Luk 10
10
Yish atom bieentsh masamasham’l i baphey
1A mbis akun, Yish kasolaan batom masamasham’l i baphey. Kabatomaan baphey baphey a bos bwaan, a mangaan i mandiy makim manaph’diaan ayeen. 2#Mt 9.37-38.Kabalwosaan ane: “Ngwoon i bunen, ek ben a ngun be bukieek.” Ngwoon, lwoomanyeeny Kum a ngwoon ikaam atom ben a ngun babwiik. 3#Mt 10.16.Yaakanyeeny! Ndes’butom muna bân ba phaang andieeng mimbol mibwaaph. 4#Mt 10.7-14; Mak 6.8-11; Lk 9.3-5.Kabutol’k anyeeny phas idia a mbok mbi, mbè saph aal’k masabaat, kabuyeem’tek anyeeny a mbok ikaam iwuum’l mwoot mbi. 5Phweet mikim el’bwiin aying’l a mbûl, twootanyeeny ane: ‘Nkit’l mwaal a mbûl aku.’ 6Mbè a mbûl akun yaal mwoot a nkit’l, nkit’l mwiin mul kaaliaan; mbè bukal nkit’l mukal a bwiin. 7#1 Kol 9.14; 1 Tim 5.18.Bushaalanyeeny a mbûl akun, budianyeeny kamotsh bunyo anyeeny ikim yil’baan abuyeek, ikaam i mbè mun a ngun aku nkim amwa i ikaphiaan. Kabwen’kanyeeny mun mbûl mun mbûl ikaam i biket bidia mbi. 8El’bwiin aying’l a bol, mbè babunyey, dianyeeny ikim yil’baan buyeek, 9bowanyeeny babieel bel a bol bukun, bubalwoos anyeeny ane: ‘Buum bu Ntshièm bwanyik akolakol.’ 10#Bik 13.51.Ek el’bwiin aying’l a bol mbè kababunyeedj mbi, yaakanyeeny a tamioodj ta bol bukun bulwoos bakim ane: 11‘Taakum muus mu bol bwiin mumatabak’t a mateem miit, kamotsh tabukas i muun ikaam i buyeeph’l. Ek buyeeph anyeeny mbè ane bunyim bu Ntshièm bwanyik akolakol!’ 12Ndes’kabushak’s mbè ane, lasu lelashaam’l Ntshièm makaam ma bât, Sodom bel’kanum’s busek biasek’s i ben a bol bukun!
Mal mesabel mbok ayim’s Yish.
(Mataay 11.20-24)
13 #
Yesh 23.1-18; Esk 26.1—28.26; Yon 3.4-8; Am 1.9-10; Sak 9.2-4. “Iteem ibey key ikaam i bwiin, ben a Kolasin, iteem ibey key bwiin ben a Betsayid! Ikaam’i mbè mwooy ma makam’l mambaak makeph’t abol bwaa tshik mbè mambaak makeph’t a Tiil akol Sidoon, bât ba baan banaphaal ka ishieey to kaany, banaph’diaal badiing bibweem bamadikol butok, kamotsh banaphaal bakal’l bikelel bibaan! 14Ntshiin mbè, lasu lashaam’l makaam, Tiil baan’i Sidoon bekabalum’s busek babulek bwiin. 15#Yesh 14.13-15.I bwiin, bât ba Kapenum, busaphis ane, bukieen shaang a dike? Bakukakum’s a shin suk a indiy i midju!”
16 #
Mt 10.40; Mak 9.37; Lk 9.48; Yn 13.20. Yish kalwoosaan kamotsh bieentsh baan ane: “Mwoot es’bunyey, amakantshey; mwoot kabunyeedj mbi, kantsheedj miim mbi, wey mbè kantsheedj miim mbi, kanyeedj wey amantom mbi.”
Bieentsh masamashaam’l i baphey banyikadj
17Bieentsh masamashaam’l i baphey kiy baan ikadj i nshaas, besatwoot ane: “Kum, aal’k mieen mibey mis’tawoom’k es’biit mitom’s dweey a diin diaa!”
