Proverbs 29
29
1Mundu yangajila kupikana pakayikiwa myanja yitangalili, tepu hela dadanganyiki ayu kana mtela kandi ha.
2Vandu goleki pavatavala vandu vakupata, lakini vawafu pavatavala vandu vakung'ong'uteka.
3Mundu yalutama luhunja akumgola tatimundu ghavi na seku, lakini mdadala muwoni akuchachasha mali shaki.
4Mutwa patavala kwa unakaka mlima ukudindashiwa, lakini yavelili na dobukelu ya swinda akudanganyisha mlima.
5Yamjanga mjovi waki, akutegha mtambu wa kuyiwomesha mweni.
6Mundu mwafu akuwomela mumtambu kwanongwa ya uvifyi waki, lakini mundu goleki akusomola kunu pasekilela.
7Mundu goleki kamanya haki sha vagaju, lakini mundu mwafu kamanya ha milandoyi.
8Yavelili na mbedalu akuyegha ndilingu mumbwani yosi, lakini yavelili na luhunja akuchisikisha chifuki.
9Muna luhunja payenda kuchitemela na mpufi, mpufi akuva na maya na akuwomba ngaya na kusika kukuveli ha.
10Yawulagha vandu akumnyekwa mundu goleki yangajila mbatiwa, lakini mundu goleki akuvadima vandu.
11Mpufi akulangusha maya vaki lipala hela, lakini muna luhunja akwiwunishila.
12Mtavala papikana filongu fya udesi, na filongosi vaki va pasi vosi vakuva vawafu.
13Mgaju na yavawonela vayaki vakwifwana kwa chindu chimu, Bambu Chapanga kavika ngesha mumesu va vonda vavili.
14Mutwa yavalamula vagaju kwa haki, utavala waki dawudindashwi jola.
15Ndomondu na ngayikilu sikuyegha luhunja, lakini mwana yalekiwa ngajila afi akumupa chindipa mamundu.
16Vandu vavifyi pavatavala vawafu wukuyongisheka, lakini vandu goleki davaloli ndambu veni wuvawa.
17Leki pawumulatula mwana waku dakugayili kusika, mweni dayifwamushi ndima yaku.
18Mahali pangajila milotu ya chimbuyi, vandu vakugobuleka, ila kanemiliwa mundu yakamula malawu.
19Ndumindumi akukayikiwa kwa filongu hela ha, hata leki kamanya chawombiliwili, dapikani ha.
20Wuli, kumuwona kamu mundu yawomba chaka ngajila kwihola? Ngiba mundu mpufi pitu mweni.
21Leki mundu pamlunja ndumindumi waki kukandila wana waki, pambeli damuyegheli msayisayi.
22Mundu muna maya akukuvilisha ugombi, na mundu yavelili na maya akugola vifyu sitangalili.
23Munalukilu dabedaliwi, lakini muna ndima ya ushishamoyu datundamiliwi.
24Yayilumba na mwifi akwivika munjifwa mweni, hata payilapa dawombi nakaka ha.
25Kuvatila vandu ukwivika mumtambu umweni, lakini yamwidumbila Bambu Chapanga daghavi mkomu.
26Vandu vatangalili vakwiwongola kwa mtavala, lakini mundu akupata haki yaki kwa Bambu Chapanga hela.
27Goleki akumnyekwa mwafu, na mwafu akumnyekwa goleki.
ទើបបានជ្រើសរើសហើយ៖
Proverbs 29: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.