Luke 18
18
Rangbikedi hemipui samgwa
1Cidau pa samgwa ge rang penui dage dainzwa eh penui kiebam muilu maisiabi nah helung ceudi melu kerane, 2rang eh, “Namdi ge ga hetuketiakme ge Tinggwang de hing ma nah mina de de mapei la kemakge bamla. 3Nah namdi cika hemipui ge bamla, nah pa peda gwang bamla, rang eh, ‘A ngauraume dade a kum rangbeu lo.’ 4Nah peting ketieege pa cide teineu mene la, dede kekamle pa pekatei pecu mpau eh, ‘Ih Tinggwang de hing ma mede mina de mapei meliede, 5aipau hemipui de acu keliau au lu, Ih pekum rangbeu dizie, iciude pa ada gwang sap eh acu kelei tset dilak kerane.’” 6Cidau Rampaube pe caisuime de rangdi, “Kingneilu, hetuketiakbe masang kemakpe kerang samde. 7Tinggwang pane kedet kelume pedage tingmui tingba mra gai kebamme kum ranglak ni? Pa peting teuntie di zieni? 8Ih nnui dage ranglia zie, pa penui kum rang zette beuzie. Ciciu de Mina Nabe kegwangdau pa kideu ga kenlum bam eh ngaulu zieni?”
Phariseebe nah herakesiabe samgwa
9Pecai pa samgwa aide de pwa mi penuikatei penuide le pwane masang lie mningkela nah kedame de malie la kemakmedung dage ranggai, 10“Mi hangna kerecaki ga kekie tei zielie hang, hangge Phariseeme, nah kedabe heraha kehame ge. 11Phariseebe pe ziemne saplwe aide kie bam, ‘Tinggwang, Ih mi kedame, keregame, masangkemakme, kemmhame, mede heraha keha aipaude nzwa kemak ziemne ncu twala. 12Ih mtakkak ket gade piana mmwang la. Ih ma ngaukelu peciakne zi kerei tei eh zige kaibeu la.’ 13Dede heraha kehabe, kemdei gage saplwe, pemiak de tinggim le ngang cuhgai neu mene, dede pe hekarak kepeu eh, ranggai, ‘Tinggwang, Ih kemaume ge, nang acu ngaunggia lo.’#Lei. 51:1 14Ih nnui dage rangla, Pharisee peide mene heraha kelabe pei aide pecu tei masanglwe pe ki ga nghung dida, kedanemene keheibe de pekatei pecu teimdi teu kelame de teihenah dizie, dede pekatei pecu teihenah teu kelamede teimdi beuzie.”
Henamedung nah Jisu
15Iciu eh penui pecu peu hename de tung gai zielie peda ngngwa gwang, dede pe caisuimedung cide ngau ge, penui penuide kesiu bamdi. 16Dede Jisu penuide petai gage qu teu gwang eh ranggai, “Peu henamedung de ada gwang lulo, nah penuide kaam helo. Kedanemene Tinggwang hegwangram au ci kenzwame gulu. 17Ih nnui dage rangsiakte liazie, keheibe de hename nzwa Tinggwang hegwang luulu mai cika lüt gailak.”
Makehei kedibe
18Nah kedime ge pecu keteu, rang eh, “Keledeu keyibo, Ih kelungta kering ngaulu kerane daipai tei maisia no?” 19Cine Jisu pe dage rangdi, “Nang daitei acu keyibe lie qu lano? Tinggwang gwale migede keyi gah. 20Nang cibam samkai kebeudungde, mmha so, mide teitset so, rega so, kenret zierang teiso, n pui nah n pei de rütlu.” 21Dede pa rangdi, “Aidung pekiene Ih a hena gade mzai la dida.” 22Dede Jisu cide siu luge, pa pe dage rang, “Nang mage cang mereu. Nang kebam peciakne zwadi delwe kegame de nzi beudi, iciu cai nang tinggim ga n mahei bamlu zie, delwe gwang a caisui lu.” 23Dede kedibe aidungde siu luge pe suisiasüt di, kedanemene pa maheisüt kecune. 24Cidau Jisu, pecu pielwe,#18:24 Laisiukecimedung samkie: [pa] pe suisia sütdi, de kecu de aika kaimi lakbi kecu kesuisam luma. Pedum 23 de heda lubui. rangdi, “Keheimedung ziemne Tinggwang hegwangram ga nlüt kera daihia ge pa no! 25Kedanemene keheime ge Tinggwang hegwangram ga kenlüt swa au peu ut gede langhim miki gade kenlüt be relui ki zie kecune.” 26Ge cide siu kelumedung rangdi, “Ciciu cai caube debe kelilu zie no?” 27Cine pa sam keli gai, “Mina tei gai kelakpe Tinggwang dade teilu bui.” 28Cidau Peter rangdi, “Ainie, anui au ma pelane #18:28 Laisiu kesadung ga anui mabam, dede laisiu yitubedung ga ma pelanede eh peila. de gi dida nah n cai suila dida.” 29Cine pa penui dage rang, “Ih nnui dage rangsiakte liazie, migede Tinggwang hegwangram ziemne pe ki, mede pe nau, mede pe siname, mede pe pui pe pei, mede pe namedung de gidi cai, 30aipau teilung gade ma kekiee, nah gwang kezeu teilung gade kelungta kering ngaugai kelak gahlie.”
