Job 20
20
Sofali akudeta kandi na Ayubu
1Sofali mundu wa mlima wa Naamati kayangula,
2Hoshu shangu sikunguvilisha nguyanguli,
kwanongwa filongu fyaku finyashinganya.
3Chiwung'ombilili kujowola,
na luhala lwangu lukunguvilisha nguyanguli.
4Nakaka kwivasuwa chilongu achi,
kukandila pakwandi Chapanga pamlumbili mundu,
5mundu mwafu dayiwoni kawesha kwa chipindi chidokwa hela,
seku ya mundu yangajila kumjuma Chapanga ndi ya chipindi chidokwa hela.
6Mweni akwihola katawuka munu pitu vandu vengi,
na akuwesha kwifuna kwa ndundamilu yapata.
7Mweni danganyishiwi jola kucha mifi yaki mweni,
na vala yivamuwonili davadeti, kavakoo.
8Dayaghamili kucha milotu, dawoneki kandi ha
Dayaghamili kucha milotu ya pamihi.
9Yamuwonili damuwoni kandi ha,
wala mahali paki payikaleyi dapamanyiki kandi ha.
10Vana vaki davahombi fyosi fila tati wawu fyavapokili vagaju,
na mweni davawuyishi mali shosi fyanyaghili vagaju.
11Njimba yaki yimema liwovi lya ujana waki,
lakini dawonji nalyu mulifu.
12Asekilelili findu fya wafu fyagola,
fyanowili mumulomu yaki.
13Akulema nakamu kuulekishela uyendi,
lakini akuung'ang'anila mumlomu waki.
14Lakini pawufika munda ukukalipa,
wukukalipa ngimu usungu wa njoka.
15Mwafu akusitema mali shamilili,
Chapanga damgoli asihukwi.
16Mundu mwafu dayongi usungu wa njoka,
na minu va njoka yivaveli na usungu mkomi davamlumi na kumuwulagha.
17Dapati ha nemusi na ulundamali,
filivi na filandi Chapanga datugayili fitangalili.
18Fivelekwa fya lifuki lyaki dafileki,
dafileki fyosi fyapatili,
19kwanongwa kavawonela vagaju na kuvaleka ngajila chindu,
kapoka nyumba shawu kavaleka ngajila chindu.
20Chipindi chosi akudayila kupata findu fitangalili mweni weka hela,
akutola fyosi fyadayila.
21Dasighali na chindu cha kulya kandi ha,
nongwa fyapata dafiyikali majuva vatangalili ha.
22Pala papata mali gpbuleku sikumfika,
ndi gobuleku sikuyongisheka.
23Topi padayila kwikutisha, Chapanga damuyegheli maya vaki makomi,
na kumtonyela fitovi kucha ndonya yivi filivi fyaki.
24Pamongapa dayilyepi upanga wa lyuma,
kumbi dasomiwi na msali wa shaba.
25Msali dawutupuliwi munjimba yaki,
kula kuchijongujongu dakufu mumuwongu waki paying'ala,
lyogha lya ndifwa dalimuhomukeli.
26Sanja shaki dasibowuliwi,
motu kufuma kumbindi kwa Chapanga dawulungushi,
chochosi chisighalili munyumba yaki dachigwijushiwi.
27Mbindi dasigubutuli wafu waki,
lakini vandu va mlima davawoloki kumuwomba.
28Lilava dalibowoli nyumba yaki,
mali shosi sivelili kayaki dasitoliwi na machi yivatuva hilu, afi dafifumbuki mumajuva va maya va Chapanga.
29Achi ndi Chapanga davagayili vandu vawafu,
achi ndi Chapanga chayilatili kuvapa.
ទើបបានជ្រើសរើសហើយ៖
Job 20: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.