Job 1
1
Lijangavandu akumuyesha Ayubu
1Kwavelili na mundu yumu mumlima wa Usi litawa lyaki Ayubu, mundoyu avelili goleki kwa Chapanga, na avelili akumtundamila Chapanga na agolagha ha findu fingajila kumnowesha chapanga. 2Ayubu avelili na vana valulumi saba na vakavali vatatu, 3na avelili na vafungami elufu saba na ngamiya elufu ndatu na vasenga vakulimila elufu na vafihongu mya muhanu na pakayaki paveli na vandu vatangalili munu. Topi mundoyu aveli mlundamali munu.
4Vana vaki valulumi vavelili na chishovi cha kuyenda kugola lihungu, kwa kila mundu lijuva lyaki munyumba shawu kwa lutonu, na vavalalikagha vahajavawu kulya na kulanda pamu na veni. 5Topi kila palipelili lihungu, Ayubu avakemili vana mundu ili kuvapuga, na ayimukagha pamalavila puti kutawula litambiku lya kunyanya tinigu ngimu tolitoli yawu wuyivelili, nongwa Ayubu ayiholili kucha pamongapa vanamundu vagola sambi mundima shawu na kumjowola Chapanga. Nahawu ndi wagolili Ayubu majuva vosi.
6Topi lijuva limu vamakungu va Chapanga vayendili pawulongolu ya Bambu Chapanga. Wuwula lijangavandu avelili gati yawu. 7Bambu Chapanga kamdasha Lijangavandu, “Ukufuma koti?”
Lijangavandu kamuyangu Bambu Chapanga kadeta, “Mvuma mukutyanga na kushengeta kunu na kunu kumlima.”
8Pambeli Bambu Chapanga kamdasha Lijangavandu kadeta, “Wuli, aku kumuwona ndumindumi wangu Ayubu? Kwahela mundu wingi nga mweni mumlima wonda. Mweni kavahela mbatiwa na goleki. Yandundamila nenga na akugola ha findu fya wafu.”
9Lijangavandu kamuyangula Bambu Chapanga, “Wuli, ukwihola kucha Ayubu akumkimbanikila Bambu Chapanga hela wuwu? 10Wuli, yuwi nda yiwumdima na ngengileka shonda pamu na nyumba yaki na kila chindu chavelinachu? Yuwi kumnemela na vasenga, vafungami na vameni vaki vayongisheka mumlima wosi. 11Leki naha ng'odu, topi yuwi danganyishi fyosi fyavelinafyu leki akulapili ng'odu kunu pawulola!”
12Bambu Chapanga kamuwombela Lijangavandu, “Topi pikani, fyosi fyaveli nafyu yuwi ukuwesha kumgolela chochonda, ila kotoo kumgobola Ayubu.” Topi Lijangavandu kawuka.
Vana na mali sha Ayubu sikudanganyishiwa
13Lijuva limu ava vana valumi na vakavali pavaveyi vakulya na kulanda munyumba ya mkulu wawu, 14mnjagila kayisa mbilu kwa Ayubu kamuwombela, “Yila mikambaku ya senga na vafungami patudimeyi pabehi na veni, 15tepu, vandu va wafu kufuma Seba vavapundangila, vavatola vang'ongolu na vavawulagha vandumindumi kwa mipanga. Nenga weka nana nyisa nguwombeli.”
16Mundoyu paghaveyi akali akadeta, kawoneka mnjagila wingi kadeta, “Lupanda lunigula vafungami na vala vandumindumi vonda. Nenga weka hela ndi nana nyisa nguwombeli.”
17Na ayu paghaveyi akali akadeta, kafumbuka mnjagila wingi kamuwombela ayubu, “Vakalidayu vagolili fipinga fitatu vavahomukela vangamiya vatuva nawu na vavawulagha vandumindumi vaku kwa upanga, nenga weka hela ndi yinanili nyisa nguwombeli.”
18Na ayu paghaveyi akali akadeta kafumbuka mnjagila wingi kamuwombela Ayubu, “Vana vaku valulumi na vakavali pavaveyi vakulya na kulanda difwayi munyumba ya mkulu wawu, 19tepu lingukumbi likomi liyisa kufuma kucheja, litova nyumba ayi na yeni yivawila fijana vosi vasova. Nenga weka hela ndi nana nyisa nguwombeli.”
20Topi Ayubu katandamuka, kasavanga lihabiti lyaki kwa lihingili, kamogha fwili shaki, pambeli kagondama mbaka pasi kamjuma Chapanga. 21Kadeta, “Ndawonikili ngajila chindu, na dang'uki pamlima ngajila chindu. Bambu Chapanga anyimbili na mwendi ndi yatolili. Litawa lyaki lijumiwi!”
22Kwa afi fyosi Ayubu agolili ha sambi na wala ayiholili ha kucha Chapanga kavifya.
