Song of Songs 6
6
Vaghanja
1Vadadala va Yelusalemu vadasha,
yiwumtamili munu kayenda koti?
tuwombeli kalola koti yiwumtamili,
ili tukutangi kumsaka?
Kamwali wa lihungu lya kuheta
2Mwehi wangu kalola muchiwunga chaki,
pala yipanemunila fitalu fyaki,
mweni akuvadima vafungami vaki,
na kukungasha unanga.
3Nenga ndi waki yula yindimtamili, na mweni wangu,
mweni akuvadima vafungami vaki kuunanga.
Lumbombu lwa muhanu
Kamwali wa lihungu lya kuheta
4Yuwi yindikutamili kuva kuvayila kucha mbwani ya Tilisa,
kuvayila kucha mbwani ya Yelusalemu,
ukapusha kucha lingandawu livelili na bendela.
5Deku, ngukuluva loli pambali,
pawunola mvili ukujilima.
Fwili shaku kucha chipinga cha meni,
yivasunuka muchidunda cha Giliadi.
6Menu vaku vambuleti kucha fungami vadadala,
yivasunuka kufuma kuyovishiwa.
Kila fungami kalela mambila,
na kwahela hata yumu yaveli weka hela.
7Makanja vaku vavayila kucha mbiliwa sha mikomamanga kushetu ya shela yaku.
8Vakuwesha kuva vahumbu milongu sita,
fidumu milongu nani,
na vakavali yivangajila kuvalangika.
9Ila ngunda wangu,
ndi yumu hela,
mamundu akumtama munu
mweni ndi wapaweka kwa mamundu.
Vakavali vakumlola na kumkema kanemiliwa,
vahumbu na fidumu vakusomola jumu shaki.
10Ghani yasosumoka kucha ngesha?
yamelimeta kucha mwesi,
yajumika kucha lingandawu livelili na bendela.
11Nyingila muchiwunga cha milosi,
ili kulola muhali wa kubondi,
kulola kucha misabibu yitomola,
na mikomamanga yiyalula.
12Tepu, ngajila kwihola yindimtamili,
kamika mumbutuka ya mkomi.
Vadadala
13Dingi, dingi yuwi kamwali Mshulami.
Dingi, dingi tukuloli.
Kamwali wa lihungu lya kuheta
Wuli mukudayila kunola,
kucha mukulola msambu wa Mahanaimu?
ទើបបានជ្រើសរើសហើយ៖
Song of Songs 6: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.