MRK - NUMANA 13
13
Ngir mkpaŋ kɛ klɛ tu
1Ndi Yesɔ ne ru ne akabaŋkɔŋ, izhiin ne miŋ kɛ abɛ na ndum amaa adiu, <<Ine Tsar! Tɔ, mkpaŋ goŋgɔŋ didik yiŋɛ dei! Tena tɔ ime didik yiŋɛ!>>
2Yesɔ adiu, <<Izhin yik ime ngɔŋgɔŋ yiŋɛ?>> <<Mkpaŋ nuŋ ba tei sɔŋ netu kɛ nuŋ ba; kɔte tayi atei sei avar atyak azhɔk.>>
3Ndi Yesɔ ne kɔ sɔŋ ne Igbu yi Zetun ndi atɔ kpa ben Akabaŋkɔŋ, ane Biturus ben Yakubu, Yɔɔna ben Anduru aribu ne kɔnsa te di, 4<<Bla ta, iki yiŋɛ ite na atentai? Anii itei yi ngir kɛ shak ikiki yiŋɛ?>>
5Yesɔ adi ba: <<Izhin bǝ sɔŋ shur ayi te kǝr nuŋ bǝ lɔm zhin ba. 6Aner tetɛk atei nyɛ ne sak muŋ, te di, <Aba ayi nga,> Te lɔm aneshir tetɛk. 7Izhin tei wɔ lɛ kɛ ikum ben lǝlɛ yi kum, kǝr asusun amin abɛ lu aklɛ ba. Ikiki yiŋɛ itei na, ama iklɛtu ba ne zen nyɛ ba. 8Ntun tei wɔb ntun ne akla, atum atei wɔb atum ne akla. Mimi tei jaŋ ne mkpemkpa tetɛk, ijɔŋ tei te. Waŋa ayi ndi iyah iyi kuti ne ŋli.
9Izhin bǝ nak sɔŋ shur ayi. atei gli zhin te gar amkpa ane te ambuk ne akaba. Nǝ atu muŋ atei gli zhin te gar bǝn gomnoni ben atum te zhin bǝ bla ikinuŋ ne atu muŋ ne ti men. 10Ama atei kuti adu lɛ didik ne ntuntun bɔbɔk ne liŋ. 11Ate yi ndi ate vu zhin te gar amkpa ane te ambuk, kǝr asusun amin abɛ cɔk ala ne atu ayi iki yiŋɛ ndi izhin tei blai ba. Izhin bǝ bla iki yiŋ ndi ne nyɛ zhin ne mkpaŋa, te bai izhineba lɛ ba ayi Izhu Tsetser.
12<<Izumen ane nuŋ atei baŋ zumen alɛb te duŋ aŋunu, tetɛɛ atei na baŋ izu maa alɛb. Amumun atei na wɔb atetɛ amen ne akla te ŋlɔk ba. 13Aneshir bɔbɔk atei kyak zhin ne atu amuŋ, ama waŋ ndi ate kli mgbamgbaŋ atei yik ta zhɔk.
14<<Izhin te yik <te ayak iki mimin ne amkpa waŋ ndi ba ne te ba, ine tɔ abɛ zhi, fe abaŋ ndi ayi ne ntun yi Yahudiya bɛ klu te gar igbu. 15Waŋ ndi ate yi ne tu iki kǝr abɛ di wa atei zǝǝ te baŋ kinuŋ ne kɔmaa ba. 16Waŋ ndi ate yi ne ahwaŋ kǝr abɛ di wa atei klu agar baŋ anklu ne kɔb ba. 17Amba abɛ yi ne ane ben abɛ so amumun atei yik iyah ne mkpaŋa. 18Izhin bǝ ben Arik te kǝr iki yiŋɛ bǝ yi ne kus ba, 19te ne bɛr yuŋɔ atei yik iyah ngɔŋ ir keŋ ndi bane zen ayik ir maa ba ire na gɔŋmimi, se azizaŋa, ba tei na yik ir maa ba gar klɛ tu gɔŋmimi. 20Abɛ di ba Arik aduŋ ibɛre yi watsɔb ba, iner nuŋ bai bɛ lieru ba. Ama ne atu ayi abaŋ ndi Arik ne hria ba, Arik ne duŋ ibɛre bǝ te watsɔb. 21Nǝ mkpaŋ yuŋɔ inuŋ ate di zhin, tɔ zhin, te Kristi me waŋ!> Ka, abɛ di, <Tɔ zhin, iyuŋ! Kǝr izhin bǝ tanyɛme ba. 22Te kristi abɛ mu ben abɛ bla shar yi Arik abɛ mu atei muŋ aru te na ikiki sak ŋɔk ne anu te bǝ lum abaŋ ndi ne hria ba, te yi ndi tei te. 23Neme izhin bǝ sɔŋ shur ayi; Mne ka bla zhin ikiki bɔbɔk andanda.