18Yish kabakal’laan ane: “Namamon mbok ambaak sak’tieem abwaak muna nkaam mu ntshetsh to dik. 19#Ntm 91.13.Wokanyeeny! Namabuyeek bukum bunyak ntshwa akol kot kamotsh ashas’l bunoon’l bukim bu nshaang’dj, kwa iket mbè imotsh yil bukel bweph mbi. 20Ek kabwal’k i nshaas ikaam i mbè mieen mibey miabuwoom’k mbi, ek aalanyeeny i nshaas idik di mbè ane miin miin bamamaphuun a nkaan mu mwoony.”
Yish awok nshaas mubwiik
(Mataay 11.25-27; 13.16-17)
21Mataang makun mantshiin, Yish ambaak i nshaas mubwiik i Mween Musek katwootaan ane: “Taat, Kum a shin i dik! Ndaakas lakeeng labwiik abol bwaa ikaam walak babilieeng binsweey ween ben a bwaany baan’i bayeeph. Ndayim’s Taat ikaam i mbè wamuk mbè biaal ngwoon.
22 #
Yn 3.35; 10.15. Yish katwootaan ane: “Taatieem amampieek biket bikim. Mwoot mbè motsh kesayeeph Mwân aaph mbè kayeeph’dj Taat, kamotsh mwoot kakwok’dj ayeeph Taat mbè kayeeph’dj Mwân mbi, akol wey akun esaan amuk alak mwooy maswaam.”
23A mbisakun Yish kakaph’diaan bos a bieentsh baan, es’balwoos a banamieet ane: “Bwees bwaal i bât besamon mwooy maku mes’bwiin amon! 24Ikaam’i mbè, ndes’bulwoos mbè ane, bangaang babwiik akol bakum bamaaswoot mbokamon mwooy mamon bwiin, ek kabamamon mbi, kamotsh bamaswoot mbokawok mwooy mamwook bwiin, ek kababamawok mbi.”
Nkwoon mu muna Samaliy a mweeng
25 #
Mt 22.35-40; Mak 12.28-34. Nyeeph mikieetsh kieenaan ikaam ikieek Yish. Kamuulaan ane: “Ntaang’dj”, “nakwok’dj akel mbony ikaam namon mwoony mu yoyoo?”
26Yish kamuulaan ane: “Bampuun mbony mikieetsh? Usawok mbony esween abal?”
27 #
Lew 19.18; Dtn 6.5. Mwoot kakal’laan ane: “ ‘Muk Kum Ntshièmaa i ntem mwaa mukim, i ngoniaa ikim, i bwoot bwaa bukim, i bwaany bwaa bukim,’ kamotsh: ‘Umuk mwanyo mbok mintshiin esween dimuk.’”
28 #
Lew 18.5. Yish kankal’laan esanwoos ane: “Wakal’l busek. Kel ngwoon, ul’kaal i mwoony mu yoyoo.”
29Ek nyeeph mikieetsh ambaak i nyiing atwoph’l. Ngwoon, kawuulaan Yish ane: “Mwanameey nyeeny?”
30Yish kankal’laan ane: “Mwoot ambakikum to Yelushalem bos a Yeliko. Ambaakaan a mbok, kanaph baan ituum abol biphaang’t, kansok’l baan mindel, kambol baan busudj, kieen baan, kaneph baan anieem’l a shin akolakol iwa. 31Phwetieek’dj, ntwootsh a Ntshièm kashamaan ambok akun mintshiin. Amonaan mwoot akun anèm’l, kashamaan a nkol mu mbok, kieenaan lieen laan. 32Mbok mintshiin, muna Lewi antwoolaan a indiy ikun, kamonaan mwoot akun, kashamaan a nkol mu mbok kieenaan. 33#2 Kul 28.15.Ek mun a Samaliy, ambaak a lieen, katwoolaan akol mwoot akun. Amaan amon, mweeng kangaat muun. 34Kasem’saan akolakol, kankolaan sedj baan’i maan a phot, kabakaan phot ikun. A mbis akun kanyeengaan adik di kameel, kanaataan bos a mbûl a bieentshambaang, katolaan budit’l bu ibo yaan. 35Aphieen akun, kateyaan phas iphey i ngaang, kayeekaan mun a mbûl, esanwoos ane: ‘Tol budit’l bwaan,’ ‘el’miim ikadj, nayekayeek ikim ilween atey idik diaan.’”
