Kendeu 12
12
Abram de kequ
1Cu RAMPAUBE Abram dage rangdi, “N deudi#12:1 N deudi Aide Mesopotamia ga Haran cuikui de rangbam. gade, nah n kibaume#12:1 N kibaume ncu kemna ni gade dade nah n pei kilungme dade tet cu, Ih ncu hangdeu lia zie lie kebam deu de ga.#12:1 Bat 7:3, Heb. 11:8 2Ih ncu heleuh kedi ge teibeu zie, nah Ih ncu samlam beu zie delwe n zi tei mdi beuzie, iciu eh nang samlam ge teilu kerane. 3Ih ncu samlam kebeume de samlam beuzie, dede ncu rüt kemakme de Ih reset zie. Nda de Ih kideu ga heleuh pelane de samlam beuzie.”#12:3 Bat 3:25, Gal. 3:8 4Cine Abram tetdi, RAMPAUBE pecu teilu lo rang kebeu nzwa eh, nah Lot de pecu ngngwa tetdi. Abram Haran gade ketet dau pa mmi riakhena-mengei di. 5Abram pe nau, Sarai, pe siname napei, Lot, de ngngwalu, nah penui Haran gade mabam ngaukelu pelane nah kilamedung pelane de ngngwalu. Penui Canaan deu mie kera tet gaidi, nah penui Canaan deu ga gwanglu.#Bat. 7:4 6Abram hangdeu tetka gwang, Shechem ga kecang nah Moreh mhu. Cipau tingdau Canaanme cipau deu ga lung bam. 7RAMPAUBE Abram da gwanglu eh rangdi, “Ih n leuhme de aipau deu de pwa peu zie.” Cine Abram cika ge RAMPAUBE, peu pecu ngau kegaibe de recabam ge teibeu.#Gal. 3:16 8Cika de pa hangdeutu deudi Bethel naimiak kepetle ge tet gai, nah naimiak kenlütle Bethel penai naimiak kepetle Ai kakga pe ramzeuki teilu. Cika de pa recabam ge RAMPAUBE de tei beu nah RAMPAUBE zi qugai. 9Pecai Abram mbeu jüja eh Negev lebie miedi.
Abram Egypt ga kegwang
10Canaan deudi ga herakum kumdi, cine Abram Egypt ga lungh kera miedi, kedanemene cipau deu ga herakum siaham kedine. 11Pa Egypt ga lütdi lai kezeu dau, pa pe nau Sarai dade rangdi, “Aika pielo nang hezukeyi pui ge kecu Ih ci, 12Egyptme ncu ngau de, penui rang zie, ‘Aide au pe nau,’ nah penui acu teitset dizie dede penui ncu peu ring zie. 13Nang au a tipui lie kecu rang lulo, iciu de nziemne Ih a ziu yiluzie nah iciu eh n ziemne ateilung keli luzie.” 14Cipau tingdau Abram Egypt ga lütlu, Egyptme Sarai hezuyi süt kecu ngaulu. 15Pharaoh gu hegwangnadung pecu ngau lwe Pharaoh dade pecu twagai nah cipau pui dede Pharaoh kiga ngngwa gwangdi. 16Pe ziemne Pharaoh Abram dade pezai yi eh meurün hau, ketum, gada seudung, kilapuidung, kilapeidung, gada puidung nah utdung pwa pecu peu. 17Cidau RAMPAUBE au Pharaoh da nah pe ki gage mateei hingsüt cudung langgai, kedanemene Sarai, Abram nau ziemne. 18Pharaoh Abram de qulwe pe dade rangdi, “Nang aide daipai ge a dage tei gai di de no? Nang daitei pa n nau lie kecu acu ranglia me no? 19Nang daitei, ‘pa au a tipui lie,’ de eh rang no, ciu eh acu peu pecu a nau zielie ngngwa la no? Cu, ciziemne aika n nau nei. Pecu ngngwalu delwe n lampui ga miedi lu.” 20Ciciu eh Pharaoh pe minadung de ajadung kaibeu, nah penui pecu gwadi, pe nau nah peda kebam pelane de si eh.
ទើបបានជ្រើសរើសហើយ៖
Kendeu 12: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.