Jisu pe tsit ha mrairangdai kecu
31Nah pa kereiekenabau de teu ntsam lwe, penui dage rangdi, “Ainie, anui Jerusalem ga hangla dida, nah caihakecime ne Mina Nabe ha rauteu kela#18:31 Caihakecime ne Mina Nabe ha rauteu kela: Messiah gwang kera rang nswa kelame, nah Samkak kehegwabe ga raupwa bam penui kerangdung de. peciakne teicang luzie. 32Kedanemene pecu Gentileme ba gage tui gaibeu zie, delwe pecu teu henui tei, nah hengam tei zie, nah pecu mcai msui lwa zie. 33Nah penui pecu dap eh teitset dizie, nah lang pekecum benai pa ringcu dai luzie.” 34Dede penui aidungde kette cilu tadi, nah sam aide penui dade kebaidi, nah penui pa kerang samkie de cetlu tadi.
Miakcit haketeibe mangaukelu
35Pa Jericho namdi taiga mna gwang kezeu dau miakcietme ge lampuikung ga bamlwe maha bam. 36Nah mina hemaabe kegwang kwa siu eh pa aide daitei au bi keteu. 37Nah penui pedage ranglia, “Nazarethme Jisu gwang zeu lie.” 38Cidau pa sahbak eh, rang, “David napei Jisu, acu ngau nggia lo.” 39Nah mina keraile kelame pecu matu selo eh kesiu. Dede pa sah mteiki eh, “David napei, acu ngau nggia lo.” 40Cidau Jisu mtak lu delwe pecu ngngwa peda gwanglo rangbeu. Nah pa gwang mna kelu dau, pa pecu keteu eh, 41“Nang acu peu n ziemne daipai teibeu neu lano?” Cine pa rangdi, “Rampaubo, Ih mangau dai neulie.” 42Cidau Jisu pe dage rangdi, “Mangau dailu. N kenlum ne ncu teihemi luda.” 43Nah pa zette mangau dailu nah Tinggwang de twa eh Jisu cai suidi. Nah mina peciakne, aide ngaulu ge, Tinggwang de twadi.
ទើបបានជ្រើសរើសហើយ៖
Luke 18: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Luke 18
18
Rangbikedi hemipui samgwa
1Cidau pa samgwa ge rang penui dage dainzwa eh penui kiebam muilu maisiabi nah helung ceudi melu kerane, 2rang eh, “Namdi ge ga hetuketiakme ge Tinggwang de hing ma nah mina de de mapei la kemakge bamla. 3Nah namdi cika hemipui ge bamla, nah pa peda gwang bamla, rang eh, ‘A ngauraume dade a kum rangbeu lo.’ 4Nah peting ketieege pa cide teineu mene la, dede kekamle pa pekatei pecu mpau eh, ‘Ih Tinggwang de hing ma mede mina de mapei meliede, 5aipau hemipui de acu keliau au lu, Ih pekum rangbeu dizie, iciude pa ada gwang sap eh acu kelei tset dilak kerane.’” 6Cidau Rampaube pe caisuime de rangdi, “Kingneilu, hetuketiakbe masang kemakpe kerang samde. 7Tinggwang pane kedet kelume pedage tingmui tingba mra gai kebamme kum ranglak ni? Pa peting teuntie di zieni? 8Ih nnui dage ranglia zie, pa penui kum rang zette beuzie. Ciciu de Mina Nabe kegwangdau pa kideu ga kenlum bam eh ngaulu zieni?”
Phariseebe nah herakesiabe samgwa
9Pecai pa samgwa aide de pwa mi penuikatei penuide le pwane masang lie mningkela nah kedame de malie la kemakmedung dage ranggai, 10“Mi hangna kerecaki ga kekie tei zielie hang, hangge Phariseeme, nah kedabe heraha kehame ge. 11Phariseebe pe ziemne saplwe aide kie bam, ‘Tinggwang, Ih mi kedame, keregame, masangkemakme, kemmhame, mede heraha keha aipaude nzwa kemak ziemne ncu twala. 12Ih mtakkak ket gade piana mmwang la. Ih ma ngaukelu peciakne zi kerei tei eh zige kaibeu la.’ 13Dede heraha kehabe, kemdei gage saplwe, pemiak de tinggim le ngang cuhgai neu mene, dede pe hekarak kepeu eh, ranggai, ‘Tinggwang, Ih kemaume ge, nang acu ngaunggia lo.’#Lei. 51:1 14Ih nnui dage rangla, Pharisee peide mene heraha kelabe pei aide pecu tei masanglwe pe ki ga nghung dida, kedanemene keheibe de pekatei pecu teimdi teu kelame de teihenah dizie, dede pekatei pecu teihenah teu kelamede teimdi beuzie.”
