John 11
11
Lazarus tsit
1Mipei ge pezi Lazarus lie kecu de mra bam. Pa au Bethany nam gade, Mary nah pe sinapui Martha nam gade. 2Mary aipau dene maca le Rampaube de keniak nah pe tam le pe pi neu, pe heipei Lazarus mra bam. 3Pe tipui kena Jisu dage sam langgai, eh ranggai, “Pielo, Rampaubo, nang hungkelabe pa mra bamlie.” 4Dede Jisu sam cide siu luge, pa rangdi, “Mateei aide ketsai mateei ma, dede cide au Tinggwang zi peu ndulu kerane iciu eh Tinggwang Nabe depeu cide gade ndulu kerane.” 5Cu Jisu Martha nah pe sinapui nah Lazarus de hungdi. 6Cine pa Lazarus mra bam lie kecu siulu ge, Jisu tetmene bamdi langnane bamsi pa kebam ni ga. 7Ge pecai, pa caisuimedung dade rangdi, “Anui Judea ga nligwangdai cugo.” 8Caisuimedung pe dade rangdi, “Keledeubo, Jewme cune tangtsu pwa ncu sam kera tei bam, nah nang cika nli gwang daizie reuni?” 9Jisu sam keligai, “langnaige ga bamdakkak kereiekena bam meni? Mige ting kebaadau tet lacai, pa pepi nsui lama, kedanemene pa ngaula aipau kideu kebaa dene. 10Ciuliede, mige tingmui tet lacai, pa pepi nsui zie kedanemene peda kebaa gah kecune”. 11Pa ma aidung de ranggai, nah aipau dungde cai, pa penui dage rangdi, “Anui zangbe Lazarus zip dida, dede Ih au tet zie da iciu eh zip kebam gade Ih pecu ngkialu kerane”. 12Caisuimedung ciziemne pe dade rangdi, “Rampaubo, pa zip zeu cai, pa yidai luzie.” 13Cu Jisu au pa tsai kedi ha rang, dede penui Pa au ziep mtak zeulie kecu ha rang bamlie cetti. 14Ciziemne Jisu penui dage ranglia mci siakte beu, “Lazarus tsai dida. 15Nnui ziemne, Ih cika bam kemakpe a suiyi, iciu eh nnuide peu acu nlumlu kerane. Dede anui peda mie go.” 16Ge Thomas, Didymus lie de qu kelabe, caisuime pe zangme dage rang, “Anui liede mie go iciu eh anui Jisu de ngngwa tsai kerane.”
Jisu Lazarus tipui kena lung taukemla
17Ciziemne, Jisu gwang kecudau, Lazarus herau ga lang mdai ne bam di kecu pa ngaulu. 18Cu Bethany au Jerusalem kemna ga, stadia kereimengei#11:18 Stadia kereimengei: Cide kilometer kecum mede mile kena kenzwa dei ge. kenzwa dei ge. 19Jewme kekieege Martha nah Mary da gwang, penai heipei ziemne penai lung tei nciep beu kera. 20Ge Martha, Jisu gwang zeulie kecu pa siu keludau, tet mie pecu redau, dede Mary au kilung ga bamdi. 21Ge Martha Jisu dage rangdi, “Rampaubo, nang aika bam liecai, a heipei tsaidi lak nage. 22Dede cude, nang Tinggwang dade makeheibede kie gaide, pa ncu pwapeu kera Ih cibam.” 23Jisu pe dage rangdi, “N heipei ringcuh dai luzie.” 24Martha pe dage rangdi, “kamtube nai pa ringcuh dai lu kera Ih cibam.”#Bat. 24:15 25Jisu pe dage rangdi, “Ih ringcuhdai kelube nah keringriabe da; acu nlum kelame au, pa tsaidi de, ringdai luzie; 26nah caugame ring eh bam nah acu nlum kelume madau gede tsai dilak. Nang aide nlum demi?” 27Pa pe dage rangdi, “Yeo, Rampaubo, Ih nlum nang au Khrista lie, Tinggwang Nabe, kideu ga lunggwang lai eh kelabe lie.” 28Pa aide rang kelu cai, pa tetdi nah ngkim eh pe sinapui Mary de qulu. Pa rangdi, “Keledeube aika gwang bam nah ncu quzeu lie.” 29Pa aide siulu ge, pa cuh zette lu nah pe da miedi. 30Cidau Jisu renam ga gwang mereu, dede Martha pecu keredau kecu ni ga cude bam reu. 31Cine Jewmedung cidau, kilung ga pecu ngngwa kebamme nah pe lung taumla kebamme, Mary cuh zettelu nah mpet kedi ngau luge, pa herau ga mie cikade hap lau ha kecu mning eh penui pe caisui mie. 32Iciu eh Mary Jisu kebam ni ga gwang canglu nah pecu ngaulu ge, pe pi ga keumie pa nah pe dage rangdi, “Rampaubo, nang aika bam liecai, a heipei tsaidi lak nage.” 33Ciziemne Jisu pa kehap, nah pecu ngngwa gwang kela Jewmedung de kehap ngaulu ge, pa pelung sia sütdi nah pelung kehereidi; 34cine pa rangdi “Nnui pecu dai gage kaipwa bam no?” Penui pe dade rangdi, “Rampaubo, gwang eh pielo.” 35Jisu hapdi. 36Ge Jewmedung rangdi, “Pielo pa Lazarus de daikenzwa gede hungbi!” 37Dede mi kangge rangdi, “Mina aipaude teilubui meni, miakcietme ge miak tei hemi kelube, mina aipau dede peu tsai melu kera?”
