Malukusa 12
12
Eele lyaahiili yepya lyomaviinyu aayinayi
(Mateusa21:33-46; Lukasa20:9-19)
1Yesus okwa tameka oku ya lombwela momayele ta ti, “Okwa li ku na omulumenhu e na epya lyomandjebele. Epya okwe li tula ongubu. Okwa fa oshilambo shokukolela omaviinyu. Okwa tungila mo ongulu yoku kala ngu ta tonatele ehala. Okwa nangeke mo aahiili yepya, ndele ta yi koilongo yokokule. 2Efimbo lyokukola nhyi lya fika, okwa tuma omupiya waye kaahiili yomepya lyomandjebele, ye mu pe oiyimati mbi e na okupewa. 3Ndele aahiili yomepya oya kwata omupika waye, ta ye mu vege, ndele ta ye mu shunifa ko eenyala va shinya. 4Okwa tumununa ko omupiya umwe. Natango oye mu vega eembole momutwe, ta ye mu sifa ohoni. 5Okwa tuma ko natango omupika umwe, ndele oye mu vipaa. Mwene wepya okwa kala noku tuma ko aapiya yaye oyendji, ndele ahiili yepya oya kala noku ya vega nenge taye ya vipaa. 6Omunepya okwa li a saala po nomunhu umwe ike ngu ta vulu oku tuma ko, ngu oye a li omonamati omuholike, nolwahwiinina okwe mu tuma a ye ko ta ti, ‘Ondi shi shi omumwange otaye mu simaneke.’ 7Ndele aahiili yepya lyomiviinyu oya kundafana ya ti, ‘Ngu oye omufiyululi wamwene wepya. Tu mu vipayeni, opo eliko lyi ninge lyetu!’ 8Oye mu kwata, ta ye mu vipaa, ndele taye mu ekele kondje yepya lyomandjebele.
9“Omu shii nhyi mwene wepya lyomandjebele te ya okuninga?” Yesus okwa pula.” Oshili andi mulombwele, aahiili yepya ote ya, e ya vipaye, nepya te li pe po yamwe. 10Inamu lesha nani omishangwa vi,
‘Emanya ndi aatungi ya ekelahi,
olyo lya ninga emanya lya simana komamanya ayehe ndi a li ningi etungo lya kola.
11Nhyi Omuwa e shi ninga,
osha ninga oshikumwifa momeho yetu!” 12Aayambi aakulunhu, aalongimhango naakulunhu oya kambavala okukwata Yesus, shaanhyi oya vibulula kutya okwe ya popya meyele ndi. Ndele molwokutila molwanhyi oya li ya tila aanhu, oye mu fiya po, ndele taa yi.
Epulo kombiga yokufuta oifendela
(Mateusa22:15-22; Lukasa20:20-26)
13Yamwe yomAafalisai nayamwe yomaalanduli yaHelodesa, oya tumwa opo ya kwate Yesus nomapulo meehapu vaye. 14Oye ya kuye, ndele taa ti, “Mulongi, otu ku shii kutya oye omunashili, ku na sha nanhyi aanhu taa vilaavila, shaanhyi oye iho tala kondodo yomunhu, ndele oho longo aanhu ondjila yaKalunga paushili. Tu lombwela, Osha pitikwa nghaa tu yandje oifendela komupangeli Omuroma, nenge inashi pitikwa?”
15Yesus okwa shiwa ekotokelo lyao, ndele ta ti kuyo, “Omolwashi amu yeleke nge? Eteleinge oshimaliwa oshikukutu, ndi shi tale.”
16Ndele oye shi eta. Yesus okwe ya pula a ti, Efano ndi li li ko, olyalye?” Oya yamukula,
“Olyomupangeli Omuroma.”
17Yesus okwe ya lombwela a ti, “Nhyi shomupangeli Omuroma shi peni omupangeli Omuroma, nanhyi shaKalunga, shi peni Kalunga.”
Ndele oya kala ya kuminwa Yesus shili.