Henamedung nah Jisu
15Iciu eh penui pecu peu hename de tung gai zielie peda ngngwa gwang, dede pe caisuimedung cide ngau ge, penui penuide kesiu bamdi. 16Dede Jisu penuide petai gage qu teu gwang eh ranggai, “Peu henamedung de ada gwang lulo, nah penuide kaam helo. Kedanemene Tinggwang hegwangram au ci kenzwame gulu. 17Ih nnui dage rangsiakte liazie, keheibe de hename nzwa Tinggwang hegwang luulu mai cika lüt gailak.”
Makehei kedibe
18Nah kedime ge pecu keteu, rang eh, “Keledeu keyibo, Ih kelungta kering ngaulu kerane daipai tei maisia no?” 19Cine Jisu pe dage rangdi, “Nang daitei acu keyibe lie qu lano? Tinggwang gwale migede keyi gah. 20Nang cibam samkai kebeudungde, mmha so, mide teitset so, rega so, kenret zierang teiso, n pui nah n pei de rütlu.” 21Dede pa rangdi, “Aidung pekiene Ih a hena gade mzai la dida.” 22Dede Jisu cide siu luge, pa pe dage rang, “Nang mage cang mereu. Nang kebam peciakne zwadi delwe kegame de nzi beudi, iciu cai nang tinggim ga n mahei bamlu zie, delwe gwang a caisui lu.” 23Dede kedibe aidungde siu luge pe suisiasüt di, kedanemene pa maheisüt kecune. 24Cidau Jisu, pecu pielwe,#18:24 Laisiukecimedung samkie: [pa] pe suisia sütdi, de kecu de aika kaimi lakbi kecu kesuisam luma. Pedum 23 de heda lubui. rangdi, “Keheimedung ziemne Tinggwang hegwangram ga nlüt kera daihia ge pa no! 25Kedanemene keheime ge Tinggwang hegwangram ga kenlüt swa au peu ut gede langhim miki gade kenlüt be relui ki zie kecune.” 26Ge cide siu kelumedung rangdi, “Ciciu cai caube debe kelilu zie no?” 27Cine pa sam keli gai, “Mina tei gai kelakpe Tinggwang dade teilu bui.” 28Cidau Peter rangdi, “Ainie, anui au ma pelane #18:28 Laisiu kesadung ga anui mabam, dede laisiu yitubedung ga ma pelanede eh peila. de gi dida nah n cai suila dida.” 29Cine pa penui dage rang, “Ih nnui dage rangsiakte liazie, migede Tinggwang hegwangram ziemne pe ki, mede pe nau, mede pe siname, mede pe pui pe pei, mede pe namedung de gidi cai, 30aipau teilung gade ma kekiee, nah gwang kezeu teilung gade kelungta kering ngaugai kelak gahlie.”
Jisu pe tsit ha mrairangdai kecu
31Nah pa kereiekenabau de teu ntsam lwe, penui dage rangdi, “Ainie, anui Jerusalem ga hangla dida, nah caihakecime ne Mina Nabe ha rauteu kela#18:31 Caihakecime ne Mina Nabe ha rauteu kela: Messiah gwang kera rang nswa kelame, nah Samkak kehegwabe ga raupwa bam penui kerangdung de. peciakne teicang luzie. 32Kedanemene pecu Gentileme ba gage tui gaibeu zie, delwe pecu teu henui tei, nah hengam tei zie, nah pecu mcai msui lwa zie. 33Nah penui pecu dap eh teitset dizie, nah lang pekecum benai pa ringcu dai luzie.” 34Dede penui aidungde kette cilu tadi, nah sam aide penui dade kebaidi, nah penui pa kerang samkie de cetlu tadi.
Miakcit haketeibe mangaukelu
35Pa Jericho namdi taiga mna gwang kezeu dau miakcietme ge lampuikung ga bamlwe maha bam. 36Nah mina hemaabe kegwang kwa siu eh pa aide daitei au bi keteu. 37Nah penui pedage ranglia, “Nazarethme Jisu gwang zeu lie.” 38Cidau pa sahbak eh, rang, “David napei Jisu, acu ngau nggia lo.” 39Nah mina keraile kelame pecu matu selo eh kesiu. Dede pa sah mteiki eh, “David napei, acu ngau nggia lo.” 40Cidau Jisu mtak lu delwe pecu ngngwa peda gwanglo rangbeu. Nah pa gwang mna kelu dau, pa pecu keteu eh, 41“Nang acu peu n ziemne daipai teibeu neu lano?” Cine pa rangdi, “Rampaubo, Ih mangau dai neulie.” 42Cidau Jisu pe dage rangdi, “Mangau dailu. N kenlum ne ncu teihemi luda.” 43Nah pa zette mangau dailu nah Tinggwang de twa eh Jisu cai suidi. Nah mina peciakne, aide ngaulu ge, Tinggwang de twadi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.