Jisu Lazarus de ketsai gade teucuh kelu
38Ge Jisu pelung sia süt dai eh herau ga mie. Cu cide tsupop ge, nah cide tangtsu gele nket pwabam. 39Jisu rangdi, “Tangtsu de kwak keziadi.” Martha, tsai kedibe tipui, Jisu dade rangdi, “Rampaubo, pe paau tim nnamdi zieda, kedanemene lang mdaine dide lu.” 40Jisu pe dage rangdi, “Ih n dage rang meni, nang nlumlu cai, Tinggwang kendu nang ngau luzie de kecu?” 41Cine penui tangtsu pwagi di. Pecai Jisu ngang cuh pie nah rangdi, “Apei, Ih ncu twa la nang a kwa kingnei kebeune. 42Ih nang a kwa kingnei bam mui kela Ih ci, dede mina maabe acu twagwapung kesapme ziemne, Ih sam aide rang gai, iciude nang ne acu langgai beulie kecu peu penuide nlumlu kerane.” 43Pa aide rangkelu cai, pa marang sahbak gai, “Lazarus, mpet lulo.”
Jisu de teitset kera ciem
44Tsai kedibe de mpet lu; pe pi nah pe ba pai le kezuipung eh, nah pe zu pai ge le kezuipung eh. Jisu penui dage rangdi, “Pecu hiakgai nah pecu peu tetcuh.”
45Ge Jewme kekiee ge Mary da kegwangme Jisu tei kegai de ngaulu delwe pecu nlum lu. 46Dede penui kangge Phariseemedung da mie nah Jisu matei kegaidung penui dage rangbeu.
47Cine cingku kedime nah Phariseeme baudi ncüt eh qu hekwalu eh rangdi, “Anui daipai tei lai? Mina aipaude ma miswakegah bata kekieege teila. 48Anui pecu aiciu eh püt dizie liecai, peciakne pecu nlum luzie, nah Romme gwangzie nah anui dade sütteu dizie anui nam de nah anui leuh de.” 49Iciuliede, penui kedime kakde Caiaphas lie kecu mige, cipau kumde cingku kedibe teikebambe penui dade rangdi, “Nnui magede cima. 50Mina hangge mina pelane ziemne tsai kecu be yiki lie de kecu nnui cet gaila meni, nah ciude heleuh pelane ngkapdi kelak.” 51Cu pa sam aide kerang au pekatei pedade rang petma. Meliene, cipau kumde cingku kedibe tei kebam nzwa, Jisu heleube ziemne tsaibeu zielie kecu pa cairasam ranggai; 52nah heleube ziemne rünne ma, dede iciu eh Tinggwang namedung zangra kela leune de de hekwa ncüt teu gwang peu ket teilu kerane lie. 53Cine cipau nai gade penui Jisu de dainzwa teitset zie bi kecu riem cudi.
54Ciziemne Jisu Jewme kakga mdu eh tetpet ham tadi, dede pa cikade tetpwa hetaideu taiga deudi kebam Ephraim lie qu kecu nam ga miedi. Pa caisuimedung de ngngwa cika bamdi. 55Cu Jewme gu Kahkegwang ngyi mna di, nah mi kekieege deudi gade Kahkegwang ngyi dwa penui katei de tei mcilu zielie eh Jerusalem ga hangdi.#2 Hel. 30:17 56Cine penui Jisu de peidi, nah hangge ge de ngngwa resiu penui kerecaki ga sap keludau, “Nnui kecet dai no? Pa hengyi ga gwang lakmi de kecu?” 57Cu Cingku kedimedung nah Phariseemedung aja peu gai eh mi keheibe de Jisu daiga bam bi cilu cai, pa paulia maisia iciu de penui pecu nimlu kerane.
ទើបបានជ្រើសរើសហើយ៖
John 11: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
