Proverbs 24
24
Detelu ya lilongu na tisa
1Kotoo kuvawonela weyi vandu va wafu, na kotoo kwilongosha pamu na veni. 2Nongwa hoshu shawu shonda siva sha umakuluhu, na kwahela cha nyanyi chivaywanga mumilomu yawu.
Detelu ya milongu mivili
3Nyumba ikujengiwa kwa luhunja, na yikudindashiwa kwa umanyi. 4Kwa umanyi fyumbagati fyaki fikumemishiwa findu fitalamili na yifimelimeta.
Detelu ya milongu mivili na yimu
5Mlulumi yavelili na luhunja kana liwovi likomi, na muna umanyi kanyanyi pitu muna liwovi, 6kwanongwa ya nongushelu ya nyanyi ukuwesha kuleva mgogha, na uweshi wukupatikana kwa vandu vatangalili yivawombana na yuwi.
Detelu ya milongu mivili na mbili
7Yidindala munu kwa mundu mpufi kuva na luhunja, gati ya lipinga lya vandu kavahela cha kuywanga.
Detelu ya milongu mivili na ndatu
8Mundu yadayila kugola wafu, damanyiki kucha kava mundu mwafu. 9Chayihola kugola mundu mpufi ndi wafu, yavelili na bedalu kila mundu akumunyekwa.
Detelu ya milongu mivili na mchechi
10Pawubungunyuka fisingu chipindi gobuleku, liwovi lyaku lidokwa.
Detelu ya milongu mivili na muhanu
11Mlowoli mundu yayenda kuwulayiwa, kotoo kukangajila kumlowola mundu ayu. 12Pambeli kotoo kudeta kucha tukumanya ha, nongwa Chapanga yalembesha ndima sha vandu, mweni dakuhighi ngimu wufivelili figoli fyaku.
Detelu ya milongu mivili na sita
13Mwana wangu wulyi njuki nongwa yanyanyi, njuki yiisulula kufuma mulisegha yinova mumlomu. 14Wuwula wula ukudayiliwa kumanya kucha luhunja lunova paluva mundima yaku, na pawuva nayu dayikutangi mumajuva vesava na shuvililu yaku dayivi chindu ha.
Detelu ya milongu mivili na saba
15Kotoo kuva nga vandu vawafu yitendela nyumba sha vandu vasangi, na kupoka findu fyawu, 16nongwa mundu msangi akuwa myanja yitangalili lakini akutandamuka kandi, lakini mundu mwafu akudangayishwa kwanongwa ya fila fya wafu fyagolili.
Detelu ya milongu mivili na nani
17Chimdwama waku paghawa kotoo kumseka, kotoo kusekelela kuyikwala kwa meni, 18Bambu Chapanga pafiwona afi dakalali, na mweni pamongapa daleki kumgobola.
Detelu ya milongu mivili na tisa
19Kotoo kumkalalila mundu mwafu, wala kotoo kuvawonela weyi vandu yivagola wafu. 20Kwanongwa wafu wawu wuvahela shuvililu, ngalilu yaki yiva kucha luliku dalujimiki pambeli.
Detelu ya milongu mitatu
21Mwana wangu wumtundamili Bambu Chapanga na kumpikana mutwa, kotoo kuyilumba na vala yivalema kumpikana, 22kwanongwa tepu hela vandu ava vavili davadanganyishiwi. Ghani damanyi gobuleku liki dayivawoni kufuma kwa mutwa awu Chapanga?
Detelu singi sha vanaluhunja
23Asi ndi detelu sha vana luhunja.
Kotoo kugola lushawu pawuhigha. 24Yampomela mundu muna mbatiwa, akulapiliwa na vandu na kukalaliwa na vandu va milima yosi. 25Lakini yavavalatula vandu vawafu daghavi na seku, na danemiliwi munu.
26Nyangulilu ya nakaka, yiva kucha ghanja waku yakujambusha kwa kunonela.
27Goli fichuku fyaku panji tanila, talishi chitava chaku, pambeli jengi nyumba yaku.
28Kotoo kumtovilela mjofi waku fya udesi, na kotoo kumdetela fya ufyangu. 29Kotoo kudeta, “Dandimgoleli kucha wagolilili nenga, Dandimgoleli lugotu kucha wagolilili nenga!”
30Mbita pabehi na chitava cha mundu mgata, chitava cha misabibu cha mundu mpufi. 31Nenga pang'onili chitava chosi chimema misomi na kugubikiwa na midasi ngengileka yosi, na luviwu lwaki lwa migonguveli luwa. 32Nola, na kwihola mundima yangu pambeli mbata cha kwiwula. 33Leki wonji padokwa, sisili padokwa! Yikusiki na pumulili padokwa! 34Lakini ukudayiliwa kumanya kucha pawuwonja, ugaju dawukuhomukeli kucha mpoki, na kuyangiliwa kwa findu dakwisi kucha mwifi muna chidumu.
ទើបបានជ្រើសរើសហើយ៖
Proverbs 24: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.
Proverbs 24
24
Detelu ya lilongu na tisa
1Kotoo kuvawonela weyi vandu va wafu, na kotoo kwilongosha pamu na veni. 2Nongwa hoshu shawu shonda siva sha umakuluhu, na kwahela cha nyanyi chivaywanga mumilomu yawu.
Detelu ya milongu mivili
3Nyumba ikujengiwa kwa luhunja, na yikudindashiwa kwa umanyi. 4Kwa umanyi fyumbagati fyaki fikumemishiwa findu fitalamili na yifimelimeta.
Detelu ya milongu mivili na yimu
5Mlulumi yavelili na luhunja kana liwovi likomi, na muna umanyi kanyanyi pitu muna liwovi, 6kwanongwa ya nongushelu ya nyanyi ukuwesha kuleva mgogha, na uweshi wukupatikana kwa vandu vatangalili yivawombana na yuwi.
Detelu ya milongu mivili na mbili
7Yidindala munu kwa mundu mpufi kuva na luhunja, gati ya lipinga lya vandu kavahela cha kuywanga.
Detelu ya milongu mivili na ndatu
8Mundu yadayila kugola wafu, damanyiki kucha kava mundu mwafu. 9Chayihola kugola mundu mpufi ndi wafu, yavelili na bedalu kila mundu akumunyekwa.
Detelu ya milongu mivili na mchechi
10Pawubungunyuka fisingu chipindi gobuleku, liwovi lyaku lidokwa.
Detelu ya milongu mivili na muhanu
11Mlowoli mundu yayenda kuwulayiwa, kotoo kukangajila kumlowola mundu ayu. 12Pambeli kotoo kudeta kucha tukumanya ha, nongwa Chapanga yalembesha ndima sha vandu, mweni dakuhighi ngimu wufivelili figoli fyaku.
Detelu ya milongu mivili na sita
13Mwana wangu wulyi njuki nongwa yanyanyi, njuki yiisulula kufuma mulisegha yinova mumlomu. 14Wuwula wula ukudayiliwa kumanya kucha luhunja lunova paluva mundima yaku, na pawuva nayu dayikutangi mumajuva vesava na shuvililu yaku dayivi chindu ha.
Detelu ya milongu mivili na saba
15Kotoo kuva nga vandu vawafu yitendela nyumba sha vandu vasangi, na kupoka findu fyawu, 16nongwa mundu msangi akuwa myanja yitangalili lakini akutandamuka kandi, lakini mundu mwafu akudangayishwa kwanongwa ya fila fya wafu fyagolili.
Detelu ya milongu mivili na nani
17Chimdwama waku paghawa kotoo kumseka, kotoo kusekelela kuyikwala kwa meni, 18Bambu Chapanga pafiwona afi dakalali, na mweni pamongapa daleki kumgobola.
Detelu ya milongu mivili na tisa
19Kotoo kumkalalila mundu mwafu, wala kotoo kuvawonela weyi vandu yivagola wafu. 20Kwanongwa wafu wawu wuvahela shuvililu, ngalilu yaki yiva kucha luliku dalujimiki pambeli.
Detelu ya milongu mitatu
21Mwana wangu wumtundamili Bambu Chapanga na kumpikana mutwa, kotoo kuyilumba na vala yivalema kumpikana, 22kwanongwa tepu hela vandu ava vavili davadanganyishiwi. Ghani damanyi gobuleku liki dayivawoni kufuma kwa mutwa awu Chapanga?
Detelu singi sha vanaluhunja
23Asi ndi detelu sha vana luhunja.
Kotoo kugola lushawu pawuhigha. 24Yampomela mundu muna mbatiwa, akulapiliwa na vandu na kukalaliwa na vandu va milima yosi. 25Lakini yavavalatula vandu vawafu daghavi na seku, na danemiliwi munu.
26Nyangulilu ya nakaka, yiva kucha ghanja waku yakujambusha kwa kunonela.
27Goli fichuku fyaku panji tanila, talishi chitava chaku, pambeli jengi nyumba yaku.
28Kotoo kumtovilela mjofi waku fya udesi, na kotoo kumdetela fya ufyangu. 29Kotoo kudeta, “Dandimgoleli kucha wagolilili nenga, Dandimgoleli lugotu kucha wagolilili nenga!”
30Mbita pabehi na chitava cha mundu mgata, chitava cha misabibu cha mundu mpufi. 31Nenga pang'onili chitava chosi chimema misomi na kugubikiwa na midasi ngengileka yosi, na luviwu lwaki lwa migonguveli luwa. 32Nola, na kwihola mundima yangu pambeli mbata cha kwiwula. 33Leki wonji padokwa, sisili padokwa! Yikusiki na pumulili padokwa! 34Lakini ukudayiliwa kumanya kucha pawuwonja, ugaju dawukuhomukeli kucha mpoki, na kuyangiliwa kwa findu dakwisi kucha mwifi muna chidumu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.