Job 9

Ayu akumyangla Bilidadi

1Topi Ayubu kayangula kadeta,

2Nakaka manya kucha yiva nahawu.

Lakini mundu akuwesha wuliwuli kuva msangi kwa Chapanga

3Leki mundu akudayila kulimbana na Chapanga,

kwahela

hata mundu dayanguli linasha limu gati ya elufu.

4Chapanga kana luhunja na liwovi lyaki likomi munu,

ghani yalimbanili na mweni kawesha?

5Mweni akuwusha fidunda ngajila fyeni kumanya,

akwibowulela kutali kwa maya vaki.

6Mweni akuwutikanyisha mlima kufuma pavelili,

na akusigola siki shaki sibagama.

7Akulilamula lijuva likotoo kusolumoki,

akusikika ndondwa sikotoo kulangasha.

8Mweni weka hela ndi yavikili mbindi,

na akuvatanga miwumbula ya bahali.

9Mweni ndi yagolili ndondwa kululanga,

dubu, olioni, chilimila na ndondwa sha kuchanya.

10Ndi yagola fikomi fingajila kulingiwa,

na fya kwikang'anika fingajila kumanyika.

11Loli! Chapanga akupita pabehi na nenga lakini ngumuwona ha,

na akuwuka ngajila nenga kumanya.

12Mweni akunyegha kwadayila,

ghani yagela kumdasha, “Ukugola liki?”

13Chapanga akuvawoma ha maya vaki,

hata liyoka Lahabu na vaghanja vaki vakumgondamila,

14Wuli dang'weshi wuliwuli kumyangula Chapanga?

Dandoli koti filongu fya kumuwombela?

15Hata leki ndivahela mbatiwa, ng'weshi ha kumuyangula,

ngumluva muhigha wangu ambomeli.

16Hata leki ningamkemili, mweni anyangulili,

ningaweshili ha kujumila kucha akumbikana.

17Yula yanyeghela lingukumbi likomi ling'ulaghi,

na kumanula mivanga yangu ngajila nongwa.

18Leki mbumulili padokwa,

ila akunyongishela usungu mungalilu yangu.

19Leki liwovi mweni ndi munaliwovi

leki kwilata haki, ghani yawesha kumuyegha kuchitemela?

20Hata leki ndivahela vifyu, filongu fyangu fina mbatiwa,

hata leki ndivahela livifyu, mweni angadetili nenga mifya.

21Hata leki ndivahela mbatiwa,

kwa nenga chindu ha.

Nguwunyekwa unofu wangu.

22Fyosefi fiva telatela, ndi nongwa nguwomba,

Chapanga akuvadanganyisha goleki na vavifyi.

23Njifwa payiyisa chimbasulila hela,

Chapanga akuvaseka vala yivabungunyukili fisingu.

24Chipindi mlima pawukoliwa na wandu vawafu, Chapanga akuvatita mesu vahigha vaki vakotoo kugola yichidayiliwa.

Leki mweni ng'odu ghani kandi?

25Ngalilu yangu yikuyenda kalopu pitu mundu yatuva,

yikutuva ngajila kuwona findu fya usangi.

26Ngalilu yikutuva kalopu kucha watu pawutuva,

nga ngwasi yanyagha mbongu.

27Leki padeta, ndiyivasuwa gobuleku yangu,

ili ng'alambuli wushu wangu usakapuki.

28Nenga ngutila gobuleku shangu shonda,

kwanongwa Chapanga dang'oni ndivahela mbatiwa.

29Leki pang'oneka muna mbatiwa,

nongwa liki ngugobuleka hela?

30Hata leki ngwiwofugha na machi va mbuletee,

na kwisinga mawoku vangu na sabuni,

31lakini padanga nenga mulifungusi,

hata yingwa shangu singanyekwili.

32Chapanga mundu nga nenga ha, mbaka ndimuyanguli,

hata tuweshi kuyenda kulimbana kuchitemela.

33Kwahela wa kutujovesha yufwi,

yawesha kutuvikila mawoku yufwi vavili.

34Kwahela mundu yawesha kumlimba Chapanga kunatula,

na ngapushilu yaki yikotoo kugola ndivi na lyogha.

35Topi ngaweshili kuwombana na Chapanga, na ningamtilili ha.

lakini ponopa ng'weshi ha kugola nahawu.

ទើបបានជ្រើសរើសហើយ៖

Job 9: OTNdambBL

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Ndamba