Bata 17
17
Thessalonica ga
1Penai Amphipolis#17:1 Amphipolis: Aide Macedonia kepetle bie namdi sumbe. nah Apollonia namdidung de tetkah gwang delwe Thessalonica namdi ga gwanglu, cika Jewme synagogue ge bam. 2Paul pe zai kecu nzwa cika lütlwe Sabbath kecum ge kesanglaisiu gade penuide ngngwa mpau. 3Pa kesanglaisiu letlwe Khrista keherei nah ketsai gade ringcuhdai mai kesia ranglia mci gai. Pa rangdi, “Jisu Ih nnui dage pe ha paulia kebam aipaude Khrista da.” 4Jewme kangge helungnreulwe Paul penai Silas de ncütlu, Greekme kenlumme maadi ge nah mipui kenlangme kekiee gede silu. 5Dede Jewme nlumkemakme penui riakdi eh litakni gade mina kesiamedung gede ngngwa gwanglwe maadi gede qu hekwalu eh namdi de tei kebwaksüt gai. Pecai penui mipei ge Jason lie qu kelabe ki kecung, ciu eh Paul penai Silas de mina dwaga teugwanglu kerane. 6Dede penui penaide ngauluta dige, penui Jason nah kenlumme keda kang gede namdibe kengkieng teu kelame dwaga teukerei gwanglwe sahgai, “Kideu teu kebwak kegai mina aipau kenade aikade gwang bam dida. 7nah Jason pe ki ga ngngwalüt kelu mina aipau kenade hegwang keda ge, Jisu, bamlie eh Caesar zaidung mlai la dida.” 8Cine hemaabe nah namdibe kengkieng teu kelame, ma aidungde siulu ge penuide kebwaksütdi. 9Dede kengkieng keteume Jason nah kedamedung dade rangkang keu kelucai, penuide peu tetdi.
Berea ga
10Cipau ziu kenlummedung Paul penai Silas de Berea namdi gage langgaidi. Penai cika gwang keludau, penai Jewme synagogue ga lütdi. 11Berea ga minadung Thessalonica ga kebammedung swa penui lung mzuiki, kedanemene penui samliakeyi de penui lung pelane teu eh luulu nah tingnai ramsangne cipau samdungde kesang mi mebi kecu pie kerane kesanglaisiu pei mting bamdi. 12Cine mina kekiee Khrista de nlumlu, Greekme kenlang puidung nah mipeidung de kekiee ge nlumlu. 13Dede Thessalonica ga Jewmedung Paul Berea namdi ga Tinggwang sam teu zierang tei kebam ci keludau, penui cika mie delwe hemaabe de teu kebwak cuhdi. 14Iciu ge kenlumme zette Paul de jaaidi lambie ge langgaidi, dede Silas penai Timothy cika bamdi. 15Paul de nzang kemiemedung pecu ngngwa kemdei Athens namdi ga kecang gwang. Paul dade Silas penai Timothy de teilu kebuita peda kelwa gwang lulo kecu sam teulwe penui kilung caili gwangdi.
Athens ga
16Paul penaide Athens ga kwa kebamdau, pa namdi ga mamie le pui kebam ngau eh pelung keherei sütdi. 17Cine pa synagogue gade Jewme nah Tinggwang de reca kelamedung de nah tingba ramsangne litakni gade pa redau kelume de ngngwa mpau bamdi. 18Epicurean nah Stoic#17:18 Epicureanme nah Stoicme: Aipau kena de au Athens ga laisiu kecime hemaa kena de rangbam. Epicureanme Tinggwang ne kideu damgai lie kecu nlum la ma. keledeumedung kangge pecu rang reniadi. Penui midungge rangdi, “Aipau keheliabe de daipai rangneu lano?” Kedame rangdi, “Pa au sangme rabedung ha rang kebam nzwalie,” kedanemene pa Jisu ha nah ringcuhdai kecu samliakeyi ledeula kecune. 19Penui Paul de Areopagus baudibe dwaga ngngwa gwanglwe rangdi, “Anui nang rangkela keledeu sam keheci aide cilu buimi? 20Kedanemene nang maketsam ge anui da ga teugwangla. Ciziemne anui aide pekie daipai bi cineu lalie.” 21(Cu Athenme pelane nah cika sangme lungh kebammedung ma keda gage mene maha keheci kerang nah kekingnei gage penui ting ngngwang bamla kelane.) 22Cine Paul Areopagus sum ga saplwe rangdi,
“Nnui Athenmedung, Ih kengau nnui maleune gade renet lam ncoksüt. 23Kedanemene Ih tetkah gwang eh nnui reca keladung mcet kegaidau, Ih recabam gage, “Cikemak Tinggwang dage,” de eh raupwa kebam de ngau. Cine nnui cisiakte mene recabam kelade, cide Ih nnui dage ranglia gaila. 24Tinggwang kideube nah kideu ga kebam maleune de teikelube, pa au tinggim nah kideu reu Rampaube, mina ne teikelu kerecaki ga lungh lama. 25Mede pa magede teumai kesia nzwa eh mina ba le pecu pwapeu lu kebui magede gah. kedanemene pane pekiene de keringria nah keringcui nah mapelane pwapeu delu. 26Tinggwang mige dade kideu pelane reu ga lungh kera mina leuh pelane teigai, nah penui lungh kera peting pehi nah kideu raidung riem pwala. #Hez. 32:8 27Iciu eh peu penuide Tinggwang de peeilu kerane nah penuide pecu pei eh pecu ngau delu builu. Dede pa au anui mige dade de mdei lama. 28Kedanemene anui pe dade ring nah nlai nah lungh bam, nnui lei kempwakme ge rang kegai nzwa,
‘Anuide pe name delu.’ 29Ciziemne, anui au Tinggwang name kecune, Rabe au kecak, mede rangkanggeu, mede tangtsu mina bata nah kecet gade teikelu recamie nzwa lie cet kerabe ma. 30Ciziemne Tinggwang anui kemie tingdung de ngau kemak nzwa gwang dida, dede cu pa keheileu ga mina leune de helungnreu lulo sam kaigai dida. 31Kedanemene pa kedet kelube de peu kesamsang gade kideube tutiak kera pa tingba ge riet luda. Tinggwang mina aipaude de ketsai gade kwakcuh kelu gade pa kesang lie kecu mileune de keulia gaida.”
32Cidau penui ketsaime ringcuhdai kelu ha siu luge, kangge Paul de keu henui teidi; dede kangge rangdi, “Anui aipau hade n dade kingnei dai neulie.” 33Pecai Paul penui kangbau gade tetdi. 34Dede mina kangge pecu ncütlwe nlumlu, Areopagus baudi peupeime ge Dionysius, nah mipui ge pe zi Damaris, nah penuide ngngwakela kedadung de si.
ទើបបានជ្រើសរើសហើយ៖
Bata 17: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