24<<Ama ne bɛr yuŋɔ, ne iyah ndi ne yige,
<<<Arik ba tei laŋ ba,
Ihwa ba tei na laŋ ba;
25Icinces tei zhaku rɛ gbarshu,
Ikiki yi gbarshu itei jaŋ.>
26<<Ne mkpaŋ yuŋɔ aneshir atei yik Izu Neshir anyɛ ne akpa ne mgbyamgbyaŋ maa bǝn ŋgɔŋ maa. 27Ankyak atei shar abɛ shar amaa te tuŋ abɛ hria amaa abiŋ ire igar kɛ anzaŋ, amgbalu, ire ŋɔk li ben ŋɔk mla, ire iklɛtu gɔŋmimi te gar klɛtu gbarshu.
28<<Azizaŋa izhin bǝ tɔ zhi ire ben itiŋ nglǝŋglǝ: Ate yi ndi amgba amaa te zu te anuŋ atɔ, izhin zhi te ikus yi gbahir. 29Neme, izhin te yik ikiki yiŋɛ na, izhin bǝ zhi te mkpaŋ ne te gbahir, ben abɛta. 30Mbla zhin lɛ didik, ikab kǝŋe batei gayir ba se iki yiŋɛ ne na. 31Igbarshu ben igɔŋmimi tei gayir, ama ilɛ muŋ ba tei gayir ba.
Inuŋ bane zhi iber ben mkpaŋa ba
32<<Ba nuŋ ndi ne zhi iber ben mkpaŋa ba, ben abɛ shar Arik ne Gbarshu, ka ayi Izu maa, ama anak ayi Tetɛɛ wa ankyak. 33Izhin bǝ sɔŋ shur ayi! te na sɔŋ tsitsir! Inuŋ ba ne zhi mkpaŋa ba. 34Iyi ndi iner nuŋ ne gar tsǝn: Nǝ duŋ kɔb maa te baŋ kɛ asak agɛn amaa ne aŋɔk, kɔte ŋɔwa ne ndum keŋ ndi ne nǝgu ne kǝ, te di iwaŋ ndi aklɛ ne anɔkɔŋ abɛ shur ayi.
35<<Neme izhin bǝ sɔŋ shur ayi te ba nuŋ ne zhi mkpaŋ keŋ ndi iner ne kɔb atei nyak ba, ka ayi amgbalu, ka ayi atsutsu bu, ka ayi mkpaŋ kɛ tuk agbak, ka amblimblɛ. 36Ate nyɛ kpakar, kǝr izhin bǝ duŋɔ anyɛ yik zhin kukur na ba. 37Iki yiŋ ndi mbla zhin, mbla kɔte ŋɔwa: <Sɔŋ shur zhin ayi!>>>
ទើបបានជ្រើសរើសហើយ៖
MRK - NUMANA 13: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 13
13
Ngir mkpaŋ kɛ klɛ tu
1Ndi Yesɔ ne ru ne akabaŋkɔŋ, izhiin ne miŋ kɛ abɛ na ndum amaa adiu, <<Ine Tsar! Tɔ, mkpaŋ goŋgɔŋ didik yiŋɛ dei! Tena tɔ ime didik yiŋɛ!>>
2Yesɔ adiu, <<Izhin yik ime ngɔŋgɔŋ yiŋɛ?>> <<Mkpaŋ nuŋ ba tei sɔŋ netu kɛ nuŋ ba; kɔte tayi atei sei avar atyak azhɔk.>>
3Ndi Yesɔ ne kɔ sɔŋ ne Igbu yi Zetun ndi atɔ kpa ben Akabaŋkɔŋ, ane Biturus ben Yakubu, Yɔɔna ben Anduru aribu ne kɔnsa te di, 4<<Bla ta, iki yiŋɛ ite na atentai? Anii itei yi ngir kɛ shak ikiki yiŋɛ?>>
5Yesɔ adi ba: <<Izhin bǝ sɔŋ shur ayi te kǝr nuŋ bǝ lɔm zhin ba. 6Aner tetɛk atei nyɛ ne sak muŋ, te di, <Aba ayi nga,> Te lɔm aneshir tetɛk. 7Izhin tei wɔ lɛ kɛ ikum ben lǝlɛ yi kum, kǝr asusun amin abɛ lu aklɛ ba. Ikiki yiŋɛ itei na, ama iklɛtu ba ne zen nyɛ ba. 8Ntun tei wɔb ntun ne akla, atum atei wɔb atum ne akla. Mimi tei jaŋ ne mkpemkpa tetɛk, ijɔŋ tei te. Waŋa ayi ndi iyah iyi kuti ne ŋli.
9Izhin bǝ nak sɔŋ shur ayi. atei gli zhin te gar amkpa ane te ambuk ne akaba. Nǝ atu muŋ atei gli zhin te gar bǝn gomnoni ben atum te zhin bǝ bla ikinuŋ ne atu muŋ ne ti men. 10Ama atei kuti adu lɛ didik ne ntuntun bɔbɔk ne liŋ. 11Ate yi ndi ate vu zhin te gar amkpa ane te ambuk, kǝr asusun amin abɛ cɔk ala ne atu ayi iki yiŋɛ ndi izhin tei blai ba. Izhin bǝ bla iki yiŋ ndi ne nyɛ zhin ne mkpaŋa, te bai izhineba lɛ ba ayi Izhu Tsetser.
