Bata 11
11
Peter pe bata ha rangmcikegai
1Judea ga kebam langkegaime nah kenlumme kedamedung Gentileme de Tinggwang sam luulu delie kecu siulu. 2Peter Jerusalem ga caili nghang luge, hegeurumla kela maabe pecu ngngwa kesamlimdi; 3penui rangdi, “Nang hegeurum la kemakme de nzang nah penuide ngngwa matyei!” 4Dede Peter macidungde pelane penui dage ranglia siakte cu eh pa ranggai, 5“Ih Joppa namdi gade kekie teibam ge, Ih marengei gade maniage, mapai disüt kecu kenzwa ge petu mdai ne keulwe tinggim gade hezu hung kela ngau. Nah cide ada nghung . 6Ih cide pie siakte gai nah ncetgai. Ih kideu ga pideu-mdai kaune nah renaam kaune nah bwa kela kaaunedung nah tingkam ga ruinedung de ngau. 7Pecai Ih makwa ge a dage rang eh siu, ‘Cuhlu, Peter teitsetlwe tyeilu.’ 8Dede Ih rangdi, ‘Lak, Rampaubo, kedanemene keherabe mede mcikemakbe magede a mui gage kaila melu.’” 9Dede makwa de tinggim gade pia pe kenabe keligai, “Tinggwang teimci kedibe hera lie diso.” 10Cu aide piacum teidi, nah pecai ma pelane tinggim gage teu nghang daidi. 11Ainie, cipau ting siakdau mina hangcum anui kebam ki dwaga gwanglu, penuide Caesarea gade a dage langgai. 12Kemci Rabe acu lunghau mene penuide ngngwa mielo rangbeu. Siname hangherok aidungde acu nzang mie, anui minabe ki gage lütlu. 13Pecai pa dainzwa tinggimgwabe pe kiga sap eh ngaubi anui dage ranglia, ainzwa rang eh, “Joppa ga mina de langgai eh Simon, Peter lie qu kelabe de ngngwa gwang lulo. 14Pa n cu nah n kilungme de kelilu kera sam nnui dage rang liazie.” 15Dede Ih penui dage ma ranglia cuge, Kemci Rabe nda anuida kegwang nzwa penuida gwanglu. 16Ge Ih Rampaube kerang samde nsunglu, pa ranggai, “John dui teu duipum tei, dede nnuide Kemci Rabe gade duipum teilu zie.” 17“Anui Rampaube Jisu Khrista de nlum keludau Tinggwang anuide mtamapeu kepeude penuide peu liecai, Tinggwang de ngngwa renia kera cau no?” 18Penui aidungde siu luge penui mage de rang keli tadi, dede penui Tinggwang de twa eh ranggai, “Iciu cai Tinggwang Gentilemede de ringlu kera helungkenreu peuda.”
Antioch ga ngqwabe
19Stephen de teikeherei kecu de ziemne tet zangra kedimedung kemdei Phoenicia deuceu, Cyprus duigwadeu nah Antioch namdi ga kecang gwang eh sambe pwa Jewme rünne dage ranglia. 20Dede penui midungge Cyprus nah Cyrene#11:20 Cyrene: Aide au deuceu ge, nah Africa ga Libya namdi ge. gade kegwangme Antioch ga gwang delwe Greekmede de Rampaube Jisu ha samliakeyi de pau liagai. 21Rampaube kengkieng de penuide nzang la, nah mina kekiee ge nlumlu eh Rampaube da nreu gwanglu. 22Jerusalem ga ngqwabe da cipau hade gwang cangluge, penui Barnabas#11:22 Barnabas: Pa Cyprus reketme ge, nah Antioch namdi de ci mmi süt bam lubui. de Antioch namdi gage langgaidi. 23Pa gwang Tinggwang ngaugiabe ngau keludau, pa pesui yidi, nah pa penui pelane de penui mlung pelane teu Rampaube dade masang eh bam lulo penuide kecung gai. 24Kedanemene pa au mina keyi nah Kemci Rabe nah kenlumle kepui kauge kecune, nah mina kekiee gede Rampaube da ngngwa gwang silu. 25Ipaucai Barnabas Saul de peei zielie Tarsus ga miedi. 26Pa pecu ngau luge pecu ngngwa Antioch ga gwangdi. Iciu eh penai mmi ge ngqwame de ngngwa ngkwa, nah mina kekiee gede ledeu. Cidau Antioch gade kenlumme de pwa Khristianme lie qu raitu lu.
27Aipau tingdau caihakecimedung ge Jerusalem gade Antioch ga nghunglu. 28Penui kakgade hangge pe zi Agabus, saplu delwe Rabe gade herakum kedi ge kideu reu pelane ga gwang zielie ranggai. Aide Claudius tingdau gwang. 29Cine, ledeukelumedung keheibede penui teilu kebui kieege gade Judea ga kelunghme dage kengha langgai zielie riemlu. 30Cine penui cinzwa eh rangkang hekwalu delwe Barnabas penai Saul ba gage langpwa Jerusalem namdi ngqwa ga hangkiame dage kaibeu.
ទើបបានជ្រើសរើសហើយ៖
Bata 11: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