36Ngwoon, Yish kawuulaan nyeeph mikieetsh ane: “A lakeny laa, a ndieeng bât baku baset, nyeeny ambaak akol a mwoot aku ayaat abol biphaang’t?”
37Nyeeph mikieetsh kankal’laan ane: “Wey akun amankes busek.”
Yish kanwoosaan ane: “Yaak, i ween ukel mbok mintshiin.”
Yish a mbûl abol Maat baan’i Maliy
38 #
Yn 11.1. Itaang imbaak Yish baan’i bieentsh baan a mbok, kayiing’laan a bol bweek’dj, ngaat a diin di Maat, kanyeyaan a mbûlaan. 39Maat ambaak i mwayinaan a ngaat, diin diaan Maliy, ambaak ashik a mateem ma Kum, esawom’k dweey diaan. 40Ek Maat ambaak i mingun mibwiik mi mbûl. Kiyaan akol a Yish esanwoos ane: “Kum, kabisaphetsh ikaam i mbè mwanameey esanswool minamieet ikaam ikel ngun? Nwoos ikaam i mbè ingaas!”
41Kum kankal’laan ane: “Maat, Maat, usawok nyeen ikaam i mingun mibwiik milween i miim, 42ek iket imotsh yin idi ngaang. Maliy kasolaan iket imbaak busek, yaaph mbè kabakwok’dj antaam’l mbi.”
ទើបបានជ្រើសរើសហើយ៖
Luk 10: KPBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luk 10
10
Yish atom bieentsh masamasham’l i baphey
1A mbis akun, Yish kasolaan batom masamasham’l i baphey. Kabatomaan baphey baphey a bos bwaan, a mangaan i mandiy makim manaph’diaan ayeen. 2#Mt 9.37-38.Kabalwosaan ane: “Ngwoon i bunen, ek ben a ngun be bukieek.” Ngwoon, lwoomanyeeny Kum a ngwoon ikaam atom ben a ngun babwiik. 3#Mt 10.16.Yaakanyeeny! Ndes’butom muna bân ba phaang andieeng mimbol mibwaaph. 4#Mt 10.7-14; Mak 6.8-11; Lk 9.3-5.Kabutol’k anyeeny phas idia a mbok mbi, mbè saph aal’k masabaat, kabuyeem’tek anyeeny a mbok ikaam iwuum’l mwoot mbi. 5Phweet mikim el’bwiin aying’l a mbûl, twootanyeeny ane: ‘Nkit’l mwaal a mbûl aku.’ 6Mbè a mbûl akun yaal mwoot a nkit’l, nkit’l mwiin mul kaaliaan; mbè bukal nkit’l mukal a bwiin. 7#1 Kol 9.14; 1 Tim 5.18.Bushaalanyeeny a mbûl akun, budianyeeny kamotsh bunyo anyeeny ikim yil’baan abuyeek, ikaam i mbè mun a ngun aku nkim amwa i ikaphiaan. Kabwen’kanyeeny mun mbûl mun mbûl ikaam i biket bidia mbi. 8El’bwiin aying’l a bol, mbè babunyey, dianyeeny ikim yil’baan buyeek, 9bowanyeeny babieel bel a bol bukun, bubalwoos anyeeny ane: ‘Buum bu Ntshièm bwanyik akolakol.’ 10#Bik 13.51.Ek el’bwiin aying’l a bol mbè kababunyeedj mbi, yaakanyeeny a tamioodj ta bol bukun bulwoos bakim ane: 11‘Taakum muus mu bol bwiin mumatabak’t a mateem miit, kamotsh tabukas i muun ikaam i buyeeph’l. Ek buyeeph anyeeny mbè ane bunyim bu Ntshièm bwanyik akolakol!’ 12Ndes’kabushak’s mbè ane, lasu lelashaam’l Ntshièm makaam ma bât, Sodom bel’kanum’s busek biasek’s i ben a bol bukun!