12<<Izumen ane nuŋ atei baŋ zumen alɛb te duŋ aŋunu, tetɛɛ atei na baŋ izu maa alɛb. Amumun atei na wɔb atetɛ amen ne akla te ŋlɔk ba. 13Aneshir bɔbɔk atei kyak zhin ne atu amuŋ, ama waŋ ndi ate kli mgbamgbaŋ atei yik ta zhɔk.
14<<Izhin te yik <te ayak iki mimin ne amkpa waŋ ndi ba ne te ba, ine tɔ abɛ zhi, fe abaŋ ndi ayi ne ntun yi Yahudiya bɛ klu te gar igbu. 15Waŋ ndi ate yi ne tu iki kǝr abɛ di wa atei zǝǝ te baŋ kinuŋ ne kɔmaa ba. 16Waŋ ndi ate yi ne ahwaŋ kǝr abɛ di wa atei klu agar baŋ anklu ne kɔb ba. 17Amba abɛ yi ne ane ben abɛ so amumun atei yik iyah ne mkpaŋa. 18Izhin bǝ ben Arik te kǝr iki yiŋɛ bǝ yi ne kus ba, 19te ne bɛr yuŋɔ atei yik iyah ngɔŋ ir keŋ ndi bane zen ayik ir maa ba ire na gɔŋmimi, se azizaŋa, ba tei na yik ir maa ba gar klɛ tu gɔŋmimi. 20Abɛ di ba Arik aduŋ ibɛre yi watsɔb ba, iner nuŋ bai bɛ lieru ba. Ama ne atu ayi abaŋ ndi Arik ne hria ba, Arik ne duŋ ibɛre bǝ te watsɔb. 21Nǝ mkpaŋ yuŋɔ inuŋ ate di zhin, tɔ zhin, te Kristi me waŋ!> Ka, abɛ di, <Tɔ zhin, iyuŋ! Kǝr izhin bǝ tanyɛme ba. 22Te kristi abɛ mu ben abɛ bla shar yi Arik abɛ mu atei muŋ aru te na ikiki sak ŋɔk ne anu te bǝ lum abaŋ ndi ne hria ba, te yi ndi tei te. 23Neme izhin bǝ sɔŋ shur ayi; Mne ka bla zhin ikiki bɔbɔk andanda.
24<<Ama ne bɛr yuŋɔ, ne iyah ndi ne yige,
<<<Arik ba tei laŋ ba,
Ihwa ba tei na laŋ ba;
25Icinces tei zhaku rɛ gbarshu,
Ikiki yi gbarshu itei jaŋ.>
26<<Ne mkpaŋ yuŋɔ aneshir atei yik Izu Neshir anyɛ ne akpa ne mgbyamgbyaŋ maa bǝn ŋgɔŋ maa. 27Ankyak atei shar abɛ shar amaa te tuŋ abɛ hria amaa abiŋ ire igar kɛ anzaŋ, amgbalu, ire ŋɔk li ben ŋɔk mla, ire iklɛtu gɔŋmimi te gar klɛtu gbarshu.
28<<Azizaŋa izhin bǝ tɔ zhi ire ben itiŋ nglǝŋglǝ: Ate yi ndi amgba amaa te zu te anuŋ atɔ, izhin zhi te ikus yi gbahir. 29Neme, izhin te yik ikiki yiŋɛ na, izhin bǝ zhi te mkpaŋ ne te gbahir, ben abɛta. 30Mbla zhin lɛ didik, ikab kǝŋe batei gayir ba se iki yiŋɛ ne na. 31Igbarshu ben igɔŋmimi tei gayir, ama ilɛ muŋ ba tei gayir ba.
Inuŋ bane zhi iber ben mkpaŋa ba
32<<Ba nuŋ ndi ne zhi iber ben mkpaŋa ba, ben abɛ shar Arik ne Gbarshu, ka ayi Izu maa, ama anak ayi Tetɛɛ wa ankyak. 33Izhin bǝ sɔŋ shur ayi! te na sɔŋ tsitsir! Inuŋ ba ne zhi mkpaŋa ba. 34Iyi ndi iner nuŋ ne gar tsǝn: Nǝ duŋ kɔb maa te baŋ kɛ asak agɛn amaa ne aŋɔk, kɔte ŋɔwa ne ndum keŋ ndi ne nǝgu ne kǝ, te di iwaŋ ndi aklɛ ne anɔkɔŋ abɛ shur ayi.
35<<Neme izhin bǝ sɔŋ shur ayi te ba nuŋ ne zhi mkpaŋ keŋ ndi iner ne kɔb atei nyak ba, ka ayi amgbalu, ka ayi atsutsu bu, ka ayi mkpaŋ kɛ tuk agbak, ka amblimblɛ. 36Ate nyɛ kpakar, kǝr izhin bǝ duŋɔ anyɛ yik zhin kukur na ba. 37Iki yiŋ ndi mbla zhin, mbla kɔte ŋɔwa: <Sɔŋ shur zhin ayi!>>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria