John 7
7
Jisu hadung ngyi ga kemie
1Pecai, Jisu Galilee deu ga mbeuh ladi, Pa Judea ga gwang neu tadi kedanemene Jewme pecu teitset ti zielie peei la kedine. 2Cidau Jewme Hengyi kela Kensiungyi nnadi.#Lev. 23:34 3Ciziemne pe sinamedung pe dage rangdi, “Heni aide pütdi delwe Judea ga miecu, ciu eh n caisuimedung de peu nang tei kela tadung ngaulu kerane. 4Kedanemene migede magede ngkim eh tei lamah pa pekatei pecu peu mdu neu cai. Nang ma aidung de teila cai, nkatei ncu kideube de lia lulo.” 5Kedanemene pe sinamedung liede pecu nlum kemakne. 6Ciziemne Jisu penui dage rangdi, “A ting gwangcang mereu, dede nnui ting au mtei pwabam muila. 7Kideube nnui de ngkau gailak, dede cide acu ngkau kedanemene Ih cide pe batadung sialie eh rang kecu ziemne. 8Nnui hengyi ga mie culo; Ih au hengyi aide ga mie lak kedanemene a ting cang mereu lu.” 9Pa ma aidung de penui dage rang kelu cai, pa Galilee ga bamdi.
10Dede cidau pe sinamedung hengyi ga hang di ge, pecai pa de hang, mi miakngau tei mene dede ngkim eh. 11Cidau, hengyi gade Jewme reu kedimedung pecu peei la nah ranggai, “Pa daiga bamno?” 12Cika maadi kakga pe ha rang popbak di. Midungge rangdi, “Pa au mina keyime ge.” Dede kedame rangdi, “Ma, dede pa hemaabe de teu kebwakla.” 13Dede Jewme reu kedime de kengngi ziemne migede pe ha rang mdu tadi.
Jisu hengyi gade keledeu
14Hengyi sumge ga cangla kedi dau, Jisu kerecaki ga nghang lu nah ledeu cuh di. 15Ge Jewmedung penui swaga eh, ranggai, “Mina aide dainzwa kesanglaisiu cilu dino, kedanemene pa laisiu kecime gede ma?” 16Ge Jisu penui sam keli eh rangdi, “A keledeu au agu ma, dede acu lang kegaibe pe dade gwang. 17Magade keheibe de pe lungning teineu lacai, pa ci luzie keledeu aide ha, Tinggwang dade gwang mi, mede Ih akatei a dade rangla bi kecu. 18Pekatei pe dade rang kelabe pekatei pe kendu peeila, dede pecu langkegaibe dade kendu peei kelabe au kesangbe da, nah peda masangkemak bam ma. 19Moses nnui de hezai kai beu meni? Dede nnui migede hezai mzai ma. Daiziemne nnui acu teitset kera peeila no?” 20Hemaa be sam keli, “N da herakesia ge la. Cau ncu teitsetdi zielie peeila no?” 21Jisu sam keli eh penui dage rangdi, “Ih mata ge teilu, nah cide ziemne nnui pelane swaga di. 22Aide ziemne, Moses hegeukerum zai nnui de peu (cide au Moses dade ma, dede nnui paumedung dade), nah Sabbath benai nnui mige geu rumla. 23Mige Sabbath benai hegeurum lu liede Moses zai gileu di melie cai, Ih Sabbath benai migede teihemi cangsiak kegai ziemne daitei acu nnui rata lano? 24Hegwazu gade mide hetiak tei so, dede makesangbe gade tiaklu.”
Jisu au Khristabe deni?
25Ge Jerusalem gade kangge rangdi, “Aide penui teitsetdi zielie peei kelabe de meni? 26Pielo, pa haibena dwaga marang, nah penui pe dage magede rang ma. Kedimedung kesangbe penui aide Khristabe delie kecu cimah, penui cibam deni? 27Dede anui au mina aipaude dai gade gwang bi kecu cibam. Dede Khrista gwang kecudau, migede pa dai gade gwang bam bi kecu ci gailak.” 28Ge Jisu kerecaki gade mide ledeu eh sahbak eh ranggai, “Nnui acu de cibam nah Ih au dai gade gwang bi cibam. Ih akatei gwang ma, dede pa acu lang kegaibe au kesangbe, nnui pecu ci ma. 29Ih pecu ci, kedanemene Ih au pe dade gwang nah pa ne acu langgai.” 30Cine penui pecu tui kera tei bam di, dede migede heba pereu gage kaigai ma kedanemene pe bamdakkak gwangcang mereu kecune. 31Dede mina maadi ga kebam kekieege pecu nlumlu, nah penui rangdi, “Khrista kegwang dau, pa mina aipaude tei kegai swa kiee eh marengeidung pa tei lak ni?” 32Mina maadibe Jisu ha aidungde rangpopbak la kedi Phariseemedung siulu, nah cingku kedimedung nah Phariseemedung kedimedung de pecu tuikera langgai. 33Ge Jisu rangdi, “Ih au nnuide ngngwa bam reu peting kedui nage ziemne, nah cipau cai Ih peda tetgai dizie acu lang kegaibe da. 34Nnui acu peei zie dede nnui acu ngau gailak, nah Ih daiga bam bi, nnui gwang gailak.” 35Ciziemne Jewme reu kedimedung penui kakgade rangdi, “Daiga ge aipau pei de tetgai launo iciu eh anui pecu ngau gailak di kera? Pa au Greekme lungzangra kelamedung kakga mie eh Greekme de ledeu ladi lau memi? 36Pa rang kegai sam aide dai no, ‘Nnui acu peei zie dede acu ngaulu lak, nah Ih daiga bam bi, nnui gwang gailak’?”
37Iciu eh hengyi tingba kedi kamtu benai, Jisu saplwe sahbak eh ranggai, “Keheibe de hereu lacai, peu pecu a da gwanglu nah a dade sak lulo.#Isa. 55:1 38Acu nlum kelume,#7:38 Acu nlum kelume: acu Messiah lie de rang kelame nah nlum kelame kelikelu ngau kera ziemne. kesanglaisiu ga rangkela nzwa, ‘Kereuki keringdui reu pe lung gade lwapet zie.’” 39Dede pa aide Rabe ha rang, nlum kelume ngaulu kera ha; Rabe de kaibeu mereu kedanemene Jisu de tei ndugai mereu kecune.#Isa. 44:3 40Ge mina maadi kakgade midungge sam aidungde siu luge, rangdi, “Aipau de caihakecibe kesangbe delie.”#Mat. 21:11 41Kedamedung rangdi, “Aide Khrista be delie.” Dede mikangge rangdi, “Kesangbe, Khrista au Galilee gade gwang lak, pa gwang zieni? 42Kesanglaisiu ga Khrista David leuhme gade nah David lung kebam nam, Bethlehem gade gwang zielie kecu rang teu la meni?”#Mic. 5:2 43Cine pe ziemne hemaabe ga mzi ge pangpop di. 44Cine mi kangge pecu tuih luneu di, dede migede pe ba pe dage kaigai ma.
Jewme muiteumedung nlumkemak
45Ge kedimedung cingku kedime nah Phariseeme da cailigwang, ge penui penui dage rangdi, “Daitei nnui pecu ngngwa gwang meno?” 46Kedimedung sam keli eh, “Migede madaude aipau pei de nzwa marang ma.” 47Cine Phariseemedung penui sam keli, “Nnui de de cwadi ni? 48Kedime migede pecu nlum ma, mede Phariseemedung keheibe de, penui nlumlu di ni? 49Dede hemaabe aide hezaibe ci kemakme, penui reset pung dida.” 50Nicodemus (Phariseeme ge pedwa peda kegwangbe hangge) penui dage rangdi, 51“Anui zai gade migede de pe ha siu railu kemakne nah pa daitei labi ci kemakne pe tutiak gailak meluini?” 52Penui sam keligai nah pe dage rangdi, “Nang de Galilee gade gwang meluini? Peei pielo nah caihakeci migede Galilee gade gwang kemak ngau luzie.”
53 # laisiudung nda gu kesa John 7:53-8:11 de si. [Pecai mileune de pe kilung riep gwangkap di.
ទើបបានជ្រើសរើសហើយ៖
John 7: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
