Kendeu 26
26
Isaac penai Abimelech
1Abraham tingdau hangdeu ga herakum kerai de cai, keda ge cuhdi. Isaac Philistinme hegwangpei Abimelech da Gerar ga mie. 2RAMPAUBE peu pecu ngaugai eh pedage rangdi, “Egypt ga mie so; Ih ncu lung bam lulo kebeu deu ga lung bamlu. 3Aipau deu ga bamlu, nah iciude Ih ncu ngngwa la luzie nah ncu samlam beu zie; ncu nah n leuhme de hangdeu peciakne peu zie nah Ih n pei Abraham dage samkai kecu sampet kebeu de kaipwa bam luzie. 4Ih tinggim ga hegi kebam kiee ge n leuh teingkiee beu zie, nah Ih n leuhme de hangdeu ai pelane peu zie. N leuhme dade kideu mena peciakne da samlam beu zie.#Ken. 15:5 5Ih aide tei beu zie kedanemene Abraham a sam mzai eh nah Ih teilo kebeu, a samkai kebeu, a zaidung pelane, nah a zaidung pelane mzai kelune.” 6Cine Isaac Gerar ga lunghdi. 7Langnai ge Gerar ga minadung pe nau ha peda keteu kecu dau, pa keligai, “Pa au a tipui.” “Pa au a nau lie kecu, pa rang hingdi,” Kedanemene pa cetdi, “Minadung Rebecca de lulu kerane pecu teitset zie de, kedanemene pa hezuyi süt kecune.” 8Isaac cika peting ketie ge kela dau, Philistinme hegwangpei Abimelech pe hebaki gade pie mpet gai. Ainie, Isaac penau Rebecca de mrai mcuibam kebam de pa ngau. 9Abimelech Isaac de qu lwe rangdi, “Pielo, pa au n nau da. Nang daitei, ‘pa n tipui lie rang no’?” Isaac pedage rang eh, “Kedanemene Ih kecet mi acu teitsetdi delwe pecu lu pwadi zielu.” 10Abimelech rangdi, “Nang anui dage daipai tei gai la no? A minadung hangge reluicui eh n nau de ngngwa zeudi lubui, nah anui mau de n peu ga lubui.” 11Cine Abimelech mina pelane de mrai rang mrak eh cu, “Keheibe de aipau pei de de nah pe nau dage buikemak teigai cai teitset dizie,” debeu.
12Isaac cipau deu gage heleuh gilu nah cipau kum pa gikegai hai kiege luhlütlu, kedanemene RAMPAUBE pecu samlam kebeune. 13Pa maheilu, nah hei reureu lwe pa mahei süt kecume ge teilu kemaktane. 14Pa meurün hau nah ketum hau kekiee ge, nah kilame kekiee ge bam. Philistinme pecu ngau swakdi. 15Pe pei Abraham ringkebam dau pe kilame tekwa kui keludung peciakne, Philistinme penui ta kam eh tangdei teimet di. 16Abimelech Isaac dage rangdi, “Anui dade tetdi, kedanemene nang anui swa ngkiengki lu.” 17Cine Isaac cika de tetdi nah Gerar deu langkam gage pe bam teilu, nah cika lung bamdi.
18Isaac, pe pei Abraham tingdau tekwa kui keludung de kui dailu. Philistinme ne Abraham tsaidi cai penui de kam di. Isaac tekwa cidung de pe pei ne mtak kebeu zidung teu qu dailu. 19Isaac kilame tekwa langkam ga kuimie ge, penui cika tekwa dui lwa kepet ngaulu. 20Gerar ga tumkwame Isaac tumkwame de kesamlim di, nah rangdi, “Dui aide anui gu.” Cine Isaac cipau tekwa “Esek” lie qulu, kedanemene penui pecu ngngwa kesamlim kedine. 21Pecai penui tekwa keda ge kui dailu, nah penui cipau de ziemne de kesamlim daidi, cine pa cide zi mtak pwa “Sitnah” teidi. 22Pa cika de tetdi nah tekwa keda ge kui dailu, dede penui kesamlim dai ma aipau de gade au. Cine pa Rehoboth qulu, nah pa rang eh, “Cu RAMPAUBE hangdeu aide ga kebwak mene lungh kera anuide peu da, nah anuide lungyi lubui da.”
23Pecai Isaac cika de Beersheba ga hangdi. 24Cipau zeuziu de RAMPAUBE peu pecu ngaugai eh rangdi, “Ih n pei Abraham Tinggwang. Ngngi diso, Ih au ncu ngngwala nah ncu samlam beuzie nah n leuhme kekie pwa peu zie, a kilabe Abraham ziemne.” 25Isaac cika ge recabam ge tei lwe RAMPAUBE zi qugai. Cika ge pa pe rezeuki teilu, nah pe kilame tekwa kuilu.
26Pecai Abimelech Gerar gade, Ahuzzath, pe zangpei, nah pe reugwame reu kedibe Phicol de nzang eh pecu redau kera hung. 27Isaac penui dade keteu, “Nnui daitei a da gwangla no, kedanemene nnui acu ngau nghet nah nnui dade acu gwa dida delwe?” 28Pecai penui rang eh, “RAMPAUBE ncu nzang kela anui ngau bam da. Cine anui kakga samkak kecu bam kera cetlu, yeo, anui kakga. Cine co anui ncu ngngwa sampetgai golie. 29Nang anui dage kesia tei gai lak lie kecu, anui ndage kesia teigai kemak nzwa eh, nah anui n dade anui zai yi nah ncu peu nlung nciep eh langgi kedi nzwa. Kesang. RAMPAUBE ncu samlambeu süt lie.” 30Cine Isaac penui ziemne hengyi ge mteilu, nah penui tyei nah sak. 31Penui tingcang nuge culu nah hangge ge ngngwa samkai eh sampetlu. Ge Isaac penuide yi eh lalo gai eh, lang gidi, nah penui pecu kelamtsam di. 32Cipau nai Isaac kilame gwang eh penui tekwa kui kelu ha pedage paugai. Penui rangdi, “Anui dui ngaulu da.” 33Pa tekwa de Shibah qulu, cine cudau de cipau namdi de Beersheba lie qu.
34Esau mmi riakdai di ge, pa Hittitme Beeri napui Judith, nah Hittitme Elon napui Basemath de de nau luulu. 35Penui Isaac penai Rebecca lung tei keherei gai.
ទើបបានជ្រើសរើសហើយ៖
Kendeu 26: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Kendeu 26
26
Isaac penai Abimelech
1Abraham tingdau hangdeu ga herakum kerai de cai, keda ge cuhdi. Isaac Philistinme hegwangpei Abimelech da Gerar ga mie. 2RAMPAUBE peu pecu ngaugai eh pedage rangdi, “Egypt ga mie so; Ih ncu lung bam lulo kebeu deu ga lung bamlu. 3Aipau deu ga bamlu, nah iciude Ih ncu ngngwa la luzie nah ncu samlam beu zie; ncu nah n leuhme de hangdeu peciakne peu zie nah Ih n pei Abraham dage samkai kecu sampet kebeu de kaipwa bam luzie. 4Ih tinggim ga hegi kebam kiee ge n leuh teingkiee beu zie, nah Ih n leuhme de hangdeu ai pelane peu zie. N leuhme dade kideu mena peciakne da samlam beu zie.#Ken. 15:5 5Ih aide tei beu zie kedanemene Abraham a sam mzai eh nah Ih teilo kebeu, a samkai kebeu, a zaidung pelane, nah a zaidung pelane mzai kelune.” 6Cine Isaac Gerar ga lunghdi. 7Langnai ge Gerar ga minadung pe nau ha peda keteu kecu dau, pa keligai, “Pa au a tipui.” “Pa au a nau lie kecu, pa rang hingdi,” Kedanemene pa cetdi, “Minadung Rebecca de lulu kerane pecu teitset zie de, kedanemene pa hezuyi süt kecune.” 8Isaac cika peting ketie ge kela dau, Philistinme hegwangpei Abimelech pe hebaki gade pie mpet gai. Ainie, Isaac penau Rebecca de mrai mcuibam kebam de pa ngau. 9Abimelech Isaac de qu lwe rangdi, “Pielo, pa au n nau da. Nang daitei, ‘pa n tipui lie rang no’?” Isaac pedage rang eh, “Kedanemene Ih kecet mi acu teitsetdi delwe pecu lu pwadi zielu.” 10Abimelech rangdi, “Nang anui dage daipai tei gai la no? A minadung hangge reluicui eh n nau de ngngwa zeudi lubui, nah anui mau de n peu ga lubui.” 11Cine Abimelech mina pelane de mrai rang mrak eh cu, “Keheibe de aipau pei de de nah pe nau dage buikemak teigai cai teitset dizie,” debeu.
12Isaac cipau deu gage heleuh gilu nah cipau kum pa gikegai hai kiege luhlütlu, kedanemene RAMPAUBE pecu samlam kebeune. 13Pa maheilu, nah hei reureu lwe pa mahei süt kecume ge teilu kemaktane. 14Pa meurün hau nah ketum hau kekiee ge, nah kilame kekiee ge bam. Philistinme pecu ngau swakdi. 15Pe pei Abraham ringkebam dau pe kilame tekwa kui keludung peciakne, Philistinme penui ta kam eh tangdei teimet di. 16Abimelech Isaac dage rangdi, “Anui dade tetdi, kedanemene nang anui swa ngkiengki lu.” 17Cine Isaac cika de tetdi nah Gerar deu langkam gage pe bam teilu, nah cika lung bamdi.
18Isaac, pe pei Abraham tingdau tekwa kui keludung de kui dailu. Philistinme ne Abraham tsaidi cai penui de kam di. Isaac tekwa cidung de pe pei ne mtak kebeu zidung teu qu dailu. 19Isaac kilame tekwa langkam ga kuimie ge, penui cika tekwa dui lwa kepet ngaulu. 20Gerar ga tumkwame Isaac tumkwame de kesamlim di, nah rangdi, “Dui aide anui gu.” Cine Isaac cipau tekwa “Esek” lie qulu, kedanemene penui pecu ngngwa kesamlim kedine. 21Pecai penui tekwa keda ge kui dailu, nah penui cipau de ziemne de kesamlim daidi, cine pa cide zi mtak pwa “Sitnah” teidi. 22Pa cika de tetdi nah tekwa keda ge kui dailu, dede penui kesamlim dai ma aipau de gade au. Cine pa Rehoboth qulu, nah pa rang eh, “Cu RAMPAUBE hangdeu aide ga kebwak mene lungh kera anuide peu da, nah anuide lungyi lubui da.”
23Pecai Isaac cika de Beersheba ga hangdi. 24Cipau zeuziu de RAMPAUBE peu pecu ngaugai eh rangdi, “Ih n pei Abraham Tinggwang. Ngngi diso, Ih au ncu ngngwala nah ncu samlam beuzie nah n leuhme kekie pwa peu zie, a kilabe Abraham ziemne.” 25Isaac cika ge recabam ge tei lwe RAMPAUBE zi qugai. Cika ge pa pe rezeuki teilu, nah pe kilame tekwa kuilu.
26Pecai Abimelech Gerar gade, Ahuzzath, pe zangpei, nah pe reugwame reu kedibe Phicol de nzang eh pecu redau kera hung. 27Isaac penui dade keteu, “Nnui daitei a da gwangla no, kedanemene nnui acu ngau nghet nah nnui dade acu gwa dida delwe?” 28Pecai penui rang eh, “RAMPAUBE ncu nzang kela anui ngau bam da. Cine anui kakga samkak kecu bam kera cetlu, yeo, anui kakga. Cine co anui ncu ngngwa sampetgai golie. 29Nang anui dage kesia tei gai lak lie kecu, anui ndage kesia teigai kemak nzwa eh, nah anui n dade anui zai yi nah ncu peu nlung nciep eh langgi kedi nzwa. Kesang. RAMPAUBE ncu samlambeu süt lie.” 30Cine Isaac penui ziemne hengyi ge mteilu, nah penui tyei nah sak. 31Penui tingcang nuge culu nah hangge ge ngngwa samkai eh sampetlu. Ge Isaac penuide yi eh lalo gai eh, lang gidi, nah penui pecu kelamtsam di. 32Cipau nai Isaac kilame gwang eh penui tekwa kui kelu ha pedage paugai. Penui rangdi, “Anui dui ngaulu da.” 33Pa tekwa de Shibah qulu, cine cudau de cipau namdi de Beersheba lie qu.
34Esau mmi riakdai di ge, pa Hittitme Beeri napui Judith, nah Hittitme Elon napui Basemath de de nau luulu. 35Penui Isaac penai Rebecca lung tei keherei gai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.