ទើបបានជ្រើសរើសហើយ៖
Job 1: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.
Job 1
1
Lijangavandu akumuyesha Ayubu
1Kwavelili na mundu yumu mumlima wa Usi litawa lyaki Ayubu, mundoyu avelili goleki kwa Chapanga, na avelili akumtundamila Chapanga na agolagha ha findu fingajila kumnowesha chapanga. 2Ayubu avelili na vana valulumi saba na vakavali vatatu, 3na avelili na vafungami elufu saba na ngamiya elufu ndatu na vasenga vakulimila elufu na vafihongu mya muhanu na pakayaki paveli na vandu vatangalili munu. Topi mundoyu aveli mlundamali munu.
4Vana vaki valulumi vavelili na chishovi cha kuyenda kugola lihungu, kwa kila mundu lijuva lyaki munyumba shawu kwa lutonu, na vavalalikagha vahajavawu kulya na kulanda pamu na veni. 5Topi kila palipelili lihungu, Ayubu avakemili vana mundu ili kuvapuga, na ayimukagha pamalavila puti kutawula litambiku lya kunyanya tinigu ngimu tolitoli yawu wuyivelili, nongwa Ayubu ayiholili kucha pamongapa vanamundu vagola sambi mundima shawu na kumjowola Chapanga. Nahawu ndi wagolili Ayubu majuva vosi.
6Topi lijuva limu vamakungu va Chapanga vayendili pawulongolu ya Bambu Chapanga. Wuwula lijangavandu avelili gati yawu. 7Bambu Chapanga kamdasha Lijangavandu, “Ukufuma koti?”
Lijangavandu kamuyangu Bambu Chapanga kadeta, “Mvuma mukutyanga na kushengeta kunu na kunu kumlima.”
8Pambeli Bambu Chapanga kamdasha Lijangavandu kadeta, “Wuli, aku kumuwona ndumindumi wangu Ayubu? Kwahela mundu wingi nga mweni mumlima wonda. Mweni kavahela mbatiwa na goleki. Yandundamila nenga na akugola ha findu fya wafu.”
9Lijangavandu kamuyangula Bambu Chapanga, “Wuli, ukwihola kucha Ayubu akumkimbanikila Bambu Chapanga hela wuwu? 10Wuli, yuwi nda yiwumdima na ngengileka shonda pamu na nyumba yaki na kila chindu chavelinachu? Yuwi kumnemela na vasenga, vafungami na vameni vaki vayongisheka mumlima wosi. 11Leki naha ng'odu, topi yuwi danganyishi fyosi fyavelinafyu leki akulapili ng'odu kunu pawulola!”
12Bambu Chapanga kamuwombela Lijangavandu, “Topi pikani, fyosi fyaveli nafyu yuwi ukuwesha kumgolela chochonda, ila kotoo kumgobola Ayubu.” Topi Lijangavandu kawuka.
Vana na mali sha Ayubu sikudanganyishiwa
13Lijuva limu ava vana valumi na vakavali pavaveyi vakulya na kulanda munyumba ya mkulu wawu, 14mnjagila kayisa mbilu kwa Ayubu kamuwombela, “Yila mikambaku ya senga na vafungami patudimeyi pabehi na veni, 15tepu, vandu va wafu kufuma Seba vavapundangila, vavatola vang'ongolu na vavawulagha vandumindumi kwa mipanga. Nenga weka nana nyisa nguwombeli.”
16Mundoyu paghaveyi akali akadeta, kawoneka mnjagila wingi kadeta, “Lupanda lunigula vafungami na vala vandumindumi vonda. Nenga weka hela ndi nana nyisa nguwombeli.”
17Na ayu paghaveyi akali akadeta, kafumbuka mnjagila wingi kamuwombela ayubu, “Vakalidayu vagolili fipinga fitatu vavahomukela vangamiya vatuva nawu na vavawulagha vandumindumi vaku kwa upanga, nenga weka hela ndi yinanili nyisa nguwombeli.”
18Na ayu paghaveyi akali akadeta kafumbuka mnjagila wingi kamuwombela Ayubu, “Vana vaku valulumi na vakavali pavaveyi vakulya na kulanda difwayi munyumba ya mkulu wawu, 19tepu lingukumbi likomi liyisa kufuma kucheja, litova nyumba ayi na yeni yivawila fijana vosi vasova. Nenga weka hela ndi nana nyisa nguwombeli.”
20Topi Ayubu katandamuka, kasavanga lihabiti lyaki kwa lihingili, kamogha fwili shaki, pambeli kagondama mbaka pasi kamjuma Chapanga. 21Kadeta, “Ndawonikili ngajila chindu, na dang'uki pamlima ngajila chindu. Bambu Chapanga anyimbili na mwendi ndi yatolili. Litawa lyaki lijumiwi!”
22Kwa afi fyosi Ayubu agolili ha sambi na wala ayiholili ha kucha Chapanga kavifya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.