edu, wakuja unshingi uwe Jesu, umwakapila akale mukondamba mbeli kwaPilato, eda kunsungunula. 14Koga mwakalamba uNchena akale wakalulama mukakumbila umbulayi kuti esunungulwe, 15mukabulaya mweni wobupenyu, iye akamuswa naMwali munabakafa. Nokudalo isu tibasumikiji kunezwi. 16Izina lilye, akale mukudimbwa muzina lilye, ndizwo zwasimisa unhulume yoyu umubweni umunoziba, nokudimbwa muzina lyaJesu ndizwo zwonchilisa mbeli kwenu mose. 17Ngweno, banakwaina ndinoziba kuti mwakazwita nokusoziba pamwempela nabatongi benu. 18Koga zwose zwakalebwa naMwali mumilomo yabapolofeti babe, kuti Kristo uwe unooyabiswa, yezwi iye wazwizhajikija. 19Nokudalo chingunukani, kuti mulekejelwe luchinyo lwenu, nokutonhojwa mumesho aShe, 20akale kuti etume Kristo, waakashalila imwi, Jesu, 21iye unokwelela kutambulwa nedenga, kuswikila zwose zwatiwa zwakalebwa naMwali nemilomo yabapolofeti baMwali bachena kuvila ntolo. 22Mozesi wakati, ‘She Mwali wenu unoomupa uMpolofeti unova kubanakwaina benu unanga sami. Imwi mokwelela kuunwhilila munaizwo zwose zwaachamubuja. 23Akale unhu wose usinonwhilila undebambeli waMwali yoyu unoopalajwa ebhiswa mubanhu.’ 24Akale bose bapolofeti baMwali bakalebeleka, kuvila kunaSamiyele naibo bakontobela, bose bakapupula nozwamazhuba yaya. 25Imwi mubana banhulumyana babapolofeti, akale bechivumilano chakatiwa naMwali namatategulu enu, eti kuna Abhulahamu, ‘Akale muchizekululu chicho imhuli jenyika yose jinookombolelwa.’ 26Mwali, wakamusa uNdanda uwe, wakontuma kunamwi kutanga, kumukombolela nokushandula umwe noumwe wenu mububi bubwe.”
ទើបបានជ្រើសរើសហើយ៖
Mishingo 3: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
Mishingo 3
3
Unkumbili igosha unochijwa
1Ngweno Pita naJoni bakabenda mutempeli neawa yokunamata, iawa yashanu nena. 2Pakabeli noumwe unhulume wakabeli igosha kuva mukuzwalwa kukwe, wakabenyamulwa izhuba nezhuba ebigwa peshubo linowhi Ibuya, kunokumbila lubhancho kunaabo bakabengwina mutempeli. 3Paakabona Pita naJoni belobongwina mutempeli, wakakumbila lubhancho. 4Pita wakondingisisa naJoni, akati kwaali, “Tilinge.” 5Iye wakabalingisisa, eyeyesela kuti unotambula chimwe chinhu kwabali. 6Koga Pita wakati, “Isiliva nendalama andina, koga zwandinanazwo ndokupa, muzina lyaJesu Kristo wokuNazaleta, nyamuka ukwende.” 7Wakombhata noluboko lwokululyi akomilija, pakalepo makumbo awe notungongovi zwakasima. 8Wakashotoka, akama, akakwenda engwina mutempeli nabo, ekwenda eshotoka akale ekuja Mwali. 9Bose banhu bakombona ekwenda ekuja Mwali, 10bakonziba kuti ndiye igosha walugala peShubo Ibuya lyetempeli ekumbila lubhancho, bakaba nokutya nokuchenama nezwakatikana kwaali.
Chilayijo chaPita mutempeli
11Wakabatobela Pita naJoni esichinoda kupambukana nabo, banhu bose bakalabukila kwabakabeli mugumbi linowhi lyaSolomoni, bakachenama zwikulugulu. 12Abona yezwi, Pita wakati kubanhu, “Banhu bomuIzilayeli, ini muchenamiswa nezwi, akale motitokolojelani alo, sofana yezwi zwatikana, tazwita nesimba lyedu kana nobululami bwedu kuti yoyu ekwende? 13Mwali waAbhulahamu, naIsaki, naJakobe, Mwali wamatategulu edu, wakuja unshingi uwe Jesu, umwakapila akale mukondamba mbeli kwaPilato, eda kunsungunula. 14Koga mwakalamba uNchena akale wakalulama mukakumbila umbulayi kuti esunungulwe, 15mukabulaya mweni wobupenyu, iye akamuswa naMwali munabakafa. Nokudalo isu tibasumikiji kunezwi. 16Izina lilye, akale mukudimbwa muzina lilye, ndizwo zwasimisa unhulume yoyu umubweni umunoziba, nokudimbwa muzina lyaJesu ndizwo zwonchilisa mbeli kwenu mose. 17Ngweno, banakwaina ndinoziba kuti mwakazwita nokusoziba pamwempela nabatongi benu. 18Koga zwose zwakalebwa naMwali mumilomo yabapolofeti babe, kuti Kristo uwe unooyabiswa, yezwi iye wazwizhajikija. 19Nokudalo chingunukani, kuti mulekejelwe luchinyo lwenu, nokutonhojwa mumesho aShe, 20akale kuti etume Kristo, waakashalila imwi, Jesu, 21iye unokwelela kutambulwa nedenga, kuswikila zwose zwatiwa zwakalebwa naMwali nemilomo yabapolofeti baMwali bachena kuvila ntolo. 22Mozesi wakati, ‘She Mwali wenu unoomupa uMpolofeti unova kubanakwaina benu unanga sami. Imwi mokwelela kuunwhilila munaizwo zwose zwaachamubuja. 23Akale unhu wose usinonwhilila undebambeli waMwali yoyu unoopalajwa ebhiswa mubanhu.’ 24Akale bose bapolofeti baMwali bakalebeleka, kuvila kunaSamiyele naibo bakontobela, bose bakapupula nozwamazhuba yaya. 25Imwi mubana banhulumyana babapolofeti, akale bechivumilano chakatiwa naMwali namatategulu enu, eti kuna Abhulahamu, ‘Akale muchizekululu chicho imhuli jenyika yose jinookombolelwa.’ 26Mwali, wakamusa uNdanda uwe, wakontuma kunamwi kutanga, kumukombolela nokushandula umwe noumwe wenu mububi bubwe.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International