Epulo kombiga yeumuko
(Mateusa22:23-33; Lukasa20:27-40)
18Aasadukai yamwe mba haa ti kaku na eumuko oye ya kuYesus, ndele ta ye mu pula taa ti, 19“Mulongi, Moses okwe tu shangela momhango kutya, ‘Nge oku na omulumenhu a sa, a fiya po omukiinhu waye, ndele ye ine mu fiila nande okaana, nena mumwaina omulumenhu na hombole po omukiinhu wamumwaina, opo a valele mumwaina okaana.’ 20Okwa li ku na aalumenhu aamwainafana yaheyali. Ngu wosheeli okwa hombola, ndele ta si ina fiya po okaana. 21Omutiyali okwa hombola po omuselekavi ngo, ndele okwa sa natango ina fiya po okaana. Nomutitatu osho a ninga. 22Ayehe yaheyali oya li ya hombola omukiinhu ngu ndele ayehe oya sa inaya fiya po okaana. Omukiinhu oye a huunina okusa. 23Hano peumuko nhyi aasi taa ka umuka, ota ka ninga omukiinhu walye mwaayehe mba, shaanhyi okwa li a hombolwa kwaayehe mba yaheyali.”
24Yesus okwe ya yamukula a ti, “Nye omwa puka, shaanhyi kamu shii omishangwa neenghono va Kalunga? 25Onghee hano mokuumuka kwawo kousi ihaa ka hombola yo ihaa hombolwa, otaa ka kala nganhyi aayengeli yomeulu. 26Ndele kombiga yeumuko, inamu lesha nani membo lyaMoses mehokololo ndi ali popi oshihwa ashi pi? MuKalunga a lombwela Moses ta ti, ‘Aame Kalunga kaAbeleham, Kalunga kaIsak naKalunga kaYakopo.’ 27Ye ke shi Kalunga kaasi, ndee oKalunga kaanamwenyo. Nye omwa puka unene, mokwiitaela kutya Kalunga ihaka umuva aasi.”
Oshipango oshinene
(Mateusa22:34-40; Lukasa10:25-28)
28Wumwe womaalongimhango okwe ya uva nhyi ta ya kundafana. Okwa vibulula kutya Yesus okwa yamukula Aasadukai nawa. Onghee okwe ya kuYesus, ndele te mu pula ta ti, “Oshipango oshinene shi vule ikwawo ayihe shipi?”
29Yesus okwa yamukula a ti, “Oshipango oshinene shotango osho nhyi, ‘Islaeli pwaikina, Omwene Kalunga ketu, oye ike Omwene. 30Hola Omwene Kalunga koye nomutima woye auhe, nomwenyo woye auhe, nomavilaavilo yoye ayehe, neenghono voye avihe.’ 31Oshipango oshitiyali oshinene oshonhyi, ‘Hola Mukweni nganhyi wiihole mwene.’ Kaku na oshipango shi vule oipango mbi iyali.”
32Nena omulongimhango okwa ti ku Yesus, “Eeno Mulongi, owa popya voshili, nhyi wa ti, Omwene Kalunga oye ike Kalunga, kaku na ali Kalunga umwe. 33Oku hola Kalunga nomutima woye auhe, nomavilaavilo yoye ayehe noneenghono avihe, nokuhola mukweni nganhyi wiihole mwene, oku vule okuyandja omafikiloyambo noiyandjwa ikwawo kuKalunga.”
34Yesus nhyi a mona kutya omulongimhango okwa yamukula nawa, okwa ti kuye, “Oye ku li kokule nOuhamba waKalunga.” Okuza mho kapwa li pu na ngu a li e na omukumo okupula Yesus sha.
Epulo kutya Kilistus olye
(Mateusa22:41-46; Lukasa20:41-44)
35Nhyi Yesus a li ta longo aanhu moluumbo lyEumbo lyaKalunga, okwa pula a ti, “Aalongimhango otaa vulu ngeepi okutya Kilistus owomepata lyaDavid? 36Omhepo Ondjapuki oyo ya twa David omukumo, opo a tye,
Omwene okwa lombwela Omwene wange,
kala omutumba kolulyo lwange,
siyo andi tula aatondi yoye kohi yeemhavi voye.’
37Nge David ye mwene ote mu ifana ‘Omwene’, hano Kilistus omukwapata waDavid pomukalo wupi?”
Yesus ta londova aanhu ya hangale aalongimhango
(Mateusa23:1-36; Lukasa20:45-47)
Ongudu onene yaanhu oya li ya hafa okupwiikina Yesus.
38Yesus okwa longa aanhu a ti, “Kotokeleni aalongimhango mba ye hole okweenda ya zala eenguwo noye hole okusimanekwa kaanhu pomahala mha hapu ongala aanhu, 39yo oye hole okukala omutumba koipundi yasimana mEesinagoga nopomahala ya simana moitufi. 40Ohaya kengelele aaselekavi, ndele taye ya kufa omaliko yawo, nohaa yalikana omaalikano omaleka yomaitalifo. Epangulo lyao ali ka kala eviyu.”
Ongalo yomuselekavi
(Lukasa21:1-4)
41Yesus okwa li omutumba a taalela koshikefa shokuumbila ongalo, ndele okwa mona, nghee aanhu taa tula mo oimaliwa moshikefa. Aayamba oyendji oya tula mo oimaliwa oyindji. 42Opwe ya omuselekavi ohepele nokwa tula mo oimaliwa oikukutu iyali, mbi ya li yi na ongushu oshona lela. 43Yesus okwa ifana aalongwa yaye ye uye kuye, ndele ta ti kuyo, “Oshili andi mu lombwele, Omuselekavi ngu ohepele okwa tula mo oshindji moshikefa shongalo, e vule ayehe mba ya tula mo. 44Shaanhyi ayehe mba, oya tula mo okashona komomauyamba yawo, ndele omuselekavi ngu moluhepo lwaye okwa tula mo ashihe nhyi a li e na, nhyi e na oku hupa musho.”
ទើបបានជ្រើសរើសហើយ៖
Malukusa 12: MBTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Malukusa 12
12
Eele lyaahiili yepya lyomaviinyu aayinayi
(Mateusa21:33-46; Lukasa20:9-19)
1Yesus okwa tameka oku ya lombwela momayele ta ti, “Okwa li ku na omulumenhu e na epya lyomandjebele. Epya okwe li tula ongubu. Okwa fa oshilambo shokukolela omaviinyu. Okwa tungila mo ongulu yoku kala ngu ta tonatele ehala. Okwa nangeke mo aahiili yepya, ndele ta yi koilongo yokokule. 2Efimbo lyokukola nhyi lya fika, okwa tuma omupiya waye kaahiili yomepya lyomandjebele, ye mu pe oiyimati mbi e na okupewa. 3Ndele aahiili yomepya oya kwata omupika waye, ta ye mu vege, ndele ta ye mu shunifa ko eenyala va shinya. 4Okwa tumununa ko omupiya umwe. Natango oye mu vega eembole momutwe, ta ye mu sifa ohoni. 5Okwa tuma ko natango omupika umwe, ndele oye mu vipaa. Mwene wepya okwa kala noku tuma ko aapiya yaye oyendji, ndele ahiili yepya oya kala noku ya vega nenge taye ya vipaa. 6Omunepya okwa li a saala po nomunhu umwe ike ngu ta vulu oku tuma ko, ngu oye a li omonamati omuholike, nolwahwiinina okwe mu tuma a ye ko ta ti, ‘Ondi shi shi omumwange otaye mu simaneke.’ 7Ndele aahiili yepya lyomiviinyu oya kundafana ya ti, ‘Ngu oye omufiyululi wamwene wepya. Tu mu vipayeni, opo eliko lyi ninge lyetu!’ 8Oye mu kwata, ta ye mu vipaa, ndele taye mu ekele kondje yepya lyomandjebele.
9“Omu shii nhyi mwene wepya lyomandjebele te ya okuninga?” Yesus okwa pula.” Oshili andi mulombwele, aahiili yepya ote ya, e ya vipaye, nepya te li pe po yamwe. 10Inamu lesha nani omishangwa vi,
‘Emanya ndi aatungi ya ekelahi,
olyo lya ninga emanya lya simana komamanya ayehe ndi a li ningi etungo lya kola.
11Nhyi Omuwa e shi ninga,
osha ninga oshikumwifa momeho yetu!” 12Aayambi aakulunhu, aalongimhango naakulunhu oya kambavala okukwata Yesus, shaanhyi oya vibulula kutya okwe ya popya meyele ndi. Ndele molwokutila molwanhyi oya li ya tila aanhu, oye mu fiya po, ndele taa yi.
Epulo kombiga yokufuta oifendela
(Mateusa22:15-22; Lukasa20:20-26)
13Yamwe yomAafalisai nayamwe yomaalanduli yaHelodesa, oya tumwa opo ya kwate Yesus nomapulo meehapu vaye. 14Oye ya kuye, ndele taa ti, “Mulongi, otu ku shii kutya oye omunashili, ku na sha nanhyi aanhu taa vilaavila, shaanhyi oye iho tala kondodo yomunhu, ndele oho longo aanhu ondjila yaKalunga paushili. Tu lombwela, Osha pitikwa nghaa tu yandje oifendela komupangeli Omuroma, nenge inashi pitikwa?”
15Yesus okwa shiwa ekotokelo lyao, ndele ta ti kuyo, “Omolwashi amu yeleke nge? Eteleinge oshimaliwa oshikukutu, ndi shi tale.”
16Ndele oye shi eta. Yesus okwe ya pula a ti, Efano ndi li li ko, olyalye?” Oya yamukula,
“Olyomupangeli Omuroma.”
17Yesus okwe ya lombwela a ti, “Nhyi shomupangeli Omuroma shi peni omupangeli Omuroma, nanhyi shaKalunga, shi peni Kalunga.”
Ndele oya kala ya kuminwa Yesus shili.
Epulo kombiga yeumuko
(Mateusa22:23-33; Lukasa20:27-40)
18Aasadukai yamwe mba haa ti kaku na eumuko oye ya kuYesus, ndele ta ye mu pula taa ti, 19“Mulongi, Moses okwe tu shangela momhango kutya, ‘Nge oku na omulumenhu a sa, a fiya po omukiinhu waye, ndele ye ine mu fiila nande okaana, nena mumwaina omulumenhu na hombole po omukiinhu wamumwaina, opo a valele mumwaina okaana.’ 20Okwa li ku na aalumenhu aamwainafana yaheyali. Ngu wosheeli okwa hombola, ndele ta si ina fiya po okaana. 21Omutiyali okwa hombola po omuselekavi ngo, ndele okwa sa natango ina fiya po okaana. Nomutitatu osho a ninga. 22Ayehe yaheyali oya li ya hombola omukiinhu ngu ndele ayehe oya sa inaya fiya po okaana. Omukiinhu oye a huunina okusa. 23Hano peumuko nhyi aasi taa ka umuka, ota ka ninga omukiinhu walye mwaayehe mba, shaanhyi okwa li a hombolwa kwaayehe mba yaheyali.”
24Yesus okwe ya yamukula a ti, “Nye omwa puka, shaanhyi kamu shii omishangwa neenghono va Kalunga? 25Onghee hano mokuumuka kwawo kousi ihaa ka hombola yo ihaa hombolwa, otaa ka kala nganhyi aayengeli yomeulu. 26Ndele kombiga yeumuko, inamu lesha nani membo lyaMoses mehokololo ndi ali popi oshihwa ashi pi? MuKalunga a lombwela Moses ta ti, ‘Aame Kalunga kaAbeleham, Kalunga kaIsak naKalunga kaYakopo.’ 27Ye ke shi Kalunga kaasi, ndee oKalunga kaanamwenyo. Nye omwa puka unene, mokwiitaela kutya Kalunga ihaka umuva aasi.”
Oshipango oshinene
(Mateusa22:34-40; Lukasa10:25-28)
28Wumwe womaalongimhango okwe ya uva nhyi ta ya kundafana. Okwa vibulula kutya Yesus okwa yamukula Aasadukai nawa. Onghee okwe ya kuYesus, ndele te mu pula ta ti, “Oshipango oshinene shi vule ikwawo ayihe shipi?”
29Yesus okwa yamukula a ti, “Oshipango oshinene shotango osho nhyi, ‘Islaeli pwaikina, Omwene Kalunga ketu, oye ike Omwene. 30Hola Omwene Kalunga koye nomutima woye auhe, nomwenyo woye auhe, nomavilaavilo yoye ayehe, neenghono voye avihe.’ 31Oshipango oshitiyali oshinene oshonhyi, ‘Hola Mukweni nganhyi wiihole mwene.’ Kaku na oshipango shi vule oipango mbi iyali.”
32Nena omulongimhango okwa ti ku Yesus, “Eeno Mulongi, owa popya voshili, nhyi wa ti, Omwene Kalunga oye ike Kalunga, kaku na ali Kalunga umwe. 33Oku hola Kalunga nomutima woye auhe, nomavilaavilo yoye ayehe noneenghono avihe, nokuhola mukweni nganhyi wiihole mwene, oku vule okuyandja omafikiloyambo noiyandjwa ikwawo kuKalunga.”
34Yesus nhyi a mona kutya omulongimhango okwa yamukula nawa, okwa ti kuye, “Oye ku li kokule nOuhamba waKalunga.” Okuza mho kapwa li pu na ngu a li e na omukumo okupula Yesus sha.
Epulo kutya Kilistus olye
(Mateusa22:41-46; Lukasa20:41-44)
35Nhyi Yesus a li ta longo aanhu moluumbo lyEumbo lyaKalunga, okwa pula a ti, “Aalongimhango otaa vulu ngeepi okutya Kilistus owomepata lyaDavid? 36Omhepo Ondjapuki oyo ya twa David omukumo, opo a tye,
Omwene okwa lombwela Omwene wange,
kala omutumba kolulyo lwange,
siyo andi tula aatondi yoye kohi yeemhavi voye.’
37Nge David ye mwene ote mu ifana ‘Omwene’, hano Kilistus omukwapata waDavid pomukalo wupi?”
Yesus ta londova aanhu ya hangale aalongimhango
(Mateusa23:1-36; Lukasa20:45-47)
Ongudu onene yaanhu oya li ya hafa okupwiikina Yesus.
38Yesus okwa longa aanhu a ti, “Kotokeleni aalongimhango mba ye hole okweenda ya zala eenguwo noye hole okusimanekwa kaanhu pomahala mha hapu ongala aanhu, 39yo oye hole okukala omutumba koipundi yasimana mEesinagoga nopomahala ya simana moitufi. 40Ohaya kengelele aaselekavi, ndele taye ya kufa omaliko yawo, nohaa yalikana omaalikano omaleka yomaitalifo. Epangulo lyao ali ka kala eviyu.”
Ongalo yomuselekavi
(Lukasa21:1-4)
41Yesus okwa li omutumba a taalela koshikefa shokuumbila ongalo, ndele okwa mona, nghee aanhu taa tula mo oimaliwa moshikefa. Aayamba oyendji oya tula mo oimaliwa oyindji. 42Opwe ya omuselekavi ohepele nokwa tula mo oimaliwa oikukutu iyali, mbi ya li yi na ongushu oshona lela. 43Yesus okwa ifana aalongwa yaye ye uye kuye, ndele ta ti kuyo, “Oshili andi mu lombwele, Omuselekavi ngu ohepele okwa tula mo oshindji moshikefa shongalo, e vule ayehe mba ya tula mo. 44Shaanhyi ayehe mba, oya tula mo okashona komomauyamba yawo, ndele omuselekavi ngu moluhepo lwaye okwa tula mo ashihe nhyi a li e na, nhyi e na oku hupa musho.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International