Kendeu 34
34
Dinah nah Shechemme
1Mmi kekiee ge cai, langnai ge Dinah, Leah napui pa ne Jacob de mna kebeube de, cipau deu ga releimedung de dau kera mie. 2Hivitme pei Hamor napei Shechem, cipau deu ga hegwangpei, pecu ngaulu. Pa pecu kerak lu delwe pecu teudi, nah pa pecu tei msiadi. 3Pa Dinah, Jacob napui de pesui di. Pa releipui de mraidi nah pecu kia teune gai. 4Shechem pe pei Hamor de resiu, ranggai, “Releipui aipaude de a nau kera a ziemne lubeu lo.” 5Cu Jacob pe napui Dinah de pa ne tei msia kedi ci lu. Pe name pe kaunedung de ngngwa luh ga la, cine Jacob penui cailigwang kemakta ma ge de tei ma. 6Shechem pei Hamor Jacob de ngngwa mpau kerane peda mie. 7Jacob napeimedung cipau ha de siulu ge penui luh gade cailigwanglu. Cipaudung de penui sui tadi. Penui rata süt di kedanemene pa Israel de kemneu ta tei eh Jacob napui de teudi kecune, kedanemene ci kenzwa ta teidi kerabe ma kecune. 8Hamor penui de ngngwa kempau, ranggai, “A na Shechem n napui de mrai lie. Kehereide pecu penau kera peu lo. 9Anuide ngngwa keleilwet lo, anuide nnui napuidung de peu lo, nah anui napuidung de luulu lo nnui ziemne. 10Nnui anuide ngngwa lunghlu zie, nah hangdeu lungh keneu ga nnui lungh lubui nah heli tei, nah hema gum lubui.” 11Shechem pe pei dage nah pe heime dage ranggai, “Peu acu nnui suiyi tei lo, nah nnui acu rang kebeube keheibe de Ih nnui de peu zie. 12Nnui mta ma lu keneu be adade kielu lo nah henau mibe nnui tei hung keneuta hung lulo, nah nnui ada rang kebeu keheibe Ih peu zie, dede releipui de a nau kera acu peu lo.” 13Shechem penui tipui Dinah de tei hera kedi ziemne, Jacob napeimedung Shechem nah pe pei Hamor de cwa eh penui sam keligai. 14Penui penai dage rang, “Anui aide tei gailak, anui tipui de hegeurumlu kemakme ge de peu kera; kedanemene anui ziemne cide hengam ge zielu. 15Anui nnuide ngngwa kesamdau lu zie aide rünne gade: Magade nang anui nzwa eh hegeurumlu cai, nnui kakga mipeime leune de hegeurumlu cai. 16Pecai anui anui napuidung de nnuide peu zie, nah anui ziemne anui nnui napuidung de luu luzie, nah anui nnui de ngngwa ket tei eh lungh zie. 17Dede magade nnui anui kerang de mzai lu mecai nah hegeurumlu mecai ge, iciu cai anui anui tipui de ngngwa lwe tetdi zie.”
18Penui samdung Hamor nah pe napei Shechem pesui di. 19Shechem penui rang kegai de zette tei lu, kedanemene pa Jacob napui de mrai ham kedine, nah kedanemene pa au pe pei kilungme leune kak de mina nlangtu be kecune. 20Hamor nah pe napei Shechem penai namdi rieki ga mie nah penai namme de ngngwa kempau eh, ranggai, 21“Mina aidungde anuide ngngwa kezuyi bam, cine penuide peu hangdeu aika lungh nah heli tei lu, kedanemene kesang, hangdeu di süt bam lu penui ziemne. Anui penui napuidung anui naudung kera luulu go lie, nah anui anui napuidung de penuide peu go lie. 22Aipau kiede rünne gade penui anuide ngngwa lung zie lie zeu nah ngngwa heleuh ge teilu kera: Magade anui kakga mipeina leune hegeurum lucai, penui geurum kelu nzwa. 23Penui kaunedung nah penui mabam, penui kaunedung peciakne anui gu lak ni? Cine anui penui de ngngwa kesamdau lu go, iciu de penui anui kakga ngngwa lungh zie.” 24Namdi ga mina peciakne Hamor nah pe napei Shechem kerang de kesamdaulu. Mipei peciakne de hegeurumlu. 25Hegeurum kelu lang pekecum benai, penui teei eh kebam dau, Jacob napei kena (Simeon nah Levi, Dinah heibe kena), penai hangege kecu pe kingtie pwalu delwe penai namdi cide kwak bilu builie kebam dede gwaketangdi, nah penai mipeinadung peciakne de teitset di. 26Penui Hamor nah pe napei Shechem de kingtie le teitsetdi. Penui Shechem ki gade Dinah de ngngwa lwe tetdi. 27Jacob napeimedung kedame ketsai paaudung ga gwang nah namdi de ngkapdi, kedanemene minadung penui tipui de hengam keteine. 28Penui keuteudi penui meurün haudung, penui tum haudung, penui gadadung, nah namdi ga kebam leune nah twagwa kebam luh ga 29penui mabam pelane. Penui name nah penui naudung peciakne de, penui tuilu. Penui kilung ga kebam pelane keu tetdi. 30Jacob Simeon nah Levi dage rang, “Nnai lungrei ada teugwang beu da, hangdeu aika lunghkebamme de peu acu ngkau kera, Canaanme nah Perizzitme. Ih mina kekie ga. Penui peciakne ma ge tei lwe ngkwalu acu renia kera nah acu ketang cai, ciucai Ih ngkap dizie, Ih nah a kelak de.” 31Dede Simeon penai Levi rangdi, “Helipui ge de ngngwa kecu nzwa Shechem de peu anui tipui de ngngwa bam zie ni?”
ទើបបានជ្រើសរើសហើយ៖
Kendeu 34: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.