Mal mesabel mbok ayim’s Yish.
(Mataay 11.20-24)
13 #
Yesh 23.1-18; Esk 26.1—28.26; Yon 3.4-8; Am 1.9-10; Sak 9.2-4. “Iteem ibey key ikaam i bwiin, ben a Kolasin, iteem ibey key bwiin ben a Betsayid! Ikaam’i mbè mwooy ma makam’l mambaak makeph’t abol bwaa tshik mbè mambaak makeph’t a Tiil akol Sidoon, bât ba baan banaphaal ka ishieey to kaany, banaph’diaal badiing bibweem bamadikol butok, kamotsh banaphaal bakal’l bikelel bibaan! 14Ntshiin mbè, lasu lashaam’l makaam, Tiil baan’i Sidoon bekabalum’s busek babulek bwiin. 15#Yesh 14.13-15.I bwiin, bât ba Kapenum, busaphis ane, bukieen shaang a dike? Bakukakum’s a shin suk a indiy i midju!”
16 #
Mt 10.40; Mak 9.37; Lk 9.48; Yn 13.20. Yish kalwoosaan kamotsh bieentsh baan ane: “Mwoot es’bunyey, amakantshey; mwoot kabunyeedj mbi, kantsheedj miim mbi, wey mbè kantsheedj miim mbi, kanyeedj wey amantom mbi.”
Bieentsh masamashaam’l i baphey banyikadj
17Bieentsh masamashaam’l i baphey kiy baan ikadj i nshaas, besatwoot ane: “Kum, aal’k mieen mibey mis’tawoom’k es’biit mitom’s dweey a diin diaa!”
18Yish kabakal’laan ane: “Namamon mbok ambaak sak’tieem abwaak muna nkaam mu ntshetsh to dik. 19#Ntm 91.13.Wokanyeeny! Namabuyeek bukum bunyak ntshwa akol kot kamotsh ashas’l bunoon’l bukim bu nshaang’dj, kwa iket mbè imotsh yil bukel bweph mbi. 20Ek kabwal’k i nshaas ikaam i mbè mieen mibey miabuwoom’k mbi, ek aalanyeeny i nshaas idik di mbè ane miin miin bamamaphuun a nkaan mu mwoony.”
Yish awok nshaas mubwiik
(Mataay 11.25-27; 13.16-17)
21Mataang makun mantshiin, Yish ambaak i nshaas mubwiik i Mween Musek katwootaan ane: “Taat, Kum a shin i dik! Ndaakas lakeeng labwiik abol bwaa ikaam walak babilieeng binsweey ween ben a bwaany baan’i bayeeph. Ndayim’s Taat ikaam i mbè wamuk mbè biaal ngwoon.
22 #
Yn 3.35; 10.15. Yish katwootaan ane: “Taatieem amampieek biket bikim. Mwoot mbè motsh kesayeeph Mwân aaph mbè kayeeph’dj Taat, kamotsh mwoot kakwok’dj ayeeph Taat mbè kayeeph’dj Mwân mbi, akol wey akun esaan amuk alak mwooy maswaam.”
23A mbisakun Yish kakaph’diaan bos a bieentsh baan, es’balwoos a banamieet ane: “Bwees bwaal i bât besamon mwooy maku mes’bwiin amon! 24Ikaam’i mbè, ndes’bulwoos mbè ane, bangaang babwiik akol bakum bamaaswoot mbokamon mwooy mamon bwiin, ek kabamamon mbi, kamotsh bamaswoot mbokawok mwooy mamwook bwiin, ek kababamawok mbi.”
Nkwoon mu muna Samaliy a mweeng
25 #
Mt 22.35-40; Mak 12.28-34. Nyeeph mikieetsh kieenaan ikaam ikieek Yish. Kamuulaan ane: “Ntaang’dj”, “nakwok’dj akel mbony ikaam namon mwoony mu yoyoo?”
26Yish kamuulaan ane: “Bampuun mbony mikieetsh? Usawok mbony esween abal?”
27 #
Lew 19.18; Dtn 6.5. Mwoot kakal’laan ane: “ ‘Muk Kum Ntshièmaa i ntem mwaa mukim, i ngoniaa ikim, i bwoot bwaa bukim, i bwaany bwaa bukim,’ kamotsh: ‘Umuk mwanyo mbok mintshiin esween dimuk.’”
28 #
Lew 18.5. Yish kankal’laan esanwoos ane: “Wakal’l busek. Kel ngwoon, ul’kaal i mwoony mu yoyoo.”
29Ek nyeeph mikieetsh ambaak i nyiing atwoph’l. Ngwoon, kawuulaan Yish ane: “Mwanameey nyeeny?”
30Yish kankal’laan ane: “Mwoot ambakikum to Yelushalem bos a Yeliko. Ambaakaan a mbok, kanaph baan ituum abol biphaang’t, kansok’l baan mindel, kambol baan busudj, kieen baan, kaneph baan anieem’l a shin akolakol iwa. 31Phwetieek’dj, ntwootsh a Ntshièm kashamaan ambok akun mintshiin. Amonaan mwoot akun anèm’l, kashamaan a nkol mu mbok, kieenaan lieen laan. 32Mbok mintshiin, muna Lewi antwoolaan a indiy ikun, kamonaan mwoot akun, kashamaan a nkol mu mbok kieenaan. 33#2 Kul 28.15.Ek mun a Samaliy, ambaak a lieen, katwoolaan akol mwoot akun. Amaan amon, mweeng kangaat muun. 34Kasem’saan akolakol, kankolaan sedj baan’i maan a phot, kabakaan phot ikun. A mbis akun kanyeengaan adik di kameel, kanaataan bos a mbûl a bieentshambaang, katolaan budit’l bu ibo yaan. 35Aphieen akun, kateyaan phas iphey i ngaang, kayeekaan mun a mbûl, esanwoos ane: ‘Tol budit’l bwaan,’ ‘el’miim ikadj, nayekayeek ikim ilween atey idik diaan.’”
36Ngwoon, Yish kawuulaan nyeeph mikieetsh ane: “A lakeny laa, a ndieeng bât baku baset, nyeeny ambaak akol a mwoot aku ayaat abol biphaang’t?”
37Nyeeph mikieetsh kankal’laan ane: “Wey akun amankes busek.”
Yish kanwoosaan ane: “Yaak, i ween ukel mbok mintshiin.”
Yish a mbûl abol Maat baan’i Maliy
38 #
Yn 11.1. Itaang imbaak Yish baan’i bieentsh baan a mbok, kayiing’laan a bol bweek’dj, ngaat a diin di Maat, kanyeyaan a mbûlaan. 39Maat ambaak i mwayinaan a ngaat, diin diaan Maliy, ambaak ashik a mateem ma Kum, esawom’k dweey diaan. 40Ek Maat ambaak i mingun mibwiik mi mbûl. Kiyaan akol a Yish esanwoos ane: “Kum, kabisaphetsh ikaam i mbè mwanameey esanswool minamieet ikaam ikel ngun? Nwoos ikaam i mbè ingaas!”
41Kum kankal’laan ane: “Maat, Maat, usawok nyeen ikaam i mingun mibwiik milween i miim, 42ek iket imotsh yin idi ngaang. Maliy kasolaan iket imbaak busek, yaaph mbè kabakwok’dj antaam’l mbi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល